راولپنڈی: سابق وزیر داخلہ اور عوامی مسلم لیگ کے سربراہ شیخ رشید احمد نے کہا ہے کہ جولائی پاکستان کی سیاست کا اہم ترین مہینہ ہے۔

باغی ٹی وی : سابق وزیر داخلہ شیخ رشید احمد نے سماجی رابطے کی ویب سائٹ ٹوئٹر پر لکھا کہ فضل الرحمان کا سازش کروانے کا اعتراف بھونڈا مذاق ہے بلکہ سازش غیر ملکی ڈالروں کے منحرف اراکین میں تقسیم سے شروع ہوئی۔

الیکشن مہم میں سرکاری مشینری کا بے دریغ استعمال کیا گیا،علی زیدی

فضل الرحمن کی سازش کروانےکااعتراف بونڈا مذاق ہے-سازش غیر ملکی ڈالروں کے منحرف اراکین میں تقسیم سے شروع ہوئ-ہر روز10شعبوں میں نیا ٹیکس لگایا جاتاہےجب کہ ابھی نہIMFکا فیصلہ آیا ہےاور نہ ہیFATF نےگرے لسٹ سے نکالا ہے۔وزیراعظم،وزیراعلی منشیات کیس میں وزیرداخلہ پر فرد جرم کون لگائے گا-

— Sheikh Rashid Ahmed (@ShkhRasheed) June 26, 2022

انہوں نے کہا کہ ہر روز 10 شعبوں میں نیا ٹیکس لگایا جاتا ہے جبکہ ابھی تک نہ تو آئی ایم ایف کا فیصلہ آیا اور نہ ہی فیٹف نے پاکستان کو گرے لسٹ سے نکالا ہے۔ وزیر اعظم، وزیر اعلیٰ اور منشیات کیس میں وزیر داخلہ پر فرد جرم کون لگائے گا ؟

شیخ رشید احمد نے جولائی کو پاکستان کی سیاست کا اہم ترین مہینہ قرار دیتے ہوئے کہا کہ 20 منحرف اراکین کو ٹکٹ دے کر ن لیگ نے ووٹ کو عزت دو کے بیانیے پر مہر لگائی ہے۔ اب قومی غیرت نے ان منحرف اراکین کو مسترد کرنا ہے۔

جولائی پاکستان کی سیاست کا اہم ترین مہینہ ہے،20ضمیرفروش منحرف اراکین کو ن لیگ نے ٹکٹ دے کر ووٹ کوعزت دو کےبیانیےپرمہرلگائی ہے۔قومی غیرت نےان منحرف اراکین کو مستردکرناہے۔چوہدریوں کو لڑادیا،MQMکولائن میں لگادیا،BAPاورANPکو مٹھا دیا۔ابھی ٹریلر چلاہے اتحادیوں کی فلم چلنا ابھی باقی ہے

— Sheikh Rashid Ahmed (@ShkhRasheed) June 26, 2022

انہوں نے کہا کہ چودھریوں کو لڑا دیا اور ایم کیو ایم کولائن میں لگا دیا۔ بی اے پی اور اے این پی کو مٹھا دیا۔ ابھی ٹریلر چلا ہے تاہم اتحادیوں کی فلم چلنا ابھی باقی ہے۔

پی ٹی آئی میں واپسی کیلئے پرویز الہی نے 10 کروڑ روپے کی آفر کی،سابق پی ٹی آئی رہنما کا دعویٰ

واضح رہے کہ راولپنڈی میں حکیم ملت سیمنار کی تقریب سے خطاب کرتے ہوئے جے یو آئی ف کے سربراہ مولانا فضل الرحمن نے کہا تھا کہ سی پیک کوناکام بناناپاکستان کومعاشی لحاظ سےکمزوربنانا تھا۔ بیرونی ایجنڈے کے تحت سی پیک منصوبے کو پس پشت ڈالا گیا۔ ہم ملک کے خلاف کوئی سازش کامیاب نہیں ہونے دیں گے۔ گزشتہ حکومت ناجائزاوردھاندلی سےآئی تھی۔

مولانا فضل الرحمن نے کہا کہ آئی ایم ایف اور فیٹف کا بھی ڈٹ کر مقابلہ کریں گے۔ گوادر منصوبے کوتباہ و برباد کر دیا گیا امریکہ نے بھی دھمکی آمیزخط کے بیانیے کو یکسر مسترد کر دیا ہے۔ امریکہ اور مغربی ممالک اسلام کا خاتمہ کرنا چاہتےہیں، مولانا فضل الرحمن کا کہنا تھا کہ امریکہ اور مغربی ممالک بھی جانتے ہیں اور ہم بھی انہیں جانتے ہیں۔ ہمارے سیاست دان مفاد پرست ہوتے ہیں

‏عمران خان کی حکومت نے پاکستان کے خاتمے کو اپنا ایجنڈا بنایا،مولانا فضل الرحمان

پاکستان تحریک انصاف(پی ٹی آئی) کے سابق رہنما نعمان لنگڑیال نے دعویٰ کیا ہے کہ انہیں پرویز الہٰی کی طرف سے پی ٹی آئی میں واپسی کیلئے 10 کروڑ کی آفر کی گئی۔

باغی ٹی وی :چیچہ وطنی میں حلقہ پی پی 202 پر ضمنی انتخاب کے لئے ہونے والے جلسے سے خطاب کرتے ہوئے نعمان لنگڑیال کا کہنا تھا کہ چودھری پرویز الہٰی نے واپس آنے کا کہا لیکن ہم ڈٹے رہے، سلام پیش کرتا ہوں ان ساتھیوں کو جو جہانگیر ترین کے ساتھ کھڑے رہے۔

نعمان لنگڑیال کا کہنا تھا کہ ان کے ساتھی محب وطن تھے جنہوں نے رقم کی پیش کش ٹھکرا دی اپنے ساتھیوں کو سلام پیش کرتے ہیں جو جہانگیر ترین کے ساتھ کھڑے رہے پی ٹی آئی والے کہتے ہیں ہم نے ضمیر کا سودا کیا، میں وزیر تھا لیکن پی ٹی آئی میں جرأت نہ تھی کہ مجھے نکال سکتے۔

واضح رہے کہ نعمان لنگڑیال (ن) لیگ کے ٹکٹ پر پی پی 202 سے ضمنی الیکشن لڑ رہے ہیں۔

روانڈآ:دولت مشترکہ سربراہانِ مملکت اجلاس کے موقع پر وزیر مملکت برائے خارجہ امور حنا ربانی کھر کی افریقی ملک روانڈا میں برطانوی وزیراعظم بورس جانسن سے ملاقات ہوئی ہے۔

حنا ربانی کھر کا کہنا ہے کہ برطانوی وزیراعظم سے ملاقات خوشگوار رہی، ملاقات میں پاک برطانیہ تجارتی اور اقتصادی شراکت داری کو مضبوط بنانے اور دونوں ملکوں کے ہمہ جہت عوامی رابطوں کے پُل کو مزید استحکام دینے پر اتفاق ہوا۔انہوں نے بتایا کہ برطانوی وزیراعظم سے افغانستان اور دیگر مشترکہ امور پر بھی تبادلہ خیال ہوا۔

پاکستان اور برطانیہ نے تجارتی اور اقتصادی تعاون کو مزید گہرا کرنے پر اتفاق کیا ہے۔یہ مفاہمت وزیر مملکت برائے امور خارجہ حنا ربانی کھر اور برطانیہ کے وزیر اعظم بورس جانسن کے درمیان کیگالی، روانڈا میں 26ویں دولت مشترکہ کے سربراہان حکومت کے اجلاس (سی ایچ او جی ایم) کے موقع پر ہونے والی ملاقات میں طے پائی۔

ٹویٹر پر ایک مختصر بیان میں، کھر نے CHOGM میں کہا، دونوں رہنماؤں نے "پاک-برطانیہ تجارت، اقتصادی شراکت داری کو مزید گہرا کرنے اور ڈائنامک ڈائیسپورا پل سے مزید فائدہ اٹھانے” پر اتفاق کیا۔وزیر مملکت نے مزید کہا کہ "…افغانستان اور مشترکہ تشویش کے دیگر امور پر بھی تبادلہ خیال کیا گیا۔”

It was a pleasure meeting PM @BorisJohnson at #CHOGM2022 in Kigali; agreed on deepening of 🇵🇰 – 🇬🇧 trade and economic partnership & leveraging the dynamic diaspora bridge further; also exchanged views on Afghanistan and other issues of common concern. pic.twitter.com/ur93Z61wIR

— Hina Rabbani Khar (@HinaRKhar) June 24, 2022

حناربانی کھر نے کامن ویلتھ فارن افیئرز منسٹریل میٹنگ (سی ایف اے ایم ایم) میں پاکستانی وفد کی قیادت کی، جہاں انہوں نے کہا کہ جمہوری ممالک کے خاندان کے طور پر، دولت مشترکہ کو اقوام متحدہ کی مرکزیت کی تصدیق کرنی چاہیے، اور جمہوریت، قانون کی حکمرانی، اچھی حکمرانی کو تسلیم کرنا چاہیے۔ اور اقوام کے اندر اور ان کے درمیان استحکام، امن اور خوشحالی کی بنیاد کے طور پر انسانی حقوق کا احترام لازمی قراردیا

انہوں نے اس بات پر زور دیا کہ یہ اقدار، خاص طور پر انسانی حقوق کا احترام، بشمول حق خود ارادیت، تب ہی اپنے مقصد کو حاصل کریں گے جب ان کا اطلاق عالمی سطح پر اور بلا امتیاز کیا جائے۔

جانسن کے ساتھ ملاقات کےعلاوہ وزیر مملکت نے برطانیہ کے وزیر برائے جنوبی ایشیا، دولت مشترکہ اور اقوام متحدہ کے لارڈ طارق احمد، جمیکا کی وزیر خارجہ کمینا جانسن اسمتھ، ڈومینیکا کے وزیر خارجہ ڈاکٹر کینتھ ڈیروکس اور خارجہ کے ساتھ مفید دو طرفہ ملاقاتیں بھی کیں۔ سیرا لیون کے وزیر پروفیسر ڈیوڈ جے فرانسس۔

دولت مشترکہ 54 ریاستوں کی ایک تنظیم ہے جو مشترکہ اقدار کے ساتھ مل کر شامل ہیں۔ حکومتی سربراہان کا اجلاس تقریباً چار سال کے وقفے کے بعد ہو رہا ہے، جس سے یہ وبائی امراض کے بعد کی مدت میں دولت مشترکہ کا پہلا اجتماع ہے۔

کراچی: سندھ میں بلدیاتی انتخابات کے پہلے مرحلے کے دوران 14 اضلاع میں میدان اتوار کو سجے گا جبکہ پی ٹی آئی چیئر مین عمران خان اور بلاول بھٹو زرداری نے اپنے اپنے امیدواروں سے ووٹ ڈالنے کی اپیل کی ہے۔

لاڑکانہ ڈویژن کے 5 اضلاع جیکب آباد، کشمور، شکارپور، لاڑکانہ، شہداد کوٹ جبکہ سکھر ڈویژن کے تین اضلاع خیرپور، سکھر، گھوٹکی میں بلدیاتی الیکشن ہوں گے۔

شہید بے نظیر آباد ڈویژن کے تین اضلاع شہید بینظیر آباد، سانگھڑ، نوشہرو فیروز، میرپورخاص ڈویژن کے3اضلاع میرپورخاص، عمرکوٹ اور تھرپارکرمیں بھی پولنگ ہوگی جہاں انتظامات مکمل کرلیے گئے ہیں۔

متعلقہ حلقوں میں پولنگ کے سامان کی ترسیل جاری ہے، مختلف ڈویژنز سے ایک ہزار ایک امیدوار بلا مقابلہ منتخب ہوچکے ہیں۔

سماجی رابطے کی ویب سائٹ ٹویٹر پر سابق وزیراعظم عمران خان نے لکھا کہ ‏سندھ کی 4 ڈویژنز میں بلدیاتی انتخابات ہو رہے ہیں۔ پیپلز پارٹی کی جانب سے ہمارے امیدواروں کو ہراساں کرنے، سپریم کورٹ کےاحکامات کی روشنی میں آرٹیکل140-A کے تحت اختیارات کی مقامی نمائندوں تک منتقلی سے گریز کے باوجود ہم حصہ لے رہے ہیں۔ سندھ کے لوگوں سے میری اپیل ہے تحریک انصاف کےامیدواروں کو ووٹ دیں اور زرداری مافیا کا صفایا کر دیں۔

دوسری طرف پاکستان پیپلز پارٹی کے چیئر مین اور وزیر خارجہ بلاول بھٹو زرداری نے کہا ہے کہ مجھے یقین ہے، سندھ کی باشعور عوام صوبے میں جاری بینظیر ترقی کے تسلسل کو ووٹ دیں گے، عوامی مسائل کے حل اور پائیدار ترقی کے لیے اختیارات کو نچلی سطح تک منتقل کرنا پی پی پی کا منشور ہے، صحت، تعلیم اور محنت کش عوام کے لیے سوشل سکیورٹی کے حوالے سے سندھ کی کارکردگی بے مثال ہے، پی پی پی قیادت نے عوام سے جو جو وعدے کیے، وہ ہمیشہ پورے کرکے دکھائے، میرے امیدوار وہی ہیں، جن کا نشان تیر ہے۔

انہوں نے کہا کہ سکھر، لاڑکانہ، خیرپور، شکارپور، جیکب آباد، گھوٹکی، قمبر، شہداد کوٹ، کشمور، کندھ کوٹ کی عوام تیر کو ووٹ دیں، شہید بینظیر آباد، نوشہرو فیروز، سانگھڑ، میرپورخاص، عمرکوٹ اور تھرپارکر کی عوام تیر پر مہر لگائیں، عوام بلدیاتی انتخابات میں تیر پر مہر لگا کر میرے ہاتھ مضبوط کریں، سندھ کے عوام کل ہونے والے بلدیاتی انتخابات میں سازشی و شیطانی ٹولوں کی ضمانتیں ضبط کرادیں، انشاللہ تمام اضلاع میں کل جیالے امیدوار کامیاب ہونگے، یقین دلاتا ہوں کہ حالیہ بلدیاتی الیکشن میں پی پی پی کی کامیابی بلدیاتی اداروں کی مضبوطی اور عوامی مسائل کے حل کا پیشہ خیمہ ثابت ہوگی۔