Tag: پاکستان

وفاقی وزیر احسن اقبال کہتے ہیں کہ آڈیو لیکس ہونا اچھا نہیں ہے، عمران خان نے آڈیو لیکس کی سیاست کو لیڈ کیا، لوگ پی ٹی آئی اور ن لیگ کا فرق جان گئے ہیں، ہم خان صاحب کے کانٹے اُٹھاتے اُٹھاتے خود زخمی ہوگئے، معاشی فیصلوں کے اثرات 6 سے 8 ماہ میں آتے ہیں، عام انتخابات صرف میانوالی نہیں، پورے ملک میں ہونے ہیں، مردم شماری کے بعد الیکشن کمیشن کو حلقہ بندیوں کیلئے 4 ماہ کا وقت چاہئے۔

نجی ٹی وی میں گفتگو کرتے ہوئےوفاقی وزیر منصوبہ بندی و ترقیات احسن اقبال نے کہا کہ عمران خان نے بے رحمی کے ساتھ لوگوں کی کردار کشی کی، آڈیو لیکس ہونا اچھا نہیں، آڈیو لیکس کی سیاست کی قیادت بھی عمران خان نے کی، جلسوں میں عمران خان نے میرے خلاف ڈاکو کے نعرے لگوائے، عمران خان جتنے دو نمبر ہیں یہ خود منہ چھپاتے پھریں گے، وہ آج مکافات عمل کا شکار ہیں۔

ان کا کہنا ہے کہ حکومت سے نکلنے کے بعد امریکی سازش کا ڈرامہ کیا گیا، عمران نے کبھی نہیں بتایا کہ پاکستان کی کیسے اینٹ سے اینٹ بجائی، معاشی فیصلوں کے اثرات 6 سے 8 مہینے میں آتے ہیں، ہم نے پی ٹی آئی کے ہر بجٹ پر کہا کہ قوم انہیں 10 سال تک بھگتے گی۔احسن اقبال نے کہا کہ 2013ء میں واپس آئے تو مہنگائی ڈبل ڈیجیٹ میں تھی، ہم نے 5 سال میں اسے سنگل ڈیجیٹ میں رکھا، ہم نے مہنگائی کو ساڑھے 4 فیصد پر روک دیا تھا، عمران نے آخری دنوں میں ایسے فیصلے کئے کہ ہم دیوالیہ ہونے کے قریب پہنچ گئے۔

وفاقی وزیر کا کہنا ہے کہ ضمنی الیکشن میں ہماری توجہ سیلاب کی صورتحال پر تھی، جن امیدواروں کو ٹکٹ دیئے گئے وہ پی ٹی آئی کے منحرف تھے، پنجاب ضمنی الیکشن میں ن لیگ کے امیدوار کھڑے کرتے تو نتیجہ مختلف ہوتا، سیلاب کرونا سے بڑا نقصان کرکے گیا ہے۔

احسن اقبال نے کہا کہ عمران خان جس راستے پر جارہے تھے ملک ڈیفالٹ ہوجاتا، ڈیفالٹ ہوجاتے تو ڈالر 500 روپے کا بھی نہیں ملتا، پیٹرول کی قیمت بھی 450 روپے ہوتی، اگلے 6 مہینے میں چیزیں بہتر کرنے کی کوشش کریں گے۔ انہوں نے دعویٰ کیا کہ لوگ پی ٹی آئی اور ن لیگ کا فرق جان گئے ہیں، ہم خان صاحب کے کانٹے اُٹھاتے اُٹھاتے خود زخمی ہوگئے۔ان کا کہنا ہے کہ سی سی آئی نے مردم شماری اور عمران خان نے 2023ء کا الیکشن نئی مردم شماری پر کرانے کا فیصلہ کیا تھا، عام انتخابات صرف میانوالی نہیں، پورے ملک میں ہونے ہیں، مردم شماری کے بعد الیکشن کمیشن کو حلقہ بندیوں کیلئے 4 مہینے چاہئیں۔

احسن اقبال نے الزام لگایا کہ عمران خان کی 4 سالہ حکمرانی ٹیکنوکریٹ سیٹ اپ ہی تھا، ٹیکنوکریٹ کے کہنے پر اس کا ڈرائیور ووٹ نہیں ڈالتا، مشکل فیصلے کیسے کریں گے، نگراں حکومت الیکشن کے معاملات طے کرسکتی ہے، پالیسی فیصلے نہیں کرسکتی، نگراں حکومت سے پالیسی فیصلے کروانے کیلئے آئین تبدیل کرنا ہوگا۔وفاقی وزیر نے بتایا کہ وفاقی کابینہ زیادہ بڑی نہیں، معاون خصوصی زیادہ رکھے گئے ہیں، انہیں الگ سے مراعات نہیں دی جارہیں۔

لاہور:چیئرمین تحریک انصاف عمران خان نے 2 جنوری کے پارلیمانی پارٹی کے اجلاس میں ارکان کی حاضری یقینی بنانے کی ذمہ داری عثمان بزدار کو سونپ دی۔

افغانستان گئےجنگجوؤں کی پاکستان میں آبادکاری چاہتےتھے :تاکہ وہ پرامن اورمعمول…

پاکستان تحریک انصاف اور مسلم لیگ ق کی پارلیمانی پارٹی کے مشترکہ اجلاس میں عمران خان نے ارکان کو 100 فیصد حاضری یقینی بنانے کی ہدایت کی ہے، اس حوالے سے پی ٹی آئی پنجاب کے پارلیمانی لیڈر عثمان بزدار کو حاضری کے حوالے سے خصوصی ٹاسک بھی سونپ دیا گیا ہے۔

دہشت گردوں کے خلاف کارروائیاں بلاتفریق جاری رہیں گی،عسکری قیادت

اس کے علاوہ عمران خان نے مسلم لیگ ق کے رہنما مونس الہٰی کو بھی اپنے 10 ارکان کی حاضری یقینی بنانے کی ہدایت کی ہے، مونس الہٰی کی گزشتہ دو روز سے ملاقاتیں اسی تناظر میں ہوئیں ہیں، دو جنوری کے اجلاس میں ارکان کی حاضری کی بنیاد پر اعتماد کے ووٹ کے حوالے سے فیصلہ کیا جائے گا۔

الیکشن کمیشن نے حکومت کو آرٹیکل 140 اے میں ترمیم کی سفارش کر دی

ذرائع کے مطابق پی ٹی آئی چیئرمین عمران خان حاضری کی بنیاد پر وزیراعلیٰ پنجاب کے اعتماد کے ووٹ کی تاریخ کا فیصلہ کریں گے، تحریک انصاف کی پنجاب اسمبلی میں اس وقت 180 نشستیں ہیں۔ دو ارکان سابقہ ڈپٹی سپیکر دوست محمد مزاری اور چودھری مسعود اعتماد کے ووٹ میں ساتھ نہیں ہوں گے۔

لاہور: چیئرمین پاکستان تحریک انصاف عمران خان کا کہنا ہےکہ ہم افغانستان گئے 40 ہزار افراد کی پاکستان میں آباد کاری چاہتے تھے جن میں سے 5 سے 10 ہزار جنگجو بھی تھے مگر نئی حکومت نے اس معاملے پر زیادہ توجہ نہیں دی۔غیر ملکی میڈیا سےگفتگو میں عمران خان کا کہنا تھا کہ جب میری حکومت گئی تو سیاسی جماعتوں اور اسٹیبلشمنٹ کی توجہ ٹی ٹی پی سے ہٹ گئی اور انہیں اُبھرنے کا موقع مل گیا۔عمران خان کا کہنا تھا کہ پاکستان کی خارجہ پالیسی درست نہیں تھی، ہم امریکی ڈالرز کے لیے دوسروں کی جنگ لڑتے رہے، افغان طالبان اور پاکستانی طالبان میں فرق کرنا چاہیے۔

سابق وزیراعظم کا کہنا تھا کہ یوکرین تنازع سے دنیا میں بے پناہ مسائل نے جنم لیا ہے، دنیا بھر میں ایندھن کی قیمتیں یوکرین بحران کی وجہ سے بڑھیں، ترقی پذیر ملکوں کو خاص طور پر زیادہ نقصان ہوا، یوکرین جنگ نے ترقی پزیر ملکوں میں بیلنس آف پیمنٹ کے سنگین مسائل کھڑے کر دیے ہیں، پاکستان جیسے ملکوں کو ایسے تنازعات کا حصہ نہیں بننا چاہیے جن کا ہم سےکوئی تعلق نہیں ہے، ترقی پذیر ملکوں پر کسی ایک طرف جھکاؤ کے لیے دباؤ ڈالا جاتا ہے، سرد جنگ کے دوران بھارت کا کسی طرف جھکاؤ نہ ہونا قابل تعریف ہے۔

چیئرمین پی ٹی آئی کا کہنا تھا کہ چین اور ترکی نے ہمیشہ ہمارا ساتھ دیا ہے، مسئلہ کشمیر پر چین اور ترکی کے سوا کوئی ملک ہمارے ساتھ نہیں کھڑا ہوا، ہم یوکرین جنگ کا حصہ کیوں بنیں جب ہمارے معاملات میں مغربی ممالک ہمارے ساتھ نہیں ہوتے، میں نے چین جیسی طویل مدتی پلاننگ کسی اور ملک میں نہیں دیکھی۔

عمران خان کا کہنا تھا کہ مسئلہ کشمیر، یوکرین جنگ سے الگ معاملہ ہے، ہم کشمیریوں کے حق میں کام کرتے رہیں گے، سفارتی دباؤ برقرار رکھیں گے، میں مسائل کے عسکری حل کا حامی نہیں ہوں، بھارت مقبوضہ کشمیر میں ہندوؤں کی آبادی بڑھانےکی کوشش کر رہا ہے، میرا کامل یقین ہےکہ کشمیریوں کو ایک دن اُن کا حق مل کر رہےگا۔

ایٹمی ہتھیاروں کے حوالے سےگفتگو کرتے ہوئے عمران خان کا کہنا تھا کہ جب سے پاکستان کے پاس ایٹمی ہتھیار ہیں، بھارت کے ساتھ کوئی جنگ نہیں ہوئی، ایٹمی جنگ دنیا پر خودکش حملےکے مترادف ہے۔ان کا کہنا تھا کہ ایغور جیسے مسائل پر چین کی ہمارے ساتھ بند دروازے میں بات چیت ہوتی ہے، میرے لیے سب سے اہم بات ہے کہ مسلم ملکوں کو عزت اور وقار کے ساتھ رہنا چاہیے، جب کوئی ملک مسلسل بیرونی قرضے لیتا ہے تو وہ دوسروں کی بات ماننے پر مجبور ہوتا ہے، مسلسل قرضہ لینے والا ملک خود مختار نہیں رہتا، میں نے اپنے دور حکومت میں ترکیہ کے ساتھ تجارتی تعلقات مستحکم بنانےکی پالیسی اپنائی۔

اسلاموفوبیا کے حوالے سے عمران خان کا کہنا تھا کہ اس کا آغاز انقلابِ ایران کے بعد سے شروع ہوا، مغرب میں خوف پھیلا اورتب سے مسلمانوں کو تقسیم کرنے کی کوشش شروع ہو گئی، اسلامی دہشت گردی یا اسلامی انتہا پسند کوئی چیز نہیں ہے، نائن الیون کے بعد ان الفاظ کو جوڑا گیا تاکہ مسلمانوں کو ہدف بنایا جاسکے، اسلامی تعاون تنظیم کو چاہیےکہ وہ اسلاموفوبیا کے خلاف کردار ادا کرے۔بنگلادیش سے تعلقات پر عمران خان کا کہنا تھا کہ سقوط ڈھاکہ کے بعد کے حالات کی وجہ سے دونوں ملکوں میں دوریاں بڑھیں، میں نے اپنی حکومت میں بنگلادیش سے اچھے تعلقات قائم کرنےکی کوشش کی، پاکستان اور بنگلا دیش کے درمیان تعلقات مزید بہتر ہونےکی ضرورت ہے۔

عمران خان کا کہنا تھا کہ قانون کی عمل داری کے نہ ہونے کی سب سےبڑی علامت ادارہ جاتی اورامیروں کی کرپشن ہے، جب طاقت ور حلقے قانون سے بالاتر ہو جائیں تو ملک بنانا ری پبلک بن جاتا ہے، میں دوبارہ اقتدار میں آیا تو سب سے پہلے قانون کی عمل درای کو یقینی بناؤں گا، جہاں قانون کی عمل داری ہو وہاں غربت ختم ہوتی ہے، نائیجیریا کی مثال لے لیں، تیل سے مالا مال ہے لیکن قانون کی عمل داری نہیں، جس کی وجہ سے نائیجیریا دنیا کے غریب ترین ملکوں میں شمار ہوتا ہے۔

چیئرمین پی ٹی آئی کا کہنا تھا کہ ٹرمپ دور میں عافیہ صدیقی کی رہائی پر بات چیت آگے بڑھی تھی، ٹرمپ انتظامیہ کے جاتے ہی عافیہ صدیقی کی رہائی پرمذاکرات آگے نہیں بڑھ سکے، ہم بھول جاتےہیں کہ مغرب میں خواتین کو حقوق ملنے سےکہیں پہلےاسلام نے خواتین کو حقوق دیے، پردے کے معاملے پر عالمی اجتہاد کی کمی ہے، اسلام میں پردے کا مقصد خانداتی نظام کو بچانا تھا،خواتین کو دبانےکے لیے نہیں تھا، اسلام میں مردوں کو عورتوں پر برتری حاصل نہیں ہے۔