Baaghi TV

Tag: پاکستان

  • نگران وزیراعظم سے صدر آزاد کشمیر کی ملاقات

    نگران وزیراعظم سے صدر آزاد کشمیر کی ملاقات

    نگران وزیراعظم انوار الحق کاکڑ سے صدر آزاد ریاست جموں و کشمیر بیرسٹر سلطان محمود چوہدری کی ملاقات ہوئی ہے،

    ملاقات میں صدر آزاد جموں و کشمیر نے انوار الحق کاکڑ کو وزارت عظمیٰ کا منصب سنبھالنے پر مبارکباد پیش کی اور نیک خواہشات کا اظہار کیا ،صدر آزاد جموں و کشمیر نے نگران وزیراعظم کو آزاد جموں و کشمیر آنے کی اور قانون ساز اسمبلی سے خطاب کرنے کی دعوت دی ،نگران وزیراعظم نے صدر آزاد جموں و کشمیر کو پاکستان کی جانب سے کشمیر کے لیے غیر مشروط حمایت کا یقین دلایا

    نگران وزیراعظم انوارالحق کاکڑ کا کہنا تھا کہ کشمیریوں کے حق خود ارادیت کے حصول کی جد وجہد میں ہم ان کے شانہ بہ شانہ کھڑے رہیں گے،پاکستان کشمیریوں کی سفارتی، سیاسی اور اخلاقی مدد تب تک جاری رکھے گا جب تلک اقوام متحدہ کی سیکیورٹی کونسل کی قراردادوں کے مطابق مسئلہ کشمیر کا حل کشمیریوں کی امنگوں کے مطابق استصوابِ رائے سے نہیں ہوجاتا.

    قبل ازیں نگران وزیراعظم انوارالحق کاکڑ سے نامزد نگران وزیراعلی بلوچستان سردار علی مردان ڈومکی کی ملاقات ہوئی ،ملاقات میں بلوچستان کی صورتحال سمیت باہمی دلچسپی کے امور پر تبادلہ خیال کیا گیا ، نگران وزیراعظم انوارالحق کاکڑ نے نگراں وزیر اعلی بلوچستان نامزد ہونے پر سردار علی مردان ڈومکی کو مبارکباد دی۔

    پولیس افسر و اہلکاروں کو حبس بے جا میں رکھنے کے واقعے کا مقدمہ درج

    جڑانوالہ واقعہ انتہائی افسوسناک ہے

     مسیحی قائدین کے پاس معافی مانگنے آئے ہیں،

    نگران وزیر اعظم انوار الحق کاکڑ نے جڑانوالہ واقعہ کا نوٹس لیا ہے

    توہین رسالت کی مجرمہ خاتون کو سزائے موت سنا دی گئی

  • بین الاقوامی شہرت یافتہ جاسوس ماتا ہری

    بین الاقوامی شہرت یافتہ جاسوس ماتا ہری

    بین الاقوامی شہرت یافتہ جاسوس اور خوب صورت و ماہر رقاصہ (ڈانسر) مارگریٹ ذیلی المعروف ماتا ہری 17 اگست 1876 میں نیدر لینڈ ہالینڈ میں ہیدا ہوئی۔ وہ بہت خوب صورت ، بہادر اور سیر و سیاحت کی شوقین تھی ۔ اپنے شوق کی بدولت وہ جلد ایک ماہر ڈانسر بن گئی جس کی وجہ سے اس کی شہرت ،دولت اور تعلقات میں بے پناہ اضافہ ہو گیا۔ وہ دنیا کے مختلف ممالک کی سیر و سیاحت کرتے ہوئے فرانس پہنچ گئی اور پھر یہیں کی ہو کر رہ گئی ۔

    جبکہ ماتا ہری کی بھرپور جسمانی کشش اور سحر انگیز رقص کی وجہ سے بڑے بڑے فوجی جرنیل ، وزرا اور ارکان پارلیمان اس کے چاہنے والے افراد کی فہرست میں شامل رہے اور یہیں سے خفیہ اداروں کے عہدے داران نے اس کو اپنے ملک کیلئے دشمن ممالک میں جاسوسی کرنے پر آمادہ کر لیا۔ ماتا ہری نے فرانس کے شہر پیرس میں رہائش اختیار کی ۔ اس دوران پہلی جنگ عظیم میں فرانس کیلئے جرمنی کی جاسوسی کرنے لگی جبکہ کچھ عرصے بعد وہ جرمنی کیلئے فرانس کی جاسوسی بھی کرنے لگ گئی ۔

    اس طرح وہ دونوں ملکوں کے لیے جاسوسی کرنے لگی آخر ایک روز فرانس کی خفیہ ایجنسیوں ایک سینیئر آفیسرز نے ماتا ہری کو گرفتار کر کے جیل بھیج دیا ۔ یہ پہلی عورت تھی جس نے فلمی کہانیوں کی بجائے حقیقی دنیا میں ” ڈبل ایجنٹ ” کا کردار ادا کیا۔ 15 اکتوبر 1917 میں پیرس میں جاسوسی کا جرم ثابت ہونے پر ماتا ہری کو اسکواڈ کے سامنے گولیاں مار کر موت کی نیند سلا دیا گیا لیکن ماتا ہری نے کمال بہادری کا مظاہرہ کرتے ہوئے اپنی آنکھوں پر پٹی باندھنے نہیں دی بلکہ مسکراتے ہوئے اپنی جان دے دی ۔
    مزید یہ بھی پڑھیں؛
    ہیرا پھیری 3 جلد ریلیزہوگی ، فلم کا تیسرا حصہ شوٹ کر لیا گیا
    جڑانوالہ میں جو کچھ ہوا ہم شرمندہ ہیں، طاہر اشرفی
    نگراں کابینہ میں کشمیری حریت رہنما یاسین ملک کی اہلیہ مشعال ملک بھی شامل
    نگران وزیر اعلیٰ سندھ نے حلف اٹھا لیا
    ندا یاسر 16 لاکھ کمانے آئیں اور پھر شوبز کی ہی ہو کر رہ گئیں
    اس کی لاش کو لاوارث قرار دے کر اس کا جسد خاکی ہسپتال میں میڈیکل کالج کے طلبہ کے تجربات کیلئے استعمال کیا گیا اس کی گردن کو فرانس کے میوزیم میں رکھا گیا لیکن بعد میں وہ گردن چوری ہو گئی۔ ماتا ہری کی زندگی پر 250 کے لگ بھگ ناول اور سوانح حیات لکھی گئی ہیں اس کے علاوہ اس موضوع پر دنیا کے متعدد ممالک میں فلمیں اور اسٹیج ڈرامے بھی بنائے گئے ہیں ۔

  • ملک بھر میں ای پاسپورٹ کا اجراء کر دیا گیا،فیس شیڈول بھی جاری

    ملک بھر میں ای پاسپورٹ کا اجراء کر دیا گیا،فیس شیڈول بھی جاری

    اسلام آباد: ملک بھر میں ای پاسپورٹ کا اجراء کر دیا گیا جس کیلئے ڈائریکٹوریٹ جنرل امیگریشن اینڈ پاسپورٹس نے ای پاسپورٹ کے لیے فیس شیڈول بھی جاری کر دیا –

    باغی ٹی وی : جاری شیڈول کے مطابق 5 سال کے لیے 36 صفحات کے پاسپورٹ کی فیس 9 ہزار روپے جبکہ ارجنٹ ای پاسپورٹ کی فیس 15 ہزار روپے ہو گی جبکہ 72 صفحات پر مشتمل ای پاسپورٹ کے لیے نارمل فیس 16 ہزار 500 اور ارجنٹ کے لیے 27 ہزار روپے ہوگی اسی طرح دس سال کے لیے 36 صفحات کے پاسپورٹ کے لیے نارمل فیس 13 ہزار 500 اور ارجنٹ فیس 22 ہزار 500 روپے مقرر کر دی گئی ہے۔

    شیڈول کے مطابق دس سال کے لیے 72 صفحات پر مشتمل پاسپورٹ کی نارمل فیس 24 ہزار 750 جبکہ ارجنٹ کی فیس 40 ہزار 500 روپے مقرر ہو گئی ہے شیڈول کے تحت نارمل پاسپورٹ کی فیس حسب سابق رہیں گی، فیسوں کا اطلاق 16 اگست سے ہوچکا ہے۔

    گوگل نے ویب براؤزر کروم میں نیا اے آئی فیچز شامل کرلیا

    ای پاسپورٹ جسے اکثر ڈیجیٹل پاسپورٹ کے نام سے جانا جاتا ہے، معیاری پاسپورٹ کی طرح ہی ہوتا ہے۔ ای پاسپورٹ میں ایک الیکٹرانک چپ شامل ہوتی ہے جس میں وہی ڈیٹا ہوتا ہے جو پرنٹ شدہ ہوتا ہے، چپ کے ساتھ چھیڑ چھاڑ کی صورت میں، پاسپورٹ کی توثیق ہوگی-

    ای پاسپورٹ پہلی نظر میں ایک عام پاسپورٹ جیسا لگتا ہے، تاہم، واحد اہم تبدیلی یہ ہے کہ سابق میں ایک چھوٹی الیکٹرانک چپ ہے، بالکل اسی طرح جو ڈرائیور کےلائسنس پرپائی جاتی ہے، مائیکرو چِپ آپ کےپاسپورٹ پر تمام تفصیلات محفوظ کرتی ہے،بشمول آپ کا نام، تاریخ پیدائش، پتہ، اور دیگر ذاتی تفصیلات، یہ امیگریشن کاؤنٹرز کو مسافر کی معلومات کی فوری تصدیق کرنے میں مدد کرے گا۔

    امریکا میں انسان میں سور کے گردے کی پیوندکاری کا تجربہ کامیاب

    اس کارروائی سے جعلی پاسپورٹوں کو کم کرنے میں بھی مدد ملے گی مارکیٹ اس چپ نے حفاظتی طریقہ کار کو بہتر بنایا ہے جو دھوکہ بازوں کے لیےمحفوظ کردہ ڈیٹا کےساتھ چھیڑ چھاڑکرنا ناممکن بنا دیتا ہےاس وقت، مسافر پاسپورٹ کی تصدیق، تفصیلات کی تصدیق وغیرہ سمیت ضروریات کو پورا کرنے کےلیےامیگریشن کاؤنٹرز پر کافی وقت گزارنے پر مجبور ہیں، کیونکہ حکام کو پاسپورٹ پر موجود ہر چیز کو ذاتی طور پر چیک کرنا ہوتا ہے۔

    ای پاسپورٹ کےساتھ، اس وقت خرچ ہونے کی پیشگوئی نصف سےزیادہ کم ہو جائے گی مائیکرو چِپ میں بائیو میٹرک ڈیٹا اوردیگر معلومات رکھنےکی بھی اطلاع ہے، جس سے ڈیجیٹل طور پرمسافرکی شناخت کرنا آسان ہو جاتا ہےیہ چپ پچھلے دوروں کے بارے میں بھی معلومات محفوظ کر سکتی ہے۔

    ارسلان نسیم کی عمر 13 نہیں بلکہ 20 برس ہے، پولیس کا دعویٰ

  • بابر اعظم جتنا بڑا کھلاڑی ہے اتنا ہی بڑا کپتان بھی ہے،افتخار احمد

    بابر اعظم جتنا بڑا کھلاڑی ہے اتنا ہی بڑا کپتان بھی ہے،افتخار احمد

    قومی ٹیم کے جارح مزاج مڈل آرڈر بیٹر افتخار احمد کا کہنا ہے کہ تمام پاکستانی ہمارے لیے دعا کریں کہ ہم ایشیا کپ جیت جائیں اور یہ خوشی ہم اپنے پاکستانیوں کو دیں۔

    باغی ٹی وی: بیٹر افتخار احمد نے ایج انٹرویو میں کہا کہ بابر اعظم جتنا بڑا کھلاڑی ہے اتنا ہی بڑا کپتان بھی ہے، وہ خود جس طرح دلیری کے ساتھ کھیلتا ہے اسی طرح کھلاڑیوں کو بھی دلیری سے کھیلنے کی تلقین کرتا ہے،بابر اعظم ہمیشہ پوری ٹیم کو سپورٹ کرتا ہے اور تمام کھلاڑیوں سے کہتا ہے کہ اگر آپ کو بیٹنگ، بولنگ، فیلڈنگ میں یا پھرکسی بھی قسم کا کوئی مسئلہ ہے تو مجھے بتائیں میں اس کا کوئی حل نکال لوں گا لیکن بات کو دل میں مت رکھیں، ہمارا بہت اچھا ٹیم کمبی نیشن بنا ہوا ہے۔

    وسیم اکرم کا پی سی بی کو ویڈیو ڈیلیٹ کر کے معافی مانگنے کا مطالبہ

    علاوہ ازیں افتخار احمد نے خود سے منسوب جھوٹا بیان پھیلانے والے ایکس اکاؤنٹ صارف پر غصے کا اظہار کیا ہے مائیکروبلاگنگ ویب سائٹ ایکس پر نواز نامی صارف نے افتخاراحمد کےنام سےمنسوب ایک بیان جاری کیا جس میں لکھا تھا کہ جب بھی ہمارا بھارت کے خلاف میچ ہوتا ہے ، تو ہمیں ایسا محسوس ہوتا ہے جیسے ہم گلی کے بچوں کے ساتھ کھیل رہے ہیں-

    افتخار احمد نے اس ٹوئٹ کا لنک اور اسکرین شاٹ شیئر کیا اور اپنے اس بیان کی مکمل تردید کی۔

    واضح رہے کہ پاکستان کی میزبانی میں ایشیا کپ کا آغاز 30 اگست سے ہونے جا رہا ہے، ایشیا کپ کے چند میچز پاکستان میں ہوں گے جبکہ زیادہ تر میچز سری لنکا میں ہوں گے۔

    وہاب ریاض کا انٹرنیشنل کرکٹ سے ریٹائرمنٹ کا اعلان

  • پاکستان آزادانہ اور منصفانہ انتخابات کی تیاری کر رہا ہے،امریکی وزیر خارجہ

    پاکستان آزادانہ اور منصفانہ انتخابات کی تیاری کر رہا ہے،امریکی وزیر خارجہ

    امریکی وزیرخارجہ انٹونی بلنکن نے انوارالحق کاکڑ کو نگراں وزیراعظم بننے پر مبارکباد پیش کی ہے۔

    باغی ٹی وی: انٹونی بلنکن نے کہا کہ پاکستان آزادانہ اور منصفانہ انتخابات کی تیاری کر رہا ہےانہوں نے کہا کہ ہم آئین،آزادی اظہار، مشترکہ عزم کو آگے بڑھاتے رہیں گے، پاکستان میں معاشی خوشحالی کے لیے تعاون جاری رکھیں گے۔

    دوسری جانب نگران وزیر اعظم انوار الحق کاکڑ نے مبارکباد کے پیغام پر امریکی وزیر خارجہ سے اظہار تشکر کیا کہا کہ نگران حکومت صاف شفاف انتخابات کے لیے پوری تندہی سے کام کرے گی، ہم امریکا کے ساتھ شراکت داری کو اہمیت دیتے ہیں نگران وزیراعظم انوارالحق کاکڑ نے کہا کہ خطے میں اقتصادی خوشحالی،جمہوریت اور استحکام کے لیے مشترکہ عزم کی قدر کرتے ہیں۔

    اقتصادی کامیابی کیلئے پاکستان کی بھرپورحمایت جاری رکھیں گے،یوم آزادی پر امریکا کا پیغام

    واضح رہے کہ قبل ازیں یوم آزادی پر وزیر خارجہ انٹونی بلنکن نے کہا تھا کہ ریاست ہائے متحدہ امریکا کی حکومت کی طرف سے میں پاکستانی عوام کے ساتھ 14 اگست کو یوم آزادی پر نیک تمناؤں کا اظہار کرتا ہوں،جب ہم تعاون کے نئے سال کا آغاز کر رہے ہیں اور پاکستان انتخابات کے انعقاد کی تیاری کر رہا ہےہم جامع اقتصادی ترقی، توانائی، امن اور علاقائی استحکام کو فروغ دینے کے منتظر ہیں۔

    نریندرمودی کی انوکھی اپیل ماننے پر بی سی سی آئی گولڈن ٹک سے محروم ہوگیا

    انٹونی بلنکن نے کہا تھا کہ امریکا، پاکستان کے ساتھ 76 سالہ تعلقات کو قدر کی نگاہ سے دیکھتا ہے، ہم دونوں ممالک کے خوشحال مستقبل کی تشکیل کے لیے شراکت داری کو مزید مضبوط کرنے کے منتظر ہیں اس عزم کا بھی اظہار کیا گیا کہ ملک کی اقتصادی کامیابی کے لیے امریکا کی پاکستان کی بھرپور حمایت جاری رہے گی،ہم جمہوری اصولوں اورقانون کی حکمرانی کے احترام کے عزم کا اشتراک کرتے ہیں۔

    بھارت:شملہ میں لینڈ سلائیڈنگ سے مندر تباہ ، کالج کی عمارت سیالبی ریلے میں بہہ …

  • نواز شریف نے پارٹی کی سینئر قیادت کو لندن طلب کر لیا

    نواز شریف نے پارٹی کی سینئر قیادت کو لندن طلب کر لیا

    مسلم لیگ ن کے قائد نواز شریف کی وطن واپسی کا معاملہ ،مسلم لیگ ن کے قائد نواز شریف نے مسلم لیگ ن کی سینئر قیادت اور لیگل ٹیم کو لندن طلب کر لیا،

    مسلم لیگ ن کی لیگل ٹیم اور سینئر رہنما رواں ہفتے لندن روانہ ہوں گے،سابق وزیر اعظم شہباز شریف، مسلم لیگ ن کی لیگل ٹیم اور سابق وفاقی وزراء رواں ہفتے لندن روانہ ہوں گے،مسلم لیگ ن کے صدر پنجاب رانا ثناء اللہ ، اور اعظم نذیر تارڑ لندن میں مسلم لیگ ن کے قائد نواز شریف سے ملاقات کریں گے ، اس موقع پر اجلاس میں مسلم لیگ ن اور اتحادی جماعتوں کے حوالے سے مشاورت کی جائے گی،مسلم لیگ ن کے قائد کی وطن واپسی کے لیے قانونی امورپر تبادلہ خیال کیا جائے گا،

    واضح رہے کہ نواز شریف علاج کے لئے لندن گئے تھے مگر تاحال واپس نہ آئے، شہباز شریف نے ڈیڑھ سال حکومت کی، وزیراعظم رہے، مگر انکے دور اقتدار میں بھی نواز شریف واپس نہ آئے، اب نگران حکومت قیام میں آ چکی ہے، نواز شریف کی واپسی کے لئے راستے ہموار کئے جا رہے ہیں، نواز شریف ماہ ستمبر میں واپس آنا چاہتے ہیں تا ہم حتمی طور پر ابھی تک کوئی فیصلہ نہیں ہوا،. نواز شریف کب واپس آتے ہیں اس کا ابھی تک کنفرم نہیں تاہم ن لیگی امید ہیں کہ نواز شریف الیکشن سے قبل واپس آ سکتے ہیں

     نواز شریف کب واپس آتے ہیں اس کا ابھی تک کنفرم نہیں 

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

     نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

    نواز شریف کی پاکستان میں انٹری کیسی ہو گی پلان A پلانB تیار کرلیا گیا، نواز شریف کی وطن واپسی سے قبل اسلام آباد ہائیکورٹ سے حفاظتی ضمانت لی جائے گی، پلان A کے مطابق نواز شریف کی وطن واپسی اسلام آباد ایئرپورٹ پر ہو گی،
    وطن واپسی پر نواز شریف کا فقید المثال استقبال کیا جائے گا،نواز شریف وطن واپسی پر اسلام آباد پریڈ گراؤنڈ میں عوامی اجتماع سے خطاب کریں گے، مسلم لیگ ن کے قومی و صوبائی اسمبلیوں کے ٹکٹ ہولڈرز اور عہدیدران بھرپور عوامی طاقت کا مظاہرہ کریں گے،نواز شریف اسلام آباد سے براستہ جی ٹی روڈ لاہور کے لئے بڑی ریلی کی صورت میں روانہ ہوں گے،
    نواز شریف کی ریلی مسلم لیگ ن کی انتخابی مہم کا آغاز بھی ہو گا،نواز شریف جہلم، سرائے عالمگیر، لالہ موسی، گجرات، گوجرانوالا سے ہوتے ہوئے لاہور پہنچیں گے،لاہور میں نواز شریف کا بھرپور استقبال کیا جائے گا،لاہور جلسے کو تاریخی بنانے کا ٹاسک حمزہ شہباز اور مریم نواز کے سپرد کیا گیا ہے،

    پلان B کے مطابق نواز شریف کی ممکنہ واپسی لاہور ایئرپورٹ پر ہو سکتی ہے،لاہور ایئرپورٹ پر نواز شریف کا استقبال کرنے کے بعد ریلی کی صورت میں داتا دربار لے جایا جائے گا،

  • امریکی ڈالر کی قدر میں مزید اضافہ

    امریکی ڈالر کی قدر میں مزید اضافہ

    انٹر بینک میں پاکستانی روپیہ کے مقابلے میں امریکی ڈالر کی قدر میں مزید اضافہ ہوگیا ہے جبکہ کرنسی ڈیلرز کے مطابق انٹر بینک میں ڈالر کی قدر میں مسلسل دسویں روز اضافے کا رجحان برقرار ہے تاہم انٹر بینک میں ڈالر کے مقابلے میں روپے کی قدر میں 3 ماہ کی کم ترین سطح پر آگئی ہے۔

    جبکہ کاروباری دن کے آغاز پر انٹربینک میں ڈالر مزید 3 روپے 60 پیسے مہنگا ہوگیا ہے اور قیمت میں اضافے کے بعد امریکی ڈالر292 روپے 10 پیسے جبکہ اوپن مارکیٹ میں ڈالر 6 روپے مہنگا ہوکر 302 روپے کا ہوگیا ہے
    مزید یہ بھی پڑھیں؛
    پی سی بی کی جانب سے یومِ آزادی پر جاری کی گئی ویڈیو نے صارفین کو مشتعل کر دیا
    ایشیا کپ 2023: ٹکٹوں کی آن لائن بکنگ ،قیمتوں کی تفصیلات سامنے آگئیں
    الیکشن کمیشن نے انتخابی ضابطہ اخلاق مزید سخت کر دیا
    انگلش کرکٹرکرس ووکس آئی سی سی مینزپلیئر آف دی منتھ قرار

    تاہم دوسری جانب نئے کاروباری ہفتے پر پاکستان اسٹاک ایکسچینج میں اتار چڑھاؤ کارجحان ریکارڈ نوٹ کیا گیا اور ہنڈریڈ انڈیکس 141 پوائنٹس بڑھکر 48565 پوائنٹس پر بند ہوا ہے۔ تاہم دوسری جانب ملک بھر میں سونے کی فی تولہ قیمتوں میں بڑا اضافہ ہوگیا ہے جبکہ ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالہ، فیصل آباد، ملتان، راولپنڈی سمیت دیگر جگہوں پر فی تولہ سونے کی قیمت میں 1100 روپے کا اضافہ ریکارڈ کیا گیا جس کے بعد نئی قیمت 222900 روپے ہوگئی۔

    علاوہ ازیں دس گرام سونے کی قیمت میں بھی 943 روپے کا اضافہ ریکارڈ کیا گیا جس کے بعد نئی قیمت 191101 روپے ہوگئی، ادھر بین الاقوامی مارکیٹ میں فی اونس سونے کی قیمت میں 11 ڈالر کی کمی دیکھی گئی ہے جس کے بعد نئی قیمت 1903 امریکی ڈالر ہو گئی ہے۔ علاوہ ازیں فی تولہ اور دس گرام چاندی کی قیمت استحکام کے بعد بالترتیب 2750 روپے اور 2357.68 روپے کی سطح پر برقرار ہے۔

  • پچاس ہزار نوجوان گورنر ہاؤس میں آئی ٹی کورس کریں گے. کامران ٹیسوری

    پچاس ہزار نوجوان گورنر ہاؤس میں آئی ٹی کورس کریں گے. کامران ٹیسوری

    گورنر سندھ کامران ٹیسوری کا کہنا ہے کہ پچاس ہزار نوجوان گورنر ہاؤس میں آئی ٹی کورس کریں گے، تمام امیدواروں کو منتخب کرلیا ہے۔ جبکہ مزار قائد پر کلچر شو کا انعقاد کیا گیا تھا جس میں گفتگو کرتے ہوئے گورنر سندھ کامران ٹیسوری نے کہا کہ اگر یہاں عام لوگ کھڑے ہیں تو ہمارے گھر والے بھی یہاں کھڑے ہیں اور جولوگ ایک کروڑ نوکریوں کی باتیں کرتے تھے انکے بچے یہاں نظر نہیں آرہے ہیں۔

    جبکہ واضح رہے کہ گورنر سندھ کا کہنا تھا کہ آؤ دیکھو پاکستان والو یہ پرچم کہاں تک جا رہا ہے، یہ اس پاکستان کی پہچان ہے جورنگ ، نسل، فرقہ اور سیاست سے بالاتر ہے، خالد بھائی نے کہا تھا ایم کیوایم کا جھنڈا نہیں ہوگا صرف پاکستان کا جھنڈا ہوگا، ہم نے یہاں پاکستانی پرچم بلند کر کے دکھا دیا ہے۔ علاوہ ازیں کامران ٹیسوری کا کہنا تھا کہ آج اسلام آباد گیا جہاں نگراں وزیراعظم کے حلف کی تقریب تھی، لیکن میں اپنا دل یہاں چھوڑ گیا تھا اور جسم اسلام آباد لے گیا تھا ، اسلام آباد میں طوفانی بارش تھی کہا گیا کہ اپنی ذمہ داری پر جائیں ، میں نے کہا یہ ذمہ داری اللہ نے لی ہے، جان جوکھوں میں ڈال کر آیا، میں اکیلا یہاں نہیں کھڑا یہ بھی کڑوی حقیقت ہے ، یہاں میرا 9 ماہ، 5 سال اور 12 سال کا بیٹا، بیٹی اور بیگم بھی موجود ہیں، مجھے کہا گیا آپکی جان کوخطرہ ہے آپ باکس میں کھڑے ہو کر تقریر کیجئے گا، میں نے کہا مجھے سب کی جان کی پرواہ ہے ۔
    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان
    گورنر سندھ کا کہنا تھا کہ کیا ساری زندگی ایسے رہو گے یااپنا حق چاہیے ، حق ایسے نہیں ملتا، ایسے دھوکا ہی ملےگا ، کبھی روٹی کپڑا مکان کے نام پر کبھی 50 لاکھ گھر کے نام پر، کیا آپ کو اپنا ذاتی گھر اور کاروبار چاہیے؟ ، آپ کیلئے گورنر ہاؤس کے دروازے کھلے ہیں، جس کو نوکری چاہئے آجاٸے، جس طرح رمضان میں افطار و کھانا ہوا اس طرح آٸی ٹی کی نوکریاں بھی ہونگی۔ جبکہ انہوں نے کہا کہ گورنر ہاؤس کے دروازے کھولنا اور آئی ٹی ٹیسٹ کروانا یہ سب خالد مقبول کی ہدایت ہے، ٹیسٹ میں کامیاب نہ ہونیوالے ساڑھے چارلاکھ امیدوار مایوس نہ ہوں، ان کومیٹاورس آرٹیفیشل انٹیلیجنس اور ویب تھری کورسز آن لائن کروائے جائیں گے۔

  • ہاشم ڈوگر پی ٹی آئی کو چھوڑنے کے بعد آئی پی پی میں شامل ہوگئے

    ہاشم ڈوگر پی ٹی آئی کو چھوڑنے کے بعد آئی پی پی میں شامل ہوگئے

    تحریک انصاف کی ایک اور وکٹ گر گئی ہے اور سابق صوبائی وزیر کرنل (ر) ہاشم ڈوگر نے استحکام پاکستان پارٹی میں شمولیت کا فیصلہ کرلیا جس کا باقاعدہ اعلان وہ کل کریں گے۔ جبکہ صدر استحکام پاکستان پارٹی علیم خان نے وفد کے ہمراہ سابق صوبائی وزیر کرنل (ر) ہاشم ڈوگر سے ان کے گھر پر ملاقات کی۔


    جبکہ اس موقع پر گفتگو کرتے ہوئے صدر آئی پی پی علیم احمد خان کا کہنا تھا کہ پارٹی میں اہم شخصیات کی شمولیت خوش آئند ہے اور ملکی معاملات اہم مرحلے میں داخل ہو چکے ہیں جبکہ ہم ملکی مسائل کا عملی حل دیں گے اور ملک کو ان تمام مسائل سے نکالیں گے.
    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان
    استحکام پاکستان پارٹی کے صدر علیم احمد خان نے مزید کہا کہ جان بوجھ کر ملک کے پانچ سال ضائع کیے گئے ہیں، ہمیں اس تاخیر کا ازالہ کرنا ہوگا اور عام آدمی کو صرف اپنے مسائل سے غرض ہے جبکہ نوجوان طبقے کو امید دلانا اور عوام کے مسائل کے حل کیلئے عملی اقدامات کرنا ہماری اولین ترجیح ہے۔

    ان کا یہ بھی کہنا تھا کہ آنے والے نئے لوگوں کو اپنی پارٹی میں خوش آمدید کہتے ہیں اور یقین دلاتے ہیں کہ اپنے ملک کے مسائل کیلئے ہرقسم کی کوشش کرتے ہیں.

  • پاکستان کے پہلے نوجوان سینیٹر، سردار سلیم چل بسے

    پاکستان کے پہلے نوجوان سینیٹر، سردار سلیم چل بسے

    پاکستان کے معروف سیاستدان اور پہلے نوجوان سینیٹر جنہیں پاکستان کا پہلا "ینگسٹ سینیٹر” بھی کہا جاتا ہے سردار سلیم سدوزئی انتقال کرگئے ہیں جبکہ ان کا انتقال اپنے راولپنڈی کے گھر میں ہوا، صحافی ملک رمضان اسراء نے اپنے ٹوئیٹ میں لکھا کہ "ذوالفقار علی بھٹو کے قریبی ساتھی سردار سلیم کی وفات کا سن کر بہت دکھ ہوا، ان کے ساتھ انتہائی قربت تھی گزشتہ دنوں فون پر بات ہوئی تو کہا ملاقات کیلئے کب آرہے ہو؟ 14 اگست کے بعد کا وقت طے ہوا مگر وہ خالق حقیقی سے جاملے اللہ تعالٰی سردار صاحب کو جنت الفردوس میں اعلی مقام عطاء فرمائے”

    خاندانی ذرائع کے مطابق سردار سلیم کی قل خوانی کل یعنی 15 اگست کو ہوگی جس میں ان کے رشتہ دار اور دوست احباب شرکت کریں گے جبکہ سردار سلیم کی وفات پر صحافی ملک رمضان اسراء کا کہنا تھا کہ سردار سلیم کو حق و سچ کی پاداش میں مارشل لاء دور میں کوڑے بھی مارے گئے تھے.

    مزید یہ بھی پڑھیں؛
    کسی بھی سیاسی جماعت پر پابندی نہیں لگنی چاہیے،چودھری شافع حسین
    سیما حیدر نے بھارتی ترنگا لہرا کر بھارت زندہ باد کا نعرہ لگا دیا
    گھبرانے کی ضرورت نہیں منزل قریب ہے، راجہ پرویز اشرف
    ڈاکوؤں کے متعدد ٹھکانے تباہ، املاک کو آگ لگا دی گئی
    76 واں یوم آزادی:14 صحافیوں کو سرکاری اعزازات سے نوازے جانے کاامکان
    انہوں نے مزید بتایا کہ اکثر سردار سلیم اپنے سابقہ دنوں کی مشکلات اور اپنی بیوی کی قربانیاں بیان کرتے ہوئے رو دیتے تھے جبکہ ملک رمضان اسراء کے خیال میں پیپلزپارٹی نے سردار سلیم جیسے ذولفقار علی بھٹو کے ساتھیوں کی قدر نہیں کی ہے حالانکہ سردار سلیم کو جب سنیٹر بنایا گیا تھا تو یہ ان کی خواہش نہیں تھی اور ناہی اس کا انہوں نے پارٹی قیادت سے تقاضہ کیا تھا بلکہ اس کے لیئے بانی پیپلزپارٹی ذولفقار علی بھٹو نے ان کا نام خود تجویز کیا تھا.