Baaghi TV

Tag: پاکستان

  • بارش کے باعث پاک بھارت میچ معطل

    بارش کے باعث پاک بھارت میچ معطل

    ایشیا کپ ون ڈے سپر فور مرحلے میں بارش کی وجہ سے پاکستان اور بھارت کا میچ معطل کر دیا گیا اور بھارت نے 24.1 اوورز میں 2 وکٹوں کے نقصان پر 147 رنز بنائے تھے تاہم بارش کی وجہ سے میچ دوبارہ شروع نہ ہوسکا اوریہ میچ آج معطل کر دیا گیا جبکہ میچ اب کل ریزرو ڈے پر کھیلا جائےگا، میچ پاکستانی وقت کے مطابق کل ڈھائی بجے شروع ہوگا

    تاہم واضح رہے کہ کولمبو میں ہونے والے میچ میں پاکستان نے بھارت کے خلاف ٹاس جیت کر فیلڈنگ کا فیصلہ کیا۔ بھارتی ٹیم کے کپتان 56 رنز کی اننگز کھیل کر شاداب خان کا شکار بنے ، جب کہ شبمن گل کو 58 رنز پر شاہین شاہ آفریدی نے آؤٹ کیا۔ جبکہ بھارت نے 24.1 اوورز میں 2 وکٹوں کے نقصان پر 147 رنز اسکور کیے۔کریز پر ویرات کوہلی اور کے ایل راہول موجود ہیں۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    تاہم ٹاس کے موقع پر گفتگو کرتے ہوئے قومی کرکٹ ٹیم کے کپتان بابر اعظم نے کہا کہ بولنگ کا فیصلہ پچ دیکھ کر کیا ہے، پلیئرز فارم میں ہیں ہر میچ کونیا سمجھ کر کھیلتے ہیں۔ دوسری جانب بھارتی کپتان روہت شرما نے کہا کہ فرق نہیں پڑتا پہلے بیٹنگ کریں یا بولنگ ہمیں اچھا پرفارم کرنا ہے، ٹاس جیت کر پہلے بیٹنگ ہی کرتے۔

  • بلوچستان میں 500 سے زیادہ ایرانی پمپس بند کردیے. نگراں صوبائی وزیر اطلاعات

    بلوچستان میں 500 سے زیادہ ایرانی پمپس بند کردیے. نگراں صوبائی وزیر اطلاعات

    بلوچستان کے نگراں وزیر اطلاعات جان اچکزئی کا کہنا ہے کہ ایرانی تیل 5 ارب مالیت کا بزنس بن گیا ہے۔ صوبے میں 500 سے زیادہ ایرانی پمپس بند کردیے۔ جبکہ کوئٹہ میں نیوز کانفرنس کے دوران جان اچکزئی کا کہنا تھا کہ کرنسی اور ایرانی تیل کے حوالے سے کریک ڈاؤن کررہے ہیں۔

    جبکہ انہوں نے کہا کہ حوالہ اور ہنڈی ملزمان کو گرفتار کیا گیا ہے، کوئٹہ کے ایک علاقے سے 1 کروڑ ڈالرز سے زیادہ ریکور کیے۔ نگراں وزیر اطلاعات بلوچستان نے مزید کہا کہ بارڈر مینجمنٹ پر کام کررہے ہیں، ایرانی تیل 5 ارب مالیت کا بزنس بن گیا ہے، بلوچستان میں 500 سے زیادہ ایرانی پمپس بند کردیے ہیں۔

    جان اچکزئی کا کہنا تھا کہ ہم ایرانی تیل کے نیٹ ورک کو ختم کریں گے، سندھ حکومت سے بھی سپلائی لائن منقطع کرنے کےلیے مشترکہ کوشش کررہے ہیں۔ صوبائی نگراں وزیر نے کہا کہ اسمگلنگ کا خاتمہ آرمی چیف کے وژن کا حصہ ہے، اسمگلنگ میں ملوث افراد کو ملک بدر کریں گے۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    اٹارنی جنرل نے تحریری معروضات سپریم کورٹ میں جمع کروا دیں

    انھوں نے کہا کہ غیرقانونی افغان پناہ گزینوں کی وجہ سے امن و امان خراب ہورہا ہے، کس افغان پناہ گزین کو رکھنا ہے اور کسے نہیں رکھنا ابھی تک یہ واضح نہیں ہوسکا ہے تاہم ان کا کہنا تھا کہ بلوچستان کے مسائل کا حل ہماری ترجیح ہے، کھیل کے شعبے کے فروغ کے لیے اقدامات کیے جارہے ہیں۔

  • اٹارنی جنرل نے تحریری معروضات سپریم کورٹ میں جمع کروا دیں

    اٹارنی جنرل نے تحریری معروضات سپریم کورٹ میں جمع کروا دیں

    نیب ترامیم کیس کا فیصلہ محفوظ ہونے کے بعد اٹارنی جنرل نے تحریری معروضات سپریم کورٹ میں جمع کروا دیں ہیں جبکہ تحریری جواب میں لکھا ہے کہ نیب ترامیم کیخلاف چیئرمین پی ٹی آئی کی درخواست کو ناقابل سماعت قرار دیا جائے، اور درخواست گزار کیمطابق حالیہ نیب ترامیم کے باعث منتخب نمائندوں کے احتساب کا عمل کمزور ہوا ہے.

    تحریری جواب میں منتخب عوامی نمائندوں کو پارلیمنٹ میں عوام کا امین کہتے ہیں اور درخواست گزار نے اسی عوام کے اعتماد کو ٹھکرا کر اراکین اسمبلی کو مستعغی ہونے کا کہا جبکہ تحریری جواب میں مزید کہا کہ پارلیمان کو چھوڑ کر چئیرمن پی ٹی آئی نے اپنے حلقے کے ان لوگوں کی آواز دبائی.
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    قائد کے رہنما اصولوں کو اپنانا ہو گا. اسپیکر قومی اسمبلی
    کراچی میں 100 مقامات پر سہولت بازار کا انعقاد
    تحریری جواب میں یہ بھی لکھا کہ ترامیم کیخلاف درخواست کے پیچھے چئیرمن پی ٹی آئی کے مذموم مقاصد ہیں، خیال رہے کہ گزشتہ روز سپریم کورٹ نے نیب ترامیم کیس کا فیصلہ محفوظ کرنے کے بعد وفاق سے جواب طلب کرلیا تھا اور چیف جسٹس کی سربراہی میں 3 رکنی بینچ نے منگل کو نیب ترامیم کیس کا فیصلہ محفوظ کیا تھا اور جمعے کو چیف جسٹس کی عدالت کے معاون نے فریقین کے وکلاء سے رابطہ کیا۔

    سپریم کورٹ نے فریقین کے وکلاء کو فیصلہ محفوظ ہونے کے بعد ایک سوال بھجوا کر جواب مانگا، چیف جسٹس عمر عطا بندیال نے سوال کیا تھا کہ احتساب عدالت دائرہ اختیار میں نہ ہونے پر کسی رکن پارلیمنٹ کے خلاف ریفرنس منتقل کرتی ہے؟ اور وہ کون سی مجاز عدالت ہوگی جو ریفرنس کا فیصلہ سنائے اور کس قانون کے تحت؟ وفاق کے وکیل مخدوم علی خان نے 9 ستمبر کو سپریم کورٹ کے سوال کا 5 صفحات پر مشتمل جواب متفرق درخواست کے ذریعے جمع کرا دیا۔

    وفاق کے وکیل مخدوم علی خان کی اجنب سے جمع کرائے گئے جواب میں لکھا گیا کہ ‎چیف جسٹس آف پاکستان کے عدالتی معاون کے ذریعے سوال بھجوایا گیا، ‎سوال کے ساتھ ہدایت بھی پہنچائی گئی کہ فاضل وکیل اس کا لازم جواب دیں۔ جواب میں کہا گیا تھا کہ پاکستان کے قانون میں ابھی تک پارلیمینٹرین ہونا جرم قرار نہیں دیا گیا، چیف جسٹس کے سوال کا جواب مختلف صورتِ حال پر انحصار کرتا ہے۔

  • چلتی گاڑی؛ بیوی سے مبینہ جھگڑے پر شوہر نے خود کو گولی ماردی

    چلتی گاڑی؛ بیوی سے مبینہ جھگڑے پر شوہر نے خود کو گولی ماردی

    کراچی میں چلتی گاڑی میں بیوی سے مبینہ جھگڑے پر شوہر نے خود کو گولی مارلی اور پولیس کے مطابق واقعہ نیوٹاؤن کے علاقے میں پیش آیا جہاں مبینہ طور پر بیوی سے جھگڑے کے دوران شوہر نے اپنے سینے پرگولی ماری جبکہ پولیس کا کہنا ہے کہ زخمی شخص کو نجی اسپتال منتقل کردیا گیا ہے اور اس کی گاڑی سے اسلحہ برآمد کرلیا گیا ہے۔

    زخمی شخص کی شناخت سعود کے نام سے ہوئی ہے جو کہ ایک تاجر ہے تاہم دوسری جانب گاڑی میں موجود زخمی شخص کی اہلیہ اور دیگر اہلخانہ نے پولیس کو دیے گئے بیان میں کہا ہےکہ سعود ایک ماہ سے پریشان تھا۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    جبکہ اس سے قبل وفاقی دارالحکومت اسلام آباد کے علاقے سیکٹر آئی الیون میں بھی کیش اینڈ کیری نامی سُپر اسٹور کے قریب دن دیہاڑے فائرنگ کی گئی تھی جس میں نشانہ ایک جوڑا تھا جس کے ساتھ ایک بچہ بھی تھا جبکہ فائرنگ کے بعد ملزمان تو فرار ہوگئے لیکن پیچھے دو لاشیں اور روتا بلکتا بچہ چھوڑ گئے تھے۔

    اسلام آباد پولیس کے ترجمان کا کہناتھا کہ مقتولین کی شناخت ریحانہ سردار اور ظفر اقبال کے نام سے ہوئی ہے، جنہیں ذاتی تنازعہ پر ان کے رشتہ داروں نے قتل کیا جبکہ مقتولین کے ساتھ ان کا دو سالہ بچہ بھی تھا جو فائرنگ سے محفوظ رہا، لیکن اسے کیا معلوم تھا کہ اس کی دنیا ہی اجڑ گئی ہے، اس کے سر پر سے دست شفقت چھین لیا گیا ہے۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    خیال رہے کہ یہ دو دو سال کا معصوم سا بچہ اپنے والدین کے لاش کے پاس ہاتھ میں فیڈر لیے کھڑا روتا رہا۔ جسے دیکھنے والوں کے دل بھی بھر آئے.

  • درپیش مشکلات میں میڈیا پر بھی ذمہ داری عائد ہوتی. حلیم قصوریہ

    درپیش مشکلات میں میڈیا پر بھی ذمہ داری عائد ہوتی. حلیم قصوریہ

    سابق صوبائی وزیر عبدالحلیم خان قصوریہ کا کہنا ہے کہ ملک کو درپیش مشکل صورتحال میں جہاں میڈیا پر خصوصی زمہ داری عائد ہوتی ہے وہیں اس حوالہ سے حکومتی اداروں کے کردار کی اہمیت بھی بڑھ جاتی ہے ان خیالات کا اظہار انہوں نے گزشتہ روز پریس انفارمیشن ڈیپارٹمنٹ ڈیرہ اسماعیل خان ریجنل دفتر کے دورہ کے موقع پر کیا۔ ریجنل دفتر کے انچارج محمد فضل الرحمان نے انکا خیرمقدم کیا اور بتایا کہ وفاقی وزارت اطلاعات موجودہ صورت حال میں ملکی اداروں اور پالیسیوں کے حوالے سے ملک دشمن عناصر کے پروپیکینڈے کے موثر جواب اور ریاستی بیانیہ کے فروغ کے لیئے اپنا بھرپور کردار ادا کررہی ہے۔

    haleem khan
    سابق وزیر عبدالحلیم خان قصوریہ پی آئی ڈی ریجنل دفتر میں گفتگو کررہے ہیں

    جبکہ سابق صوبائی وزیر عبدالحلیم خان قصوریہ نے کہا کہ ڈیرہ اسماعیل خان اور جنوبی اضلاع کے باسی ہمیشہ ریاست اور ریاستی اداروں کے وقار کے لیئے سرگرم عمل رہے ہیں انہوں نے کہا کہ ہمارے خطہ کے باسیوں نے قیام امن کے لئے بڑی قربانیاں دیں اور ہم اج بھی سیکورٹی فورسز کی قربانیوں کو سلام پیش کرتے ہیں انہوں نے کہا کہ سانحہ نو مئی کے بعد ڈیرہ اسماعیل خان کے باسیوں نے افواج پاکستان کے حق میں جو ردعمل دیا اس نے ثابت کردیا کہ ملک دشمن عناصر کبھی بھی عوام اور افواج میں دوریاں پیدا کرنے میں کامیاب نہیں ہونگے.
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں
    آب و ہوا کے مطالعے کے لیے طیارے کی پہلی پرواز ریجنل کلاؤڈ سیڈنگ پروگرام کے ذریعے شروع

    علاوہ ازیں انہوں نے خیبرپختونخوا کے جنوبی اضلاع کے لیئے پریس انفارمیشن ڈیپارٹمنٹ کے کردار کو سراہا اور اس پر وفاقی وزارت اطلاعات کے حکام کو خراج تحسین پیش کیا ۔انہوں نے امید ظاہر کی کہ پی آئی ڈی ڈیرہ دفتر سے اس خطہ کے صحافیوں کو ہر ممکن سہولیات میسر ہونگی ۔ڈیرہ اسماعیل خان کی معروف کاروباری و سماجی شخصیات رانا محمد رمضان اور چوہدری شاہد راج بھی اس موقع پر ڈیرہ امن جرگہ کے سربراہ کے ہمراہ تھے۔

  • آب و ہوا کے مطالعے کے لیے پہلی پرواز شروع

    آب و ہوا کے مطالعے کے لیے پہلی پرواز شروع

    سعودی عرب میں تحقیق اور موسم اور آب و ہوا کے مطالعے کے لیے طیارے کی پہلی پرواز ریجنل کلاؤڈ سیڈنگ پروگرام کے ذریعے شروع کردی گئی ۔اس قدم کا مقصد مختلف اونچائیوں سے موسم کا ڈیٹا اکٹھا کرنا ہے۔ یہ پروگرام جدید ٹیکنالوجی اور ماحول کے عناصر کی پیمائش میں مہارت رکھنے والے سینسرز سے لیس ہے۔

    جبکہ ریجنل کلاؤڈ سیڈنگ پروگرام کے ایگزیکٹو ڈائریکٹر ایمن بار نے بتایا کہ طیارہ رابغ سے الباحہ اور عسیر کے علاقوں پر تحقیقی مطالعہ کے لیے روانہ ہوا۔ انہوں نے بتایا کہ تحقیقی طیارے کا مشن موسم اور آب و ہوا کے مطالعہ کے لیے ہے۔ اس پروگرام سے تحقیق کے میدان میں فائدہ حاصل کیا جائے گا کیونکہ اس میں موسمی ڈیٹا بھی اکٹھا کیا جارہا ہے العربیہ کے مطابق پروگرام میں درجہ حرارت، ہوا کی رفتار، اور بادل بنانے والے پانی کے مالیکیولز کی تقسیم کی پیمائش کی جائے گی۔ اڑنے والا طیارہ آب و ہوا اور موسم کی تحقیق کے شعبے میں جدید ترین ٹیکنالوجیز اور آلات سے لیس ہے۔

    علاوہ ازیں علاقائی کلاؤڈ سیڈنگ پروگرام میں بارش کی بوائی کے آپریشنز کے لیے 4 طیارے اور ایک تحقیقی اور مطالعہ کا طیارہ شامل ہے۔ پروگرام کے تحت پہلی تحقیقاتی پرواز کا مقصد بارش کی کوریج اور کارکردگی کی سطح کو بڑھانا ہے۔ سیڈنگ آپریشنز، اندرونی صلاحیتوں کی تعمیر، کاروبار کی پائیداری، علم کی منتقلی، لوکلائزیشن اور اخراجات کو کم کرنا بھی مقاصد میں شامل ہے۔ تحقیق اور آب و ہوا کے طیارے کا مشن صرف کوریج پر نہیں رکتا بلکہ علاقائی کلاؤڈ سیڈنگ پروگرام سے وابستہ ایک سائنسی ٹیم کے ذریعے خطے کے بادلوں کی خصوصیات کو سمجھنے اور سمجھنے کے لیے تحقیقی ڈیٹا کا تجزیہ بھی کیا جائے گا۔
    مزید یہ بھی پڑھیں؛
    ایشیا کپ:پاک بھارت میچ بارش کے باعث روک دیا گیا
    ایرانی تیل کی اسمگلنگ میں ملوث سیاستدانوں کی تفصیلات سامنے آ گئیں

    تاہم یاد رہے 11 مئی 2023 کو ماحولیات، پانی اور زراعت کے وزیر انجینئر عبدالرحمٰن نے علاقائی کلاؤڈ سیڈنگ پروگرام کے لیے 5 طیارے خریدنے کے معاہدے پر دستخط کیے تھے۔ اب سعودی عرب دنیا کا دوسرا ملک بن گیا ہے جس کے پاس اس قسم کے تحقیقی طیارے ہیں۔

  • اتحادی انتخابات سے بھاگ رہے ہیں. بلاول بھٹو زرداری

    اتحادی انتخابات سے بھاگ رہے ہیں. بلاول بھٹو زرداری

    پاکستان پیپلز پارٹی کے چئیرمین بلاول بھٹو زرداری کا کہنا ہے کہ اتحادی الیکشن سے بھاگ رہے ہیں تو انہیں بھاگنے دو، اتحادیوں سے کہتا ہوں ڈرو گے تو مرو گے جبکہ حیدر آباد میں چھ ملین گیلن پانی کی فراہمی کے واٹر فلٹر پلانٹ منصوبے کے افتتاح کے بعد ہونے والی تقریب سے خطاب کرتے ہوئے بلاول نے کہا کہ نالائق کو نکالنے کے لیے عدم اعتماد کی کامیابی حیدرآباد کے عوام کی وجہ سے تھی، اگر وہ وزیراعظم نہیں رہا تو جیالوں کی محنت کی وجہ سے نہیں رہا۔

    خیال رہے کہ بلاول بھٹو نے کہا کہ آج میں آپ سے مانگنے نہیں بلکہ آپ کو دینے کے لیے آیا ہوں، حیدرآباد کےعوام کو پینے کا پانی ملے گا، ہمیں ہر شہر میں صاف پانی پہنچانا ہے اور چئیرمین پیپلز پارٹی کا کہنا تھا کہ ہم اپنے منشور پر الیکشن لڑیں گے، میں پاکستان کے عوام پر بھروسہ کرتا ہوں، میں عوام کے پاس جاؤں گا اور بتاؤں گا کہ میں ملتان، فیصل آباد اور پشاور کو بھی پانی دینا چاہتا ہوں۔

    بلاول بھٹو نے کہا کہ اتحادی الیکشن سے بھاگ رہے ہیں تو انہیں بھاگنے دو، اتحادیوں سے کہتا ہوں کہ ڈرو گے تو مرو گے، الیکشن سے بھاگنا پیپلز پارٹی کی ٹریننگ میں نہیں ہے اور انہوں نے مزید کہا کہ جناح ہاؤس پر حملہ کرنے والوں کو پیغام ہے کہ ہم مقابلے کے لیے تیار ہیں، پیپلز پارٹی کے جیالے آپ سے نہیں ڈرتے، ہم الیکشن میں ملک کے کونے کونے میں سیاسی یتیموں اور کٹھ پتلی سیاست دانوں کا صفایا کردیں گے۔

    بلاول بھٹو زرداری نے مزید کہا کہ پیپلز پارٹی کی کردارکشی کی مہم 3 نسلوں سے چلتی آرہی ہے، وہ سیلیکٹڈ کو مسلط کرنا چاہ رہے تھے تو پیپلز پارٹی کے خلاف نہ جانے کیا کیا کہا گیا، ہم نے جھوٹ کا منہ توڑ جواب دینا ہے۔

  • ایشیا کپ:پاک بھارت میچ بارش کے باعث روک دیا گیا

    ایشیا کپ:پاک بھارت میچ بارش کے باعث روک دیا گیا

    کولمبو:ایشیا کپ ون ڈے سپر فور مرحلے میں بارش کی وجہ سے پاکستان اور بھارت کا میچ روک دیا گیا۔

    باغی ٹی وی: ایشیا کپ ون ڈے سپر فور مرحلے کے بڑے مقابلے میں بھارت کی پاکستان کے خلاف دوسری وکٹ 123 رنز پر گری ایشیا کپ ون ڈے سپر فور مرحلے کے بڑے مقابلے میں پاکستان نے بھارت کے خلاف ٹاس جیت کر فیلڈنگ کا فیصلہ کیا ،بھارت نے 24.1 اوورز میں 2 وکٹوں کے نقصان پر 147 رنز بنالیے ہیں۔

    بھارتی ٹیم کے کپتان 56 رنز کی اننگز کھیل کر شاداب خان کا شکار بنے ، جب کہ شبمن گل کو 58 رنز پر شاہین شاہ آفریدی نے آؤٹ کیا۔ بھارت نے اس وقت 19 اوورز میں دو وکٹوں کے نقصان پر 140 رنز بنالیے ہیں کریز پر اس وقت ویرات کوہلی اور کے ایل راہول موجود ہیں۔

    ٹاس کے موقع پر گفتگو کرتے ہوئے قومی کرکٹ ٹیم کے کپتان بابر اعظم نے کہا کہ بولنگ کا فیصلہ پچ دیکھ کر کیا ہے، پلیئرز فارم میں ہیں ہر میچ کو نیا سمجھ کر کھیلتے ہیں بھارتی کپتان روہت شرما نے کہا کہ فرق نہیں پڑتا پہلے بیٹنگ کریں یا بولنگ ہمیں اچھا پرفارم کرنا ہے، ٹاس جیت کر پہلے بیٹنگ ہی کرتے۔

    پاکستان کرکٹ ٹیم کے وکٹ کیپر بیٹر محمد رضوان کا کہنا ہے ہم نے بھارت کو ہرانے کے لیے بھرپور محنت کی ہے اور محنت کر رہے ہیں جو ہمارے ہاتھ میں ہے موسم ہمارے ہاتھ میں نہیں ہے لیکن تیاری سے فرق پڑتا ہے، ہمارے ہاتھ میں تیاری ہے، وہ زیادہ کرنے کی کوشش کرتے ہیں،ہم بھی اور فینز بھی بھارت کو ہرانا چاہتے ہیں اسی طرح بھارت والے بھی جیتنا چاہتے ہیں، ہمارا بینچ بھی بہت مضبوط ہے، بھارت کے خلاف ٹارگٹ اتنا آسان بھی نہیں تھا کنڈیشنز پر بڑا انحصار ہوتا ہے۔

    پاکستانی ٹیم:

    پاکستان بھارت کے خلاف اسی ٹیم کے ساتھ کھیلے گا جس نے بنگلا دیش کے خلاف آخری میچ کھیلا تھا، پاکستان ٹیم میں شاہین آفریدی، نسیم شاہ، حارث رؤف، فہیم اشرف، نائب کپتان شاداب خان، افتخار احمد، فخر زمان، امام الحق اور کپتان بابر اعظم،محمد رضوان اور سلمان علی آغا شامل ہیں۔

    ایشیا کپ : پاکستان اور بھارت آج مدمقابل ہوں گے

    بھارتی ٹیم:

    پاکستان کے خلاف بھارتی ٹیم میں کپتان روہت شرما سمیت شبمن گل، ویرات کوہلی، کے ایل راہول، ایشان کشن، ہاردک پانڈیا، رویندر جڈیجا، شاردل ٹھاکر، جسپریت بمراہ، کلدیپ یادیو اور محمد سراج شامل ہیں۔

    آئی سی سی ون ڈے رینکنگ، پاکستان عالمی نمبر ون نہ رہا

  • عالمی بینک کا پاکستان کو رواں مالی سال 2 ارب ڈالر فراہمی کا عندیہ

    عالمی بینک کا پاکستان کو رواں مالی سال 2 ارب ڈالر فراہمی کا عندیہ

    اسلام آباد: عالمی بینک نے پاکستان کو رواں مالی سال 2 ارب ڈالر فراہمی کا اشارہ دیا ہے-

    باغی ٹی وی:وزارتِ خزانہ کے اعلامیہ کے مطابق عالمی بینک کے کنٹری ڈائریکٹر ناجی بن حسائن نےشمشاد اختر سے ملاقات کی، ملاقات میں عالمی بینک کے پاکستان میں جاری منصوبوں پر پیش رفت کا جائزہ لیا گیا،اس دوران پاکستان میں عالمی بینک کے جاری منصوبوں کی مجموعی کارکردگی پر تبادلہ خیال ہوا، ملک میں اقتصادی سرگرمیوں کو فروغ دینے میں مدد کے لیے مختلف ترجیحی شعبوں میں تعاون کو مزید وسعت دینے کے لیے مختلف آپشنز پر تبادلہ خیال بھی کیا گیا،ملاقات کے دوران ناجی بن حسائن نے پاکستان کو رواں مالی سال دو ارب ڈالرفراہم کرنے کا عندیہ دیا تاہم یہ تفصیلات فراہم نہیں کی گئی کہ یہ رقم کس مد میں فراہم کی جائے گی۔

    اگلے ہفتے پٹرولیم مصنوعات فی لیٹر 15 روپے تک مہنگی ہونے کا امکان

    کنٹری ڈائریکٹرناجی نے نگران وزیر خزانہ کو عالمی بینک کے جاری پورٹ فولیوپرتفصیلی بریفنگ دی کہا کہ عالمی بینک انتطامیہ وزارتِ خزانہ کے ساتھ مل کرنہ صرف جاری پورٹ فولیو کی کارکردگی بہتر بنانے کیلئے کوشاں ہے بلکہ زیادہ سے زیادہ فارن ریسورسزکی ڈسبر سمنٹ کی جارہی ہے رواں مالی سال عالمی بینک سےپاکستان کودوارب ڈالرکی فنانسنگ فراہمی کے اہداف کی مشترکہ کوششیں کی جا رہی ہیں-

    ایف بی آر کا ٹیکس چوروں کی جائیدادیں نیلام کرنے کا فیصلہ

    شمشاد اختر نے عالمی بینک کے کنٹری ڈائریکٹر کو پاکستان کے اصلاحاتی ایجنڈے اور اقتصادی استحکام کیلیے جاری حکومتی کوششوں بارے تفصیلات سے آگاہ کیااورعالمی بینک کی ٹیم کا خیرمقدم کرتے ہوئے اس بات کا اعادہ کیاکہ پاکستان عالمی بینک کے ساتھ اپنی ترقیاتی شراکتداری کو قدر کی نگاہ سے دیکھتا ہے وزیر خزانہ نے گزشتہ سال آنیوالے سیلاب کے دوران عالمی بینک کی فوری مدد کو سراہا انہوں نے کہا ملک کی ہنگامی ضروریات سے بہتر طریقے سے نمٹنے کے لیے عالمی بینک کی مزید مدد کی ضرورت ہے۔

    آئی سی سی ون ڈے رینکنگ، پاکستان عالمی نمبر ون نہ رہا

  • ایشیا کپ : پاکستان اور بھارت آج مدمقابل ہوں گے

    ایشیا کپ : پاکستان اور بھارت آج مدمقابل ہوں گے

    کولمبو: ایشیا کپ میں روایتی حریف پاکستان اور بھارت آج مدمقابل ہوں گے۔

    باغی ٹی وی: دونوں ٹیمیں دن ڈھائی بجے کولمبو میں ان ایکشن ہوں گی اور بارش کی صورت میں میچ ریزرو ڈے 11 ستمبر کو کھیلا جائے گا11 رکنی قومی ٹیم میں کوئی تبدیلی نہیں کی گئی ہے،ٹیم میں بابر اعظم، محمد رضوان، شاداب خان، امام الحق، فخر زمان، سلمان آغا، افتخار احمد، نسیم شاہ، شاہین آفریدی، فہیم اشرف اور حارث رؤف شامل ہیں۔

    واضح رہے کہ سری لنکا میں جاری شدید بارشوں کے پیش نظر ایشین کرکٹ کونسل نے گزشتہ روز اس اہم میچ میں بارش کی صورت میں ریزرو ڈے رکھنے پر آمادگی ظاہر کی تھی،بارش کی صورت میں پاک بھارت میچ ریزرو ڈے 11 ستمبرکو کھیلا جائے گااس کے علاوہ پی سی بی نے بارش کی پیشگوئی کے بعد اپنے تحفظات کا اظہارکیا تھا، جس کے بعد بالآخر اے سی سی کی جانب سے ریزرو ڈے کی منظوری دی گئی ہے۔

    بنگلہ دیشی ٹیم ایشیا کپ سے آوٹ

    دوسری جانب بھارت کے خلاف میچ سے قبل شاہین شاہ آفریدی نے وارننگ جاری کردی ایک انٹرویو میں شاہین شاہ آفریدی نے کہا ہے کہ بھارت کیخلاف ہر میچ سپیشل ہوتا ہے،انڈر 16کرکٹ کھیلتا تو روایتی حریفوں کے مقابلے کا شدت سے منتظر ہوتا تھا،ایشیا کپ کے گروپ میچ میں بھارت کے خلاف بولنگ کے حوالے سے بات کرتے ہوئے انھوں نے کہا کہ میرے خیال میں یہ میرا بہتری اسپیل نہیں تھا، ابھی تو آغاز ہے،آگے بہت کچھ کر دکھانا ہے۔

    پاکستان نے بھارت کیخلاف میچ کیلئے پلیئنگ الیون کا اعلان کر دیا

    شاہین شاہ نے کہا کہ کم عمری میں ہی تینوں فارمیٹ میں ملک کی نمائندگی کرتے ہوئے نئی گیند سے بولنگ کرتا ہوں تو پرستاروں کی توقعات بھی زیادہ ہوتی ہیں،پاکستان ٹیم کی اچھی بات ہے کہ ہر کسی کو اپنے رول کا اندازہ ہے،بولرز جانتے ہیں کہ نئی یا پرانی گیند کا کس طرح فائدہ اٹھانا ہے میری اور نسیم شاہ کی کوشش ہوتی ہے کہ جلد سے جلد وکٹیں اڑائیں،حارث رؤف کی اسپیڈ ہم دونوں سے زیادہ ہے، وہ درمیانی او آخری اوورز میں اٹیک کرتے ہیں،ہمارا آپس کا تال میل بھی اچھا ہےایک دوسرے سے بات اور رہنمائی بھی کرتے رہتے ہیں،اسی میں ہماری کامیابی کا راز مضمر ہے۔

    بابر اعظم کی صلاحیتیں کسی سے چپھی نہیں ہے ہم اس لئے انکی تعریف کرتے …