Baaghi TV

Tag: پاکستان

  • معاشی بحران سےنکلنےکےلیےسری لنکا کافوج کی تعداد میں کمی کرنے کا فیصلہ

    معاشی بحران سےنکلنےکےلیےسری لنکا کافوج کی تعداد میں کمی کرنے کا فیصلہ

    کولمبو: سری لنکا نے معاشی بحران سے نکللنے کے لیے دیکر اخراجات میں کٹوتی کے ساتھ ساتھ فوجیوں کی تعداد میں بھی کمی کرنے کا فیصلہ کیا ہے۔عالمی خبر رساں ادارے کے مطابق سری لنکا اگلے سال تک بتدریج فوجیوں کی تعداد میں ایک تہائی تک کمی کردے گا جب کہ 2030 تک یہ تعداد ایک لاکھ تک کردی جائے گی۔

    ٹی20 ورلڈکپ؛ سری لنکا کو انگلینڈ سے شکست، میزبان آسٹریلیا ٹورنامنٹ سے باہر

    سری لنکا کی مسلح افواج کا حجم 2017 اور 2019 کے درمیان 3 لاکھ 17 ہزار تھی جو ورلڈ بینک کے مطابق 2009 میں ختم ہونے والے لبریشن ٹائیگرز آف تامل ایلم کے ساتھ 25 سالہ طویل تنازع کے دوران اس سے بھی کہیں زیادہ تھی۔دارالحکومت کولمبو میں مقیم تھنک ٹینک ویریٹ ریسرچ کے مطابق سری لنکا کے کل اخراجات میں دفاعی شعبے کا حصہ 2021 میں جی ڈی پی کے 2.31 فیصد پر پہنچ گیا تھا گو 2022 میں اس میں کچھ کمی آئی تھی۔

    ٹی 20 ورلڈکپ:نیوزی لینڈ نے سری لنکا کو 65 رنزسےشکست دے دی

    سری لنکا کے وزیر دفاع نے پریمیتھا بندارا تھینکون کا کہنا ہے کہ ملک کو اس وقت سات دہائیوں کے دوران پہلے بدترین معاشی بحران کا سامنا ہے جس سے نبرد آزما ہونے کے لیے اخراجات کو کم کرنے کی کوشش کر رہے ہیں۔وزیر دفاع کا مزید کہنا تھا کہ فوجیوں کی تعداد اور اخراجات میں کمی اس اقدام کا مقصد 2030 تک ایک تکنیکی اور حکمت عملی کے لحاظ سے صحیح اور متوازن دفاعی قوت بنانا ہے۔

    سری لنکا کےبعدآسٹریلیا کو بھی ٹی ٹوئنٹی ورلڈکپ سےقبل بڑا دھچکا

    خیال رہے کہ حال ہی میں صدر رانیل وکرما سنگھے نے ریاستی اخراجات میں پانچ فیصد کمی کا حکم دیا تھا اور ان کی انتظامیہ نے اس ہفتے کے شروع میں متنبہ کیا تھا کہ خط غربت سے نیچے 1.8 ملین خاندانوں کے لیے فلاحی ادائیگیوں میں اس ماہ تاخیر ہو سکتی ہے۔شدید معاشی بحران کے شکار سری لنکا کو 2.9 بلین ڈالر کا آئی ایم ایف قرض حاصل کرنے کے لیے پیشگی شرط کے طور پر قرض کی پائیداری حاصل کرنے کی ضرورت ہے۔

    ویمنز ایشیاکپ ٹی ٹوئنٹی سیمی فائنل:پاکستان کو شکست، سری لنکا فائنل میں پہنچ گیا

    جس کے لیے آئی ایم ایف نے سری لنکا سے اپنی 1.5 ملین مضبوط عوامی خدمات کو کم کرنے، ٹیکسوں میں تیزی سے اضافہ کرنے اور خسارے میں جانے والے سرکاری اداروں کو فروخت کرنے کو بھی کہا ہے۔ادھر روس اور چین نے بھی سری لنکا کو علاقائی قرض دینے کے معاملے میں سست روی کو اپنا رکھا ہے جس سے عدم استحکام میں مزید اضافہ ہوگیا۔

  • برازیلین صدر کا فوج پر فسادات میں ملوث ہونے کا الزام

    برازیلین صدر کا فوج پر فسادات میں ملوث ہونے کا الزام

    برازیل کے صدرنے فوج پرفسادات میں ملوث ہونے کا الزام عائد کردیا۔اطلاعات کے مطابق برازیل کے صدر لوئیز اناسیو نے پریس کانفرنس میں بتایا سیکیورٹی فورس کے ارکان حکومت مخالف مظاہروں اور توڑپھوڑکرنے والوں کی پشت پناہی میں ملوث ہیں۔صدر کا یہ بھی کہنا ہےکہ فوج کو سیاسی معاملات میں دخل اندازی نہیں کرنی چاہیے اس سے مزید حالات خراب ہورہے ہیں‌

    بھارتی وزیر اعظم کے دورہ پاکستان کے حوالہ سے خبروں پر دفترخارجہ کا ردعمل

    برازیلین صدر لوئیز اناسیو نے اپنے ہیڈ کوارٹرکے باہرمظاہرین کو کنٹرول نہ کیے جانے پربھی فوج پرتنقید کی۔برازیل کے سابق صدر جائیر بولسونارو کے ہزاروں حامیوں نے اتوار کو ملک کے دارالحکومت میں کانگریس، سپریم کورٹ اور صدارتی محل پر دھاوا بول دیا تھا۔جس کی وجہ سے بہت زیادہ پیمانے پر نقصانات کی اطلاع ہے

    واضح رہے کہ برازیل میں بڑے پیمانے پر یہ فسادات اس وقت ہوئے جب صدر لولا ڈی سلوا کی حلف برداری کو محض ایک ہفتہ ہی گزرا تھا۔جس کےبعد یہ فسادات پھوٹ پڑے ، پورے ملک میں بے ہیجانی کی کیفیت ہے اورعوام الناس انتہائی پریشان دکھائی دیتے ہیں

    اتوار کے روز برازیل میں پارلیمنٹ، سپریم کورٹ سمیت اہم عمارتوں پر دھاوا بولنے والے ہزاروں مظاہرین کو جھڑپوں کے دوران انھیں لوٹ مار کرتے اور جھنڈے لہرا تے بھی دیکھا گیا۔ سابق صدر بولسونارو نے حالیہ انتخابات کا نتیجہ تسلیم کرنے سے انکار کر دیا تھا اور ملک سے باہر چلے گئے تھے۔

  • کراچی میں چار پولیس مقابلوں کے دوران 8 ڈاکو زخمی حالت میں گرفتار

    کراچی میں چار پولیس مقابلوں کے دوران 8 ڈاکو زخمی حالت میں گرفتار

    کراچی میں چار پولیس مقابلوں کے دوران 8 ڈاکو زخمی حالت میں گرفتار

     سائٹ سپرہائی وے، سرسید، اسٹیل ٹاؤن اور کورنگی پولیس نے مبینہ مقابلوں کے بعد 8 ڈاکوؤں کو زخمی حالت میں گرفتار کر کے اسلحہ اور دیگر مسروقہ سامان برآمد کرلیا۔ نجی ٹی وی کے مطابق ایک پولیس مقابلہ سائٹ سپر ہائی وے پولیس نے ناردرن بائی پاس پر کیا جس میں دو ڈاکوؤں کو زخمی حالت میں گرفتار کرلیا گیا، ترجمان کراچی پولیس کے مطابق ملزمان کی شناخت اسامہ ولد پرویز اور جبار ولد حاجی مجاز کے نام سے ہوئی، گرفتار ملزمان کا ایک ساتھی جس کا نام شمس عرف سلے معلوم ہوسکا ہے فرار ہوگیا، ملزمان سے ایک بے بی کلیشن تیس بور، ایک نائن ایم ایم پستول مع ایمونیشن، موبائل فونز اور نقدی برآمد ہوئی ہے۔

    ایس ایچ او سائٹ سپر ہائی وے سب انسپکٹر سید فیصل جعفری کا کہنا ہے کہ زخمی حالت میں گرفتار ملزمان نے گزشتہ سال فقیرہ گوٹھ میں فائرنگ کر کے 11 سالہ مجاہد ولد اللہ داد کو زخمی کیا تھا جس کا مقدمہ سائٹ سپرہائی وے تھانے میں درج ہے، گرفتار اور فرار ملزمان کے خلاف اسلحہ ایکٹ، اقدام قتل اور پولیس مقابلے کی دفعات کے تحت مقدمات درج کر لیے گئے، گرفتار ملزمان سے علاج و معالجے کے بعد ان کے فرار و دیگر ساتھیوں اور وارداتوں کے حوالے سے تفتیش کی جائے گی۔

    ایک اور مقابلہ سرسید پولیس کی جانب سے نارتھ کراچی سیکٹر7-D/1 ڈسکو موڑ یونس مسجد کے قریب ہوا، مبینہ مقابلے کے بعد ایک ڈاکو زخمی حالت میں گرفتار ہوا جس کی شناخت 22 سالہ عبد اللہ ولد محمد نبی کے نام سے ہوئی، ملزم کا ایک ساتھی فرار ہوگیا، گرفتار ملزم سے ایک پستول مع ایمونیشن، موبائل فون، نقدی اور موٹرسائیکل برآمد کی گئی۔

    اسی طرح اسٹیل ٹاؤن پولیس نے گلشن حدید فیز II چوکی نمبر 6 فلٹر پلانٹ کچے راستے سے مبینہ مقابلے کے بعد 3 ڈاکوؤں کو زخمی حالت میں گرفتار کرلیا جن کی شناخت ساحل ولد آصف، ذیشان ولد جاوید اور سلامت ولد مینوئل کے نام سے ہوئی، ملزمان کے دیگر چند ساتھی فرار ہوگئے، ملزمان سے 3 پستول مع ایمونیشن، 3 موبائل فون، نقدی اور ایک موٹر سائیکل برآمد کی گئی، ملزمان اسٹریٹ کرائم، چوری اور ڈکیتی کی متعدد وارداتوں میں ملوث رہے ہیں، ملزمان سے علاج و معالجے کے بعد ان کے فرار و دیگر ساتھیوں اور وارداتوں کے حوالے سے تفتیش کی جائے گی۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
    ایک مقابلہ کورنگی پولیس کا بھی ہوا جس نے بلال چورنگی ٹیلی فون ایکسچینج کے قریب مبینہ مقابلے کے بعد دو ڈاکوؤں کو زخمی حالت میں گرفتار کرلیا، زخمی ڈاکوؤں کو چھیپا ایمبولینس کے ذریعے جناح اسپتال منتقل کیا کیا، پولیس کے مطابق زخمی ہونے والے ڈاکوﺅں کی شناخت 25 سالہ وقآص ولد خان نواز اور 20 سالہ عمران ولد نثار شاہ کے نام سے کی گئی، ملزمان سے تیس بور کے دو پستول، موبائل فون، نقدی اور موٹر سائیکل برآمد کی گئی، گرفتار ملزمان اسٹریٹ کرائمز، چوری اور ڈکیتی سمیت دیگر سنگین جرائم کی وارداتوں میں ملوث رہے ہیں، گرفتار ملزمان سے علاج و معالجے کے بعد تفتیش کا آغاز کیا جائے گا۔

  • حق دو تحریک کے سربراہ مولانا ہدایت الرحمن گرفتار

    حق دو تحریک کے سربراہ مولانا ہدایت الرحمن گرفتار

    حق دو تحریک کے سربراہ مولانا ہدایت الرحمن کو گرفتار کرلیا گیا۔پولیس نے عدالت کے باہر سے انہیں حراست میں لیا /strong>

    سربراہ حق دو تحریک مولانا ہدایت الرحمن کو گوادر کی مقامی عدالت سے پولیس نے گرفتار کرلیا، قبل ازیں انہوں نے چند روز قبل گرفتاری دینے کا اعلان کیا تھا۔ ایف آئی آر میں الزام عائد کیا گیا تھا کہ حق دو تحریک کے سربراہ مولانا ہدایت الرحمٰن نے دھرنے کے شرکاء کو اشتعال دلایا اور سرکاری گاڑیوں پر پتھراو کروا کر لوگوں کو زخمی کیا۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
     سٹی تھانہ گوادر میں حق دو تحریک کے سربراہ مولانا ہدایت الرحمن سمیت دیگر رہنماوں کے خلاف مقدمہ درج کر لیا گیا تھا.
    واضح رہے کہ رواں سال کے آغاز پر منگل 3 جنوری کو ترجمان گوادر پولیس کے مطابق مقدمہ نائب تحصیلدار بلیدہ کی مدعیت میں درج کیا گیا تھا. ایف آئی آر کے متن کے مطابق حق دو تحریک کے سربراہ مولانا ہدایت الرحمٰن نے دھرنے کے شرکاء کو اشتعال دلایا تھا. اور سرکاری گاڑیوں پر پتھراو کیا اور لوگوں کو زخمی کیا تھا.

  • پنجاب میں جو اداکاری ہو رہی ہے اس مشن میں عمران خان کامیاب نہیں ہوں گے. رہنما ق لیگ طارق بشیر

    پنجاب میں جو اداکاری ہو رہی ہے اس مشن میں عمران خان کامیاب نہیں ہوں گے. رہنما ق لیگ طارق بشیر

    پنجاب میں جو اداکاری ہو رہی ہے اس مشن میں عمران خان کامیاب نہیں ہوں گے. رہنما ق لیگ طارق بشیر

    ق لیگ کے رہنما اور وفاقی وزیر طارق بشیر چیمہ کا کہنا ہے کہ پنجاب اور خیبرپختون خوا اسمبلی تحلیل ہوئی توضمنی انتخابات ہی ہوں گے۔ اسلام آباد میں میڈیا سے بات کرتے ہوئے رہنما ق لیگ اور وفاقی وزیر غذائی تحفظ طارق بشیر چیمہ کا کہنا تھا کہ پنجاب اور خیبر پختون خوا کی اسمبلیاں تحلیل ہونے کے بعد جنرل الیکشن کس بات کے ہوں، ضمنی انتخابات ہی ہوں گے، اسمبلی تحلیل ہونے کے بعد الیکشن ہی ہوتے ہیں۔

    رہنما ق لیگ طارق بشیر کا کہنا تھا کہ لاہور میں جو اداکاری ہو رہی ہے اس مشن میں عمران خان کامیاب نہیں ہوں گے، ان کی عقل میں کس نے ڈالا کہ 6 ماہ پہلے اسمبلی توڑ دو۔ وفاقی وزیر نے کہا کہ عمران خان کو سوائے جھوٹ کے اور کوئی کام نہیں ہے، تحریک عدم اعتماد میں لوگ غیر حاضر تھے، وزیر اعلی پنجاب نے کہا کہ خدا کیلئے عدم اعتماد پیش کردو تاکہ مجھے اسمبلی نہ توڑنی پڑے۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
    ملک میں جاری آٹا اور گندم بحران کے حوالے سے بات کرتے ہوئے وفاقی وزیر غذائی تحفظ نے کہا کہ بتایا جائے کس صوبے میں گندم کی قلت ہے، گندم کی قلت کے حوالے سے غلط معلومات پھیلائی جارہی ہیں، کسی صوبے میں گندم کی قلت نہیں۔ طارق بشیر چیمہ کا کہنا تھا کہ ملک میں گندم وافر مقدار میں موجود ہے، صوبوں کو ان کی مانگ کے مطابق گندم فراہم کرچکے ہیں۔

  • اعدادوشمار کی شعبدہ بازی؛ پاکستانی بینک اضافی ٹیکسوں سے بچ گئے

    اعدادوشمار کی شعبدہ بازی؛ پاکستانی بینک اضافی ٹیکسوں سے بچ گئے

    اعدادوشمار کی شعبدہ بازی؛ پاکستانی بینک اضافی ٹیکسوں سے بچ گئے

     پاکستانی بینکوں نے نومبر کے مقابلے میں دسمبر 2022ء میں نجی شعبے کے لیے کی جانیوالی فنانسنگ (جسے ایڈوانسز بھی کہا جاتا ہے) میں حیران کن طور پر 7.4 فیصد کا نمایاں اضافہ ظاہر کیا ہے، جو 11.91 ٹریلین روپے تک جا پہنچی ہے . سلمان صدیقی کی رپورٹ کے مطابق یہ ایک ایسے وقت پر ہوا ہے کہ جب ملک میں معاشی مشکلات کی وجہ سے کاروبار دھڑادھڑ بند ہو رہے ہیں۔ تاہم دوسری جانب بینکوں نے نومبر کے 22.73 ٹریلین روپے کے مقابلے میں دسمبر میں 22.46 ٹریلین روپے کے ڈپازٹس ظاہر کرتے ہوئے ان میں 1.2 فیصد کمی دکھائی ہے۔

    تجزیہ کاروں کا کہنا ہے کہ ایڈوانسز کے بڑھنے اور ڈپازٹس میں کمی نے مل کر بینکوں کو 50 فیصد ’’ایڈوانس ٹو ڈپازٹ ریشو‘‘ (ADR) کا مقررہ ہدف حاصل کرنے میں مدد دی ہے۔ اگر ’’اے ڈی آر‘‘ کا تناسب 50% سے کم ہوجاتا تو بینکوں کو اضافی ٹیکس ادا کرنے پر مجبور ہونا پڑتا، جس سے وہ بظاہر اعداد وشمار کی اس شعبدے بازی کی مدد سے بچنے میں کامیاب ہوگئے ہیں۔ تجزیہ کاروں کے مطابق ماہ دسمبر میں بینکوں کے ڈپازٹس میں کمی دیکھ کر حیرت ہوئی کیونکہ دسمبر بینکوں کے درمیان جنگ کا مہینہ ہوا کرتا تھا، جس کی وجہ یہ تھی کہ ہر بینک سال کے اختتام پر اپنے پاس زیادہ سے زیادہ ڈپازٹس دکھانا چاہتا تھا۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    تاہم اس سال ظاہر کی جانے والی کمی اس جانب اشارہ کرتی ہے کہ بینکوں نے شاید دانستہ طور پر دسمبر میں نئے ڈپازٹ لینے سے گریز کیا تاکہ 50 فیصد کا مقررہ ایڈوانس ٹو ڈپازٹ ریشو حاصل کیا جاسکے۔ اعداد و شمار بتاتے ہیں کہ نومبر 2022ء میں ’’اے ڈی آر‘‘ 48.8 فیصد تھا، جو دسمبر 2022ء میں 4.23 فیصد بڑھ کر 53 فیصد ہو گیا۔ تجزیہ کاروں کا کہنا ہے کہ بینک ڈپازٹس میں اضافہ ہونے کی صورت میں ’’اے ڈی آر‘‘ کا تناسب 50% سے کم ہوجانے کا خطرہ تھا۔ تجزیہ کاروں کے مطابق یہ بات بھی حیران کن ہے کہ بینکوں نے دسمبر کے ایک ہی مہینے میں تقریباً 800 ارب روپے ( 7.4 فیصد) کے نئے قرضے نجی شعبے کو دیے ہیں حالانکہ اس وقت بڑی تعداد میں کاروبار گزشتہ دو مہینوں سے درآمد شدہ خام مال کی عدم دستیابی کی وجہ سے جزوی یا مکمل بندش کی اطلاع دے رہے تھے۔

  •  الیکشن کمیشن نے بلدیاتی انتخابات ملتوی کرنے کا سندھ حکومت کا فیصلہ مسترد کردیا

     الیکشن کمیشن نے بلدیاتی انتخابات ملتوی کرنے کا سندھ حکومت کا فیصلہ مسترد کردیا

     الیکشن کمیشن نے بلدیاتی انتخابات ملتوی کرنے کا سندھ حکومت کا فیصلہ مسترد کردیا۔

    الیکشن کمیشن نے سندھ حکومت کی کراچی اور حیدرآباد میں بلدیاتی انتخابات ملتوی کرنے کی درخواست مسترد کرتے ہوئے الیکشن 15 جنوری کو ہی کروانے کا فیصلہ کیا۔سندھ میں 15 جنوری کو بلدیاتی انتخابات ملتوی کرنے سے متعلق الیکشن کمیشن کے ہنگامی اجلاس میں سندھ حکومت کے اقدام پر برہمی کا اظہارکیا گیا۔

    اجلاس میں کہا گیا کہ وفاقی حکومت ہو یا صوبائی حکومتیں کوئی بھی بلدیاتی انتخاب کرانا نہیں چاہتیں۔ اسلام آباد بلدیاتی قانون میں ترمیم کا سارا ملبہ الیکشن کمیشن پر ڈالا گیا۔ سندھ میں بلدیاتی انتخابات کے تمام انتظامات مکمل تھے دودن پہلے عین وقت پر سندھ حکومت نے ایسا اقدام کیا۔ چیف الیکشن کمشنر کی سربراہی میں الیکشن کمیشن میں ہونے والے ہنگامی اجلاس میں پنجاب اسمبلی کی تحلیل کے بعد کی صورتحال پر بھی غورکیا گیا۔اجلاس میں چیف الیکشن کمشنر، ممبران،ا سپیشل سیکرٹری، ڈی جی لاء، ڈی جی لوکل گورنمنٹ الیکشن سمیت دیگر اعلی افسران نے شرکت کی۔

    واضح رہے کہ سندھ حکومت نے گزشتہ روز کراچی، حیدر آباد اور دادومیں 15 جنوری کو ہونے والے بلدیاتی انتخابات ملتوی کرنے کا اعلان کیا تھا جبکہ نئی حلقہ بندیوں سے متعلق نوٹیفکیشن بھی واپس لے لیا تھا۔

    یاد رہے کہ  ایم کیوایم کی جانب سےحلقہ بندیوں پر تحفظات کے بعد سندھ حکومت نے کراچی، حیدر آباد اور دادو میں پندرہ جنوری کو ہونے والے بلدیاتی انتخابات ملتوی کرنے کا اعلان کردیا تھا۔ بلاول بھٹو کی صدارت میں بلدیاتی انتخابات کے حوالے ہونے والے اجلاس کے بعد صوبائی وزیر اطلاعات شرجیل میمن نے سندھ کابینہ کے اجلاس میں کیے گئے فیصلوں سے متعلق بریفنگ دیتے ہوئے کہا کہ سندھ حکومت نے کراچی کی حلقہ بندیوں سے متعلق نوٹیفکیشن واپس لے لیا ہے۔ ایم کیو ایم کے حلقہ بندیوں پر تحفظات ہیں ، چاہتے ہیں اتحادیوں کے مطالبات کو سنجیدہ لیا جائے ۔

    انہوں نے بتایا کہ کراچی، حیدرآباد اور دادو میں15 جنوری کے بلدیاتی انتخابات ملتوی کیے جارہے ہیں البتہ سندھ کے باقی تمام اضلاع میں الیکشن شیڈول کے مطابق ہوں گے ۔ شرجیل میمن نے کہا کہ حکومت سندھ دادو میں سیلابی پانی کے باعث الیکشن ملتوی کروانے کے لیے الیکشن کمیشن کو خط لکھ چکی ہے شرجیل میمن نے کہا کہ جماعت اسلامی سے بھی بات کرنے کو تیار ہیں۔ تاہم ٹنڈوالٰہ یار، ٹھٹہ، بدین، سجاول ،مٹیاری،جامشورو،ٹنڈو محمد خان میں الیکشن شیڈول کے مطابق پندرہ جنوری کو ہی ہونگے۔

    بلدیاتی الیکشن ملتوی کرنے کے اعلان کے بعد وزیراعلیٰ سندھ سے فاروق ستار کی سربراہی میں متحدہ کے وفد کی ملاقات ہوئی، ملاقات میں ایم کیو ایم وفد نے سندھ کابینہ کے بلدیاتی حلقہ بندیوں کے حوالے سے کئے گئے فیصلے پر شکریہ ادا کیا، ایم کیو ایم کے وفد میں فیصل سبزواری ، مصطفیٰ کمال، وسیم اختر اور جاوید حنیف بھی شریک تھے۔ دوسری جانب انتخابات ملتوی کرنے کے فیصلے کو تحریک انصاف نے عدالت میں چیلنج کرنے کا اعلان کردیا ہے۔ قائد حزب اختلاف سندھ اسمبلی حلیم عادل شیخ نے اپنے رد عمل میں کہا کہ سندھ حکومت کے فیصلے کو عدالتوں میں چیلنج کریں گے، ایم کیو ایم پیپلزپارٹی کی بی ٹیم کے طور پریشر بناتی رہی ہے۔ کراچی اور حیدرآباد میں شکست کا خوف پی ڈی ایم کے اعصاب پر سوار ہے۔ پیپلزپارٹی اور ایم کیو ایم ملکر بھی عوام میں جانے سے گھبرائے ہوئے ہیں ۔جمہوریت کی بات کرنے والے عوام کے جمہوری حق سے خوفزدہ ہیں۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
    پی ٹی آئی رہنما خرم شیر زمان نے کہا کہ سندھ حکومت کے بلدیاتی الیکشن ملتوی کرنے کے اعلان کی مذمت کرتے ہیں. پیپلز پارٹی نے چوتھی مرتبہ کراچی کے الیکشن کو ملتوی کیا ہے.سندھ حکومت کے سامنے عوام کی یا پھر عدالتوں کے حکم کی کوئی حیثیت نہیں.کراچی کے عوام گھروں سے نکلیں وزیر اعلیٰ اور گورنر ہاؤس کا گھیراؤ کریں۔ بلدیاتی انتخابات ملتوی کرنے پر امیر جماعت اسلامی کراچی حافظ نعیم نے کہا ہے کہ رات کی تاریکی میں پیپلز پارٹی، ایم کیو ایم نے کراچی، حیدرآباد پر شب خون مارا ۔ ایم کیو ایم اور پیپلز پارٹی نے ہمارا حق چھین لیا ہے فیصلے کے خلاف احتجاج کریں گے ۔ عدالت اور الیکشن کمیشن بھی جائینگے، حافظ نعیم نے کہا کہ کارکن تیار رہیں ، آج لائحہ عمل کا اعلان کرینگے،

  • معاشی مشکلات کا سامنا ہے لیکن ڈیفالٹ کا زیرو فیصد خطرہ. احسن اقبال کا دعوٰی

    معاشی مشکلات کا سامنا ہے لیکن ڈیفالٹ کا زیرو فیصد خطرہ. احسن اقبال کا دعوٰی

    معاشی مشکلات کا سامنا ہے لیکن ڈیفالٹ کا زیرو فیصد خطرہ. احسن اقبال کا دعوٰی

    وفاقی وزیر منصوبہ بندی و ترقی پروفیسر احسن اقبال نے کہا ہے پاکستان کی معیشت کی بنیادیں مضبوط ہیں جلد بحران سے نکل جائیں گے،معاشی مشکلات کا سامنا ہے لیکن ڈیفالٹ کا زیرو فیصد خطرہ ہے۔ برطانوی نشریاتی ادارے سے گفتگو میں انہوں نے کہا کہ معاشی مشکلات کا سامنا ہے لیکن ڈیفالٹ کا زیرو فیصد خطرہ ہے۔

    پاکستان کی معیشت کی بنیادیں مضبوط ہیں جلد بحران سے نکل جائیں گے۔ انہوں نے کہا کہ سیلاب کی تباہی سے 17 سو سےزیادہ جانوں کا نقصان ہوا ۔سیلاب کی تباہ کاریوں سے90لاکھ افراد غربت کا شکار ہوئے ، 80 لاکھ افراد کو غذائی قلت کا سامنا کرنا پڑا ۔ انہوں نے کہا کہ جنیوا کانفرنس میں10ارب ڈالر سے زائد امداد کا وعدہ کیا گیا ۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
    سیلاب کے نقصانات کے بعد بحالی کا عمل جاری ہے۔ احسن اقبال نے کہا کہ سیلاب کے نقصانات کا ازالہ کرنے میں دو سے تین سال لگیں گے ۔ سیلاب سے متاثرہ افراد کی بحالی کے لئے حکومت نے تین سالہ ایجنڈا تیار کیا ہے ۔ قومی تعمیر نو کے ایجنڈے کے مطابق حکومت پچاس فیصد وسائل فراہم کرے گی ۔ بقایا50 فیصد وسائل جینوا کانفرنس میں کئے گئے عالمی وعدوں سے پورے کئے جائیں گے ۔بین الاقوامی برادری اور عالمی مالیاتی اداروں سے ملکر تعمیر نو کریں گے۔

  • ایشیا کی 50 سال سے زائد عمر کی کامیاب خواتین کی فہرست میں شیری رحمان بھی شامل

    ایشیا کی 50 سال سے زائد عمر کی کامیاب خواتین کی فہرست میں شیری رحمان بھی شامل

    ایشیا کی 50 سال سے زائد عمر کی کامیاب خواتین کی فہرست میں شیری رحمان بھی شامل

    ایشیا کی 50 کامیاب ترین خواتین کی فہرست میں پاکستان پیپلز پارٹی کی رہنما سینیٹر شیری رحمان کا نام بھی شامل ہے۔ امریکی جریدے فوربز نے 50 سال سے زائد عمر کی ایشیا پیسیفک کی 50 کامیاب خواتین کی فہرست جاری کی ہے جس میں شیری رحمان کا نام بھی شامل ہے۔ فوربز میگزین کے مطابق فہرست میں ایسی خواتین کو شامل کیا گیا ہے جو اپنے شعبوں میں نئی بلندیوں کو چھو رہی ہیں، 50 سال سے زائد عمر کی یہ 50 خواتین خطے کی اگلی نسل کی حوصلہ افزائی کر رہی ہیں۔


    امریکی جریدے کے مطابق کوپ 27 میں شیری رحمان عالمی خبروں پر چھائی رہیں، کانفرس میں لاس اینڈ ڈیمیجز سے متعلق فنڈ کا نیا معاہدہ طے پایا۔ فوربز میگزین کے مطابق شیری رحمان صحافی، وزیر اطلاعات اور امریکا میں سفیر رہ چکی ہیں، شیری رحمان 2018 میں سینیٹ میں قائد حزب اختلاف بننے والی پہلی خاتون ہیں، شیری رحمان کو اپریل 2022 میں پاکستان کی وزیر برائے ماحولیاتی تبدیلی مقرر کیا گیا۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
    جریدے کے مطابق شیری رحمان نشان امتیاز کے ساتھ دیگر اعزازات اپنے نام کر چکی ہیں، فنانشل ٹائمز نے بھی شیری رحمان کو 2022 کی 25 بااثر خواتین میں شامل کیا۔

  • تیز ہوا سے درخت گرنے سے بچی کی موت؛ عدالت کا میونسپل حکام کو جرمانہ ادا کرنے کا حکم

    تیز ہوا سے درخت گرنے سے بچی کی موت؛ عدالت کا میونسپل حکام کو جرمانہ ادا کرنے کا حکم

    تیز ہوا سے درخت گرنے سے بچی کی موت؛ عدالت کا میونسپل حکام کو جرمانہ ادا کرنے کا حکم

    برطانیہ میں تیز ہوا چلنے کے باعث درخت گرنے سے حکومت کو 3 لاکھ 30 ہزار ڈالر کا نقصان اٹھانا پڑ گیا۔ درخت ہوا سے اڑ کر دو جا گرا لیکن اس نے تباہی مچا دی تھی، درخت گرنے سے قریب کھیلتی ایک بچی کی موت ہو گئی۔ عدالت نے میونسپل حکام کو غفلت اور لاپرواہی کا مرتکب قرار دیا اور بچی کے لواحقین کو 2 لاکھ 80 ہزار پاؤنڈ جرمانہ ادا کرنے کا حکم صادر کر دیا۔ یہ رقم تقریبا 3 لاکھ 30 ہزار ڈالر بنتی ہے۔

    برطانیہ کے مقامی میڈیا کی طرف سے شائع کردہ اور العربیہ ڈاٹ نیٹ کی طرف سے دیکھی گئی تفصیلات میں، مجاز عدالتی حکام نے مقامی کونسل کو جرمانہ ادا کرنے کا حکم دیتے ہوئے یہ بھی واضح کیا کہ ہوا چلنے سے پہلے ہی اس درخت کی دیکھ بھال نہیں کی گئی تھی اور یہ بوسیدہ ہو چکا تھا۔ بعد ازاں ہوا چلی تو یہ درخت ہوا میں اڑ کر تباہی اور بچی کی موت کا باعث بن گیا۔ چھ سالہ ایلا ہینڈرسن شمالی انگلینڈ کے شہر نیو کیسل میں سکول کے کھیل کے میدان میں اپنے دوستوں کے ساتھ کھیل رہی تھی کہ تیز ہواؤں کے باعث وہ قریبی ولو کے درخت سے بوسیدہ لکڑی کے ایک بڑے ٹکڑے سے ٹکرا گئی۔

    دوسرے بچے بچ نکلنے میں کامیاب ہو گئے لیکن ایلا اس حادثے سے سب سے زیادہ متاثر ہوئی اور درخت گرنے سے اس کی موت ہو گئی۔ 25 ستمبر 2020 کو ہونے والے حادثے کے بعد طالبہ کو رائل وکٹوریہ ہسپتال لے جایا گیا لیکن اگلے دن وہ زخموں کی تاب نہ لاتے ہوئے چل بسی۔ عدالتی سماعت کے دوران ایلا کے غمزدہ والدین وکی اور نیل ہینڈرسن جو ویڈیو لنک کے ذریعے پیش ہوئے نے عدالت کو بتایا کہ جب وہ اس صبح اپنی بیٹی کو سکول کے دروازے پر لے آئے تو انہیں بچی کے محفوظ رہنے کی امید تھی۔ نیو کیسل سٹی کونسل جس سے درختوں کی دیکھ بھال کا معاہدہ کیا گیا تھا نے ہیلتھ اینڈ سیفٹی ایٹ ورک ایکٹ کے تحت بچی کی حفاظت کو یقینی بنانے میں ناکامی کا اعتراف کیا ہے۔
    مزید یہ بھی پڑھیں؛
    رمضان شوگر ملز کو این او سی جاری کرنے کے خلاف پنجاب حکومت کی انٹرا کورٹ اپیل مسترد
    آٹا بحران کیس؛ پشاور ہائیکورٹ کا سیکریٹری فوڈ و دیگر کو مارکیٹ کا دورہ کرنیکا حکم
    لیپ ٹاپ گم ہونے پر گاہک نےغصے میں اپنی کار ہوٹل پر دے ماری
    نادیہ خان 38 ہزار ڈالرز گنوا بیٹھیں. اداکارہ نے دلچسپ واقعہ سنا کر حیران کر دیا
    عدلیہ اورنیب کو درخواست کرتا ہوں جھوٹے کیسز ختم کیے جائیں. وزیراعلیٰ سندھ مراد علی شاہ
    عدالت کو بتایا گیا تھا کہ فروری 2018 میں ایک مستند آربورسٹ کے ذریعہ درخت پر ابتدائی جانچ کرائی گئی تھی جس سے معلوم ہوا تھا کہ درخت میں سڑنے کی علامات ظاہر ہو رہی ہیں۔ کم از کم پانچ دیگر معائنے کیے گئے تاہم یہ معائنے ایک کم اہل ٹیم کے ذریعے کیے گئے تھے اور جگہ اور بچوں کو محفوظ بنانے کے لیے انہیں کاٹا نہیں گیا تھا۔ عدالت نے یہ بھی سنا کہ درخت کے معائنے کے حوالے سے کونسل کے سکول کے ساتھ رابطے میں ناکامی ہوئی تھی۔ جسٹس زو باسفیلڈ نے بتایا کہ کس طرح کونسل کی ٹیم نے بوسیدہ ولو کے درخت پر کی گئی جانچ صرف ایک منٹ میں مکمل کرلی تھی۔ انہوں نے کہا کہ درخت کا معائنہ کرنے میں 13 ماہ کی تاخیر ہوئی تھی۔ عدالت نے نیو کیسل سٹی کونسل کو رقم ادا کرنے کے لیے 15 ماہ کا وقت دیا۔