Tag: پاکستان

نگراں وزیر اعظم انوار الحق کاکڑ کا کہنا ہے کہ پاکستان بڑی طاقتوں کے مقابلے میں فریقین کا انتخاب کیے بغیر اپنے مفادات پر توجہ دے رہا ہے، جبکہ مغرب چین کو محدود کرنے کی کوششوں میں جنون میں مبتلا ہے، پاکستان چین کو اپنا سدابہار دوست اور اسٹریٹجک شراکت دار سمجھتا ہے۔
بدھ کو واشنگٹن پوسٹ میں شائع ہونے والے انٹرویو میں نگراں وزیراعظم نے کہا کہ پاکستان یوکرین کے ساتھ روس کی جنگ پر غیرجانبدار ہے اور چین کو اپنے سدابہار دوست اور اسٹریٹجک شراکت دار کے طور پر دیکھتا ہے۔
انہوں نے کہا کہ یہ سرد جنگ نہیں ہے، یہاں کوئی آئرن کرٹن نہیں ہے، یہ اتنا مبہم نہیں ہے، ہر کوئی دیکھ رہا ہے کہ کیا ہو رہا ہے۔

ان کا کہنا تھا کہ پاکستان ایک ایسی راہ پر گامزن ہے جس کا انتخاب مغرب، روس اور چین کے درمیان مسابقت سے بچنے کے لیے کیا گیا ہے۔ جبکہ
انہوں نے مزید کہا کہ پاکستان امریکہ اور چین کی بڑھتی ہوئی دشمنی میں کسی بھی کیمپ کا حصہ بننے کا کوئی ارادہ نہیں رکھتا۔
انوارالحق کاکڑ نے کہا کہ سوویت یونین کے خلاف اور 9/11 کے بعد دوبارہ مغرب کا ساتھ دے کر پاکستان نے بڑی قیمت ادا کی۔

نگراں وزیراعظم نے کہا کہ گزشتہ 30 سالوں میں پاکستان کے ساتھ مغرب نے غیر منصفانہ سلوک کیا ہے، ’ہر قوم اپنے لیے… ہمیں اس مقابلے کی فکر کیوں کرنی چاہیے؟ یہ دو عظیم طاقتوں، دو عظیم تہذیبوں اور 150 سے زیادہ ممالک پر مضمرات کے درمیان ہے اور پاکستان ان ممالک میں سے صرف ایک ہے۔
یوکرین کے بارے میں پاکستان کے غیر جانبدار مؤقف کا ذکر کرتے ہوئے وزیر اعظم نے کہا کہ یہ بحران چیلنجز پیدا کر رہا ہے اور ساتھ ہی یہ خطے میں مواقع بھی پیدا کر رہا ہے اور ہم اسے دونوں طریقوں سے دیکھ رہے ہیں۔

وزیراعظم نے پاکستان کی جانب سے یوکرین میں جنگی سازوسامان منتقل کرنے کے حوالے سے میڈیا رپورٹ میں الزامات کی سختی سے تردید کرتے ہوئے کہا کہ ہم نے کسی بھی قسم کی فروخت نہیں کی جو براہ راست یوکرین یا حتیٰ کہ کسی تیسرے فریق کے ذریعے بھی کسی قسم کا لین دین ہو۔
پاکستان تحریک انصاف کے کارکنوں کی گرفتاری کے حوالے سے وزیراعظم نے مبینہ زیادتیوں کی تردید کی اور پاکستان کے اقدامات کا موازنہ 6 جنوری 2021 کو امریکی کیپیٹل پر حملہ کرنے والوں کی امریکہ میں گرفتاریوں سے کیا۔
انہوں نے کہا کہ گرفتاریاں غیر قانونی کارروائیوں پر کی جا رہی ہیں، کوئی ایسا شخص جو آتشزنی یا توڑ پھوڑ میں ملوث ہے، یہ اس قسم کا طرز عمل نہیں ہے جسے کسی بھی لبرل جمہوریت کے ذریعہ فروغ دیا جاتا ہے یا اس کی تائید ہوتی ہے، تو پھر پاکستان سے یہ توقع کیوں کی جا رہی ہے کہ ہم اس طرح کے رویے کو معاف کریں؟

الیکشن کمیشن آف پاکستان نے ابتدائی حلقہ بندیوں کی رپورٹ شائع کر دی ہے جبکہ ابتدائی حلقہ بندیوں کی رپورٹ الیکشن کمیشن کی ویب سائٹ پر ڈال دی گئی ہے۔ اور ایکس پر بھی معلومات شیئر کی گئی ہے۔

Preliminary Delimitation 2023:https://t.co/MOWjaTT94Q #ECP pic.twitter.com/471hNlcOcu

— Election Commission of Pakistan (OFFICIAL)🇵🇰 (@ECP_Pakistan) September 27, 2023

جبکہ الیکشن کمیشن کے مطابق حلقہ بندیوں کے نقشہ جات بھی ویب سائٹ پر موجود ہیں، ابتدائی حلقہ بندیوں کی اشاعت 30 دن یعنی 26 اکتوبر تک رہےگی، ابتدائی حلقہ بندیوں پر اعتراضات متعلقہ حلقےکا ووٹر کرسکتا ہے۔
تاہم خیال رہے کہ الیکشن کمیشن کا کہنا ہےکہ 28 اکتوبر سے 26 نومبر تک اعتراضات پر فیصلےکیے جائیں گے، اعتراضات جمع کرانے والے کے لیے لازم ہےکہ وہ متعلقہ حلقےکا ووٹر ہو، ضلعےکے نقشے الیکشن کمیشن سے قیمت ادا کرکے لیے جاسکتے ہیں۔
علاوہ ازیں الیکشن کمیشن کے مطابق وفاقی دارالحکومت اسلام آباد ک ی آبادی 23 لاکھ 63 ہزار 863 ہے، اسلام آباد میں قومی اسمبلی کی نشتیں 3 ہیں، اسلام آباد میں قومی اسمبلی کی ایک نشست کا کوٹہ 7 لاکھ 87 ہزار 954 ہے تاہم پنجاب کی آبادی 12 کروڑ 76 لاکھ 88 ہزار 922 ہے، پنجاب میں قومی اسمبلی کی نشستیں 141 ہیں، پنجاب میں قومی اسمبلی کی ایک نشست کا کوٹہ 9 لاکھ 5 ہزار 595 ہے۔
پنجاب میں صوبائی اسمبلی کی نشستیں 297 ہیں، صوبائی اسمبلی کی ایک نشست کا کوٹہ 4 لاکھ 29 ہزار 929 ہے۔
سندھ کی آبادی 5 کروڑ 56 لاکھ 96 ہزار 147 ہے، سندھ میں قومی اسمبلی کی نشستوں کی تعداد 61 ہے، سندھ میں قومی اسمبلی کی ایک نشست کا کوٹہ 9 لاکھ 13 ہزار 52 ہے۔
سندھ میں صوبائی اسمبلی کی 130نشستیں ہیں، سندھ میں صوبائی اسمبلی کی ایک نشست کا کوٹہ 4 لاکھ 28 ہزار 432 ہے۔کراچی کی قومی اسمبلی کی نشستوں کی تعداد 22 ہے،کراچی کے7 اضلاع میں سندھ اسمبلی کی نشستیں47 ہیں۔
الیکشن کمیشن کی رپورٹ کے مطابق خیبرپختونخوا کی آبادی 4کروڑ 8 لاکھ 56 ہزار 97 ہے، خیبرپختونخوا کی قومی اسمبلی کی نشستیں 45 ہیں، یہاں قومی اسمبلی کی ایک نشست کا کوٹہ 9 لاکھ7 ہزار 913 ہے، صوبے میں صوبائی اسمبلی کی 115نشستیں ہیں، صوبائی اسمبلی کی ایک نشست کا کوٹہ 3 لاکھ55 ہزار 270 ہے۔
الیکشن کمیشن کے مطابق بلوچستان کی آبادی 1 کروڑ 48 لاکھ 94 ہزار 402 ہے، بلوچستان میں قومی اسمبلی کی نشستوں کی تعداد16 ہے، یہاں قومی اسمبلی کی ایک نشست کا کوٹہ 9 لاکھ 30 ہزار 900 ہے۔
بلوچستان میں صوبائی اسمبلی کی نشستوں کی تعداد 51 ہے، بلوچستان میں صوبائی اسمبلی کی ایک نشست کا کوٹہ 2 لاکھ 92 ہزار 47 ہے۔

رہنما مسلم لیگ ن خرم دستگیرکا کہنا ہےکہ نواز شریف ملک کی دو عدالتوں کی مرضی سے باہرگئے تھے، اب عدالت کی ہی مرضی سے واپس آئیں گے جبکہ نجی ٹی وی سے گفتگو کرتے ہوئے رہنما مسلم لیگ ن خرم دستگیر نے نگران وفاقی وزیر داخلہ سرفراز بگٹی کو جواب دیتے ہوئےکہا کہ نواز شریف ائیرپورٹ سے پہلے مینارپاکستان جائیں گے پھر اگلے دن عدالت جائیں گے۔
جبکہ خرم دستگیر کا کہنا تھا کہ ن لیگ کے نئے بیانیےکا اعلان نواز شریف مینار پاکستان کے جلسے میں کریں گے، نواز شریف 21 اکتوبر کو واپس آرہے ہیں، عوام کو یہ سمجھانا ہےکہ مہنگائی کے ذمہ دار وہ لوگ ہیں جو 2014 سے سیاسی انجینیئرنگ کرتے رہے، 2013 میں حالات خراب تھے، نواز شریف نے ملک کو بدترین حالات سے نکالا، آج بھی مشکل حالات سے نواز شریف ملک کو نکال سکتے ہیں۔

ان کا کہنا تھا کہ 16ماہ کی حکومت کی کامیابیوں اور ناکامیوں کی ذمہ داری 15 جماعتوں پر ہے ، 16 ماہ کی مسلم لیگ ن کی کارکردگی ڈوبی ہوئی کشتی کو نکالنےکی کہانی ہے، ن لیگ کو اکثریت ملی تو نیب کے معاملے پر عمل درآمد کریں گے تاہم انہوں نےکہا کہ شاہد خاقان عباسی کو بتانا چاہیے تھا کہ کراچی میں آج امن ہے تو کریڈٹ ن لیگ کو جاتا ہے، آج جو دہشت گردی بڑھ رہی ہے عمران خان اور عارف علوی نے 2021 میں طالبان کو عام معافی کی آفر کی تھی اور لاکر بسایا، یہ اس کے مضمرات ہیں۔

پاکستان پیپلز پارٹی کے سینئر رہنماء قادر مندوخیل نے انکشاف کیا کہ انوار الحق نےحلف لینےسے قبل مریم نواز سے ملاقات کی تھی اور ن لیگ میں شمولیت کی خواہش کا اظہار کیاتھا۔ جبکہ نجی ٹی وی سے بات کرتے ہوئے قادر مندوخیل نے کہا ہے کہ حلف لینے سے ایک ہفتے پہلے انوار الحق کاکڑ نےپاکستان مسلم لیگ ن کی چیف آرگنائزر مریم نواز سے ملاقات کی اورپارٹی میں شمولیت کی خواہش کا اظہار کیاتھا،اگر کسی کو ثبوت چاہیں تو میں دے سکتا ہوں۔

جبکہ انہوں نے مزید کہا کہ جو بیان نگران وفاقی وزیر داخلہ نے دیا کوئی اور بھی ہوتا تو یہی دیتا، پتہ نہیں مریم اورنگزیب اور رانا ثنااللہ اس بیان کو ہوا دے کر کیا حاصل کرنا چاہتے ہیں، پوری پی ڈی ایم کو ضمنی الیکشن میں جیالوں نے ہرایا اور مجھےاسمبلی میں بھیجا، ایکسٹنش کے معاملے پر وقت کے پرائم منسٹر کو اختیار ہونا چاہیے، پیپلز پارٹی نے وقت کے وزیراعظم کو ایکسٹنشن کا ووٹ دیا۔

رہنما پیپلز پارٹی کا کہنا تھا کہ میاں نواز شریف کی مرضی نہ ہو تو ن لیگ کا ایک ایم این اے بھی نہیں ہل سکتا، ہم اتحادی حکومت میں اپنے رول کے ذمہ دار ہیں ، وزارت خارجہ میں ہمارا رول سب کے سامنے ہے اور قادر مندوخیل کا مزید کہنا تھا کہ ایک ایسے شخص کو اپوزیشن لیڈر بنایا گیا جس نے ن لیگ کا ٹکٹ لینا تھا۔