اسلام آباد:دنیا میں پاکستان وہ واحد ملک ہے،جہاں پہلی بارہرپاکستانی کا اور بالخصوص ہرغریب کا علاج مفت شروع ہوا ہے ، اس حوالے سے چیئرمین تحریک انصاف عمران خان نے ان خیالات کا اظہار معاشی اصلاحات کے حوالے سے کیا ،سابق وزیراعظم عمران خان نے کہا کہ ہیلتھ کارڈ جاری کرنے کا مقصد نچلے طبقے کے مسائل کم کرنا تھا،

ہیلتھ کارڈ کے بعد لوگوں کو تعلیم کے شعبے میں بھی سہولیات دیں گے، وزیراعظم

عمران خان نے کہا کہ ہم نے ہیلتھ کارڈ شروع کیا جو بڑے بڑے امیر ملکوں میں بھی نہیں ہے،پاکستان کی تاریخ میں اتنا زیادہ کمزور طبقے پر پیسہ خرچ نہیں کیا،عمران خان نے اس موقع پر کہا کہ اکنامک سروے میں ہماری کارکردگی سامنے آئی،

‏ہیلتھ کارڈ خطرے میں ہے . تحریر: زمان لالہ

چیئرمین تحریک انصاف پاکستان عمران خان نے پاکستان میں پانی کی قلت پر تشویش کا اظہارکرتے ہوئے کہا کہ ملک میں پانی کی سخت قلت ہے،چیئرمین تحریک انصاف عمران خان نے تنقید کرتے ہوئے کہا کہ جب سے یہ آئے ہیں باہر سے قرضہ لینا مشکل ہو گیا ہے، ان کا کہنا تھا کہ واپڈا کی ریٹنگ کی وجہ سے جو قرضہ مل رہے تھے و ہ اب نہیں مل رہے،

ہیلتھ کارڈ جاری رہے گا،مفت ادویات کی فراہمی بحال کریں گے،مسلم لیگ ن

عمران خان نے کہا کہ جب سے یہ حکومت آئی ہے واپڈا کی ریٹنگ میں کمی آئی ہے،آج حکومت کے پاس کوئلہ خریدنے کیلئے پیسہ نہیں ہے،ن لیگ کے دور میں پاور پلانٹ امپورٹڈ فیول پر تھا،عمران خان نے کہا کہ 30سال 2خاندانوں نے حکومت کی جو آج اتحادی ہیں،

چیئرمین تحریک انصاف عمران خان نے کہا کہ ہمارے دور میں بیروزگاری میں کمی ہوئی،ہمارے دور میں بیرون ملک پاکستانیوں نے31ارب ڈالر بھیجے،بیرون ملک پاکستانیوں نے ریکارڈ زرمبادلہ بھیجے،بیرون ملک پاکستانیوں کو تحریک انصاف کی حکومت پر اعتماد تھا،آج معاشی سروے پیش کیا گیا ہے،چیئرمین تحریک انصاف عمران خان نے کہاکہ پاکستان گزشتہ2سال سے تیزی سے ترقی کررہا تھا

اسلام آباد:امپورٹڈ ایندھن پر اب کوئی پاور پلانٹ نہیں لگایا جائے گا،اطلاعات کے مطابق وفاقی وزیر برائے بجلی انجینئر خرم دستگیر خان نے کہا ہے کہ امپورٹڈ ایندھن پر اب کوئی پاور پلانٹ نہیں لگایا جائے گا۔

بجلی کا شارٹ فال 6 ہزارمیگاواٹ سے تجاوز، لوڈشیڈنگ کا سلسلہ جاری ،شہری پریشان

تفصیلات کے مطابق مالی سال 22-2021 کی اقتصادی جائزہ رپورٹ کے اجراء کی تقریب میں خرم دستگیر نے خطاب کرتے ہوئے کہا کہ اقتصادی سروے معشیت کا کھنڈر خانہ ہے، سروے کا سب سے بڑا کھنڈر خانہ پاور ڈویژن ہے۔انہوں نے کہا کہ گردشی قرضے 250 فیصد بڑھ چکا ہے، گزشتہ دور حکومت فساد عمرانی اور کارکردگی کے نتائج آج بھگت رہے ہیں، ہم گردشی قرض 11 سو ارب پر چھوڑ کر گئے، نالائق حکومت 2 ہزار 4 سو 67 ارب پر گردشی قرضوں کو لے گئی۔

بدترین لوڈشیڈنگ،روزہ داروں کی صوبائی و وفاقی گورنمنٹ سے رحم کی اپیل

ان کا کہنا تھا کہ مسلم لیگ کی حکومت کیلئے کہا گیا کہ بجلی کی زیادہ پیداوار چھوڈ گئے، 2018 سے 22 تک توانائی کے جتنے منصوبوں کا افتتاح ہوا ان پر نام نواز شریف کا تھا، گزشتہ چار سالوں میں 8 ہزار میگاواٹ بجلی سسٹم میں آنی چاہیے تھی۔

کراچی میں بجلی کی لوڈشیڈنگ کاسلسلہ جاری ہے،شہری پریشان

خرم دستگیر نے کہا کہ بدقسمتی سے چار سالوں میں ایک بھی میگاواٹ بجلی پیدا نہیں کی گئی، شنگھائی پاور پلانٹ 14 سو میگا واٹ تک کا منصوبہ تھا تاخیر کی گئی، کروٹ، شنگھائی اور تریموں اگر تینوں پلانٹس چلتے تو آج لوڈ شیڈنگ نہ ہوتی۔

وفاقی وزیر برائے بجلی انجینئر خرم دستگیر خان کا مزید کہنا تھا کہ ہمیں دوبارہ سے وطنِ عزیز کی تعمیر کا کہا گیا ہم نے تعمیر شروع کر دی ہے، امپورٹڈ ایندھن پر اب کوئی پاور پلانٹ نہیں لگایا جائے گا۔

اسلام آباد:ڈائریکٹر جنرل پراونشل ڈیزاسٹر مینجمنٹ اتھارٹی (PDMA) نے جمعرات کے روز شہریوں کو خبردار کیا ہے کہ وہ براہ راست دھوپ میں جانے سے گریز کریں، وافر مقدار میں پانی پییں اور چھتری کا استعمال کریں تاکہ ہیٹ اسٹروک سے بچ سکیں۔

غیرمعمولی ہیٹ ویوسےنمٹنےکی کوشش کررہےہیں، وفاقی وزیر

اس سلسلے میں معلوم ہوا ہے کہ سرکاری ٹیلی ویژن سے گفتگو کرتے ہوئے ڈی جی فیصل فرید نے شہریوں کو مشورہ دیا کہ وہ باہر سے کھانے پینے کی اشیاء اور جنک فوڈ لینے سے گریز کریں اور پینے کا پانی، صاف برتن استعمال کریں اور کھانا کھانے سے پہلے ہاتھ ضرور دھوئیں اور اپنے کچن کو صاف ستھرا رکھیں۔

لاہور:دوسری ہیٹ ویو کا زور ٹوٹ گیا:آج موسم کیسا رہےگا؟محکمہ موسمیات نے بتادیا

انہوں نے کہا، "عوام کو اپنے گھروں کو صرف دباؤ کے کاموں کے لیے چھوڑنا چاہیے اور ایک سایہ دار راستہ اختیار کرنے کی کوشش کرنی چاہیے اور دھوپ میں زیادہ دیر تک رہنے سے گریز کرنا چاہیے، انہوں نے مزید کہا، جو مزدور ضروری کام کے لیے باہر دھوپ میں وقت گزارتے ہیں، وہ اپنے سر کو ٹوپی سے ڈھانپیں۔ یا گیلا رومال؟

کراچی کےعلاوہ ملک کے مختلف حصے ہیٹ ویو کی لپیٹ میں ہیں،محکمہ موسمیات

انہوں نے کہا کہ شہری متوازن غذا پر مشتمل گھر کا تازہ پکا ہوا کھانا استعمال کریں اور سبزیوں، دالوں، پھلوں اور دودھ کے استعمال کو ترجیح دیں۔

ادھرمحکمہ موسمیات کے مطابق ملک کے مختلف علاقوں خصوصا پنجاب میں بارشیں معمول سے زیادہ ہونے کا امکان ہے۔موسم کا حال بتانے والوں کا کہنا ہے کہ مون سون بارشوں کا سلسلہ اگست کے مہینے تک جاری رہے گا۔

محکمہ موسمیات کے مطابق کل ملک کےبیشتر میدانی علاقوں میں موسم شدید گرم اور خشک رہے گا تاہم وسطی وجنو بی پنجاب اور زیر یں خیبر پختو نخوا میں آ ندھی چلنے کے علاوہ بالائی خیبرپختونخوا، کشمیراور گلگت بلتستان میں بعدازدوپہر/شام بعض مقامات پر بارش ہو سکتی ہے ۔اسلام آباد اور خطہ پوٹھوہار میں شام میں آندھی اورگرج چمک کے ساتھ بارش کی توقع ہے

سابق وزیراعظم عمران خان کا کہنا ہے کہ میرے خلاف منصوبہ بندی کرنے والے پریشان ہیں، وہ مجھے واپس نہیں چاہتے-

باغی ٹی وی : برطانوی ٹی وی کو دیئے گئے انٹرویو میں سابق وزیراعظم عمران خان نے کہا کہ جب سیاست میں آیا تو اپنے مرنے کے خوف پر قابو پالیا، آج 16 جماعتیں میرے خلاف ہیں اور میں اکیلا ہوں،اپنے خلاف ہونے والی سازش کا مجھے چھ ماہ قبل ہی پتہ چل گیا تھا، میں سوچتا تھا کہ یہ لوگ سازش میں کامیاب نہیں ہوں گے، پیپلزپارٹی اور ن لیگ نے 30 سال تک حکومت کی اور ان کے خلاف بڑی تعداد میں کرپشن کیسز ہیں۔

شیخ رشید کا بیان عالمی سازش کے بیانیے کے تابوت میں آخری کیل ہے،شیری رحمان

عمران خان نے کہا کہ مجھے عہدے سے ہٹنانے والی 60 فیصد کابینہ ضمانت پر ہے اور ان کے خلاف اربوں کے کرپشن کیسز ہیں، امید ہی نہیں تھی کہ ہماری حکومت کو بدل کر ملک کو مجرموں کے ہاتھ سونپ دے دیا جائے گا جب ہماری حکومت ترقی کرنےلگی اور اوپر جانے لی تو اسے ختم کر دیا گیا بھارت نے اپنے لوگوں کے فائدے کےلیے پالیسیاں بنائی ہیں، ہمیں بھی آزاد خارجہ پالیسیاں بنانی چاہیئں جو عوامی مفاد میں ہوں۔

انصاف کا تقاضہ تھا چیئرمین نیب اپنے اثاثوں کاحساب دیتے، شاہد خاقان عباسی

عمران خان نے کہا کہ روس صرف ایک دن کے لیے گیا ،نہیں جانتا تھا کہ کیا ہونے والا ہے ایک گھنٹے میں طے کرنا تھا کہ روسی صدر سے ملاقات کرنی ہے یا نہیں، عراق افغانستان اور یوکرین میں تمام فوجی کارروائیوں کے خلاف ہوں، روسی صدر پیوٹن کو اندازہ ہوتا کہ کیا ہونے والا ہے تو وہ جنگ شروع نہ کرتے-

دوسری جانب پاکستان تحریک انصاف کے آفیشل سوشل میڈیا اکاؤنٹ سے عمران خان کا ایک تحریری بیان جاری کیا گیا ہے ٹوئٹر پر جاری بیان میں عمران خان کی جانب سے کہا گیا ہے کہ زندگی اور موت اللّہ کے ہاتھ میں ہے،ہم سیاست نہیں بلکہ ان چوروں اور غلاموں کے خلاف جہاد کر رہے ہیں، جب تک زندہ ہوں اپنی قوم کی آزادی کی جنگ لڑتا رہوں گا۔

زندگی اور موت اللّہ کے ہاتھ میں ہے ۔
ہم سیاست نہیں بلکہ ان چوروں اورغلاموں کےخلاف جہادکررہےہیں جب تک زندہ ہوں اپنی قوم کی آزادی کی جنگ لڑتارہوں گا۔چئیرمین عمران خان pic.twitter.com/ZjjUP0UJ0r

— PTI (@PTIofficial) June 9, 2022

ایمان مزاری کی عبوری ضمانت میں 20 جون تک توسیع

وزیراعظم شہبازشریف نے کہا ہے کہ لوڈشیڈنگ کے خاتمے کے لیے مل کر کام کرنا ہے،خیبر پختونخوا کی عوام سے میں نے جو وعدہ کیا، وہ پورا کیا ہے-

باغی ٹی وی : وزیراعظم شہباز شریف کی ملک میں بجلی کی تازہ ترین صورتحال پر علی الصبح بریفنگ دی گئی،وزارت توانائی کے حکام نے ملک میں لوڈ شیڈنگ کی تازہ ترین صورت حال سے آگاہ کیا،وزیراعظم نے ملک میں بجلی کی طلب اور کھپت کے تازہ ترین اعدادوشمار حاصل کیے-

جولائی کے شروع میں لوڈ شیڈنگ میں کمی ہو گی، خرم دستگیر

وزیراعظم شہبازشریف نے مختلف فیڈرز پر بجلی کی ترسیل کی صورتحال دریافت کی،وزیراعظم شہبازشریف نے کہا کہ لوڈشیڈنگ کے خاتمے کے لیے مل کر کام کرنا ہے، عوام کی مشکلات کو کم ہونا چاہیے-

دوسری جانب وزیرِ اعظم شہباز شریف سے مشیر سیاسی و عوامی امور انجنئیر امیر مقام کی اسلام آباد میں ملاقات کی ملاقات میں ملکی سیاسی صورتحال پر تفصیلی گفتگو کی انجنئیر امیر مقام نے وزیرِ اعظم کو خیبر پختونخوا کے عوام سے سستے آٹے کے وعدے کو پورا کرنے پر وزیرِ اعظم کو خراجِ تحسین پیش کیا-

وزیرِ اعظم نے کہا کہ ایبٹ آباد اور پشاور کے بعد سستے آٹے کی فراہمی عنقریب پورے صوبے کے دیگر علاقوں میں بھی شروع ہوگی خیبر پختونخوا میں پچھلے آٹھ سال سے رکے ہوئے ترقی کے عمل کو آگے بڑھائیں گے-

امید ہی نہیں تھی کہ حکومت ہاتھ سے نکل جائےگی ،عمران خان

وزیرِ اعظم نے حکام کو ہدایت کہ کہ خیبر پختونخوا میں صوبائی حکومت کی بد انتظامی سے ستائے ہوئے لوگوں کے مسائل کا فوری حل کریں اور خیبر پختونخوا میں پارٹی تنظیم کو سرگرم کریں-

قبل ازیں وفاقی وزیر توانائی خرم دستگیر کا کہنا تھا کہ صنعتی شعبے کو بلا تعطل بجلی کی فراہمی جاری ہے،بجلی کا شارٹ فال4ہزار میگاواٹ کے قریب ہے اور ملک میں بجلی کی پیداوار22ہزار جبکہ طلب26ہزار میگاواٹ ہے کوشش ہے دو سے تین ہفتوں میں بجلی کی پیداوار میں خاطر خواہ اضافہ کریں گے اور ساتھ میں کوئلے کی کمی کو بھی پورا کر لیا گیا ہے۔کروٹ ہائیڈو پاور کو فروری2022میں مکمل ہونا تھا جسے اب فعال کیا جارہا ہے مزید براں آئندہ ماہ بجلی کی لوڈشیڈنگ میں کمی آئے گی ۔

وزیر خزانہ آئندہ مالی سال 2022-23 کا بجٹ کل پیش کریں گے

انہوں نے موسم کے حوالے سے کہا تھا کہ موسم کی شدت اور ہائیڈل پاور میں کمی کے باعث بجلی کی طلب میں اضافہ ہوا ہے اور ری فیولنگ سے کروٹ ٹو اپنی استعداد سے 1100میگاواٹ بجلی پیدا کرے گا۔ ساتھ ہی ان کا یہ بھی کہنا تھا کہ بجلی کی بچت کے حوالے سے بھی حکومت نے پلان بنا چکی ہے ماضی میں شروع ہونے والے منصوبے مکمل ہو رہے ہیں۔ان کا کہنا تھا کہ سابقہ حکومت نے بجلی کی بڑھتی ہوئی طلب کیلئے اقدامات نہیں کیے تریموں پاور پلانٹ اسی سال اپنی پیداوار شروع کر دے گا۔اور جولائی کے اشروع میں لوڈ شیڈنگ میں خاطر خواہ کمی ہو گی گرمی کی شدت میں اضافے کے باعث بجلی کی طلب میں اضافہ ہوا ہے۔ہفتے کو چھٹی اور 20 فیصد لوگوں کو گھروں سے کام کرنے کی تجویز دی جا چکی ہے۔

ملک میں بجلی کا شارٹ فال 6 ہزار 530 میگاواٹ