Tag: پاکستان

راولپنڈی :عدالت نے شیخ راشدشفیق کی ضمانت منظور کر لی،اطلاعات ہیں کہ عدالت نے شیخ‌ رشید کے بھتیجے شیخ راشد شفیق کی ضمانت منظور کرلی ہے ،

ذرائع کے مطابق یڈیشل جج عارف نےشیخ راشد شفیق کو ایک لاکھ روپے کے ضمانتی مچلکے جمع کرانے کا حکم دیا تھا ، یہ بھی بتایا جارہا ہےکہ اس حوالے سے ان کے وکلا ڈاکومنٹیشن کررہے ہیں

یہ بھی معلوم ہوا ہے کہ شیخ راشد شفیق کےخلاف تھانہ نیوایئرپورٹ فتح جنگ میں مقدمہ درج تھا

یاد رہے کہ اس سے تین دن پہلے لاہور ہائی کورٹ راولپنڈی بنچ نے سابق وزیر داخلہ شیخ رشید کی 18 مئی تک قبل از گرفتاری عبوری ضمانت منظور کرلی۔

لاہور ہائی کورٹ کے جسٹس عبدالعزیز نے شیخ رشید کی درخواست پر سماعت کی۔ عدالت نے دلائل سننے کے بعد شیخ رشید کی عبوری ضمانت منظور کرلی اور تمام فریقین کو نوٹسز جاری کر دیئے۔

اس سے پہلے لاہور ہائی کورٹ راولپنڈی بنچ کے جج جسٹس شہزاد احمد خان نے شیخ رشید کی قبل از گرفتاری درخواست ضمانت پر سماعت سے معذرت کر لی۔

لاہور: عوام کی زندگی بہتربنانا اولین ترجیح ہے، ان خیالات کا اظہار کرتے ہوئے پنجاب کے وزیراعلیٰ حمزہ شہباز نے کہا ہے کہ حکومت کی کوشش ہےکہ عوام جو جلد از جلد ریلیف دیا جائے

وزیراعلیٰ پنجاب حمزہ شہباز نے پریس کانفرنس کرتے ہوئے کہا ہے کہ عوام کی زندگی بہتربنانا اولین ترجیح ہے، مہنگائی نے لوگوں کوذہنی مریض بنا دیا۔

انہوں نے کہا کہ کہتے ہیں آدھی رات کو عدالت کو کھلوایا گیا، عمران خان آئین شکنی کرنا چاہتے تھے اس وجہ سے عدالتیں کھلیں، عمران خان نے4 سال میں انتقام کےعلاوہ کیاکیا؟

حمزہ شہباز نے کہا ہے کہ ہارا ہوا شخص جاتے جاتے آئین کے ساتھ مذاق کررہا تھا، عمران خان نے ملک کے جوانوں سے روزگار کے جھوٹے وعدے کیے، عمران خان پاکستان کے اداروں کے خلاف ہیں۔

وزیراعلیٰ پنجاب نے کہا ہے کہ آپ کو عوام کی عدالت میں جواب دینا ہوگا، بہت جلد اسے اپنے سارے گناہوں کا حساب دینا ہوگا، عمران خان کی وجہ سے دوست ممالک ہم سے ناراض ہیں۔

انہوں نے کہا کہ بالکل نہ سمجھیں یہ جو چاہے کہتے رہیں گے، عمران خان نے جو وعدے کیے جھوٹے ثابت ہوئے، یہ آئین کو پاؤں تلے روندنا چاہتےتھے، یہ کہتے تھے کہ میں پاکستان اورکشمیرکا وکیل بنوں گا، یہ پاکستان کے وکیل بن سکے اور نہ ہی کشمیرکے۔

کوئٹہ:بلوچستان شدید گرمی کی لپیٹ میں:محکمہ موسمیات نےخبردارکردیا ،اطلاعات کے مطابق ملک بھرکی طرف اس وقت صوبہ بلوچستان میں گرمی کی شدید لہر آئی ہوئی ہے اوراس حوالے سے محکمہ موسمیات نے خبردارکرتے ہوئے کہاہےکہ بلوچستان کے بیشتر علاقے شدید گرمی کی لپیٹ میں رہیں گے۔

بلوچستان میں کس قدر گرمی ہے اس حوالے سے محکمہ موسمیات نے بلوچستان کے کچھ علاقوں کی تازہ صورت حال شیئر کی ہے ، محکمہ موسمیات کا کہنا ہے کہ کوئٹہ میں زیادہ سے زیادہ درجہ حرارت 35 ڈگری سینٹی گریڈ کیا گیا

کوئٹہ کے علاوہ قلات میں زیادہ سے زیادہ درجہ حرارت 31 ڈگری سینٹی گریڈ ریکارڈ کیاگیا ۔محکمہ موسمیات کا کہنا ہے کہ اس وقت بلوچستان کے ساحلی علاقے گوادر میں زیادہ سے زیادہ درجہ حرارت 33 ڈگری سینٹی گریڈ ریکارڈ۔

محکمہ موسمیات نے بلوچستان کے اس علاقے کی بھی نشاندہی کی ہے جس میں اس وقت درجہ حرارت سب سے زیادہ ہے ، اس میں سبی میں زیادہ سے زیادہ درجہ حرارت47ڈگری سینٹی گریڈ ریکارڈ ۔

محکمہ موسمیات کی طرف سے جاری کردہ اعدادوشمار کے مطابق نوکنڈی میں زیادہ سے زیادہ درجہ حرارت43ڈگری سینٹی ریکارڈ کیا گیا ہے

صوبے میں اس وقت ہوا میں نمی کی کیا صورتحال ہے اس حوالے سے بتایا گیا ہے کہ کوئٹہ میں ہوا میں نمی کا تباسب 21فیصد گوادر میں 77فیصد قلات میں 33 فیصد سبی میں 34 فیصد نوکنڈی میں 7فیصد ریکارڈ کیا گیا۔

کراچی :وزیراعلیٰ کاکراچی اور اندرون سندھ پینے کے پانی کی قلت پر نوٹس ،اطلاعات کے مطابق ید مراد علی شاہ کی زیرصدارت ہونے والے کراچی واٹراینڈ سیوریج بورڈ کے اجلاس میں کراچی میں پینے کے پانی کی چوری، رساؤ اور اس کے ضیاع کو روکنے کے لیے ٹاسک فورس بھی قائم کردی ہے۔

اجلاس میں صوبائی وزراء سعید غنی، ناصرحسین شاہ، شرجیل میمن، مرتضیٰ وہاب، چیف سیکریٹری، سیکریٹری بلدیات، وقارمہدی، نجمی عالم کے علاوہ واٹربورڈ کے حکام اور دیگرمتعلقہ افسران نے بھی شرکت کی۔

وزیراعلیٰ سندھ نے ٹاسک فورس کا چیئرمین وزیربلدیات ناصرحسین شاہ کو مقرر کیا۔ جب کہ دیگرارکان میں کمشنرکراچی، ایڈیشنل آئی جی کراچی، واٹربورڈ کے چیف انجنیئرز، وزیراعلیٰ سندھ کے معاون خصوصی وقارمہدی اورنجمی عالم بھی شامل ہیں۔

ٹاسک فورس پولیس، رینجرزاورمتعلقہ انجنیئرزکے ساتھ آئندہ دوروزمیں غیرقانونی کنیکشنز،غیرقانونی ہائیڈرنٹس اورپانی کی چوری کرنے والے افرد کے خلاف کارروائی کرے گی۔

وزیر اعلی سندھ نے واٹربورڈ کے بلک اورڈسٹری بیوشن سسٹم پرالگ الگ مانیٹرنگ سسٹم قائم کرنے کی بھی ہدایت کی۔ ہدایات کے مطابق پانی کے مختلف سسٹم پرمیٹرز نصب کیے جائیں گے۔

اجلاس میں وزیراعلیٰ سندھ نے شہر کے مختلف علاقوں کوآبادی کے حساب سے پانی مہیا کرنے کی ہدایات جاری کرتے ہوئے واٹر بورڈ کو اپنے پورے ڈسٹری بیوشن نظام کو جدید میپنگ سسٹم کے ذریعے اجاگر کرنے کا حکم دیا۔

اس موقع پروزیر اعلیٰ سندھ کا یہ بھی کہنا تھا کہ واٹربورڈ کومانیٹرنگ سسٹم قائم کرنا ہوگا، اس کے بغیرکراچی میں پانی کا مسئلہ حل نہیں ہوگا۔

وزیراعلیٰ سندھ نے دریائے سندھ کے دائیں طرف واقع علاقوں میں پینے کے پانی کے مسائل حل کرنے کے لیے ایمرجنسی نافذ کردی ہے۔ وزیراعلیٰ نے محکمہ آب پاشی کو ضروری اقدامات کرتے ہوئے متاثرہ علاقوں میں پینے کا پانی پہچانے کی ہدایت بھی کی۔

اندرون سندھ کے علاقے ٹھٹہ، سجاول، بدین اوردیگراضلاع اس وقت پانی کی شدید قلت کا سامنا کر رہےہیں۔

اجلاس سے خطاب میں وزیراعلیٰ کا کہنا تھا کہ محکمہ آب پاشی مذکورہ علاقوں کے کینال سسٹم میں فوراً پانی جاری کرے، لوگوں کوپینے کا پانی ہرصورت ملنا چاہئے، کل شام تک پانی پہنچا کرمجھے رپورٹ کریں۔

اسلام آباد:موبائل فون آپریٹرزنے ایڈوانس انکم ٹیکس میں کمی کا مطالبہ کردیا ،اطلاعات کے مطابق پاکستان میں موبائل فون سروسز فراہم کرنے والی کمپنیوں نے ایڈوانس انکم ٹیکس میں کمی نہ کرنے پر تحفظات کا اظہار کردیا ہے۔

اس حوالے سے ٹیلی کام سیکٹر کا کہنا ہے کہ حکومت کے اس اقدام سے صارفین پر مزید بوجھ پڑے گا،خاص طور پر اس سے کم آمدن والے افراد کی موبائل فون رکھنے اور انٹرنیٹ استعمال کرنے کی استطاعت میں کمی واقع ہوگی۔

وزارت برائے انفارمیشن ٹیکنالوجی کو بھیجے گئے خط میں مواصلاتی شعبے کی جانب سے حکومت سے استدعا کی گئی ہے کہ ٹیلی کام سروسز پر آئندہ بجٹ میں ایڈوانس انکم ٹیکس کی شرح کو 15 فیصد سے کم کرکے 8 فیصد تک کردیا جائے۔

فنانس ایکٹ 2022 کے ذریعے ایڈوانس انکم ٹیکس میں 10 سے 15 فیصد اضافہ کردیا گیا ہے جس سے ملک بھر میں موبائل کمپنیوں کے 193 ملین صارفین پرمجموعی طورپرلاگو ہونے والے ٹیکس کی شرح تقریباً 35 فیصد ہوگئی ہے۔

خط کے مطابق صارفین سے مجموعی طور پر ساڑھے 34 فیصد ٹیکس وصول کیا جا رہا ہے جس میں 15 فیصد ایڈوانس انکم ٹیکس اور ساڑھے 19 فیصد جنرل سیلز ٹیکس شامل ہے۔

پاکستان دنیا کے مواصلاتی شعبے میں سب سے زیادہ ٹیکس اداکرنے والے ملکوں میں سے ایک ہے جب کہ جنوبی ایشیاء میں اس کا شمار سب سے زیاہ مواصلاتی ٹیکس ادا کرنے والے ملکوں میں دوسرا ہے۔ ٹیکس کی بلند شرح ملک میں ڈیجیٹلائزیشن کی راہ میں سب سے زیادہ حائل رکاوٹ ہے۔

معیشت کے تمام اہم عوامل بشمول صحت، تعلیم اور تجارت ڈیجیٹلازیشن کے لیے ارزاں نرخوں پر انٹرنیٹ اور موبائل آنرشپ کی دستیابی نہایت اہمت کی حامل ہے۔

واضح رہے کہ مالی سال 2021 میں ایڈوانس انکم ٹیکس کی شرح کو ساڑھے 12 فیصد سے کم کرکے 10 فیصد کردیا گیا تھا جب کہ فنانس ایکٹ 2022 میں اسے 8 فیصد تک کرنے کا وعدہ کیا گیا تھا، تاہم اس فیصلے کو 6 ماہ پہلے ہی واپس لے لیا گیا تھا۔

وفاقی تحقیقاتی ایجنسی (ایف آئی اے) نے خبردار کیا ہےکہ قوانین کے خلاف پوسٹ یا قابل اعتراض مواد شئیر کرنے پر نام ای سی ایل میں ڈال سکتے ہیں –

باغی ٹی وی : ایف آئی اےکی جانب سے جاری اعلامیے میں کہا گیا ہےکہ تارکین وطن پیکا 2016 ایکٹ کا مطالعہ کریں، سوشل میڈیا پر کوئی پوسٹ قابل اعتراض اور باغیانہ نہیں ہونی چاہیے، تارکین وطن قانون کی خلاف ورزی کرتے ہیں تو ان کےنام ای سی ایل پر رکھے جاسکتے ہیں-

وقت آنے پر عامر لیاقت کے خلاف سارے ثبوت سامنے لاؤں گی ،دانیہ شاہ

اعلامیے میں کہا گیا کہ پاکستان یا دوسرے ملک میں رہنے والے پاکستانیوں کو جعلی خبروں کی بنیاد پر بدنام نہیں کیا جاسکتا، جعلی خبروں کی بنیاد پربدنام کرنےکی کوششیں پاکستانی قوانین کے مطابق جرم ہیں قانون کے پابند شہریوں کو پریشان ہونےکی ضرورت نہیں، یہ ہدایت صرف قانون توڑنے والوں کے لیے ہے۔

ایف آئی اےکی جانب سےجاری اعلامیےمیں کہا گیا ہےکہ سوشل میڈیا پرمبینہ طورپرریاست مخالف بیانات پرایک یوٹیوبرکےخلاف انکوائری شروع کردی ہے یوٹیوبرریاست مخالف جھوٹی خبریں پھیلانےمیں ملوث ہے، اس نے بیرون ملک رہتے ہوئے پاکستان میں ہیجان پیداکرنےکی کوشش کی، یوٹیوبرکو انٹرپول کے ذریعےریڈ نوٹس جاری کیا جائےگا۔

عمران اسماعیل کا وفاقی وزیر آبپاشی سے مستعفی ہونے کا مطالبہ

قبل ازیں لاہور میں صحافیوں سے غیر رسمی گفتگو میں وفاقی وزیر داخلہ رانا ثناءاللہ کا کہنا تھا کہ لوگوں کی نجی زندگی میں ایشوپیداکرنے والوں کےخلاف کریک ڈاؤن کریں گےسائبر کرائم ونگ کی کیپیسٹی کےمسائل ہیں،اس پرکام کر رہےہیں قانون کے دائرے میں پرامن احتجاج ہرکسی کا حق ہے، قانون کےدائرے سے باہر جائیں گے تو قانون اپناراستہ بنائےگا۔

وزیرداخلہ کا کہنا تھا کہ عمران خان جلسےکررہےہیں ہم ان کو سہولت دے رہے ہیں، عمران خان کو اس وقت وزیراعظم والی سکیورٹی مل رہی ہے، شیخ رشید صرف ہوائی فائرنگ کر رہے ہیں-

شان شاہد کا انٹرویو بہت گندا تھا،عمران خان

لاہور: وزیراعلیٰ پنجاب میاں حمزہ شہباز نے کہا ہے کہ 74سال ہو گئے ملک کو قائم ہوئے لیکن آج بھی لوگوں کو انصاف نہیں ملتا۔ تمام سیاسی جماعتوں کو معیشت کی بحالی، آئین اورقانون کی بحالی کا عمرانی معاہدہ کرنا ہوگا

سندس فاؤنڈیشن کے دورہ کے بعدتقریب سے خطاب کرتے ہوئے وزیراعلیٰ پنجاب نے کہا کہ منو بھائی نے ساری زندگی سندس فاؤنڈیشن اورمریض بچوں کے لئے وقف کر دی، دنیا کا سب سے بڑا سبق انسانیت کا سبق ہے۔ کئی لوگ آئے چلے گئے اچھے کام ہمیشہ یاد رکھے جاتے ہیں۔

انہوں نے کہا کہ زندگی میں مشکلات آتی ہے، مشکلات میں دوسروں کے درد کا احساس پیدا ہوجائے تو یہ کامیابی ہے۔ اولاد کی آزمائش انسان کو دوسروں کے درد کا احساس دلاتی ہے۔ دوسروں کا احساس کر کے آگے بڑھیں تو زندگی آسان ہوجاتی ہے۔ دادا مرحوم کہتے تھے اگر موقع ملے تو مخلوق کی خدمت کرنا،یہی کامیابی ہے۔ کامیاب سیاستدان وہ ہے جو اچھا انسان ہے۔ 74سال ہو گئے ملک کو قائم ہوئے لیکن آج بھی لوگوں کو انصاف نہیں ملتا۔ تمام سیاسی جماعتوں کو معیشت کی بحالی، آئین اورقانون کی بحالی کا عمرانی معاہدہ کرنا ہوگا۔ ملک کے مسائل پہاڑ جیسے ہیں، سب کو ملکرکام کرنا ہوگا۔ بلوچستان،خیبر پختونخوا اورسندھ کی جماعتوں کو ساتھ بٹھا کر مسائل پوچھے اورحل کریں۔

میاں حمزہ شہباز کا کہنا تھا کہ اگر ہم نے کچھ نہ کیا تو عوام معاف کریں گے نہ اللہ معاف کرے گا۔ خوشحال پاکستان کی منزل کو حاصل کرنا چاہتے ہیں، جس کا خواب قائداعظم نے دیکھا تھا۔ سیاسی جماعتوں کو سیاست سے بالاتر ہو کر ایک ایجنڈے پر آنا ہو گا۔ پاکستان کے عوام کا خوشحال ہونا ضروری ہے،سیاست تو ہوتی رہے گی۔ کامیاب سیاستدان وہی ہے جو مخلوق کی خدمت کا جذبہ رکھتا ہے۔ کبھی ذات کی سیاست نہیں کی، ہمیشہ ملکی مفاد کو مدنظر رکھا۔ ذمہ داری ملنے پر خوشی کم اورفکر زیادہ ہے، مخلوق کی خدمت کرنا چاہتا ہوں۔