Tag: پاکستان

ملک میں رمضان المبارک کے آغاز کی ممکنہ تاریخ سامنے آگئی۔

کیلنڈر کےمطابق برکتوں والےمہینےکا آغاز 20 یا 21 فروری 2026 کو ہونےکی توقع ہے،جس کا مطلب ہے کہ اب رمضان المبارک کی آمد میں محض 60 سے 61 دن باقی رہ گئے ہیں،اگررجب اورشعبان،دونوں مہینے اپنےمقررہ دن پورے کرتے ہیں تو فروری کے تیسرے ہفتے میں پہلا روزہ ہونے کا امکان ہے،تاہم حتمی اعلان رویتِ ہلال کمیٹی چاند دیکھنے کے بعد ہی کرے گی۔

کیلنڈر کےمطابق اگررمضان المبارک کے 30 روزےپورے ہوئےتو عید الفطر 22 مارچ 2026 بروز اتوارکو ہونے کا امکان ہے،تاہم 29 روزے ہونےکی صورت میں عید 21 مارچ بروز ہفتہ کو منائی جا سکتی ہے،عید کی حتمی تاریخ کا اعلان شوال کا چاند نظر آنے کے بعد رویتِ ہلال کمیٹی کرے گی۔

چیف آف ڈیفنس فورسز فیلڈ مارشل سید عاصم منیر کا نیشنل ڈیفنس یونیورسٹی کا دورہ،

واضح رہے ملک میں رجب المرجب کا چاند نظر آنے کے بعد رمضان المبارک کی گنتی شروع ہوگئی ہے،کیونکہ رجب کے بعد شعبان، اور پھر رمضان المبارک آتا ہے-

جہیز پر پابندی کا بل مسترد کر دیا گیا

اسلام آباد: پاکستان اور بنگلہ دیش کے درمیان ٹیکس تعاون اور دوطرفہ معاشی تعلقات کو مزید مضبوط بنانے کے لیے بنگلہ دیش کے ہائی کمشنر اور نیشنل بورڈ آف ریونیو (این بی آر) کے اعلیٰ سطحی وفد نے فیڈرل بورڈ آف ریونیو (ایف بی آر) کا دورہ کیا ہے۔

وفد کی قیادت این بی آر کے رکن انٹرنیشنل ٹیکسز محمد لطفل عظیم کر رہے ہیں جبکہ وفد میں رکن ٹیکس ایڈمنسٹریشن جی ایم عبد الکلام کائیکوباد، بیریسٹر متصم بلال فاروقی فرسٹ سیکریٹری ٹیکس پالیسی، محمد عبد الرکیب کمشنر آف ٹیکسز، محمد جعفر امام فرسٹ سیکریٹری ٹیکس پالیسی، دیوان محمد غلام کبریا سیکنڈ سیکریٹری اور عتیق الاسلام سینئر اسسٹنٹ سیکریٹری شامل ہیں۔

دورے کے پہلے روز بنگلہ دیشی وفد کا استقبال ایف بی آر کے ممبر ایڈمنسٹریشن اقبال خان اور ڈائریکٹر جنرل انٹرنیشنل ٹیکسز آفتاب عالم نے کیا ،فیڈرل بورڈ آف ریونیو(ایف بی ڑر)کے مطابق اس موقع پر بنگلہ دیش کے ہائی کمشنر/سفیر محمد اقبال حسین خان نے چیئرمین ایف بی آر رشید محمود لنگڑیال سے ملاقات کی ہے-

افغانستان کی نئی ٹی ٹوئنٹی لیگ متعارف

اس ملاقات میں دونوں رہنماؤں نے پاکستان اور بنگلہ دیش کے مابین تاریخی اور برادرانہ تعلقات کا اعادہ کیا اور باہمی تجارت کے فروغ کے ساتھ ساتھ معاشی تعاون کو مزید وسعت دینے پر اتفاق کیا ہے،اس موقع پر دونوں فریقین کے درمیان بین الاقوامی ٹیکس کے امور پر تفصیلی تبادلہ خیال ہوا اور تجربات شیئر کیے گئےدونوں جانب سے اس بات پر اتفاق کیا گیا کہ باقاعدہ روابط اور ملاقاتوں کے ذریعے ادارہ جاتی تعاون کو مزید فروغ دیا جائے گا تاکہ دوطرفہ اقتصادی تعلقات کو نئی جہت دی جا سکے۔

ملاقات کے دوران یہ بھی طے پایا کہ دونوں ممالک کی بین الاقوامی ٹیکس سے متعلق تکنیکی ٹیمیں موجودہ ڈبل ٹیکسیشن معاہدے کا جائزہ لیں گی اور اسے بدلتے ہوئے عالمی معیارات سے ہم آہنگ بنانے کے لیے بات چیت کریں گی، اس سلسلے میں عملی پیش رفت کے لیے باقاعدہ مذاکرات اور تکنیکی مشاورت جاری رکھنے پر زور دیا گیا ہے۔

بنگلہ دیش ، بھارت کشیدگی میں اضافہ، دہلی میں قونصلر اور ویزا سروس معطل

پاکستان کے دورے پر آیا ہوا بنگلہ دیش کے نیشنل بورڈ آف ریونیو کا ایک اعلیٰ سطح وفد 26 دسمبر 2025 تک پانچ روزہ سرکاری دورے پر پاکستان رہے گا اس دورے کا مقصد پاکستان اور بنگلہ دیش کے درمیان آمدنی پر ٹیکس سے متعلق دوہرے ٹیکس سے بچاؤ اور مالی بے ضابطگیوں کی روک تھام کے موجودہ کنونشن میں ترمیم کے لیے پروٹوکول پر مذاکرات کا آغاز کرنا ہے۔

پاکستان نے لیبیا کے ساتھ روایتی اسلحہ اور دفاعی سازوسامان کی فراہمی کے لیے ایک کثیر ارب ڈالر کا بڑا برآمدی معاہدہ طے کر لیا ہے، جسے دفاعی اور معاشی حلقوں میں ایک تاریخی پیش رفت قرار دیا جا رہا ہے۔ یہ معاہدہ نہ صرف پاکستان کی دفاعی صنعت کی بڑھتی ہوئی صلاحیتوں کا مظہر ہے بلکہ برآمدات پر مبنی، خود کفیل معیشت کے وژن کی عملی تعبیر بھی سمجھا جا رہا ہے۔

ذرائع کے مطابق اس بڑے دفاعی معاہدے سے دو بنیادی پہلو نمایاں ہوتے ہیں۔ اول، یہ وزیرِاعظم شہباز شریف کی معاشی پالیسیوں اور فیلڈ مارشل عاصم منیر کی قیادت پر اعتماد کا اظہار ہے، جنہوں نے ملکی معیشت کو درآمدات کے بجائے برآمدات کے ذریعے مستحکم کرنے کی حکمتِ عملی اپنائی۔ دوم، یہ معاہدہ ایک جانب پاکستان کی اندرونی صنعتی اور تکنیکی مہارت کو اجاگر کرتا ہے، جبکہ دوسری جانب فیلڈ مارشل عاصم منیر کی بطور سپاہی سفارتکار مدبرانہ ریاستی بصیرت کی عکاسی کرتا ہے۔حالیہ برسوں میں پاکستان نے اپنی مقامی صنعتی بنیاد کی ترقی میں نمایاں کامیابیاں حاصل کی ہیں۔ کان کنی اور معدنیات، مصنوعی ذہانت (AI)، انفارمیشن ٹیکنالوجی، کرپٹو ٹیکنالوجیز، بڑے پیمانے کی صنعت کاری، زراعت اور جدید دفاعی ٹیکنالوجیز کے شعبوں میں پیش رفت نے پاکستان کو خطے میں ایک ابھرتی ہوئی صنعتی طاقت کے طور پر متعارف کرایا ہے۔ انہی کوششوں کا عملی مظاہرہ حال ہی میں معرکہ حق دیکھنے میں آیا، جہاں پاکستان کی مقامی دفاعی مصنوعات کو ملکی و غیر ملکی ماہرین کی جانب سے بھرپور سراہا گیا۔

دفاعی ماہرین کا کہنا ہے کہ پاکستان ماضی میں بھی کئی ممالک کو روایتی اسلحہ اور دفاعی سازوسامان فراہم کرتا رہا ہے، تاہم لیبیا کے ساتھ طے پانے والا یہ معاہدہ اپنے حجم، وسعت اور مالی اثرات کے اعتبار سے غیر معمولی اہمیت رکھتا ہے۔ اس کامیابی کو فیلڈ مارشل عاصم منیر کی غیر معمولی عسکری سفارتکاری اور عالمی سطح پر مؤثر روابط کا نتیجہ قرار دیا جا رہا ہے۔

لیبیا پر اقوامِ متحدہ کی جانب سے عائد اسلحہ پابندی کے حوالے سے تبصرہ کرتے ہوئے تجزیہ کاروں کا کہنا ہے کہ حقیقت یہ ہے کہ گزشتہ کئی برسوں سے متعدد بڑے مغربی اور مشرقِ وسطیٰ کے ممالک لیبیا کو اسلحہ اور عسکری سازوسامان فراہم کرتے آ رہے ہیں۔ اس تناظر میں کہا جا رہا ہے کہ اگرچہ کاغذی طور پر پابندی موجود ہے، مگر عملی طور پر یہ مختلف وجوہات کی بنا پر غیر مؤثر رہی ہے، خصوصاً اس لیے کہ ایک دہائی سے زائد عرصے سے مختلف فریقین کے درمیان اسلحے کی فراہمی کا سلسلہ جاری ہے۔

ماہرین کے مطابق اس معاہدے کے ذریعے پاکستان نے باضابطہ طور پر خود کو روایتی اسلحہ اور دفاعی سازوسامان کے نمایاں عالمی برآمد کنندگان کے کلب میں شامل کر لیا ہے۔ یہ پیش رفت نہ صرف ملکی معیشت کے لیے زرمبادلہ کے نئے ذرائع پیدا کرے گی بلکہ پاکستان کے دفاعی شعبے کو عالمی سطح پر مزید مستحکم مقام دلانے میں بھی مددگار ثابت ہوگی۔

وزیر اطلاعات عطا تارڑ نےسرکاری ٹی وی پی ٹی وی میں ایک مالی کو پروڈیوسر لگائے جانے کا انکشاف کیا ہے۔

قومی اسمبلی کی قائمہ کمیٹی برائے انفارمیشن اینڈ براڈ کاسٹ کا اجلاس چیرمین کمیٹی پولین بلوچ کی زیر صدارت ہوا ، کمیٹی میں پاکستان ٹیلی ویژن کے ملازمین کی تنخواہوں کا معاملہ زیرِ بحث رہا عطا تارڑ نے کہا کہ بہت لوگ سرکاری ٹی وی میں بیٹھے تھے ،گمنام اکاؤنٹ سے میرے خلاف ٹویٹ کروائے جاتے ہیں ، میں سرکاری ٹی وی میں بیٹھے مافیا سے بہت لڑا ہوں ،جب تک اللہ کی مرضی ہے مافیا کے خلاف لڑتے رہیں گے۔

انہوں نے کہا کہ کسی نے اپنی بیگم اور رشتہ داروں کو سرکاری ٹی وی بھرتی کیا ہوا ہے ، مافیا پر ہاتھ ڈالتے ہیں تو کالیں آنا شروع ہو جاتی ہیں،میرے آنے سے پہلے پرچی پر ٹی وی اینکر بیٹھے تھے ،ایسے اینکر لگے تھے جن کو گھر میں بھی کوئی نہیں پہچانتا تھا ، ہم نے میر ٹ پر لوگوں کو لگایا ماضی میں جس کو منسٹر چاہتا تھا وہ اینکر لگ جاتا تھا۔

پاپوانیو گنی میں زلزلے کے شدید جھٹکے

وزیر اطلاعات نے کہا کہ جب تک ہم گولڈن شیک ہینڈ نہیں لے کر آتے تب تک چینل نہیں چل سکتا ، سرکاری ٹی وی میں سیاسی بھرتیاں ہیں ، مالی کو پروڈیوسر لگایا گیا،ایک ایک پوسٹ پر پچیس لوگ بھرتی ہوئے ہیں،اب ہم نے پاکستان ٹیلی ویژن میں بہتری لائی ہے،انگلش چینل پر ہم اچھے اینکر لے کر آ رہے ہیں،جنگ کے بعد ہمیں احساس ہوا کہ ہمارے پاس کوئی اچھا چینل ہونا چاہیے ،ہم نے الگ فنا نشل ماڈل کے تحت انگلش چینل کو شروع کیا ہے

بھارتی ٹیم کا کرکٹ میں رویہ غیر اخلاقی تھا ،سرفراز احمد

بغداد:صدر مملکت آصف علی زرداری نے عراقی صدر ڈاکٹر عبداللطیف جمال رشید سے بغداد پیلس میں ملاقات کی –

صدر مملکت آصف علی زرداری نے عراقی صدر ڈاکٹر عبداللطیف جمال رشید سے بغداد پیلس میں ملاقات کی جہاں ان کی آمد پر صدر آصف علی زرداری کو شان دار گارڈ آف آنر پیش کیا گیا اور سرکاری استقبالیہ تقریب میں قومی ترانے بجائے گئے، صدر مملکت آصف علی زرداری نے عراق کے صدر کو ملک کی تعمیر نو میں پاکستان کے کردار کی پیش کش کی جبکہ دونوں ممالک نے دہشت گردی، انتہا پسندی اور منشیات کے خلاف مشترکہ جدوجہد پر اتفاق کیا۔

اعلامیے کے مطابق دونوں صدور کے درمیان ون آن ون اور وفود کی سطح پر تفصیلی ملاقات ہوئی اور عراقی صدر نے صدر آصف علی زرداری اور پاکستانی وفد کے اعزاز میں ظہرانہ بھی دیا۔

صدر آصف علی زرداری نے عراقی قیادت اور عوام کے پرت پاک استقبال پر شکریہ ادا کیا اور کہا کہ بغداد تہذیب، تاریخ اور استقامت کی علامت عظیم شہر ہے اور عراق میں کامیاب پارلیمانی انتخابات پر عراقی قیادت اور عوام کو مبارکباد دی،انہوں نے کہا کہ پاکستان عرا ق کی خودمختاری، علاقائی سالمیت اور قومی اتحاد کی بھرپور حمایت کرتا ہے، صدر پاکستان نے عراق کےاستحکام، ترقی اور جمہوری عمل کے لیے پاکستان کے عزم کا اعادہ کیا۔

ملاقات میں پاک-عراق دوطرفہ تعلقات، خطے کی صورت حال اور عالمی امور پر تبادلہ خیال کیا گیا اور دونوں رہنماؤں نے اعلیٰ سطح پر را بطوں اور مشترکہ کمیشن کے اجلاس پر اطمینان کا اظہار کیا،صدر مملکت نے تجارت، سرمایہ کاری، زراعت، دفاعی پیداوار میں تعاون بڑ ھا نے پر زور دیا اور ساتھ ہی آئی ٹی، تعمیرات، ادویات اور متعلقہ صنعتوں میں تعاون کے وسیع امکانات پر بات چیت کی۔

ملاقات کے دوران صدر زرداری نے بزنس ٹو بزنس روابط اور تجارتی وفود کے تبادلے کی ضرورت پر زور دیا اور دونوں ممالک کے درمیان براہ راست بینکاری چینلز کے قیام کی اہمیت کو بھی اجاگر کیا اور کہا کہ تجارتی سرگرمیوں کے فروغ کے لیے مالیاتی سہولتیں ناگزیر ہیں۔

صدر آصف علی زرداری نے عراق کی تعمیر نو میں پاکستان کے کردار کی پیش کش کرتے ہوئے کہا کہ پاکستان موجودہ ایم او یو کے تحت ہنرمند اور نیم ہنرمند افرادی قوت فراہم کرنے کے لیے تیار ہےانہوں نے طبی سہولیات، مالیاتی مہارت اور ڈیجیٹل گورننس میں تعاو ن کی بھی پیش کش کی اور محفوظ ڈیٹا مینجمنٹ سمیت تکنیکی تجربات عراق کے ساتھ شیئر کرنے پر آمادگی کا اظہار کیا۔

صدر پاکستان نے عراقی زیارات پر جانے والے پاکستانی زائرین کے لیے سہولتوں میں بہتری کا مطالبہ کیا اور زائرین مینجمنٹ ایم او یو کی جلد حتمی منظوری اور نفاذ پر زور دیا گیا غیر قانونی داخلے اور زائد قیام کرنے والے پاکستانیوں کی روک تھام کے لیے مکمل تعاون کریں گے، پاکستان عراقی قوانین کی خلاف ورزی کرنے والوں کے خلاف سخت اقدامات کا حامی ہے۔

دونوں صدور نے دہشت گردی، انتہا پسندی اور منشیات کے خلاف مشترکہ جدوجہد پر اتفاق کیا، پاک-عراق قیادت نے سیکیورٹی تعاون مزید مضبوط بنانے کے عزم کا اظہار کیا، اقوام متحدہ اور او آئی سی سمیت عالمی فورمز پر قریبی مشاورت جاری رکھنے پر بھی اتفاق کیا گیا۔

عراقی صدر نے مسلم امہ کو متحد کرنے میں پاکستان کے کردار کو سراہا اور فلسطینی عوام کے لیے پاکستان کی تاریخی اور مسلسل حمایت کی تعریف کی۔

اسلام آباد : صدر مملکت آصف علی زرداری نے ترکیہ میں پاک بحریہ کے جدید جنگی جہاز کی شمولیت کو قومی بحری دفاع کے لیے اہم سنگِ میل قرار دیتے ہو ئے کہا ہے کہ پاکستان اور ترکیہ کے درمیان دفاعی تعاون باہمی اعتماد اور دیرینہ برادرانہ تعلقات کا مظہر ہے-

ایوان صدر کے پریس ونگ سے جاری بیان کے مطابق صدرِ مملکت نے پی این ایس خیبر کی کمیشننگ پر پاک بحریہ، دفاعی ماہرین اور تمام شراکت داروں کو مبارکباد دی، کہا کہ جدید بحری جہاز کی شمولیت سے پاکستان کی سمندری سرحدوں کے تحفظ اور بحری سلامتی مزید مضبوط ہوگی،پاکستان اور ترکیہ کے درمیان دفاعی تعاون باہمی اعتماد اور دیرینہ برادرانہ تعلقات کا مظہر ہے۔

صدرِ مملکت نے دفاعی صنعت میں دوطرفہ شراکت داری کو مزید وسعت دینے کے عزم کا اعادہ کیا، کہا کہ بحری طاقت میں اضافہ پاکستان کی معیشت، تجارت اور سمندری راستوں کے تحفظ کے لیے ناگزیر ہے،ملجم کلاس جہازوں کا منصوبہ دونوں ممالک کی تکنیکی مہارت اور مشترکہ وژن کی کامیاب مثال ہے۔

اسلام آباد: نائب وزیراعظم اور وزیر خارجہ سینیٹر محمد اسحاق ڈار سے پاکستان میں تاجکستان کے سفیر شریف زادہ یوسف توہیرنے ملاقات کی،دونوں ممالک کے نجی شعبوں کے درمیان قریبی تعاون کو فروغ دینے کی ضرورت پر زور –

دفتر خارجہ کے مطابق تاجک سفیر نے پاکستان میں پہلے تاجک ثقافتی ہفتہ کے انعقاد میں تعاون پر نائب وزیراعظم کا شکریہ ادا کیا، تاجکستان کے ساتھ پاکستان کے کثیر جہتی دوطرفہ تعلقات کو بڑھانے کی پاکستان کی پختہ خواہش کا اظہار کرتے ہوئے نائب وزیر اعظم نے کہا کہ وہ 2026 میں تاجکستان کے ساتھ متعدد اعلیٰ سطحی رابطوں کے منتظر ہیں۔

انہوں نے پاکستان تاجکستان دوطرفہ تجارت کو 500 ملین امریکی ڈالر تک بڑھانے کے لیے دونوں ممالک کے نجی شعبوں کے درمیان قریبی تعاون کو فروغ دینے کی ضرورت پر زور دیا۔