Baaghi TV

Tag: پاکستان

  • کراچی اورحیدرآباد کے9 لاکھ والدین نے ویکسین لگوانےسےانکارکردیا

    کراچی اورحیدرآباد کے9 لاکھ والدین نے ویکسین لگوانےسےانکارکردیا

    کراچی :بچوں کو کورونا ویکسین لگانے کے معاملے پر 9 لاکھ والدین نے ویکسین لگوانے سے انکار کردیا ہے۔تفصیلات کے مطابق حیدرآباد اور کراچی کے بچوں میں کورونا ویکسین لگانے کے معاملے پر 9 لاکھ والدین نے کورونا ویکسین لگوانے سے انکار کردیا ہے۔

    محکمہ صحت سندھ کا کہنا ہے کہ کراچی اور حیدر آباد کے 9 لاکھ والدین نے کورونا ویکسین لگوانے سے انکار کردیا ہے۔محکمہ صحت سندھ نے بتایا کہ 19 سے 27 ستمبر تک جاری رہنے والی کورونا ویکسین مہم میں 25 لاکھ بچوں کو کورونا ویکسین لگائی گئی۔

    محکمہ صحت سندھ کا کہنا ہے کہ ضلع وسطی کراچی میں سب سے زیادہ والدین نے کورونا ویکسین لگانسے سے انکار کیا ہے۔محکمہ صحت سندھ کا مزید کہنا ہےکہ انسدادِ کورونا کی خصوصی مہم میں 5 سے 11 سال کے 34 لاکھ بچوں کورونا ویکسین لگانے کا ہدف مقرر کیا گیا تھا۔

    دوسری طرف سندھ کے سیلاب زدہ علاقوں میں وبائی امراض تیزی سے پھیلنے لگے ہیں۔حکومتی ذرائع کے مطابق سندھ کے سیلاب زدہ علاقوں میں ڈائیریا ، ڈینگی، ملیریا سمیت دیگر امراض پھیل گئے ہیں جس کے پیش نظر گز شتہ چوبیس گھنٹوں کے دوران 1 خاتون جاں بحق ہوگئی ہیں۔

    محکمہ صحت سندھ کی جاری کردہ رپورٹ میں بتایا گیا ہے کہ گز شتہ چوبیس گھنٹوں کے دوران ڈائیریا کی وجہ سے 1 خاتون جاںبحق ہوئی جبکہ یکم جولائی سے اب تک ہلاک ہونے والے افراد کی تعداد 340ہوگئی ہے۔

    محکمہ صحت سندھ کا کہنا ہے کہ گز شتہ چوبیس گھنٹوں کے دوران ڈائیریا کے 11ہزار 177 کیسز رپورٹ ہوئے جبکہ یکم جولائی تا آج تک ریلیف کیمپس میں ڈائریا کے 6 لاکھ 60ہزار 15 کیسز رپورٹ ہوچکے ہیں۔محکمہ صحت سندھ نے بتایا کہ گز شتہ چوبیس گھنٹوں کے دوران جلدی امراض کے شکار مزید 11 ہزار 850کیسز رپورٹ ہوئے البتہ یکم جولائی سے آج تک ریلیف کیمپس میں 7 لاکھ 26ہزار 487کیسز رپورٹ ہوچکے ہیں۔

    اسکے علاوہ گزشتہ چوبیس گھنٹوں کے دوران ملیریا کے مزید 661کیسز اور ڈینگی کے مزید 20 کیسز رپورٹ ہوئے ہیں۔حکمہ صحت سندھ کا مزید کہنا ہے کہ مجموعی طور پر 3.26 ملین افراد کو ریلیف کیمپوں میں طبی امداد فراہم کی گئی ہے۔

  • بٹ خیلہ میں فائرنگ سے تین افراد ہلاک

    بٹ خیلہ میں فائرنگ سے تین افراد ہلاک

    پشاور: خیبرپختونخوا میں نامعلوم افراد نے فائرنگ کرکے تین افراد کو موت کے گھاٹ اتار دیا۔ذرائع کے مطابق پاکستان کے صوبہ خیبرپختونخوا میں ایک مرتبہ پھر نامعلوم وجوہات کی بناء تین افراد کو موت کے گھاٹ اتارا گیا ہے۔

    لیویز ذرائع کا کہنا ہے کہ فائرنگ کا واقعہ مٹکنی طوطہ کان کے علاقے میں پیش آیا، جس کے بعد ملزمان جائے وقوعہ سے فرار ہونے میں کامیاب ہوگئے۔ریسکیو اہلکاروں نے مقتولین کی لاشیں پوسٹ مارٹم کے لیے بٹ خیلہ اسپتال منتقل کردی، جہاں مقتولین کی شناخت اختر علی سکنہ پیران، شاہ مراد سکنہ مٹکنی اور انس خان سکنہ طوطہ کان کے نام سے ہوئی ہے۔

    لیوی ذرائع کا کہنا ہے کہ واقعے کی رپورٹ لیویز پوسٹ قلنگی میں درج میں ہوگئی جس کے بعد سیکیورٹی اداروں نے تفتیش جاری شروع کردی۔

    ادھر کوئٹہ کے علاقے جوائنٹ روڈ پر معروف آرتھو پیڈک سرجن ڈاکٹر ناصراچکزئی کے تین بیٹوں کو قتل کرنے والے ملزم کو پولیس نے گرفتارکرلیا۔پولیس حکام کا کہنا ہے کہ کوئٹہ میں تین بھائیوں کے قتل میں چوتھا بھائی ملوث ہیں، سی آئی اے پولیس کی رپورٹ کے مطابق ملزم کا اکثر بھائیوں سے جھگڑا رہتا تھا، جائیداد کا لالچ بھی تھا۔

    پولیس کے مطابق چمن سے تعلق رکھنے والے آرتھو پیڈک سرجن ڈاکٹر ناصر اچکزئی گزشتہ رات فیملی شادی کی تقریب میں شرکت کے بعد جوائنٹ روڈ پر واقع ریلوے ہاؤسنگ سوسائٹی وآپس آرہی تھی کہ گھات لگائے حملہ آور نے گھر کے قریب ان کی گاڑی پر فائرنگ کردی۔

    فائرنگ کے نتیجے میں ڈاکٹر ناصر کے تین بیٹے 20 سالہ موسیٰ زریان، 18 سالہ صدران اور 8 سالہ بیٹا زرنگ موقع پر جاں بحق ہوگئے تھے۔ واقعے کے بعد میتوں کو سول اسپتال کوئٹہ منتقل کیا گیا۔

    جاں بحق افراد کے لواحقین کا کہنا ہے کہ بے رحم قاتل کسی رعایت کے مستحق نہیں، ملزمان کو فوری سخت سزا دلائی جائے۔ایس ایس پی آپریشن عبدالحق عمرانی کے مطابق پولیس نے تین بھائیوں کے قاتل کو گرفتارکرکے اسلحہ بھی برآمد کرلیا ہے، ملزم سے مزید تفتیش جاری ہے۔

    عافیہ صدیقی کی رہائی کیلئے کراچی میں احتجاج

    اچھا ہوتا وزیراعظم اپنی تقریر میں ڈاکٹر عافیہ کا ذکر کرتے۔ حافظ سعد رضوی

     یہودی عبادت گاہ میں ہلاک یرغمالی ملک فیصل اکرم نے ڈاکٹرعافیہ صدیقی کی رہائی کا مطالبہ کیا

    ڈاکٹر عافیہ صدیقی سے ملاقات کروائی جائے، اہلخانہ عدالت پہنچ گئے

  • امریکہ نے پاکستان کو اسلحہ فراہمی سے متعلق بھارتی اعتراض یکسر مسترد کر دیا

    امریکہ نے پاکستان کو اسلحہ فراہمی سے متعلق بھارتی اعتراض یکسر مسترد کر دیا

    امریکہ نے پاکستان کو اسلحہ فراہمی سے متعلق بھارتی اعتراض یکسر مسترد کر دیا ہے-

    باغی ٹی وی : امریکی وزیر خارجہ انٹونی بلنکن نے کہا کہ پاکستان اور خطے کے دیگر ممالک کو دہشت گردی کے خطرات لاحق ہیں،دہشت گردی کے خطرات کسی کے مفاد میں نہیں،پاکستان کو دیے جانے والے ہتھیاروں کو برقرار رکھنا ہماری ذمہ داری ہے-

    پاکستان کو ایف 16 طیاروں کے پرزے فروخت کرنے سے متعلق کانگریس کو آگاہ کردیا ہے،نیڈ پرائس

    امریکی وزیر خارجہ انٹونی بلنکن نے کہا کہ پاکستان کا ایف 16 کا پروگرام دہشت گردی کے خطرات سے نمٹنے کے لیے ہے،ایف 16 پروگرام دہشت گردی سے نمٹنے کی صلاحیت کو تقویت دیتا ہے،پاکستان کے لیے یہ کوئی نئے طیارے،نیا نظام یا نئے ہتھیار نہیں ہیں-

    انٹونی بلنکن نے کہا کہ پاکستان کے ساتھ ایف 16 طیاروں کا ایک پائیدار پروگرا م عرصے سے موجود ہے،ہم جسے بھی فوجی سازو سامان دیتے ہیں اس کو برقرار رکھنا ہمارا فرض ہے-

    واضح رہے کہ امریکی ڈیفنس سکیورٹی کوآپریشن ایجنسی نےایک بیان جاری کرتے ہوئے کہا تھا کہ اس معاہدے کے تحت پاکستان کے پاس پہلے سے موجود ایف 16طیاروں کی مرمت کی جائے گی اور اس سے متعلق ساز و سامان بھی دیا جائے گا تاہم اس میں ہتھیار شامل نہیں ہوں گے۔

    بیان کے مطابق اس سے پاکستان کو دہشتگردی کے خلاف جاری مہم میں مدد ملے گی۔ تاہم امریکہ کا کہنا تھا کہ اس ڈیل سے خطے کا فوجی توازن متاثر نہیں ہو گا۔

    امریکا نے پاکستان کو ایف 16 طیاروں کے سامان اورآلات فروخت کرنےکی منظوری دیدی

    امریکی وزارت دفاع میں انڈو پیسیفک سکیورٹی امور کے اسسٹنٹ سیکریٹری ایلی ریٹنر نے کہا تھا کہ امریکی حکومت کا یہ فیصلہ پاکستان کے ساتھ دفاعی شراکت داری کو بڑھانے کے لیے کیا گیا ہے جس میں بنیادی طور پر دہشت گردی اور جوہری سلامتی پر توجہ دی گئی ہے۔

    خیال رہے کہ انڈیا نے پاکستان کے ساتھ ایف 16 طیاروں کے حوالے سے معاہدے پر سخت اعتراض ظاہر کیا تھا انڈیا نے پاکستان کو ایف 16 کے لیے فراہم کی جانے والی تکنیکی مدد پر تشویش کا اظہار کیا تھا جہاں پاکستان یہ دعویٰ کر رہا ہے کہ یہ مدد انسداد دہشت گردی کی کارروائیوں کے لیے ضروری ہے، وہیں بھارتی حکومت کا الزام ہے کہ پاکستان اس کا استعمال اس کے خلاف کرے گا۔

    امریکہ اپنے ہی بنائے ہوئے ایف 35 میں چین کے بنے ہوئے پرزے سے خائف

  • پنجاب حکومت نے سیلاب متاثرین کیلئے امدادی رقم بڑھا دی

    پنجاب حکومت نے سیلاب متاثرین کیلئے امدادی رقم بڑھا دی

    پنجاب حکومت نے سیلاب متاثرین کیلئے امدادی رقم بڑھا دی،حکومت پنجاب نے سیلاب متاثرین کیلئے امدادی رقم میں دو لاکھ سے 3 لاکھ روپے اضافہ کردیا۔

    اعلامیے کے مطابق جاں بحق افراد کے ورثا کو 8 لاکھ کے بجائے 10 لاکھ روپے دیے جائیں گے جبکہ شدید زخمی افراد، مکمل تباہ اور جزوی تباہ ہونے والے گھروں کے متاثرین کی امداد رقم میں بھی اضافہ کردیا گیا۔

    سیلاب میں شدید زخمی ہونے والوں کی امداد 3 لاکھ مقرر کردی گئی جبکہ سیلاب میں مکمل تباہ ہونے والے گھروں کے افراد کی امداد ایک لاکھ سے بڑھا کر 4 لاکھ کر دی گئی۔جزوی متاثرہ گھروں کی مالی امداد 40 ہزار سے بڑھا کر دو لاکھ کر دی گئی،مویشیوں کی ہلاکت پر بڑے جانور کے فی کس نقصان کی مالی امداد 20 ہزار سے بڑھا کر 75 ہزار کر دی گئی ہے۔

    خیال رہے کہ پنجاب میں سیلاب کے باعث 3 اضلاع راجن پور ،ڈی جی خان اور میانوالی سب سے زیادہ متاثر ہوئے، تینوں اضلاع میں 37 یونین کونسلز کے 236 موضع جات متاثر ہوئے۔حکام کے مطابق ان تین اضلاع میں 4 لاکھ ایک ہزار 977 ایکڑ رقبہ متاثر ہوا جبکہ ایک لاکھ 78 ہزار 186ایکڑ پر موجود فصلیں تباہ ہوئیں۔

    دوسری طرف وزیراعلیٰ پنجاب چوہدری پرویزالہیٰ نے کہا ہے کہ پنجاب میں نئے سیاحتی مقامات متعارف کرائے جارہے ہیں۔وزیراعلیٰ پرویزالہیٰ نے سیاحت کے عالمی دن پر پیغام دیتے ہوئے کہا کہ پاکستان قدرتی خوبصورتی، مذہبی سیاحت اور تاریخی مقامات سے مالامال ہے۔‘عالمی یوم سیاحت منانے کا مقصد پنجاب میں سیاحت کا فروغ ہے’

    انہوں نے کہا کہ عالمی یوم سیاحت منانے کا مقصد پنجاب میں سیاحت کا فروغ ہے، پنجاب میں نئے سیاحتی مقامات متعارف کرائے جا رہے ہیں، پنجاب کے سیاحتی مقامات غیر ملکی اور ملکی سیاحوں کے لئے یکساں دلچسپی کا باعث ہیں۔

    پرویزالہیٰ نے کہا کہ سیاحت سے نہ صرف مقامی ثقافت بلکہ معیشت بھی فروغ پاتی ہے، سیاحت کے فروغ سے مقامی لوگوں کو روزگار کے مواقع ملتے ہیں۔

  • کراچی پولیس نے 48 گھنٹوں کے اندرقاتل اوردیگرملزمان کوگرفتارکرلیا

    کراچی پولیس نے 48 گھنٹوں کے اندرقاتل اوردیگرملزمان کوگرفتارکرلیا

    کراچی:کراچی پولیس نے 48 گھنٹوں کے اندرقاتل اوردیگرملزمان کوگرفتارکرلیا ،تفسیلات میں بتایا گیاہے کہ قتل میں ملوث چار ملزمان کے علاوہ اقدام قتل میں ملوث ملزم اور ایک مفرور لینڈ گریبر گرفتار

    جناب ایس ایس پی صاحب انوسٹی گیشن کی سربراہی میں تفتیشی ٹیم کیماڑی کی جرائم پیشہ عناصر کے خلاف کاروائیاں جاری ہیں ، پولیس حکام کے مطابق پہلی کاروائی میں تفتیشی ٹیم تھانہ اتحاد ٹاؤن نے عمدہ کارکردگی کا مظاہرہ کرتے ہوئے 48 گھنٹوں کے اندر خاتون کے قتل میں ملوث سسرالیوں کو گرفتارکر لیا

    مورخہ 2022-09-25 کو تھانہ اتحاد ٹاؤن کے علاقے میں گھر سے 18 سالہ خاتون سائرہ بی بی کی تشدد زدہ لاش ملی۔خاتون کو شدید تشدد کا نشانہ بناتے ہوئے قتل کیا گیا تھا۔

    واقعہ کا مقدمہ الزام نمبر 457/2022 بجرم دفعہ 302/34 ت پ مقتولہ کے بھائی عبد الظاہر کی مدعیت میں مقتولہ کے شوہر عبدالغفور، ساس گل بی بی عرف حلیمہ اور دیوروں عبدالواسع، عبدالمنان اور عبدالودود کے خلاف درج کیا گیا۔وقوعہ کے بعد ملزمان موقع سے فرار ہونے میں کامیاب ہو گئے تھے۔

    جناب ایس ایس پی صاحب کی جانب سے SIO اتحاد ٹاؤن سب انسپکٹر شوکت اعوان کی سربراہی میں تشکیل کردہ ٹیم نے تکنیکی ذرائع کی مدد سے چار ملزمان عبدالواسع، عبدالمنان، عبدالودود اور مسمات گل بی بی عرف حلیمہ کو گرفتارکر لیا۔مقتولہ کا شوہر عبدالغفور تاحال مفرور ہے جس کی تلاش جاری ہے۔

    دوسری کاروائی میں تفتیشی ٹیم تھانہ مدینہ کالونی نے اقدام قتل کے مقدمہ میں نامزد ملزم کو گرفتارکر کے واردات کی استعمالی پستول برآمد کر لی۔مورخہ 2022-09-22 کو ملزم ذیشان نے جان سے مارنے کی نیت سے محسن اکبر کو آتشی اسلحہ سے فائر کرکے زخمی کردیا تھا۔

    واقعہ کا مقدمہ الزام نمبر 381/2022 بجرم دفعہ 324 ت پ تھانہ مدینہ کالونی میں درج کیا گیا تھا۔واردات کے بعد ملزم نے پستول قبرستان میں ایک کچی قبر کے پاس مٹی میں چھپا دی تھی۔

    گرفتار ملزم ذیشان کی نشاندھی پر تفتیشی ٹیم تھانہ مدینہ کالونی نے واردات میں استعمال ہونے والی پستول برآمد کر لی۔ملزم کے خلاف برآمدہ پستول کا مقدمہ تفتیشی افسر کی مدعیت میں درج کر لیا گیا۔تیسری کاروائی میں تفتیشی ٹیم تھانہ موچکو نے کاروائی کرتے ہوئے مفرور لینڈ گریبر کو گرفتارکر لیا۔

    گرفتار ملزم سلام کے خلاف تھانہ موچکو میں مقدمہ الزام نمبر 175/2022 بجرم دفعہ 448/506/427/34 ت پ درج تھا۔

  • حالات نےمجبورکیا توجوہری ہتھیاراستعمال کرنےسےگریزنہیں کریں گے:روس

    حالات نےمجبورکیا توجوہری ہتھیاراستعمال کرنےسےگریزنہیں کریں گے:روس

    جوہری ہتھیار استعمال کرنے کا حق حاصل ہے، روس نے خبردار کردیا،اطلاعات کے مطابق روس نے ایک بار پھر دنیا پر واضح کردیا ہے کہ ماسکو اور اس کے اتحادیوں کے خلاف جارحیت کے جواب میں وہ جوہری ہتھیار استعمال کر سکتا ہے۔

    میڈیا رپورٹ کے مطابق ایک بیان میں روسی سلامتی کونسل کے نائب سربراہ دیمتری میدویدیف نے کہا کہ ماسکو کو اپنے جوہری نظریے کی سختی سے تعمیل کرتے ہوئے ضرورت پڑنے پر جوہری ہتھیار استعمال کرنے کا حق ہے۔

    میدویدیف کے مطابق امریکی صدر جو بائیڈن اور برطانوی وزیرِ اعظم لِزٹرِس کے ساتھ ساتھ دیگر مغربی سیاست دان نفرت کی آگ کو بھڑکارہے ہیں۔انہوں نے کہا کے ایک طرف مغرب کی جانب سے روس سے مطالبہ کیا جا رہا ہے کہ وہ ‘جوہری بٹن’ سے اپنا ہاتھ ہٹا لے ساتھ ہی دھمکی دی جارہی ہے کہ اگر روس نے جوہری ہتھیاروں کا استعمال کیا تو ہمیں تباہ کن نتائج کے لئے تیار رہے۔

    میدویدیف نے انکشاف کیا کہ برطانوی وزیرِاعظم لِز ٹرِس نے روس کے ساتھ جوہری جنگ شروع کرنے کے لیے بھی آمادگی ظاہر کردی ہے۔یہ بھی اطلاعات ہیں کہ اگرجنگ مزید طویل ہوئی تو روس یوکرین کی پشت پناہی کرنے والے ممالک کے خلاف جوہری حملہ کرسکتا ہے تاکہ یوکرین کو دی جانے والی کمک کو روکا جاسکے

  • امریکی تنقید مسترد، چین کا پاکستان کے سیلاب متاثرین کی مدد جاری رکھنے کا اعلان

    امریکی تنقید مسترد، چین کا پاکستان کے سیلاب متاثرین کی مدد جاری رکھنے کا اعلان

    بیجنگ:پاکستان کے دیرینہ دوست چین نے امریکی تنقید کے جواب میں رد عمل دیتے ہوئے کہا ہے کہ سیلاب کے دوران اس مشکل گھڑی میں اپنے دوست ملک کیساتھ ہیں اور ہر ممکن مدد کریں گے۔

    خیال رہے کہ گزشتہ روز وفاقی وزیر خارجہ بلاول بھٹو کی امریکی وزیر خارجہ انٹونی بلنکن سے ملاقات ہوئی تھی جس میں اہم امور پر تبادلہ خیال ہوا تھا، اس دوران امریکی وزیر خارجہ نے بلاول کو کہا تھا کہ سیلاب سے پیدا شدہ صورتحال کے پیش نظر چین سے قرضوں کی ادائیگی میں نرمی پر بات کرے تاکہ پاکستان میں حالات جلد از جلد بہتر ہو سکیں۔

    تاہم چین کی وزارت خارجہ کے ترجمان نے پاکستان کا قرض معاف کرنے یا فی الحال قسطیں معطل کرنے کے سوال کے جواب پر کہا کہ دونوں ممالک کے درمیان نتیجہ خیز اقتصادی اور مالی تعاون رہا ہے اور عوام اچھی طرح جانتے ہیں۔انہوں نے کہا کہ نے کہا کہ جہاں تک سیلاب زدگان کا تعلق ہے تو چین دوست ملک کیساتھ کٹھن وقت میں پوری طرح کھڑا ہے اور سیلاب زدگان کے لیے 56 ملین ڈالر کی امداد کرچکا ہے۔

    ترجمان چینی وزارت خارجہ نے امریکا پر تنقید کرتے ہوئے کہا کہ چین اور پاکستان کے معاملے میں تنقید کرنے کے بجائے امریکا پاکستان کے سیلاب زدگان کے لیے حقیقی اور سود مند امداد کرے۔

    پوری دنیا کو پاکستان کے ساتھ کھڑا ہونا ہوگا،وزیر اعظم

    وزیرخارجہ بلاول  کی میٹا کے عالمی امور کے صدر نک کلیگ سے ملاقات

    سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

    ہ حالیہ بارشوں اور سیلاب سے انسانی المیہ برپا ہوا ہے ۔

  • ٹرانس جینڈر ایکٹ کی متعدد شقیں خلاف شریعت قرار

    ٹرانس جینڈر ایکٹ کی متعدد شقیں خلاف شریعت قرار

    اسلام آباد:اسلامی نظریاتی کونسل نے ٹرانس جینڈر ایکٹ کی متعدد شقوں کو خلاف شریعت قرار دے دیا۔اسلامی نظریاتی کونسل کی جانب سے اعلامیے میں کہا گیا ہے کہ ٹرانس جینڈر ایکٹ نئے معاشرتی مسائل کا باعث بن سکتا ہے۔

    بیان میں کہا گیا ہے کہ قانون کی متعدد شقیں شرعی اصولوں سے ہم آہنگ نہیں ہیں، حکومت قانون کے جائزہ کیلئے ماہرین پر مشتمل کمیٹی تشکیل دے۔چیئرمین ڈاکٹرقبلہ ایازکی زیرصدارت اجلاس میں کمیٹی کے قیام کی سفارش کی گئی۔ کمیٹی ہر پہلو کا جائزہ لے تاکہ موثر قانون سازی کی جا سکے۔

    واضح رہے کہ گزشتہ روز سینیٹ اجلاس میں تحریک انصاف کی سینیٹر فوزیہ ارشد نے خواجہ سراؤں کے تحفظ سے متعلق ترمیمی بل 2022ء پیش کردیا تھا جسے چیئرمین سینیٹ صادق سنجرانی نے ترمیمی بل متعلقہ قائمہ کمیٹی کو بھیج دیا۔

    وزیر قانون اعظم نذیر تارڑ کا کہنا تھا کہ ٹرانس جینڈر ایکٹ کی 3 شقیں زیر بحث ہیں، بل پر سیاست کرنے کے بجائے رہنمائی کی جائے۔ انہوں نے ایوان کو یقین دلایا کہ اس معاملے پر خلاف شریعت کوئی کام نہیں ہوگا۔

    یاد رہے کہ یہ قانون 25 ستمبر 2012 کو سپریم کورٹ کے فیصلے کے بعد بنایا گیا تھا، اس قانون میں کہا گیا تھا کہ خواجہ سراؤں کو وہ تمام حقوق حاصل ہیں جن کی آئین ضمانت دیتا ہے، خواجہ سرا معاشرے کے دیگر افراد کی طرح حسب معمول زندگی گزار سکتے ہیں۔

    چیف جسٹس افتخار محمد چوہدری، جسٹس جواد ایس خواجہ اور جسٹس خلجی عارف حسین پر مشتمل 3 رکنی بینچ نے یہ فیصلہ سنایا تھا، یہ درخواست اسلامی ماہر قانون ڈاکٹر محمد اسلم خاکی کی طرف سے دائر کی گئی تھی، جس میں ‘ہرمافروڈائٹ بچوں’ کی آزادی کی درخواست کی گئی تھی تاکہ وہ بھیک مانگنے، ناچنے اور جسم فروشی کے بجائے ‘باعزت طریقے’ سے زندگی بسر کر سکیں۔

    سماعت کے دوران قائم مقام چیف جسٹس نے مشاہدہ کیا کہ کیس کا اصل مقصد ٹرانسجینڈر کمیونٹی کو ‘حقیقی تحفظ اور حقوق’ فراہم کرنا ہے، قانونی حقوق اُن لوگوں کو ملنے چاہئیں جو اس کے مستحق ہیں۔

    پوری دنیا کو پاکستان کے ساتھ کھڑا ہونا ہوگا،وزیر اعظم

    وزیرخارجہ بلاول  کی میٹا کے عالمی امور کے صدر نک کلیگ سے ملاقات

    ہ حالیہ بارشوں اور سیلاب سے انسانی المیہ برپا ہوا ہے ۔

  • عالمی برادری کوپاکستان میں سیلاب کی تباہی سےآگاہ کیا؛سب نےمددکرنےکی یقین دہانی کرائی: شہبازشریف

    عالمی برادری کوپاکستان میں سیلاب کی تباہی سےآگاہ کیا؛سب نےمددکرنےکی یقین دہانی کرائی: شہبازشریف

    اسلام آباد: عالمی برادری کوپاکستان میں سیلاب کی تباہی سے آگاہ کیا؛سب نے مدد کرنے کی یقین دہانی کرائی: اطلاعات کے مطابق اپنے دورہ امریکا اور اقوام متحدہ اسمبلی میں خطاب سے متعلق نیوز کانفرنس کرتے ہوئے شہباز شریف نے کہا کہ سمرقند میں حوصلہ افزا میٹنگ ہوئیں، چین، روس کے صدور سے بھی ملاقاتیں ہوئیں، سیلاب نے بہت تباہی مچائی،سمرقند میں عالمی لیڈروں کوسیلاب کی تباہی بارے آگاہ کیا، عالمی برادری نے مکمل تعاون کی یقین دہانی کرائی، نیویارک میں بھی عالمی رہنماؤں سے ملاقاتیں ہوئیں۔

    انہوں نے کہا کہ سیلاب سے 1600 سے زائد افراد جاں بحق ہوئے، قدرتی آفت سے 30 ارب ڈالر کے لگ بھگ نقصانات ہوئے ہیں، جس کا میں نے ہر اجلاس میں چاہے وہ ایران کے صدر یا فرانس کے صدر، بیلجیم اور جاپان کے وزرائے اعظم ہوں اور امریکی صدر جوبائیڈن سےبھی ملاقات کی اور پاکستان کے ساتھ اظہار ہمدردی پر ان کا شکریہ ادا کیا۔ جنرل اسمبلی میں کشمیر، اسلاموفوبیا، فلسطین کے حوالے سے پاکستان کا موقف پیش کیا،مقبوضہ کشمیرمیں مسلمانوں کے ساتھ ظلم کیا جارہا ہے،کاربن کے اخراج میں پاکستان کا حصہ ایک فیصد سے بھی کم ہے، جنرل اسمبلی میں پاکستان کا بھرپورموقف پیش کیا، بلاول بھٹوکی بھرپورمعاونت شامل تھی۔ کاربن کے اخراج میں پاکستان کا حصہ ایک فیصد سے بھی کم ہے،پاکستان میں سیلاب ہمارے ناکردہ گناہوں کی سزا ہے۔

    وزیراعظم کا کہنا تھا کہ گزشتہ حکومت میں خارجہ پالیسی کا بیڑہ غرق کیا گیا،آج پاکستان عالمی تنہائی سے باہر نکل آیا ہے،گواہ ہوں دوست ممالک نے جوالفاظ کیے اسے دہرا نہیں سکتا، دوست ممالک نے وہ الفاظ بتائے توآپ لوگوں کو پسینہ آجائے گا،عمران خان اپنے آپ کو آئن اسٹائن اور عقل کل سمجھتے تھے، اب موجودہ حکومت نے باہمی اتحاد سے ملک کوعالمی تنہائی سے نکال دیا ہے، پلے کچھ نہ ہونا، مظاہرہ ایسے کرنا جیسے عالمی پہلوان ہو،ملکی معیشت کا آپ نے جنازہ نکال دیا، دوست ممالک کے سربراہان کوآپ ایسے ملتے ہیں جیسے وہ آپ سے امداد مانگنے آئے ہوں۔

    آڈیو لیکس سے متعلق وزیر اعظم نے کہا کہ آڈیولیکس کامعاملہ بہت سنجیدہ ہے، اس طرح کے سیکیورٹی بریچ بہت بڑا سوالیہ نشان ہیں، یہ وزیراعظم ہاؤس کی نہیں ریاست پاکستان کے وقارکی بات ہے، اس معاملے پر کمیٹی بنارہا ہوں، جو اس معاملے کی تہہ تک پہنچےگی، حقائق عوام کے سامنے رکھیں گے۔وزیر اعظم نے کہا کہ مریم نواز نے مجھ سے اپنے داماد کے لیے سفارش کا نہیں کہا، مریم نواز نے مشینری مریم نواز کے داماد نے آدھی مشینری عمران خان دور میں منگوائی تھی، اگر کوئی فیور دی ہے تو جو سزا دیں گے قبول کرلوں گا۔

    شہباز شریف نے کہا کہ پاکستان نیوکلیئرطاقت ہے کوئی میلی آنکھ سے نہیں دیکھ سکتا،گزشتہ حکومت نے معیشت کا حلیہ بگاڑدیا، تنکا تنکا جوڑ رہے ہیں، ٹانگ پر ٹانگ رکھ کر بھاشن دینے سے نہیں، باہمی احترام سے دوسروں سے بات کرنی چاہیے، ایک ہاتھ میں کشکول اوردوسرے ہاتھ سے آپ دوسروں کودھتکاررہے ہو،برطانیہ کی دعوت پر ملکہ الزبتھ کی آخری رسومات پر گیا تھا، پرنس چارلس نے پاکستان کے حوالے سے بڑے اچھے الفاظ ادا کیے،پرنس چارلس نے سیلاب کے حوالے سے بھی ہمدردی کا اظہارکیا، برطانیہ نے15ملین پاؤنڈ امداد دینے کا اعلان کیا ہے۔

    ان کا کہنا تھا کہ بھارت کے اندر مسلمانوں کے ساتھ جو ناروا سلوک ہے، اس کی بھرپور مذمت کی اور بتایا وہاں مسلمانوں کی زندگی تنگ ہے، کشمیر کے اندر ظلم وستم جاری ہے، 5 اگست 2019 کو خصوصی آرٹیکل ختم کردیا ہے اور اسی طرح ہم نے پاکستان کا مؤقف بھرپور پیش کیا، جس میں وزیرخارجہ بلاول بھٹو میرے ساتھ تھے، ان کے علاوہ شیری رحمٰن اور مریم اورنگزیب کی کاوشیں تھیں۔

  • لاہورمیں بارش نےپاکستان اورانگلینڈ کےپریکٹس میچ کوتہس نہس کردیا

    لاہورمیں بارش نےپاکستان اورانگلینڈ کےپریکٹس میچ کوتہس نہس کردیا

    لاہور:تیز بارش نے رنگ میں بھنگ ڈال دیا، پاکستان اور انگلینڈ کی ٹیموں کا آج شام کا پریکٹس سیشن اور پریس کانفرنس منسوخ کردی گئی۔

    اطلاعات کے مطابق نشتر پارک اسپورٹس کمپلیکس میں قذافی اسٹیڈیم واقع ہے جہاں تیز بارش کا سلسلہ جاری ہے۔ گراؤنڈ اسٹاف نے بارش شروع ہونے پر میچ اور پریکٹس کے لیے تیار پچز کو فوری طورپر کوروز سے ڈھانپ دیا تاہم گراؤنڈ گیلا ہونے پر دونوں ٹیموں کا پریکٹس سیشن ختم کرنے کا اعلان کردیا گیا۔ آج دونوں ٹیمیں ہوٹل میں آرام کریں گی۔

     

    قومی ٹیم کے مینجر نے شام چھ بجے کے بعد شیڈول پریس کانفرنس منسوخ کرنے کی تصدیق کی ہے۔ نیشنل ہائی پرفارمنس سینٹر کے انڈور باب وولمر ہال میں کھلاڑیوں کی پریکٹس کا آپشن موجود تھا تاہم اسے زیر غور نہیں لایا گیا۔

    محکمہ موسمیات نے آج اور کل بارش کی پیش گوئی نہیں کی تھی۔ اچانک بارش آنے پر پی سی بی اسٹاف کے ساتھ سکیورٹی پر مامور اہل کاروں کی بھی دوڑیں لگ گئیں۔ محکمہ موسمیات کی پیش گوئی کے مطابق کل بارش کا امکان نہیں اور مطلع صاف رہے گا۔