Baaghi TV

Tag: پاکستان

  • سیاسی جماعت کے کنونشن میں دوران چیکنگ سابقہ ریکارڈ یافتہ ملزم گرفتار

    سیاسی جماعت کے کنونشن میں دوران چیکنگ سابقہ ریکارڈ یافتہ ملزم گرفتار

    سیاسی جماعت کے کنونشن میں دوران چیکنگ سابقہ ریکارڈ یافتہ ملزم گرفتار

    راولپنڈی سیاسی جماعت کے کنونشن کے سلسلہ میں راولپنڈی پولیس کے فول پروف سیکورٹی انتظامات جبکہ دوران چیکنگ سابقہ ریکارڈ یافتہ ملزم گرفتار کرلیا گیا ہے جس سے اسلحہ بھی برآمد کرلیا گیا. ذرائع کے مطابق ملزم کی شناخت محمد جمیل کے نام سے ہوئی جسے حراست میں لے کر تھانے منتقل کیا گیا ہے،

    ذرائع کے مطابق مذکورہ شخص سابقہ ریکارڈ یافتہ ہے جو چوری ڈکیتی کے مقدمات میں ملوث رہا ہے اور ملزم نے ابتدائی تفتیش میں بتایا ہے کہ وہ رش میں موبائل اور پرس وغیرہ چوری کرنے کی غرض سے آیا تھا تاہم ملزم سے مزید تفتیش کی جا رہی ہے اور قانون کے مطابق مقدمہ درج کر کے چالان کیا جائے گا،
    مزید یہ بھی پرھیں؛
    پی ایس ایل؛ ہدف کے تعاقب میں اسلام آباد یونائیٹڈ کی سلطانز کیخلاف بیٹنگ جاری
    متحدہ عرب امارات اور بھارت کے درمیان "جامع اقتصادی شراکت داری” معاہدے کو ایک سال مکمل
    1999 کےزلزلے میں پیدا ہونیوالا نوجوان 2023 کے زلزلے میں جاں بحق ہو گیا
    پی سی بی چیئرمین کی ناعاقبت اندیشی:-تجزیہ:شہزاد قریشی
    غریب عوام کے مفت علاج کے نظام کی تجدید نو پر خصوصی توجہ دیں. وزیر اعظم
    اسلام آباد یونائیٹڈ کو بھی شکست؛ پی ایس ایل 8میں ملتان سلطانز نے فتح کی ہیٹرک ٹرک کرلی
    علاوہ ازیں راولپنڈی پولیس کے 1100 سے زائد افسران و جوان سیاسی جماعت کے ورکرز کنونشن پر سیکورٹی فرائض سرانجام دے رہے تھے، اور فول پروف سیکورٹی انتظامات پر سی پی او سید خالد محمود ہمدانی کی تمام افسران و جوانوں کو شاباش دی گئی اور انہیں سراہا گیا کیونکہ انہوں نے ایک جرائم یشہ شخص کو گرفتار کرلیا ہے.

  • عمران خان سیاسی کیرئیر بچانے کی تگ ودو میں مصروف. برطانوی اخبار کا دعویٰ

    عمران خان سیاسی کیرئیر بچانے کی تگ ودو میں مصروف. برطانوی اخبار کا دعویٰ

    عمران خان سیاسی کیرئیر بچانے کی تگ ودو میں مصروف. برطانوی اخبار کا دعویٰ

    برطانوی اخبارڈیلی میل نے لکھا ہے کہ سابق پاکستانی وزیراعظم اور سربراہ تحریک انصاف عمران خان اس وقت اپنا سیاسی کیرئیر بچانے کی تگ ودو میں مصروف ہیں۔ جبکہ پاکستانی الیکشن قوانین کے مطابق ہرامیدوارکو اپنی بیوی اور بچوں کی تفصیلات کاغذات نامزدگی میں بتانا ہوتی ہیں لیکن عمران خان ایسا کرنے سے قاصر رہے۔

    اخبار کے مطابق عمران خان نے 2018 میں الیکشن انتخابات کے موقع پر اپنی بیوی اور دو بیٹوں کے نام تو کاغذات نامزدگی میں ظاہر کیے لیکن اپنی بیٹی ٹیریان وائٹ جو انکی سابقہ گرل فرینڈ سیتا وائٹ میں سے ہیں انکو ظاہر کرنے سے قاصر رہے اور اب ہائیکورٹ نے عمران خان کواپنی بیٹی ٹیریان وائٹ کو الیکشن کاغذات نامزدگی میں ظاہر نہ کرنے پرعدالت میں طلب کرلیا ہے۔ لہذا اگر عمران خان قصور وار پائے گئے تو اسکے نتیجہ میں عمران خان اگلے پانچ برس کیلئے الیکشن لڑنے اور کوئی بھی پبلک آفس ہولڈ کرنے کیلئے نااہل قرار دیے جاسکتے ہیں، جس کا مطلب ہے کہ وہ مارچ میں ہونے والے اس سال ہونے والے قومی انتخابات میں شاید حصہ نہیں لے سکیں گے۔


    علاوہ ازیں اخبار لکھتا ہے کہ عمران خان کے حامیوں نے اس مقدمے کو سیاسی طور پر محرک قرار دیتے ہوئے مسترد کر دیا ہے، اور حکومتی جماعتوں پر الزام لگایا ہے کہ وہ اسے عمران خان کو نااہل قرار دینے کے لیے استعمال کر رہی ہیں، اور ایک قدامت پسند مسلم معاشرے میں ان کی ساکھ کو داغدار کر رہی ہے، جہاں شادی کے بغیر بچوں کا پیدا ہونا معیوب سمجھا جاتا ہے۔

    واضع رہے کہ عمران خان کی بیٹی ٹیریان جو اب 27 برس کی ہوچکی ہیں وہ عمران خان کی 1995 میں ارب پتی جیمز گولڈ اسمتھ کی بیٹی 21 سالہ جمائما گولڈ اسمتھ سے شادی سے تین سال قبل پیدا ہوئی تھیں۔ اخبار کے طابق عمران خان نے ٹیریان کی پیدائش کے بعد اسکا والد ہونے کا انکار کیا تھا جس پرانکی سابقہ گرل فرینڈ سیتا وائٹ انہیں امریکی عدالت میں لے گئی تھیں جس نے عمران خان کو ڈی این اے ٹیسٹ کا کہا لیکن عمران خان کے انکار کے بعد 1997 میں فیصلہ دیا تھا کہ عمران خان ہی ٹیریان وائٹ کے والد ہیں۔

    سابقہ گرل فرینڈ اور ٹیریان وائٹ کی والدہ سیتا وائٹ کے انتقال کے بعد عمران خان نے اپنی بیٹی ٹیریان جو اس وقت بارہ برس کی تھیں انکو اپنی کفالت میں لے لیا تھا اوراسکی پرورش لندن میں موجود عمران خان کی سابق اہلیہ جمائمہ خان نے کی۔

  • پی ایس ایل 8؛ لاہور قلندرز اور کراچی کنگز تھوڑی دیر بعد مدمقابل

    پی ایس ایل 8؛ لاہور قلندرز اور کراچی کنگز تھوڑی دیر بعد مدمقابل

    پی ایس ایل 8؛ لاہور قلندرز اور کراچی کنگز تھوڑی دیر بعد مدمقابل ہون گے.

    پی ایس ایل 8 میں آج روایتی حریف کراچی کنگز اور لاہور قلندرز تھوڑی دیر بعد مدمقابل ہوں گے۔ کراچی کے نیشنل بینک کرکٹ ارینا میں روایتی حریف کراچی کنگز اور لاہور قلندرز مدمقابل ہوں گے۔ کراچی کنگز نے اب تک ایونٹ میں 3 میچ کھیل چکی ہے اور تینوں ہی میں اسے شکست کا سامنا کرنا پڑا ہے۔ جبکہ لاہور قلندرز نے اب تک ایک ہی میچ کھیلا ہے جس میں اس نے سنسنی خیز مقابلے کے بعد ملتنا سلطانز کو ایک رن سے ہرایا تھا۔

    جبکہ دوسری جانب ملتان کرکٹ اسٹیڈیم میں کھیلے گئے میچ میں اسلام آباد یونائیٹڈ کے کپتان شاداب خان نے ٹاس جیت کر پہلے فیلڈنگ کرنے کا فیصلہ کیا، سلطانز نے پہلے بیٹنگ کرتے ہوئے مقررہ 20 اوورز 4 وکٹوں کے نقصان پر 190 رنز اسکور کیے تھے۔ ہدف کے تعاقب میں اسلام آباد یونائیٹڈ کا آغاز اچھا نہ رہا، پال اسٹرلنگ 5، حسن نواز 21، کولن منرو 31 جبکہ کپتان شاداب خان ایک رن بناکر آؤٹ ہوئے، اس کے بعد رسی وین ڈر ڈوسن نے تھوڑی مزاحمت کی کوشش کی مگر دوسرے اینڈ پر وکٹیں وقفے وقفے سے گرتی رہیں۔
    مزید یہ بھی پرھیں؛
    پی ایس ایل؛ ہدف کے تعاقب میں اسلام آباد یونائیٹڈ کی سلطانز کیخلاف بیٹنگ جاری
    متحدہ عرب امارات اور بھارت کے درمیان "جامع اقتصادی شراکت داری” معاہدے کو ایک سال مکمل
    1999 کےزلزلے میں پیدا ہونیوالا نوجوان 2023 کے زلزلے میں جاں بحق ہو گیا
    اسلام آباد یونائیٹڈ کی ٹیم 191 رنز ہدف کے تعاقب میں 17.5 اوورز میں 138 رنز بنا کر ڈھیر ہوگئی۔ اسلام آباد کی طرف سے وان ڈر ڈوسن 49 رنز بنا کر نمایاں رہے جبکہ 7 کھلاڑی ڈبل فیگر میں بھی داخل نہ ہوسکے۔ ملتان کی طرف سے عباس آفریدی نے چار، محمد الیاس، احسان اللہ اور اسامہ میر نے دو دو وکٹیں حاصل کیں۔ قبل ازیں پہلے بیٹنگ کرتے ہوئے سلطانز کی جانب سے اوپنر شان مسعود جلد وکٹ گنوا بیٹھے تھے تاہم کپتان محمد رضوان اور رائلی روسو نے 91 رنز کی پارٹنرشپ قائم کرکے ٹیم کی پوزیشن مستحکم کی، رضوان 38 گیندوں پر 50 رنز بناکر آؤٹ ہوئے جبکہ روسو 36 رنز بناکر نمایاں رہے۔

  • جب سے عمران خان آیا مہنگائی جان نہیں چھوڑ رہی. مریم نواز

    جب سے عمران خان آیا مہنگائی جان نہیں چھوڑ رہی. مریم نواز

    جب سے عمران خان آیا مہنگائی جان نہیں چھوڑ رہی. مریم نواز

    راولپنڈی میں مسلم لیگ (ن) کے تنظیمی کنونشن سے خطاب کرتے ہوئے مریم نواز نے کہا کہ الیکشن میں معلوم ہوگا کہ مسلم لیگ ن کے پاس نوجوانوں کی فوج ہے، عمران خان سے پہلے جب نواز شریف تھا تو کیا مہنگائی تھی؟ غریب پیٹ کر سوتا تھا لیکن جب سے عمران خان آیا مہنگائی جان نہیں چھوڑ رہی، انشاء الله عمران اور مہنگائی دونوں کو اٹھا کر باہر پھینکیں گے۔مسلم لیگ (ن) کی چیف آرگنائزر مریم نواز نے کہا ہے کہ ملک کو ایمان دار ججز کی ضرورت ہے عمران دار ججز کی نہیں،

    انہوں نے کہا کہ کیا عمران خان کو آئی ایم ایف کے سامنے نہیں لانا چاہیے تھا؟ لیکن وہ بنکر میں بیٹھ گیا، شہباز شریف عمران خان کی بچھائی ہوئی بارودی سرنگیں دور کررہے ہیں، ن لیگ ملک کو ٹھیک نہ کرسکی تو کوئی جماعت نہیں کرسکتی۔ پرویز الہی کی آڈیو سب نے سنی ہے، ملک کو ایمان دار ججز کی ضرورت ہے عمران دار ججز کی نہیں، نام آئے کتنے دن گزر گئے لیکن جسٹس مظاہر نقوی میں اتنی اخلاقی جرأت نہیں کہ استعفی دیں، کیا نہیں دینا چاہیے؟

    ان کا کہنا تھا کہ آڈیوز تمھاری لیک ہورہی ہیں اور کہتا ہے عدلیہ کے خلاف مہم مسلم لیگ ن چلا رہی ہے، عدالت بلاتی یے لیکن پانچ ماہ ہوگئے ٹانگ کا پلستر ہی نہیں اتر رہا جب کہ میں نے نواز شریف کا ہاتھ پکڑ کر پیشیاں بھگتیں، کیا عدلیہ میں سہولت کاری نواز کو حاصل تھی؟ مریم نواز نے کہا کہ عمران خان لوگوں کو کہتا جیلوں بھرو اور خود ڈوگر کو کہتا رات پولیس پکڑنے تو نہیں آرہی؟ رات آسانی سے گزر تو جائے گی ناں؟ راولپنڈی والوں کیا بزدل پاکستان قوم کا لیڈر ہوسکتا یے؟ گرفتاری دینے کے لیے شیر کا دل چاہیے، بزدل خان مسلم لیگ ن کی ایک خاتون کا بھی مقابلہ نہیں کرسکتے ان کی ٹانگ کا پالستر نہ ہوگیا پشاور کی بی آر ٹی ہوگئی، بھائی جیلیں بعد میں بھرنا، وہ جو دو دو دن جیل کاٹ کر روتے ہیں پہلے انھیں تو چپ کرالو۔
    مزید یہ بھی پرھیں؛
    پی ایس ایل؛ ہدف کے تعاقب میں اسلام آباد یونائیٹڈ کی سلطانز کیخلاف بیٹنگ جاری
    متحدہ عرب امارات اور بھارت کے درمیان "جامع اقتصادی شراکت داری” معاہدے کو ایک سال مکمل
    1999 کےزلزلے میں پیدا ہونیوالا نوجوان 2023 کے زلزلے میں جاں بحق ہو گیا
    انہوں نے کہا کہ کیا مسلم لیگ ن نے جیلیں نہیں کاٹیں؟ بیٹی کو والد کے سامنے گرفتار کیا گیا، عمران خان تم ڈر کر بنکر میں بیٹھے ہو جس دن رانا ثناء اللہ نے گرفتار کرنے کا فیصلہ کرلیا تو تم کو بچانے والا کوئی نہیں ہوگا مگر ہم کسی سے انتقام نہیں لینا چاہتے۔ انہوں نے کہا کہ مسلم لیگ ن الیکشن جیتنے کے لیے میدان میں اتر چکی ہے، جو مسلم لیگ ن پر الیکشن سے بھاگنے کا الزام عائد کررہے ہیں وہ خود بنکر میں بیٹھے ہیں، انشاء اللہ ہر مرتبہ کی طرح مسلم لیگ ن ہی ملک کو بچائے گی اور پاکستان کو دوبارہ ترقی کی راہ پر ڈالے گی۔

  • میٹا کی زیر ملکیت کمپنی کا آئی او ایس ڈیوائسز کے لیے چند نئے فیچرز کا اضافہ

    میٹا کی زیر ملکیت کمپنی کا آئی او ایس ڈیوائسز کے لیے چند نئے فیچرز کا اضافہ

    میٹا کی زیر ملکیت کمپنی کا آئی او ایس ڈیوائسز کے لیے چند نئے فیچرز کا اضافہ کر دیا.

    واٹس ایپ نے گزشتہ دنوں اینڈرائیڈ صارفین کے لیے چند نئے فیچرز متعارف کرائے تھے۔ اب میٹا کی زیر ملکیت میسجنگ کمپنی نے آئی او ایس ڈیوائسز کے لیے چند نئے فیچرز کا اضافہ کیا ہے۔ ان میں سب سے نمایاں فیچر پکچر ان پکچر موڈ ہے جس کو آئی فون استعمال کرنے والے صارفین ویڈیو کالز کے دوران استعمال کر سکیں گے۔

    پکچر ان پکچر موڈ کے علاوہ بھی واٹس ایپ کے آئی او ایس صارفین کے لیے کئی فیچرز متعارف کرائے گئے ہیں۔ اب آئی او ایس صارفین ڈاکومینٹس سینڈ کرتے ہوئے ان میں کیپشن شامل کر سکیں گے۔ اسی طرح گروپس کے زیادہ بڑے نام اور تعارف کو تحریر کرنا ممکن ہوگا جبکہ ڈیجیٹل اواتار کو اسٹیکرز اور پروفائل فوٹو کے طور پر بھی استعمال کیا جا سکے گا۔ یہ تینوں فیچرز پہلے ہی اینڈرائیڈ صارفین کے لیے متعارف کرائے جا چکے ہیں مگر ابھی تک پکچر ان پکچر موڈ کا فیچر اینڈرائیڈ پر دستیاب نہیں۔
    مزید یہ بھی پرھیں؛
    پی ایس ایل؛ ہدف کے تعاقب میں اسلام آباد یونائیٹڈ کی سلطانز کیخلاف بیٹنگ جاری
    متحدہ عرب امارات اور بھارت کے درمیان "جامع اقتصادی شراکت داری” معاہدے کو ایک سال مکمل
    1999 کےزلزلے میں پیدا ہونیوالا نوجوان 2023 کے زلزلے میں جاں بحق ہو گیا
    اس فیچر کی آزمائش واٹس ایپ کی جانب سے 2022 سے کی جا رہی تھی۔ اس فیچر سے صارفین واٹس ایپ پر ویڈیو کال کے دوران دیگر ایپس کو بھی استعمال کر سکیں گے۔ واٹس ایپ میں پکچر ان پکچر موڈ کے دوران ویڈیو کال کی اسکرین ایک چھوٹی ونڈو میں تبدیل ہو جائے گی جو کسی اور ایپ کو اوپن کرنے پر اوپر نظر آئے گی۔ کمپنی کے مطابق آئی او ایس صارفین کو آنے والے دنوں میں یہ نیا فیچر دستیاب ہوگا۔

  • واضح پیغام دے رہا ہوں ملک ڈیفالٹ نہیں کرے گا، صدر مملکت عارف علوی

    واضح پیغام دے رہا ہوں ملک ڈیفالٹ نہیں کرے گا، صدر مملکت عارف علوی

    اسلام آباد: صدر مملکت عارف علوی نے کہا کہ آئین کی پاسداری کرو ،آئین کے اندر سراغ مت تلاش کرو،سب ایک دوسرے پرالزامات اور پھر مقدمات بنانے پر لگے ہوئے ہیں،ہر کوئی الیکشن کی ذمہ داری ایک دوسرے پر ڈال رہا ہے-

    باغی ٹی وی: صدر مملکت عارف علوی نے کہا ہے کہ ملک مشکلات میں ہے،ہم کشتی کو سنبھالا دینے میں نہ ماضی سے سیکھا نہ مستقبل کے اعتبار سے،ماضی کی غلطیوں سے سیکھ کر آگے بڑھا جاسکتا ہے،ملک ڈیفالٹ نہیں کرے گا،بدقسمتی سے ہم نے اپنی غلطیوں سے نہیں سیکھا،آئی ایم ایف کا پیکج لینے کیلئے حکومت نے بڑی محنت کی-

    آرمی چیف جنرل عاصم منیر کا کراچی پولیس آفس کا دورہ

    عارف علوی نے کہا کہ واضح پیغام دے رہا ہوں ملک ڈیفالٹ نہیں کرے گا، مذاق بنا لیا کہ ملک میں کرپشن ہوئی ہے، کرپشن کی سب بات کرتے ہیں مگر کوئی کرپشن کرتے ہوئے پکڑا نہیں جاتا،کہا گیا کہ دشمنیاں چھوڑ کر اپنی کارکردگی پر فوکس کرو،ریکوڈک سے ایک روپیہ نہیں ملا مگر 7،8 ارب ڈالر کا جرمانہ کردیا گیا-

    عمران خان کی حکومت کے 2سال بعد کہا گیا کرپشن چھوڑو اپنی کارکردگی بتاو،عمران خان کی گرفتاری سے ملکی حالات خراب ہی ہوں گے،الیکشن کے ذریعے لوگ سمجھادیتے ہیں کہ یہ بات صحیح کر رہے یہ غلط،الیکشن کیلئے بھی حیلے بہانے تلاش کئے جا رہے ہیں-

    ڈاکٹر یاسمین راشد کا آڈیو ٹیپ کرنیوالوں کیخلاف عدالت جانے کا اعلان

    صدر مملکت عارف علوی نے کہا کہ آئین کی پاسداری کرو ،آئین کے اندر سراغ مت تلاش کرو،سب ایک دوسرے پرالزامات اور پھر مقدمات بنانے پر لگے ہوئے ہیں،ہر کوئی الیکشن کی ذمہ داری ایک دوسرے پر ڈال رہا ہے-

    صدر مملکت عارف علوی نے کہا کہ اسحاق ڈار تو کہا کہ منی بجٹ کو ایوان میں پیش کریں،عمران خان کے دور میں معیشت کے حالات تھوڑے بہتر تھے،میری کوششیں مسلسل پس پردہ جاری رہتی ہیں،آج کل مذاکرات کی پس پردہ کوئی کوشش نہیں ہو رہی،جمہوریت میں اعتماد الیکشن سے ملتا ہے-

    انہوں نے کہا کہ یہ کہنا مضحکہ خیز ہےکہ الیکشن کے اخراجات برداشت نہیں کرسکتے،بہت سی باتیں وقت پر سمجھ نہیں آتیں،میری کوشش ہوتی ہےکہ بس معاملے کلیئر ہوں،جنرل باجوہ اور عمران خان کی ملاقات میری درخواست پر ہوئی تھی-

    ملک کو لڑائی کی نہیں مفاہمت کی ضرورت ہے، مریم نواز

  • معاشی مشکلات کے باوجود ترکیہ کے بہن بھائیوں کی بھرپور مدد کریں گے

    معاشی مشکلات کے باوجود ترکیہ کے بہن بھائیوں کی بھرپور مدد کریں گے

    اسلام آباد: وزیراعظم پاکستان شہباز شریف نے کہا ہے کہ معاشی مشکلات کے باوجود ترکیہ کے بہن بھائیوں کی بھرپور مدد کریں گے۔

    باغی ٹی وی: شہباز شریف کا کہنا تھا کہ ترکیہ اور پاکستان کے دیرینہ تعلقات دہائیوں پر مبنی ہیں، وزیراعظم نے ہدایت کی کہ ترکیہ بھیجے جانےوالےخیموں کا بین الاقوامی معیاریقینی بنایاجائےفوری طور پرترکیہ کی ڈیزاسٹرمینجمنٹ پریزیڈنسی سےدرکار خیموں کی خصوصیات کے حوالے سے مشاورت کی جائے۔

    وزیراعظم نے کہاکہ ترکیہ میں خیموں کی فوری ضرورت پوری کرنے کیلئے فضائی راستے سے خیمے بھیجے جائیں، پاکستان سے بھیجے جانے والے خیموں کے معیار کو یقینی بنانے کیلئے تھرڈ پارٹی ویلیڈیشن کی جائے۔ وزیراعظم نے خیموں کے معیار کے تعین کیلئے وزیر منصوبہ بندی کی سربراہی میں کمیٹی تشکیل دے دی۔

    شہباز شریف نے کہا کہ پاکستان ترکیہ کے زلزلہ زدگان کیلئے 1 لاکھ 71 ہزار خیمے بھیجے گا، پاکستان میں خیمہ سازی کے صنعتکار اس کار خیر میں بڑھ چڑھ کرحصہ لیں، ترکیہ کے بہن بھائیوں کی مدد کی خاطرخیمہ سازی کے صنعتکار حکومت کو کم نرخوں پر خیمے فراہم کریں۔

    وزیراعظم کا کہنا تھا کہ ترکیہ اور شام کے زلزلہ متاثرین کیلئے پاکستان خوراک، گرم کپڑے اور خشک دودھ بھیج رہا ہے، پاکستان کی ریسکیو ٹیمیں ترکیہ میں زلزلہ متاثرین کی بھرپور مدد کر رہی ہیں۔

  • بے وفا اور باغی مصنفہ

    بے وفا اور باغی مصنفہ

    بے وفا اور باغی مصنفہ

    آغا نیاز مگسی

    تہمینہ درانی پاکستان کے جاگیردارانہ سماج کی پہلی حوصلہ مند خاتون ہیں جنہوں نے اپنی سوانح حیات پر مشتمل تصنیف ” مائی فیوڈل لارڈ ” جس کا اردو ترجمہ ” میڈا سائیں ” کے عنوان سے کیا گیا ہے ، میں نہ صرف اپنے اس سنگین اخلاقی جرم کا اعتراف کیا ہے کہ انہوں نے اپنے پہلے شوہر انیس احمد سے بیوفائی کر کے پنجاب کے سابق گورنر و سابق وزیر اعلیٰ ملک غلام مصطفیٰ کھر سے ناجائز تعلقات قائم کرتے ہوئے انیس سے طلاق لے کر ملک غلام مصطفیٰ کھر سے ان کی ساتویں بیوی کی حیثیت سے نکاح کیا اور پھر اپنے ہونے والے محبوب شوہر غلام مصطفیٰ کھر کے ہاتھوں نہ صرف جسمانی تشدد کا نشانہ بنتی رہیں بلکہ اپنی چھوٹی بہن عدیلہ کے حوالے سے تذلیل اور تضحیک آمیز مناظر دیکھنا بھی گوارا کرتی رہیں ۔

    تہمینہ درانی اسٹیٹ بینک آف پاکستان کے سابق گورنر اور پاکستان انٹر نیشنل ایئر لائنز (پی آئی اے) کے سابق مینجنگ ڈائریکٹر شاکر الله درانی کے گھر میں 18 فروری 1953 میں پیدا ہوئیں۔ 18سال کی عمر میں ان کی شادی لاہور کے انیس احمد سے ہوئی لیکن 3 برس کے مختصر عرصے کے بعد انہوں نے پنجاب کے ایک معروف جاگیردار اور ذوالفقار علی بھٹو کے قریبی ساتھی ملک غلام مصطفیٰ کھر کو اپنا ” ہیرو” بنا لیا جن کے درمیان عمر کے لحاظ سے 20 سال کا فرق موجود تھا جس سے 1975 میں شادی کر لی لیکن تہمینہ درانی کو بہت جلد ہی معلوم ہو گیا بلکہ اپنی غلطی کا احساس ہو گیا کہ وہ اپنے پہلے خاوند کو چھوڑ کر غلام مصطفےٰ کھر سے شادی کرنے کا غلط فیصلہ کر چکی ہے۔

    غلام مصطفیٰ کھر تہمینہ درانی سے شادی سے کچھ ہی عرصے بعد ان کی چھوٹی بہن عدیلہ درانی پر فریفتہ ہو گئے اور اس پر ڈورے ڈالنے لگے جس پر غلام مصطفی کھر اور تہمینہ درانی کے مابین شدید اختلافات پیدا ہو گئے اور بالاآخر دونوں کے مابین علیحدگی ہو گئی۔ تہمینہ درانی نے ہمت اور حوصلے کا مظاہرہ کرتے ہوئےملک غلام مصطفیٰ کھر کا اصل چہرہ بے نقاب کرنے کی غرض سے اپنی آپ بیتی پر مشتمل کتاب ” میڈا سائیں ” لکھ ڈالی جس میں انہوں نے بہت سے سنسنی خیز اور دلچسپ انکشافات کیے اور پاکستان میں جاگیرداروں اور سیاستدانوں کے ظاہری اور باطنی کردار کو عوام کے سامنے لانے کی بھرپور کوشش کی جس سے تہمینہ درانی کو جاگیردارانہ سماج کے خلاف بلند حوصلہ عورت لکھاری کی حیثیت سے بین الاقوامی سطح پر شہرت حاصل ہوئی۔

    ایک ایسی عورت جس نے اپنے محبوب شوہرکی خاطر کئی برس جلاوطنی اختیار کی اور بےشمارمسائل اور مشکلات کا سامنا کیا لیکن پھر بھی وہ اپنے جاگیردار خاوند کی اخلاقی اور جسمانی زیادتیوں کا نشانہ بنتی رہی ۔ ملک غلام مصطفی کھر سے علیحدگی کے کافی عرصے بعد افغان قبیلے کی عورت تہمینہ درانی نے 2018 میں پنجاب کے وزیر اعلیٰ اور موجودہ وزیر اعظم پاکستان میاں محمد شہباز شریف سے تیسری شادی کی اور وہ اس وقت پاکستان کی وزیر اعظم کی اہلیہ کا قابل فخر اعزاز کی حامل ہیں تاہم شریف خاندان نے تہمینہ درانی کو دل سے قبول نہیں کیا ہے ۔ تہمینہ درانی نے اپنی تصانیف کے ذریعے ایک معتبر و باغی مصنفہ اور ناول نگار کی حیثیت سے اہم مقام حاصل کر لیا ہے اور اب تک ان کی 4 کتابیں شائع ہو چکی ہیں ۔

  • رجیم چینج سے متعلق امریکا پر الزامات میں کوئی حقیقت نہیں،امریکا

    رجیم چینج سے متعلق امریکا پر الزامات میں کوئی حقیقت نہیں،امریکا

    واشنگٹن: ترجمان امریکی محکمہ خارجہ نیڈ پرائس نے کہا ہے کہ پہلے بھی کہہ چکے ہیں کہ رجیم چینج سے متعلق امریکا پر الزامات میں کوئی حقیقت نہیں۔

    باغی ٹی وی:امریکی محکمہ خارجہ کے ترجمان نیڈ پرائس نے میڈیا بریفنگ میں کہا کہ پاکستان سے دو طرفہ تعلقات امریکا کے لیے اہم ہیں پروپیگنڈا اور غلط معلومات کو دو طرفہ تعلقات میں رکاوٹ نہیں بننے دیں گے پاکستان کے ساتھ تعلقات کو اہمیت دیتے ہیں، جمہوری اور خوشحال پاکستان امریکا مفادات کیلئے اہم ہے۔

    پرتگالی کیتھولک چرچ میں 4,815 نابالغ بچے جنسی زیادتی کا نشانہ بنے

    ترجمان نے ایک سوال کے جواب میں کہا کہ الزامات کے کھیل پر تبصرہ نہیں کروں گا۔ بے بنیاد الزامات پرہمارا موقف واضح ہے ہم نے مسلسل کہا ہے کہ ان الزامات میں کوئی صداقت نہیں۔

    نیڈ پرائس کا کہنا تھا کہ پاکستان سے تعاون کی قدر کرتے ہیں۔خوشحال اور جمہوری پاکستان امریکا کے مفاد میں ہے۔ پروپیگنڈا، جعلی اور بے بنیاد معلومات کو باہمی تعلقات میں رکاوٹ نہیں بننے دیں گے۔

    محکمہ خارجہ کے ترجمان کا مزید کہنا تھا کہ پاکستان کے سیاسی حلقوں میں کسی ایک سیاسی امیدوار یا جماعت کو ترجیح نہیں دیتے۔ امریکا پُرامن جمہوری اور آئینی اصولوں کی حمایت کرتا ہے۔

    ترک صدر نے اسپتال میں زلزلے سے متاثرہ بچی کے کان میں اذان دی اور نام رکھا ،ویڈیو

  • پشاور زلمی نے دلچسپ مقابلے کے بعد کراچی کنگز کو 2 رنز سے شکست دے دی

    پشاور زلمی نے دلچسپ مقابلے کے بعد کراچی کنگز کو 2 رنز سے شکست دے دی

    پاکستان سپر لیگ (پی ایس ایل) 8 کے دوسرے میچ میں پشاور زلمی نے دلچسپ مقابلے کے بعد کراچی کنگز کو 2 رنز سے شکست دیدی۔

    نیشنل اسٹیڈیم کرکٹ ایرینا میں کھیلے جانے والے اس میچ میں 200 رنز کے ہدف کے تعاقب میں کراچی کنگز کی ٹیم 197 رنز بناسکی۔ کراچی کنگز کے کپتان عماد وسیم نے ٹاس جیت کر پشاور زلمی کو پہلے بیٹنگ کرنے کی دعوت دی۔ اننگز کے آغاز میں پشاور زلمی کو مشکلات کا سامنا کرنا پڑا جہاں اسے 16 کے مجموعے پر ہی دو اہم وکٹوں کے نقصان کا سامنا کرنا پڑا۔ محمد حارث 10 رنز بنا کر میر حمزہ کی گیند پر ایل بی ڈبلیو آؤٹ ہوئے جبکہ صائم ایوب ایک رنز بنا کر رن آؤٹ ہوگئے۔

    ایسے میں کپتان بابر اعظم اور ٹام کوہلر کیڈمور نے شاندار پارٹنرشپ بنا کر ٹیم کو بڑے اسکور کی جانب گامزن کیا۔ کیڈمور نے 28 گیندوں پر اپنی نصف سنچری مکمل کی۔ بابر اعظم اور کیڈمور کے درمیان 81 گیندوں پر 139 رنز کی شاندار پارٹنر شپ بنی جس کے بعد 155 کے مجموعے پر بابر اعظم 68 رنز کی اننگز کھیل عمران طاہر کی گیند پر کیچ آؤٹ ہوگئے۔ نئے آنے والے بلے باز بھانوکا راجاپکسے تھے، جو صرف 6 رنز کا اضافہ کرنے کے بعد کیچ آؤٹ ہوگئے۔

    بعدازاں جمی نیشم نے کیڈمور کا ساتھ دیا اور اسکور 197 تک پہنچایا۔ جہاں کیڈمور 92 رنز کے مجموعے پر کیچ آؤٹ ہوگئے۔ تاہم پشاور زلمی کی ٹیم 5 وکٹوں کے نقصان پر 199 رنز بنانے میں کامیاب رہی۔ کراچی کنگز کی جانب میر حمزہ، اینڈریو ٹائے، عمران طاہر اور بین کٹنگ نے ایک ایک وکٹ لی۔ ہدف کے تعاقب میں کراچی کنگز کا آغاز اچھا نہ تھا جہاں اس کے جارح مزاج بلے باز شرجیل خان بغیر کوئی رن بنائے پویلین لوٹ گئے۔

    میتھیو ویڈ نے 23 رنز کی اننگز کھیلی اور حیدر علی 12 رنز بناسکے جبکہ قاسم اکرم 7 رنز بنا کر آؤٹ ہوئے۔ کراچی کنگز 46 رنز پر چار اہم وکٹوں سے محروم ہونے کے بعد کراچی کنگز کی بیٹنگ لائن کو اس کے تجربہ کار بلے بازوں شعیب ملک اور کپتان عماد وسیم نے 131 رنز کی شاندار شراکت دی۔ شعیب ملک 177 کے مجموعے پر 52 رنز بنا کر آؤٹ ہوئے لیکن اس کے بعد عماد وسیم اور بین کٹنگ کے درمیان ہوئی پارٹنرشپ بھی ٹیم کو جیت نہ دلواسکی اور پشاور زلمی یہ میچ 2 رنز سے ہار گیا۔
    مزید یہ بھی پڑھیں؛
    بچی کی مبینہ خودکشی؛ اسکول کی رجسٹریشن منسوخ کردی گئی ہے
    برطانوی ائیرلائن نے پاکستان کیلئے فضائی آپریشن بند کردیا
    نگران حکومت نے تونسہ شریف کو ضلع بنانے کا نوٹیفکیشن معطل کردیا گیا
    پشاور زلمی کی جانب سے وہاب ریاض اور جمی نیشم نے 2، 2 وکٹیں حاصل کیں جبکہ سلمان ارشاد نے ایک وکٹ لی۔ زلمی کے ٹام کوہلر کیڈمور کو 92 رنز کی دھواں دار اننگز کھیلنے پر میچ کا بہترین کھلاڑی قرار دیا گیا۔