Tag: پاکستان

اسلام آباد:اسٹیٹ بینک کی جانب سے جاری اعلامیہ میں کہا گیا ہے کہ ذرائع ابلاغ کے بعض حصوں میں گوگل کو اسٹیٹ بینک آف پاکستان کی طرف سے ادائیگیاں روکنے کی خبریں بے بنیاد اور گمراہ کن ہیں، اسٹیٹ بینک ایسے تمام دعوؤں کی سختی سے تردید کرتا ہے۔

اسٹیٹ بینک کا کہنا ہے کہ حقیقت یہ ہے کہ ملک کے اداروں کو سہولت فراہم کرنے کی غرض سے اسٹیٹ بینک نے اطلاعی ٹیکنالوجی (آئی ٹی) سے متعلق بعض خدمات کی تخصیص کی جو ایسے ادارے اپنے استعمال کے لیے بیرون ملک سے خرید سکتے ہیں اور وہاں زر مبادلہ میں ادائیگیاں کرسکتی ہیں۔

ان خدمات میں سیٹلائٹ ٹرانسپونڈر، انٹرنیشنل بینڈ وتھ؍ انٹرنیٹ؍پرائیویٹ لائن سروسز، سوفٹ لائسنس، مین ٹی ننس، سپورٹ، اور الیکٹرانک میڈیا اور ڈیٹا بیسز استعمال کرنے کی سہولت شامل ہیں۔

اس آپشن کو استعمال کرنے کے خواہاں ادارے ایک بینک کا تعین کرتے ہیں جس کی اسٹیٹ بینک ایک بار منظوری دیتا ہے بعد میں اس تعین کے بعد یہ ادائیگیاں متعینہ بینک کے ذریعے مزید کسی ضوابطی منظوری کے بغیر کی جاسکتی ہیں۔

تاہم حالیہ آف سائٹ جائزوں کے دوران یہ دیکھا گیا کہ اپنے استعمال کے لیے آئی ٹی سے متعلق خدمات کے لیے رقوم منتقل کرنے کے ساتھ ساتھ ٹیلکوز وڈیو گیمنگ، تفریحی مواد وغیرہ کے لیے زیادہ تر رقوم منتقل کررہی ہیں۔

عمران خان نےاسمبلیاں توڑنےکا اعلان کرکےشکست کا اعلان کیا ہے:رانا ثنااللہ

ڈی سی بی عمومی طور پر آن لائن موبائل ادائیگی کا ایک طریقہ ہے جس کے ذریعے استعمال کنندگان اپنے موبائل فون کیرئیر بل میں ادائیگیاں کرکے خریداریاں کرسکتے ہیں۔ ٹیلکوز اپنے صارفین کو مذکورہ بالا مصنوعات ائرٹائم کے ذریعے خریدنے کی اجازت دے رہی تھیں اور پھر ان ٹرانزیکشنز کو آئی ٹی خدمات کی خریداری کی ادائیگیوں کے طور پر ظاہر کررہی تھیں۔

نیب راولپنڈی نے ملک ریاض کو یکم دسمبر کو طلب کرلیا

اس طرح ٹیلکوز عملاً اپنے سبسکرائبرز کی جانب سے خدمات کی خریداری میں سہولت دے کر بطور ثالث پیمنٹ ایگریگیٹرز کے طور پر کام کررہی تھیں۔ اس لیے زر مبادلہ ضوابط کی خلاف ورزی کے پیش نظر اسٹیٹ بینک نے ان ادائیگیوں کے لیے ٹیلکوز کے بینکوں کے تعین کو منسوخ کردیا۔ تاہم ان کی جائز آئی ٹی سے متعلقہ ادائیگیوں میں سہولت دینے کے لیے ٹیلکوز کو ان کے بینکوں کے توسط سے ہدایت کی گئی ہے کہ وہ اپنی درخواستیں دوبارہ دائر کریں۔

اگر کوئی ادارہ بشمول کوئی ٹیلکو ثالث پیمنٹ ایگری گیٹرکے طور پر کام کرنا چاہتا ہے اور اس بندوبست میں زر مبادلہ کا ملک سے باہر جانا شامل ہے تو اسے زرمبادلہ ضوابط ایکٹ 1947ء کے تحت ایسی خدمات کی فراہمی کی خصوصی اجازت لینے کے لیے اپنے بینک کے توسط سے علیحدہ سے اسٹیٹ بینک سے رجوع کرنا ہوگا۔

اسلام آباد:عمران خان اسمبلیوں سے نکلنے کے فیصلے پر یوٹرن لیں گے،اطلاعات کے مطابق پی پی رہنما قمرزمان کائرہ نے عمران خان کےخطاب اور اسمبلیوں سے استعفے دینے کے معاملے پراپنا ردعمل دیتے ہوئے کہا ہے کہ عمران خان یہ فیصلہ تبدیل کرلیں گے ،

قمرزمان کائرہ کا کہنا تھا کہ تحریک انصاف کے اپنے رہنما استعفے دینے کو تیار نہیں ہوں گے،قمرزمان کائرہ نے مزیدکہا کہ عمران خان اسمبلیوں سے نکلنے کے فیصلے پر یوٹرن لیں گے،قمرزمان کائرہ نے ردعمل دیتے ہوئے کہا کہ عمران خان اداروں کو کہہ رہےکہ آج بھی مداخلت کریں مگر ان کے حق میں،قمرزمان کائرہ نے کہا کہ افسوس کی بات یہ ہے عمران خان آج بھی اداروں کو تنقید کا نشانہ بنا رہےہیں،

سابق وزیراعظم و پاکستان تحریک انصاف کے چیئرمین عمران خان نے راولپنڈی کے جلسے سے خطاب میں کہا ہے کہ تمام اسمبلیوں سے باہر نکلنے کا فیصلہ کیا ہے، اس سسٹم کا مزید حصہ نہیں رہیں گے۔

راولپنڈی میں پی ٹی آئی کے جلسے سے کئی پارٹی رہنماؤں نے خطاب کیا۔ جلسے کا مرکزی اسٹیج سکستھ روڈ فلائی اوور پر لگایا گيا اور سابق وزیراعظم واکر کے ذریعے چلتے ہوئے اسٹیج پر پہنچے۔

عمران خان نےاسمبلیاں توڑنےکا اعلان کرکےشکست کا اعلان کیا ہے:رانا ثنااللہ

جلسے سے خطاب میں عمران خان کا کہنا تھاکہ کہا گیا کہ میری جان کو خطرہ ہے، گھر سے نہ نکلیں، اس ٹانگ کے ساتھ سفر کرنا میرے لیے بہت مشکل ہے، اگر میں گرتا نہ تو گولیوں کا دوسرا راؤنڈ مجھے لگ جاتا، جب میں گرا اسی وقت مجھے پتہ چل گیا کہ اللہ نے مجھے بچالیاانہوں نے کہا کہ کنٹینر پر 12 لوگوں کو گولیاں لگیں، سب بچ گئے، عمران اسماعیل کے کپڑوں میں سے چار گولیاں نکلیں۔

وزیرخزانہ نے پاکستان کےدیوالیہ ہونےکی قیاس آرائیوں کو پھرمسترد کردیا

ان کا کہنا تھاکہ موت کے خوف سے خود کو آزاد کرنا ضروری ہے، مجھے ذلیل کرنے کی بہت کوشش کی گئی، میری کردار کشی کی گئی کیونکہ میں انہیں چور کہتا تھا، پاکستان آج ایک فیصلہ کن دوراہے پر کھڑا ہے۔

راولپنڈی:نیب راولپنڈی نے ملک ریاض کو یکم دسمبر کو طلب کرلیا،اطلاعات کے مطابق نیب راولپنڈی نے پراپرٹی ٹائیکون ملک ریاض حسین کو یکم دسمبر کو طلب کرلیا ہے اوراختیارات کے ناجائزاستعمال کے حوالے سے پوچھا گیا ہے ،

نیب راولپنڈی کی طرف سے جاری نوٹس کے مطابق نیب نے بحریہ ٹاؤن کے مالک ملک ریاض کو ذاتی حیثیت میں 1 دسمبر کو پیش ہونے کی ہدایت کر دی۔۔ملک ریاض پر مبینہ طور پر اختیارات کے ناجائز استعمال کر کہ مالی فوائد حاصل کرنے کا الزم ہے۔

ملک ریاض حسین کو جاری اس نوٹس میں کہا گیا ہےکہ آپ نے القادر یونیورسٹی کو زمین کس معاہدے کے تحت عطیہ کی، زمین خریدی کب کیسے سارا ریکارڈ لے کر یکم دسمبر کو تفتیشی ٹیم کے سامنے پیش ہونے کی ہدایت کرتے ہوئے وضاحت طلب کرلی ہے

یہ بھی معلوم ہوا ہے کہ نیب راولپنڈی کی طرف سے جاری نوٹس میں برطانیہ سے 190 ملین پاؤنڈ اسٹرلنگ کا معاملے کے متعلق بھی اب نیب نے انکوائری شروع کردی کہ کس طرح برطانیہ سے وصول کردہ رقم عمران خان نے خفیہ طور پر ملک ریاض کو ہی واپس کردی

ملک ریاض حسین کو جاری نوٹس میں یہ بھی کہا گیا ہے کہ ضلع جہلم میں تقریبا 458 کنال اراضی میں بھی خورد برد کی گئی ہے ، اس کی وضاحت طلب کی گئی ہے