امریکہ بری طرج سے بے راہ روی کا شکار ہے اور اس بار ہم جنس پرستوں کی شادی کا بل بھی اس ملک کی پارلیمنٹ سے منظور ہوا۔
عالمی خبر رساں ادارے کے مطابق امریکی ایوان نمائندگان کے ارکان نے ہم جنس پرستوں کے درمیان شادیوں کو تحفظ فراہم کرنے کے بل ‘ریسپیکٹ فار میریج ایکٹ’ کو کثرت رائے سے منظور کرلیا۔
امریکی پارلیمنٹ کے 267 ارکان نے ہم جنس پرستوں اور دیگر نسلوں کے درمیان شادیوں سے متعلق بل کی حمایت کی جب کہ 157 نے مخالفت میں ووٹ دیا۔ حکمراں جماعت کے 47 ارکان نے بھی بل کی حمایت کی۔
اس بل کی منظوری کے لیے کانگریس رکن مونڈیئر پیش پیش رہے جو اعلانیہ طور پر ایک ہم جنس پرست ہیں۔ انہوں نے میڈیا سے گفتگو میں کہا کہ یہ تو میرا ذاتی مسئلہ ہے اور ہم اپنے حق کا دفاع جانتے ہیں۔
امریکی ایوان نمائندگان کی اکثریت نے تو یہ بل منظور کرلیا تاہم اسے قانون بننے کے لیے سینیٹ سے بھی منظور کرانا ضروری ہے جہاں حکومت اور اپوزیشن کی تعداد تقریباً برابر ہے۔
واضح رہے کہ یہ بل اس خدشے کے پیش نظر پیش کیا گیا کہ سپریم کورٹ نے جس طرح اسقاط حمل کے حق کو ختم کردیا کہیں ہم جنس پرستوں کی شادی کے حق کو بھی ختم نہ کردیں۔
امریکہ بے راہ روی کا شکار ہے اور اس ملک میں ہر طرح کی انسانی و فطری حقوق کی خلاف ورزیاں بڑے ہی عجیب اور افسوسناک انداز میں دیکھنے آ رہی ہیں۔
واشنگٹن :جہاں کورونا نے دنیا میں پھر سے سراٹھا لیا ہے وہاں کورونا نے 79 سالہ عمر رسیدہ امریکی صدر جو بائیڈن کو بھی شکارکرلیاہے ، اطلاعات ہیں کہ جوبائیڈن پہلی بار کورونا میں مبتلا ہوگئے۔
وائٹ ہاؤس کی پریس سیکریٹری کیرین جین پیئر کے مطابق جو بائیڈن میں کورونا کی علامات محسوس ہوئی تھیں جس کے بعد انکا ٹیسٹ کیا گیا جو مثبت آیا ہے۔
پریس سیکریٹری کے مطابق 79 سالہ امریکی صدر بائیڈن کو کورونا ویکسین کی دونوں ڈوز کے علاوہ دو بوسٹر ڈوز بھی لگ چکی ہیں۔ ترجمان کے مطابق جو بائیڈن وائٹ ہاؤس میں ہی آئیسولیٹ ہوچکے ہیں اور وہیں سے معمول کے مطابق اپنی ذمہ داریاں انجام دینگے۔
وائٹ ہاؤس کے کورونا وائرس کوآرڈینیٹر ڈاکٹر آشیش نے سی این این کو بتایا کہ صدر بائیڈن کو جمعرات کی صبح بخار نہیں تھا، انکی زکام اور خشک کھانسی کی شکایت ہے اور وہ کچھ تھکاوٹ کا سامنا کر رہے ہیں۔
جو بائیڈن نے جنوری 2021 میں فائزر/بائیو ٹیک کوویڈ 19 ویکسین کی پہلی دو خوراکیں حاصل کی تھیں، ستمبر میں ان کو پہلی بوسٹر ڈوز اور 30 مارچ کو دوسری بوسٹر ڈوز دی گئی تھی۔
عمر رسیدہ ہونے کی وجہ سے جو بائیڈن کو کورونا سے زیادہ خطرہ لاحق ہے اگرچہ کہ امریکی مرکز برائے ڈیزیز کنٹرول کہہ چکا ہے کہ بڑی عمر کے بالغ افراد کو مکمل طور پر ویکسین اور بوسٹر ڈوز لگانے کے بعد موت کے خطرے میں نمایاں کمی آجاتی ہے۔
بنوں :میں نےحکومت پاکستان کوکہا ہےکہ عمران خان کوایک ایک مقدمےمیں گرفتارکرو:ان خیالات کا اظہارکرتے ہوئے پاکستان ڈیموکریٹک موومنٹ (پی ڈی ایم) کے سربراہ مولانا فضل الرحمٰن نے چیئرمین پاکستان تحریک انصاف کو دھمکی دیتے ہوئے کہا ہے کہ ہم زمین اتنی گرم کر دیں گے کہ آپ پاؤں نہیں رکھ سکیں گے۔
ذرائع کے مطابق مولانا فضل الرحمٰن نےبنوں میں پریس کانفرنس کرتے ہوئےکہا کہ عمران خان اپنی حد میں رہیں ابھی جمعیت والے زندہ ہیں، دوسری طرف مولانا فضل الرحمن نے عوام الناس سے اپیل کی کہ شہری عمران خان کا ساتھ نہ دیں بلکہ میدان میں آکر ملک کی وفادار قوتوں کا ساتھ دیں۔
جمعیت علمائے اسلام کے سربراہ مولانا فضل الرحمن نے کہا کہ ’وزیر اعظم شہباز شریف غیر ضروری شرافت دکھا رہے ہیں، وزیر داخلہ رانا ثنا اللہ کو جگائیں اور انہیں حرکت میں لائیں ابھی بہت کیسز پڑے ہیں‘۔
مولانا فضل الرحمن نے کہا کہ عمران خان کو آرام سے ایک لمحہ بھی نہیں گزارنے دیں گے، ہمیں ان کے آقاؤں کا اور ان کی ڈوریں ہلانے والوں کا پتا ہے، عمران خان کو اقتدار سے اتارنا پاکستان سے وفاداری ہے، تم اگر اقتدار میں آنے کی خواہش رکھتے ہو تو کبھی پوری نہیں ہوگی۔
مولانا فضل الرحمٰن نے مزید کہا کہ حکومت کو آئی ایم ایف شرائط میں رکاوٹ ڈالنی چاہیے تھی، کرب کا شکار ہوں کہ کس طرح عام آدمی کو ریلیف دے سکیں۔
ڈالر کے مقابلے میں روپے کی بے قدری کا سلسلہ جاری،مزید مہنگا ہو کر نئی بلند ترین سطح پر پہنچ گیا۔
باغی ٹی وی :فاریکس ڈیلرز ایسوسی ایشن کے مطابق ڈالر کے انٹربینک ریٹ ملکی تاریخ میں پہلی بار 230 روپے سے تجاوز کرگئے قبل ازیں دن کے آغاز میں انٹربینک ڈالر 2 روپے 8 پیسے مزید مہنگا ہوگیا ڈالر مزید 2 روپے8 پیسے مہنگا ہو کر227 روپے کی نئی تاریخی بلند ترین سطح پرٹریڈ ہوتا رہا تاہم اب ڈالر کے انٹربینک ریٹ 5.10 روپے کے اضافے سے 230.01 روپے کی نئی بلند ترین سطح پر پہنچ گئے۔
واضح رہے کہ گزشتہ روز ڈالر224 روپے92 پیسوں کی سطح پربند ہواتھا پاکستان میں گذشتہ کئی مہینوں سے روپے کی قدر میں گراوٹ دیکھنے میں آرہی ہے۔ملک میں حکومت کی تبدیلی کے بعد11 اپریل سے اب تک ڈالر کی قیمت میں مسلسل اضافہ ہوتا چلا آ رہا ہے پاکستان میں 30 جون 2022 کو ختم ہونے والے مالی سال کے اختتام پر ایک ڈالر کی قیمت 204.85 کی سطح پر بند ہوئی تھی۔
ماہرین کے مطابق ملک کا بڑھتا ہوا درآمدی بل ڈالر کی قیمت میں اضافے کی وجہ ہے۔ جو عالمی مارکیٹ میں تیل، گیس اور اجناس کی قیمتوں میں اضافے کی وجہ سے بڑھا ہے اس کے علاوہ آئی ایم ایف کے ساتھ قرضہ پروگرام کی بحالی میں تاخیر اور غیر یقینی سیاسی صورتحال نے بھی ڈالر کی قیمت میں اضافہ کیا ہے۔
ذرائع کا کہنا ہے کہ سٹے باز منفی افواہیں پھیلاکر ڈالر میں سٹے بازی کررہے ہیں جبکہ اسٹیٹ بینک آف پاکستان نے روپے کی قدر میں نمایاں کمی کےعوامل کی وضاحت کرتے ہوئے کہا ہےکہ متحرک مارکیٹ پرمبنی شرح مبادلہ کے نظام کے تحت جاری کھاتہ کی صورتحال ، متعلقہ خبروں اور اندرونی بے یقینی مل کر یومیہ بنیادوں پر روپے کی قدر میں تبدیلی کا سبب بن رہی ہے۔
مرکزی بینک کا موقف ہے ڈالر کی قدر امریکی فیڈرل ریزرو کی جانب سے افراط زر پر قابو پانے کے لیے شرح سود میں جارحانہ اضافے کا بھی نتیجہ ہے۔
مصر میں ایک مسافر بس اور ٹرک کے درمیان منگل کی شام ہونے والے تصادم کے نتیجے میں کم از کم 22 افراد ہلاک اور 33 زخمی ہو گئے۔
باغی ٹی وی : غیر ملکی میڈیا کے مطابق مصر کے دارالحکومت قاہرہ سے تقریباً 300 کلومیٹر جنوب میں منیا گورنری کے گاؤں برشا کے قریب سڑک پر کھڑے ٹرک سے ٹکرا کرایک مسافر بس الٹ گئی جس کے نتیجے میں کم از کم 22 افراد ہلاک اور 33 زخمی ہو گئے پولیس نے حادثے کی تصدیق کرتے ہوئے ہلاکتوں میں اضافے کے خدشے کا اظہار کیا ہے۔
گورنری کے حکام کے ایک بیان میں کہا گیا ہے کہ ٹرک "ٹائر تبدیل کرنے کے لیے سڑک کے کنارے کھڑا تھا جو سوہاج گورنری سے قاہرہ کی گورنری کی طرف آنے والی بس سے ٹکرا گیازخمیوں کو علاج کے لیے ملوی اسپتال لے جایا گیا۔
سعودی سرکاری خبر رساں ایجنسی کے مطابق سعودی فرمانروا اور خادم حرمین شریفین شاہ سلمان بن عبدالعزیز اور سعودی ولی عہد شہزادہ محمد بن سلمان نے المناک بس حادثے میں قیمتی جانوں کے نقصان پر مصری صدر سے تعزیت کی دونوں رہنمائوں نے فوت شدگان کی مغفرت، پسماندگان کے لئے صبر اور زخمی افراد کی جلد از جلد صحتیاب کے لئے دعا کی ہے-
جبکہ پاکستان نے بھی المناک سڑک حادثے میں انسانی جانوں کے ضیاع پر گہرے دکھ اور افسوس کا اظہار کیا ہے دفتر خارجہ کے ترجمان کی جانب سے بدھ کو جاری بیان میں کہا کہ سڑک حادثےمیں قیمتی جانوں کے ضیاع اورمتعدد کے زخمی ہونے پر مصر کی حکومت اور برادر عوام سے دلی تعزیت کا اظہار کرتے ہیں-
پاکستان وزارت خارجہ نے حادثے میں مرنے والوں کے اہل خانہ سے گہری ہمدردی کا اظہار کرتے ہوئے زخمیوں کی جلد صحت یابی کی دعا کی اور کہا کہ پاکستان دکھ کی اس گھڑی میں برادرانہ عوام اور حکومت مصر کے ساتھ کھڑا ہے-
دبئی: انٹرنیشنل کرکٹ کونسل (آئی سی سی) نے پلیئرز کی رینکنگ جاری کردی۔اس نئی اور تازہ ترین رینکنگ میں پاکستان کے بابراعظم نے اپنا ریکارڈ برقرار رکھا ہے ، آئی سی سی کی طرف سے جاری کردی رینکنگ میں پہلے دونمبرپاکستانیوں کے ہیں
آئی سی سی کے مطابق ٹی ٹوئنٹی کی بیٹرز کی رینکنگ میں پاکستان کے بابراعظم کا پہلا نمبر برقرار ہے اور رضوان دوسرے نمبر پر ہیں جب کہ بھارت کے ویرات کوہلی ایک درجے ترقی کے بعد 24 ویں نمبر پر پہنچ گئے ہیں۔
ٹی ٹوئنٹی کی بیٹرز کی رینکنگ میں بابر اور رضوان کے علاوہ پاکستان کا صرف ایک ہی بلے باز شامل ہے جو فخر زمان ہیں اور ان کا نمبر 43 واں ہے۔
آئی سی سی ٹی ٹوئنٹی بولرز کی رینکنگ میں آسٹریلیا کے جوش ہیزل ووڈ کا پہلا نمبر برقرار ہے جب کہ پاکستان کے شاہین آفریدی 12ویں نمبر پر موجود ہیں۔
اس کے علاوہ بولرز میں پاکستان کے شاداب خان 17، حارث رؤف 27، عماد وسیم 44، محمد نواز 61، حسن علی 65 اور فہیم اشرف 97 ویں نمبر پر ہیں۔آئی سی سی ٹی ٹوئنٹی آل راؤنڈرز کی رینکنگ میں افغانستان کے محمد نبی کا پہلا نمبر برقرار ہے۔
آئی سی سی ون ڈے انٹرنیشنل کی بیٹرز کی رینکنگ میں بھی بابراعظم کی پہلی پوزیشن برقرار ہے اور امام الحق دوسرے نمبر پر ہیں جب کہ جنوبی افریقا کے وین ڈر ڈوسن تیسرے نمبر پر آگئے ہیں۔
ون ڈے کے بولرز کی رینکنگ میں نیوزی لینڈ کے ٹرینٹ بولٹ پہلے، بھارت کے جسپریت بمراہ دوسرے جب کہ پاکستان کے شاہین آفریدی تیسرے نمبر پر ہیں۔ون ڈے کے آل راؤنڈرز کی رینکنگ میں بنگلا دیش کے شکیب الحسن پہلے، افغانستان کے محمد نبی دوسرے اور راشد خان تیسرے نمبر پر ہیں۔
دوسری طرف گال ٹیسٹ میچ میں پاکستان نے سری لنکا کو4 وکٹ سے شکست دے کر دو ٹیسٹ میچوں کی سیریز میں ایک صفر کی برتری حاصل کرلی۔
گال ٹیسٹ میچ میں پاکستان کو آخری روز 120 رنز درکار تھے جب کہ سری لنکا کو 7 وکٹیں چاہیئے تھیں۔
بدھ کو کھیل کے آخری روز پاکستان نے 342 رنز کےہدف کا تعاقب محتاط انداز میں کیا۔ پاکستان کے بلے باز عبداللہ شفیق اور محمد رضوان نے رنز کی رفتار کوآگے بڑھایا۔ محمد رضوان 40 رنز بنا کر جیا سوریا کی گیند پرایل بی ڈیبلو آؤٹ ہوئے۔
پہلا ٹیسٹ کھیلنے والے آغا سلمان 12 رنز پر جیاسوریا کی گیند پر وکٹ کیپرڈک ویلا کے ہاتھوں کیچ آؤٹ ہوئے۔
حسن علی صرف 5 رنز بناسکے اور اونچا شاٹ کھیلنے کی کوشش میں آؤٹ ہوئے۔
عبداللہ شفیق نے کیرئیر کی بہترین اننگز کھیلی۔ انھوں نے 160 رنز اسکور کئے اور ناٹ آؤٹ رہے۔ محمد نواز 19 رنز پر ناٹ آؤٹ رہے۔
سری لنکا نے پہلی اننگز میں 222 رنز اسکور کئے تھے۔ جواب میں پاکستان کی ٹیم 218 رنز پرآؤٹ ہوگئی تھی۔
سری لنکا کی ٹیم نے دوسری اننگز میں 337 رنز بنائے اور پاکستان کو 342 رنز کا ہدف دیا۔ پاکستان کی جانب سے شاہین شاہ نے پہلی اننگز میں 4 وکٹیں،حسن علی اور یاسرشاہ نے دو دو وکٹیں حاصل کیں۔نسیم شاہ اور محمد نواز کےحصہ میں ایک ایک وکٹ آئی۔
دوسری اننگز میں محمد نواز نے 5 وکٹ حاصل کئے۔یاسر شاہ نے 3 جبکہ حسن علی اور نسیم شاہ نے ایک ایک وکٹ حاصل کی۔
سری لنکا کی جانب سے پہلی اننگز میں پربتھ جیاسوریا نے 5 وکٹ حاصل کی تھیں۔ انھوں نے دوسری اننگز میں 4 وکٹ حاصل کئے۔
مظفرآباد:کشمیرپریمئیرلیگ سیزن 2 کی تیاریاں شروع ،اطلاعات کےمطابق پلاٹینم ون میں پہلی پک جموں جانباز،دوسری پک میں احمد شہزاد کوراولاکوٹ ہاکس نے ریٹین کیا
کشمیر پریمئیر لیگ سیزن 2 کے لیے کھلاڑیوں کے پک آرڈر اور ریٹینشن آرڈر کا اعلان کردیا گیا ہے۔پلاٹینم ون میں پہلی پک جموں جانباز، دوسری پک میں احمد شہزاد کو راولاکوٹ ہاکس نے ریٹین کیا ہے۔
پلاٹینم ون میں تیسری پک میرپور رائلز، چوتھی پک میں اوورسیز وارئیرز نے اعظم خان کو پلاٹینم کیٹگری میں ریٹین کیا ہے۔پلاٹینم ون کیٹگری میں پانچویں پک باغ اسٹالینز، چھٹی کوٹلی لائینز جبکہ ساتویں پک مظفر آباد ٹائیگرز کی ہوگی۔
پلاٹینم ٹو کیٹگری میں مظفر آباد نے افتخار احمد کو ٹریڈ کے ذریعے ریٹین کیا۔
پلاٹینم ٹو کی دوسری پک کوٹلی لائینز، تیسری پک میں باغ اسٹالینز نے صہیب مقصود ،چوتھی پک میں اوورسیز وارئیرز نے کامران غلام کو ریٹین کیا۔پلاٹینم ٹو کی پانچویں پک میرپور رائلز، چھٹی میں راولاکوٹ ہاکس نے حسین طلعت کو ریٹین کیا جبکہ ساتویں پک جموں جانباز کرے گا۔
ڈائمنڈ ون میں پہلی پک باغ اسٹالینز ،دوسری میں کوٹلی لائینز نے احسن علی کو ریٹین، تیسری پک مظفر آباد ٹائیگرز، چوتھی پک جموں جانباز اور پانچویں پک میں آصف آفریدی کو راولاکوٹ ہاکس نے ریٹین کیا۔
ڈائمنڈ ون میں چھٹی پک میرپور رائلز جبکہ ساتویں پک اوورسیز وارئیرز کرے گا۔
ڈائمنڈ ٹو میں سہیل خان کو اوورسیز وارئیرز نے ریٹین کیا۔سلمان ارشاد کو میرپور رائلز، جبکہ زمان خان کو راولاکوٹ ہاکس نے ریٹین کیا۔ڈائمنڈ ٹو میں انور علی کو مظفر آباد ٹائیگرز، خرم شہزاد کو کوٹلی لائینز، عامر یامین کو باغ اسٹالینز نے ریٹین کیا۔
ڈائمنڈ ٹو کی چوتھی پک جموں جانباز کرے گا۔
گولڈ کیٹگری کے پہلے راؤنڈ میں عرفان اللہ کو کوٹلی لائینز،ذیشان اشرف کو مظفرآباد ٹائیگرز جبکہ ابرار احمد کو میرپور رائلز نے ریٹین کیا ہے۔
ادھر آج گال ٹیسٹ میں پاکستان نے سری لنکا کو شکست دے کر تاریخی فتح حاصل کر لی۔
آج آخری روز کے کھیل کا آغاز قومی ٹیم نے 222 رنز کے ساتھ کیا، عبداللہ شفیق نے شاندار کھیل پیش کیا، 158 رنز بناکر ناقابل شکست رہے، محمد نواز 19 رنز بنا کر ناٹ آؤٹ رہے۔ بابر اعظم نے 55، اور رضوان نے 40 رنز کی اننگز کھیلی۔ عبداللہ شفیق کی جاندار پرفارمنس کے سبب انہیں مین آف دی میچ قرار دیا گیا ہے۔
واضح رہے کہ گال میں پہلی بارکسی ٹیم نے 300 سے زائد رنز کا ہدف حاصل کیا ہے اس طرح ٹیسٹ سیریز میں پاکستان کو ایک صفر کی برتری حاصل ہو گئی ہے۔
امریکا نے پاکستان کو انسانی اسمگلنگ کی واچ لسٹ سے خارج کردیا۔
باغی ٹی وی : امریکی اسٹیٹ ڈیپارٹمنٹ نے ٹریفکنگ ان پرسن کی سالانہ رپورٹ 2022 جاری کردی ہے جس میں پاکستان کو درجہ ٹو کی واچ لسٹ سے نکال دیا ہے اسٹیٹ ڈیپارٹمنٹ نے پاکستان کا اسٹیٹس بہتر کردیا امریکی اسٹیٹ ڈیپارٹمنٹ نے ٹریفکنگ ان پرسن کی سالانہ رپورٹ 2022 میں پاکستان کی درجہ بندی میں نظر ثانی کی ہے-
رپورٹ کے مطابق پاکستان کو انسانی اسمگلنگ کی روک تھام کا ریکارڈ بہتر نہ ہونے پر 2018 میں واچ لسٹ میں رکھا گیا تھا نامناسب اقدامات کے باعث پاکستان کو مسلسل 2 سال تک درجہ دوم کی واچ لسٹ میں رکھا گیا –
رپورٹ کے مطابق امریکا نے سال 2020 کی اپنی اسمگلنگ ان پرسنز رپورٹ میں پاکستان کا درجہ کم کرتے ہوئے اسے ٹیئر 2 سے ٹائیر 2 واچ لسٹ میں شامل کردیا تھا جبکہ رپورٹ میں تسلیم کیا گیا کہ انسانی اسمگلنگ کے خلاف جنگ میں پاکستان ’اہم اقدامات‘ کر رہا ہے۔
ٹی آئی پی رپورٹ کوٹئیر ایک، ٹیئر 2، ٹائیر 2 واچ لسٹ اورٹائیر 3 میں تقسیم کیاگیا ہےٹائیر2 واچ لسٹ والےممالک وہ ہیں جن کی حکومتیں ٹریفکنگ متاثرین سے تحفظ کے ایکٹ (ٹی وی پی اے) کےکم سے کم معیارات پر پورا اترتی ہیں تاہم خود کو ان معیارات کی تعمیل میں لانے کے لیے اہم کوششیں کر رہی ہیں مگر اس کے باوجود اسمگلنگ کے متاثرین کی تعداد میں نمایاں اضافہ ہو رہا ہے
محکمہ موسمیات نے آج سے بارشوں کا نیا سلسلہ شروع ہونے کی پیش گوئی کی ہے-
باغی ٹی وی : محکمہ موسمیات کے مطابق 20 سے 26 جولائی تک کشمیر، گلگت بلتستان، اسلام آباد اور پنجاب کے کئی شہروں کے ساتھ بنوں، لکی مروت، ڈی آئی خان، اوکاڑہ، بہاول نگر، رحیم یار خان اور ملتان میں بھی بارش کا امکان ہے۔
محکمہ موسمیات کا کہنا ہے کہ بلوچستان میں ژوب، زیارت، بارکھان، بولان، سبی، قلات اور خضدار میں بھی بارش ہوگی ۔
اس کے علاوہ محکمہ موسمیات کی جانب سے 24 سے 26 جولائی کے دوران سندھ کے تمام اضلاع میں بارش کی پیش گوئی کی گئی ہے جس کے مطابق کراچی، ٹھٹھہ، بدین میں بارش سے نشیبی علاقے زیرِ آب آنے کا امکان ہے۔
دوسری جانب مانسہره، دير، کشمير، بارکھان، کوہلو، سبی، بولان اور ڈی جی خان کے ندى نالوں میں طغيانی کا خدشہ ہے۔
راولپنڈی ، اسلام آباد اور گردوناھ میں وقفے وقفے سے بارش کا سلسلہ جاری ہے ،بارش کے ساتھ ٹھنڈی ہوا نے موسم خوشگوار بنا دیا جبکہ ہری پورشہر اور گردونواح کے علاقوں میں تیز ہواوں کے ساتھ بارش کا سلسلہ جاری ہے شکر گڑھ میں بھی گرج چمک کے ساتھ بارش ، موسم خوشگوار بنا دیا ہے
تہران :روس اور ایران کے درمیان توانائی تعاون کے بڑے منصوبے پرمعاہدہ ہوگیا ہے اور اس حوالے سے روسی اور ایرانی میڈیا اسے بڑی کامیابھی قرار دے رہے ہیں ، یہ معاہدہ اس وقت سامنے آیا جب یورپ اور نیٹو کے دیگرممالک کےساتھ امریکہ روس کو نیچا دکھانے کے چکروں میں ہیں
:ایران اور روس کے درمیان توانائی کے شعبے میں تعاون کے لیے تقریبا 40 ارب ڈالرز مالیت کی مفاہمتی یاداشت پر دستخط کیے گئے ہیں۔
ایرانی وزارت تیل کی خبرایجنسی سے جاری بیان کےمطابق ایران کی نیشنل آئل کمپنی اور روسی کمپنی گیز پروم (Gazprom) کے سی ای اوز نے مفاہمتی یاداشت پر آن لائن تقریب کے دوران دستخط کیے.
ایرانی حکام کے مطابق روسی کمپنی, کیش آئی لینڈ، شمالی فارس سمیت 6 گیس فیلڈز کی ترقی میں مدد کرے گی، ایل این جی منصوبوں کی تکمیل اور گیس برآمد پائپ لائنوں کی تعمیر میں بھی شامل ہوگی.
خیال رہے کہ ایران کے پاس دنیا میں گیس دوسرے سے بڑے زخائر موجود ہیں لیکن امریکی پابندیاں ایران کے گیس نکالنے کی ٹیکنالاجی اور ایکسپورٹ میں سست روی کا سبب بنی ہوئی ہے۔
قابل ذکر ہے کہ روسی صدر شام کے امن عمل سے متعلق ایران، روس اور ترکی کے ساتویں سربراہی اجلاس میں شرکت کے لئے ایران کے دورے پر تہران پہنچے ہیں۔ تہران سربراہی اجلاس میں شام کے مسائل، دہشت گردی منجملہ داعش اور پی کے کے، کے خلاف مہم اور شامی پناہ گزینوں کی وطن واپسی جیسے مسائل پر گفتگو ہو گی۔
