Tag: پاکستان

اسلام آباد: نگراں وزیر خارجہ جلیل عباس جیلانی کا کہنا ہے کہ الیکشن سے پہلے حلقہ بندیاں ہوں گی۔

باغی ٹی وی: نجی خبررساں ادارے کے پروگرام میں گفتگو کرتے ہوئے جلیل عباس جیلانی نے کہا کہ پاکستان ایک بہت بڑا جمہوری ملک ہے اور اس میں ووٹرز کی اتنی بڑی تعداد کو ووٹنگ کیلئے لے کر جانا ایک بڑی ذمہ داری ہے اور کئیرٹیکر سیٹ اپ اس ذمہ داری کو نبھانے کی بھرپور صلاحیت رکھتا ہے۔

انہوں نے کہا کہ میں سمجھتا ہوں الیکشن کسی بھی جمہوری ملک کا اندرونی معاملہ ہوتا ہے، پاکستان میں پچھلے جو الیکشنز ہوئے اس میں تمام مبصرین نے مشاہدہ کیا، اور آپ کو یہ جان کر خوشی ہوگی کہ جتنے بھی آبزرورزآئے انہوں نےپاکستان میں الیکشن کےانعقاد پر بھرپور اعتماد کا اظہار کیا، اور مجھے پورا یقین ہے کہ آئندہ بھی جو الیکشنز ہوں گے وہ بڑے صاف شفاف الیکشنز ہوں گے-

ڈاکٹرکوثرعبداللہ نگران وفاقی وزیر مقرر

نگراں وزیر خارجہ نے کہا کہ نگراں سیٹ اپ الیکشن سے متعلق بہت واضح ہے، وزیر اعظم نے بتایا ہے کہ ہم آئینی حدود میں الیکشن کرائیں گے نگراں سیٹ اپ کی ترجیح آئین کی جانب سے دی گئی مدت کے مطابق الیکشنز کا انعقاد ہے، الیکشن کی تاریخ کا تعین الیکشن کمیشن نے کرنا ہے، عبوری حکومت کی ذمہ داری الیکشنز کو عملی جامہ پہنانا ہے،سعودی عرب نے ہمیشہ پاکستان کا ساتھ دیا ہے، سعودی عرب پاکستان کا بہت ہی بااعتماد ساتھی ہے سعودی لیڈرشپ ہندوستانی لیڈرشپ سے بات کرتے ہوئے پاکستان کے مفادات کوپیش نظر رکھے گی۔

بارڈرہیلتھ سروسزپاکستان کاملک کے ائیر پورٹس پرالرٹ جاری

قبل ازیں سابق صدر آصف زرداری نے الیکشن کمیشن اور چیف الیکشن کمشنر پر اپنے مکمل اعتماد کا اظہار کیا آصف زرداری نے کہا کہ الیکشن کمیشن آئین کے مطابق الیکشن کرائےگااور مردم شماری کےبعد الیکشن کمیشن نئی حلقہ بندیاں کرانےکا پابند ہے، چیف الیکشن کمشنر اور تمام اراکین پر ہمیں پورا اعتماد ہے نگران حکومت ایس آئی ایف سی کے منصوبوں کو جلد مکمل کرے اور منصوبے مکمل کرکے ملک کو ترقی کی راہ پر ڈالا جائے ملک اس وقت ایک معاشی بحران سے گزر رہا ہے، ہم سب کو سیاست کے بجائے معیشت کی فکر پہلے کرنی چاہیے، ملک ہے تو ہم سب ہیں۔

پاکستان نے بھارت کیخلاف میچ کیلئے پلیئنگ الیون کا اعلان کر دیا

مسلم لیگ (نواز) کے قائد میاں نواز شریف نے وطن واپسی کا اعلان کرتے ہوئے کہا ہے کہ اگلے ماہ پاکستان واپس آرہا ہوں ، ملک کو خوشحالی کی طرف لے کر جائیں گے، سابق وزیراعظم شہباز شریف نے لندن میں مسلم لیگ ن کے قائد میاں نواز شریف سے ملاقات کی، جس میں نواز شریف کی وطن واپسی اور ملک کی سیاسی صورتحال پر تبادلہ خیال کیا گیا ۔ نواز شریف کی وطن واپسی کیلئے لاہور ایئرپورٹ کو فائنل کیا گیا ہے جبکہ وہ اکتوبر کے دوسرے نصف میں پاکستان کیلئے روانہ ہوں گے۔

پاکستان پہنچنے پر نواز شریف راہداری ضمانت لے سکتے ہیں ۔ نواز شریف کو تجویز دی گئی ہے کہ داتا دربار پر جائیں اور کارکنوں سے خطاب کے بعد رائے ونڈ روانہ ہوں، دوسری جانب نواز شریف نے لندن میں لیگی کارکنوں سے بھی ملاقات کی ۔ اس موقع پر ان کا کہنا تھا کہ اگلے ماہ پاکستان واپس آرہا ہوں ، پاکستان کو خوشحالی کی طرف لے کر جائیں گے، سابق وزیراعظم نے مزید کہا کہ چند افراد نے مخصوص مقاصد کیلئے پاکستان کو نشانہ بنایا.

نواز شریف سے ملاقات کے بعد میڈیا سے گفتگو کرتے ہوئے شہباز شریف نے کہا کہ نواز شریف سے پہلے پاکستان جائوں گا۔ اللہ کا شکر ہے کہ میرے کینسر ٹیسٹ کلیئر آئے ہیں ۔ ان کا کہنا ہے کہ اچھی بات ہے ڈالر نیچے آیا ہے، ڈالر جتنا نیچے آئے گا اتنا ہی ہماری معیشت کیلئے بہتر ہوگا ۔ تاہم واضح رہے کہ رانا ثنا اللہ نے اپنے ایکس (ٹوئٹر) پیغام میں کہا ہے کہ نواز شریف الیکشن میں مسلم لیگ ن کی مہم کی قیادت کریں گے ۔

سابق وفاقی وزیر فیصل واوڈا نے کہا ہے کہ پاکستان تحریک انصاف کے رہنماؤں نے نو مئی کے واقعات پر چیئرمین پی ٹی آئی کے خلاف ایک سو چونسٹھ کا بیان ریکارڈ کردیا ہے، وہ سب چیئرمین پی ٹی آئی پر الزام لگا کر الگ ہوجائیں گے،ان کے کیسز ابھی ختم نہیں ہوئے۔ صدر مملکت الیکشن کی تاریخ نہیں دیں گے، صدر مملکت پر بڑے کیسز ہیں، مگر ابھی انہیں استثنیٰ حاصل ہے جبکہ نجی ٹی وی سے گفتگو کرتے ہوئے فیصل واوڈا نے کہا کہ ڈاکٹر عارف علوی انتخابات کی تاریخ نہیں دیں گے، صدر مملکت پر بھی توشہ خانہ اور دیگر کیسز ہیں۔

جبکہ فیصل واوڈا نے کہا کہ عارف علوی جب تک صدر کے عہدے پر ہیں ان کو استثنیٰ حاصل ہے، عہدے کی مدت ختم ہونے کے بعد کیسز کا معلوم ہوگا اور ان کا مزید کہنا تھا کہ صدر مملکت کو ڈاکٹرز نے کہا ہے کہ ادویات کھاتے رہیں، صدر ادویات کھانا چھوڑ دیں گے تو طبیعت خراب ہو جائےگی، چیئرمین پی ٹی آئی عمران خان کے جیل میں ہونے پر سابق وفاقی وزیر نے کہا کہ کوئی کمرے میں بھی قید ہو تو ذہنی مریض ہو جاتا ہے، جرائم پیشہ افراد کیلئے جیل کاٹنا آسان ہوتا ہے، چیئرمین پی ٹی آئی کیلئے جیل کاٹنا آسان نہیں ہے۔
واؤڈا نے یہ بھی کہا کہ چیئرمین پی ٹی آئی کو پھنسوانے والے ان کے مشیر ہیں۔ چیئرمین پی ٹی آئی کو الیکشن میں نہیں دیکھ رہا، تحریک انصاف ان کے نام پر چلتی تھی اور ووٹ پڑتے ہیں۔

جبکہ فیصل واوڈا کا کہنا تھا کہ تمام سیاسی جماعتیں اسٹیبلشمنٹ کی نرسری سے آئی ہیں، 9 مئی پر تمام افراد چیئرمین پی ٹی آئی پر الزام لگا کر الگ ہوجائیں گے، یہ سب چیئرمین پی ٹی آئی کےخلاف 164کا بیان دے چکے ہیں، ان کا کہنا تھا کہ پی ٹی آئی چھوڑنے والوں کے کیسز بھی ختم نہیں ہوئے، چیئرمین پی ٹی آئی جیل میں اپنی غلطیوں سے متعلق سوچ رہے ہوں گے، مخلص لوگوں کی بات نہ سننے والے کو یہ سب بھگتنا پڑتا ہے۔

ان کا کہنا تھا کہ کرپٹ لیڈر شپ ملک کے حالات میں بہتری نہیں لاسکتی، خود حکومت میں رہے اور اب اولادوں کو بھی لارہے ہیں، یہ ملک کو اپنے والد کی جاگیر سمجھتے ہیں، ملک میں مہنگائی کی بات کرتے ہوئے انھوں نے کہا کہ عوام کا مسئلہ سیاستدان نہیں، مہنگائی ہے، ایک آدمی کا یومیہ خرچہ 650 روپے ہے، عوام بچوں کو پڑھائیں،علاج کرائیں یا کھانا کھائیں۔

نگراں وزیر اطلاعات مرتضیٰ سولنگی نے کہا ہے کہ کچھ چینلز پر سابق صدر آصف زرداری کا پرانا انٹرویو چلایا گیا، لیکن فیصل کریم کنڈی نے کہا کہ وزارت اطلاعات نے یہ کلپ ٹی وی چینلز کو دیا، میرا نام لے کر یہ ذمہ داری مجھ پر ڈالی گئی اور نگراں وفاقی وزیر اطلاعات مرتضیٰ سولنگی نے اپنے بیان میں کہا ہے کہ چینلز پر سابق صدر آصف زرداری کا دسمبر 2022 کا انٹر ویو چلا، آصف زرداری نے پی ڈی ایم حکومت کو رائے دی تھی، پیپلزپارٹی بھی سابق پی ڈی ایم حکومت کا حصہ تھی۔

جبکہ ان کا کہنا تھا کہ موجودہ نگراں حکومت سیاسی حکومت نہیں، اس ویڈیو کلپ پر ہمارا تبصرہ نہیں بنتا ، یہ معاملہ سیاسی جماعتوں کے درمیان ہے، سیاسی جماعتیں ہی اس پر بہتر رائے دے سکتی ہیں، مرتضیٰ سولنگی کے مطابق فیصل کریم کنڈی نے کہا تھا کہ یہ کلپ وزارت اطلاعات سے بھیجا گیا، میرا نام لے کر یہ ذمہ داری مجھ پر ڈالی گئی۔
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ
جی 20 سربراہی اجلاس؛ امریکی صدر دہلی پہنچ گئے
کترینہ کیف نے ناک کی سرجری کروا لی خبریں گرم ، اداکارہ کی طرف سے خاموشی
طالبان نے 6.5 ارب ڈالرز کے معاہدوں پر دستخط کر لئے
جبکہ نگراں وفاقی وزیر کا کہنا تھا کہ پاکستان میں تمام ٹی وی چینلز آزاد ہیں، چینلز کلپ نہیں چلاتے جب تک خود اس سے اتفاق نہ کریں، یہ ٹی وی چینلز کی سالمیت پر بھی سوال ہے اور مرتضیٰ سولنگی نے کہا کہ فیصل کریم کا بیان ٹی وی چینلز پر عدم اعتماد کا اظہار ہے، میں نے ہمیشہ جمہوری جماعتوں کا احترام کیا ہے، پیپلزپارٹی کی جمہوریت کیلئے بے پناہ قربانیاں ہیں، ویڈیو کلپ کو سیاسی مقاصد کے لئے استعمال کیا گیا۔

سپریم کورٹ میں چینی کی قیمتوں کے تعین کا کیس سماعت کیلئے مقرر کردیا گیا ہے اور جسٹس اعجاز الاحسن کی سربراہی میں تین رکنی بینچ 13 ستمبر کو سماعت کرے گا جبکہ چینی کی قیمتوں کے تعین کے حوالے سے شوگر ملز ایسوسی ایشن نے سپریم کورٹ سے رجوع کر رکھا ہے۔

جبکہ عدالت عظمیٰ کی جانب سے 2015 اور 2018 کی مختلف درخواستوں کو سماعت کیلئے مقرر کیا گیا ہے۔ جبکہ دوسری جانب کراچی میں چینی کی قیمتوں میں کمی آنے لگی تھی اور گزشتہ بدھ کو کراچی کی تھوک مارکیٹ جوڑیا بازار میں فی 50 کلوگرام چینی کی قیمت 8750 روپے سے گھٹ کر8600 روپے کی سطح پر آگئی تھی ۔

تاہم فی کلوگرام چینی کی قیمت 3 روپے کمی سے 172روپے پر فروخت کی جارہی ہے جبکہ چینی کی ایکس مل قیمت بھی بشمول ٹرانسپورٹ لاگت کے گھٹ کر 170روپے وصول کی جارہی ہے لیکن دلچسپ امر یہ ہے خوردہ سطح پر فی کلوگرام چینی 180 سے 190 روپے میں فروخت کی جارہی ہے، جس کی قیمت میں بھی کمی آنے کا امکان ہے۔
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ
جی 20 سربراہی اجلاس؛ امریکی صدر دہلی پہنچ گئے
کترینہ کیف نے ناک کی سرجری کروا لی خبریں گرم ، اداکارہ کی طرف سے خاموشی
طالبان نے 6.5 ارب ڈالرز کے معاہدوں پر دستخط کر لئے

جبکہ جوڑیا بازار میں چینی کے ایک ہول سیلر شفقت محمود نے بتایا تھا کہ سپہ سالار کی مہنگائی پر کنٹرول کے اقدامات اور معیشت سدھارنے کے لیے میدان میں آنے سے چینی کی قیمتوں میں کمی کا رحجان پیدا ہوگیا ہے۔ انہوں نے بتایا کہ گذشتہ چند ہفتوں سے چینی کی قیمتوں میں یومیہ بنیادوں پر اضافے کی وجہ سے اسکی فروخت میں بھی واضح کمی آگئی ہے لہذا یہ عوامل بھی چینی کی قیمتوں میں کمی کا باعث ہیں، یہاں یہ امر قابل ذکر ہے کہ چند ماہ قبل 90 سے 100روپے کلو میں فروخت ہونے والی چینی کی قیمت دْگنی ہوچکی ہے۔

پاکستان بار کونسل کے ممبر منیر احمد خان کاکڑ ایڈووکیٹ نے پنجاب کے نگران حکومت کی جانب سے لاہور ہائی کورٹ کے 11ججز کو37کروڑ روپے زیرو پرسنٹ انٹرسٹ پر اور 12 سال کے لیےقرض دینے کے عمل کو غیرآئینی وغیر قانونی قراردیتے ہوئے کہاہے کہ پاکستان بار کونسل ،سپریم کورٹ بار ایسوسی ایشن سمیت دیگر وکلاء تنظیموں کو چاہیے کہ ان ججز کے خلاف ریفرنس داخل کرے ،ٹیکس دینے والے عام لوگ15فیصد انٹرسٹ پر خودکشی پر مجبور ہوتے ہیں.

انہوں نے کہا کہ ججز وجرنیلوں کو صفر فیصد پرقرض کس قانون کے تحت دیاگیاہے ۔ان خیالات کااظہار انہوں نے اپنے جاری کردہ بیان میں کیا۔ منیر احمد کاکڑ ایڈووکیٹ نے کہاکہ گزشتہ دنوں پنجاب کی نگران حکومت نے ہائی کورٹ کے گیارہ ججز کو 37 کڑور روپے سے زائد قرضوں کی منظوری دی گئی تھی جس کے تحت ہائی کورٹ کے ججز کو دئیے جانے والے قرضے بلاسود ہوں گے، ججز 12 سال کی مدت میں بغیر ایک روپیہ سود ادا کئے یہ قرضے واپس کریں گے، ہائی کورٹ کے 11 ججز کو 3 سال کی 36 بنیادی تنخواہوں کے برابر قرض دیا گیا جو سوا تین کروڑ روپے پر ایوریج بنتی ہے،
مزید یہ بھی پڑھیں؛
خیبر پاک افغان بارڈر پر کشیدگی تیسرے روز بھی جاری
پاکستان کا روشن مستقبل چین کے ساتھ جڑا ہوا ہے،سینیٹر رانا محمود الحسن
بجلی کی قیمتوں میں ایک بار پھر اضافہ

انہوں نے کہاکہ پنجاب کے نگران حکومت کا یہ اقدام خلاف قانون ہے ،وہ ججز جو لاکھوں روپے تنخواہیں وصول کرتے ہیں انہیں صفر فیصد انٹرسٹ کے ساتھ 37کروڑ روپے کی ادائیگی کس قانون کے تحت ہورہی ہے ،پاکستان میں لاکھوں عوام جو کروڑوں روپے ٹیکس کی ادائیگی کرتے ہیں ان پر انٹرسٹ لاگو ہے لیکن یہاں انٹرسٹ کی شرح صفر ہے یہ کونساقانون ہے ،انہوں نے کہاکہ یہ معاملہ مس کنڈکٹ کاہے پاکستان بار کونسل،سپریم کورٹ بار ایسوسی ایشن سمیت دیگر وکلاء تنظیموں کو چاہیے کہ وہ ان ججز کے خلاف سپریم جوڈیشل کونسل میں ریفرنس داخل کرے کیونکہ ان کے آئندہ وقتوں میں فیصلے میرٹ کے بر خلاف ہونگے ۔انہوں نے کہاکہ اگر شرعی حوالے سے دیکھاجائے توبھی یہ معاملہ غلط ہے ،انہوں نے کہاکہ بحیثیت وکلاء نمائندہ تنظیم تمام وکلاء باڈیز کو اس پر سخت ردعمل دینے کی ضرورت ہے ۔