اسلام آباد:پاکستان میں سیلاب متاثرین کیلئےمالی معاونت پرغورکررہےہیں:اطلاعات کے مطابق ایشیائی ترقیاتی بینک نے پاکستان کے سیلاب متاثرین کی مدد کے حوالےسے اہم فیصلےکیے ہیں‌، یہ بھی معلوم ہوا ہے کہ اس سلسلے میں پاکستان میں سیلاب سے اربوں ڈالر کے نقصانات کے باعث ایشین ڈویلپمنٹ بینک، ورلڈ بینک سمیت عالمی مالیاتی اداروں نے مدد کیلئےکام شروع کردیا۔

اے ڈی پی حکام نے بتایا ہے کہ پاکستان میں سیلاب متاثرین کیلئے مالی معاونت پرغور کررہے ہیں اور اے ڈی بی ٹیم اس حوالے سے منصوبے پرکام کررہی ہے۔

پاکستان گلوبل وارمنگ کی وجہ سے براہ راست متاثر ہو رہا ہے. وزیر خزانہ

ایشیائی ترقیاتی بینک نے پاکستان کے ساتھ مل کر سندھ اور بلوچستان کے علاقوں میں سیلاب سے متاثرہ لوگوں کو ہنگامی خدمات کی فوری فراہمی کے لیے کام کیا ہے۔ اس منصوبے نے سیلاب سے بے گھر ہونے والے لوگوں کو عارضی پناہ گاہیں اور بستر فراہم کیے ہیں۔ اس میں 24,588 خیمے اور 20,000 مچھر دانیوں کی فراہمی شامل ہے۔

حکام نے کہا ہے کہ سیلاب کےعلاوہ موجودہ مالی سال پاکستان کو 2.3 ارب ڈالر فراہم کیےجائیں گے۔یہ فنڈز30 جون 2023 تک مختلف پروگرامز کیلئے فراہم کیے جائیں گے۔

پاکستان نے 10 سال میں 18ارب ڈالرز کے نقصان کا سامنا کیا: برطانوی ہائی کمشنر

ادھر اس سے قبل آسٹریلیا نے پاکستان کے سیلاب متاثرین کی مدد کے لیے 20 لاکھ ڈالر دینے کا اعلان کردیا۔آسٹریلوی وزیر خارجہ نے کہا کہ حکومت پاکستان کو فوری انسانی ضروریات کے لیے مدد فراہم کررہے ہیں جس کے تحت آسٹریلیا عالمی خوراک پروگرام کے ذریعے پاکستان کو 20 لاکھ ڈالرکی امداد دے گا۔

وزیر خارجہ پینی وونگ کا کہنا تھا کہ سیلاب سے متاثر خواتین، بچے اور کمزور افراد فوری امداد کے مستحق ہیں۔

اسلام آباد: بینظیرانکم سپورٹ پروگرام کےتحت متاثرہ خاندان کو25ہزار روپےدیئےجائیں گے:اسلام آباد میں میڈیا سے گفتگو کرتے ہوئے چیئرمین این ڈی ایم اے نے کہا ہے کہ حکومت نے فیصلہ کیا ہے کہ بے نظیرانکم سپورٹ پروگرام کے ذریعے سیلاب متاثرین خاندانوں کو 25 ہزارروپے ادا کیئے جائیں گے ،

چیئرمین این ڈی ایم اے نےکہا کہ بلوچستان ،سندھ اور خیبرپختونخوا میں بھی سیلاب او ربارشوں سے مواصلاتی نظام متاثر ہوا،جموں وکشمیر اور گلگت بلتستا ن میں بھی صورتحال سنگین ہے،ملک کے بعض علاقوں میں بارشوں نے 30سالہ ریکارڈ توڑ دیا،

چیئرمین این ڈی ایم اے نے اس موقع پر کہا کہ پاکستان کو رواں سال 4ہیٹ ویوز کا سامنا رہا، رواں سال بارشیں بھی قبل از وقت شروع ہوئیں ،

چیئرمین این ڈی ایم اے اخترنواز نےکہا کہ سیلاب سے 10لاکھ سے زائد گھر متاثر ہوئے ،ان کا یہ بھی کہنا تھا کہ پاک فوج ، این ڈی ایم اے اور مقامی رضاکار متاثرین محفوظ مقامات پر منتقل کررہےہیں، اخترنواز نے کہا کہ پاکستان میں رواں سال گرمی وقت سے پہلے شروع ہوئی ،چیئرمین این ڈی ایم اے نے مزید کہاکہ پاکستان میں رواں سال بہار کا موسم نہیں آیا،

چیئرمین این ڈی ایم اے اخترنواز نے کہا کہ سیلاب سے 20لاکھ ایکڑزمین اور 3کروڑسےزائدافراد متاثر ہوئے

وزیر خزانہ مفتاح اسماعیل کا کہنا ہے کہ آئی ایم ایف پروگرام میں ہر ملک نے ووٹ دیا، صرف بھارت نے نہیں دیا، یہ لمحہ فکریہ ہے کہ بھارت اور پی ٹی آئی نے پاکستان کے آئی ایم ایف پروگرام کی مخالفت کی۔

نجی ٹی وی چینل کے پروگرام’’آج شاہ زیب خانزادہ کے ساتھ‘‘ میں گفتگو کرتے ہوئے مفتاح اسماعیل نے کہا کہ ان لوگوں نےاوچھے ہتھکنڈے استعمال کیے، شوکت ترین سے جھگڑا نے کہا کہ ہم بلیک میل کر رہے ہیں، ایک آدمی جھوٹ بول رہا ہے، ٹیپ سامنے آگئی تو چپ رہنا چاہیے، نچلے درجے کی سیاست کر رہے ہیں، انہیں شرم آنی چاہیے۔

وزیر خزانہ نے کہا کہ اسد عمر خود تو 9 ماہ آئی ایم ایف سے معاہدہ نہیں کرسکے، میں یہ نہیں کہتا کہ بھارت اور پی ٹی آئی کا ایک ہی ایجنڈا ہے۔

مفتاح اسماعیل نے کہا کہ کیا یہ دو دن بعد خط نہیں لکھ سکتے تھے، یہ میرے پاس آئے اور کہا کہ آئی ایم ایف کو خط نہیں لکھا، میں نے چیک کروایا تو ایک گھنٹے بعد خط آئی ایم ایف کے پاس آچکا تھا۔

وزیر خزانہ نے کہا کہ تیمور جھگڑا نے مجھ سے کہا کہ جو رقم دی ہے وہ تنخواہوں کیلئے کم ہے، جھگڑا صاحب آئے ان کو میں نے کہا کہ سیاست پر کوئی بات نہیں کروں گا۔

مفتاح اسماعیل نے کہا کہ گلگت بلتستان اور کشمیر ہم سے پوچھ کر پوسٹ کریئٹ کرتے ہیں، ہائیڈل کے پیسے عمران خان کے زمانے کے تھے، میں نےآئی ایم ایف سے جو پروگرام کیا ہے اس میں غلطی ہے تو بتائیں، آپ بلیک میل اور پروگرام کو ڈی ریل کرنے کا کہہ رہے ہیں، شرم نہیں آتی، کیا عمران خان چاہتا ہے ملک دیوالیہ ہوجائے؟

وزیر خزانہ نے کہا کہ شوکت ترین مسلسل جھوٹ پر جھوٹ بول رہے ہیں، اگر شوکت ترین یہ سب کچھ نہیں کرتے تو خط نہیں آتا، لمحہ فکریہ ہے آپ نے پروگرام کو ڈی ریل کرنے کا سوچا، پی ٹی آئی والے قوم سے معافی مانگیں۔

مفتاح اسماعیل نے کہا کہ میں نے اور شہباز شریف نے ملک کو بچانے کیلئے تنقید برداشت کی، آئی ایم ایف نے 4 بلین انویسٹمنٹ لانے کا کہا، ہم 5 بلین لائے، سعودی عرب، قطر، یو اے ای سے سرمایہ کاری کروائی جبکہ چین سے ڈھائی ارب ڈالر کی ڈپازٹ کروائی، یقین ہے نواز شریف اور اسحاق ڈار مجھ سے خوش ہیں، ہم نے سب کچھ ملک کو ڈیفالٹ ہونے سے بچایا۔

انہوں نے کہا کہ پاکستان کی تاریخ میں کبھی اتنا بڑا سیلاب نہیں آیا، 28 ارب روپے این ڈی ایم اے کو دیے ہیں، آئی ایم ایف نے آج بھی پاکستانیوں سے ہمدردی کی ہے۔

مفتاح اسماعیل نے کہا کہ یقیناً اس پروگرام کی شرائط میں نرمی ہوگی، جو مسائل ہوں گے ان سے نمٹیں گے، آئی ایم ایف سے بات کریں گے، تین چار ملین ٹن گندم امپورٹ کرلیں گے، دالیں اور سبزیاں بھی امپورٹ کرلیں گے۔

وزیر خزانہ نے مزید کہا کہ کل سے روپیہ مستحکم ہوگا، پورا پاکستان ڈوب گیا ہے اور منگلا ڈیم نہیں بھرا، ہم نے امپورٹ پر کنٹرول رکھا ہے، گورنر اسٹیٹ بینک سے بات ہوئی، گورنر اسٹیٹ بینک کو کہا ہے جن بینکوں نے کرنسی سے متعلق غلطی کی ہے ان پر جرمانہ کریں۔

مفتاح اسماعیل نے کہا کہ کوئی دو رائے نہیں کہ ملک میں بہت مہنگائی ہے، قوم کے سامنے شرمندہ ہوں کہ مہنگائی کنٹرول نہیں کرسکے، ٹماٹر تین سے چار سو روپے کلو ہوگیا ہے، سبزیاں امپورٹ کریں گے، تاکہ قیمتوں میں ٹھہراؤ آئے، مہنگائی نے لوگوں کی کمرتوڑ دی ہے۔