Baaghi TV

Tag: پاکستان

  • 24 گھنٹوں میں کورونا کے 502 نئے کیسز رپورٹ

    24 گھنٹوں میں کورونا کے 502 نئے کیسز رپورٹ

    قومی ادارہ صحت کے مطابق گزشتہ 24 گھنٹے کےدوران پاکستان میں عالمی وبا کورونا وائرس سے 1 مریض انتقال کر گئے-

    باغی ٹی وی : ملک میں ایک بار پھر کورونا کیسز میں تیزی سے اضافہ ہونے لگا کورونا کے یومیہ کیسز کی تعداد500 سے تجاوز کر گئی قومی ادارہ صحت (این آئی ایچ) کے مطابق گزشتہ 24 گھنٹے میں کورونا کے 502 کیسز رپورٹ ہوئے جبکہ گزشتہ 24 گھنٹے میں 18 ہزار 385 کورونا ٹیسٹ کیے گئے-

    کورونا کیسز میں اضافہ: ڈومیسٹک پروازوں، ریلوے اور پبلک ٹرانسپورٹ میں سفر کےدوران…


    این ایچ آئی کے مطابق گزشتہ 24 گھنٹے میں کورونا مثبت کیسز کی شرح 2.73 فیصد رہی، جبکہ ملک بھر میں کورونا کے 145 مریضو ں کی حالت تشویش ناک ہے-

    این آئی ایچ کے مطابق 24گھنٹے میں اسلام آباد میں کورونا کے 34 کیسز رپورٹ ہوئے،کراچی میں کورونا کے 348 ،لاہور 75 اور راولپنڈی میں 10 کیسز رپورٹ ہوئے،پشاور4،صوابی ایک اور راولپنڈی میں میں کورونا کے10کیسز رپورٹ ہوئے-

    کورونا وائرس چین سے نہیں بلکہ امریکی لیبارٹری سے لیک ہوا،امریکی پروفیسر کا انکشاف

    قومی ادارہ صحت کے مطابق مردان میں 24 گھنٹے میں 10،اسلام آباد 620 کورونا ٹیسٹ کیے گئے ،کراچی 7 ہزار 422 ،لاہور 2 ہزار 103،پشاور 222 اور صوابی میں 62 ٹیسٹ کیے،راولپنڈی میں کورونا کے 972 افراد کا کورونا ٹیسٹ کیا گیا-

    110 سے زائد ممالک مین کورونا پھرتیزی سے پھیلنے لگا ہے:سخت احتیاط کی ضرورت ہے:عالمی…

  • امریکہ و افغانستان کے مابین دفاعی رابطوں کا باضابطہ خاتمہ

    امریکہ و افغانستان کے مابین دفاعی رابطوں کا باضابطہ خاتمہ

    کابل:امریکی صدر جو بائیڈن نے افغانستان سے نان نیٹو اتحادی کا اسٹیٹس واپس لے لیا ہے۔ جس کے بعد امریکہ کے افغانستان کے ساتھ تقریباً بیس سال پر محیط فوجی اور سیکیورٹی رابطوں کا باضابطہ طور پر خاتمہ ہو گیا ہے۔

    نجی اخبار کی رپورٹ کے مطابق صدر جو بائیڈن نے رواں ہفتے کے اوائل میں کانگریس کو ارسال کردہ ایک خط میں لکھا ہے کہ 1961 کے فارن اسسٹنس ایکٹ کی سیکشن 517 کے مطابق میں افغانستان کی ایک بڑے نان نیٹو اتحادی کی حیثیت منسوخ کرنے کے اپنے نوٹس فراہم کر رہا ہوں۔

    امریکہ کے دیگر بڑے نان نیٹو اتحادیوں میں ارجنٹائن، آسٹریلیا، بحرین، برازیل، کولمبیا، مصر، اسرائیل، جاپان، اردن، کویت، مراکش، نیوزی لینڈ، فلپائن، قطر، جنوبی کوریا، تھائی لینڈ اور تیونس شامل ہیں۔

    ایک بڑے نان نیٹو اتحادی کے طور پر افغانستان بھی فوجی تربیت اور امداد حاصل کرنے بشمول نیٹو افواج کے ملک چھوڑنے کے بعد بھی فوجی ساز و سامان کی فروخت اور لیز پر دینے کا عمل تیز کرنے کا اہل تھا ۔تاہم، اب بھی دنیا بھر میں امریکہ کے ایسے 18 اتحادی ممالک ہیں جن میں پاکستان بھی شامل ہے۔

    یاد رہے، اگست 2021 میں، بائیڈن انتظامیہ نے افغانستان سے تمام امریکی فوجیوں کو واپس بلا لیا تھا جس سے تقریباً بیس سال سے جاری جنگ کا خاتمہ ہوگیا تھا۔ اس کے بعد سے امریکہ نے افغانستان کے ساتھ اپنے رابطوں کو بتدریج کم کر دیا ہے۔ فی الحال امریکہ اور افغانستان کےمابین واحد حل طلب مسئلہ امریکی سینٹرل بینک کی جانب سے منجمد کیے گئے سات ارب ڈالر مالیت کے افغان اثاثہ جات کا ہے۔

  • سابق وزیرداخلہ سرفرازبگٹی کے قافلے پر ریموٹ کنٹرول بم دھماکا

    سابق وزیرداخلہ سرفرازبگٹی کے قافلے پر ریموٹ کنٹرول بم دھماکا

    کوئٹہ :بلوچستان کے سابق وزیرداخلہ سینیٹر سرفراز بگٹی کے قافلے کے قریب ریموٹ کنٹرول بم دھماکا ہوا ہے، دھماکے میں گارڈ زخمی ہوگیا، جبکہ سینیٹر سرفراز بگٹی دھماکے میں محفوظ رہے۔

    ذرائع کے مطابق کشمور ڈیرہ بگٹی روڈ پرسینیٹر سرفراز بگٹی کے قافلے کے قریب دھماکا ہوا ہے، دھماکے میں سینیٹر سرفراز بگٹی دھماکے میں محفوظ رہے، دھماکا سرفراز بگٹی کی گاڑی گزرنے کے بعد ہوا، جس کے باعث قافلے میں شامل دوسری گاڑی کو نقصان پہنچا اور ایک گارڈ زخمی ہوگیا ہے۔

    ڈی سی ڈیرہ بگٹی ممتاز کھیتران کا کہنا ہے کہ جس مقام پر دھماکہ ہوا وہ روجھان پور کا علاقہ ہے، ڈیرہ بگٹی کی انتظامیہ بھی موقع پر پہنچ رہی ہے۔بتایا گیا ہے سینیٹر سرفراز بگٹی عید منانے ڈیرہ بگٹی جا رہے تھے

    یاد رہے کہ اس سال کے آغاز میں بھی سرفرازبگٹی پرقاتلانہ حملہ ہوا جس میں وہ بال بال بچ گئے تھے،یہ جنوری 2022 کا واقعہ ہے جب بلوچستان کے ضلع ڈیرہ بگٹی کے علاقے سوئی میں موندرانی مٹ کے قریب دہشت گرد وں نے حملہ کیا ہے، بم دھماکے کے نتیجے میں 4 لیویز اہلکار شہید اور 9 افراد زخمی ہو گئے۔

    سابق وزیرِ داخلہ بلوچستان و سینیٹر سرفراز بگٹی کا کہنا تھا کہ شہید افراد میں ان کے کزن بھی شامل ہیں، بلوچ ریپبلکن آرمی کے دہشت گرد اس حملے میں ملوث ہیں۔

    سابق وزیرِ داخلہ بلوچستان، سینیٹر سرفراز بگٹی کا یہ بھی کہنا ہے کہ حکومت مذاکرات کے نام پر مذاق کر رہی ہے حالانکہ لوگوں کی مدد کرنا ریاست کی ذمے داری ہے۔

    ایسے ہی 2016 میں بھی سرفرازبگٹی پرحملہ ہوا تھا جس میں‌ وزیر داخلہ سرفراز بگٹی کے قافلے پر دوبارہ قاتلانہ حملہ کیا گیا،جس میں سرفراز بگٹی محافظوں سمیت حملے میں محفوظ رہے۔ اس وقت صوبائی وزیر داخلہ سرفراز بگٹی سوئی سے ڈیرہ بگٹی جا رہے تھے کہ گھات لگائے دہشت گردوں نے ان کے قافلے پر حملہ کردیا، خوش قسمتی سے صوبائی وزیر داخلہ محافظوں سمیت قاتلانہ حملے میں محفوظ رہے، لیویز اور فورسز کی جوابی فائرنگ سے حملہ آور فرار ہونے میں کامیاب ہوگئے

  • سلمان رفیق اور ایاز صادق نے وزارتوں سے استعفے دے دیئے

    سلمان رفیق اور ایاز صادق نے وزارتوں سے استعفے دے دیئے

    لاہور:سلمان رفیق اور ایاز صادق نے وزارتوں سے استعفے دے دیئے،اطلاعات کے مطابق ن لیگ کوپنجاب اور وفاق میں اس وقت پریشانی اٹھانی پڑی جب دواہم لیگی شخصیات نے استعفے دے کرسب کوحیران کردیا ،یہ دونوں شخصیتیں لاہور سے تعلق رکھتی ہیں‌،

    اس حوالے سے کچھ خبریں گردش کررہی ہیں کہ پی پی ایک سواٹھاون رانااحسن شرافت کا ضمنی الیکشن اس وقت زوروں پر ہے اور دوسری طرف رہنما پاکستان مسلم لیگ ن سردارایاز صادق کا ذاتی وجوہات کی بنا پر وفاقی وزیر برائے اقتصادی امور کے عہدے سے مستعفی ہوچکے ہیں اوریہ بھی سُننے میں آیا ہے انہوں نے وزیراعظم کواپنا استعفیٰ ارسال کردیا ہے

     

    لاہور سے دوسری بڑی شخصیت جنہوںنے استعفیٰ‌ دیا ہے وہ خواجہ سعد رفیق کے بھائی خواجہ سلمان رفیق ہیں جنہوں نے اپنی وزارت سے استعفی وزیراعلی پنجاب حمزہ شہباز شریف کو بجھوا دیا ، یہ بھی بتایا جارہا ہے کہ وزیر اعلی پنجاب حمزہ شہباز نے خواجہ سلمان رفیق کا استعفی منظور کر لیا

    ادھر ذرائع کے مطابق عطا تارڈ کا کہنا ہے کہ ان دونوں رہنماوں نے الیکشن مہم چلانے کے لیے استعفے دیےہیں‌، خواجہ سلمان رفیق اورسردار ایاز صادق بہت جلد اتنخابی مہم میں شامل ہوجائیں گے

  • ملک میں سری لنکا والی صورتحال نہ ہونیکی وجہ عمران خان کی مدبرانہ سیاست ہے: فوادچوہدری

    ملک میں سری لنکا والی صورتحال نہ ہونیکی وجہ عمران خان کی مدبرانہ سیاست ہے: فوادچوہدری

    لاہور:پاکستان تحریک انصاف (پی ٹی آئی) کے سینئر رہنما اور سابق وفاقی وزیر اطلاعات فواد چودھری نے کہا ہے کہ ملک میں سری لنکا والی صورتحال نہ ہونے کی وجہ تحریک انصاف اور عمران خان کی مدبرانہ سیاست ہے۔

    سماجی رابطے کی ویب سائٹ ٹویٹر پرانہوں نے ایک ویڈیو اپ لوڈ کی جس کے کیپشن پر فواد چودھری نے لکھا کہ سری لنکا کے عوام کیلئے ڈھیروں محبتیں اور دعائیں خدا مشکلیں آسان کرے۔

    انہوں نے لکھا کہ اللہ پاکستان کو محفوظ رکھے آج یہ صورتحال یہاں نہیں تو واحد وجہ تحریک انصاف اور عمران خان کی ذمہ دارانہ اور مدبرانہ سیاست ہے، ہم ملک کو بحران سے نکالنے کی سیاست کر رہے ہیں خدا پاکستان کے لوگوں کا حامی و مددگار ہو!

    سری لنکا کے عوام کیلئے ڈھیروں محبتیں اور دعائیں خدا مشکلیں آسان کرے، خدا پاکستان کو محفوظ رکھے آج یہ صورتحال یہاں نہیں تو واحد وجہ تحریک انصاف اور عمران خان کی ذمہ دارانہ اور مدبرانہ سیاست ہے، ہم ملک کو بحران سے نکالنے کی سیاست کر رہے ہیں خدا پاکستان کے لوگوں کا حامی و مددگار ہو!

     

    یاد رہے کہ آج معاشی بحران سے تنگ سری لنکن عوام نے کرفیو کا توڑتے ہوئے صدارتی محل پر دھاوا بول دیا۔

    غیر ملکی میڈیا رپورٹ کے مطابق معاشی بدحالی کا شکار سری لنکا کے شہریوں کا صبر کا پیمانہ لبریز ہوگیا، عوام نے فوج کی جانب سے عائد کرفیو کو توڑتے ہوئے صدارتی محل پر دھاوا بول دیا اور محل کے اندر داخل ہوگئے۔

    صدارتی محل میں داخل ہونے سے قبل پولیس اور شہریوں کے درمیان شدید جھڑپیں بھی ہوئیں، پولیس نے مظاہرین کو متشر کرنے کیلئے واٹر کینن کا استعمال اور شیلنگ کی تاہم پولیس کو مظاہرین پر قابو پانے میں کامیابی حاصل نہ کرسکی۔Imageمیڈیا رپورٹ کے مطابق مظاہرین نے صدارتی محل کے کمروں اور دفاتر کا کنٹرول سنبھال لیا ہے جبکہ صدر گوتابایا راجا پکسے کو فوج نے نامعلوم مقام پر منتقل کردیا۔

     

    ادھر سری لنکا کے وزیر اعظم نے تازہ ترین صورتحال پر آج سیاسی جماعتوں کا ہنگامی اجلاس طلب کر لیا ہے۔

     

     

    واضح رہے کہ سری لنکا میں اس وقت اشیائے ضروریہ کی شدید قلت ہے، اور اس کی دو کروڑ 20 لاکھ آبادی رواں برس کے آغاز سے ہی مہنگائی اور بجلی کے طویل بلیک آؤٹ برداشت کر رہی ہے۔

     

     

    مظاہرین کئی ماہ سے صدر گوتابایا راجا پکسے کے کولمبو دفتر کے باہر ڈیرے ڈالے ہوئے ہیں تاکہ معاشی بدانتظامی کی وجہ سے ان پر استعفے کے لیے دباؤ ڈالا جا سکے۔

     

     

    یاد رہے کہ سری لنکا کے وزیر اعظم رانیل وکرما سنگھے نے پانچ جولائی کو پارلیمنٹ میں خطاب کرتے ہوئے کہا تھا کہ ملک ”دیوالیہ ہو چکا ہے” اور اس کا یہ سنگین معاشی بحران کم سے کم آئندہ برس کے اواخر تک یونہی برقرار رہے گا۔

  • یاسر حسین دعا زہری کے حق میں بول پڑے

    یاسر حسین دعا زہری کے حق میں بول پڑے

    اداکار یاسر حسین جو اپنی باتوں کی وجہ سے خبروں میں رہتے ہیں ھال ہی میں‌ انہوں نے کی ایسی پوسٹ کہ ایک بار پھر وہ خبروں میں آگئے اور سوشل میڈیا پر ان کے بارے میں تبصرے ہونے لگے. یاسر حسین بولے ہیں دعا زھری کے حق میں انہوں نے اپنی انسٹاگرام سٹوری میں شئیر کی ایک میم اس میم میں انہوں‌ نے لکھا کہ چین سمندر سے بجلی بنا رہا ہے اور پاکستان سے ابھی تک یہی طے نہیں ہو سکا پسند کی شادی کرنے والی دعا زھری کی عمر کتنی ہے

    پندراں سال یا سولہ. ان کی پوسٹ میں مزید یہی بھی لکھا تھا کراچی سے لاہور جا کر پسند کی شادی کرنے والی لڑکی دعا زھری پر اب تک پولیس کے چالیس لاکھ روپے لگ چکے ہیں. ہم کیسے لوگ ہیں کہ ایک بچی کے پیچھے لگے ہوئے ہیں. یاسر حسین کی اس پوسٹ پر سوشل میڈیا پر دلچپسپ تبصرے ہو رہے ہیں.یاد رہے کہ یاسر حسین اکثر کچھ ایسا بول دیتے ہیں کہ یہ خبروں کی زینت بن جاتے ہیں.جہاں ان کی باتوں کو بہت پسند کیا جاتا ہے وہیں ناپسند کرنے والے لوگ بھی موجود ہیں. یاسر حسین کی حال ہی میں‌ فلم چوہدری ریلیز ہوئی ہے اس سے پہلے پیچھے تو دیکھو ریلیز ہوئی تھی یہ دونوں فلمیں خاطر خواہ بزنس نہیں کر سکیں.

  • پاکستانی سفیر مسعود خان کی امریکی صدر سے ملاقات، اہم امور پر تبادلہ خیال

    پاکستانی سفیر مسعود خان کی امریکی صدر سے ملاقات، اہم امور پر تبادلہ خیال

    واشنگٹن:امریکا میں پاکستانی سفیر مسعود خان کی امریکی صدر سے ملاقات ہوئی جس میں دوطرفہ تعلقات کے حوالے سے تبادلہ خیال کیا گیا۔

     

     

    واشنگٹن سے میڈیا ذرائع کے مطابق دونوں رہنماؤں کے درمیان ملاقات اوول آفس وائٹ ہاؤس میں ہوئی، اس موقع پر مسعود خان اور صدر جوبائیڈن نے دونوں ممالک کے سفارتی تعلقات کی 75 ویں سالگرہ پر تعلقات مضبوط بنانے کے عزم کا اعادہ کیا۔

     

     

    ملاقات کے دوران پاکستانی سفیر مسعود خان کا کہنا تھا کہ صدر جوبائیڈن سے ملنا اعزاز کی بات ہے، صدر جوبائیڈن سے ملاقات خوشگوار ماحول میں ہوئی ہے۔

     

     

    یاد رہے کہ اس سے پہلے امریکہ میں تعینات پاکستان کے سفیر مسعود خان نے امریکی صدر جو بائیڈن کی سرکاری رہائش گاہ وائٹ ہاؤس کا دورہ کیا اور ان سے ملاقات کرچکے ہیں‌

     

     

    واشنگٹن میں پاکستانی سفارتخانے کی جانب سے ٹویٹس میں کہا گیا ہے تھا کہ مسعود خان نے صدر جو بائیڈن سے ملاقات اور ان کے ساتھ تصویر بنوانے کے لیے وائٹ ہاؤس کا دورہ کیا جو کہ واشنگٹن میں ایک روایت ہے۔

     

     

    پاکستان سفارتخانے کی جانب سے کہا گیا ہے کہ ’سفیر مسعود خان 25 مارچ 2022 کو واشنگٹن ڈی سی آئے تھے۔ اس دن ان کی سفارتی اسناد امریکہ کے چیف آف پروٹوکول نے موصول کی تھیں اور وہ باقاعدہ طور پر سفیر تعینات ہوگئے تھے۔‘

     

     

    یاد رہے کہ پچھلے ہفتے 2 جولائی کوامریکہ میں متعین پاکستانی سفیر مسعود خان نے گورنر ٹیکساس گریگ ایبٹ سے ان کے دفتر واقع آسٹن میں ملاقات کی تھی جس میں پاکستان اور ریاست ٹیکساس کے درمیان مربوط اقتصادی تعلقات اورباہمی سرمایہ کاری سمیت دیگر اہم امور پر تفصیلی تبادلہ خیال کیا گیا۔

     

     

    گورنر ٹیکساس نے پاکستانی سفیر کا والہانہ خیر مقدم کیا۔ملاقات میں پاک امریکہ تعلقات کے استحکام کیلے ممتاز پاکستانی امریکی رہنما جاوید انور کی گراں قدر کاوشوں کو گورنر ٹیکساس نے شاندار الفاظ میں سراہا جبکہ دو شہروں کے کارپوریٹ لیڈرز کے درمیان باہمی رابطوں میں کلیدی کردار ادا کرنے پر مسعود خان نے ہیوسٹن کراچی سسٹر سٹی ایسوسی ایشن کو خراج تحسین پیش کیا۔ ریاست ٹیکساس کے چار روزہ دورے پر آئے ہوے پاکستانی سفیر نےباہمی تجارت اور سرمایہ کاری کے فروغ کیلے گورنر ٹیکساس کو پاکستان کے دورے کی بھی دعوت دی جو انہوں نے قبول کرلی۔

     

     

    مسعود خان کا اس موقع پر کہنا تھا کہ ٹیکساس میں رہنے والے ڈیڑھ لاکھ سے زائد پاکستانی امریکن دونوں ملکوں کیلے ایک پل کی مانند اور گراں قدر اثاثہ ہیں۔ ملاقات کے دوران پاکستانی سفیر نے پاکستان اور ریاست ٹیکساس کے درمیان مربوط اقتصادی تعلقات اورباہمی سرمایہ کاری سمیت دیگر اہم شعبوں بشمول زراعت، پیٹرولیم ،لائیو اسٹاک ،گرین انرجی،ماحولیات ،انفارمیشن ٹیکنالوجی اور دیگر پر تفصیلی تبادلہ خیال کیا۔

     

  • دنیا بھر کےعلاوہ پاکستان کے مختلف شہروں میں بھی عیدالاضحیٰ منائی جارہی ہے۔

    دنیا بھر کےعلاوہ پاکستان کے مختلف شہروں میں بھی عیدالاضحیٰ منائی جارہی ہے۔

    اسلام آباد:امریکا، برطانیہ، کینیڈا، متحدہ عرب امارات اور سعودی عرب سمیت دیگر خلیجی ممالک کے فرزندان اسلام آج عید الاضحی منا رہے ہیں، جب کہ پاکستان میں بھی مختلف شہروں میں سنت ابراھیمی ادا کی جارہی ہے۔

    دنیا بھر کی طرح پاکستان میں بھی بوہری برادری آج عیدالاضحیٰ منا رہی ہے۔ کراچی میں بوہری برادری نے صدر میں واقع طاہری مسجد میں نمازعیدالاضحیٰ ادا کی گئی۔

    نمازعید کے بعد ملک کے استحکام کے لیے خصوصی دعا کرائی گئی، اور بوہری براردی کے افراد نے حضرت ابراھیم کی یاد میں قربانی کی سنت ادا کی۔نمازِعید کے موقع پر بوہری مسجد جانے والے راستے سیکیورٹی کے لیے بند کر دیئے گئے تھے، جب کہ سیکیورٹی کیلئے پولیس اور رینجرز بھی تعینات تھی۔

    پاکستان میں مقیم افغان مہاجرین اور شمالی وزیرستان کے مختلف علاقوں میں 50 فیصد لوگوں نے عیدالاضحٰی کی نماز پڑھی۔ شمالی وزیرستان میں نماز عید الاضحی کا سب سے بڑا اجتماع درپہ خیل عید گاہ میں ہوا۔ جہاں مفتی شیر اکبر نے خطبہ دیا اور نماز پڑھائی۔

    نماز کے بعد ملکی سلامتی اور استحکام کیلئے حصوصی دعائیں مانگی گئیں۔ پشاور میں مقیم افغان مہاجرین نے مرکزی عید گاہ ہزار بوز میں ادا کی۔

    سعودی عرب سمیت دیگر خلیجی ممالک میں آج عید الاضحی مذہبی جوش وجذبے کے ساتھ منائی جارہی ہے، مکہ مکرمہ اور مسجدِ نبوی میں نماز عید کے روح پرور اجتماعات ہوئے، دس لاکھ افراد نے نماز عید ادا کی۔

    مسجدالحرام اور مسجد نبوی میں نماز عید کے روح پرور مناظر دیکھے گئے ہیں، یہ کرونا وبا کے بعد پہلا موقع ہے جب سعودی عرب کی تمام مساجد میں نماز عیدالاضحیٰ کی نماز ادا کی گئی، شاہی خاندان کے ارکان، علماء و شیوخ نے نماز عید میں شرکت کی۔

    نمازِ عید کے اجتماعات کے موقع پر احتیاطی تدابیر پر مکمل عمل درآمد کیا گیا، اس موقع پر اسلام کی سر بلندی، امتِ مسلمہ کی سلامتی اور ترقی کے لیے خصوصی دعائیں کی گئیں۔

  • کراچی میں 24گھنٹوں میں کہاں کتنےبادل برسے؟تازہ ترین اعدادوشمارجاری

    کراچی میں 24گھنٹوں میں کہاں کتنےبادل برسے؟تازہ ترین اعدادوشمارجاری

    کراچی میں24گھنٹوں میں کہاں کتنےبادل برسے؟تازہ ترین اعدادوشمارجاری کر دیئے گئے-

    باغی ٹی وی : کراچی،ضلع جنوبی کے مختلف علاقوں میں بارش کا سلسلہ جاری ہے ڈیفنس،کلفٹن اورکینٹ اسٹیشن کےاطراف میں بارش وقفے وقفے سے جاری ہے-

    کشمور،گڈو بیراج کے مقام پر پانی کی سطح میں اضافہ

    گلشن حدید میں 102اعشاریہ 7ملی میٹربارش ریکارڈ کی گئی ،اولڈائیرپورٹ کےاطراف 53ملی میٹربارش ہوئی،پی اے ایف فیصل بیس پر46ملی میٹر،جناح ٹرمینل پر38اعشاریہ 8ملی میٹر بارش ہوئی ،یونیورسٹی روڈپر28اعشاریہ 4ملی میٹر،قائدآبادمیں 25اعشاریہ 5ملی میٹر بارش ہوئی اورنگی ٹاون میں 5اعشاریہ1ملی میٹربارش ریکارڈکی گئی-

    ناظم آبادمیں 20اعشاریہ4ملی میٹر،گڈاپ میں 15ملی میٹر بارش ریکارڈ ہوئی ،ڈیفنس فیزٹومیں 10اعشاریہ5ملی میٹر،سعدی ٹاون میں 9اعشاریہ 1ملی میٹر بارش ہوئی ، کیماڑی میں 8 ملی میٹر،سرجانی ٹاون میں 7اعشاریہ2ملی میٹر بارش ریکارڈ ہوئی،گلشن معمارمیں 6اعشاریہ6ملی میٹر،نارتھ کراچی میں 5اعشاریہ 5ملی میٹر بارش ہوئی

    کے الیکٹرک کا کہنا ہےکراچی میں مون سون بارش کے دوران بجلی کی بلا تعطل فراہمی کو یقینی بنایا ،گلشنِ حدید اور گڈاپ میں سڑکوں گلیوں میں بہت زیادہ پانی کھڑا ہو گیا ہے ، پانی کی موجودگی کی وجہ سے کام کرنے میں دشواری کا سا منا ہےبارش کے دوران 1,900 فیڈرز میں سے تقریباً150 فیڈرز متاثر ہوئے تھے،علاقائی ٹیموں سے کلیئرنس ملتےہی متاثرہ فیڈرز پر بجلی بحال کردی گئی-

    کراچی میں آج بھی وقفے وقفے سے بارش کا امکان

    دوسری جانب مخمہ موسمیات نے پیشگوئی کی ہے کہ ملتان میں آئندہ 48 گھنٹوں کے دوران بارش کا امکان ہے ملتان میں زیادہ سے زیادہ درجہ حرارت 38 سینٹی گریڈ رہنے کا امکان ہےملتان میں کم سے کم درجہ حرارت 31 سینٹی گریڈ ریکارڈ کیا گیا-

    محکمہ موسمیات کے مطابق کوئٹہ میں درجہ حرارت 36 سینٹی گریڈ ریکارڈ کیا گیا ،خاران میں درجہ حرارت 48 سینٹی گریڈ کیا گیا،قلات میں درجہ حرارت 35 سینٹی گریڈ ریکارڈ کیاگیا ،گوادر میں درجہ حرارت 35ڈگری سینٹی گریڈ ریکارڈ کیا گیا سبی میں درجہ حرارت 45 ڈگری سینٹی گریڈ ریکارڈ کیا گیا ،نوکنڈی میں درجہ حرارت 47 ڈگری سینٹی ریکارڈ کیا گیا ،ژوب میں درجہ حرارت 33ڈگری سینٹی گریڈ ریکارڈ کیا گیا-

    راولپنڈی،نالہ لئی کے کیچمنٹ ایریاز میں بارش تھم گئی بارش رکنے کے باعث نالہ لئی میں پانی کی سطح معمول پر آنا شروع ہوگئی کٹاریاں اور گوالمنڈی کے مقامات پر پانی کی سطح ساڑھے 5فٹ ہو گئی،راولپنڈی میں مجموعی طور پر 53 ملی میٹر بارش ریکارڈ کی گئی-

    بارشوں سے ہونےوالی تباہی پربہت دُکھ ہوا ہے:حکومت بھی ناکام ہوگئی:عمران اسمٰعیل

  • پیپلزپارٹی کے رہنما طاہر مشہدی انتقال کر گئے

    پیپلزپارٹی کے رہنما طاہر مشہدی انتقال کر گئے

    پیپلزپارٹی کے رہنما طاہر مشہدی کراچی میں انتقال کر گئے۔

    باغی ٹی وی :اہل خانہ کے مطابق طاہر مشہدی کچھ عرصے سے بیمار تھے تاہم جمعے کی رات کو ان کا انتقال ہوگیا طاہر مشہدی کی نماز جنازہ بعد نماز ظہر ملیر کینٹ امام بارگاہ میں ادا کی جائے گی۔

    واضح رہے کہ ریٹائرڈ کرنل طاہر مشہدی پیپلزپارٹی سے قبل ایم کیو ایم سے منسلک تھے۔

    وزیر اعظم محمد شہباز شریف نے پاکستان پیپلز پارٹی کے سابق سینیٹر طاہر حسین مشہدی کے انتقال پر دکھ اور افسوس کا اظہار کیا ہے صدر مملکت ڈاکٹر عارف علوی نے سابق سینیٹر طاہر مشہدی کی وفات پر گہرے دکھ اور افسوس کا اظہارکیا ہے

    چیئرمین پی پی پی بلاول بھٹو زرداری نے سینیٹر طاہر مشہدی کے انتقال پر دکھ اور افسوس کا اظہار کیا اور کہا کہ مرحوم سینٹر طاہر مشہدی ایک زیرک اور منجھے ہوئے سیاستدان تھے،مرحوم طاہر مشہدی شہر کراچی کی ترقی اور خوشحالی کے لئے مؤثر کردار ادا کرتے رہے، مرحوم طاہر مشہدی کی مغفرت اور درجات بلندی کی دعا کرتا ہوں،

    سیکرٹری جنرل پیپلز پارٹی سید نیر حسین بخاری نے سابق سینیٹر طاہر مشہدی کے انتقال پر دکھ اور افسوس کا اظہار کیا اورسینیٹر طاہر مشہدی کے لواحقین سے اظہار تعزیت کرتے ہوئے کہا کہ سینٹر طاہر مشہدی کی پارلیمانی خدمات تادیر یاد رکھی جائیں گی اللہ تعالی سابق سینیٹر طاہر مشہدی کو جنت الفردوس میں اعلی مقام عطا کرے اور لواحقین کو صبر دے

    سینیٹر شیری رحمان کا کہنا تھا کہ سابق سینیٹر طاہر حسین مشہدی کے انتقال کی خبر سن کر بہت افسوس ہوا، وہ ایک منجھے ہوئے سیاستدان تھے۔ سینیٹر طاہر حسین مشہدی کے لواحقین کے دکھ میں برابر کے شریک ہیں۔ اللہ تعالی سابق سینیٹر طاہر حسین مشہدی کی مغفرت فرمائے اور ان کو جنت الفردوس میں اعلی مقام عطا فرمائی،

    چیئرمین سینیٹ محمد صادق سنجرانی نے سابق سینیٹر کرنل ریٹائرڈ سید طاہر حسین مشہدی کے انتقال پر گہرے دکھ اور افسوس کا اظہار کیا ہے۔چیئرمین سینیٹ نے اپنے تعزیتی پیغام میں مرحوم سینیٹر کے اہلخانہ سے دلی ہمدردی کا اظہار کرتے ہوئے کہا کہ دکھ کی اس گھڑی میں مرحوم سینیٹر کے اہلخانہ کے غم میں برابر کے شریک ہیں۔ مرحوم طاہر حسین مشہدی ایک مدبر سیاستدان تھے ان کی سیاسی و سماجی خدمات کو خراج عقیدت پیش کرتے ہیں۔ملک میں جمہوریت کے فروغ اور ایوان بالاء میں قانون سازی کے حوالے سے مرحوم سینیٹر کی خدمات قابل تحسین ہیں۔چیئرمین سینیٹ نے اللہ تبارک تعالیٰ سے دعا کہ مرحوم سینیٹرکی مغفرت اور درجات بلند کرے اورغم زدہ خاندان کو یہ صدمہ صبرو حوصلے سے برداشت کرنے کی توفیق عطا فرمائے۔

    ڈپٹی چیئرمین سینیٹ سینیٹر مرزا محمد آفریدی،قائد ایوان سینیٹ سینیٹراعظم نذیر تارڑ اور قائد حزب اختلاف سینیٹ سینیٹر ڈاکٹر شہزاد وسیم نے بھی مرحوم سینیٹر طاہر حسین مشہدی کی خدمات کو خراج عقیدت پیش کیا۔ انھوں نے سابق سینیٹر طاہر حسین مشہدی کے انتقال پر اہل خانہ کے ساتھ اظہار افسوس اور دلی ہمدردی کا اظہار بھی کیا