Baaghi TV

Tag: پاکستان

  • پٹرولیم مصنوعات؛فروخت میں 16 فیصد کمی ریکارڈ

    پٹرولیم مصنوعات؛فروخت میں 16 فیصد کمی ریکارڈ

    پٹرولیم مصنوعات؛فروخت میں 16 فیصد کمی ریکارڈ ہوئی ہے جبکہ اوسی اے سی اور انڈسٹری کے اعدادوشمارکے مطابق جولائی سے ستمبر تک کی مدت میں 3.77ملین ٹن پٹرولیم مصنوعات کی فروخت ریکارڈ کی گئی جو گزشتہ مالی سال کی اسی مدت کے مقابلے میں 16فیصد کم ہے تاہم گزشتہ مالی سال کی اسی مدت میں 4.49ملین ٹن پٹرولیم مصنوعات کی فروخت ریکارڈ کی گئی تھی۔ ستمبرمیں 1.01ملین ٹن پٹرولیم مصنوعات کی فروخت دیکھنے میں آئی جوگزشتہ سال ستمبرکے مقابلے میں 34فیصد کم ہے۔

    جبکہ گزشتہ سال ستمبرمیں 1.52ملین ٹن پٹرولیم مصنوعات کی فروخت ریکارڈ کی گئی تھی اور اگست کے مقابلے میں ستمبرمیں پٹرولیم مصنوعات کی فروخت میں ماہانہ بنیادوں پر16فیصد کی کمی ریکارڈ کی گئی ۔اگست میں 1.41 ملین ٹن پٹرولیم مصنوعات کی فروخت ریکارڈ کی گئی جو ستمبر میں کم ہوکر1.01ملین ٹن ہوگئی۔
    مزید یہ بھی پڑھیں؛
    سیمنٹ کی قیمت میں بھی اضافہ https://login.baaghitv.com/cement-ki-qemat-me-izafa/
    آئی سی سی پی کی جرائم کی شرح میں نمایاں کمی پر تمام افسران کو شاباش
    ممی کو 128 سال بعد مناسب طریقے سے دفنانے کی اجازت دے دی گئی
    انتخابات میں عالمی مبصرین کو بلانے بارے الیکشن کمیشن کا اجلاس
    امریکی کرنسی کے مقابلے روپیہ مزید تگڑا

    علاوہ ازیں اعدادوشمارکے مطابق پہلی سہ ماہی میں پٹرول کی فروخت میں سالانہ بنیادوں پر ایک فیصد،ہائی سپیڈ ڈیزل کی فروخت میں 2فیصد اور فرنس آئل کی فروخت میں سالانہ بنیادوں پر65فیصد کی کمی ریکارڈ کی گئی، پی ایس او کی پٹرولیم مصنوعات کی فروخت میں پہلی سہ ماہی کے دوران سالانہ بنیادوں پر 19فیصد،اٹک پٹرولیم 7فیصد،شیل16فیصدکمی جبکہ حیسکول کی پٹرولیم مصنوعات کی فروخت میں پہلی سہ ماہی کے دوران سالانہ بنیادوں پر35فیصد کا اضافہ ریکارڈ کیا گیا۔

  • سیمنٹ کی قیمت میں بھی اضافہ

    سیمنٹ کی قیمت میں بھی اضافہ

    پاکستان بیوروبرائے شماریات کی جانب سے اس بارے میں جاری کردہ اعدادوشمارکے مطابق 27 ستمبرکوختم ہونے والے ہفتہ میں ملک کے شمالی علاقوں میں سیمنٹ کی فی بوری کی اوسط ریٹیل قیمت 1210 روپے ریکارڈکی گئی جوپیوستہ ہفتہ کے مقابلہ میں 0.29 فیصدزیادہ ہے، پیوستہ ہفتہ میں ملک کے شمالی علاقوں میں سیمنٹ کی فی بوری کی اوسط ریٹیل قیمت 1206 روپے ریکارڈکی گئی تھی۔

    جبکہ اسی طرح ملک کے جنوبی علاقوں میں 27 ستمبرکوختم ہونے والے ہفتہ میں سیمنٹ کی فی بوری کی اوسط ریٹیل قیمت 1171 روپے ریکارڈکی گئی جوپیوستہ ہفتہ میں بھی 1171 روپے تھی۔اعددوشمارکے مطابق گزشتہ ہفتہ کے دوران اسلام آباد میں سیمنٹ کی فی بوری کی اوسط ریٹیل قیمت 1206 روپے، راولپنڈی 1201 روپے، گوجرانوالہ 1200 روپے، سیالکوٹ 1200 روپے، لاہور1250 روپے،فیصل آباد1200 روپے، سرگودھا1193 روپے، ملتان 1214 روپے،بہاولپور1243 روپے، پشاور1200 روپے اوربنوں میں 1200 روپے ریکارڈکی گئی۔
    مزید یہ بھی پڑھیں؛
    عالمی بینک سے قرض لینے والا سب سے بڑا ملک کون؟
    آئی سی سی پی کی جرائم کی شرح میں نمایاں کمی پر تمام افسران کو شاباش
    ممی کو 128 سال بعد مناسب طریقے سے دفنانے کی اجازت دے دی گئی
    انتخابات میں عالمی مبصرین کو بلانے بارے الیکشن کمیشن کا اجلاس
    امریکی کرنسی کے مقابلے روپیہ مزید تگڑا

    تاہم کراچی میں سیمنٹ کی فی بوری کی اوسط ریٹیل قیمت 1144 روپے، حیدرآباد1150 روپے،سکھر1200 روپے، لاڑکانہ 1173 روپے، کوئٹہ 1190 روپے اورخضدرارمیں سیمنٹ کی فی بوری کی اوسط ریٹیل قیمت 1170 روپے ریکارڈکی گئی۔

  • عالمی بینک سے قرض لینے والا سب سے بڑا ملک کون؟

    عالمی بینک سے قرض لینے والا سب سے بڑا ملک کون؟

    پاکستان عالمی بینک سے قرض لینے والا سب سے بڑا ملک بن گیا ہے اور ایک رپورٹ کے مطابق سال 2023 میں پاکستان نے انٹرنیشنل ڈیولپمنٹ ایسوسی ایشن پروگرام کے تحت 2 ارب 30 کروڑ ڈالرز کا قرض لیاجبکہ آئی ڈی اے سے سیلاب متاثرین کو ایک ارب 70 کروڑڈالرکی امداد فراہم کی گئی تاہم رپورٹ میں یہ بھی بتایا گیا کہ سیلاب متاثرین کو مکانات کی تعمیر اور فصلوں کے لیے امداد دی گئی، سیلاب متاثرین کو تعلیم و صحت کے شعبوں کے لیے امداد دی گئی۔

    جبکہ آئی ڈی اے کے ذریعے پاکستان کو بجٹ سپورٹ کے لیے ایک ارب ڈالرز فراہم کیے گئے ہیں اور رپورٹ میں واضح چور پر بتایا گیا کہ پنجاب میں موسمیاتی تبدیلیوں کا مقابلہ کرنے کے لیے 20 کروڑ ڈالر کا پروگرام شروع کیا گیا۔
    مزید یہ بھی پڑھیں؛
    آئی سی سی پی کی جرائم کی شرح میں نمایاں کمی پر تمام افسران کو شاباش
    ممی کو 128 سال بعد مناسب طریقے سے دفنانے کی اجازت دے دی گئی
    انتخابات میں عالمی مبصرین کو بلانے بارے الیکشن کمیشن کا اجلاس
    امریکی کرنسی کے مقابلے روپیہ مزید تگڑا

    دوسری طرف عوام کے حالات دیکھیں تو وہ بھی ابتر ہیں اور اتنے سارے قرضوں‌کے باوجود بھی حالات نہیں بدلے ہیں اور عوام اب بھی مہنگائی کی چکی میں پس رہے ہیں اور ان کے پاس کھانے تک کے پیسے نہیں اور ناہی دوائی کے پیسے ہیں.

  • ملالہ یوسفزئی 21 واں سالانہ نیلسن منڈیلا لیکچر دیں گی

    ملالہ یوسفزئی 21 واں سالانہ نیلسن منڈیلا لیکچر دیں گی

    نیلسن منڈیلا فاؤنڈیشن نے ایک اعلان میں بتایا ہے کہ پاکستانی نوبیل انعام یافتہ ملالہ یوسفزئی دسمبر میں 21 واں سالانہ نیلسن منڈیلا لیکچر دیں گی جس سے وہ اس پروقار فورم پر خطاب کرنے والی اب تک کی سب سے کم عمر ترین شخصیت بن جائیں گی جبکہ واضح رہے کہ نیلسن منڈیلا فاؤنڈیشن ایک غیر منافع بخش تنظیم ہے جسے منڈیلا نے 1999 میں سب کے لیے آزادی اور مساوات کو فروغ دینے کے لیے قائم کیا تھا۔ سالانہ لیکچر کے سابقہ مقررین میں اقوامِ متحدہ کے سیکرٹری جنرل انتونیو گوتیرس، مائیکروسافٹ کے بانی اور عطیہ دہندہ بل گیٹس، آرچ بشپ ڈیسمنڈ ٹوٹو اور اقوامِ متحدہ کے سابق سیکرٹری جنرل کوفی عنان سمیت دیگر شامل ہیں۔


    علاوہ ازیں فاؤنڈیشن نے اپنی ویب سائٹ پر بھی اس بات کا اعلان کیا کہ نوبل امن انعام یافتہ ملالہ یوسفزئی 5 دسمبر 2023 کو جوہانسبرگ میں 21 واں سالانہ نیلسن منڈیلا لیکچر دیں گی جبکہ عالمی ادارہ کی خبر کے مطابق نیلسن منڈیلا فاؤنڈیشن کے قائم مقام سی ای ورن ہیرس نے واضح کیا کہ ملالہ یوسف زئی اس قسم کی قیادت کو مجسم کرتی ہیں جس کا ہمیں یقین ہے کہ دنیا کو معاشرے کی تمام سطحوں پر ضرورت ہے۔ موجودہ عالمی چیلنجوں کے پیشِ نظر جو نہایت مشکل لگ سکتے ہیں، وہ ایک منصفانہ اور مساوی مستقبل کے لیے امید کی ایک متأثرکن علامت کے طور پر کھڑی ہیں۔

    تاہم اس سال کے سالانہ لیکچر میں اہم سوالات حل کرنے کی کوشش کی جائے گی بشمول یہ کہ مقامی اور عالمی سطح پر کس قسم کی قیادت کی ضرورت ہے، زیادہ منصفانہ مستقبل کے حصول کے لیے جس طرح کی قیادت کی ضرورت ہے اسے کیسے عملی شکل دی جائے اور زیادہ منصفانہ مستقبل کے لیے وژن کیا ہے۔ جبکہ خیال رہے کہ ملالہ نے دس سال کی عمر میں شمال مغربی پاکستان میں طالبان کے دورِ حکومت میں زندگی کے موضوع پر بی بی سی کے لیے ایک گمنام ڈائری لکھنا شروع کی تھی۔ 2012 میں لڑکیوں کی تعلیم کی وکالت کرنے پر عسکریت پسندوں نے انہیں سر میں گولی مار دی تھی۔
    مزید یہ بھی پڑھیں؛
    انتخابات میں عالمی مبصرین کو بلانے بارے الیکشن کمیشن کا اجلاس
    امریکی کرنسی کے مقابلے روپیہ مزید تگڑا
    جبکہ 2014 میں وہ نوبل امن انعام جیتنے والی اب تک کی کم عمر ترین شخصیت بن گئیں ہیں اور ان کی غیر منافع بخش تنظیم ملالہ فنڈ متعدد ممالک میں تعلیمی منصوبوں کو فنڈ دیتی ہے اور بین الاقوامی رہنماؤں اور مقامی شراکت داروں کے ساتھ مل کر زمین پر اختراعی حل میں سرمایہ کاری کرتی ہے اور عالمی سطح پر تمام لڑکیوں کے لیے معیاری تعلیم کی وکالت کرتی ہے۔

  • پاکستان میں افغان مہاجرین کے خطرے کا از سر نو جائزہ

    پاکستان میں افغان مہاجرین کے خطرے کا از سر نو جائزہ

    2007 میں، پاکستان نے اپنی سرحدوں کے اندر افغان مہاجرین کے لیے رجسٹریشن کا عمل شروع کیا، رجسٹریشن کا ثبوت (POR) کارڈ جاری کیا۔ ان کارڈز میں عارضی قانونی حیثیت، نقل و حرکت کی آزادی، اور فارنرز ایکٹ 1946 سے استثنیٰ کی پیشکش کی گئی تھی۔ اصل میں یہ 2017 تک جاری رہنے کا ارادہ تھا، افغانستان میں جاری عدم استحکام کی وجہ سے اس انتظام کو بڑھایا گیا تھا۔ اس کے بعد، کسی بھی نئے افغان پناہ گزین کو اقوام متحدہ کے ہائی کمشنر برائے مہاجرین (UNHCR) کے ذریعے کیے گئے مہاجرین کی حیثیت کے تعین کے طریقہ کار سے گزرنا پڑا۔

    یہ واضح کرنا ضروری ہے کہ پاکستان میں افغان مہاجرین کو مستقل رہائش کے حقوق حاصل نہیں ہیں۔ پاکستان جیسے ممالک پر جو پہلے ہی معاشی اور سیاسی چیلنجز سے نبرد آزما ہیں، مہاجرین کی آمد سے مزید بوجھ نہیں بڑھ سکتا۔ مہاجرین کی آڑ میں پاکستان میں داخل ہونے والے افرادسے معاشی دباؤ میں اضافہ ہواجو ممکنہ طور پر اضافی مسائل کا باعث بن سکتے ہیں۔

    اس پروگرام کا بنیادی مقصد افغانوں کو محفوظ پناہ گاہ فراہم کرنا تھا جنہیں امریکہ کے ساتھ وابستگی کی وجہ سے طالبان کا نشانہ بنایا جا سکتا ہے۔ اس میں وہ لوگ شامل ہیں جو اسپیشل امیگریشن ویزا (ایس آئی وی) پروگرام کے لیے اہل نہیں ہیں، جس میں مترجموں اور دیگر لوگوں کو شامل کیا گیا ہے، جنہوں نے امریکہ کی حکومت کے لیے کام کیا

    اکتوبر 2020 کی UNHCR کی رپورٹ کے مطابق، تقریباً 50 لاکھ افغان اپنے آبائی ملک سے باہر بے گھر ہوئے، جن میں سے 90 فیصد کی میزبانی پاکستان اور ایران نے کی۔ (ماخذ: UNHCR. CITATON: "ایران میں پناہ گزین،” https://www.unhcr.org/ir/refugees-in-iran/

    تاہم افغانستان میں طالبان کے اقتدار میں آنے کے بعد سے پاکستان کے اندر دہشت گردانہ حملوں میں اضافہ ہوا ہے۔ افغان پناہ گزینوں کی موجودگی سے پیدا ہونے والے سیکورٹی خطرات ایک سنگین تشویش کا باعث بن چکے ہیں۔

    مزید افغان ٹرانزٹ ٹریڈ معاہدے کا اسمگلروں نے فائدہ اٹھایا۔ اس غلط استعمال میں اہم کردار ادا کرنے والا ایک اہم عنصر پی ٹی آئی حکومت کی طرف سے اکتوبر 2022 میں کراچی کی بندرگاہوں اور پورٹ قاسم پر "ان ٹرانزٹ ٹو افغانستان” کے طور پر سامان کی مہر لگانے کو روکنے کا فیصلہ تھا۔ دفتر خارجہ کی ترجمان ممتاز زہرہ بلوچ کے مطابق، اس معطلی نے ایک خامی پیدا کر دی ہے، جس سے افغانستان کے لیے تیار کردہ مصنوعات پر ٹیکس اور کسٹم فیس بغیر ادائیگی کی جا سکتی ہے جب انہیں پاکستان واپس کیا جاتا ہے۔

    پاکستان میں افغان مہاجرین کی صورتحال پیچیدہ اور کثیر الجہتی ہے۔ جہاں ایک انسانی پہلو پر غور کرنا ہے، وہیں سیکورٹی اور اقتصادی خدشات کو بھی دور کرنا ہوگا۔ پاکستان کو پناہ گزینوں کی اس آبادی کو سنبھالنے میں اہم چیلنجز کا سامنا ہے، اور ایک متوازن اور پائیدار حل تلاش کرنے کے لیے UNHCR جیسی بین الاقوامی تنظیموں کی مشاورت سے صورتحال کا از سر نو جائزہ لینا ضروری ہے۔

  • ملک میں مہنگائی میں مزید اضافہ، شرح 31.44 فیصد تک جا پہنچی

    ملک میں مہنگائی میں مزید اضافہ، شرح 31.44 فیصد تک جا پہنچی

    اسلام آباد: پاکستان میں مہنگائی کی سالانہ شرح ستمبر میں4 31.4 فیصد ہوگئی جو اگست میں 27.4 فیصد تھی۔

    باغی ٹی وی: ادارہ شماریات کے مطابق بنیادی افراط زر 0.2 فیصد پوائنٹس بڑھ گیا جو اگست میں 18.4 فیصد پر تھا، جب کہ ہول سیل پرائس انڈیکس جولائی-ستمبر میں 0.92 فیصد اضافے کے بعد 24.61 فیصد پر جا پہنچا ستمبر میں اشیائے خور ونوش کی مہنگائی کی شرح میں بدستور اضافہ ہوا اور 33.1 فیصد پر پہنچ گئی ہے اور سالانہ بنیاد پر 38.4 فیصد ہوگئی ہے۔

    رپورٹ کے مطابق شہری علاقوں میں سالانہ مہنگائی کی شرح 29.7 فیصد تک بڑھی ہے اور دیہی علاقوں میں 33.9 فیصد ہوگئی ہےرواں مالی سال 24-2023 کی پہلی سہ ماہی (جولائی تا ستمبر) میں اوسط افراط زر 29.04 فیصد رہی جو گزشتہ سال کے اسی عرصے میں 25.11 فیصد تھی۔ ماہ بہ ماہ کی بنیاد پر یہ ستمبر 2023 میں بڑھ کر 2 فیصد ہوا جب کہ اس سے پچھلے ماہ میں 1.7 فیصد اضافہ اور ستمبر 2022 میں 1.2 فیصد کی کمی واقع ہوئی تھی سی پی آئی افراط زر کی شرح ستمبر 2023 میں سال بہ سال کی بنیاد پر بڑھ کر 29.7 فیصد ہوگئی۔

    پاکستان میں ریاستی اور غیر ریاستی عناصر انسانی حقوق کارکنان کو دھمکا رہے ہیں،اقوام متحدہ

    دیہی علاقوں میں سی پی آئی افراط زر کی شرح سال بہ سال کی بنیاد پر 33.9 فیصد رہی جبکہ اس سے پچھلے ماہ یہ 30.9 فیصد پر تھی سال بہ سال کے دوران حساس پرائس انڈیکس (ایس پی آئی) افراط زر ستمبر 2023 میں بڑھ کر 32 فیصد، ہول سیل پرائس انڈیکس (ڈبلیو پی آئی) سالانہ بنیاد پر افراط زر کی شرح ستمبر 2023 میں اضافے سے 26.4 فیصد اور نان فوڈ نان انرجی اربن کی پیمائش 0 اشاریہ 2 فیصد بڑھ کر 18.6 فیصد ریکارڈ کی گئی۔

    سالانہ بنیاد پر بجلی چارجز 163 فیصد، مصالحے 158 فیصد، میوہ جات 99 فیصد، کپڑے اورجوتے 24 فیصد، ادویات 71 فیصد، الکوہلک بیوریجز اور تمباکو 87.45 فیصد، گھریلو اشیا 39.32 فیصد، اشیائے خورونوش 38.41 فیصد، دیگر اشیا اور خدمات 36.42 فیصد، ریسٹور نٹس اور ہوٹلز 34.3 فیصد، تعلیم 11.12 فیصد، مواصلات 7.42 فیصد، ہاؤسنگ اور یوٹیلیٹیز 29.7 فیصد، صحت 25.28 فیصد مہنگا ہوا-

    بنگلہ دیش:سابق وزیر اعظم خالدہ ضیا کو علاج کی غرض سے بیرون ملک جانے سے …

    ادارہ شماریا ت کے مطابق اگست میں پیاز 39.32 فیصد، دال مسور 19.80 فیصد، تازہ سبزیاں 11.77 فیصد، چینی 10.28 فیصد جب کہ دال ماش 9.46 فیصد، دال مونگ 5.51 فیصد، پھل 4.46 فیصد اور دال چنا کی قیمت میں 2.9 فیصد اضافہ ہوا اس کے علاوہ ٹماٹر 13.80 فیصد، زندہ مرغی 11.82 فیصد، کوکنگ آئل 1.52 فیصد، آلو 1.07 فیصد، گندم 0.95 فیصد، چائے کی پتی 0.73 فیصد اور آٹے کی قیمت میں 0.40 فیصد کمی ریکارڈ کی گئی ستمبر 2023 کے ہول سیل پرائس انڈیکس میں اگست 2023ء کے مقابلے میں 3.15 فیصد اضافہ ہوا یہ گزشتہ سال کے ستمبر کے مقابلے میں بڑھ کر 26.39 فیصد ہوگئی۔

  • پاکستان کی کوششوں میں بہتری کیلئے تعاون جاری رکھیں گے،امریکا

    پاکستان کی کوششوں میں بہتری کیلئے تعاون جاری رکھیں گے،امریکا

    واشنگٹن: امریکا کا کہنا ہے کہ انسداد دہشت گردی کیلئے پاکستان کے ساتھ کثیر الجہتی فورمز پر تعاون جاری ہے۔

    باغی ٹی وی: ترجمان امریکی محکمہ خارجہ میتھیو ملر نے پریس بریفنگ میں کہا کہ انسداد دہشتگردی کیلئے پاکستان سےتعاون جاری ہے، ان میں دہشت گرد گروہوں کی فہرست اور عالمی حکمت عملی سمیت متعدد امور شامل ہیں ہر قسم کی پرتشدد انتہا پسندی کا مقابلہ کرنے کے لیے پاکستان کی کوششوں میں بہتری کیلئے تعاون جاری رکھیں گے۔

    ترجمان امریکی محکمہ خارجہ نے ایک بار پھر پاکستان میں خود کش حملے کی مذمت کی اورانہوں نے کہا کہ سکھ رہنما قتل معاملے میں امریکا کینیڈا کے ساتھ قریبی رابطے میں ہے بھارتی حکومت پر زور دیا ہے کہ کینیڈا کی تحقیقات میں تعاون کرے۔

    مملکت میں غیر قانونی طور پر مقیم افراد کیخلاف کاروائیاں تیز

    خلابازی کانگریس میں سعودی خلائی ایجنسی کی امید افزا شرکت

    بھارت اور بنگلہ دیش میں زلزلے کے جھٹکے

  • نواز شریف کورٹ کے سامنے سرنڈر کریں. عابد ساقی

    نواز شریف کورٹ کے سامنے سرنڈر کریں. عابد ساقی

    پروگرام کھرا سچ میں اینکرپرسن مبشر لقمان سے بات کرتے ہوئے سابق وائس چیئر مین پی بی سی عابد ساقی نے کہا کہ سابق وزیر اعظم نواز شریف کو چاہئے کہ وہ عدالت کے سامنے آکر سرنڈر کردیں اور اس کا طریقہ یہ ہے کہ وہ ایک درخواست لکھیں اور کہیں کہ میں عدالت کے سامنے خود کو سرنڈر کرنا چاہتا ہوں جبکہ انہوں نے مزید کہا کہ اس کے علاوہ بھی ایک قانونی طریقہ ہے اور وہ یہ کہ اگر ان کو گرفتاری کا ڈر ہے تو وہ عدالت سے گزارش کریں کہ مجھے گرفتاری کا ڈر ہے لہذا میں جو بھی عدالتی پراسیز ہے اس میں شامل ہونا چاہتا ہوں.

    سابق وائس چیئرمین پاکستان بار کونسل کا یہ بھی کہنا تھا کہ چونکہ اس ملک میں قانون سب کیلئے برابر نہیں ہے لہذا وہ پاور فل لوگوں سے بات کریں جیسے کہ یہاں قانون کے طاقت کت تابع چلتا ہے لہذا ہے اسی کا سہارا لیا جاسکتا ہے.

    واضح رہے کہ عابد ساقی نے موقف اپنایا کہ جب سب چیزیں طے ہوجائیں گی تو پھر کوئی مسئلہ بھی نہیں ہوگا لہذا ابھی وہی چیزیں طے کرنے کی کوشش کی جارہی ہے، کیونکہ یہ بالکل واضح ہے کہ عام آدمی اور کسی خاص کیلئے قانون بالکل بھی برابر نہیں ہے۔


    مزید یہ بھی پڑھیں؛
    ڈونلڈ ٹرمپ نے اپنے خلاف کاروائی کو انتقامی قرار دے دیا

    مذہبی ہم آہنگی کے فروغ کیلیے اسلامی نظریاتی کونسل کو مزید متحرک ہونا ہو گا،وزیراعظم
    نومبر یا مارچ میں الیکشن کرایا جائے ، مولانا عبدالواسع
    امریکی ڈالر کے مقابلے روپیہ کی قدر میں مزید بہتری
    علاوہ ازیں صدر سپریم کورٹ بار عابد زبیری نے کہا کہ پی آئی اے ایک زمانے میں بہت اعلیٰ ائیر لائنز ہوا کرتی تھی جبکہ اب خود حال دیکھ لیں اور کمرشل پر چلایا جاتا تھا جبکہ اسے چلانے والے جہاں سے لائے گئے اور پھر اس کو ڈیفنس میں رکھا گیا تو یہ صحیح نہیں کیونکہ جب تک کمرشل پر نہیں آئے گی تب تک ترقی نہیں کرے گی، اور کرپشن نے تباہ کیا کیونکہ ہر حکومت نے اپنے لوگوں اس اور ریلوے میں ڈالا ہے۔

  • مملکت میں غیر قانونی طور پر مقیم افراد کیخلاف کاروائیاں تیز

    مملکت میں غیر قانونی طور پر مقیم افراد کیخلاف کاروائیاں تیز

    مملکت میں غیر قانونی رہائش پزیر افراد کیخلاف کاروائی جاری

    سعودی عرب میں غیرقانونی مقیم افراد کی پکڑ دھکڑ شروع ہوگئی ہے ایک ہفتے کے دوران 11 ہزار 400 افراد کو گرفتار کیا جاچکا ہے جبکہ خلیج ٹائمز کی رپورٹ کے مطابق سعودی سکیورٹی فورسز کی جانب سے ملک بھر میں 21 سے 27 ستمبر کے دوران کارروائیاں کی گئیں اور اخبار نے سعودی عرب کی وزارت داخلہ کے حوالے سے بتایا کہ ان کارروائیوں میں 11 ہزار 465 افراد کو گرفتار کیا گیا۔

    واضح رہے کہ ان افراد کو رہائشی و لیبر قوانین، اور سرحدی سکیورٹی ضوابط سمیت مختلف خلاف ورزیوں پر گرفتار کیا گیا اور کل گرفتاریوں میں سے 7 ہزار 199 افراد ایسے ہیں جنھیں غیر قانونی رہائش رکھنے اور ملک کے رہائشی نظام کی خلاف ورزیوں پر پکڑا گیا، سکیورٹی فورسز کی جانب سے گرفتار افراد میں سے 2882 افراد ایسے ہیں جنھوں نے سرحدی سکیورٹی قوانین کی خلاف ورزیاں کیں۔
    مزید یہ بھی پڑھیں؛
    خلابازی کانگریس میں سعودی خلائی ایجنسی کی امید افزا شرکت
    مذہبی ہم آہنگی کے فروغ کیلیے اسلامی نظریاتی کونسل کو مزید متحرک ہونا ہو گا،وزیراعظم
    نومبر یا مارچ میں الیکشن کرایا جائے ، مولانا عبدالواسع
    امریکی ڈالر کے مقابلے روپیہ کی قدر میں مزید بہتری
    سعودی عرب کے لیبر قوانین کی خلاف ورزی کرنے والے 1384 افراد بھی گرفتار افراد میں شامل ہیں۔

  • زلزلےکا خدشہ؛ دو دن کیلئےکان کنی پر پابندی

    زلزلےکا خدشہ؛ دو دن کیلئےکان کنی پر پابندی

    زلزلےکے خدشے پر کوئٹہ کی ضلعی انتظامیہ نے 2 روز کے لیےکان کنی پر پابندی لگادی جبکہ اسسٹنٹ کمشنر کی جانب سے ضلع میں 2 روز کے لیے کان کنی پر پابندی کا نوٹیفکیشن بھی جاری کردیا گیا ہے اور نوٹیفکیشن کے مطابق 2 روز تک کان کنوں کو کانوں میں جانےکی اجازت نہیں ہوگی، 2 روز کے دوران کسی بھی نقصان کی ذمہ داری کان مالک یا ٹھیکیدار پر ہوگی۔

    اسسٹنٹ کمشنرکا کہنا ہےکہ 2 روز کے دوران زلزلے کے خدشے پرکان کنی پرپابندی لگائی جا رہی ہے تاہم خیال رہے کہ گزشتہ روز بین الاقوامی زلزلہ پیما ریسرچ انسٹیٹیوٹ سولر سسٹم جیومیٹری سروے (ایس ایس جی ایس) نے دعویٰ کیا تھا کہ بلوچستان میں زیرِ زمین چمن فالٹ لائن میں تیز لرزش ریکارڈ کی گئی ہے اور اس علاقے میں اگلے دو دن میں کوئی طاقتور زلزلہ آسکتا ہے جس کی شدت ریکٹر اسکیل پر 6 یا اُس سے زیادہ ہوسکتی ہے۔
    مزید یہ بھی پڑھیں؛
    الیکشن کوملتوی کرنے سے بےیقینی پیدا ہوگی. احسن اقبال
    مذہبی ہم آہنگی کے فروغ کیلیے اسلامی نظریاتی کونسل کو مزید متحرک ہونا ہو گا،وزیراعظم
    نومبر یا مارچ میں الیکشن کرایا جائے ، مولانا عبدالواسع
    امریکی ڈالر کے مقابلے روپیہ کی قدر میں مزید بہتری
    جبکہ ایس ایس جی ایس نے چمن فالٹ لائن کو انتہائی طاقتور ممکنہ زلزلہ کا ریجن قرار دیا ہے اور دوسری جانب محکمہ موسمیات نے کہا ہے کہ عوام زلزلے سے متعلق سوشل میڈیا کی خبروں پر دھیان نہ دیں، کسی مستند بین الاقوامی ادارے نے پاکستان کے لیےکوئی وارننگ نہیں بھیجی، عام طور پر فالٹ لائنز پر دوبارہ زلزلے کا امکان 100 سال بعد ہوتا ہے۔