Baaghi TV

Tag: پاکستان

  • پاکستان کو سستی بجلی، گیس اور تیل دے سکتے ہیں،ایرانی سفیر

    پاکستان کو سستی بجلی، گیس اور تیل دے سکتے ہیں،ایرانی سفیر

    پاکستان میں ایک طرف بجلی کے بلوں کے حوالہ سے عوام کا احتجاج جاری ہے، بجلی بلوں نے عوام کی چیخیں نکلوا دی ہیں وہیں دوسری جانب پاکستان میں ایرانی سفیر رضا امیری مقدم کا کہنا ہے کہ پاکستان چاہے تو ہم پاکستان کو سستی بجلی، گیس اور تیل دے سکتے ہیں

    وفاقی دارالحکومت اسلام آباد میں صحافیوں کے اعزاز میں ایرانی سفیر نے عشائیہ دیا ، جس میں صحافیوں کے سوالوں کے جواب دیتے ہوئے ایرانی سفیر کا کہنا تھا کہ پاکستان کو بجلی گیس کی کمی کا سامنا ہے اس بحران کو حل کرنے کیلئے ایران پاکستا ن کو سستی گیس، سستی بجلی اور سستا تیل فراہم کرنے کی پوزیشن میں ہے ،

    ایرانی سفیر کا کہنا تھا کہ ایران اورپاکستان کے دارالحکومتوں کے درمیان براہ راست پروازیں شروع ہوں گی اس کیلئے ایران نے پاکستان کو باضابطہ تجویز دی اور پاکستان نے اس تجویز کی کابینہ سے منظوری لینے کے بعد پروازیں شروع کرنے کے بارے میں اتفاق کر لیا پاکستان نے پی آئی اے کو اسلام آباد سے ایران کیلئے ففتھ فریڈم کی سہولت مانگی ایران نے بھی اسی طرح کی سہولت اپنی چارائیر لائنوں کیلئے طلب کی ہے فی الحال لاہور اور کراچی سے مشہد کیلئے پروازیں چل رہی ہیں۔

    دوسری جانب ایران پاکستان گیس پائپ لائن منصوبے کی تکمیل کھٹائی میں پڑ گئی ،پاکستان نے منصوبہ مکمل کرنے سے معذوری ظاہر کر دی, پاکستان نے ایران کو معاہدہ معطل کرنے کے لیے ’فورس میجر اینڈ ایکسکیوزنگ ایونٹ‘ نوٹس جاری کر دیا,نوٹس میں پاکستان کے قابو سے باہر بیرونی عوامل کا حوالہ دیا گیا ہے,نوٹس میں پاکستان نے منصوبے کو آگے بڑھانے سے اپنی عارضی معذوری ظاہر کی ہے, پاکستان نے موقف اپنایا کہ جب تک کہ ایران پر امریکی پابندیاں برقرار ہیں منصوبے کی تکمیل ممکن نہیں ہو سکتی

    حکومت نے پاک ایران، پاک روس بارٹر تجارت کی اجازت دے دی

    وزیر مملکت مصدق ملک نے میڈیا سے گفتگو میں بڑے اعلان کردیئے

    جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا

    بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں

  • پی پی سینٹرل ایگزیکٹیو کمیٹی اجلاس؛ پارٹی قیادت پر اعتماد کا اظہار

    پاکستان پیپلز پارٹی کی سینٹرل ایگزیکٹیو کمیٹی کے اجلاس میں ارکان نے سابق صدر آصف زرداری اور پارٹی چیئرمین بلاول بھٹو زرداری پر اعتماد کا اظہار کیا جبکہ ذرائع کے مطابق سی ای سی اجلاس میں ملکی سیاسی اور معاشی صورت حال پر تبادلہ خیال کیا گیا اور ذرائع نے بتایاکہ ارکان نے ملک میں عام انتخابات سے متعلق تجاویز پیش کیں اور کہاکہ پیپلزپارٹی انتخابات 90 روز میں کرانے کا مؤقف اختیار کرے۔

    تاہم ذرائع کا کہنا ہے کہ اعتزاز احسن نے انتخابات 90 روز میں کرانے سے متعلق قانونی دلائل بھی سامنےرکھے جبکہ ذرائع مخدوم احمد محمود نے عوامی رابطہ مہم اور پنجاب میں سیلاب متاثرہ عوام کی دادرسی کےلیے دوروں کی تجویز دی اور ترجمان کے مطابق سی ای سی ارکان نے آصف زرداری اور چیئرمین بلاول بھٹو زرداری پر اعتماد کا اظہار کیا۔
    مزید یہ بھی پڑھیں؛
    اب ہمارے گھر کر کے نیٹ فلکس پر میری بیوی آئیگی یاسر حسین
    اوپن مارکیٹ میں ڈالر 316 روپے پر پہنچ گیا
    بلوچستان؛ نگران مشیر معدنیات کیخلاف مقدمہ درج
    دوسری جانب چیئرمین پاکستان پیپلزپارٹی بلاول بھٹو زرداری نے پریس ایسوسی ایشن آف سپریم کورٹ کے نئے منتخب عہدیداروں صدر طیب بلوچ، جنرل سیکریٹری اعظم گِل اور دیگر نو منتخب عہدیداروں کو مبارکباد دی۔ چیئرمین پیپلزپارٹی نے نئے منتخب صدر طیب بلوچ کی طرف سے شہید ذوالفقار علی بھٹو سے انصاف کے لئے آواز بلند کرنے پر طیب بلوچ کو خراج تحسین پیش کیا ہے۔ بلاول بھٹو زرداری نے کہا کہ سپریم کورٹ میں صحافتی ذمے داریاں ادا کرنے والے صحافی عدالتی تاریخ کے چشم دید گواہ ہیں۔ بلاول بھٹو زرداری نے طیب بلوچ کے نام ایک پیغام میں کہا کہ وہ میری طرف سے تمام منتخب عہدیداروں کو پیغام پہنچائیں۔

  • یوم وفات محمود تيمور؛ معروف مصری ادیب

    یوم وفات محمود تيمور؛ معروف مصری ادیب

    محمود تيمور معروف مصری ادیب اور افسانہ نگار ہیں۔ انھیں دور جدید کے عربی افسانے کا بابا آدم، مختصر عربی کہانیوں کا پیشوا، عرب کا موپاساں اور عرب کا شیکسپیر بھی کہا جاتا ہے۔

    محمود تیمور نے 16 جولائی 1894ء کو مصر میں شہر قاہرہ کے قدیم قصبے درب سعادۃ کے ایک ادبی گھرانے میں آنکھ کھولی۔ محمود تیمور کے دادا ترک نژاد مصری رئیس اسماعیل پاشا تیمور کتابوں کے شیدا تھے۔ محمود تیمور کے والد ادیب علامہ احمد توفیق تیمور پاشا، پھوپھو شاعرہ عائشہ تیمور اور بھائی محمد تیمور بھی اپنے عہد کے معروف ادیب تھے اور عربی ادب میں اپنا مقام رکھتے تھے۔ محمود تیمور نے زراعی اسکول میں تعلیم حاصل کی لیکن ٹائیفائیڈ کے باعث تعلیم مکمل نہ کرسکے اور کئی ماہ بستر پر گزارے۔ اس دوران میں گھر میں موجود کتابوں کو پڑھ کر عربی ادب سے دلچسپی پیدا ہوئی۔ خاندان کی طرف سے ادبی ذوق تو ورثے میں ملا تھا لہٰذا کم عمری میں ہی ان کا رجحان ادب کی طرف ہوگیا۔ ان کے بھائی محمد تیمور نے ادب میں ان کی خوب مدد کی۔

    نوجوانی میں وزارت خارجہ میں ملازم ہوئے اور یورپ کا سفر کیا جہاں مغربی ادب کا مطالعہ کیا۔ وہ موپاساں، چیخوف اور خلیل جبران کی تحریروں سے متاثر ہوئے اور مصر واپس آکر جدید اور حقیقت پسند عربی ادب کی بنیاد رکھی اور عربی افسانے کو بین الاقوامی معیار دیا۔
    محمود تیمور القصۃ نامی رسالے کے مدیر بھی رہے جس میں ان کی کئی مختصر کہانیاں شائع ہوئیں۔ 1925 ء میں انھوں نے اپنی مختصر کہانیوں کا پہلا مجموعہ ‘‘ما تراہ العيون’’ شائع کیا۔ اس کے بعد انھوں نے مختصر کہانیوں کے تقریباً 15 مجموعے لکھے۔

    محمود تیمور کی مقبول کہانیوں میں رجب افندی، الحاج شلبۃ، زامر الحي، فلب غانيۃ، فرعون الصغير، الشيخ سيد العبيط، مکتوب علی الجبين، شفاۃ غليظۃ، أبو علی الفنان، إحسان للہ اور کل عام وأنتم بخير شامل ہیں۔ اس کے علاوہ انہوں نے 7 عدد ناول (نداء المجہول، سلوی فی مہھب الريح، المصابيح الزرق)، سفرنامے(أبو الہول يطير، شمس وليل، جزيرۃ الحب)، ڈرامے (عوالي، سہاد أو اللحن التائہ، اليوم خمر، حواء الخالدۃ، صقر قريش) اور ادبی مضامین (فن القصص، مشکلات اللغۃ العربيہ)بھی تحریر کیے۔ ان کے کئی افسانوں پر مصر میں ڈرامے اور فلمیں بنائی گئیں۔ محمود تیمور کے کہانیوں کے ترجموں کو بھی کافی مقبولیت ملی۔
    مزید یہ بھی پڑھیں؛
    اب ہمارے گھر کر کے نیٹ فلکس پر میری بیوی آئیگی یاسر حسین
    اوپن مارکیٹ میں ڈالر 316 روپے پر پہنچ گیا
    انہوں نے کئی بین الاقوامی ادبی کانفرنسوں میں شرکتیں کیں جن میں بیروت، دمشق کے علاوہ، جامعہ پشاور، پاکستان میں بھی شامل ہے۔ انھیں دور جدید کے عربی افسانے کا بابا آدم، مختصر عربی کہانیوں کا پیشوا، عرب کا موپاساں اور عرب کا شیکسپیر بھی کہا جاتا ہے۔ 25 اگست 1973ء کو 80 برس کی عمر میں محمود تیمور کا انتقال سوئزرلینڈ کے شہر لوزان میں ہوا۔

  • نواز شریف کی پاکستان واپسی کی ایک اور تاریخ آ گئی

    نواز شریف کی پاکستان واپسی کی ایک اور تاریخ آ گئی

    سابق وزیراعظم نواز شریف کی پاکستان واپسی کی تاریخ ایک بار پھر سامنے آ گئی

    نواز شریف نے ستمبر میں پاکستان آنا تھا مگر ستمبر کی بجائے اب وہ اکتوبر میں واپس آ رہے، نجی ٹی وی نے دعویٰ کیا ہے کہ شریف فیملی کا لندن میں اجلاس ہوا جس کے دوران نوازشریف کی واپسی کیلئے 15 اکتوبر کی تاریخ پر اتفاق کر لیا گیا ،سابق وزیراعظم شہباز شریف نے مشورہ دیا کہ نوازشریف ستمبر کی بجائے اکتوبر کے وسط میں پاکستان پہنچیں جس کی خاندان کے دیگر افراد نے بھی تائید کی

    دوسری جانب نواز شریف کی وطن واپسی کے حوالہ سے ایک اور اہم ترین اجلاس ہو گا، نواز شریف کی واپسی سے متعلق لندن میں اہم مشاورت ستمبر کے پہلے ہفتے میں دوبارہ ہو گی ،میٹنگ میں مرکزی رہنماؤں سمیت تمام قیادت کی شرکت کا امکان ہے، میٹنگ میں نون لیگ لاہور کے عہدیداران بھی شریک ہونگے . مشاورتی بیٹھک میں نواز شریف کی واپسی کے پلان کو حتمی شکل دی جائے گی، نواز شریف لاہور میں لینڈ کریں گے یا اسلام آباد، معاملات پر غور و خوض کیا جائے گا

    واضح رہے کہ نواز شریف علاج کے لئے لندن گئے تھے مگر تاحال واپس نہ آئے، شہباز شریف نے ڈیڑھ سال حکومت کی، وزیراعظم رہے، مگر انکے دور اقتدار میں بھی نواز شریف واپس نہ آئے، اب نگران حکومت قیام میں آ چکی ہے، نواز شریف کی واپسی کے لئے راستے ہموار کئے جا رہے ہیں، نواز شریف کب واپس آتے ہیں اس کا ابھی تک کنفرم نہیں تاہم ن لیگی امید ہیں کہ نواز شریف الیکشن سے قبل واپس آ سکتے ہیں.

     نواز شریف کب واپس آتے ہیں اس کا ابھی تک کنفرم نہیں 

    سیاسی مفادات کے لئے ملک کونقصان نہیں پہنچانا چاہئے

    غیر ملکی سفارت خانوں نے اپنے شہریوں کو محتاط رہنے کی ہدایت کر دی 

     نواز شریف کو آج تک انصاف نہیں ملا،

     نوازشریف کی واپسی کے حوالے سے جو بھی فیصلہ ہوگا پارٹی باہمی مشاورت سے کرے گی

    نواز شریف کی پاکستان میں انٹری کیسی ہو گی پلان A پلانB تیار کرلیا گیا، نواز شریف کی وطن واپسی سے قبل اسلام آباد ہائیکورٹ سے حفاظتی ضمانت لی جائے گی، پلان A کے مطابق نواز شریف کی وطن واپسی اسلام آباد ایئرپورٹ پر ہو گی،وطن واپسی پر نواز شریف کا فقید المثال استقبال کیا جائے گا،نواز شریف وطن واپسی پر اسلام آباد پریڈ گراؤنڈ میں عوامی اجتماع سے خطاب کریں گے، مسلم لیگ ن کے قومی و صوبائی اسمبلیوں کے ٹکٹ ہولڈرز اور عہدیدران بھرپور عوامی طاقت کا مظاہرہ کریں گے،نواز شریف اسلام آباد سے براستہ جی ٹی روڈ لاہور کے لئے بڑی ریلی کی صورت میں روانہ ہوں گے،نواز شریف کی ریلی مسلم لیگ ن کی انتخابی مہم کا آغاز بھی ہو گا،نواز شریف جہلم، سرائے عالمگیر، لالہ موسی، گجرات، گوجرانوالا سے ہوتے ہوئے لاہور پہنچیں گے،لاہور میں نواز شریف کا بھرپور استقبال کیا جائے گا،لاہور جلسے کو تاریخی بنانے کا ٹاسک حمزہ شہباز اور مریم نواز کے سپرد کیا گیا ہے،

    پلان B کے مطابق نواز شریف کی ممکنہ واپسی لاہور ایئرپورٹ پر ہو سکتی ہے،لاہور ایئرپورٹ پر نواز شریف کا استقبال کرنے کے بعد ریلی کی صورت میں داتا دربار لے جایا جائے گا،

  • موسیقار کلیان جی؛ سکھ کے سب ساتھی دکھ میں نہ کوئی

    موسیقار کلیان جی؛ سکھ کے سب ساتھی دکھ میں نہ کوئی

    تیری راہوں میں کھڑے ہیں دل تھام کے

    سکھ کے سب ساتھی دکھ میں نہ کوئی

    برصغیر کے ممتاز موسیقار کلیان جی 30 جون 1928 میں گجرات ہندوستان میں پیدا ہوئے کلیان جی اور آنند جی یہ دونوں بھائی تھے اور دونوں موسیقار تھے یہ ایک ہندو تاجر ویر شاہ کے بیٹے تھے ۔ ہندوستان کی فلمی صنعت میں ان موسیقار بھائیوں کی جوڑی کلیان جی آنند جی کے نام سے مشہور ہے ۔

    انہوں نے بہت خوب صورت موسیقی دی ہے یہی وجہ ہے کہ محمد رفیع ، لتا منگیشکر ، مکیش ، کشور کمار و دیگر گلوکاروں نے ان کی موسیقی میں گانا بہت پسند کیا ہے رفیع صاحب سے ان بھائیوں کو بہت پیار تھا رفیع کی وفات کے بعد یہ لوگ ان کا ذکر کرتے ہوئے آبدیدہ ہو جاتے تھے ۔

    محمد رفیع نے 188 گیت کلیان جی آنند کی موسیقی میں گائے ہیں ۔ گلوکارہ الکا یاگنک ، ادت نارائن ، ، سیندھی چوہان اور شریا گوشال کو متعارف کرانے والے یہی موسیقار جوڑی تھی انہوں نے مجموعی طور پر 250 سے زائد فلمی گیت ان کی موسیقی میں گائے گئے ہیں ۔ 24 اگست 2000 کو ممبئی میں کلیان جی کا انتقال ہوا۔ ان کے 5 بیٹے وجو شاہ، رمیش شاہ، راجیش شاہ، دنیش شاہ اور چندر کانت شاہ ہیں وجو شاہ بھی میوزک ڈائریکٹر ہیں ۔
    مزید یہ بھی پڑھیں؛
    غریب بچے اچانک خوشی سے جھوم اٹھے، جب ایک ٹوٹا کھلونا کباڑ سے نکلا
    توشہ خانہ فوجداری کیس میں عمران خان کی اپیل پر سماعت آج ہو گی
    ڈریپ نے دواؤں کی قیمت میں اضافے کی تردید کر دی
    ہمبنٹوٹا،پاکستان نے افغانستان کو سنسنی خیز مقابلے کے بعد میچ اپنے نام کر دی
    کلیان جی آنند جی کی موسیقی میں گائے گئے چند مشہو گیت
    ۔۔۔۔۔۔۔۔۔۔

    تیری راہوں میں کھڑے ہیں دل تھام کے

    پردیسیوں سے نہ اکھیاں ملانا

    سکھ کے سب ساتھی دکھ میں نہ کوئی

    تیرا ساتھ ہے کتنا پیارا کم لگتا ہے جیون سارا

    مجھ کو اس رات کی تنہائی میں آواز نہ دو

    زباں پہ درد بھری داستاں چلی آئی

    یونہی تم مجھ سے پیار کرتی ہو

    زندگی کا سفر ہے یہ کیسا سفر

    میں پیاسا تم ساون میں دل تم میری دھڑکن

  • جماعت اسلامی نے اقلیتی حقوق کمیشن بنانے کا مطالبہ کردیا

    جماعت اسلامی نے اقلیتی حقوق کمیشن بنانے کا مطالبہ کردیا

    امیر جماعت اسلامی پاکستان کے سرپراہ سراج الحق نے کہا ہے کہ اقلیتوں کے حقوق کے تحفظ کے لیے اقلیتی امور کمیشن بنایا جائے جبکہ امیر جماعت اسلامی پاکستان سراج الحق نے میڈیا سے گفتگو کرتے ہوئے کہا کہ جڑانوالہ واقعہ پاکستان کے تشخص کے خلاف سازش تھی اور منعقدہ کنونشن میں مذاہب کے احترام سے متعلق سفارشات تیار کی جائیں گی۔

    انہوں نے کہا کہ نفرت انگیز تقاریر پر پابندی لگنی چاہیے جبکہ پولیس اور مقامی انتظامیہ پرتشدد کارروائیاں روکنے میں ناکام رہی ہے، سراج الحق نے کہا کہ اقلیتوں کی حفاظت ہم سب کی ذمہ داری ہے۔ دوسری جانب آج پاکستان استحکام پاکستان پارٹی کے پیٹرن انچیف جہانگیر خان ترین مسیحی برادری سے اظہار یکجہتی کے لئے جڑانوالہ پہنچے تھے

    مزید یہ بھی پڑھیں؛
    غریب بچے اچانک خوشی سے جھوم اٹھے، جب ایک ٹوٹا کھلونا کباڑ سے نکلا
    توشہ خانہ فوجداری کیس میں عمران خان کی اپیل پر سماعت آج ہو گی
    ڈریپ نے دواؤں کی قیمت میں اضافے کی تردید کر دی
    ہمبنٹوٹا،پاکستان نے افغانستان کو سنسنی خیز مقابلے کے بعد میچ اپنے نام کر دی
    جبکہ جہانگیر خان ترین نے متاثرہ گھروں اور چرچز کا دورہ کیا اور متاثرین سانحہ جڑانوالہ سے ملاقات کی ، سربراہ آئی پی پی جہانگیر خان ترین نے واقعہ پر افسوس کا اظہار کیا اور متاثرین کی بحالی کے لئے ایک کروڑ روپے امداد کا اعلان بھی کیا،

  • دنیا میں اپنی نوعیت کے صرف چار میں سے ایک بچہ

    دنیا میں اپنی نوعیت کے صرف چار میں سے ایک بچہ

    نکاراگوا کے تھامس بیلٹ چڑیا گھر میں نایاب اور پوما نے ایک منفرد البینو بچے کو جنم دیا ہے۔جو دنیا میں اپنی نوعیت کے صرف چار میں سے ایک ہے جبکہ اپنی آنکھوں اور تیز کانوں میں احتیاط کے ساتھ ماں پوما اپنے ایک ماہ کے بچوں کی نگرانی کرتی ہے۔ بچے کی پیدائش نکاراگوا کے لیے بہت اہمیت رکھتی ہے جس نے اس کے افتتاحی قید میں پیدا ہونے والے البینو پوما کو متعارف کرایا۔

    چڑیا گھر کے جانوروں کے ڈاکٹر کارلوس مولینا نے اس واقع کی نایابیت کی نشاندہی کی ہے جن کا خیال ہے کہ پوری دنیا میں ایسے صرف چار البینو پوما موجود ہیں۔ علاوہ ازیں بچے کی موجودہ جوش و خروش اور مضبوط بھوک کے باوجودمولینا اس اہم مرحلے کے بارے میں خبردار کرتی ہے اور اس بہترین دیکھ بھال پر زور دیتے ہوئے کہا کہ البینو پوما سورج کی روشنی کے لیے اپنی زیادہ حساسیت کی وجہ سے مانگتے ہیں۔

    واضح رہے کہ بچے اور اس کے دو ساتھی بہن بھائیوں کی حفاظت اور استحکام کو یقینی بنانے کے لیے تینوں ایک بند رہائش گاہ میں رہتے ہیں۔ تاہم یہ جان بوجھ کر کیا گیا اقدام ماں کو اپنے نوزائیدہ بچوں کے لیے تکلیف سے گزرنے یا انسانی خوشبوؤں کو غلط سمجھنے سے روکتا ہےایسا منظر جو نادانستہ طور پر جارحانہ رویے کو متحرک کر سکتا ہے۔

    مزید یہ کہ مرد والدین کو الگ رکھا جاتا ہے کیونکہ یہ معلوم ہوتا ہے کہ نر پوما اپنے بچوں کے لیے خطرہ ہیں۔ کوڑے کی جنس نامعلوم رہتی ہے اور جانوروں کا ڈاکٹر براہ راست جسمانی تعامل سے پرہیز کرتا ہے۔ تاہم چڑیا گھر تین ماہ کی دہلیز کے قریب حیرت انگیز طور پر ان کو عوام سے متعارف کرانے کا ارادہ رکھتا ہے۔ تھامس بیلٹ چڑیا گھ، مخلصانہ انتظام کے تحت عام طور پر 50,000 سے 60,000 زائرین کی سالانہ حاضری کو راغب کرتا ہے۔

    خیال رہے کہ جنوبی پیرو کے بلند و بالا اینڈین سے لے کر وسطی امریکہ کے متحرک جنگلوں تک پھیلے ہوئے امریکہ میں پائے جانے والے پوماس کو بین الاقوامی یونین فار کنزرویشن آف نیچر نے مغربی نصف کرہ میں زمینی ممالیہ جانوروں کے درمیان ان کی وسیع علاقائی رسائی کے لیے سراہا ہے۔ اس کے باوجود یورپی نوآبادیات کے دور کے بعد شمالی امریکہ کے مشرقی نصف حصے میں ان کی موجودگی ختم ہو گئی۔

  • بجلی کی قیمتوں میں اضافے پر احتجاج

    بجلی کی قیمتوں میں اضافے پر احتجاج

    بجلی کی قیمتوں میں مسلسل اضافے نے عوام کو مشتعل کر دیا ہے جبکہ بجلی کے بھاری بھرکم بلز دیکھ کر عوام کا پارہ ہائی ہوگیا ہے کیونکہ آئے روز ہر حکومت بلوں میں اضافہ کررہی ہے جبکہ صوبائی دارالحکومت لاہور میں عوام بجلی کی قیمتوں میں اضافے اور بھاری بھرکم بلوں کے خلاف احتجاج کے لئے سڑکوں پر نکل آئے اور سراپا احتجاج شہریوں نے حکومت کو آڑے ہاتھوں لیا ہے.

    تاہم مظاہرین کے مطابق بجلی آئے نہ آئے مگر بھاری بل ضرور ادا کرنا پڑتا ہے جبکہ اوپر سے جرمانے الگ، انہوں نے مطالبہ کیا کہ جینا محال ہو رہا ہے کوئی تو اس مہنگائی کو لگام ڈالے۔ ادھر دوسری جانب کراچی میں بھی شہریوں نے مہنگی بجلی اور بھاری بھرکم بلوں کے خلاف احتجاج ریکارڈ کرایا۔
    غریب بچے اچانک خوشی سے جھوم اٹھے، جب ایک ٹوٹا کھلونا کباڑ سے نکلا
    توشہ خانہ فوجداری کیس میں عمران خان کی اپیل پر سماعت آج ہو گی
    ڈریپ نے دواؤں کی قیمت میں اضافے کی تردید کر دی

    جبکہ ٹمبرمارکیٹ کے مکینوں نے کے الیکٹرک دفتر کا گھیراؤ کیا اور عملے کو تشدد کا نشانہ بنایا جبکہ تاجر برادری بھی سراپا احتجاج رہی اور ٹمبر مارکیٹ میں کے الیکٹرک کے عملے کو تاجروں نے کئی گھنٹے پکڑے بھی رکھا جبکہ مظاہرے میں شریک تاجر برادری نے بجلی کے بل ادا نہ کرنے کا اعلان بھی کیا علاوہ ازیں ترجمان کے الیکٹرک اویس رشید منشی نے کہا کہ ٹمبر مارکیٹ میں عملہ نادہندگان کی بجلی منقطع کرنے گیا تھا، عملے پر تشدد کرنے والوں کے خلاف قانونی کارروائی کا حق رکھتے ہیں۔

  • ڈالر 300 روپے کی سطح عبور کرگیا

    ڈالر 300 روپے کی سطح عبور کرگیا

    پاکستانی روپیہ کے مقابلے میں امریکی ڈالر کی قدر میں اضافے کا تسلسل آج بھی برقرار رہا ہے جبکہ کرنسی ڈیلرز کے مطابق انٹربینک میں آج ڈالر 58 پیسے مہنگا ہوکر 300 روپے 22 پیسے کی تاریخی سطح پر جا پہنچا، جو ملکی تاریخ کی بلند ترین سطح ہے۔اس سے قبل 11 مئی کو ڈالر 298 روپے 93 پیسے تک جا پہنچا تھا۔

    تاہم دوسری جانب گزشتہ روز انٹربینک کے زیر اثر اوپن مارکیٹ میں ڈالر مزید 3 روپے مہنگا ہوکر 315 روپے کی تاریخی سطح پر جا پہنچا۔ خیال رہے کہ نگران حکومت کے 14 روز میں انٹربینک میں ڈالر13 روپے جبکہ اوپن مارکیٹ میں ڈالر 25 روپے مہنگا مہنگا ہوا ہے۔ صرف 8 کاروباری روز میں روپے کی قدر 3 فیصد سے زائد گرگئی ہے۔

    معاشی ماہرین کے مطابق یرونی کمپنیز پر ڈالرز میں منافع باہر لیجانے پر بھی پابندی ہٹنے اور امپورٹ پر تمام پابندیاں ختم کرنے سے روپے کی قدر پر دباؤ بڑھ گیا ہے، دوسری جانب پاکستان اسٹاک ایکسچینج میں جمعرات کو تیزی کا رجحان رہا، ہنڈریڈ انڈیکس ایک موقع پر تقریباً 550 پوائنٹس اضافے سے 48 ہزار تک پہنچا تاہم اختتام پر کچھ کریکشن کے بعد 332 پوائنٹس اضافے سے 47 ہزار 750 پوائنٹس پر بند ہوا۔

    دوسری جانب پاکستان اسٹاک ایکسچینج میں صبح سے ہی تیزی کا رجحان ہے، اسٹاک مارکیٹ میں دوران ٹریڈنگ اتار چڑھاؤ کا سلسلہ جاری رہا، ہنڈریڈ انڈیکس میں ایک موقع پر 550 پوائنٹس کی تیزی دیکھی گئی، تاہم اختتام پر کچھ کریکشن کے بعد پی ایس ایکس کا ہنڈریڈ انڈیکس 332 پوائنٹس اضافے سے 47 ہزار 750 پوائنٹس پر بند ہوا۔

    غریب بچے اچانک خوشی سے جھوم اٹھے، جب ایک ٹوٹا کھلونا کباڑ سے نکلا
    توشہ خانہ فوجداری کیس میں عمران خان کی اپیل پر سماعت آج ہو گی
    ڈریپ نے دواؤں کی قیمت میں اضافے کی تردید کر دی

    پاکستان اسٹاک ایکسچینج میں جمعرات کو مجموعی طور پر 16 کروڑ 83 لاکھ 87 ہزار 355 شیئرز کا کاروبار ہوا جس کی مالیت 11 ارب 38 کروڑ 58 لاکھ 47 ہزار 942 روپے تھی۔ تاہم واضح رہے کہ پاکستانی بینکوں میں ڈالر کی قدر 300 روپے تک پہنچ چکی ہے جبکہ اوپن مارکیٹ میں 310 سے زائد پر فروخت ہورہا ہے۔

    ملکی زرمبادلہ ذخائرمیں13کروڑ ڈالرکی کمی ہوگئی ہے جبکہ اسٹیٹ بینک کے اعدادو شمار کے مطابق کمرشل بینکوں کے پاس 57لاکھ ڈالرکمی کےبعد کھاتےداروں کے5ارب32کروڑڈالرہیں۔ اس طرح اسٹیٹ بینک کےذخائرساڑھے12کروڑ ڈالرکم ہوکر7ارب93کروڑڈالررہ گئے۔ مرکزی بینک کے مطابق بیرونی قرضوں کی ادائیگی کے بعد ملکی زرمبادلہ ذخائرمیں13کروڑ ڈالرکی کمی ہوئی ہے ، جس کے بعد پاکستان کے پاس13 ارب25کروڑ ڈالر کاذخیرہ رہ گیا۔

  • شہباز شریف بھی پاکستانی کرکٹرز کی بولنگ کے مداح

    شہباز شریف بھی پاکستانی کرکٹرز کی بولنگ کے مداح

    پاکستان اورافغانستان کے مابین ایک روزہ میچز کی سیریزکے پہلے مقابلے پاکستان کی شاندار کامیابی کے بعد سابق وزیراعظم شہباز شریف کی ٹوئٹ سوشل میڈیا پر وائرل ہے-

    باغی ٹی وی :سوشل میڈیا ویب سائٹ ایکس پر شہباز شریف نے افغانسان کوشکست دینے والی پاکستان کرکٹ ٹیم کے فاسٹ بولرز شاہین آفریدی، نسیم شاہ اور حارث رؤف کو دنیا کا بہترین بولنگ اٹیک قرار دے دیا۔


    واضع رہے کہ 22 اگست کو پہلے ون ڈے میچ میں پاکستان نے تباہ کن بولنگ کرتے ہوئے افغانستان کو 142 رنز سے شکست دی تھی،اس میچ میں شاندار پرفارمنس سے صرف 18 رنز دے کر 5 وکٹیں لینے والے حارث رؤف کو میچ کا بہترین کھلاڑی قرار دیا گیا تھا۔

    آئی سی سی نے ون ڈے رینکنگ جاری کردی

    دوسری جانب سری لنکا کے شہر ہمبن ٹوٹا میں جاری پاک افغان 3 روزہ سیریز کا دوسرا ون ڈے میچ آج کھیلا جائے گا پاکستانی ٹیم پہلے ون ڈے کے دھواں دار آغاز کے بعد سیریز اپنے نام کرنے کیلئے پُرعزم ہے سیریز میں وائٹ واش قومی ٹیم کو ورلڈ نمبر 1 بنادے گی، افغانستان کے خلاف کھیلے جانے والے میچز میں اگر پاکستان کو کسی ایک میچ میں بھی شکست ہوتی ہے تو قومی ٹیم رینکنگ میں تیسرے نمبر پر آجائے گی۔ اس طرح بھارت اور آسٹریلیا دونوں رینکنگ میں پاکستان سے آگے نکل جائیں گے۔

    زمبابوے کرکٹ ٹیم کے سابق کپتان ہیتھ اسٹریک انتقال کر گئے

    آئی سی سی ون ڈے رینکنگ میں اس وقت پاکستان دوسرے نمبر پر موجود ہے جبکہ بھارت کا تیسرا نمبر ہے پانچ مرتبہ آئی سی سی ون ڈے ورلڈکپ کا اعزاز اپنے نام کرنے والی آسٹریلیا رینکنگ میں سرِفہرست ہے، پاک افغان سیریز کے بعد ایشیا کپ میں نیپال اور بھارت کو شکست دینے کی صورت میں قومی ٹیم 121 پوائنٹس حاصل کرلے گی۔ اس وقت پاکستانی ٹیم کے 116 اور بھارت کے 113 پوائنٹس ہیں۔

    ایشیا کپ کیلئے 17رکنی بھارتی ٹیم کا اعلان کردیاگیا