Baaghi TV

Tag: پاکستان

  • پمز: 2018 کے وزارت صحت کے ماتحت منسک ادارہ کی حیثیت بحال کی جائے گی۔ وزیرصحت، عبدالقادر پٹیل

    پمز: 2018 کے وزارت صحت کے ماتحت منسک ادارہ کی حیثیت بحال کی جائے گی۔ وزیرصحت، عبدالقادر پٹیل

    وفاقی وزیرصحت عبدالقادر پٹیل نے ملازمین کا مطالبہ تسلیم کرتے ہوئے انہیں خوشبری سنائی کہ: ملازمین کی سول سرونٹس برقرار رکھنے کے لیے پمز کے 2018 کے وزارت صحت کے ماتحت منسک ادارہ کی حیثیت بحال کروانے کیلئے ترمیمی بل سینیٹ میں پیش کیا جائے گا۔
    ان خیالات کا اظہار وزیر صحت نے پمز ملازمین کے احتجاج میں جاکر کیا جس پر ملازمین نے دس روز سے جاری اپنا احتجاج ختم کرنے کا اعلان کرتے ہوئے ان کے اس عمل کو سراہا۔
    واضح رہے کہ: پمز ملازمین نے متنازع قانون ایم ٹی آئی کیخلاف دس روز سے احتجاج کررہے تھے۔ تاہم اب وفاقی وزیر کی یقین دہانی کے بعد ملازمین نے اوپی ڈیز کی سروسز بحال کردی ہیں۔

    پمز کے ایک ملازم وسیم ارشاد کے مطابق: وزیر صحت عبدالقادر پٹیل پمز ہسپتال میں تشریف لائے اور ایم ٹی آئی جیسے کالے قانون کا خاتمہ کر نے کی یقین دہانی کرائی ۔
    انہوں نے مزید کہا: وزیر صحت نے کہا بہت جلد ترمیمی بل سینٹ سے منظور کروا کر پمز کے 2018 والے وفاقی سٹیٹس کو بحال کیا جاے گا لہذا نکی اس یقین دہانی پر احتجاج پیر تک موخر کرنے کرنے کا اعلان کیا ہے۔

  • لاہورائیرپورٹ پر پی آئی اے طیارے سے پرندہ ٹکرا گیا

    لاہورائیرپورٹ پر پی آئی اے طیارے سے پرندہ ٹکرا گیا

    لاہور: لاہورائیرپورٹ پر پی آئی اے طیارے سے پرندہ ٹکرا گیا-

    باغی ٹی وی : پی آئی اے حکام کے مطابق لاہورائیرپورٹ پر پی آئی اےطیارے سے پرندہ ٹکرا گیا،پرندہ ٹکرانے پر جہازکے کپتان نے لاہور ائیرپورٹ پر ہنگامی لینڈنگ کی کپتان نے 168 مسافروں کیساتھ جہاز کو ائیرپورٹ پر اتار لیا –

    ملک میں موسم کی صورتحال

    پی آئی حکام کے مطابق پرواز پی کے 258 شارجہ لاہور اتر رہا تھا لینڈنگ کے دوران جہاز کے انجن سے پرندہ ٹکرا گیا پرندہ ٹکرانے سے جہاز کا انجن ناکارہ ، پرواز کے قابل نہ رہا پی آئی اے انجینئرنگ ٹیم کی جانب سے انجن کا معائنہ کیا جارہاہے-

    قبل ازیں موسمی کی خرابی کی وجہ سے نواب شاہ اتاری گئی کراچی کی پرواز میں فنی خرابی ہوگئی تھی جس کے باعث 170 مسافر پریشان ہوگئے لاہور سے آنے والی نجی ائیرلائن کی پرواز پی اے 405 شدید بارش کے دوران کراچی نہ اتر سکی، ائیر بس اے 321 طیارے کو قریبی متبادل ائیرپورٹ نواب شاہ اتارا گیا تھا۔

    پاکستان میں کورونا مثبت کیسز کی شرح 2 فیصد سے تجاوز

    ایوی ایشن ذرائع کا کہنا تھا کہ نواب شاہ لینڈنگ کے بعد ائیربس طیارے میں فنی خرابی پیدا ہو گئی طیارے میں سوار لاہور سے کراچی کے 170 مسافروں کو جہاز سے اتار دیا گیا مسافر نواب شاہ ائیر پورٹ کے لاؤنچ میں کراچی روانگی کے منتظر ہیں۔

    ائیر لائن حکام کا کہنا تھا کہ نجی ائیرلائن کے انجینئرز لاہور سے نواب شاہ کے لیے طیارے میں روانہ ہو رہے ہیں، انجینئرز کو نواب شاہ ائیرپورٹ پر چھوڑ کر مسافر لے کر طیارہ کراچی آئے گا۔

    عمران خان پانی کی بوتل ضائع نہیں ہونے دیتا، وہ کرپش کیسے کریگا۔ ارشد شریف

  • عمران خان پانی کی بوتل ضائع نہیں ہونے دیتا، وہ کرپش کیسے کریگا۔ ارشد شریف

    عمران خان پانی کی بوتل ضائع نہیں ہونے دیتا، وہ کرپش کیسے کریگا۔ ارشد شریف

    اسلام آباد میں منعقدہ تحریک انصاف کی ایک تقریب سے گفتگو کرتے ہوئے اینکرپرسن ارشد شریف نے کہا کہ: عمران خان کے خلاف بڑی کوشش کی گئی کہ کرپشن کیسز نکالے جائیں مگر ابھی تک موجودہ حکومت کو کرپشن کاکوئی ثبوت نہیں ملا ۔

    اینکرپرسن نے دعوی کیاکہ: ایک دن مجھے کسی نے کہا کہ آپ تو کرپشن پر بڑی اسٹوریز کرتے ہیں مگر عمران خان کی کرپشن پر کیوں خاموش ہیں تو میں نے انہیں جواب دیا کہ: ہمارے بھی وزیراعظم کے دفتر میں ذرائع ہوتے ہیں اور مجھے پتہ ہے کہ سابق وزیراعظم عمران خان وہ شخص ہے جو پانی کی آدھی بوتل بھی ضائع نہیں ہونے دیتا وہ کرپشن کیسے کرسکتا ہے۔

    ارشد کہتے ہیں کہ : ایک دن مجھے معلوم ہواکے عمران خان نے پانی کی بوتل پی اور آدھی بچ گئی جب انہیں یاد آیا کہ آدھی پانی کی بوتل بچ گئی تھی اور وہ بوتل کسی نے اٹھا لی تھی تو سابق وزیراعظم کو یہ بات بھی بری لگی کہ اگر پانی کی آدھی بوتل بچ گئی تھی تو اسے ضائع کرنے کی کیا ضرورت ہے۔

    ارشد شریف نے مزید کہا: ہم (یعنی تحریک انصاف کے حامی) صحافیوں سمیت اب تو سابقہ پوری کابینہ پر ایف آئی آر درج ہوگئی ہیں۔

    انس نامی شخص نے ارشد شریف کو یاد دلایا کہ: عمران خان ایک ایسا شخص ہے جس نے کہا تھا کہ ان کی کابینہ پیپلزپارٹی اور مسلم لیگ ن کی طرح بڑی ہوگی مگر انہوں نے اقتدار کے بعد ان سے بھی بڑی کابینہ بنائی جس میں تینتیس وفاقی وزیر، پانچ مشیر اور بیس خصوصی مشیر رکھے۔ جو آج تک کی سب سے بڑی کابینہ تھی۔
    https://twitter.com/NotAnosss/status/1539656076177854464

    سیاسی کارکن افنان احمد نے اینکرپرسن ارشد شریف کو مبارکباد دیتے کہا کہ: آپ کو پاکستان تحریک انصاف میں شامل ہونے پر مبارک باد پیش کرتے ہیں. آپ کو انکے سیمینار میں پہلی قطار میں کرسی ملنی چاہئے تھی.

    صارف عالم گیر کے خیال میں ارشد شریف کو یہ بتانا چاہئے تھا کہ: انکے اندر تعصب کیسے پیدا ہوا اور اپنے پروگرام میں ایک جماعت کے سیاسی بیانیہ کو انہوں نے کیسے پھیلانا شروع کیا.
    https://twitter.com/AamirSiming/status/1539657879535628288

  • ملک میں موسم کی صورتحال

    ملک میں موسم کی صورتحال

    محکمہ موسمیات کے مطابق ملک کے بیشترعلاقوں میں موسم گرم اور خشک رہے گا-

    باغی ٹی وی : محکمہ موسمیات کے مطابق اسلام آباد میں موسم خشک اور گرم رہے گا، گلگت بلتستان اور آزاد کشمیر میں گرج چمک کے ساتھ بارش کا امکان ہے،مری، گلیات اورجہلم میں گرج چمک کے ساتھ بارش متوقع ہے،کوہستان، مانسہرہ اور بالاکوٹ میں تیز ہوا ؤں کے ساتھ بارش کا امکان ہے کراچی میں بھی آج موسم خشک رہے گا-

    پاکستان میں کورونا مثبت کیسز کی شرح 2 فیصد سے تجاوز

    واضح رہے کہ گزشتہ روز کراچی میں بارش ہوئی محکمہ موسمیات کا کہنا تھا کہ کراچی میں ہوا کی رفتار 81 کلومیٹر فی گھنٹہ ریکارڈ کی گئی ہےاس میں مزید کہا گیا تھا کہ بلوچستان میں گزشتہ کئی دنوں سے پری مون سون سسٹم برقرار تھا، کراچی کے گرم اور مرطوب موسم نے مغربی سسٹم کو تقویت دی تیز ہواؤں کے بعد بارش کا سسٹم لسبیلہ سے کراچی میں داخل ہوا۔

    دوسری جانب محکمہ موسمیات نے کراچی میں مون سون کے پہلے اسپیل سے متعلق اعدادوشمار جاری کردیے اب تک سب سے کم بارش سرجانی ٹاؤن میں 1.7ملی میٹر جبکہ سب سے زیادہ بارش ناظم آباد میں 38 ملی میٹر اور جناح ٹرمینل میں22 ملی میٹر ریکارڈ کی گئی-

    محکمہ موسمیات کے مطابق قائد آباد میں 6 ملی میٹر، گلشن معمار میں 4.4 ملی میٹر، اولڈ ائیر پورٹ میں 15 ملی میٹر، فیصل بیس میں 8ملی میٹر بارش ریکارڈ کی گئی علاوہ ازیں یونیورسٹی روڈ میں 5.8ملی میٹر،سعدی ٹاؤن میں 2.7ملی میٹر ،مسرور بیس میں 2ملی میٹربارش ریکارڈ کی گئی۔

    سابق چیئرمین نیب جاوید اقبال کے گرد شکنجہ کسنے کی تیاری

    جبکہ کراچی میں بارش کے دوران دیواریں گرنے اور دیگر واقعات میں 2 بچوں سمیت 5 افراد جاں بحق جبکہ ایک بچے سمیت متعدد افراد زخمی ہوگئے ریسکیو ذرائع کے مطابق یہ واقعات ملیر ، میمن گوٹھ، محمودآباد، چینیسر گوٹھ، ملت ٹاؤن اور گلستان جوہر سمیت مختلف علاقوں میں پیش آئےاس کے علاوہ بارش کے باعث موٹر سائیکلیں پھسلنے سے کئی شہری زخمی ہوگئے۔

    ملیر میمن گوٹھ میں ایک پولٹری فارم کی دیوار گر گئی جس سے کسی جانی نقصان کی اطلاع نہیں ملی تاہم دیگر 4 مقامات پر دیواریں گرنے سے 2 بچوں سمیت5 افراد جاں بحق اور ایک بچہ شدید زخمی ہوا ہے۔

    عطاءتارڑ کی متاثرہ خواجہ سرا کے گھر کے باہر میڈیا سے گفتگو،

  • دورحاضرجوڈیشل اکٹیوزم کا نہیں لہذا اب فیصلےآئین کے مطابق ہونگے۔ جسٹس عمرعطاء بندیال

    دورحاضرجوڈیشل اکٹیوزم کا نہیں لہذا اب فیصلےآئین کے مطابق ہونگے۔ جسٹس عمرعطاء بندیال

    سپریم کورٹ کے چیف جسٹس عمر عطا بندیال نے اپنے ریمارکس میں کہا کہ : اب جوڈیشل ایکٹوازم کا دور نہیں رہا، لہذا ہر فیصلہ قانون کے مطابق ہوگا۔
    چیف جسٹس کے ریمارکس کے مطابق: ایسا حکم دیں گے کہ ٹرائل بھی نہ رکے اور توہین عدالت کرنیوالوں کیخلاف کاروائی بھی چلتی رہے۔
    عدالت عالیہ نے نیب سے ملزمان کی فہرست اور ٹرائل کی تفصیلات بھی طلب کیں۔
    گزشتہ بدھ کو چیف جسٹس کی سربراہی میں تین رکنی بنچ نے ای او بی آئی غیر قانونی بھرتیوں اور کرپشن کیس میں توہین عدالت کے معاملہ کی سماعت کی ۔
    ایک رپورٹ کے مطابق: سماعت کے دوران جسٹس یحیی آفریدی نے ریمارکس دیئے کہ : عدالت کو دی گئی رپورٹ میں ملزمان کی مکمل فہرست شامل نہیں۔
    تاہم اسی دوران جسٹس عائشہ ملک نے سوال کیا: نیب ریفرنس کی کیا صورتحال ہے؟ تقرریاں تو 2009 ءسے شروع ہوئی تھیں۔

    اس موقع پر چیف جسٹس عمر عطا بندیال کا کہنا تھا: سپریم کورٹ نے جنوری 2011 میں ای او بی آئی میں بھرتیاں روکنے کا حکم دیا، سپریم کورٹ کے حکم کے بعد ستمبر 2011ء سے مئی 2012 ء کے درمیان ای او بی آئی میں خلاف ضابطہ بھرتیاں کی گئیں.

    اور سپریم کورٹ کے حکم کے بعد جن افراد نے بھرتیوں پر اثر انداز ہونے کی کوشش کی ان کا نام نیب رپورٹ میں موجود ہے۔

  • پاکستان میں کورونا مثبت کیسز کی شرح 2 فیصد سے تجاوز

    پاکستان میں کورونا مثبت کیسز کی شرح 2 فیصد سے تجاوز

    قومی ادارہ صحت کے مطابق گزشتہ 24 گھنٹے کےدوران پاکستان میں عالمی وبا کورونا وائرس سے ایک مریض انتقال کر گیا-

    باغی ٹی وی : قومی ادارہ صحت (این آئی ایچ) کے مطابق گزشتہ 24 گھنٹے میں کورونا کے 268 کیسز رپورٹ ہوئے جبکہ گزشتہ 24 گھنٹے میں 12 ہزار 513 کورونا ٹیسٹ کیے گئے-

    ملک بھر میں کورونا مثبت کیسز کی شرح 1.53 فیصد


    این ایچ آئی کے مطابق گزشتہ 24 گھنٹے میں کورونا مثبت کیسز کی شرح 2.14 فیصد رہی، جبکہ ملک بھر میں کورونا کے 75 مریضو ں کی حالت تشویش ناک ہے-

    قبل ازیں پاکستان میں کورونا وبا پھیلنے کے حوالے سے بات کرتے ہوئے وفاقی وزیر صحت عبدالقادر پٹیل نے کہا ہے کہ کورونا وائرس سے بچاؤ کیلئے بھر پور عملی اقدامات کیے جارہے ہیں،ان کا کہنا تھ اکہ کورونا کی تازہ ترین صورت حال سے ہر لمحے باخبر ہیں اور احتیاطی تدابیر اختیارکرنےکے حوالے سے ایس او پیز تیارکررہےہیں-

    وفاقی وزیر صحت عبدالقادر پٹیل نے این سی او سی کے اجلاس کی صدارت کرتے ہوئے کہا کہ وہ ادارے کی کارکردگی سے متاثر ہیں اور اس ٹارگٹ کے حصول پر خراج تحسین پیش کرتا ہوں ،وفاقی وزیر صحت عبدالقادر پٹیل نے کہا کہ پاکستان سمیت دنیا بھرمیں کورونا کی پھر سے آنےوالی لہر سے بچنے کےلیے صورت حال کی سخت مانیٹرنگ کی جارہی ہے-

    کورونا وائرس سے نمٹنے صورتحال کی کڑی نگرانی کی جارہی ہے:عبدالقادر پٹیل

    وفاقی وزیر صحت عبدالقادر پٹیل کا کہنا تھا کہ دنیا کے دیگرملکوں کی طرح پاکستان میں بھی پچھلے چند دنوں میں کورونا کیسز میں معمولی اضافہ ہوا ہے،ان کا یہ بھی کہنا تھا کہ ملک کی 85 فی صد اہل آبادی کی ویکسی نیشن مکمل ہو چکی ہے،اجلاس میں ملک بھر میں کورونا وائرس سے نمٹنے کیلئے تمام پہلوؤں کا بغور جائزہ لیا گیا-

    یاد رہےکہ دنیا بھر کی طرف پاکستان میں بھی کورونا کیسز میں اضافہ شروع ہوگیا ہے اور اس سلسلے میں حفاظتی اقدامات بھی تیز کردیئے گئے ہیں،پاکستان کےہمسائےممالک چین ، افغانستان ، ایران اوربھارت میں کورونا کیسزمیں بڑھتےہوئے اضافے نے پاکستان کو بھی پریشانی میں ڈال دیا ہے، یہی وجہ ہے کہ وفاقی حکومت نے اس لہر سے نمٹنے کیےلیے حفاظتی اقدامات تیز کرنے کی ہدایات جاری کردی ہیں-

    کورونا وبا ختم نہیں ہوئی ہجوم والی جگہوں پر شہری احتیاط کریں ،قومی ادارہ صحت

  • کابینہ میں اضافہ۔ شاہ اویس نورانی بھی وزیر اعظم کے معاون خصوصی مقرر

    کابینہ میں اضافہ۔ شاہ اویس نورانی بھی وزیر اعظم کے معاون خصوصی مقرر

    اسلام آباد:وزیراعظم شہباز شریف کی منظوری کے بعد مزید تین معاونین خصوصی کی تعیناتی کا نوٹی فکیشن جاری کر دیا گیا ۔

    نوٹیفکیشن کے مطابق شاہ اویس نورانی، ڈاکٹرجہانزیب خان اور ظفرالدین محمود وزیراعظم کے معاونین خصوصی ہوں گے۔ نوٹیفکیشن میں بتایا گیا کہ تینوں معاونین خصوصی کا درجہ وزیرمملکت کے برابر ہوگا۔

    اس سے پہلے 8 جون کو بھی وزیراعظم شہباز شریف نے جنید انوار چودھری، سینیٹر حافظ عبدالکریم، شیخ فیاض الدین اور رومینہ خورشید کو اپنا معاون خصوصی مقرر کیا تھا ۔

    طارق فاطمی، محمد صادق، سید فہد حسین اور شزہ فاطمہ کو پہلے ہی معاون خصوصی مقرر کیا جا چکاہے۔

    یاد رہے کہ وزیر اعظم شہباز شریف نے کابینہ ارکان کی تعداد میں سابق وزیر اعظم عمران خان کو پیچھے چھوڑ دیا۔ مزید تین معاونین خصوصی مقرر کردیے جس کے بعد کابینہ کی تعداد 55 ہوگئی ہے۔ عمران خان کی کابینہ کی تعداد 52 تھی۔

    وزیراعظم شہباز شریف نے تین نئے معاون خصوصی تعینات کر دیئے۔وزیراعظم نے اویس نورانی ،محمد جہانزیب خان اور ظفرالدین محمود کو معاون خصوصی تعینات کیا ہے۔

    وزیر اعظم شہباز شریف کی کابینہ میں معاونین خصوصی کی تعداد 11 ہوگئی ہے۔ وزیر اعظم کے 4 مشیر ،6 وزیر مملکت اور 34 وفاقی وزیر ہیں۔ اس طرح کابینہ کی تعداد 55 ہوگئی ہے۔

    واضح رہے کہ سابق وزیر اعظم عمران خان کی کابینہ معاونین خصوصی، مشیر ، وزرائے مملکت اور وفاقی وزرا کی کل تعداد 52 تھی جس پر جب موجودہ حکمران اپوزیشن میں تھے تو تنقید کرتے تھے لیکن اپنی حکومت آنے پر اب کابینہ 55 رکنی کرلی ہے۔

  • قومی اسمبلی اجلاس: مشکل فیصلے نہ کرتے تو ملک دیوالیہ ہوجاتا۔ شیری رحمان

    قومی اسمبلی اجلاس: مشکل فیصلے نہ کرتے تو ملک دیوالیہ ہوجاتا۔ شیری رحمان

    قومی اسمبلی کے اجلاس میں اظہار خیال کرتے ہوئے وفاقی وزیر اور پیپلزپارٹی کی رکن شیری رحمان نے کہا کہ: ہمیں آئی ایم ایف کے اس مشکل بجٹ کے ساتھ باندھنے کے اصل ذمہ داری تباہی سرکار پر عائد ہوتی ہے جو آئے تھے سو دن میں تبدیلی لانے اور جنہوں نے کشکول توڑنے کی بات کی تھی۔ لیکن سارا مسئلہ ان کی شاہ خرچیاں، تقسیم کی سیاست اور ان کی اپنی انا کی وجہ سے ہوا ہے۔

    وفاقی وزیر نے کہا: جو سیاست دان ایک دن بھی اپنی انا سے ذرا ہٹ جائے تو وہ مشکل فیصلے کرتے ہیں۔ اور آپ کا کیا خیال ہے کہ اس صورتحال میں ہمیں حکومت کرنا اور کسی کے ساتھ بندھ جانا ہمیں پسند ہے؟ نہیں ایک ہمارا یہ فیصلہ ہے اور دوسرا وہ تھا کہ ہم اپنے ملک کو دیوالیہ ہونے دیتے عمران خان جیسے نااہل حکمران کے ہاتھ میں لہذا ہم نے فیصلہ کیا کہ بھلے ہمیں مشکل فیصلے کرنے پڑیں مگر ملک کو بچانا ہے۔ سری لنکا کی آپ کے سامنے ہے جو دیوالیہ کی طرف جا چکا ہے۔

    شیری رحمان اپنے خطاب میں کہتی ہیں: تحریک انصاف کی حکومت کو آلو اور ٹماٹر کی قیمت سے کوئی سروکار نہیں جو اصل مسئلہ ہے اس ملک کا اور یہ حکومت اگر مشکل فیصلے نہ کرتی اور اپنی سیاسی ساکھ کو داو پر نہ لگاتی تو پاکستان سیدھا دیوالیہ ہونے جارہا تھا۔

    شیری رحمان نے الزام عائد کیا کہ: عمران خان پڑھے لکھے لوگوں کو گمراہ کررہا ہے لہذا اب ہماری اشرافیہ کو قربانی دینی ہوگی کیونکہ غریب نے پیٹ پر پتھر باندھے ہوئے ہیں اور اس قربانی سے ملک کو بچانا ہوگا۔

    ان کا تقریر کے آخر میں کہنا تھا کہ: ہمیں ایک غریب آدمی کیلئے انکی ضروری اشیاء خوردونوش جیسے دال، روٹی اور پٹرول کیسے سستا کرنا ہے اور ان کے گھروں میں صاف پانی کیسے آئے گا  اس سب پر مل جل کوئی حل نکالنا ہوگا اور یہ بحران تب ہی ختم ہوگا جب ہم آپس میں مل بیٹھیں گے۔

  • ضلع اپر چترال کی تحصیل مستوج میں پہلی بار ہائیر سیکنڈری سکول کا افتتاح

    ضلع اپر چترال کی تحصیل مستوج میں پہلی بار ہائیر سیکنڈری سکول کا افتتاح

    چترال (گل حمادفاروقی کی رپورٹ)ضلع اپر چترال کے تحصیل مستوج میں پہلی بار ہائیر سیکنڈری سکول کا سنگ بنیاد رکھا گیا۔ اس دور افتادہ علاقے میں بننے والے اس سکول کی عمارت جدید تقاضوں کے عین مطابق ہوگی جس میں بچوں کے ساتھ ساتھ بچیوں کو بھی بارہویں جماعت تک معیاری تعلیم دی جائے گی۔

    باغی ٹی وی ،تفصیلات کے مطابق ضلع اپر چترال کے علاقے مستوج میں آغا خان ایجوکیشن سروس کی جانب سے ہائی سکول کو ہائیر سیکنڈری کا درجہ دیا گیا۔ اس کیلئے علیحدہ عمارت تعمیر ہوگی جس کا سنگ بنیاد مستوج میں رکھا گیا۔سکول کے سنگ بنیاد کے موقع پر نامدار نیشنل کونسل کے صدر حافظ شیر علی مہمان حصوصی تھے۔ جبکہ AKESP کے چیف ایگزیکٹیو آفیسر امتیاز مومن بھی توسیع کی اس تقریب میں موجود تھے۔ مقررین نے اظہار خیال کرتے ہوئے کہا کہ اس توسیع کا بنیادی مقصد اس علاقے کے طلباء و طالبات کو معیاری تعلیم فراہم کرنا ہے۔

     

    اس سکول کے سنگ بنیاد پر یہاں کے طلباء و طالبات نہایت خوش ہیں ،ادارے کے جنرل منیجر بریگیڈئیر ریٹائرڈ خوش محمد خان کا کہنا ہے کہ ہماری کوشش ہے کہ طلباء کو کوالٹی ایجوکیشن فراہم کریں،بچوں کے علاوہ انکے والدین بھی اس سکول کی تعمیر پر خوش ہیں ،

    تقریب سے چترال سکاؤٹس کے 141 ونگ کے کمانڈر لفٹنٹ کرنل ندیم شہزاد، حافظ شیر علی، امتیاز عالم، خوش محمد خان، ہیڈ آف ایجوکیشن آئین شاہ، وغیرہ نے اظہار خیال کرتے ہوئے کہا کہ یہ نہ صرف علاقے کے طلباء و طالبات کو معیاری تعلیم ان کے دہلیز پر فراہم کرے گی بلکہ اس سکول کی عمارت بھی جدید دور کے تقاضوں کے عین مطابق تیار کی جائے گی جس پر موسمی تبدیلی بھی بہت کم اثر انداز ہوگی۔ اس تقریب میں کثیر تعداد میں علاقے کے عمائدین نے شرکت کی۔

  • عمران خان کا امریکی سازش والا بیانیہ کہاں گیا؟ وزیر داخلہ

    عمران خان کا امریکی سازش والا بیانیہ کہاں گیا؟ وزیر داخلہ

    قومی سلامتی کمیٹی کے اجلاس کے بعد وزیر اطلاعات مریم اورنگزیب کے ہمراہ پریس کانفرنس کرتے ہوئے رانا ثنا اللہ نے کہا کہ: یوٹرن ماہر سابق وزیر اعظم عمران خان سے پوچھا جائے کہ آپ کا امریکی سازش والا نعرہ کہاں گیا ہےِ؟ اور عمران خان آئے روز شوشے چھوڑ رہے ہیں.

    رانا ثنا اللہ کا کہنا تھا کہ: جن ووٹوں سے عمران خان آئے انہی ووٹوں سے شہباز شریف بھی وزیراعظم بنے ہیں۔ راجہ ریاض اور نور عالم پچھلے دو سال سے عمران خان پر تنقید کر رہے تھے-
    انکا مزید کہنا تھا کہ: نیب ترامیم پر بیانیہ بنانے کی ناکام کوشش کر رہے ہیں. نیب ایکٹ کا پہلے جائزہ لے لیں تو معلوم ہوگا کہ 80 فیصد ترامیم تحریک انصاف کی حکومت خود آرڈیننس میں لیکر آئی تھی.

    انکے مطابق: نیب 90 دن کا ریمانڈ لیتا تھا، نیب بتائے کونسے سیاست دانوں سے کتنے پیسے وصول کیے؟ نیب نے جو پیسے ریکور کیے ہاؤسنگ سوسائٹیوں سے کیے۔

    وزیر داخلہ نے کہا کہ: عدالت نے کئی فیصلوں میں نیب کو کالا قانون کہا اور نیب میں 90 دن ریمانڈ کے باوجود چالان پیش نہیں کیا جاتا تھا۔ لہذا ہم تو اب بھگت چکے ہیں اور نیب قانون کو ہم نے اپنے لیے ٹھیک نہیں کیا بلکہ اسلامی نظریاتی کونسل اور عدالت کی بھی تجاویز تھیں۔

    وزیر داخلہ کا مزید کہنا تھا: نیب قوانین پر کاروباری طبقے اور بیوروکریٹس کو بھی اعتراضات تھے، ضمانت کا اختیارعدالت کو دیا گیا ہے، نیب ایک آزاد ادارہ ہے، آنے والے ایک دو روز میں چیئرمین نیب کا فیصلہ ہوجائے گا، نیا چیئرمین نیب، ادارے کے اندر خرابیوں کو بھی دور کرے گا۔ 

    انہوں نے قومی سلامتی کمیٹی اجلاس بارے بتایا کہ: اجلاس میں عسکری اور سیاسی قیادت موجود تھی۔جس میں اہم قومی معاملات پر تفصیلی بریفنگ دی گئی، اور ارکان پارلیمنٹ کو اعتماد میں لینے کے لئے ان کیمرہ اجلاس بلایا جائے گا، اوروزیراعظم شہباز شریف بھی مذاکرات پر ایوان کو اعتماد میں لیں گے۔