ان کی نظروں سے محبت کا جو پیغام ملا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
رونا لیلی’ 3 ممالک کی مشترکہ گلوکارہ
آغا نیاز مگسی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
17 نومبر 1952 کو پیدا ہونے والی خوب صورت گلوکارہ رونا لیلی جنوبی ایشیا کی واحد گلوکارہ ہیں جنھوں نے پاکستان، بنگلہ دیش اور بھارت سمیت، تین بڑی فلم انڈسٹریز اور کروڑوں لوگوں کے دلوں پر راج کیا۔ 1965 میں پاکستان سے فنی سفر شروع کرنے والی رونا لیلی 1966 تک صرف 14 سال کی عمر میں ہی پاکستان کی لیڈنگ پلے بیک سنگر بن گئیں۔۔ 1974 میں بنگلہ دیش میں گانے کا آغاز کیا۔۔اور 1991 تک 7 نیشنل ایوارڈز حاصل کر چکی تھیں۔۔
1974 میں ہی انہوں نے ہندوستان میں بھی گانا شروع کر دیا تھا۔ ۔1983 تک وہ سپر رونا کیلئے گولڈن ڈسک جیت چکی تھیں۔۔بپی لہری کی موسیقی میں اس البم کی ایک لاکھ سے زیادہ کاپیاں فروخت ہوئیں۔۔۔1966-91 کے دوران وہ تینوں بڑی فلمی صنعتوں کی لیڈنگ پلے بیک سنگر تھیں۔۔پاکستان، بنگلہ دیش اور اس وقت دنیا کی سب سے بڑی فلمی منڈی انڈیا یعنی بولی وڈ۔
17 نومبر 2022 کو رونا لیلی 70 برس کی ہو گئی ہیں وہ بلا شبہ ساؤتھ ایشیا کی مشترکہ سپر سٹار ہیں۔۔ان کو ہر کوئی celebrate کر رہا ہے۔ انہوں نے اردو، ہندی، سندھی ، پنجابی ، بنگالی اور پشتو سمیت 17 زبانوں میں گا کر ایک عظیم گلوکارہ کا مقام حاصل کر لیا ہے۔ رونا لیلیٰ آجکل اپنے بچوں سمیت لندن میں مقیم ہیں ۔
رونا لیلیٰ کی آواز میں گائے ہوئے چند یادگار اور سدا بہار گیت اور نغمے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1. ان کی نظروں سے محبت کا جو پیغام ملا
2. میرا بابو چھین چھبیلا میں تو ناچوں گی
3. مر جائے گی محبت اشکوں کا زہر ہی کر
4. ملی گل کو خوشبو ، مجھے مل گیا تو
5. افر میں بتا دوں میرے دل میں کیا ہے
6. جب پیار کسی سے ہوتا ہے تو ہوتا ہے یہ انجام
7. ذرا ٹھیر جا وے چوری چوری جانڑ والیا
