Tag: پاکستان

جناح سندھ میڈیکل یونیورسٹی میں طالبہ کو ہراساں کرنے کے خلاف احتجاج

کراچی :جناح سندھ میڈیکل یونیورسٹی میں طالبہ کو ہراساں کرنے کے خلاف طلبا اور طالبات نے احتجاج کیا۔اس حوالے سے پولیس کا کہنا ہے کہ جناح سندھ میڈیکل یونیورسٹی میں طالبہ کو ہراساں کئے جانے کے معاملے پر طلبا کی جانب سے ٹیچر پر تشدد کیا گیا تھا جس کے بعد یونیورسٹی انتظامیہ نے ٹیچر کو معطل کرکے تحقیقات کا آغاز کردیا ہے۔

دوسری جانب میڈیکل یونیورسٹی کے طلبہ کا مطالبہ ہے کہ ٹیچر کو بر طرف کیا جائے۔اس سلسلے میں یونیورسٹی کے طلبہ نے ہفتے کی صبح رفیقی شہید روڈ کے ایک جانب پر دھرنا بھی دیا ۔

دوسری طرف پی ٹی آئی رہنما حلیم عادل شیخ نے کہا ہے کہ کراچی ٹارگٹ کلرز کے چنگل میں ہے۔

میڈیا سے گفتگو کرتے ہوئے پی ٹی آئی رہنما حلیم عادل شیخ کا کہنا تھا کہ وزیر اعلی سندھ جن کے پاس ہوم منسٹر کا بھی چارج ہے انہیں شرم آنی چاہیے، پورے سندھ میں امن و امان کی صورتحال خراب ہے۔

حلیم عادل شیخ نے کہا کہ کندھ کوٹ میں ڈاکو راج ہے، سیلاب متاثرین ڈاکوؤں کے رحم و کرم پر ہیں جبکہ کراچی ٹارگٹ کلرز اور اسٹریٹ کرائم کے چنگل میں ہے کرائم روک نہیں رہا ہے۔انہوں نے کہا کہ سندھ کی پولیس اسلام آباد بھیجی جارہی ہے، سیاسی استعمال ہورہا ہے، آئی جی صاحب اتنی غلامی نا کرو وقت کو یاد کرو کہ آپ وفاقی حکومت کے آفیسر ہو۔

حلیم عادل شیخ نے کہا کہ انکی حکومت کچھ دن کی رہے گئی ہے، سیلاب متاثرین کہے رہے ہیں کہ ڈاکو ہمارے گھروں میں آکر لوٹ مار کررہے ہیں۔

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 24, 2022
امریکی سائفر کی تحقیقات کرائی جائیں تو اسمبلی میں واپس آسکتے ہیں:عمران خان

اسلام آباد: سابق وزیراعظم عمران خان نے قومی اسمبلی میں واپسی کی مشروط آمادگی ظاہر کردی اور کہا ہے کہ امریکی سائفر کی تحقیقات کرائی جائیں تو اسمبلی میں واپس آسکتے ہیں۔اسلام آباد میں صحافیوں سے گفتگو کرتے ہوئے انہوں نے کہا کہ پاکستان میں اسٹیبلشمنٹ ایک حقیقت ہے اور پاکستان میں اسٹیبلشمنٹ کے پاس تمام اختیارات ہیں،

عمران خان نے کہاکہ ہمارے اسٹیبلشمنٹ سے اچھے تعلقات تھے پتا نہیں کب کیسے خراب ہوگئے، اپوزیشن سے زیادہ حکومت کو اسٹیبلشمنٹ سے تعلقات کی ضرورت ہوتی ہے، اب ہم اپوزیشن میں ہیں تو اپوزیشن میں رہتے ہوئے تعلقات کیسے بہتر ہوسکتے ہیں؟عمران خان نے کہا کہ اب حکومت ملی تو ماضی کی غلطیاں نہیں دہرائیں گے، تحریک انصاف پہلی بار حکومت میں آئی تھی اس لیے غلطیاں ہوئیں۔

عمران‌ خان نے مزید بولے کہ حکومت کی ترجیحات معیشت نہیں بلکہ اپنے کرپشن کیسز ختم کرانا ہے، موجودہ حکومت نے نیب کے گیارہ سو ارب روپے کے مقدمات ختم کرائے، نیب کا کیس ختم ہوتے ہی اسحاق ڈار وطن واپس آنے کو تیار ہیں، اسحاق ڈار کے بعد نواز شریف بھی وطن واپس آنے کی تیاری کر رہا ہے۔

عمران خان یوٹرن نہ لیں تو شاید انہیں کوئی یاد نہ رکھے، ہر بات پر یوٹرن ،یوٹرن یوٹرن
آج عمران خان نے کہہ دیا کہ اگر سائفر کی تحقیقات کروائی جائیں تو اسمبلی میں واپس آ سکتے ہیں ،عمران خان نے یہ بھی تسلیم کر لیا کہ اب حکومت ملی تو ماضی کی غلطیاں نہیں دہرائیں گے، تحریک انصاف پہلی بار حکومت میں آئی تھی اس لیے غلطیاں ہوئیں

عمران خان تین سال سے زائد عرصہ وزیراعظم رہ چکے ہیں، ہر وہ دعویٰ جو عمران خان اقتدار میں آنے سے پہلے کر چکے تھے حکومت میں آنے کے بعد اسکے الٹ ہی کام ہوا. بیساکھیوں پر کھڑی حکومت جب گئی تو پھر اداروں کے خلاف محاذ کھول لیا

عمران خان ہٹائے جانے کے بعد نئے الیکشن کا مسلسل مطالبہ کر رہے تھے آج انکے اعلان سے یہ ثابت ہو گیا کہ موجودہ اتحادی حکومت اپنا وقت پورا کرے گی اور عمران خان پھر پرانی تنخواہ میں اپنے اراکین کو اسمبلیوں میں بھیج دیں گے،

کسی سے بات نہیں کروں گا، میں نے نمبر بلاک کر دیئے کہنے والا عمران خان اب منتیں کر رہا ہے مگر کوئی اس سے بات کرنے کو تیار نہیں،یہی وجہ ہے کہ اسمبلیوں میں واپسی کا مشروط اشارہ دے دیا لیکن آنیوالے دنوں میں شاید یہ مشروطیت بھی ختم ہو جائے گی

پاکستان سب سے بڑی مشکل میں ہے، سیلاب سے اموات ہوئیں،لاکھوں لوگ بے گھر ہوئے،گھر تباہ، بچے یتیم، لوگ ایک ایک کھانے کے لقمے کو ترس گئے، ایسے میں عمران خان کو چاہئے کہ مفاہمت کی راہ اختیار کریں اوراپنے ہم وطنوں کو مزید کسی مصیبت میں نہ دھکیلیں

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

ستمبر 24, 2022
بہنوئی نے جادو کرنے کا الزام لگا کر سالی کو قتل کردیا

گوجرانوالہ: تھانیوالا بازار میں جادو کرنے کے شبے میں بہنوئی نے اپنی سالی کو قتل اور بیوی کو زخمی کردیا۔پولیس ذرائع کے مطابق گوجرانوالہ میں عبداللہ نامی شخص نے گھر میں گھس کر اپنی سالی بشریٰ بی بی کو چھریوں سے وار کرکے قتل کردیا جب کہ بہن کو بچانے کی کوشش کرنے والی شمیم اپنے شوہر کے ہاتھوں زخمی ہوگئی۔

واقعے کے بعد کوتوالی پولیس نے ملزم عبداللہ کو گرفتار کرلیا جس نے اپنے جرم کا اعتراف کرلیا۔ملزم نے اقرارکرتے ہوئے کہا ہے کہ پیر صاحب نے اسے خواب میں بتایا کہ سالی نے تم پر جادو کیا ہے، میری آنکھ کھلی تو جاکر سالی کو قتل کردیا۔

دوسری طرف کراچی میں کاروباری تنازعات پر دوست نے دوست کو قتل کردیا۔ایس ایچ او پیرآباد سب انسپکٹر مختار پہنور نے بتایا کہ ہفتہ کی صبح نیو ناظم آباد کے سامنے واقع فیضان مرکز بحالی منشیات کے مالک 40 سالہ زین العابدین کو اس کے دوست شمس الہدیٰ نے فائرنگ کرکے قتل کردیا۔

پولیس کا کہنا ہے کہ زین العابدین کو ایک گولی سینے پر لگی جس سے وہ جانبر نہ ہوسکا، مقتول اسپتال کے علاوہ گاڑیوں اور جائیداد کی خرید و فروخت کا بھی کام کرتا تھا جبکہ اس کے کاروبار میں پارٹنر اس کا دوست شمس الہدیٰ بھی تھا۔دونوں دوستوں کے مابین کافی عرصے سے کاروباری تنازعات چل رہے تھے اور اس سے قبل بھی جھگڑے ہوچکے تھے۔

ایس ایچ او کا کہنا تھا کہ ہفتہ کی صبح زین العابدین نے شمس الہدیٰ کو ناشتے کی دعوت پر اسپتال بلایا تھا جہاں دونوں ناشتہ کررہے تھے کہ اس دوران تلخ کلامی ہوگئی اور مشتعل ہوکر شمس الہدیٰ نے زین العابدین پر فائرنگ کردی جس سے وہ سینے پر ایک گولی لگنے سے جاں بحق ہوگیا۔

واقعے کی اطلاع ملتے ہی پولیس کی بھاری نفری جائے وردات پر پہنچ گئی، مقتول کا آبائی تعلق پنجاب سے تھا۔دوسری جانب ملزم کی تلاش میں مختلف مقامات پر چھاپے مارے جارہے ہیں۔

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 24, 2022
کمسن بچی سے زیادتی کے مجرم کو سزائے موت

شیخوپورہ: ڈسٹرکٹ عدالت نے کمسن بچی سے زیادتی کے مقدمے میں مجرم کو سزائے موت دینے کا فیصلہ سنا دیا۔پولیس ذرائع کے مطابق ڈسٹرکٹ جج شاہدہ سعید نے کمسن بچی سے زیادتی کے مقدمہ کا فیصلہ سنا دیا، جس میں 21 سالہ شادی شدہ مجرم وسیم پر عصمت دری کا الزام ثابت ہونے پر سزائے موت اور 2 لاکھ روپے جرمانے کی سزا کا حکم دیا گیا۔

فیصلے کے مطابق مجرم کو جرمانے کی رقم ادا نہ کرنے کی صورت میں مزید 6 ماہ قید بھگتنا پڑے گی۔ اس کے علاوہ مجرم کو بچی کے نابالغ ہونے کی وجہ سے 10 برس قید اور 10 لاکھ روپے جرمانے کی سزا بھی دی گئی۔مجرم وسیم اینٹی ریپ انوسٹی گیشن اینڈ ٹرائل ایکٹ 2021ء کے سیکشن 17 کے تحت متاثرہ بچی کو 2 لاکھ روپے معاوضہ بھی ادا کرے گا۔

مقدمے کے استغاثہ کے مطابق مجرم وسیم کا تعلق چک نمبر 60 بلوچنی ضلع فیصل آباد سے تھا۔ مجرم نے شیخوپورہ کے گاؤں جھلار تیلیاں میں 13 سالہ بچی کو زیادتی کا نشانہ بنایا تھا۔تھانہ مانانوالہ پولیس نے 28 جون 2021ء کو مجرم کے خلاف زیر دفعہ 376 / 377 بی ت پ کے تحت بچی کے والد کی مدعیت میں مقدمہ درج کیا تھا۔

یاد رہے کہ چند دن پہلے بھی ایک کیس میں مجرم کو سزائے موت ہوئی تھی،شیخوپورہ کی سیشن کورٹ نے کمسن بیٹی سے زیادتی کے مجرم باپ کو سزائے موت سنائی تھی

سیشن کورٹ نے مجرم کو 2 لاکھ روپے جرمانے کی بھی سزا سنائی ہے، جرمانہ ادا نہ کرنے پر 6 ماہ قید بھگتنا ہوگی۔

استغاثہ کے مطابق مجرم نے 21 جون 2021 کو گاؤں قانونگو میں اپنی 13 سالہ بیٹی کو زیادتی کا نشانہ بنایا تھا۔بچی کی والدہ نے تھانہ ہاؤسنگ کالونی میں اپنے شوہر کے خلاف مقدمہ درج کرایا تھا۔

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 24, 2022
ایران:مھسا امینی کی زیرحراست موت کے بعد ہنگامے،ملک میں بغاوت کا سماں :50 افراد ہلاک

تہران: ایران میں حجاب نہ کرنے پرزیرحراست لڑکی مھسیا امینی کی موت کے بعد جاری ہنگاموں میں مرنے والوں کی تعداد 50 ہوگئی ہے۔
غیرملکی میڈیا کے مطابق ایران میں پولیس کی زیرحراست لڑکی مھسیا امینی کی موت کے بعد ہنگامے جاری ہیں۔ پولیس کے کریک ڈاؤن اور پرتشدد واقعات میں ہلاکتوں کی تعداد 50 ہوگئی ہے۔

ہلاک ہونے والوں میں 5 سیکورٹی اہلکار بھی شامل ہیں۔ سات روز سے جاری مظاہروں کے دوران مختلف شہروں میں انٹرنیٹ سروس بند ہے اور تشدد سے زیادہ متاثر علاقوں میں سیکورٹی اہلکاروں کی تعداد بڑھا دی گئی ہے۔ ایران کے صدر ابراہیم رئیسی نے مھسا امینی کی موت کی وجوہات جاننے کے لئے تحقیقات کا حکم دیا ہے۔

ایرانی پولیس نے 22 سالہ مھسا امینی کو حجاب نہ کرنے پر حراست میں لیا تھا اور تین دن بعد طبیعت خراب ہونے پر اسپتال منتقل کیا جہاں وہ 16 ستمبر کو انتقال کرگئیں۔ایرانی پولیس نے مھسا امینی پر تشدد کرنے کا الزام مسترد کرتے ہوئے دعویٰ کیا کہ مھسا امینی کو دل کے دورے باعث اسپتال منتقل کیا تھا۔

سیکیورٹی ذرائع کا کہنا تھا کہ ایران میں گزشتہ دنوں کے دوران ہونے والے جلاؤ گھیراؤ اور پر تشدد واقعات میں اہم کردار ادا کرنے والے داعش کے ک‏ئی دہشتگردوں کو گرفتار کر لیا گیا ہے۔ ذرائع کا کہنا ہے کہ بلوہ و فساد کرانے میں داعش کے دہشتگرد پیش پیش تھے۔

تین روز قبل دہشتگرد گروہ کوملہ اور ڈیموکریٹ کے کئی دہشتگردوں کو ایران کے علاقے مغربی آذربائیجان سے گرفتار کیا گیا تھا۔

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 24, 2022
گیلپ سروے:81 فیصد پاکستانیوں نے ملک میں سیلاب کی وجہ موسمیاتی تبدیلیوں کو قرار دیدیا

گیلپ پاکستان کے سروے کے مطابق 81 فیصد پاکستانیوں نے ملک میں سیلاب کی وجہ موسمیاتی تبدیلیوں کو قرار دے دیا،اسی فیصد کا کہنا ہے کہ انھوں نے اپنی زندگی میں کبھی ایسے سیلاب کا سامنا نہیں کیا، جب کہ دس میں سے سات پاکستانی حالیہ سیلاب سے ہونے والے مالی نقصانات پر پریشان ہیں۔

باغی ٹی وی : گیلپ پاکستان کی جانب سے عوام کی آرا پر مبنی نیا سروے جاری کیا گیا ہے جس میں تقریباً ایک ہزار افراد نے حصہ لیا۔ یہ سروے یکم ستمبر سے 16 ستمبر کے درمیانی عرصے میں کیا گیا۔

آنجہانی ملکہ الزبتھ دوم کے تابوت پر شاہی تاج توجہ کا مرکز رہا

سروے کے مطابق 80 فیصد عوام نے سیلاب کے متعلق اپنے خیالات کا اظہار کرتے ہوئے کہا کہ رواں سال جیسا سیلاب پہلے کبھی نہیں آیا ہے جبکہ 81 فیصد پاکستانیوں نے ملک میں سیلاب کی وجہ موسمیاتی تبدیلیوں کو قرار دے دیا۔

بھارت کو بڑی سفارتی ناکامی کا سامنا،کینیڈا میں ریفرنڈم آج ہوگا

سروے کے مطابق 70 فیصد پاکستانی سیلاب کے باعث مالی نقصانات اور 58 فیصد کھیتوں اور فصلوں کو پہنچنے والے نقصان پر شدید پریشان نظر آئے جبکہ 51 فیصد مویشیوں کے نقصان پر بات کی 5 فیصد نے بھاری جانی نقصان دیکھا۔ 15 فیصد نے دوسرے نقصانات کے بارے میں بات کی جب ان سے پوچھا گیا کہ کیا نقصانات درختوں کی کٹائی کا نتیجہ ہیں تو 70 فیصد نے اتفاق کیا جبکہ 30 فیصد نے اس سے اختلاف کیا۔

شام:کشتی ڈوبنے سے 45 بچوں سمیت 76 افراد ہلاک

ستمبر 24, 2022
ڈالر سمیت غیرملکی کرنسیز کی نقد خریدوفروخت پر پابندی عائد

اسٹیٹ بینک نے ڈالر سمیت ديگر غیرملکی کرنسیزکی نقد خرید و فروخت پر پابندی لگادی ہے۔اطلاعات کے مطابق حکام کے مطابق 2 ہزارڈالر يا اسکے مساوی دیگرغیرملکی کرنسی کی نقد رقم سے خریدوفروخت ممنوع قرار دے دی گئی ہے۔

اسٹیٹ بینک نے فارن ایکسچینج کمپنیز کو نقد ڈیلنگ سے روکنے کا سرکلرجاری کردیا۔ اعلامیے میں کہا گیا ہے کہ ایکسچینج کمپنیز ڈالر ودیگرکرنسیز کی تجارت بذریعہ چیک کریں۔

حکام کے جانب سے فارن ایکسچینج کمپنیز کو 2 ہزار ڈالر یا اسکے مساوی کرنسی کی خرید وفروخت کسٹمر کے اکاؤنٹ میں کرنے کی ہدايت کی گئی ہے۔اسٹیٹ بینک حکام کا کہنا ہے کہ فیصلے کا مقصد منی چینجرز کے کاروبار میں بینکنگ چینلز کی شمولیت بڑھاناہے جبکہ فاریکس لین دین کو دستاویزی بنانا ہے۔

دوسری جانب متعلقہ حکام کی جانب سے بی کيٹیگری کی ایکسچینج کمپنیز پر کرنسیز کی تجارت کی شرائط مزید سخت کردی گئی ہے۔

انٹر بینک میں 15 روز سے مسلسل مہنگے ہوتے ڈالر کی قدر میں پہلی بار کمی آگئی۔جمعہ کو انٹر بینک میں ڈالر 6 پیسے سستا ہوکر 239 روپے 65 پیسے پر بند ہوا۔ اوپن کرنسی مارکیٹ میں بھی ڈالر کی قیمت فروخت 244 روپے پر آگئی۔اس سے قبل جمعرات کوانٹر بینک میں دن کے اختتام پر ڈالر239.71 روپے پر بند ہوا تھا جب کہ اوپن مارکیٹ میں ڈالر 244 روپے پر بند ہوا تھا۔

کرنسی ڈیلرز کا کہنا تھا کہ پاکستان کے قرضے موخر ہونے اور آئی ایم ایف شرائط نرم ہونے کی توقع پر روپے کو سہارا ملا۔انھوں نے کہا کہ پاکستان کے کرنٹ اکاؤنٹ خسارے میں قابلِ ذکر کمی کا بھی روپے پر مثبت اثر پڑا۔ڈیلرز کا یہ بھی کہنا تھا کہ امپورٹرز کو بینکوں سے ڈالرز دستیاب نہیں،قیمت بڑھتی دیکھ کر ایکسپورٹرز نے اپنے ڈالرز روک لئے تھے۔

کرنسی ڈیلرز کا کہنا تھا کہ سیلاب کے بعد درآمدی ضروریات کے لئے ڈالر کی طلب میں اضافہ ہوا اور آئی ایم ایف کی ایکسچینج ریٹ کو فری فلوٹ رکھنے کی شرط نے بھی صورتحال دشوار کردی۔

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 24, 2022
آرمی چیف جنرل قمر جاوید باجوہ کا بدین میں سیلاب سے متاثرہ علاقوں کا دورہ

آرمی چیف جنرل قمر جاوید باجوہ نے بدین میں سیلاب سے متاثرہ علاقوں کا دورہ کیا۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف نے بدین کے سیلاب متاثرہ علاقوں کا دورہ کر کے امدادی سرگرمیوں کا جائزہ لیا۔

اس دوران آرمی چیف نے ریلیف اور میڈیکل کیمپوں کا بھی دورہ کیا۔آئی ایس پی آر کا کہنا ہے کہ آرمی چیف نے کراچی میں تاجروں سے ملاقات بھی کی۔

آرمی چیف کا اس موقعے پر کہنا تھا کہ کاروباری برادری نے ہمیشہ قدرتی آفات میں بڑھ چڑھ کر مدد کی ہے، کاروباری برادری سیلاب متاثرین کی مدد میں بھی پیش پیش ہے۔

تاجر برادری نے معاشی خوشحالی کے محفوظ ماحول کی فراہمی پر پاک فوج کا شکریہ ادا کیا۔

تاجر برادری نے سیلاب متاثرین کی بحالی کے ہر ممکن تعاون کی یقین دہانی کراتے ہوئے کہا کہ ملک میں محفوظ ماحول کی فراہمی کے لئے پاک فوج کا کردار اور قربانیاں لائیک تحسین ہیں۔

ستمبر 23, 2022
عالمی مارکیٹ میں خام تیل کی قیمتیں فی بیرل 80 ڈالرتک گرگئیں

نیویارک :عالمی مارکیٹ میں خام تیل کی قیمتیں فی بیرل 80 ڈالرتک گرگئیں ہیں لیکن پاکستان میں قیمتیں بلند ہورہی ہیں بلومبرگ کےمطابق آج عالمی مارکیٹ میں تیل کی قیمتیں بہت زیادہ گرگئی ہیں اور اس کی بڑی وجہ روس یوکرین تنازعہ ہے

عالمی مارکیٹ میں تیل کی قیمتوں کی مانٹرنگ کرنے والے اداروں کا کہنا ہے کہ ویسٹ ٹیکساس انٹرمیڈیٹ جمعہ کو جنوری کے بعد پہلی بار 80 ڈالر فی بیرل سے نیچے گرا اور اس میں کمی کے چوتھے ہفتے کے لیے مقرر کیا گیا تھا۔

امریکہ اور دیگراتحادی ملکوں میں کساد بازاری کا ماحول ہے اورتیل کی گرتی ہوئی قیمتوں نے امریکی معیشت کو اور دہچکا دیا ہے ،

دوسری طرف نائیجیریا کے وزیر تیل ٹیمپری سلوا نے کہا کہ اگر خام تیل مزید گرتا ہے تو پیٹرولیم برآمد کرنے والے ممالک کی تنظیم پیداوار میں کمی پر مجبور ہوسکتی ہے۔ گروپ اور اس کے اتحادیوں نے اس ماہ کے شروع میں ایک سال سے زیادہ عرصے میں پہلی سپلائی میں کمی پر اتفاق کیا۔

بلومبرگ کا کہنا ہے کہ روس کے تیل پر یورپی یونین کی جانب سے پابندی عائد کرنے سے آگے مزید حالات خراب ہوسکتے ہیں ۔

اس بحران پر قابوپانے کے لیے علیحدہ طور پر، رکن ممالک بھی ہفتوں کے اندر ایک سیاسی معاہدہ کرنے کی دوڑ میں لگے ہوئے ہیں جو روسی تیل پر قیمت کی حد کو نافذ کرے گا۔ صدر ولادیمیر پوٹن کی جانب سے اس ہفتے یوکرین میں جنگ کو بڑھاتے ہوئے فوجیوں کو متحرک کرنے کا اعلان کرنے کے بعد زور پکڑ گیا۔

ماہرین کا کہنا ہے کہ رواں سال کے آخر تک تیل کی قیمتوں میں 50 فیصد تک کمی آنے کا امکان بھی ظاہر کیا جا رہا ہے۔ مالیاتی ماہرین نے پیش گوئی کی ہے کہ خام تیل کی قیمتیں رواں سال کے اختتام تک 65 ڈالر فی بیرل تک گر جائیں گی۔رپورٹ کے مطابق 2023ء کے اختتام تک خام تیل کی قیمت 45 ڈالر فی بیرل ہونے کی توقعات ہیں۔ رپورٹ میں بتایا گیا ہے کہ کساد بازاری سے محدود ہوتی طلب کے سبب خام تیل کی قیمتیں گر سکتی ہیں۔

رپورٹ میں خام تیل کا آؤٹ لک اوپیک اور دیگر تیل پیدا کرنے والے ممالک کی مداخلت کے بغیر وضع کیا گیا ہے

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 23, 2022
چوہدری پرویز الٰہی نے پنجاب میں نئی بھرتیوں،ملازمین کےلیے مراعات کا اعلان کردیا

لاہور:چوہدری پرویز الٰہی نے پنجاب میں نئی بھرتیوں،ملازمین کےلیے مراعات کا اعلان کردیا،اطلاعات کے مطابق آج کا دن پنجاب کی تاریخ میں ایک زبردست اوربے روزگاروں کے لیے خوشی کا پیغام بن کرآیا ہے،ایک طرف نئی بھرتیوں کا اعلان تو دوسری طرف وزیراعلیٰ پنجاب چودھری پرویز الٰہی نے ٹریفک وارڈنز اور ہائی وے پٹرولنگ پولیس کیلئے خصوصی ا لاؤنس کی منظوری دے دی

اجلاس میں بڑے فیصلے کرتے ہوئے چوہدری پرویز الٰہی نے کہا کہ ٹریفک وارڈنز او رپٹرولنگ پولیس کا خصوصی ا لاؤنس پنجاب پولیس کے برابر ہوگا۔ ٹریفک وارڈنز او رپٹرولنگ پولیس کے لئے مسلم لیگ ن کی حکومت میں کچھ نہیں کیا۔وزیراعلیٰ نے پنجاب فرانزک سائنس ایجنسی میں 142 آسامیوں پر بھرتیوں کی منظوری دے دی

اس اہم اجلاس میں وزیراعلیٰ‌ پنجاب نے محکمہ لوکل گورنمنٹ کے گریڈ 1 سے گریڈ 19تک کے ملازمین کے لئے بھی خصوصی الاؤنس کی منظوری دی ، اس کے ساتھ ساتھ اقلیتوں کے لئے مختلف محکموں میں 19ہزارمنظورشدہ خالی آسامیوں پر بھرتی کی اصولی منظوری دی ،اجلاس میں کانسٹیبل سے سب انسپکٹر تک 24ہزار سے زائد نئی بھرتیوں کی منظوری دی ، اس موقع پر چوہدری پرویزالٰہی نے کہا کہ کانسٹیبل سے سب انسپکٹر تک مرحلہ وار 5ہزارنئی آسامیوں پربتدریج بھرتی کی جائے گی۔

وزیراعلیٰ چودھری پرویزالٰہی نے کانسٹیبل کی3ہزار منظور شدہ خالی آسامیوں پربھی بھرتی کی منظوری دے دی،جبکہ اس کے ساتھ ساتھ ولیس کے لئے آپریشنل گاڑیاں خریدنے کے لئے فنڈز کے اجراء کی منظوری دی
اجلاس میں مراعات کا اعلان کرتے ہوئے چوہدری پرویز الہی نے کہا کہ شہباز شریف کے دور میں پولیس کی ویلفیئر کا کوئی کام نہیں ہوا۔ ان کا کہنا تھا کہ آج اگر پولیس کے پاس گاڑیاں خراب ہیں تو سارا قصور مسلم لیگ ن کی حکومت کا ہے۔چودھری پرویز ا لٰہی نے کہا کہ پٹرولنگ نہ ہونے کے باعث جرائم میں اضافہ ہوا۔نئی آپریشنل گاڑیوں سے پٹرولنگ باقاعدہ ہوگی اور جرائم میں کمی آئے گی۔

چودھری پرویزالٰہی نے اس اجلاس میں پنجاب بورڈ آف انوسٹمنٹ اینڈ ٹریڈ میں بھرتیوں پر پابندی نرم کرنے کی منظوری ، اس کے ساتھ ساتھ وزیراعلیٰ چودھری پرویز الٰہی نے پنجاب بھر میں اربوں روپے کے سینکڑوں ترقیاتی منصوبوں کی منظوری دے دی، صوبہ بھر میں سینکڑوں کلومیٹر طویل سڑکوں کی تعمیر ومرمت کے194پراجیکٹ مکمل کئے جائیں گے

اجلاس میں جنوبی پنجاب کے مختلف اضلاع اور دیگر شہروں میں بلدیات اور ہاؤسنگ اینڈ پبلک ہیلتھ انجینئرنگ کے ترقیاتی منصوبوں کی منظوری دی گئی ، اس کے ساتھ ساتھ پرائمری اینڈ سکینڈری ہیلتھ کیئر کے 4منصوبوں اورسپورٹس کے4پراجیکٹس کی منظوری دی گئی ، اجلاس میں فیصل آباد میں سکول ایجوکیشن کے ترقیاتی منصوبوں کی منظوری دی ، پنجاب ایجوکیشن سیکٹر پراجیکٹ فیز تھری کے88کروڑ روپے کے لیپس فنڈز بحال کرنے کی منظوری دی

چوہدری پرویز الٰہی نے دوران ڈیوٹی جاں بحق ہونے والے لیہ کے لٹریسی موبلائزکے اہل خانہ کے لئے گرانٹ ان ایڈ کی منظوری دی، جبکہ پاپولیشن ویلفیئر ڈیپارٹمنٹ کے نائب قاصد کے 4سالہ بیٹے کے علاج کے لئے مالی امداد کی منظوری دی گئی ، اجلاس میں پنجاب نان فارمل ایجوکیشن پراجیکٹ کے واجبات کی ادائیگی کی منظوری کے ساتھ ساتھ فیصل آ باد کے گاؤں میں ایسوسی ایٹ گرلز کالج کے قیام کی منظوری دی گئی

چوہدری پرویز الٰہی کی صدارت میں ہونے والے اس اجلاس میں فیصلہ کیا گیا کہ پنجاب یونیورسٹی کے شعبہ اکنامکس کواپ گریڈ کیاجائے گا،گورنمنٹ کالج میں گرلز ہوسٹل کے لئے10کروڑ روپے کی گرانٹ کی اصولی منظوری دی ،سمبڑیال کی انجینئر نگ یونیورسٹی کو سالانہ ترقیاتی پروگرام میں شامل کرنے کی منظوری دی گئی ،گھرکی ٹرسٹ ٹیچنگ ہسپتال کے لئے سالانہ 10کروڑ روپے کی گرانٹ ان ایڈ جاری کرنے کا اصولی فیصلہ کیا گیا ،اجلاس میں ورلڈ بینک کی معاونت سے جاری سمارٹ پروگرام کی ری سٹرکچرنگ کی اصولی منظوری دی گئی

اجلاس میں پنجاب پاپولیشن اینوویشن فنڈ کے چیف ایگزیکٹوکی تعیناتی کی منظوری کے ساتھ ساتھ فیملی ویلفیئر سنٹر کے کنٹریکٹ ملازمین کے کنٹریکٹ کو جاری رکھنے کی منظوری بھی دے دی گئی،پنجاب سٹیز گورننس امپورمنٹ پراجیکٹ کے زیر تکمیل منصوبوں کے لئے فنڈز کی فراہمی کا فیصلہ کیا گیا ، جبکہ ڈیٹا بیس اینٹی گریشن پلان برائے مالی سال 2022 تا2025کی منظوری دی گئی ،پنجاب پنشن فنڈز اور پنجاب جنرل پراویڈنٹ انوسٹمنٹ فنڈ کے لئے ایکسٹرنل آڈیٹر کی منظوری دی گئی

اجلاس میں نیشنل ٹیکس کے چوتھے اجلاس کے فیصلوں کے نفاذ کی توثیق کی گئی جبکہ پنجاب لائیوسٹاک بریڈنگ ایکٹ 2014کے تحت نوٹیفکیشن کی منظوری دی گئی ، اس کے ساتھ ساتھ عدالتی احکامات کے مطابق پرسنل اسسٹنٹ کی 4 آسامیوں کو گریڈ 16سے گریڈ 17دینے کی منظوری دی گئی ، موٹرٹرانسپورٹ مینجمنٹ سسٹم ایکسائز اینڈ ٹیکسیشن اینڈ نارکوٹکس کنٹرول ڈیپارٹمنٹ کے ملازمین کی ریگولائزیشن کی منظوری دی گئی

چوہدری پرویز الٰہی کی صدارت میں ہونے والے اجلاس میں ڈیرہ غازی خان میں وہیکل انسپکشن اینڈ سرٹیفکیشن سسٹم کے قیام کے لئے اراضی کی لیزرینٹ کی منظوری بھی دی گئی،وزیراعلیٰ پنجاب چودھری پرویز الٰہی کی زیر صدارت کابینہ سٹینڈنگ کمیٹی برائے فنانس اینڈ ڈویلپمنٹ کا تیسرا اجلاس4 گھنٹے تک جاری رہا ، اس ا جلاس میں مختلف محکموں کے80سے زائد ایجنڈوں کی منظوری دی گئی

اس اجلاس میں‌ سینئر صوبائی وزیر میاں محمد اسلم اقبال، صوبائی وزیرخزانہ محسن لغاری، چیف سیکرٹری عبداللہ خان سنبل،انسپکٹرجنرل پولیس فیصل شاہکار، پرنسپل سیکرٹری وزیراعلیٰ محمد خان بھٹی، سابق پرنسپل سیکرٹری وزیراعلیٰ جی ایم سکندراور محکموں کے سیکرٹریز نے اجلاس میں شرکت کی

سرکاری زمین پر ذاتی سڑکیں، کلب اور سوئمنگ پول بن رہا ہے،ملک کو امراء لوٹ کر کھا گئے،عدالت برہم

جتنی ناانصافی اسلام آباد میں ہے اتنی شاید ہی کسی اور جگہ ہو،عدالت

اسلام آباد میں ریاست کا کہیں وجود ہی نہیں،ایلیٹ پر قانون نافذ نہیں ہوتا ،عدالت کے ریمارکس

ستمبر 23, 2022