Baaghi TV

Tag: پاکستان

  • آٹے کی قیمت میں 24 گھنٹوں میں 10 روپے فی کلو اضافہ

    آٹے کی قیمت میں 24 گھنٹوں میں 10 روپے فی کلو اضافہ

    کراچی:شہرقائد میں آٹے کی فی کلو قیمت میں 10 روپے کا اضافہ ہوگیا ہے، اور چکی کے آٹے کی فی کلو قیمت تاریخ کی بلندترین سطح 160 روپے تک جا پہنچی ہے۔دوسری طرف حکومت عوام کودووقت کی روٹی کےلیے آٹا فراہم کرنے میں ناکام نظرآرہے ہے،سندھ حکومت کےلیے آٹے کی قیمت کنٹرول کرنا بھی مشکل دکھائی دے رہاہے

    آٹامہنگا،سندھ میں گندم کی بین الصوبائی نقل وحرکت پرپابندی

    کراچی میں آٹے کا بحران بڑھتا جارہا ہے، اوردوسری طرف آٹے کی قیمت میں 24 گھنٹے میں 10 روپے اور صرف پانچ دن میں 30 روپے فی کلو کے ہوشربا اضافے نے عوام کی کمر توڑ دی ہے۔

    گندم کی فی کلو قیمت 135 روپے کی ریکارڈ سطح پر پہنچ گئی ہے، چکی کے آٹے کی فی کلو قیمت تاریخ کی بلندترین سطح 160 روپے تک جا پہنچی ہے، جب کہ فائن اور مل کا آٹا بھی مہنگا ہوکر 145 روپے فی کلو سے سے تجاوز کرگیا ہے۔

    سرکاری سبسڈائزڈ آٹا بلیک میں فروخت

    آٹے کی قیمت میں 24 گھنٹے میں 10 روپے فی کلو کا اضافہ ہوا ہے، جب کہ جنوری کے5 دن میں آٹے اور گندم کی قیمت میں 30 روپےفی کلو کا اضافہ ہوا ہے۔

    گوجرہ:یوٹیلیٹی سٹوروں سے آٹا،گھی اوردیگرسبسڈائزڈ اشیاء،ہوٹلوں،بیکریوں اورکریانہ…

    سستے آٹے کے حصول کیلئے عوام سڑکوں پر دربدر ہو رہے ہیں، سندھ حکومت کی جانب سے سستا آٹا اسٹال لگائے جارہے ہیں، لیکن جب کسی مقام پر سستا آٹا فروخت کیا جاتا ہے تو عوام ٹوٹ کر پڑتے ہیں، اور ایک دوسرے سے ہاتھا پائی کرتے دکھائی دے رہے ہیں۔

  • عالمی ادارۂ صحت نے پھر کورونا خطرےکی گھنٹی بجا دی

    عالمی ادارۂ صحت نے پھر کورونا خطرےکی گھنٹی بجا دی

    نیویارک:عالمی ادارۂ صحت ڈبلیو ایچ او نے پوری دنیا میں ایک بار پھر کورونا وائرس کے انفیکشن کی نئی لہر آنے کا امکان ظاہر کیا ہے تاہم اس کا کہنا ہے اس بار کووڈ-19 کی نئی لہر میں مرنے والوں کی تعداد بہت کم ہو سکتی ہے۔

    پاکستان میں کووڈ-19 کی صورتحال قابو میں ہے. وزیرِ اعظم شہباز شریف

    ڈبلیو ایچ او نے Omicron کے نئے ذیلی قسم XBB.1.5 کو اب تک کی سب سے زیادہ متعدی شکل کے طور پر سمجھا ہے۔ اس ادارے کا کہنا ہے کہ ہر دوسرے ہفتے اس سے متاثرہ افراد کی تعداد دوگنی ہو رہی ہے۔ ڈبلیو ایچ او نے شمال مشرقی امریکہ کو XBB.1.5 ذیلی قسم سے سب سے زیادہ متاثر قرار اس کے تیزی سے پھیلنے پر بھی تشویش کا اظہار کیا ہے۔

    آسٹریلیا اور کینیڈا نے بھی چین سے آنیوالے مسافروں کیلئے منفی کورونا ٹیسٹ کی شرط…

    کورونا انفیکشن کے معاملے میں چین کو بھی پوری دنیا کے لیے خطرہ قرار دیا جا رہا ہے۔ ڈبلیو ایچ او کی اہلکار ماریا وان کرخوف نے کہا کہ اومیکرون کا نیا ذیلی قسم XBB.1.5 اب تک کورونا کی سب سے تیزی سے پھیلنے والی شکل ہے اور ادارے کے پاس فی الحال اس ذیلی شکل کی شدت سے متعلق کوئی ڈیٹا نہیں ہے۔

    کورونا کا خدشہ؛ اسلام آباد ایئرپورٹ پر مسافروں کی اسکریننگ شروع کردی گئی

    بتایا جا رہا ہے کہ اس وقت امریکہ میں XBB.1.5 کا پھیلاؤ بڑھ رہا ہے جس نے صحت کی تنظیم کو پریشان کر دیا ہے۔ ماریہ نے بتایا کہ یہ وائرس خلیات سے غیر معمولی طور پر چپک جاتا ہے جس کی وجہ سے اسے آسانی سے تبدیل ہونے میں مدد ملتی ہے۔

  • بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟حقائق سامنے آگئے

    بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟حقائق سامنے آگئے

    لاہور:بشری نے بچوں سے نہ ملنےدیا، کیا شرط رکھی؟ خان کیسے انگلیوں پر ناچا؟حقائق سامنے آگئے، اس ٰحوالے سے سنیئرصحافی مبشرلقمان نے بہت سے انکشافات کیےہیں،انکا کہنا تھاکہ میں‌عمران خان کے بہت قریب رہا ہوں اور بشریٰ‌ بی بی اور عمران خان کے درمیان ہونے والے معاملات اور تعلقات کے بارے میں بہت کچھ جانتا ہوں

    ایک سوال کےجواب میں ان کا کہنا تھاکہ عمران خان کی حکومت تین لوگوں نے چلائی ایک اعظم خان تھے ، ایک بشریٰ‌ بی بی اور تیسرے خود عمران خان تھے جو کہ تیسرے درجےکے رہ گئےتھےجب بشریٰ‌ بیگم کی حکمرانی تھی ، ان کا کہنا تھاکہ تین قسم کی پرچیاں‌چلتی تھیں،ایک اعظم خان کی اور دوسری بشریٰ بی بی کی اور تیسری پرچی وزیراعظم خانج کی چلتی تھی ، جس کو کسی جگہ سے ہٹانا اور لگانا مقصود ہوتا تھا، یہ تین کردار کام کرتے تھے ، ان کا کہنا تھاکہ اس حوالے سے جاوید چوہدری ، اعزاز سید اور عمرچیمہ کی اطلاعات درست ہیں کیوں کہ وہ بھی یہ جانتے تھے کیوں‌کہ وہ عمران خان کے بہت قریب تھے

    مبشرلقمان نے کہا کہ بشریٰ‌ بی بی نےایک مرتبہ عمران خان کو رنگے ہاتھوں پکڑلیا تھا وہ اسلام آباد میں کسی خاص جگہ پر پیار کی مجلس سجائے بیٹھے تھے پھر جنرل باجوہ درمیان میں آئے اور انہوں نے بچ بچاوکروایا ، ان کا یہ بھی کہنا تھاکہ عمران خان کے حوالے سے بشریٰ‌ بی بی کو شک رہتا تھا ، ایک سوال کا جواب دیتے ہوئے ان کا کہنا تھاکہ عمران خان تو کہتے تھے کہ بشری بی بی بڑی نیک ہیں روزے رکھتی ہے اور اچھی خاتون ہے مگر سب نے جان لیا کہ وہ کتنی نیک اور پاکباز ہیں‌

    ایک اور سوال کا جواب دیتے ہوئے ان کا کہنا تھاکہ عمران خان اور بشریٰ بی بی کے درمیان یہ بات بھی طئے ہوئئ تھی کہ دونوں اپنے اپنے بچوں کو نہیں ملیں گے ، بشریٰ‌ بی بی نے عمران خان سے کہا تھا کہ وہ اپنے بچوں سےنہیں ملے گا اور عمران خان نے کہا کہ وہ بھی اپنے بچوں سےنہیں ملے گی ،انکا کہنا تھاکہ عمران خان جب وزیراعظم بنا تو اس کو بچوں کو ملنا چاہیے تھا انکا باپ وزیراعظم ہے لیکن معاہدے کے مطابق وہ دورہی رہا ،

     

    ایک اور سوال کا جواب دیتےہوئے مبشرلقمان کا کہنا تھاکہ مریم نواز بھی یہ کہہ چکی ہیں‌ کہ بنی گالہ میں‌ بشریٰ بی بی کالے جادو ٹؤنے اور دیگر عملیات کرتی تھی اور یہی وجہ ہےکہ اس کا بہت بڑا اثرتھا ، ان کا یہ بھی کہنا تھا کہ عمران خان سے ایک مرتبہ ان کے بچوں کےحوالے سے بات ہوئی توانہوں‌ نےسختی سے کہا کہ ان کے معاملے کوالگ ہی رہنے دیں‌،ا ن کا کہنا تھا کہ انہوں نے پھر کوشش کی لیکن خان صاحب نے اس پرغصہ کیا اورپھرایک تقریب میں اسی وجہ سے بلایا ہی نہیں عون چوہدری کے ساتھ بھی کچھ ایسا ہی ہوا ،مبشرلقمان کا کہنا تھا کہ عمران خان کے حوالے سے جاوید چوہدری اعزاز سید اور عمر چیمہ کے انکشافات درست ہیں

  • مکان میں فائرنگ سے 5 بچوں سمیت 8 ہلاک

    مکان میں فائرنگ سے 5 بچوں سمیت 8 ہلاک

    نیویارک:امریکی ریاست اوٹا اینوک سٹی میں ایک خاندان کے آٹھ افراد کو گھر میں فائرنگ کر کے قتل کر دیا گیا ۔غیر ملکی میڈیا کے مطابق اینوک کے حکام کی طرف سے جاری پریس ریلیز میں کہا گیا ہے کہ البرٹ ڈرائیو کے علاقے میں ایک گھر میں 8 افراد کو گولیاں مار کر قتل کر دیا گیا، ہلاک ہونے والوں میں 5 بچے بھی شامل ہیں ۔

    صومالیہ : دو مختلف کاربم دھماکوں میں 35 افراد ہلاک، 40 سے زائد زخمی

    پریس ریلیز میں کہا گیا ہے کہ واقعے کے بارے میں تاحال زیادہ معلومات نہیں دی جاسکتی کہ آیا واقعہ خودکشی کا ہے یا دہشتگردی کا اور اس سے دیگر شہریوں کو مزید خطرہ ہے یا نہیں؟ اس بارے تفتیش کا آغاز کردیا گیا ہے ۔

    خیال رہے کہ 8 ہزار آبادی پر مشتمل اینوک سٹی میں لوگ ایک مضبوط کمیونٹی کی طرح رہتے ہیں جہاں گھر شاذ و نادر ہی فروخت کیے جاتے ہیں اور تمام لوگ ایک دوسرے کو بہت اچھی طرح جانتے ہیں۔ریاستی حکام کی جانب سے واقعے پر دلی رنج کا اظہار کیا گیا ہے۔

    طیارے میں دوران سفر نشے میں دھت مسافر نے خاتون پرکیا پیشاب

    یاد رہے کہ امریکہ میں فائرنگ کی وارداتوں میں سالانہ کئی ہزار افراد ہلاک و زخمی ہو جاتے ہیں۔ اسلحے کی خرید و فروخت اور اُسے کھلے عام لے کر پھرنے کی آزادی کو امریکہ میں فائرنگ کے ہلاکت خیز واقعات میں اضافہ کی اہم وجہ قرار دیا جاتا ہے۔امریکہ کے قانون ساز ادارے طاقتور اسلحہ لابی کے اثر و رسوخ کی وجہ سے تاحال، گن کنٹرول قوانین وضع کرنے سے قاصر رہے ہیں۔

    روسی حملے میں ایک ہی دن میں 130 سے زائد یوکرینی فوجی ہلاک

  • وزیر خزانہ قوم کی آنکھوں میں دھول جھونک رہے ہیں، حماد اظہر

    وزیر خزانہ قوم کی آنکھوں میں دھول جھونک رہے ہیں، حماد اظہر

    لاہور:پی ٹی آئی رہنما حماد اظہر نے کہا ہے کہ وزیر خزانہ قوم کی آنکھوں میں دھول جھونک رہے ہیں۔تفصیلات کے مطابق پاکستان تحریک انصاف کے رہنما حماد اظہر نے سماجی رابطے کی ویب سائٹ ٹویٹر پر اپنے ایک پیغام میں کہا کہ اسحاق ڈار ابھی تک نمبروں کی ہیر پھیر سے باہر نہیں آسکے۔

    انہوں نے کہا کہ ساری دنیا کو معلوم ہے کے پاکستان کی معیشت کو پی ڈی ایم نے دیوالیہ کر دیا ہے، اسحاق ڈار بتائیں کہ صنعتیں کیوں بند ہو رہی ہیں۔

    حماد اظہر نے یہ بھی کہا کہ مہنگائی کئی گنا کیوں بڑھ گئی، عالمی ادارے کیوں ہماری معیشت کو ڈاؤن گریڈ کر رہے ہیں؟ زرمبادلہ کے ذخائر 6 ارب ڈالر سے بھی کم رہ گئے ہیں اور وزیر خزانہ جھوٹے نمبر لے کر قوم کی آنکھوں میں دھول جھونک رہے ہیں۔پی ٹی آئی رہنما حماد اظہر نے مزید کہا کہ ملک کو سنجیدہ معاشی فیصلہ سازی کی ضرورت ہے کسی فنکاری کی نہیں۔

  • ہمیں ریسکیو 1122 کےافسروں اور اہلکاروں پر فخرہے:وزیراعلیٰ پنجاب چوہدری پرویزالہٰی

    ہمیں ریسکیو 1122 کےافسروں اور اہلکاروں پر فخرہے:وزیراعلیٰ پنجاب چوہدری پرویزالہٰی

    لاہور:پرویزالہٰی نے کہا ہے کہ ہمیں ریسکیو 1122 کے افسروں اور اہلکاروں پر فخر ہے۔تفصیلات کے مطابق وزیراعلیٰ پنجاب چودھری پرویزالہٰی نے فیصل آباد کے گھنٹہ گھر پر چڑھنے والے شخص کو بحفاظت ریسکیو کرنے والے ریسکیو1122 کے عملے کو اپنا مہمان بنا لیا۔

    وزیراعلیٰ پنجاب چودھری پرویزالہٰی نے دعوت پر فیصل آباد کے ریسکیورز کی وزیراعلیٰ آفس کا دورہ کیا جہاں انہوں نے شہری کو بحفاظت ریسکیو کرنے والے ریسکیورز کو شاباش دی

    اس موقع پر چودھری پرویزالہٰی نے ریسکیو آپریشن کو لیڈ کرنے والے ریسکیور عبدالرحمن کو 5لاکھ روپے کا انعام اورتعریفی سرٹیفکیٹ دیا جبکہ چودھری پرویزالہٰی نے ریسکیو آپریشن میں حصہ لینے و الے دیگر ریسکیورز ارسلان احمد،رفاقت بیگ، فہد امین اور انجینئر احتشام کو بھی ایک ایک لاکھ روپے کا انعام اور تعریفی سرٹیفکیٹس دیئے۔

    وزیراعلیٰ پنجاب چودھری پرویزالہٰی نے کہا کہ آپ نے شہری کو بحفاظت ریسکیو کر کے اپنے پیشہ وارانہ ہونے کا ثبوت دیا ہے،ریسکیو1122 کو آفات یا مشکل وقت میں ہمیشہ سب سے پہلے پہنچنے کا اعزاز حاصل ہے۔

    چودھری پرویزالہٰی نے یہ بھی کہا کہ فیصل آباد کے ریسکیورز نے فرض شناسی کی اعلیٰ مثال قائم کی، ہمیں ریسکیو 1122 کے افسروں اور اہلکاروں پر فخر ہے۔وزیراعلیٰ پنجاب چودھری پرویزالہٰی نے مزید کہا کہ اللہ کی مدد سے میں نے یہ ادارہ بنایا تھا جو آج سایہ دار درخت کی مانند ہے۔

    ڈی جی ریسکیو 1122 ڈاکٹر رضوان نصیراور دیگر حکام بھی اس موقع پر موجود تھے۔

  • البرٹ کامو یا البیغ کامو:ایک فرانسیسی فلسفی

    البرٹ کامو یا البیغ کامو:ایک فرانسیسی فلسفی

    پیدائش:07 نومبر1913ء
    الذرعان
    وفات:04 جنوری 1960ء
    ولیبلوین
    وجۂ وفات:کار حادثہ
    مدفن:لورمارین
    رہائش:فرانس
    شہریت:فرانس
    رکن:امریکی اکادمی برائے سائنس و فنون
    زوجہ:فرانسائن فیئر
    مادر علمی:جامعہ الجزائر (1935-مئی 1936)
    تخصص تعلیم:فلسفہ
    تعلیمی اسناد:ماسٹر آف آرٹس
    دائرۂ عمل: مصنف، فلسفی، ناول نگار
    صحافی، مضمون نگار، ڈراما نگار
    منظر نویس، شاعر
    مادری زبان:فرانسیسی
    زبان:فرانسیسی
    کارہائے نمایاں:موت کی خوشی
    مؤثر:نطشے
    عسکری خدمات
    لڑائیاں اور جنگیں:دوسری جنگ عظیم
    اعزازات:
    نوبل انعام برائے ادب (1957)

    البرٹ کامو یا البیغ کامو (فرانسیسی: Albert Camus) ایک فرانسیسی فلسفی تھے جنھوں نے بے شمار مشہور کتب لکھیں۔ ان کوادب پر 1957 میں نوبل پرائز دیا گیا تھا۔ آپ الجزائر میں 1913 میں پیدا ہوئے جس وقت فرانسیسوں کی سربراہی تھی۔
    موجودیت
    ۔۔۔۔۔۔
    البیغ کامو کی کتابوں کو موجودیت کی مثالیں سمجھی جاتی ہیں۔
    مذہبی خیالات
    ۔۔۔۔۔۔
    البرٹ خدا و مذہب پر یقین نہیں رکھتا تھا مگر پھر بھی یہ سمجھتا تھا کہ وہ ملحد نہیں ہے۔ خدا کو جھٹلانے کا انسانی زندگی کے لیے کیا منطقی نتیجہ نکلتا ہے، کیمس نے اسے ان الفاظ میں بیان کیا: You will never live if you are looking for the meaning of life یعنی اگر تم زندگی کے معنی جاننے کی کوشش کرو گے تو زندہ نہ رہ سکو گے۔
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    عالمی ادبی شخصیات کا تعارفی سلسلہ
    تلاش و ترسیل : آغا نیاز مگسی

  • سینٹ لوئیس امریکا میں پیدا ہوا،تعلیم برطانیہ میں حاصل کی

    سینٹ لوئیس امریکا میں پیدا ہوا،تعلیم برطانیہ میں حاصل کی

    پیدائش: 26 ستمبر 1888ء
    وفات : 04 جنوری 1965ء
    ۔۔۔۔۔۔۔۔۔۔۔

    انگریزی زبان کا مشہور شاعر اور نقاد سینٹ لوئیس امریکا میں پیدا ہوا۔ آکسفورڈ یونیورسٹی اور ہارورڈ یونیورسٹی میں تعلیم پائی۔ ہارورڈ یونیورسٹی میں انگریزی شاعری کا پروفیسر مقرر ہوا۔ 1915ء میں برطانیہ چلا گیا اور وہیں مستقل سکونت اختیار کر لی۔ 1922ء میں ایک ادبی رسالہ Criterionجاری کیا۔ جو 1929ء میں بند ہو گیا۔ 1948ء میں ادب کا نوبل پرائز ملا۔ بعد میں آکسفورڈ یونیورسٹی میں شاعری کا پروفیسر ہوا اور او۔ ایم کا اعلی برطانوی خطاب پایا۔ متعدد منظوم ڈراموں کا مصنف ہے۔ آخری دنوں میں فیر اینڈ فیر پبلشر کا اڈیٹر رہا۔ تنقیدی نظریات بھی بہت زیادہ مشہور ہوئے۔ رومانیت کے سخت خلاف تھا۔ اور اس کے خلاف شخصیت سے گریز اور معروضی تلازمے کے نظریات پیش کیے۔ اس کا نظریہ روایت اردو ادب پر بھی اثر انداز ہوا اور کئی اردو نقاد مثلاً محمد حسن عسکری، ڈاکٹر جمیل جالبی، ڈاکٹر سید عبد اللہ اور ڈاکٹر عابد علی عابد ان سے متاثر نظر آتے ہیں۔

    ایلیٹ ادب اور زندگی‘ دونوں میں معیارات کے نفوذ اور غیر شخصی و غیرذاتی‘ میلانات و رجحانات کا قائل ہے۔ اسی لیے وہ‘ احساس رفتہ اور احساس روایت کو ضروری سمجھتا ہے۔اس کی نظر میں‘ تمام ادبی فن پارے ایک سلسلہ میں‘ تنظیم و ترتیب پاتے ہیں۔ اس کے خیال میں‘ روایت کے یہ معنی نہیں ہیں‘ کہ ادب کو محض چند تعصبات سے پاک رکھا جائے۔ تعصبات روایت کے تشکیلی عمل کے دوران‘ وجود پکڑتے ہیں۔
    ایلیٹ کے روایت سے متعلق خیالات کا‘ لب لباب کچھ یوں ٹھہرے گا:
    1- روایت لکیر کےفقیر ہونے کا نام نہیں۔
    2- روایت کے حصول کے لیے‘ محنت و کاوش سے‘ کام لینا پڑتا ہے۔
    3- تاریخی شعور کا مطلب یہ ہے‘ کہ شاعر کو احساس ہو‘ کہ ماضی صرف ماضی ہی نہیں‘ بلکہ اس کے اعلی اور آفاقی عناصر‘ ایک زندہ شے کی طرح‘ نشوونما پاتے ہوئے‘ حال میں پہنچ گیے ہوتے ہیں۔
    4- شاعری کی ادبی حیثیت کا اندازہ‘ کسی شاعر کی‘ دیگر شعرا کے کلام ہی سے لگایا جا سکتا ہے۔ اس کی مجرد طور پر‘ قدروقیمت کا اندازہ نہیں لگایا جا سکتا‘ کیوں کہ وہ پورے ادبی نظام کا‘ حصہ ہوتا ہے۔
    5- ہر نیا فن پارہ‘ اپنے نئے پن سے تمام فن پاروں کی قدروقیمت کو متاثر کرتا ہے۔ اس کی روشنی میں گزشتہ کے فن پاروں کا‘ پھر سے جائزہ لینا پڑتا ہے۔
    6- ایمان دارانہ تنقید‘ شاعر پر نہیں‘ شاعری پر ہونی چاہیے۔ یہ اس لیے ضروری ہے‘ کہ کسی ایک نظم کا تعلق‘ دوسری نظموں سے ہوتا ہے۔
    7- نظم صرف ایک مفہوم ہی نہیں‘ اپنا زندہ وجود رکھتی ہے۔ اس کے مختلف حصوں سے‘ جو ترکیب بنتی ہے‘ وہ واضح حالات کی فہرست سے مختلف ہوتی ہے۔ وہ احساس یا جذبہ یا عرفان جو نظم سے حاصل ہوتا ہے‘ وہ شاعر کے ذہن میں ہوتا ہے۔
    اس مضمون کی تیاری میں درج ذیل کتب سے استفادہ کیا گیا ہے

    مغرب کے تنقیدی اصول پروفیسر سجاد باقر رضوی مطبع عالیہ 1966
    ارسطو سے ایلیٹ تک ڈاکٹر جمیل جالبی نیشنل فاؤنڈیشن 1975ء
    ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
    تلاش و ترسیل : آغا نیاز مگسی

  • 24 ابتدائی کھلاڑیوں میں سے کون حتمی ون ڈے اسکواڈ میں ہوگا؟ کل پتے لگ جان گے

    24 ابتدائی کھلاڑیوں میں سے کون حتمی ون ڈے اسکواڈ میں ہوگا؟ کل پتے لگ جان گے

    لاہور:پاکستان اور نیوزی لینڈ کے درمیان ٹیسٹ سیریز کے بعد تین ون ڈے میچز کی سیریز کھیلی جائے گی۔ون ڈے سیریز کیلئے عبوری سلیکشن کمیٹی نے 24 ممکنہ کھلاڑیوں کے ناموں کا اعلان کیا ہوا ہے لیکن حتمی ٹیم کا اعلان کل کیا جائے گا۔

    پہلی اننگزمیں نیوزی لینڈ کھیلا بھی اچھا:قسمت بھی مہربان نظرآئی:محمد یوسف

    پاکستان کرکٹ بورڈ کی جانب سے جاری بیان کے مطابق عبوری چیف سلیکٹر شاہد آفریدی پاکستان اور نیوزی لینڈ کے درمیان جاری کراچی ٹیسٹ میچ کے چوتھے روز چائے کے وقفے پر ون ڈے ٹیم کا اعلان کریں گے۔

    پاکستان اور نیوزی لینڈ کے درمیان تین ون ڈے میچز آئی سی سی کرکٹ ورلڈ کپ سپر لیگ کا حصہ ہیں۔ سپرلیگ میں پاکستان ابھی چھٹے اور نیوزی لینڈ دوسرے نمبر پر ہے۔ پاکستان اور نیوزی لینڈ کے درمیان ون ڈے میچز 9, 11 اور 13 جنوری کو کراچی میں کھیلے جائیں گے۔

    کراچی ٹیسٹ؛نیوزی لینڈ 449 رنزکےجواب میں پاکستان کے154رنزپر3کھلاڑی آوٹ بھی ہوگئے

    فخر اور حارث نیوزی لینڈ کیخلاف ون ڈے اسکواڈ کے ممکنہ کھلاڑیوں میں شامل ہیں ، اعلان کردہ ابتدائی اسکواڈ میں بابر اعظم ، محمد رضوان، عبداللہ شفیق، ابرار احمد ، عامر جمال اور حارث رؤف شامل ہیں۔اس کے علاوہ حسن علی، احسان اللہ، امام الحق ، کامران غلام ، محمد حارث ، محمد نواز، محمد وسیم جونیئر، نسیم شاہ، قاسم اکرم اور سلمان علی آغا بھی اعلان کردہ اسکواڈ کا حصہ ہیں۔

    پی ایس ایل 8: پشاور زلمی کی کٹس کی رونمائی کر دی گئی

    شاداب خان، شاہنواز دھانی، شان مسعود ، شرجیل خان، طیب طاہر ، محمد حسنین، فخر زمان اور حارث سہیل بھی اسکواڈ کا حصہ ہیں۔فخر زمان، خوشدل شاہ ، شاہین آفریدی (انجرڈ) اور زاہد محمود جو نیدرلینڈز کیخلاف ون ڈے سیریز میں شامل تھے ممکنہ کھلاڑیوں میں شامل نہیں ہیں۔

  • جماعت اسلامی نے ایم کیو ایم کے احتجاج میں شرکت سے معذرت کرلی

    جماعت اسلامی نے ایم کیو ایم کے احتجاج میں شرکت سے معذرت کرلی

    کراچی: جماعت اسلامی اور ایم کیو ایم پاکستان کے رہنماؤں کے درمیان ہونے والی ملاقات کی اندرونی کہانی سامنے آ گئی۔ذرائع کے مطابق جماعت اسلامی اور ایم کیو ایم پاکستان کی ملاقات بے نتیجہ رہی، حافظ نعیم الرحمان نے ایم کیو ایم کے احتجاج میں شرکت کرنے سے انکار کر دیا، جماعت اسلامی کی توجہ وزیر اعلیٰ ہاؤس پر دھرنے اور 8 جنوری کے جلسے پر ہے۔

    جماعت اسلامی کے حافظ نعیم نے سوال کیا کہ حکومت نے آپکی بات نہ مانی تو کیا کریں گے کیا حکومت سے باہر آئیں گے؟ جس پر خالد مقبول صدیقی نے جواب دیا پھر ہم اس وقت صورتحال پر غور کریں گے، جواب میں حافظ نعیم نے کہا اس سے لگتا ہے کہ آپ سنجیدہ ہیں نا اگلی حکمت عملی ہے۔

    جماعت اسلامی کے حافظ نعیم الرحمان نے ایم کیو ایم کے سربراہ کو کہا کہ آپ کو بلدیاتی امور سے متعلق مطالبات تسلیم کرائے بغیر حکومت میں شامل نہیں ہونا چاہئیے تھا، جس پر خالد مقبول صدیقی نے کہا کہ کچھ فیصلے کرنے پڑتے ہیں۔

    دوسری طرف ذرائع کے مطابق سربراہ پاک سرزمین پارٹی مصطفی کمال جنرل ورکرزاجلاس میں کارکنان کوریلی میں شرکت کےلیے اعتماد میں لیں گے۔ پی ایس پی کا بھرپور قوت سے ایم کیوایم کی ریلی میں شرکت کا قوی امکان ہے۔

    خیال رہے کہ ایم کیو ایم پاکستان نے حلقہ بندیوں میں ترمیم سمیت بلدیاتی انتخابات پر دیگر مطالبات منظور نہ کرنے پر پیپلزپارٹی کیخلاف 9 جنوری کو احتجاج کا اعلان کردیا۔

    ڈاکٹر خالد مقبول صدیقی کہتے ہیں کہ مقاصد پورے نہ ہوئے تو حکومت میں رہنا کسی کام کا نہیں، پیپلزپارٹی مردم شماری اور حلقہ بندیاں درست کرائے، جلد الیکشن چاہتے ہیں لیکن فراڈ انتخابات نہیں۔ڈاکٹر خالد مقبول صدیقی کہتے ہیں کہ پیپلزپارٹی مردم شماری اور حلقہ بندیاں درست کرائے، جلد الیکشن چاہتے ہیں لیکن فراڈ انتخابات نہیں، حلقہ بندیوں سے پری پول رگنگ ہوچکی ہے۔