Tag: پاکستان

چیئرمین سینیٹ محمد صادق سنجرانی نے عالمی یوم جمہوریت کے موقع پر اپنے پیغام میں کہا ہے کہ آج دنیا بھر میں یوم جمہوریت منا یا جا رہا ہے اورجمہوریت کا مطلب صرف انتخابات نہیں ہیں بلکہ یہ شمولیت، ہم آہنگی اور نمائندگی کو فروغ دینے اور اس بات کو یقینی بنانے کے بارے میں ہے کہ ہر شہری، چاہے اس کی عمر کچھ بھی ہو، ہمارے اجتماعی روشن مستقبل کی تشکیل میں اپنا کردار ادا کرے۔اس سال جمہوریت کے عالمی دن کے حوالے سے موضوع”اگلی نسل کو بااختیار بنانا“ ہے جو کہ جمہوریت کو آگے بڑھانے میں نوجوانوں کے اہم کردار پر توجہ مرکوز کرتا ہے اور اس بات کو یقینی بنانا ہے کہ ان کی آواز کو ان فیصلوں میں شامل کیا جائے جن کا ان کی زندگیوں پر گہرا اثر پڑتا ہے۔

چیئرمین سینیٹ محمد صادق سنجرانی نے کہا کہ پاکستان میں ایک متحرک جمہوریت ہے، اور اس کی سب سے نمایاں طاقت نوجوان آبادی ہے۔وہ نوجوان ہماری قوم کا سب سے بڑا اثاثہ اور امید کا ذریعہ ہیں۔اس بات پر غور کرنا بہت ضروری ہے کہ ہم قانون سازی کے عمل میں اپنی نوجوان نسل کی خواہشات کی فعال شمولیت کو کس طرح یقینی بنا رہے ہیں۔انہوں نے کہا کہ پاکستان نے نوجوان رہنماؤں کو آگے بڑھنے اور قومی ترقی میں بڑھ چڑھ کر حصہ لینے کے لئے متعدد یوتھ فورمز اور پلیٹ فارمز قائم کیے ہیں۔جہاں پاکستانی نوجوان اپنی توانائیاں استعمال کرتے ہوئے تعمیری کردار ادا کر رہے ہیں۔
مزید یہ بھی پڑھیں؛
الیکشن کمیشن فوری انتخابات کی تاریخ دے ،بلاول

چیئرمین سینیٹ نے کہا کہ نوجوان نسل کو بااختیار بنانا ہمار ا عزم ہے، اس بات کو یقینی بناتے ہوئے کہ وہ نہ صرف کل کے رہنما ہیں بلکہ آج کے فیصلوں کی تشکیل میں فعال حصہ دار ہیں۔ صادق سنجرانی نے کہا کہ جمہوریت کے ساتھ ہماری وابستگی کا مطلب اس عزم کا اظہار ہے کہ نوجوانوں کی آواز کو نہ صرف تسلیم کیا جائے بلکہ قانون سازی کے عمل میں بھی انہیں شامل کیا جائے۔جمہوریت اور جمہوری روایات کو اپنانے سے معاشرے میں برداشت، رواداری، اور پر امن بقائے باہمی فروغ پاتے ہیں اور یہی آج کی ضرورت ہے تاکہ ہم یکجا ہو کر پاکستان کی ترقی وخوشحالی میں اپنا کردار ادا کر سکیں۔

نگران وزیراعظم انوار الحق کاکڑ نے انٹیلی جنس بیورو (آئی بی) سے رپورٹ مانگی ہےکہ کون سی کمپنی پاکستان کا نام ‘مس یونیورس’ کے مقابلے کے لیے استعمال کر رہی ہے صحافی ایاز اکبر کے مطابق نگران وفاقی وزیر اطلاعات و نشریات مرتضٰی سولنگی نےکہا ہےکہ حکومت پاکستان نے کسی کو مس یونیورس مقابلہ حسن میں پاکستان کی نمائندگی کے لیے نامزد نہیں کیا۔

ایک بیان میں وزیر اطلاعات کا کہنا تھا کہ مس یونیورس کے مقابلہ حسن کے لیے حکومت نے کسی پاکستانی خاتون کو نامزد نہیں کیا، اس سے قبل مقابلہ حسن ‘مس یونیورس’ میں پانچ پاکستانیوں کی شرکت کی خبریں سامنے آنے پر سینیئر صحافی انصار عباسی نے اپنے سوشل میڈیا اکاؤنٹ پر سوال اٹھایا تھا کہ ان خواتین کو پاکستان کی نمائندگی کی اجازت کس نے دی؟

تاہم ذرائع کے مطابق وزیر اعظم نے فارن آفس کو ہدایت کی کہ وہ دبئی حکام سے رابطہ کریں کہ کوئی پرائیویٹ کمپنی مقابلہ حسن کے لیے پاکستان کا نام کیسے استعمال کرسکتی ہے، اس سے پہلے وزیراعظم نے انٹیلی جنس بیورو (آئی بی) سے بھی رپورٹ مانگی تھی کہ کون سی کمپنی پاکستان کا نام اس معاملے میں استعمال کر رہی ہے۔
مزید یہ بھی پڑھیں؛
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا
جبکہ ذرائع کے مطابق انٹیلی جنس بیورو نے وزیراعظم کو رپورٹ دی کہ فلپائن کا شہری جو دبئی میں مقیم ہے اس کی کمپنی نے مقابلہ حسن کے لیے پاکستان کی خواتین سے درخواستیں مانگیں تھیں، تاہم دوسری جانب کراچی کی ایریکا رابن پہلی مس یونیورس پاکستان بن گئی ہی جبکہ لاہور کی حرا انعام، راولپنڈی کی جیسیکا ولسن، پنسلوانیا سے امریکی نژاد پاکستانی ملیکہ علوی اور پنجاب کی سبرینا وسیم بھی مقابلے میں شامل تھیں اور ایریکا رابن رواں سال نومبر میں ایل سلواڈور میں ہونے والے عالمی مس یونیورس مقابلے میں پاکستان کی نمائندگی کریں گی۔

پاکستان مسلم لیگ (نواز) کے رہنما اور سابق وفاقی وزیر خرم دستگیر کا کہنا ہے کہ چیف جسٹس کی ریٹائرمنٹ پر پاکستان بار کا رد عمل تاریخ کا حصہ بن جائےگا۔ پاکستان بار کونسل کےرہنما حسن رضا پاشا نے کہا ہے کہ چیف جسٹس کے اعزاز میں فل کورٹ ریفرنس عدلیہ کی تقسیم اور بار کے ردعمل کی وجہ سے نہ ہوسکا جبکہ نجی ٹی وی سے گفتگو کرتے ہوئے خرم دستگیر نے چیف جسٹس عمر عطا بندیال کی ریٹائرمنٹ اور ان کے دور میں کیے گئے کیسز پر بات کرتے ہوئے کہا کہ سینئر ججز کو اہم کیسزمیں شامل نہیں کیا جاتا تھا۔

انھوں نے مزید کہا کہ پنجاب اسمبلی کے کیس میں یوٹرن لیا گیا، پہلے ووٹ دینا، پھر ووٹ کی گنتی کو غیر آئینی قرار دیا گیا، فیصلے سے 12 کروڑ عوام کی حکومت تبدیل ہوگئی جبکہ ان کا کہنا تھا کہ ظلم تو ظلم ہے، بڑھتا ہے تو مٹ جاتا ہے، عدالت کو سیاسی معاملات میں مداخلت نہیں کرنی چاہئے۔

خرم دستگیر نے کہا کہ نئی مردم شماری کی بنیاد پر ہی انتخابات ہونے ہیں، الیکشن کیلئے نئی حلقہ بندیاں لازمی ہیں، علاوہ ازیں پاکستان بار کونسل کے رہنما حسن رضا پاشا نے کہا کہ معزز ججز کی ریٹائرمنٹ پر فل کورٹ ریفرنس ہوتا ہے، چیف جسٹس عمرعطا بندیال بھی ریٹائر ہو رہے ہیں ان کا کہنا تھا کہ چیف جسٹس عمرعطا بندیال کی ریٹائرمنٹ پر بھی امید تھی کہ فل کورٹ ریفرنس ہوگا، ہم اظہار خیال کریں گے، بینچ اور بار کے درمیان رشتہ اہم ہے۔
مزید یہ بھی پڑھیں؛
نئی مردم شماری کی بنیاد پر ہی انتخابات ہونے ہیں. خرم دستگیر
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا
حسن رضا پاشا کے مطابق پاکستان بار کونسل نے 4 بار فل کورٹ بینچ بنانے کا مطالبہ کیا، لیکن پاکستان بار کونسل کی درخواست کو مسترد کیا گیا، پاکستان بار کونسل کے رہنما نے فیصلے کو آئین کو دوبارہ تحریر کرنے کے مترادف قرار دیا۔ انہوں نے کہا کہ 25 ارکان اسمبلی کا ووٹ شمار نہ کرنے کا حکم دیا گیا، ہم نے آئین و قانون کے مطابق اپنا کردار ادا کیا۔

نامزد چیف جسٹس قاضی فائز عیسیٰ کو حلف اٹھانے سے روکنے کیلئے سپریم جوڈیشل کونسل میں درخواست دائر کردی گئی جبکہ مقامی وکیل ہاشم صابر راجہ کی جانب سے سپریم جوڈیشل کونسل میں دائر درخواست میں اعلیٰ عدلیہ کے دیگر چار ججز کے خلاف بھی کارروائی کی استدعا کی گئی اور شکایت میں موقف اختیار کیا گیا کہ جسٹس قاضی فائز عیسیٰ اپنی اہلیہ کی جائیدادوں کی وضاحت دینے میں ناکام رہے.

https://x.com/MalikRamzanIsra/status/1702382843115327874
جبکہ شکایت میں یہ بھی کہا گیا کہ انصاف فراہم کرنے والوں کو شفاف اور کسی بھی الزام سے پاک ہونا چاہیے، جسٹس فائز عیسیٰ کسی بھی طرح جج اور چیف جسٹس کے معیار پر پورا نہیں اترتے علاوہ ازیں شکایت کنندہ نے کہا کہ جسٹس مظاہر نقوی اسٹبلشمنٹ سے ڈیل کے مرتکب ہوئے، جسٹس امین الدین خان نے اٹارنی جنرل اور ایڈووکیٹ جنرل آفسز میں رشتے دار بھرتی کرائے، چیف جسٹس لاہور ہائیکورٹ اور جسٹس علی ضیاء باجوہ نے بھی اختیارات کا غلط استعمال کیا۔

مزید یہ بھی پڑھیں؛
انتخابی عمل کو پاکستان کے قوانین کے مطابق آگے بڑھایا جائے،امریکا
پوری قوم دہشت گردی کے خلاف جنگ میں متحد ہے،نگران وزیر داخلہ
ڈیفالٹرز سے ریکوری مہم ،لیسکو نے دوسرے روز21.26ملین کی وصولی کرلی
اسٹیٹ بینک نے مانیٹری پالیسی کا اعلان کر دیا

شکایت میں مزید کہا گیا ہے کہ جسٹس مظاہر نقوی اسٹیبلشمنٹ سے ڈیل کے مرتکب ہوئے،ڈیل کے نتیجہ میں پرویز مشرف کو سزا سنانے والی عدالت کا قیام کالعدم قرار دیا گیا،ڈیل کے نتیجہ میں ہی جسٹس مظاہر نقوی کو سپریم کورٹ کا جج بنایا گیا،جسٹس امین الدین خان نے اٹارنی جنرل اور ایڈووکیٹ جنرل آفس میں رشتے دار بھرتی کرائے،جسٹس امین الدین خان اختیارات کے ناجائز استعمال کے مرتکب قرار پائے۔شکایت میں مزید کہا گیاہے کہ چیف جسٹس لاہور ہائی کورٹ اور جسٹس علی ضیاء باجوہ نے بھی اختیارات کا غلط استعمال کیا،دونوں ججز نے اثر رسوخ استعمال کرکے جم خانہ کلب کی ممبرشپ خلاف ضابطہ حاصل کی،سپریم جوڈیشل کونسل کارروائی کرتے ہوئے ججز کو عہدوں سے ہٹانے کی سفارش کرے۔