Tag: پاکستان

وزیراعظم محمد شہباز شریف نےکہا ہے کہ جلد پاکستان سے پولیو جیسے موذی مرض کے مکمل خاتمے کے لیے پُرعزم ہیں۔

وزیراعظم نے گیٹس فاؤنڈیشن کے صدر برائے عالمی ترقی کرس ایلیاس کی سربراہی میں وفد سے ملاقات کے دوران گفتگو کرتے ہوئے کیا۔ وزیراعظم نے کہا کہ پاکستان سے پولیو کے خاتمے کے لیے بل گیٹس کی قابلِ قدر خدمات ہمیشہ یاد رکھی جائیں گی، جبکہ پولیو کے خلاف جدوجہد میں بل گیٹس اور مسلم برادر ممالک بالخصوص سعودی عرب کے تعاون پر حکومت پاکستان بے حد شکر گزار ہے۔

وزیراعظم نے کہا کہ اگرچہ پولیو کے خلاف جاری جنگ میں خاطر خواہ کامیابیاں حاصل ہوئی ہیں، تاہم اس بیماری کے مکمل خاتمے کے لیے ہنگامی بنیادوں پر مزید اقدامات ناگزیر ہیں۔

ایلون مسک نے واٹس ایپ کو صارفین کے لیے غیر محفوظ قرار

انہوں نے بتایا کہ وفاقی حکومت مؤثر حکمت عملی کے تحت ملک کے طول و عرض میں پولیو ٹیموں کی رسائی ممکن بنانے کے لیے صوبوں کے ساتھ مکمل ہم آہنگی کے ساتھ کام کر رہی ہے، جبکہ انسداد پولیو کی مہم کے پبلک سیکٹر ڈیولپمنٹ پروگرام کے تحت متعلقہ منصوبے بھی جاری رکھے جائیں گے وزیراعظم نے ہدایت کی کہ انسداد پولیو سے متعلق عوامی آگاہی اور ویکسین کی فراہمی کے لیے وفاقی وزارتِ صحت تمام متعلقہ اداروں کے ساتھ مل کر جامع سفارشات مرتب کرے۔

ملاقات میں وفاقی وزیر برائے پلاننگ اینڈ ڈویلپمنٹ احسن اقبال، وفاقی وزیر برائے صحت سید مصطفی کمال، وزیراعظم کی فوکل پرسن برائے انسداد پولیو عائشہ رضا فاروق اور دیگر سرکاری عہدیداران بھی شریک تھے وزیراعظم نے اسلام آباد میں ہونے والی اس ملاقات کے دوران گیٹس فاؤنڈیشن اور مسلم برادر ملک سعودی عرب کی جانب سے انسداد پولیو کے لیے تعاون پر شکریہ ادا کیا۔

بار بار اپنی فوج پر جھوٹے الزامات لگانے سے کسی کی نااہلی، نالائقی یا کرپشن چھپ نہیں سکتی،طلال چوہدری

اس موقع پر گیٹس فاؤنڈیشن کے صدر برائے عالمی ترقی کرس ایلیاس نے پاکستان میں کامیابی سے جاری انسداد پولیو مہم پر مکمل اعتماد کا اظہار کرتے ہوئے وزیراعظم پاکستان کو بل گیٹس کی جانب سے نیک خواہشات کا پیغام بھی دیا انہوں نے امید ظاہر کی کہ جاری اقدامات کے نتیجے میں پاکستان جلد اس بیماری کے مکمل خاتمے کی منزل حاصل کر لے گا۔

وفاقی وزیر برائے پلاننگ اینڈ ڈویلپمنٹ احسن اقبال نے وفد کو انسداد پولیو کے لیے پبلک سیکٹر ڈیولپمنٹ پروگرام کے تحت جاری اقدامات سے آگاہ کیا، جبکہ وفاقی وزیر برائے صحت سید مصطفی کمال نے وزیراعظم کی رہنمائی اور بل گیٹس کی ٹیم کے تعاون کا شکریہ ادا کرتے ہوئے انسداد پولیو اقدامات کو مزید مؤثر انداز میں جاری رکھنے کے عزم کا اعادہ کیا وزیراعظم کی فوکل پرسن برائے انسداد پولیو عائشہ رضا فاروق نے بھی ملاقات میں تمام صوبوں اور شہروں میں انسداد پولیو کے تحت جاری اقدامات پر بریفنگ دی۔

ٹی ٹوئنٹی سیریز: آسٹریلوی اسکواڈ پاکستان پہنچ گیا

ملاقات کے اختتام پر وزیراعظم نے وفد میں شامل گیٹس فاؤنڈیشن کی ڈائریکٹر پولیو ڈاکٹر کیتھی نیوزیل کو ان کی حالیہ تقرری پر مبارکباد دیتے ہوئے نیک خواہشات کا اظہار کیا۔

پاکستانی شوبز انڈسٹری کی سینئر اداکارہ نوشابہ بی بی نے کہا ہے کہ ان کی 12 سال کی عمر میں شادی ہوئی تھی اور 14 سال کی عمر میں وہ ماں بن گئی تھیں۔

پاکستان ٹیلی ویژن نیٹ ورک (پی ٹی وی) کی معروف اداکارہ جہان سلطانہ، جنہیں نوشابہ بی بی کے نام سے جانا جاتا ہے، وہ بالخصوص پرانے ڈراموں میں پشتون کردار ادا کرنے کے حوالے سے کافی مشہور رہی ہیں اداکارہ نے پشتو ریڈیو میں بھی کام کیا ہے، نوشابہ بی بی کی پشتو ریڈیو اور پی ٹی وی سے وابستگی کئی دہائیوں پر محیط ہےان کا تعلق سوات سے ہے اور وہ ہمیشہ ٹی وی پر سر ڈھانپ کر نظر آئی ہیں-

حال ہی میں نوشابہ بی بی نے ایک ڈیجیٹل میڈیا چینل کو خصوصی انٹرویو دیا، جس میں انہوں نے اپنی کم عمری کی شادی کے بارے میں کھل کر بات کی، نوشابہ بی بی کا کہنا تھا کہ مجھے ملازمت یا کیریئر کے لیے کوئی وقت نہیں ملا کیونکہ میری شادی 12 سال کی عمر میں ہو گئی تھی، اور اسی عمر میں میں نے ٹیلی وژن پر کام بھی شروع کر دیا تھا،میں گڑیوں سے کھیل رہی تھی کہ میری شادی کردی گئی، ایک دن مجھے بتایا گیا کہ گھر میں شادی ہے، بس مجھے ایک لپ اسٹک دی گئی، اور میں سب کچھ بھول گئی، کیونکہ لپ اسٹک میری کمزوری تھی،میں خوشی خوشی سہیلیوں کے درمیان جا کر شادی کے بندھن میں بندھ گئی، اُس وقت بچوں کو یہ بھی معلوم نہیں ہوتا تھا کہ شادی کیا ہوتی ہے۔

انہوں نے بتایا کہ جب تمام مہمان چلے گئے تو میں نے اپنی بھابھی سے کہا کہ مجھے واپس گھر بھیج دیں، ہم دونوں کے درمیان عمر کا فرق 23 سال تھا، وہ میرے خالہ زاد تھے اور اس شادی کے لیے میری خالہ نے ہی اصرار کیا تھا میں 14 سال کی عمر میں ماں بن گئی، میرے تین بیٹے اور ایک بیٹی ہیں، میرے والد کافی سخت تھے، لیکن میرے شوہر نے میرے اداکاری کے کیریئر میں میرا بھرپور ساتھ دیا۔

پاکستان نے اقتصادی تعاون تنظیم (ای سی او) کی دو سالہ چیئرمین شپ باضابطہ طور پر سنبھال لی ہے-

پاکستان 2026 اور 2027 کے دوران تنظیم کی قیادت کرے گا،اس موقع پر پاکستان کی جانب سے سال 2025 میں ای سی او کی قیادت کرنے پر قازقستان کا شکریہ ادا کیا گیا اور ای سی او کے امور میں اس کے مؤثر کردار اور بھرپور قیادت کو سراہا گیا۔

پاکستانی سفیر مدثر ٹیپو نے کہا کہ پاکستان بطور بانی رکن ای سی او کو اپنی روح اور پہچان قرار دیتا ہے۔ انہوں نے کہا کہ پاکستان بطور چیئرمین ای سی او کو مزید مضبوط، فعال اورمؤثر بنانے کیلئے بھرپور کردارادا کرے گا ای سی اوکے رکن ممالک نے پاکستان کی چیئرمین شپ کا خیرمقدم کیا ہے اوراس امید کا اظہارکیا ہے کہ پاکستان کی قیادت سے تنظیم میں نئی توانائی اورسرگرمی آئے گی۔

ایران کا آبنائے ہرمز میں فوجی مشقوں کا اعلان

مدثر ٹیپو نے کہا کہ پاکستان خطے میں اقتصادی تعاون، تجارت اوررابطوں کے فروغ کے لئے ای سی او کوایک متحرک پلیٹ فارم بنانے کیلئے عملی اقدامات کریگا،پاکستانی سفیر نے اس عزم کا اعادہ کیا کہ پاکستان اپنی چیئرمین شپ کے دوران ای سی او کے مقاصد کے حصول، علاقائی ترقی اور رکن ممالک کے درمیان تعاون کو مزید فروغ دینے کے لیے بھرپور کوششیں کرے گا۔

صدر یو اے ای اور صدر آصف زرادری کی ملاقات،دو طرفہ تعلقات کو مزید مضبوط بنانے پر تبادلہ خیال

ابوظہبی :صدر مملکت آصف علی زرداری نے صدر یو اے ای شیخ محمد بن زید النہیان سے ملاقات کی جس میں دو طرفہ تعلقات کو مزید مضبوط بنانے پر تبادلہ خیال کیا گیا۔

دونوں رہنماؤں نے دو طرفہ تعاون کے تمام پہلوؤں کا جائزہ لیا، ملاقات میں چیئرمین پیپلز پارٹی بلاول بھٹو اور خاتون اول آصفہ بھٹو بھی موجود تھیں،پاکستان اور یو اے ای کے درمیان دیرینہ اور برادرانہ تعلقات کو مزید گہرا کرنے پر گفتگو ہوئی ،تجارت، سرمایہ کاری اور عوامی روابط کے شعبوں میں نئے مواقع تلاش کرنے پر بھی تبادلہ خیال ہوا۔

ملاقات میں اقتصادی اور اسٹریٹجک شراکت داری کو وسعت دینے کی نمایاں صلاحیت کو اجاگر کیا گیا، صدر مملکت نے صدریو اے ای شیخ محمد بن زید النہیان کے حالیہ دورہ پاکستان کی اہمیت کو اجاگر کیا دونوں فریقین نے علاقائی اور بین الاقوامی پیشرفت پر بھی تبادلہ خیال کیا،دونوں رہنماؤں نے امن، استحکام اور پائیدار ترقی کے فروغ کے عزم کا اعادہ کیا۔

ملک کے مختلف علاقوں میں زلزلے کے جھٹکے

بھارت:ریاست مہاراشٹر کے نائب وزیر اعلیٰ کا طیارہ تباہ

قصور کی رہائشی بیوہ کے لاہور میں واقع پلاٹ پر قبضہ کی کوشش،وزیر اعلی سے نوٹس کی اپیل

پاکستان اور گھانا کے درمیان دوطرفہ تعلقات کے فروغ کے لیے پہلے باضابطہ دوطرفہ سیاسی مشاورتی اجلاس میں 2 مفاہمتی یادداشتوں پر دستخط کیے گئے ہیں۔

دونوں ممالک کے مابین یہ سیاسی مشاورتی اجلاس 26 جنوری کو گھانا میں منعقد ہوا، جسے دونوں ممالک کے تعلقات میں ایک اہم سنگِ میل قرار دیا جا رہا ہے،پاکستانی وفد کی قیادت ایڈیشنل سیکریٹری خارجہ سفیر حمید اصغر خان نے کی، جبکہ گھانا کی جانب سے وفد کی سربراہی ان کی وزارتِ خارجہ کی چیف ڈائریکٹر سفیر خدیجہ ادریسو نے کی۔

وزارت خارجہ کے اعلامیے کے مطابق اس مشاورتی اجلاس کے دوران دونوں ممالک کے درمیان 2 مفاہمتی یادداشتوں پر دستخط کیے گئے، پہلی مفاہمتی یادداشت دوطرفہ سیاسی مشاورتی عمل سے متعلق تھی، جبکہ دوسری مفاہمتی یادداشت اسلام آباد میں قائم فارن سروس اکیڈمی اور گھانا فارن سروس انسٹی ٹیوٹ کے درمیان طے پائی، مذاکرات میں فریقین نے سیاسی، اقتصادی، دفاعی، سیاحت، ثقافت، صحت، تعلیم، انفارمیشن ٹیکنالوجی اور دیگر باہمی مفاد کے شعبوں میں تعاون کو مزید فروغ دینے پر اتفاق کیا اور دوطرفہ تعلقات کو مضبوط بنانے کے عزم کا اعادہ کیا۔

دونوں ممالک نے اس بات پر بھی اتفاق کیا کہ دوطرفہ سیاسی مشاورتی مذاکرات کا اگلا دور آئندہ سال اسلام آباد میں منعقد کیا جائے گابیان میں کہا گیا ہے کہ پاکستان اور گھانا کے درمیان کئی دہائیوں پر محیط دوستانہ اور تعاون پر مبنی تعلقات موجود ہیں،اس ادارہ جاتی مشاورتی عمل کے آغاز سے دونوں ممالک کے درمیان بامقصد اور منصوبہ جاتی تعاون کو مزید تقویت ملے گی۔

محکمہ موسمیات نے ملک کے مختلف علاقوں میں تیز ہواؤں اور گرج چمک کے ساتھ بارش اور برفباری کی پیشگوئی کی ہے-

محکمہ موسمیات کے مطابق اسلام آباد میں تیز ہواؤں اور گرج چمک کے ساتھ مزید بارش کا امکان ہے، مری میں وقفے وقفے سے بارش اور مزید برفباری کا امکان ہے چترال، دیر، سوات، کالام، شانگلہ، کوہستان، بٹگرام، مانسہرہ، پشاور، ایبٹ آباد، چارسدہ، نوشہرہ، صوابی، مالاکنڈ اور مردان میں مزید بارش کا امکان ہے۔

جبکہ کوہاٹ، کُرم، خیبر، ہنگو، پارا چنار، باجوڑ، بنوں، لکی مروت، ٹانک، کرک، ڈیرہ اسماعیل خان اور وزیرستان میں وقفے وقفے سے بارش و برفباری کی توقع ہے، چترال، دیر، سوات، کالام، شانگلہ، کوہستان، بٹگرام میں شدید برفباری کا امکان ظاہر کیا گیا ہے کوئٹہ، زیارت، چمن، پشین، قلعہ عبداللہ اور قلعہ سیف اللہ میں برفباری کی توقع ہے جبکہ نوشکی، ہرنائی، ژوب، قلات، بارکھان، سبی اور لورالائی میں بارش کا امکان ہے اسی طرح سندھ کے بیشتر اضلاع میں موسم سرد اور خشک رہے گا، گلگت بلتستان میں گرج چمک کے ساتھ بارش و برفباری کا امکان ہے، استور اور سکردو میں تیز بارش اور مزید برفباری کی توقع ہے۔

محکمہ موسمیات کے مطابق مری، گلیات مانسہرہ، وادی کاغان، ناران اور شوگران میں شدید برفباری ہوئی جس سے سڑکیں متاثر ہوئیں اور شوگران روڈ کو سیاحوں کے لیے بند کر دیا گیا ہے۔

پی ڈی ایم اے کے مطابق بلوچستان میں کوئٹہ، کان مہیترزئی، لکپاس اور کوژک ٹاپ میں بھی برفباری ہوئی جس کے بعد قومی شاہراہوں سے برف ہٹانے کا عمل ہیوی مشینری کے ذریعے جاری ہے، جبکہ عوام کو غیر ضروری سفر سے گریز کا مشورہ دیا گیا ہے۔ بعض علاقوں میں بجلی کی فراہمی متاثر ہوئی ہے اور ریسکیو ادارے سڑکوں کی بحالی میں مصروف ہیں۔

آزاد کشمیر کے علاقوں مظفرآباد، ہٹیاں بالا، وادی نیلم اور لیپہ میں شدید برفباری ریکارڈ کی گئی جس کے باعث متعدد رابطہ سڑکیں بند ہو گئیں، جبکہ گلگت بلتستان میں استور اور اسکردو میں مزید برفباری متوقع ہے۔ بابوسر ٹاپ پر 10 فٹ سے زائد برف پڑ چکی ہے۔

محکمہ موسمیات کے مطابق آج صبح ریکارڈ کیے گئے درجہ حرارت کے مطابق اسلام آباد اور پشاور 10، لاہور 12، کراچی 14، کوئٹہ منفی ایک، مری اور گلگت 2 جبکہ مظفرآباد میں درجہ حرارت 4 ڈگری سینٹی گریڈ ریکارڈ کیا گیا۔

دوسری جانب کے پی میں شدید برفباری کے باعث نیشنل ہائی وے اتھارٹی نے مسافروں کے لئے ایڈوائزری جاری کر دی ہے این ایچ اے نے شدید برف باری کے باعث این 45، این 145، این 95 اور این 90 پر سفر کرنے والے مسافروں کے لیے الرٹ جاری کر دیا ہے۔

جس کے مطابق مسافر غیر ضروری سفر سے گریز کریں اور برف باری والے علاقوں میں گاڑیوں پر ‘گرپ چینز’ کا استعمال یقینی بنائیں دیر، چترال، سوات اور شانگلہ کی شاہراہوں پر برف باری اور لینڈ سلائیڈنگ کا خدشہ ہے ٹریفک پولیس کی ہدایات پر عمل کریں، این ایچ اے کی ٹیمیں اور بھاری مشینری حساس مقامات پر تعینات ہیں، صورتحال کی 24 گھنٹے نگرانی کی جا رہی ہے، دورانِ سفر کسی بھی ہنگامی صورتحال میں این ایچ اے کے فیلڈ اسٹاف سے فوری رابطہ کریں یا ٹریفک ہدایات پر عمل کریں۔