Baaghi TV

Tag: پاکستان

  • ہارٹ اٹیک کے بعد مولانا طارق جمیل کی صحت کے حوالے سے پیغام جاری

    ہارٹ اٹیک کے بعد مولانا طارق جمیل کی صحت کے حوالے سے پیغام جاری

    ٹورنٹو: کینیڈا میں ایک روز قبل ہارٹ اٹیک کے باعث اسپتال منتقل ہونے والے معروف مبلغ اور عالم دین مولانا طارق جمیل نے اپنی صحت کے حوالے سے پیغام جاری کردیا۔سماجی رابطے کی سائٹ ٹویٹر پر مولانا طارق جمیل کے آفیشل اکاؤنٹ سے اُن کی تصویر اور پیغام جاری کیا گیا۔

    ٹویٹر پیغام میں مولانا طارق جمیل نے کہا کہ ’اللہ کے فضل اور آپ احباب کی دعاؤں سے اب طبیعت قدرے بہتر ہے، تین دن مزید اسپتال میں ڈاکٹرز کے زیرِ نگہداشت رہنے کے بعد انشاءاللہ ڈسچارج کر دیا جائے گا‘۔

     

    مولانا طارق جمیل نے اپنے چاہنے والوں اور تمام لوگوں سے صحت یابی کیلیے مزید دعاؤں کی درخواست بھی کی ہے۔ دوسری جانب طارق جمیل کے صاحبزادے یوسف جمیل نے بھی والد کی طبیعت کے حوالے سے اپنے ٹویٹ میں بتایا کہ ’الحمدللہ ثم الحمدللہ والد محترم مولانا طارق جمیل صاحب اب بہت بہتر ہے، انہیں مزید تین روز ڈاکٹرز اپنی نگرانی میں رکھیں گے‘۔

    یوسف جمیل نے بھی تمام لوگوں سے مولانا طارق جمیل کیلیے مزید دعاؤں کی درخواست کی ہے۔واضح رہے کہ کینیڈا میں موجود مولانا طارق جمیل کو ایک روز قبل دل میں تکلیف کے باعث اسپتال منتقل کیا گیا تھا، جہاں ڈاکٹرز نے انہیں دل کا دورہ پڑنے کی تصدیق کی تھی۔

  • بھارت 2036 اولمپکس کی میزبانی کیلئے بولی پر سنجیدگی سے غور کر رہا ہے:انوراگ ٹھاکر

    بھارت 2036 اولمپکس کی میزبانی کیلئے بولی پر سنجیدگی سے غور کر رہا ہے:انوراگ ٹھاکر

    نئی دہلی :بھارت کے وزیر کھیل انوراگ ٹھاکر نے کہا ہے کہ بھارت 2036 اولمپکس کی میزبانی کے لیے بولی دینے پر سنجیدگی سے غور کر رہا ہے۔غیر ملکی خبر رساں ایجنسی ’رائٹرز‘ کے مطابق بھارتی نشریاتی ادارے ’ٹائمز آف انڈیا‘ سے بات کرتے ہوئے وزیر کھیل انوراگ ٹھاکر نے کہا کہ ’اگر بھارت مینوفیکچرنگ سے لے کر سروسز تک ہر شعبے میں خبروں کی زینت بنتا ہے تو پھر کھیل کے میدان میں کیوں نہیں، لہٰذا بھارت 2036 اولمپکس کی میزبانی کے لیے بولی دینے کے حوالے سے بہت سنجیدگی سے دیکھ رہا ہے۔

    سابق ورلڈ چیمپئن باکسر عامر خان کی اسپورٹس بورڈ پنجاب آمد

    انوراگ ٹھاکر نے کہا کہ حکومت، انڈین اولمپک ایسوسی ایشن سے مشورہ کرے گی اور اگلے سال انٹرنیشنل اولمپک کمیٹی (آئی او سی) کے سیشن کے لیے روڈ میپ تیار کیا جائے گا۔انہوں نے کہا کہ آئی او سی سیشن بھارت کے لیے ایک اہم تقریب ہے اور بولی لگانے کے لیے جو بھی اقدامات کرنے ہوں گے حکومت ان کی حمایت کرے گی کیونکہ اس کے لیے مشترکہ تیاری ہونی چاہیے۔بھارتی وزیر کھیل نے کہا کہ اولمپکس گیمز کے انعقاد کے لیے وزیر اعظم نریندر مودی کا شہر گجرات ممکنہ میزبان کے طور پر پیش کیا جائے گا۔انہوں نے کہا کہ بھارتی ریاست گجرات نے متعدد بار اولمپک میزبانی کی خواہش کا اظہار کیا ہے کیونکہ ان کے پاس انفرااسٹرکچر ہے اور ریاست گجرات کے منشور میں بھی شامل ہے کہ گجرات میں اولمپک گیمز کا انعقاد کیا جائے گا۔

    کرکٹ بورڈ میں سیاست نہیں ہونی چاہیے،نجم سیٹھی کوایڈجسٹ کرنےکیلئےکرکٹ بورڈ کا آئین…

    خیال رہے کہ نئی دہلی نے 1951 اور 1982 میں ایشین گیمز اور 2010 میں کامن ویلتھ گیمز کی میزبانی کی تھی، تاہم اب وزیر کھیل انوراگ ٹھاکر نے کہا کہ یہ اچھا وقت ہے کہ بھارت اولمپکس کی میزبانی کرے۔انٹرنیشنل اولمپیک کمیٹی نے کہا کہ ابتدائی طور پر اس حوالے سے 10 شہروں سے بات چیت ہوئی ہے لیکن 2036 ایڈیشن کی میزبانی دینے کا ارادہ کب ہے، اس کے لیے کوئی ٹائم فریم ظاہر نہیں کیا گیا۔رپورٹ کے مطابق پیرس، لاس اینجلس اور برسبین اگلے تین گیمز کی میزبانی کریں گے۔

    ورلڈ کپ 2023،بھارت جانے کی اجازت حکومت دیگی تو ٹیم بھیجیں گے،نجم سیٹھی

  • سال نو کی خوشی میں ہوائی فائرنگ پر قتل کا مقدمہ درج ہوگا:کراچی پولیس چیف

    سال نو کی خوشی میں ہوائی فائرنگ پر قتل کا مقدمہ درج ہوگا:کراچی پولیس چیف

    کراچی: ایڈیشنل آئی جی جاوید عالم اوڈھو نے کہا ہے کہ سال نو کی خوشی میں ہوائی فائرنگ کرنے والوں کے خلاف قتل کا مقدمہ درج کیا جائے گا۔ترجمان کراچی پولیس کے مطابق ایڈیشنل آئی جی کراچی جاوید عالم اوڈھو نے سال نو پر ہوائی فائرنگ کے حوالے سے احکامات جاری کرتے ہوئے کہا کہ ہے کہ سال نو کی آمد پر ہوائی فائرنگ کی روک تھام میں شہری پولیس کا ساتھ دیں۔

    کراچی پولیس چیف کا کہنا تھا کہ سال نو پر ہوائی فائرنگ کے مرتکب افراد کے خلاف سخت قانونی کارروائی کی جائے گی اورہوائی فائرنگ میں ملوث افراد کے خلاف اقدام قتل سمیت دیگر دفعات کے تحت مقدمات درج کیے جائیں گے۔پولیس چیف کا کہنا ہے کہ عوام اور پولیس کے مشترکہ تعاون سے ہی اس گھناونے عمل کو روک سکتے ہیں۔

    کراچی پولیس ترجمان نے عوام سے اپیل کی ہے کہ بحیثیت ذمہ دار شہری اپنے علاقے اور گردونواح میں ہوائی فائرنگ کے واقعات کی فوری اطلاع 15 پر دیں اگر ہوائی فائرنگ کی وڈیو دستیاب ہو تو واٹس اپ کمپلین نمبر 03435142770 پر یا شہری پولیس میڈیا سیل کے نمبر 03302699211 پر بھیجیں۔

    ادھر شہر قائد کے علاقے حسین آباد میں مبینہ ٹارگٹ کلنگ میں ایم کیو ایم کا سابق کارکن شہزاد جاں بحق ہوگیا جبکہ مختلف علاقوں میں ڈکیتی مزاحمت اور دیگر فائرنگ کے واقعات میں لڑکی سمیت 6 افراد زخمی ہوگئے۔ ضلع وسطی کے علاقے حسین آباد فیڈرل بی ایریا بلاک 3 رونق اسلام اسکول کے قریب ٹارگٹ کلنگ کے واقعے میں ایک شخص جاں بحق جبکہ دوسرا زخمی ہوگیا۔ مقتول کی لاش ایدھی کے رضا کاروں ضابطے کی کارروائی کے لیے عباسی شہید اسپتال منتقل کیا گیا۔

    اس حوالے سے ایس ایچ او عزیز آباد کامران حیدر نے بتایا کہ فائرنگ کا واقعہ ویلڈنگ کی دکان پر پیش آیا، مقتول کی شناخت 50 سالہ شہزاد کے نام سے کی گئی جبکہ زخمی ہونے والے 35 سالہ فہیم اور کو طبی امداد فراہم کی جا رہی ہے۔

  • پاکستانی فلم ’’دی لیجنڈ آف مولا جٹ‘‘ بھارت میں 30 دسمبرکو ریلیزکی جائے گی

    پاکستانی فلم ’’دی لیجنڈ آف مولا جٹ‘‘ بھارت میں 30 دسمبرکو ریلیزکی جائے گی

    کراچی: پاکستان سمیت دنیا بھر میں باکس آفس پر ریکارڈ بزنس کرنے والی پاکستانی فلم ’دی لیجنڈ آف مولا جٹ‘ 30 دسمبر کو بھارتی سینما گھروں میں ریلیز کیلیے پیش کی جائے گی۔بلال لاشاری پروڈکشن کے تحت بننے والی پاکستانی فلم دنیا بھر سے اب تک 220کروڑ روپے کماچکی ہے، بھارت میں ہونے والی ریلیز کے بعد توقع کی جارہی ہے کے فلم اپنی کمائی کے نئے ریکارڈ قائم کرے گی۔

    سابق ورلڈ چیمپئن باکسر عامر خان کی اسپورٹس بورڈ پنجاب آمد

     

    بھارتی ذرائع کا کہنا ہے کہ 30 دسمبر کو ریلیز ہونے والی ’دی لیجنڈ آف مولا جٹ‘ کیلئے بھارتی مارکیٹ میں کھلا میدان موجود ہے کیونکہ اس کے مد مقابل کوئی بڑی فلم موجود نہیں اور شاہ رخ خان کی فلم پٹھان کے ریلیز ہونے میں بھی ابھی وقت ہے۔بھارتی ملٹی پلیکس چین پی وی آر نے سوشل میڈیا پر دی لیجنڈ آف مولا جٹ کی باقاعدہ ریلیز کا اعلان کیا تاہم ناگزیر وجوہات پر مذکورہ پوسٹ ڈیلیٹ کردی۔

    شیخوپورہ – روٹی 100گرام 8 روپے اورنان 120گرام 15 روپے ،زیادہ نرخ اور کم وزن…

    ذرائع کے مطابق فواد خان ماہرہ خان اور ایمان علی کی بھارت میں موجود فین فالونگ کے باعث توقع کی جارہی ہے کہ انڈین کمرشل سینما گھروں میں بھی دی لیجنڈ آف مولا جٹ اپنی کامیابی کے جھنڈے گاڑے گی۔

     

    واضح رہے کہ بولی وڈ موویز اے دل ہے مشکل میں فواد خان گینگسٹر میں ماہرہ خان کا شاہ رخ خان کے ساتھ بولی وڈ ڈیبیو اور راجہ نٹور لال میں حمیما ملک کی اداکاری کے جوہر دکھائے جن کا سحر آج بھی بھارتی شائقین پر طاری ہے۔ابتدائی طورپر دی لیجنڈ آف مولاجٹ پنجابی زبان میں ریلیز کی جائے گی تاہم فلم بینوں کی دلچسپی کو مد نظر رکھتے ہوئے دیگر زبانوں میں بھی پیش کیا جاسکتا ہے۔واضح رہے کہ 2011میں انڈیا میں ریلیز ہو نے والی پاکستانی فلم بول کے بعد یہ پہلی پاکستانی فلم ہے جسے بھارتی سینیما گھروں میں پیش کیا جا رہا ہے۔

    نان، روٹی ہوئی مہنگی:معاملہ پنجاب اسمبلی تک پہنچ گیا

  • پاکستان بمقابلہ نیوزی لینڈ: دوسرے ٹیسٹ کیلئے تماشائیوں کی انٹری مفت کرنےکا اعلان

    پاکستان بمقابلہ نیوزی لینڈ: دوسرے ٹیسٹ کیلئے تماشائیوں کی انٹری مفت کرنےکا اعلان

    کراچی:پاکستان کرکٹ بورڈ (پی سی بی) نے پاکستان اور نیوزی لینڈ کے درمیان جاری 2 میچوں کی سیریز کے دوسرے ٹیسٹ سے متعلق بڑا فیصلہ کرتے ہوئے میچ کے لیے تماشائیوں کی انٹری مفت کرنے کا فیصلہ کیا ہے۔

    واضح رہے کہ کراچی میں جاری پہلے ٹیسٹ کے دوران شائقین کی اسٹیڈیم میں حاضری بہت کم رہی ہے، اس صورتحال کو دیکھتے ہوئے انتظامیہ نے اسٹینڈز کو بھرنے کے لیے فوری اقدامات کرنے کی ضرورت محسوس کی اور اس سلسلے میں اقدامات کرنے کا فیصلہ کیا گیا جب کہ اسٹیڈیم میں شائقین کی کم موجودگی پر مختلف حلقوں کی جانب سے تنقید کا نشانہ بھی بنایا جارہا ہے اور اس سلسلے میں اقدامات کرنے اور میچ دیکھنے والوں کو سہولیات فراہم کرنے کا مطالبہ بھی کیا جاتا رہا ہے۔

    سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    اسی صورتحال کو دیکھتے ہوئے پاکستان کرکٹ بورڈ نے پاکستان اور نیوزی لینڈ کے درمیان دوسرے ٹیسٹ کے دوران کراچی والوں کے لیے 2 وی آئی پی انکلوژرز کے علاوہ تمام اسٹینڈز میں مفت داخلے کا اعلان کیا ہے۔

    کرکٹ صرف کراچی اور لاہور تک محدود نہیں رکھنا چاہتے،نجم سیٹھی

    ٹکٹ پہلے آئیے پہلے پائیے کی بنیاد پر دستیاب ہوں گے، میزبان ٹیم اور کیویز کے درمیان دوسرا ٹیسٹ 2 سے 6 جنوری تک کھیلا جائے گا۔یہاں یہ بات قابل ذکر ہے کہ جاوید میانداد اور حنیف محمد انکلوژرز کو وی آئی پی کا درجہ حاصل ہے اور ان کے ٹکٹ کی یومیہ قیمت 500 روپے ہے۔

    سابق ورلڈ چیمپئن باکسر عامر خان کی اسپورٹس بورڈ پنجاب آمد

    اس کے علاوہ پی سی بی نے طلبہ کو اسٹیڈیم لانے کے لیے یونیورسٹیوں، اسکولوں اور دیگر تعلیمی اداروں سے بھی رابطہ کرنا شروع کر دیا ہے، کرکٹ بورڈ نے مزید کہا کہ اس سلسلے میں اولڈ ایج ہومز اور یتیم خانوں سے بھی رابطہ کیا جائے گا۔

  • الیکشن کمیشن نے حکومت کو آرٹیکل 140 اے میں ترمیم کی سفارش کر دی

    الیکشن کمیشن نے حکومت کو آرٹیکل 140 اے میں ترمیم کی سفارش کر دی

    اسلام آباد:الیکشن کمیشن نے حکومت کو آرٹیکل 140 اے میں ترمیم کی سفارش کر دی ،اطلاعات کے مطابق پاکستان میں سیاسی صورت حال کی تبدیلی کے ساتھ ساتھ الیکشن قوانین میں بھی تبدیلیاں نظرآرہی ہیں،اس حوالےسے یہ معلوم ہوا ہے کہ الیکشن کمیشن نے وفاقی حکومت کو ترمیم کی سفارش کردی ہے، یہ ترمیم کب تک متوقع ہے اس کےبارے میں فی الحال ابھی کچھ نہیں کہا جاسکتا،

    سعودی عرب جانیوالے مسافر سے 46،605 سعودی ریال برآمد

    اس کے ساتھ ساتھ الیکشن کمیشن آف پاکستان نے وفاقی حکومت کو الیکشن ایکٹ 2017 کی شق 219 میں بھی ترمیم کی سفارش کردی ہے ،قانون میں ترمیم ضروری ہو تو مقامی حکومتوں کی مدت پوری ہونے سے قبل کی جائے، ادارے کی طرف سے کہا گیا ہے کہ الیکشن کمیشن آئین کےتحت بلدیاتی الیکشن کے ایکٹ پر عملدرآمد کا پابند ہوتاہے،جو بھی قانون سازی کی جائے وہ بلدیاتی حکومتوں کی مدت ختم ہونے سے قبل کی جائے،

    ملکی معاشی صورتحال کے بارے میں کابینہ ڈویژن کے نام سے جاری خط بے بنیاد. وزارت…

    ذرائع الیکشن کمیشن کا کہنا ہے کہ الیکشن ایکٹ میں تبدیلی کے بعد الیکشن کمیشن کی تیاریاں ضائع ہوجاتی ہیں،قانون بنایا جائےکہ لوکل باڈیز کی مدت ختم ہونےمیں 3 ماہ رہ جائیں تو ایکٹ تبدیل نہ کیا جائے،الیکشن کمیشن نے وفاقی حکومت کوخط لکھ دیا،ذرائع الیکشن کمیشن کا کہنا ہے کہ بلدیاتی انتخابات کاالتوارکوانے کیلئےقانون سازی کی جائے،

     

    آئین کا آرٹیکل 140 کہتا ہے کہ صوبائی حکومت ایسی بلدیاتی حکومتوں کے الیکشن کروائیں گی جنہیں منتخب ہونے کے بعد سیاسی، انتظامی اور مالی خود مختاری دی جائے گی۔

  • سمترا نندن پنت ہندوستان کے ایک معروف شاعر:دنیا بھرمیں مقبول

    سمترا نندن پنت ہندوستان کے ایک معروف شاعر:دنیا بھرمیں مقبول

    پیدائش:20 مئی 1900
    ۔۔۔ Kausani، North-Western
    ۔۔۔ Provinces
    ۔۔۔ برطانوی ہند کے صوبے اور علاقے
    وفات:28 دسمبر 1977ء
    الٰہ آباد، اتر پردیش، بھارت
    قومیت:Indian
    تعلیم:Hindi Literature
    موضوع:Sanskrit
    اہم اعزازات:پدم بھوشن (1961)
    گیان پیٹھ انعام (1968)

    سمترا نندن پنت ہندوستان کے ایک معروف شاعر تھے۔ وہ 20ویں صدی کے ہندی زبان کے سب سے زیادہ پڑھے جانے والے اور پسند کیے جانے والے شعرا میں سے ہیں۔ وہ رومانی شاعر تھے جنہوں نے فطرت، عوام اور ان کی خوبصورتی کو اپنا موضوع سخن بنایا۔
    پس منظر
    ۔۔۔۔۔۔
    پنت کی ولادت اتراکھنڈ کے الموڑا ضلع کے کوسانی گاؤں میں ہوئی۔ وہ درمیانی درجہ کے براہمن خاندان میں پیدا ہوئے۔ ولادت کے چند گھنٹوں بعد ہی والدہ چل بسیں۔ انھیں پھر کسی سے کبھی لگاؤ نہیں ہوا۔ انھوں نے والد، دادی/نانی یا بھائی سے والہانہ تعلق قائم نہیں کیا اور یہ ان کی تحریروں میں صاف جھلکتا ہے۔ گویاکہ یہی سوچ ان کے شاعر ہونے کا محرک ثابت ہوئی۔ ان کے والد چائے کے ایک باغ میں کام کرتے تھے۔ وہ وہاں منیجر تھے اور زمین میں بھی ان کی شراکت داری تھی۔ پنت گاؤں میں ہی پلے بڑھے اور وہیں سے انھیں فطرت میں دلچسپی پیدا ہو گئی اور یہی دلچسپی ان کی شاعری کا موضوع بنی۔
    انہوں نے 1918ء میں کوینس کالج بنارس میں داخلہ لیا اور سروجنی نائڈو اور رابندر ناتھ ٹیگور کا مطالعہ شروع کیا۔ ان دو شخصیات نے پنت کو خوب متاثر کیا۔ انھوں کچھ انگریزی رومانی شاعروں کو بھی پڑھا۔ 1919ء میں وہ الہ آباد چلے گئے۔ 1926ء میں ان کا پہلا دیوان پلو شائع ہوا۔ انھوں نے محسوس کیا کہ برج بھاشا اور گزرے زمانے کی بات ہوگئی۔ اگر شہرت حاصل کرنی ہے تو نئی زبان (ہندی) میں لکھنا ہوگا۔
    ادبی سفر
    ۔۔۔۔۔۔۔۔
    پنت نے گرچہ ہندی میں لکھنا شروع کیا تھا مگر وہ سنسکرت سے متاثر ہندی لکھتے تھے۔ انھوں نے شاعری، مضمون نگاری اور ڈراما میں کل 28 کتابیں شائع کیں۔ وہ شاعری کے کئی مناہج سے متاثر تھے۔
    اعزازات
    ۔۔۔۔۔۔۔۔
    1968ء میں انہیں گیان پیٹھ انعام دیا گیا۔ “کالا اور بوڑھا چاند“ کے لیے انہیں ساہتیہ اکیڈمی اعزاز ملا۔ انہیں 1961ء میں حکومت ہند نے پدم بھوشن سے نوازا۔
    وفات
    ۔۔۔۔۔۔۔۔
    28 دسمبر 1977ء کو الہ آباد میں ان کی وفات ہوگئی۔

  • کراچی ٹیسٹ میں نیوزی لینڈ کی پاکستان پر 2 رنز کی برتری

    کراچی ٹیسٹ میں نیوزی لینڈ کی پاکستان پر 2 رنز کی برتری

    کراچی: کراچی ٹیسٹ: پہلی اننگز، نیوزی لینڈ نے پاکستان کی برتری ختم کر دی، اطلاعات ہیں کہ نیوزی لینڈ نے کراچی ٹیسٹ میں تیسرے روز 6 وکٹوں کے نقصان پر 440 رنز بناکر پاکستان کی برتری 2 رنز سے ختم کردی۔

    تیسرا روز
    نیشنل اسٹیڈیم کراچی میں سیریز کے پہلے ٹیسٹ میچ میں کیوی اوپنرز ڈیون کونوے اور ٹام لیتھم نے پاکستان میں اوپننگ شراکت کا 57 سالہ کیوی ریکارڈ توڑتے ہوئے 183 رنز کی پارٹنرشپ قائم کی۔لیتھم 113، کونوے 92، ہینری نکولس 22، ڈیرل مچل 42، ٹام بلنڈل 47، مچل بریسویل 5 رنز بناکر آؤٹ ہوئے، کپتان کین ولیمسن نے سنچری مکمل کرلی۔ وہ 105 رنز کے ساتھ اور ایش سودھی ایک رن بناکر کریز پر موجود ہیں۔

    کرکٹ صرف کراچی اور لاہور تک محدود نہیں رکھنا چاہتے،نجم سیٹھی

    پاکستان کی جانب سے ابرار احمد اور نعمان علی نے 2، 2 جبکہ محمد وسیم جونیئر نے ایک کھلاڑی کو آؤٹ کیا۔قبل ازیں پاکستان ٹیم پہلی اننگز میں 438 رنز بنا کر آؤٹ ہوگئی تھی۔

    دوسرا روز
    مہمان ٹیم کے اوپنرز بلے بازوں نے شاندار آغاز کیا۔ ٹام لیتھم نے 78 اور ڈیون کونوے 82 رنز بنائے۔ قومی ٹیم کی جانب سے فاسٹ اور اسپن بولرز نے وکٹ لینے کی کوشش کی تاہم کامیابی نہیں مل سکی۔قبل ازیں، پاکستان نے 317 رنز پانچ وکٹوں کے نقصان پر بقیہ اننگز کا آغاز کیا لیکن کپتان بابراعظم دوسرے روز پہلے اوور کی چوتھی گیند پر ٹم ساوتھی کے ہاتھوں آؤٹ ہوگئے۔ انہوں نے 161 رنز کی اننگز کھیلی۔

    بابراعظم کے آؤٹ ہونے کے بعد نعمان علی نے آغا سلمان کے ساتھ مل کر 54 رنز کی شراکت قائم کی۔ تاہم، نعمان علی کی وکٹ گرنے کے بعد کوئی کھلاڑی وکٹ پر ساتھ نہ دے سکا۔آغا سلمان نے اپنے کیریئر کی پہلی سنچری اسکور کی اور 103 رنز بنا کر آؤٹ ہوئے۔کیوی کپتان ٹم ساوتھی نے تین کھلاڑیوں کا شکار کیا جبکہ اش سودھی، اعجاز پٹیل اور مائیکل بریسویل نے دو دو کھلاڑیوں کو آؤٹ کیا۔ فاسٹ بولر نیل واگنر ایک ہی وکٹ لے سکے۔

    پاکستانی ٹیم 130.4 اوورز میں 438 رنز پر آل آؤٹ

    پہلا روز
    قومی ٹیم نے ٹیسٹ کے پہلے روز ٹاس جیت کر بیٹنگ کا آغاز کیا تو اس کی تین وکٹیں 48 کے اسکور پر گرگئیں جب کہ چوتھی وکٹ 110 رنز پر گری جس کے بعد کپتان بابراعظم اور سرفراز احمد نے ٹیم کو سہارا دیا۔
    دونوں کے درمیان پانچویں وکٹ کی شراکت میں 196 رنز بنائے گئے، کھیل کے آخری اوورز میں سرفراز احمد 86 رنز بنا کر آؤٹ ہوگئے۔ اس سے قبل، اوپنر بلے باز عبداللہ شفیق 7 رنز، شان مسعود 3 رنز، امام الحق 24 رنز اور سعود شکیل 22 رنز بنا کر پویلین لوٹ گئے تھے۔

    قومی ٹیم میں وکٹ کیپر بلے باز سرفراز احمد اور فاسٹ بولر میر حمزہ کی ٹیم میں واپسی ہوئی ہے جبکہ بلے باز امام الحق کو بھی ٹیم میں شامل کیا گیا ہے۔سرفراز احمد نے تقریباً 4 سال قبل 2019 میں بحیثیت کپتان جنوبی افریقا کے خلاف جوہانسبرگ میں ٹیسٹ میچ کھیلا تھا۔ سرفراز احمد ہوم گراؤنڈ پر اپنا میچ کھیل رہے ہیں۔ فاسٹ بولر میر حمزہ نے آخری مرتبہ ٹیسٹ میچ 2018 میں کھیلا تھا۔

    کرکٹ بورڈ میں سیاست نہیں ہونی چاہیے،نجم سیٹھی کوایڈجسٹ کرنےکیلئےکرکٹ بورڈ کا آئین…

    پاکستان ٹیم
    امام الحق، عبداللہ شفیق، شان مسعود، کپتان بابراعظم، سعود شکیل، وکٹ کیپر سرفراز احمد، آغا سلمان، نعمان علی، محمد وسیم، ابرار احمد، میر حمزہ۔

    نیوزی لینڈ ٹیم
    ٹام لیتھم، ڈیون کونوے، کین ولیمسن، ہینری نکولس، ڈیرل مچل، ٹام بلنڈل، مائیکل بریسویل، کپتان ٹم ساوتھی، اش سودھی، نیل واگنر، اعجاز پٹیل۔

  • سال 2022 کے ایمرجنگ کرکٹرز کے ناموں کا اعلان، کوئی پاکستانی شامل نہیں

    سال 2022 کے ایمرجنگ کرکٹرز کے ناموں کا اعلان، کوئی پاکستانی شامل نہیں

    دبئی: انٹرنیشنل کرکٹ کونسل (آئی سی سی) نے سال 2022 کے ایمرجنگ کرکٹرز کے ناموں کا اعلان کردیا۔اطلاعات کے مطابق آئی سی سی کی جانب سے اعلان کردہ کھلاڑیوں میں کوئی پاکستانی شامل نہیں، بھارت کے ارشدیب سنگھ، جنوبی افریقہ کے مارکو جینسن، افغانستان کے ابراہیم زادران اور نیوزی لینڈ کے فن ایلن شامل ہیں۔

    پاکستانی ٹیم 130.4 اوورز میں 438 رنز پر آل آؤٹ

    ارشدیب سنگھ
    پاکستان کے خلاف ٹی20 ورلڈکپ میں شاندار کارکردگی کا مظاہرہ کرنے والے بھارت کے نوجوان پیسر نے ابتداء میں قومی ٹٰم کے کپتان بابراعظم کو پہلی گیند پر آؤٹ کیا جبکہ میچ میں 33 رنز کے عوض 3 کھلاڑیوں کو پویلین کی راہ دکھائی، بھارت نے یہ میچ کوہلی کی جارحانہ بیٹنگ کی بدولت 4 وکٹوں سے اپنے نام کیا۔نوجوان پیسر ارشدیب نے 18.12 کی اوسط سے ٹی20 انٹرنیشنل میچز میں اب تک 33 وکٹیں حاصل کررکھی ہیں۔

    ابراہیم زادران

    افغانستان نے ایک روزہ بین الاقوامی کرکٹ میں نوجوان بلےباز ابراہیم زدران نے اہم کامیابیاں سمیٹیں، ورلڈکپ میں کوالیفانگ راؤنڈ میں 7 ون ڈے میچز میں 431 رنز بنائے جس میں 3 سینچریاں شامل تھیں۔زدران پالیکیلے میں سری لنکا کے مضبوط باؤلنگ اٹیک کے خلاف 162 رنز بنائے جو کسی بھی افغان بلےباز کی جانب سے سب سے بڑا انفرادی اسکور تھا۔

    سرفراز احمد نے اپنے سلیکشن کو درست ثابت کردیا،چیف سیلیکٹر شاہد آفریدی

    فن ایلن

    ٹی20 ورلڈکپ کے افتتاحی میچ میں فلن ایلن نے آسٹریلیا کے خلاف جارحانہ کھیل پیش کیا، انہوں نے محض 16 گیندوں پر 42 رنز کی اننگز کھیلی، جس نے کینگروز کو بیک فٹ پر دھکیل دیا۔انہوں نے 21.63 کی اوسط سے 411 رنز اسکور کیے جبکہ انکا اسٹرائیک ریٹ 155 سے زائد رہا، ون ڈے میں 38.70 کی اوسط سے 387 رنز اسکور کیے۔

    ورلڈ کپ 2023،بھارت جانے کی اجازت حکومت دیگی تو ٹیم بھیجیں گے،نجم سیٹھی

    مارکو جینسن

    جنوبی افریقہ کے دراز قد کے فاسٹ بولر مارکو جینسن نے دورہ آسٹریلیا اور انگلینڈ میں بہترین پرفارمنس کا مظاہرہ کیا، انگلینڈ کے خلاف افریقی بالر نے 35 کے عوض 5 شکار کیے۔انہوں نے 19.02 کی اوسط سے 36 ٹیسٹ وکٹیں جبکہ 229 رنز بنائے جبکہ ون ڈے میں 2 اور ٹی20 میں ایک وکٹ حاصل کی۔

  • روس کا ایران کوجدید سخوئی ایس یو35 لڑاکا طیارے دینے کا اعلان

    روس کا ایران کوجدید سخوئی ایس یو35 لڑاکا طیارے دینے کا اعلان

    تہران:روس جلد ہی اسلامی جمہوریہ ایران کو سخوئی ایس یو 35 لڑاکا طیاروں کا ایک مکمل سکواڈرن فراہم کرے گا، یہ ایک ایسی پیشرفت ہے جو ممکنہ طور پر مغرب کو مزید مشتعل کرے گی کیونکہ تہران اور ماسکو سخت پابندیوں اور زبردستی اقدامات کی مخالفت میں اپنے دفاعی اور اقتصادی تعاون کو مزید گہرا کر رہے ہیں۔

    بھارت میں قائم غیرقانونی کال سینٹرز نے امریکی شہریوں سے 6,400 کروڑ لوٹ لیئے۔ ایف…

    میڈیا رپورٹس میں فوجی ماہرین کا حوالہ دیتے ہوئے کہا گیا ہے کہ جڑواں انجن اور سپر مینیوور ایبل طیاروں کے 24 یونٹ، جو چوتھی نسل کا لڑاکا جیٹ ہے جو بنیادی طور پر فضائی برتری کے کردار کے لیے ڈیزائن کیا گیا ہے، مستقبل قریب میں ایران کو فراہم کیا جائے گا۔

    کتا بھونکنے پر نوجوان نے بھائی اور بھابھی پر گولیاں چلا دیں

    خیال کیا جاتا ہے کہ وسطی ایرانی شہر اصفہان میں اسلامی جمہوریہ ایران کی فضائیہ (IRIAF) ٹیکٹیکل ایئر بیس (TAB) 8 میں کچھ جنگی طیاروں کو جگہ دی جائے گی۔

    نوجوان نے ہاتھ سے اشارہ کیا توگمان ہوا کہ اس نے پستول نکالا،شاہین فورس کے اہلکاروں…

    روس کی یونائیٹڈ ایئر کرافٹ کارپوریشن (UAC) کا کہنا ہے کہ سخوئی ایس یو 35 طیارہ "ایک جدید لڑاکا طیارے کی خصوصیات کو یکجا کرتا ہے (سپر مینیووربلٹی، اعلیٰ فعال اور غیر فعال حصول امداد، اعلی سپرسونک رفتار اور لمبی رینج، جنگی گروپ کی کارروائیوں کو منظم کرنے کی صلاحیت، وغیرہ۔ .) اور ایک اچھا ٹیکٹیکل ہوائی جہاز (ہتھیاروں کی وسیع رینج جو لے جایا جا سکتا ہے، جدید ملٹی چینل الیکٹرانک جنگی نظام، کم ریڈار دستخط، اور اعلی جنگی بقا کا ضامن بھی اسے قرار دیا جارہا ہے