Baaghi TV

Tag: پاکستان

  • مادر ملت محترمہ فاطمہ جناحؒ کا یوم وفات

    مادر ملت محترمہ فاطمہ جناحؒ کا یوم وفات

    مادر ملت محترمہ فاطمہ جناحؒ کی 54 ویں برسی آج عقیدت و احترام سے منائی جا رہی ہے۔

    باغی ٹی وی : مادر ملت محترمہ فاطمہ جناح ؒ 30جولائی 1893 کو کراچی میں پیدا ہوئیں، محترمہ فاطمہ جناح قائد اعظم محمد علی جناح کے بہن بھائیوں میں ان کے سب سے زیادہ قریب تھیں 1919 میں یونیورسٹی آف کلکتہ سے انہوں نے ڈینٹل سرجن کی ڈگری حاصل کرنے کے بعد ممبئی میں باقاعدہ پریکٹس کی ان کی شادی 1918 میں ہوئی تھی۔ لیکن جب 1929 میں ان کے خاوند کا انتقال ہوگیا تو وہ اپنا نجی کلینک بند کرکے بھائی کے گھر منتقل ہوگئیں۔

    بھائی محمد علی جناح کے گھر منتقل ہونے کے بعد انہوں نے قیام پاکستان کی جدوجہد میں نمایاں کردار ادا کیا محترمہ فاطمہ جناح نے بھائی محمدعلی جناح کیساتھ ملکر آزادی تحریک میں اہم ترین کردار ادا کیا۔ فاطمہ جناح آزاد وطن کے حصول کیلئے پیش پیش رہیں۔

    مادر ملت محترمہ فاطمہ جناحؒ نے تحریک پاکستان کے دوران نہ صرف مسلم خواتین کی رہنمائی کی بلکہ قائداعظم محمد علی جناح کی بھرپور اخلاقی مدد کرتے ہوئے نئے وطن کے حصول کے مشن میں‌ عملی طور پر ان کے ساتھ رہیں۔

    مادر ملت محترمہ فاطمہ جناح ؒ نے برصغیر کی مسلم خواتین کو ایک پلیٹ فارم پرجمع کر کے حصول پاکستان کی منزل کو آسان بنایا۔ قائداعظم کے شانہ بشانہ رہ کر ان کا حوصلہ بڑھاتیں اور سیاسی معاملات میں انھیں قابل عمل مشورے دیتیں۔ ان کی ذات میں بھی وہی اصول اور قائدانہ صلاحیت تھی جو قدرت نے ان کے بھائی کو ودیعت کر رکھی تھی-

    پاکستان بننے کے بعد بھی اپنے بھائی کی طرح محترمہ میدان عمل میں متحرک رہیں۔ قائداعظم کی وفات کے بعد قوم کو مایوسی کی کیفیت نے گھیرا تو آپ نے اہل وطن کی رہنمائی کی۔ قوم کو دوبارہ سے قائد کا پیغام یاد کروایا اور اپنی تقاریر سے ان میں نئی روح پھونک دی۔ بانی پاکستان کے انتقال کے بعد فاطمہ جناح، عملی سیاست سے کنارہ کش ہوگئیں، مگر 1964 میں جب جمہوریت کے بجائے ملک میں آمریت کی جڑیں پھیلنے لگیں تو وہ ایک مرتبہ پھر عملی طور پر میدان میں اتر آئیں۔

    جنرل ایوب خان نے جب 1965 میں انتخابات کرانے کا اعلان کیا تو فاطمہ جناح کو حزب اختلاف کی تمام جماعتوں نے اپنا مشترکہ امیدوار نامزد کیا آپ نے 1964 کے صدارتی انتخابات میں حصہ لیا، 9 جولائی 1967 کو 73 برس کی عمر میں دار فانی سے کوچ کر گئیں، وصیت کے مطابق آ پ کو بھائی قائد اعظم محمد علی جناح ؒ کے پہلو میں دفن کیا گیا-

  • کراچی میں بارش: پی آئی اے کی کراچی ایئرپورٹ سے جانے والی تین پروازیں منسوخ

    کراچی میں بارش: پی آئی اے کی کراچی ایئرپورٹ سے جانے والی تین پروازیں منسوخ

    کراچی:شہرقائد میں بارش سے فلائٹ آپریشن متاثر ہوگیا ہے۔تفصیلات کے مطابق کراچی سے جانے والی ملکی اور غیر ملکی ائیر لائنز کی پروازیں تاخیر کا شکار ہیں، بارش کے باعث کراچی ایئر پورٹ سے جانے والی تین پروازیں بھی منسوخ ہوگئیں۔

    ذرائع کا کہنا ہے کہ پی آئی اے کی کراچی سے اسلام آباد کی پرواز پی کے 308 چار گھنٹے تاخیر سے شام 7:36 بجے روانہ ہوئی، پی آئی اے کی کراچی سے نجف کی پرواز پی کے 219 ساڑھے پانچ گھنٹے تاخیر سے 9 بجے شیڈول ہوئی۔

    ذرائع نے بتایا کہ فلائی دبئی کی کراچی سے دبئی کی پرواز FZ-336 ڈیڑھ گھنٹہ تاخیر سے شام 6 بجے روانہ ہوئی، ایرسیال ایرلاین کی کراچی سے اسلام آباد کی پرواز PF 125 بھی 53 منٹ تاخیر سے شام 7:53 بجے روانہ ہوئی۔

    ایربلو کی کراچی سے لاہور کی پرواز PA 406 ڈیڑھ گھنٹہ تاخیر سے رات 10:35 بجے شیڈول ہوئی، پی آئی اے کی رات 10 بجے کی پشاور کی پرواز کو رات ایک بجے شیڈول کردیا گیا۔

    سیرین ایر کی کراچی سے لاہور کی پرواز ER524 منسوخ کردی گئی، پی آئی اے کی کراچی سے فیصل آباد کی پرواز PK340 بھی منسوخ کردی گئی۔امارات ایرلاین کی کراچی سے دبئی کی پرواز EK-609 منسوخ کردی گئی۔

    سی اے اے ذرائع کے مطابق کراچی ایئرپورٹ پر موسلا دھار بارش کے باعث پی آئی اے کی کوئٹہ سے کراچی کی پرواز کو ملتان ایئرپورٹ لینڈ کی ہدایت کی گئی، پرواز میں 120 سے زائد مسافر سوار ہیں۔

    سی اے اے ذرائع کا کہنا ہے کہ نوابشاہ ایئرپورٹ پر بھی بارش کے باعث پرواز پی کے 311 کو ملتان لینڈنگ کی ہدایت کی گئی، پی کے 311 کو سہ پہر 2:55 پر کراچی لینڈ کرنا تھا لیکن پرواز تاحال ملتان ایئرپورٹ پر موجود ہے۔

    سی اے اے ذرائع کا کہنا ہے کہ مسافروں کو رات 9 بجے ملتان سے کراچی لینڈنگ کا نیا وقت دے دیا گیا ہے۔

  • ٹینس سٹار ثانیہ مرزا نے ریٹائرمنٹ کا اعلان کردیا: جاتے جاتےچاہنے والوں کوغمگین کرگئیں

    ٹینس سٹار ثانیہ مرزا نے ریٹائرمنٹ کا اعلان کردیا: جاتے جاتےچاہنے والوں کوغمگین کرگئیں

    لندن:،ٹینس سٹار ثانیہ مرزا نے ریٹائرمنٹ کا اعلان کرکے چاہنے والوں کوغمگین کردیا ،اطلاعات کے مطابق بھارتی ٹینس سٹار ثانیہ مرزا نے ومبلڈن میں آخری میچ کھیل کر ریٹائرمنٹ کا اعلان کردیا۔

    سماجی رابطے کی سائٹ انسٹاگرام پر ٹینس اسٹار ثانیہ مرزا نے جذباتی پوسٹ شیئر کرتے ہوئے لکھا کہ "کھیل آپ سے بہت کچھ لے لیتے ہیں، ذہنی طور پر، جسمانی طور پر اور جذباتی طور پر، جیت اور ہار، گھنٹوں کی محنت اور ہارنے کے بعد بغیر نیند کے کئی راتیں لیکن یہ سب بدلے میں آپ کو بہت کچھ دیتا ہے جو آپ کو کوئی اور نوکری نہیں دے سکتی جس کے لیے میں شکر گزار ہوں”۔

     

    ثانیہ مرزا نے مزید لکھا کہ "آنسو اور خوشیاں، لڑائی اور جدوجہد، ہم نے جو کچھ کیا ہے آخر میں یہ سب بہت خوبصورت اور قیمتی لگتا ہے، ومبلڈن میں کھیلنا اور پچھلے 20 سالوں سے یہاں جیتنا اعزاز کی بات ہے، مجھے بہت یاد آئے گی”۔ثانیہ مرزا کو اپنے کیرئیر کے آخری ومبلڈن کے مکسڈ ڈبلز کے سیمی فائنل میں شکست کا سامنا کرنا پڑا جو انکے کیرئیر کا آخری میچ ثابت ہوا۔

     

     

    ادھر جاری ٹورنامنٹ میں عرب مسلمان ٹینس اسٹار ومبلڈن میں تاریخ رقم کرنے والی ہیں،یہ اعزازسیاہ فام خاتون کو بھی حاصل رہا،اطلاعات کے مطابق ایک مسلمان ٹینس اسٹار ومبلڈن ٹورنامنٹ میں تاریخ رقم کرنے کے قریب ہے۔

    تیونس سے تعلق رکھنے والی انس جابر 9 جولائی کو ومبلڈن ٹورنامنٹ کے ویمن سنگل فائنل میں قازقستان کی ایلینا رابیکینا کا مقابلہ کریں گی۔اگر انس جابر فائنل میں کامیابی حاصل کرتی ہیں تو وہ ایک ٹینس گرینڈ سلیم ایونٹ جیتنے والی پہلی عرب اور افریقی خاتون ہوں گی۔انس جابر نے بتایا کہ تیونس عرب دنیا اور براعظم افریقا سے جڑا ہوا ہے۔

    انہوں نے کہا کہ دنیا کے اس حصے میں ہم زیادہ کھلاڑیوں کو دیکھنا چاہتے ہیں، میری خواہش ہے کہ میرے ملک، مشرق وسطیٰ اور افریقا سے مزید کھلاڑی سامنے آئیں۔

    27 سالہ انس جابر 2021 میں ایک ڈبلیو ٹی اے ٹورنامنٹ جیتنے والی پہلی عرب خاتون کھلاڑی بنی تھیں اور ٹاپ 10 کھلاڑیوں کا بھی حصہ بنیں۔مگر 9 جولائی کو ومبلڈن میں کامیابی ان کے کیرئیر کی سب سے بڑی کامیابی ہوگی۔انہوں نے کہا کہ ‘میں نے متعدد بار خود کو جیت کے بعد تقریر کرتے ہوئے سنا ہے’۔انہوں نے مزید کہا کہ ‘ اب میں حقیقت میں یہ ٹرافی تھامنا چاہتی ہوں، مجھے یقین ہے کہ میں ایسا کرسکتی ہوں’۔

    اب تک وہ مجموعی طور پر 5 ڈبلیو ٹی اے ٹورنامنٹس جیت چکی ہیں اور ٹینس کے میدان میں کامیابیوں نے انہیں تیونس میں بہت زیادہ مقبول بنا دیا ہے، جہاں ان کو ‘وزیر خوشی’ کی عرفیت سے بھی جانا جاتا ہے۔

    انس جابر کے مطابق ‘کچھ عرصے سے تیونس کو مشکلات کا سامنا ہے، مگر جب لوگ میرے میچ دیکھتے ہیں وہ ہمیشہ متحد ہوجاتے ہیں، میں خوش ہوں کہ وہ مجھے فالو کرتے ہیں، توقع ہے کہ میں وزیر خوشی کا خطاب ہمیشہ اپنے پاس رکھ سکوں گی’۔

    اس سال ومبلڈن میں انس جابر کو محض 2 سیٹس میں ناکامی کا سامنا ہوا ہے مگر ان کی مخالف کھلاڑی کو ٹورنامنٹ میں محض ایک سیٹ میں ناکامی کا سامنا ہوا ہے۔

    ویسے اس سال ومبلڈن میں کامیابی حاصل کرنے والی خاتون کھلاڑی تاریخ رقم کرے گی کیونکہ یہ پہلا موقع ہوگا جب تیونس یا قازقستان سے رکھنے والی کوئی خاتون یہ گرینڈ سلیم ٹورنامنٹ اپنے نام کرے گی۔یہ دونوں کھلاڑی اس سے قبل 3 بار ایک دوسرے کے مدمقابل آچکی ہیں جن میں سے 2 بار کامیابی انس جابر کے نام رہی تھی۔

    یاد رہے کہ سن 2000 میں ایک سیاہ فام خاتون وینس ولیمز نے بھی یہ اعزازحاصل کیا تھااوراس اعزاز کے بعد دنیا بھرسے سیاہ فام لوگوں کے حوصلے بلند ہوئے تھے

    جب 9 جولائی 2000 کو وینس ولیمز نے پہلی بار ومبلڈن میں کامیابی حاصل کی۔ دفاعی چیمپئن، لنڈسے ڈیون پورٹ پر اس کی فتح نے ولیمز کو پہلی سیاہ فام خاتون ومبلڈن چیمپئن بنا دیا جب سے التھیا گبسن نے 1957 اور 1958 میں بیک ٹو بیک ٹائٹل جیتا تھا۔

  • ملکی معیشت آئندہ 6 سے7ماہ میں سنبھل جائےگی:احسن اقبال

    ملکی معیشت آئندہ 6 سے7ماہ میں سنبھل جائےگی:احسن اقبال

    اسلام آباد: وفاقی وزیر برائے منصوبہ بندی احسن اقبال نے کہا ہے کہ ملکی معیشت آئندہ 6 سے7ماہ میں سنبھل جائے گی۔تفصیلات کے مطابق وفاقی وزیر برائے منصوبہ بندی احسن اقبال نے اپنے بیان میں کہا ہے کہ عوامی مفاد کے منصوبوں کیلئے فنڈز فراہم کریں گے، پورے ملک کے ترقیاتی منصوبوں کا جائزہ لے رہے ہیں۔

    انہوں نے کہا کہ پاکستان کے ترقیاتی بجٹ میں اضافہ ہونا چاہیے تھا، پی ٹی آئی حکومت نے ترقیاتی بجٹ کو نصف کیا، ملک بدترین معاشی حالات سے گزر رہا ہے، عمران خان کے دور میں کرپشن عروج پر تھی۔

    احسن اقبال نے کہا ہے کہ سابقہ دور میں ذاتی ہاؤسنگ سوسائٹیز پراربوں روپے لگائے گئے، جہلم جیسے علاقوں پر ترقیاتی بجٹ خرچ نہیں کیا گیا، یونین کونسل تک چلانے کا تجربہ نہ رکھنے والے عمران خان کووزارت عظمیٰ دیدی گئی۔

    وفاقی وزیر برائے منصوبہ بندی نے کہا کہ ملکی تاریخ میں اس قدر معاشی بدحالی نہیں دیکھی، عمران خان نے چیئرمین نیب کو بلیک میل کر کے اپنے مقدمات بند کرائے۔رواں ہفتے کے دوران پاکستان اسٹاک ایکسچینج میں مسلسل مندے کا رجحان رہا، شاید یہی وجہ ہے کہ پاکستان اسٹاک ایکسچینج (پی ایس ایکس) میں گزشتہ کاروباری ہفتے کے دوران منفی رجحان رہا۔

    100انڈیکس کاروباری ہفتے میں 286 پوائنٹس کم ہوکر 41 ہزار 344 پر بند ہوا ہے۔کاروباری ہفتے کے دوران انڈیکس کی بلند ترین اور کم ترین سطح بالترتیب 41 ہزار 685 اور 41 ہزار 9 رہی جبکہ انڈیکس ایک ہفتے میں 676 پوائنٹس کے بینڈ میں رہا۔

    حصص بازارمیں ایک ہفتے کےدوران 36 کروڑ شیئرزکےسودے ہوئےجن کی مالیت 12 ارب 17کروڑ روپےسے زائد رہی۔مارکیٹ کیپٹلائزیشن ایک ہفتے میں 21 ارب روپےکم ہوکر6 ہزار941 ارب روپے رہی۔

  • سری لنکا کے معاشی حالات:برطانیہ اور نیوزی لینڈ نے اورمشکل میں ڈال دیا

    سری لنکا کے معاشی حالات:برطانیہ اور نیوزی لینڈ نے اورمشکل میں ڈال دیا

    کولمبو: سری لنکا کے معاشی حالات:برطانیہ اور نیوزی لینڈ نے اورمشکل میں ڈال دیا ،اطلاعات کے مطابق نیوزی لینڈ اور برطانیہ نے اپنے شہریوں کو سری لنکا کے سفر سے گریز کی ہدایت جاری کردی ہیں۔

     

     

    غیر ملکی میڈیا رپورٹ کے مطابق برطانیہ اور نیوزی لینڈ کی حکومتوں نے سری لنکا میں بگڑتے ہوئے معاشی حالات اور اس کے نتیجے میں پیدا ہونے والی بدامنی کے باعث اپنے شہریوں کے لیے جاری کردہ ’ٹریول ایڈوائزری‘ کو تبدیل کردیا ہے۔اس کے علاوہ امریکا، یورپی یونین، کینیڈا، آسٹریلیا اور آئرلینڈ نے اپنے شہریوں کو مشورہ دیا ہے کہ وہ سری لنکا کا سفر کرنے سے گریز کریں۔

     

     

    مذکورہ دونوں ممالک کی جانب سے اپنے شہریوں کو سری لنکا کے سفر کے خلاف جاری کردہ ایڈوائزری میں کہا گیا ہے کہ سری لنکا کے پہلے سے ہی مشکلات کا شکار سیاحتی شعبے کو مزید متاثر کرے گی۔

     

     

     

    ادھر سری لنکا کے محکمہ سیاحت کی اتھارٹی (ایس ایل ٹی ڈی اے) کے صدر پرینتھا فرنینڈو نے واضح کیا کہ مختلف ممالک کی حکومتوں کی ذمہ داری ہے کہ وہ اپنے شہریوں کو بیرون ملک میں پیدا ہونے والی صورتحال سے آگاہ کریں۔انہوں نے ٹوئٹر پیغام میں کہا کہ سری لنکا کے موجودہ منظر نامے کے باعث مقامی سیاحوں کو تھوڑی مشکلات ضرور ہیں ، تاہم ہم سری لنکا آنے والے سیاحوں کو کسی بھی پریشانی سے پاک سفر کا تجربہ کرنے کے لیے ہر ممکن کوشش جاری رکھے ہوئے ہیں۔

     

     

     

    صدر پرینتھا فرنینڈو نے بتایا کہ رواں سال کی پہلی ششماہی میں ایک لاکھ 11 ہزار 337 سیاحوں نے سری لنکا کا سفر کیا، جب کہ کووڈ-19 کے اثرات کی وجہ سے 2021 کے پہلے چھ ماہ میں صرف 17 ہزار سیاحوں نے سری لنکا کا دورہ کیا تھا۔

     

  • چین اور روس نے معمول کے تبادلوں کو برقرار رکھا ہے، چینی وزیر خا رجہ

    چین اور روس نے معمول کے تبادلوں کو برقرار رکھا ہے، چینی وزیر خا رجہ

    بیجنگ:چین کے ریاستی کونسلر اور وزیر خارجہ وانگ ای نے کہا ہے کہ موجودہ بین الاقوامی صورتحال کے باوجود، چین اور روس نے دونوں سربراہان مملکت کی اسٹریٹجک رہنمائی میں معمول کے تبادلوں کو برقرار رکھا ہے اور مختلف شعبوں میں تعاون کو منظم انداز میں فروغ دیا ہے، جس سے دو طرفہ تعلقات کے مضبوط لچک کا مظاہرہ کیا گیا ہے۔ چین برکس سمٹ میں روس کی فعال شرکت اور عالمی ترقی کو فروغ دینے میں اس کی خدمات کو سراہتا ہے۔ ہم سمٹ کے اہم نتائج کو نافذ کرنے، پائیدار ترقی کے 2030 ایجنڈے کے فروغ کو تیز کرنے، ترقی پذیر ممالک کے مشترکہ مفادات کے تحفظ اور بین الاقوامی انصاف کے تحفظ کے لیے روس سمیت تمام فریقوں کے ساتھ کام کرنے کے لیے تیار ہیں۔جمعہ کے روز چینی میڈ یا کے مطا بق ان خیا لا ت کا اظہار چینی وزیر خا رجہ نے روسی وزیر خارجہ سرگئی لاوروف سے ملاقات میں کیا۔

    لاوروف نے چین کو برکس سمٹ کے کامیاب انعقاد پر مبارکباد دی اور کہا کہ روس دونوں ممالک کے عوام کو بہتر طور پر فائدہ پہنچانے کے لیے دوطرفہ تعاون کے شعبوں اور پیمانے کو وسعت دینا چاہتا ہے۔ روس گلوبل ڈویلپمنٹ انیشیٹو اور گلوبل سیکورٹی انیشیٹو سمیت اہم تصورات کی حمایت کرتا ہے اور چین کے ساتھ ہم آہنگی اور تعاون کو مضبوط بنائے گا۔

    چین کے ریاستی کونسلر اور وزیر خارجہ وانگ ای نے کہا ہے کہ چین سب سے پہلے سرد جنگ کے تصور کو بھڑکانے، کیمپ کے تصادم کو بڑھا چڑھا کر پیش کرنے، اور “نئی سرد جنگ” پیدا کرنے کی مخالفت کرتا ہے۔

    جمعہ کے روز چینی میڈ یا کے مطا بق ان خیا لات کا اظہار چینی وزیر خا رجہ نےبھارتی وزیر خارجہ جے شنکر کے ساتھ گفتگو میں کیا ۔ اس مو قع پر وانگ ای نے یوکرین کی موجودہ صورتحال کے بارے میں تین نکات نظر پر روشنی ڈالی ۔

    انہوں نے کہا کہ چین دوہرے معیارات کی مخالفت کرتا ہے جو چین کی خودمختاری اور علاقائی سالمیت کو نقصان پہنچاتے ہیں۔ چین یوکرینی بحران کا تائیوان کے مسئلے سے موازنہ کرنے کی کسی بھی کوشش کو مسترد کرتا ہے اور اپنے بنیادی مفادات کا مضبوطی سے دفاع کرے گا۔

    چین دوسرے ممالک کے جائز ترقیاتی حقوق اور مفادات کو نقصان پہنچانے کی مخالفت کرتا ہے۔ کچھ ممالک نے یوکرین کے بحران کے بہانے کے طور پر چین اور دیگر ممالک پر اندھا دھند یکطرفہ پابندیاں عائد کیں۔ جو غیر قانونی ہیں، جس سے ملکوں کے درمیان معمول کے تبادلے کو نقصان پہنچایا گیا، بین الاقوامی تجارت کے قوانین کی خلاف ورزی کی گئی، اور یوکرین کے بحران کو پیچیدہ بنایا گیا۔

    چین کے بارے میں ایف بی آئی کے ڈائریکٹر کے نامناسب بیان کے جواب میں، چینی وزارت خارجہ کے ترجمان چاؤ لی جیان نے پریس کانفرنس میں کہا ہےکہ متعلقہ امریکی سیاست دانوں نے ہمیشہ "چین کے خطرے” کو ہوا دی ہے اور چین کو بدنام کیا ہے ۔ درحقیقت، اپنی بالادستی اور مفادات کے تحفظ کے لیے، امریکہ نے بارہا اقوام متحدہ کے چارٹر کے مقاصد اور اصولوں اور بین الاقوامی تعلقات کے بنیادی اصولوں کی خلاف ورزی کی، مختلف ممالک میں جنگیں شروع کیں، اور غیر معقول طور پر دیگر ممالک کی کمپنیوں کو دبایا، یہ ثابت کرتا ہے کہ امریکہ عالمی امن اور ترقی کے لیے سب سے بڑا خطرہ ہے۔ ہم اس امریکی اہلکار کو کہتے ہیں کہ وہ چین کی ترقی کو دیکھیں، جھوٹ اور افواہیں پھیلانا اور غیر ذمہ دارانہ بیانات دینا بند کریں۔

    جمعہ کے روز چینی میڈیا کےمطا بق ”برطانوی اہلکار کے بیان کے حوالے سے چاؤ لی جیان نے کہا کہ سب کو معلوم ہے کہ برطانوی انٹیلی جنس سروسز خاص طور پر "جاسوسی کرنے” میں اچھی ہیں۔ برطانیہ نے خطرناک رپورٹیں شائع کیں جن کا مقصد "چین کے خطرے کے نظریہ” کو بڑھا چڑھا کر پیش کرنا اور تصادم کو ہوا دینا ہے۔ چین نے کئی بار اس بات کا اعادہ کیا ہے کہ چین کی ترقی کا مقصد کسی کو نشانہ بنانا یا کسی کی جگہ لینا نہیں، بلکہ چینی عوام کو خوشحال اور خوبصورت زندگی دینا ہے۔

    دوسری طرف چین نے خبردارکرتے ہوئے کہا ہے کہ تائیوان کی علیحدگی کی کسی بھی کوشش کو ناکام بنا یا جا ئے گا: چین کی فوجی مشق کا مقصد تائیوان کی علیحدگی پسند قوتوں کا مقابلہ کرنا ہے،کسی دوسرے ملک کے خلاف کوئی جارحانہ عزائم نہیں ہیں

    چائنیز پیپلز لبریشن آرمی کی ایسٹرن تھیٹر کمانڈ نے تائیوان جزیرے کے ارد گرد فضائی اور سمندری علاقوں میں کثیر خدماتی مشترکہ جنگی تیاری کے گشت اور حقیقی جنگی مشقیں کیں ۔

    جمعہ کے روز چینی میڈ یا کے مطا بق اس حوالے سے منعقدہ پریس کانفرنس میں چینی وزارت خارجہ کے ترجمان چیاؤ لی جیان نے کہا کہ آبنائے تائیوان کی مرکزی لائن پر چین کا موقف واضح اور مستقل ہے اور اس حوالے سے تائیوان حکام کی طرف سے سیاسی جوڑ توڑ کامیاب نہیں ہو گا۔

    چیاؤ لی جیان نے کہا کہ چین کی فوجی مشق کا مقصد بیرونی مداخلت اور تائیوان کی علیحدگی پسند قوتوں کا مقابلہ کرنا ہے۔چین مضبوطی کے ساتھ ملک کے اقتدار اعلی اور علاقائی سالمیت کا تحفظ کرے گا اور "تائیوان کی علیحدگی کی کسی بھی کوشش کو ناکام بنائے گا۔

  • امریکہ نےایران پرمزید پابندیاں عائد کیں توچین نےمذمت کردی

    امریکہ نےایران پرمزید پابندیاں عائد کیں توچین نےمذمت کردی

    واشنگٹن:امریکہ نے بدھ کے روز ایران پر نئی پابندیوں کا اعلان کیا۔دوسری طرف چین نے بھی اس امریکی رویے کی شدید مذمت کی ہے پارس ٹو ڈے کی رپورٹ کے مطابق چین کی وزارت خارجہ نے امریکہ کی جانب سے ایران پر نئی پابندیوں کی شدید مخالفت کی ہے۔

     

     

    چین کی وزارت خارجہ کے ترجمان ژائو لیجیان نے ایک پریس بریفنگ کے دوران کہا کہ چین ہمیشہ ہی امریکہ کے یکطرفہ اور غیر قانونی پابندیوں کا مخالف رہا ہے اور واشنگٹن سے ہم نے ہمیشہ یہ مطالبہ کیا ہے کہ وہ پابندیوں کو ایک ہتھیار کے طور پر استعمال کرنے کی اپنی غلط روش اور پالیسی کو ترک کر کے ایران کے جوہری معاہدے پر عمل در آمد کیلئے مثبت کردار ادا کرے۔

    چین کی وزارت خارجہ کے ترجمان کا کہنا تھا کہ عالمی قوانین کے دائرے میں بیجنگ کے تہران کے ساتھ تعلقات ہیں اور ہمارے یہ تعلقات مثبت اور قانونی ہیں اور اس سے کسی بھی فریق کو کوئی نقصان نہیں پہنچ رہا ہے۔

     

     

    واضح رہے کہ امریکی وزارت خزانہ نے بدھ کے روز ایران پر نئی پابندیوں کا اعلان کرتے ہوئے 2 ایرانی شخصیات ،13 ایرانی اداروں اور 2 تیز رفتار بحری جہاز(ships) کو اپنی غیر قانونی پابندیوں کی فہرست میں شامل کر لیا۔

    امریکہ کے اس اقدام کو 2015 کے ایران جوہری معاہدے کی بحالی پر بات چیت کے دوران تہران پر دباؤ ڈال کر اپنے مطالبات کو آگے بڑھانے کی کوشش کے طور پر دیکھا جاتا ہے۔

     

     

    بائیڈن انتظامیہ نے یہ پابندیاں ایسے میں عائد کی ہیں جب کہ سابق امریکی صدر ڈونلڈ ٹرمپ انتظامیہ کی زیادہ سے زیادہ دباؤ کی پالیسیوں کی ناکامی کا بار بار اعتراف کر چکے ہیں۔ لیکن امریکی سیاستدان، ڈیموکریٹس اور ریپبلکن دونوں، پابندیوں کے اتنے عادی ہیں کہ وہ اپنے مقاصد کے حصول کے لیے ہمیشہ دباؤ اور پابندیوں کا سہارا لیتے رہنے پر مجبور ہیں۔

     

     

    امریکی محکمۂ خزانہ نے دعویٰ کیا ہے کہ اس نے افراد اور اداروں کے ایک ایسے بین الاقوامی نیٹ ورک کا پتہ لگایا ہے جس نے کروڑوں ڈالر مالیت کی ایرانی پیٹرولیم اور پیٹرو کیمیکل مصنوعات کی ترسیل اور فروخت میں سہولت فراہم کرنے کے لیے فرنٹ کمپنیوں کے ویب کا استعمال کیا ہے۔

  • امریکہ اپنی تیل کی ضروریات شام سے لوٹ مارکےتیل سے پوری کررہا ہے

    امریکہ اپنی تیل کی ضروریات شام سے لوٹ مارکےتیل سے پوری کررہا ہے

    دمشق:امریکی فوجی شام سے تقریبا ہر روز ہزاروں بیرل تیل لوٹ رہے ہیں۔اس حوالے سے معلوم ہوا ہے کہ امریکہ اپنی تیل کی ضروریات شام سے لوٹ مارکے تیل سے پوری کررہا ہے

     

     

    شام کی سرکاری خبر رساں ایجنسی سانا کی رپورٹ کے مطابق شام کے شمال مشرق کے مقامی ذرائع کا کہنا ہے کہ جمعہ کے روز شام کے الجزیرہ کے علاقے کے کنویں سے نکالے گئے تیل کو امریکی دہشتگرد 45 ٹینکروں میں بھر کر عراق لے گئے ہیں۔

     

     

    رپورٹ کے مطابق، اس سے پہلے امریکی فوج نے شام سے 42 ٹینکروں پر تیل بھر کے عراق پہنچایا۔شام کی وزارت پٹرولیئم کے مطابق، دہشتگرد امریکی فوجی اپنے کرائے کے فوجیوں کے ساتھ ہر روز شام سے 70 ہزار بیرل تیل چوری کرکے عراق پہنچاتے ہیں۔

     

    غاصب امریکی فوج کا دعوی ہے کہ وہ عالمی اتحاد کے دائرے میں دہشت گردوں کے خلاف برسر پیکار ہے جبکہ وہ، کرد ڈیموکریٹک فورس کے ساتھ مل کر تیل کی لوٹ مار کی غرض سے تیل سے مالامال شام کےعلاقوں پر قبضہ کئے ہوئے ہے۔

    دہشت گردی کے خلاف مہم کے بہانے امریکہ اور اس کے اتحادیوں کی غیر قانونی فوجی موجودگی، ایسی حالت میں جاری ہے کہ امریکی صدر ٹرمپ نے اپنی حکومت کے آغاز میں ہی اعلان کیا تھا کہ امریکہ ہی شام میں مختلف دہشت گرد گروہ منجملہ داعش کے قیام کا باعث بنا ہے۔

     

    شام کے صدر بشار اسد نے امریکی حکومت کو جرمن نازی حکومت کی مانند قرار دیتے ہوئے کہا کہ امریکہ، شام کا تیل لوٹ رہا ہے۔

  • کورونا وائرس کی وجہ سے چین سے واپس آنے والے پاکستانیوں‌ کو آن لائن رجسٹریشن کا پیغام

    کورونا وائرس کی وجہ سے چین سے واپس آنے والے پاکستانیوں‌ کو آن لائن رجسٹریشن کا پیغام

    اسلام آباد:کورونا وائرس کی وجہ سے چین سے واپس آنے والے پاکستانیوں‌ کو آن لائن رجسٹریشن کا پیغام،اطلاعات کے مطابق ہائیرایجوکیشن کمیشن نے اعلان کیاہے کہ جوپاکستانی طالب علم چین میں زیرتعلیم تھے اورکووڈ کے دنوں میں وہ پاکستان واپس آگئے تھے وہ دوبارہ سے چینی تعلیمی اداروں سے منسلک ہونے کےلیے آن لائن رجسٹرین کرلیں ،

    پاکستانی طلباکے لیے مشکلات کیوں ؟ زلفی بخاری نے چینی حکام کے ساتھ معاملہ اٹھا دیا

    ہائیرایجوکیشن کمیشن کی طرف سے جاری پیغام میں کہا گیا ہےکہ وہ پاکستانی طالب علم چینی یونیورسٹیوں میں زیر تعلیم پاکستانی طلباء کی پہلی کھیپ، جو COVID-19 کی وجہ سے پاکستان میں پھنسے ہوئے تھے، 20 جون 2022 کو کامیابی کے ساتھ واپس چین پہنچ گئے ہیں‌، اور لازمی قرنطینہ مدت مکمل کرنے کے بعد اپنے اداروں میں شامل ہوئے۔

    مگر وہ طالب علم جوکہ ابھی تک پاکستان میں‌ ہیں‌ وہ باقی طلباء جو اپنی تعلیم دوبارہ شروع کرنے کے لیے چین واپس جانا چاہتے ہیں انہیں مشورہ دیا جاتا ہے کہ وہ اپنی انفارمیشن اوربائیوڈیٹا درج کریں:

    چینی تعلیمی اداروں کے پاکستانی طلبا کی مشکلات، شیخ رشید میدان میں آ گئے

    ہائیرایجوکیشن کمیشن کی طرف سے مزیدکہا گیا ہے کہ مزید برآں، طلباء کو مشورہ دیا جاتا ہے کہ وہ 21 جولائی 2022 تک درست، قابل اعتماد اور درست معلومات پُر کریں۔ جمع کرائی گئی معلومات کی مزید طریقہ کار اور تصدیق کے لیے معلومات چینی حکام کے ساتھ شیئر کی جائیں گی۔

     

    وزیرخارجہ کا بیجنگ میں پاکستانی طلباء اور پروفیشنلز کی سہولت کیلئے بنائے گئے پورٹل…

    یاد رہے کہ چین میں پھنسے ہوئے پاکستانیوں کی پاکستان واپسی اورپھرپاکستان سے واپس چینی یونیورسٹیوں میں تعلیم کا معاملہ باغی ٹی وی نے حکام کے سامنے کئی بار پیش کیا ہے اوراس سارے معاملے کوحل کرنے کے لیے مسلسل اداروں سے رابطے میں رہے‌ہیں ، اس موقع پرباغی ٹی وی اپنے ان پاکستانی طلبا کے لیے نیک خواہشات رکھتا ہے جوواپس چین پہنچ چکے ہیں اورجو ابھی پاکستان میں موجود ہیں ان کی واپسی کے لیے کوششوں کے ساتھ دُعا گو بھی ہے

    وہان میں‌پھنسے پاکستانی طلبا کی جان میں جان آگئی ، کپتان کی بات بھی یاد آگئی

  • برہان وانی کا یومِ شہادت:شہدائے کشمیرکی تاریخ کا ایک روشن باب

    برہان وانی کا یومِ شہادت:شہدائے کشمیرکی تاریخ کا ایک روشن باب

    لاہور:برہان وانی کا یومِ شہادت:شہدائے کشمیرکی تاریخ کا ایک روشن باب ہے، برہان وانی کی شہادت 8 جولائی کوہوئی اس دن کی مناسبت سے برہان وانی کی شہادت کے نمایاں پہلوکچھ اس طرح ہیں

    ۔ بھارت کے زیر انتظام کشمیر میں حریت پسندرہنما برہان وانی کی شہادت کو 6 سال گزر چکے۔
    ۔ برہان وانی کا یومِ شہادت بھارت سے آزادی اور حقِ خود ارادیت کیلئے مزاحمت کے عہد کے طور پر منایا جا رہا ہے۔
    ۔ برہانی وانی کو جموں و کشمیر میں ہندوستانی فورسز نے8جولائی2016کو شہید کیا۔
    ۔ صرف 15سال کی عمر میں ہندوستانی فوجیوں کے خلاف آواز اُٹھانے والے برہان وانی ایک ہونہار طالب علم تھے۔
    ۔ خالد وانی کی شہادت کے بعد ان کے چھوٹے بھائی برہان وانی نے بھارتی سامراج کے خلاف مزاحمت کی تحریک کو مشکل ترین حالات میں منظم کیا۔
    ۔ کشمیری نوجوانوں کے نزدیک برہان وانی ایک دَلیر حریت پسند اور ہیرو تھے۔
    ۔ برہان وانی نے وادی کشمیر کے جنگلوں، پہاڑوں اور بیابان علاقوں میں رہ کر مشکل ترین حالات میں بھارتی ا فواج کو کئی برس تک تگنی کا ناچ نچوایا۔
    ۔ ہندوستانی فوج کی جانب سے حریت پسند رہنما برہان وانی کی کسی بھی قسم کی اطلاع دینے والے کو 10 لاکھ روپے انعام دینے کا اعلان بھی کیا گیا تھا۔
    ۔ برہان وانی نے بھارتی دہشت اور وحشت کے سامنے آکر نہ صرف ان کو للکارا بلکہ پوری دُنیا کے سامنے بھارتی افواج کے جنگی جرائم کو بے نقاب بھی کیا۔
    ۔ برہان وانی کو بھارتی فوجیوں نے اس لیے شہید کیا کیونکہ وہ اپنی قوم اور لوگوں کے لیے کھڑے ہوئے۔
    ۔ برہان وانی کو کشمیر کی نئی مسلح تحریک کا ‘پوسٹر بوائے’ بھی کہا جاتا ہے
    ۔ 8 جولائی 2016 کو برہان وانی کی شہادت کے بعد کشمیر میں وسیع پیمانے پر عوامی تحریک شروع ہوئی تھی جسے دبانے کے لیے سرکاری کارروائیوں میں درجنوں افراد شہید اور متعدد زخمی ہوئے تھے۔
    ۔ امریکہ میں مقیم معروف کشمیری آرکیٹیکٹ ٹونی اشائی نے برہان وانی کیلئے لکھا کہ”میں انھیں نہیں جانتا لیکن میں نے سنا ہے کہ سب کشمیری ان سے بے پناہ محبت کرتے ہیں“۔
    ۔ اسوا شاہ نے برہان وانی کی نماز جنازہ کی تصویر شیئر کی اور لکھا ”دو لاکھ افراد ان کے جنازے میں شامل ہوئے اور لاکھوں کشمیریوں نے غائبانہ نمازِ جنازہ ادا کی۔ وہ کشمیر کا بیٹا ہے۔ وہ ہمارا ہیرو ہے۔ وہ ہمارا برہان ہے۔“
    ۔ برہان وانی کی جرات و بہادری کو کشمیری عوام کبھی فراموش نہیں کریں گے۔
    ۔ کشمیر کی تاریخ میں برہان وانی کو جرات اور مزاحمت کی علامت کے طور پر یاد کیا جائے گا۔