Tag: پاکستان

اسلام آبااد:آڈیو لیکس، تحقیقات کروائیں گے۔وفاقی وزیر داخلہ نے یہ اعلان اس وقت کیا جب پورے ملک سے اس واقعہ کی تہہ تک پہنچنے کا مطالبات بڑھ رہے تھے

آڈیو لیگ کے معاملے پر وفاقی وزیرداخلہ رانا ثنااللہ نے ردعمل دیتے ہوئے کہا ہے کہ ہو سکتا ہے یہ باتیں پارلیمنٹ لاجز یا اسپیکرچیمبر میں کی ہوں اور وہاں سے لیک ہوئی ہوں، ان کا یہ بھی کہنا تھا کہ فون ہیک ہونا کوئی راکٹ سائنس نہیں ہے،

وفاقی وزیرداخلہ رانا ثنااللہ نے اس حوالے سے گفتگوکرتے ہوئے کہا کہ کہ ‏ہو سکتا ہے کسی کا فون ہیک ہوا ہو اور باتیں ریکارڈ کی ہوں،آڈیو لیکس میں کوئی سیریس باتیں نہیں تھیں اس لیے احتیاط نہیں برتی گئی، آڈیو لیکس پر وزیر اعظم نے نوٹس لیا ہے، کل مشاورت ہوگی، یہ بھی ان کا کہنا تھا کہ آڈیو لیکس پر تحقیقات کاآغاز کیا جائے گا،

ان کا یہ بھی کہنا تھا کہ وزیر اعظم ہاؤس کی سیکیورٹی میں سے کوئی شخص ہو سکتا ہے،تحقیقات ہونے دیں ،اسکے بعد کارروائی کریں گے،وزیرداخلہ رانا ثنااللہ
آڈیو لیگ کے معاملے پر کہہ رہے تھے کہ ہو سکتا ہے یہ باتیں پارلیمنٹ لاجز یا اسپیکرچیمبر میں کی ہوں اور وہاں سے لیک ہوئی ہوں

یاد رہے کہ وزیراعظم ہاؤس کی مبینہ آڈیو لیک نے سکیورٹی پر سوالیہ نشان لگا دئیے، پاکستان مسلم لیگ نواز کی سینئر قیادت کے درمیان مبینہ طور پر ہونے والی گفتگو کا ایک آڈیو کلپ لیک ہو گیا ہے۔

آڈیو لیک میں مبینہ طور پر وزیر اعظم شہباز شریف، وزیر داخلہ رانا ثناء اللہ، وزیر دفاع خواجہ محمد آصف، سردار ایاز صادق ،احسن اقبال ،اعظم نذیر تارڑ و دیگر کی آوازیں شامل ہیں، دوران آڈیو میں قومی اسمبلی سے پی ٹی آئی کے استعفوں کی منظوری کے حوالے سے بات چیت کی گئی۔

آڈیو کلپ میں مسلم لیگ ن کے رہنماؤں کو مبینہ طور پر پی ٹی آئی کے استعفوں پر اپنی رائے دیتے ہوئے اور استعفوں کو قبول کرنے کے لئے لندن سے اجازت مانگتے ہوئے سنا جا سکتا ہے۔
لیک ہونیوالے آڈیو کلپ میں وزیر قانون اعظم نذیر تارڑ نے کہا کہ30 , 30 ارکان کو نوٹس دے رہے ہیں، ایاز صادق کا کہنا تھا کہ لسٹ بنا کر دیں گے کس کس کو ملنا ہے، لیڈر شپ اپروول دے دی۔

وفاقی وزیر داخلہ نے کہا کہ 6 تاریخ کو کن 30 لوگوں نے پیش ہونا ہے، ان میں سے 6،7 کے استعفے قبول کرلیں گے جس پر ایاز صادق نے کہا کہ جن کے استعفے قبول نہیں کرنے کہہ دینگے دستخط ٹھیک نہیں تھے۔

واضح رہے کہ لیک ہونے والی آڈیو کلپ نے خطرے کی گھنٹی بجائی ہے اور وزیراعظم ہاؤس کی سکیورٹی پر سوالیہ نشان لگا دیا ہے۔آڈیو لیک ہونے پر سوالات اٹھ رہے ہیں کہ کیا وزیراعظم ہاؤس میں ایسے خفیہ ریکارڈنگ سسٹم لگے ہوئے ہیں جنہیں حکومتی ارکان بھی نہیں جانتے؟۔

اسلام آباد: دبئی پورٹ ورلڈ کے چیئرمین  نے صدر مملکت عارف الرحمن علوی سے ملاقات کی ہے اورپاکستان میں سیلاب سے ہونے والی تباہی پرافسوس کا اظہارکیا ہے ،

دبئی پورٹ ورلڈ کے چیئرمین شیخ احمد سلطان بن سلیم نے اس موقع پر صدر مملکت سے گفتگو کرتے ہوئے کہا ہے کہ دبئی پورٹ ورلڈ پاکستان میں سرمایہ کاری کا ارادہ رکھتی ہے، ان کا یہ بھی کہنا تھا کہ وہ بہت جلد پاکستان میں سرمایہ کاری کے حوالے سے مزید وزٹ کریں گے

دبئی پورٹس ورلڈ، اسلامی جمہوریہ پاکستان کے بڑے حصوں کو متاثر کرنے والے سیلاب اور طوفانی بارشوں کے بعد امدادی کوششوں کی حمایت کرتا ہے اور پاکستان آرمی فلڈ ریلیف اکاؤنٹ میں 2.5 ملین ڈالر کے عطیہ کا اعلان کیا ہے۔ pic.twitter.com/2CVSCPwjn9

— UAE Embassy PK (@uaeembassyisb) September 25, 2022

یاد رہے کہ اس سے پہلے چیف آف آرمی اسٹاف جنرل قمر جاوید باجوہ سے دبئی پورٹ ورلڈ کے چیئرمین شیخ احمد سلطان بن سلیم کی ملاقات ہوئی ہے۔پاک فوج کے شعبہ تعلقات عامہ (آئی ایس پی آر) کے مطابق چیف آف آرمی اسٹاف جنرل قمر جاوید باجوہ سے دبئی پورٹ ورلڈ کے چیئرمین شیخ احمد سلطان بن سلیم کی ملاقات ہوئی ہے۔

آئی ایس پی آر نے بتایا کہ ملاقات میں سیلاب کی تباہ کاریوں،امدادی کوششوں اوربحالی کے امورپرتبادلہ خیال کیا گیا۔آئی ایس پی آر کا کہنا ہے کہ شیخ سلطان نے سندھ میں سیلاب سے متاثرہ علاقوں کا بھی دورہ کیا اور آرمی ریلیف فنڈ میں25لاکھ ڈالر کا عطیہ بھی کیا۔

آئی ایس پی آر نے بتایا کہ شیخ سلطان نے سیلاب متاثرہ علاقوں میں پاک فوج کی امدادی کوششوں کوسراہا اور کہا کہ یواے ای اوراسکی قیادت مصیبت کی اس گھڑی میں پاکستانی عوام کیساتھ ہے۔ آئی ایس پی آر کا کہنا تھا کہ آرمی چیف کا بروقت تعاون پرشیخ سلطان سے اظہار تشکر کیا گیا جبکہ ملاقات میں اقتصادی ترقی سے متعلقہ امور بھی زیرغورآئے۔

آئی ایس پی آر نے کہا کہ شیخ سلطان نے مستقبل میں اپنے ادارے کی سرمایہ کاری کا بھی عندیہ دیا اور فلڈ ریلیف کوششوں کیلئے مزید عطیہ کنندگان کولانےکی بھی پیشکش کی ہے۔آئی ایس پی آر کا مزید کہنا ہے کہ شیخ سلطان نے دورےکے انتظامات کرنے پرفخرعالم کا بھی شکریہ ادا کیا۔

دبئی پورٹس ورلڈ، اسلامی جمہوریہ پاکستان کے بڑے حصوں کو متاثر کرنے والے سیلاب اور طوفانی بارشوں کے بعد امدادی کوششوں کی حمایت کرتا ہے اور پاکستان آرمی فلڈ ریلیف اکاؤنٹ میں 2.5 ملین ڈالر کے عطیہ کا اعلان کیا ہے۔

اسلام آباد:وفاقی وزیر اطلاعات و نشریات مریم اورنگزیب نے کرک میں پی ٹی آئی کے چیئرمین عمران خان کے خطاب کو بےشرمی قرار دیتے ہوئے کہا ہے کہ آڈیو ثبوت ہے کہ کوئی غیر قانونی کام نہیں ہوا، نہ ہی کسی کو کوئی ناجائز فائدہ پہنچایا گیا، بھارت سے بجلی کا پلانٹ عمران خان کی حکومت کی پالیسی اور قانون کے مطابق آیا، عمران صاحب ہائوسنگ سوسائٹی کے گرڈ اسٹیشن کی تنصیب کے بارے میں 18 جولائی 2020ء کا ہائی کورٹ ملتان بینچ کا فیصلہ پڑھ لیں۔

اتوار کو اپنے ایک بیان میں انہوں نے کہا کہ فارن فنڈنگ کے عوض پاکستان کی آزادی، خودمختاری اور معیشت کا سودا کرنے والا چیخیں مار رہا ہے ، ‎رومیتہ شیٹی ، اندردوسانج جیسے بھارتیوں سے فارن فنڈنگ لینے والا آج چیخیں مار رہا ہے ، اسے غصہ اس بات کا ہے کہ شہباز شریف نے کوئی پالیسی بدلی نہ زمین مانگی اور نہ ہی 5 قیراط کے ہیرے مانگے، ‎کوئی غیرقانونی کام نہ ہونے پر عمران خان غصے سے پاگل ہوگئے ہیں ۔

انہوں نے کہا کہ ‎عمران خان کو غصہ اور تکلیف ہی یہ ہے کہ آڈیو سے بھی کوئی غیرقانونی چیز برآمد نہ ہوسکی ۔ انہوں نے کہا کہ ‎ عمران خان کو غصہ اور تکلیف ہے کہ آڈیو میں بشری بی بی کے پانچ کیرٹ ہیرے کا ذکر نہیں۔ انہوں نے کہا کہ ‎خیرات کے پیسے اپنی ذات اور سیاست کے لئے استعمال کرتے رنگے ہاتھوں پکڑے جانے والے کا چیخنا چلانا بنتا ہے۔ مریم اورنگزیب نے کہا کہ ‎ 190 ملین پائونڈ ”بند لفافے“ میں پانچ قیراط کی انگوٹھی دینے والے کو ”عطیہ“ کرنے جیسا کوئی کام نہیں ہوا، ‎پانچ قیراط ہیرے کے لئے حکومتی پالیسی بدلنے والا آج دوسروں پر بہتان تراشی کررہا ہے ۔

انہوں نے کہا کہ 458کنال زمین کے لئے حکومتی پالیسی بنانے والا ہمیشہ کی طرح آج بھی جھوٹ بول رہا ہے۔ انہوں نے کہا کہ ‎توشہ خانہ کی پالیسی بدل کر کروڑوں روپے کی تین گھڑیوں سے منافع کمانے والاجھوٹ بولنے سے پہلے آئینہ دیکھ لیا کرے ۔ مریم اورنگزیب نے کہا کہ ‎اس آڈیو میں شوکت ترین اور آپ کے صوبائی وزرا کی پاکستان دشمن سازش جیسی کوئی بات نہیں نکلی۔