کولمبو ٹیسٹ کے تیسرے روز کھیل میں بھی کامیابیوں کے جھنڈے گاڑ دیئے میچ کے اختتام پر پاکستان نے 5 وکٹوں کے نقصان پر 563 رنز بنالیے۔کولمبو ٹیسٹ کے تیسرے روز عبداللہ شفیق کی شاندار ڈبل سنچری کی بدولت پاکستان نے سری لنکا کے خلاف 5 وکٹ کے نقصان پر 563 رنز بنالیے اور 397 رنز کی برتری حاصل کرلی ہے۔عبداللہ شفیق نے 201 رنز کی اننگز کھیلی، وہ جاوید میانداد اور حنیف محمد کے بعد ڈبل سنچری کرنے والے کم عمر کھلاڑی بن گئے۔
آغا سلمان نے بھی ٹیسٹ کیریئر کی دوسری سنچری اسکور کرتے ہوئے 132 رنز بنالیے ہیں۔پہلی اننگز میں ڈبل سنچری اسکور کرنے والے سعود شکیل نے بھی نصف سنچری بنا کر 146 سالہ ریکارڈ توڑ دیا، سعود ابتدائی 7 ٹیسٹ میں ففٹی پلس اسکور کرنے والے پہلے کھلاڑی بن گئے ہیں۔آغا سلمان 132 اور محمد رضوان 37 رنز کے ساتھ وکٹ پر موجود ہیں۔سری لنکا کی جانب سے اسیتھا فرنینڈو نے تین وکٹیں حاصل کیں جبکہ پراباتھ جے سوریا دو وکٹیں حاصل کرسکے۔
واضح رہے کہ اس سے قبل سری لنکا کی ٹیم پہلی اننگز میں 166 رنز بنا کر آؤٹ ہوئی تھی، دھننجیا ڈی سلوا 57 اور دنیش چندی مل 34 رنز بنا کر نمایاں رہے۔پاکستان کی جانب سے ابرار احمد نے چار کھلاڑیوں کو پویلین کی راہ دکھائی جبکہ فاسٹ بولر نسیم شاہ نے تین وکٹیں حاصل کیں۔
یاد رہے کہ دو ٹیسٹ میچز کی سیریز میں پاکستان کو 1-0 کی برتری حاصل ہے۔

اکتوبر میں ہونے والے آئی سی سی ورلڈکپ میں پاک بھارت میچ کے ری شیڈول ہونے کا امکان ہے جبکہ میچ اصل میں 15 اکتوبر کو احمد آباد میں ہونا تھا۔

باغی ٹی وی: بھارتی میڈیا رپورٹس کے مطابق ہندو تہوار نوراتری کی وجہ سے بھارتی سکیورٹی اداروں نے احمد آباد کے میچ کی تاریخ بدلنے کا مشورہ دیا ہے، اسی لیے 15 اکتوبر کا میچ ری شیڈول ہوسکتا ہے احمد آباد میں روایتی انداز میں ہندو برادری اپنی رسومات ادا کرتی ہیں، سکیورٹی اداروں نے مذہبی تہوار کی وجہ سے ہائی پروفائل میچ کی سکیورٹی مشکل قرار دی ہے۔

رپورٹس کے مطابق 15 اکتوبر کو نوراتری کا پہلا دن ہوگا اور اس روز گجرات بھر میں گربا کھیلا جاتا ہے جس کی وجہ سے بہت ہجوم ہوتا ہے، اور یہ ہی وجہ ہے کہ سکیورٹی اداروں نے میچ کی تاریخ تبدیل کرنے کا مشورہ دیا ہے۔

کولمبو،تیسرے روز ٹیسٹ میچ کا آغاز ،عبد اللہ شفیق نے سنچری مکمل کر لی

بی سی سی آئی آفیشل کا کہنا ہے کہ سکیورٹی اداروں کے مشورے کے بعد اب ہم مختلف آپشنز پر غور کررہے ہیں،اور حتمی تاریخ کا اعلان جلد کردیا جائے گا ، ہمیں سکیورٹی ایجنسیوں کی طرف سے بتایا گیا ہے کہ پاک بھارت جیسی ہائی پروفائل گیم، جس کے لیے ہزاروں شائقین سفر کرکے احمد آباد پہنچیں گےنوراتری کی وجہ سےمتاثر ہوسکتا ہے،گیم کی تاریخ میں تبدیلی ان شائقین کےلیےایک مشکل ترین صورتحال پیدا کر سکتی ہے جنہوں نے پہلے ہی سفری منصوبہ بندی کر رکھی ہے اور ٹکٹیں بک کر رکھی ہیں،کسی بھی میچ کے پیچھے بہت سی چیزیں ہوتی ہیں اس لیے ہر چیز کا خیال رکھنا پڑتا ہے-

اس کے علاوہ بھارتی صحافی اور چند میڈیا رپورٹس کے مطابق پاک بھارت میچ اتوار کی بجائے 14 اکتوبر یعنی بروز ہفتے کو ہوسکتا ہے لیکن میچ ایک روز پہلے کرنے کی صورت میں پاکستان کو لاجسٹک مسائل ہوسکتے ہیں۔

کولمبو،بارش وجہ سے موخر کرنے والا میچ آج شروع کرنے کا امکان

نریندر مودی اسٹیڈیم، جس کی گنجائش تقریباً 1 لاکھ ہے، ورلڈ کپ کے چار شاندار کھیلوں کی میزبانی کرے گا، جس میں نیوزی لینڈ اور انگلینڈ کے درمیان ٹورنامنٹ کا افتتاحی میچ، بھارت بمقابلہ پاکستان، انگلینڈ بمقابلہ آسٹریلیا، اور فائنل شامل ہیں۔ ورلڈ کپ 10 شہروں میں پھیلے گا، جس کے سیمی فائنل ممبئی اور کولکتہ میں شیڈول ہیں۔

احمد آباد کو پہلے ہی اکتوبر کے وسط میں ہوٹل میں رہائش کی کمی کا سامنا ہے، ہوم اسٹےکے اختیارات بھی ختم ہو چکےہیں اس کے نتیجے میں، ہوائی کرایوں میں اضافےکی توقع ہےاگر انڈیا بمقابلہ پاکستان میچ کےلیے نئی تاریخ کا اعلان کیا جاتا ہے،تو اس تاریخی تصادم کا حصہ بننے کے لیے شائقین کی طرف سے بڑے پیمانے پر منسوخیاں اور دوبارہ بکنگ کا جنون ہو سکتا ہے۔

واضح رہے کہ ایونٹ کا آغاز 5 اکتوبر سے ہورہا ہے اور پاکستان ٹیم کو 12 اکتوبر کو بھی حیدرآباد میں میچ کھیلنا ہے۔

ویمینز فٹبال ورلڈ کپ میں فلپائن کی بڑی کامیابی

انٹرنیشنل کرکٹ کونسل نے نئی ورلڈ ٹیسٹ چیمپئین شپ کی نئی رینکنگ جاری کردی جس کے مطابق قومی ٹیم پہلے نمبر پر براجمان ہے جبکہ بھارت کا دوسرا نمبر ہے۔
سری لنکا کے خلاف گال ٹیسٹ میچ میں 4 وکٹوں سے کامیابی حاصل کرکے پاکستانی ٹیم 12 پوائنٹس کے ساتھ ٹاپ پوزیشن پر پہنچ گئی ہے،پاکستان کے 100 فیصد وننگ ریٹ ہیں جبکہ بھارت 66.67 فیصد کے ہمراہ دوسرے نمبر پر ہے۔
آسٹریلیا 54.17 کیساتھ تیسرے، انگلینڈ 29.17 فیصد کے ہمراہ چوتھے جبکہ 16.67 فیصد کے ساتھ پانچویں پوزیشن پر قابض ہے۔اسی طرح ورلڈ ٹیسٹ چیمپئین شپ کی رینکنگ میں بنگلہ دیش، نیوزی لینڈ، جنوبی افریقہ اور سری لنکا نے کوئی میچ نہیں کھیلا جس کے باعث ان کا کوئی پوائنٹ نہیں۔ویسٹ انڈیز اور بھارت کے درمیان کھیلی گئی دو میچز کی سیریز میں روہت شرما الیون نے ایک صفر سے کامیابی حاصل کی جبکہ ایک میچ کا اختتام ڈرا کی صورت میں ہوا۔

پاکستان اور سری لنکا کے درمیان کولمبو ٹیسٹ کے تیسرے روز کے کھیل کا آغاز ہوچکا ہے اور پاکستان کی پہلی اننگز کی بیٹنگ جاری ہے جب کہ اوپنر عبداللہ شفیق نے سنچری مکمل کرلی۔پاکستان نے اب تک دو وکٹوں کے نقصان پر 209 رنز بنالیے ہیں جب کہ 43 رنز کی برتری حاصل ہے، کریز پر اس وقت قومی کپتان بابر اعظم اور اوپنر عبداللہ شفیق موجود ہیں۔عبداللہ شفیق کی یہ ٹیسٹ کیرئیر کی چوتھی سنچری ہے۔ پاکستان اور سری لنکا کے درمیان کولمبو ٹیسٹ کے دوسرے دن کا کھیل بارش کے باعث وقت سے پہلے ہی ختم کردیا گیا تھا،
بارش سے قبل پاکستان نے پہلی اننگز میں 2 وکٹ پر 178رنزبنالیے تھے جس کے بعد پاکستان کو سری لنکا کےخلاف پہلی اننگزمیں 12 رنزکی برتری حاصل ہے۔پاکستان اور سری لنکا کے درمیان میچ کے دوسرے روز کا کھیل بارش کے باعث 10اوورز تک محدود رہا جس دوران عبداللہ شفیق 87 اور بابراعظم 28 رنزبناکرناٹ آؤٹ رہے۔

دوسرے روز کا کھیل بارش کے باعث ختم کردیا گیا تھا۔ میزبان ٹیم پر12 رنز کی برتری حاصل ہے۔دوسرے دن کے کھیل کا آغاز ہوا تو پاکستان نے اپنی پہلی اننگز 2 وکٹوں کے نقصان پر 145 رنز سے شروع کی اور ذمے دارانہ بیٹنگ کرتے ہوئے سری لنکا پر برتری حاصل کی تھی۔
کولمبو ٹیسٹ دوسرے روز بارش اور گیلے آؤٹ فیلڈ کے باعث کھیل وقت سے پہلے ختم کیا گیا تھا پاکستان کے 2 وکٹ پر 178 رنز، سری لنکا کے خلاف 12 رنز کی برتری حاصل، تھی عبداللہ شفیق 87، کپتان بابر اعظم 28 رنز کے ساتھ تیسرے دن کا کھیل شروع کریں گے،