Tag: پاکستان

لاہور:عمران خان کے لیے پاکستان مقدم ہے،اطلاعات کے مطابق پاکستان تحریک انصاف کے رہنما زبیرخان نیازی نے ایک ٹی وی پروگرام میں گفتگو کرتے ہوئے کہا ہے کہ پاکستان تحریک انصاف کے چیئرمین سابق وزیراعظم عمران خان کوپاکستان سب سے زیادہ عزیز اورسب سے مقدم ہے

اس حوالے سے انہوں نے بات کرتے ہوئے نجی ٹی وی کے پروگرام کھرا سچ پروگرام کے میزبان مبشرلقمان سے بات کرتے ہوئے اس بات کا اعادہ کیا،ایک موقع پر جب سینیئر صحافی مبشرلقمان نے زبیر خان نیازی سے عمران خان کے حوالے سے سوال کیا تو انہوں نے بات کوپاکستان میں رجیم چینج سے جوڑتے ہوئے کہاکہ یہ تو سب کوپتہ چل گیا ہے کہ امریکہ پاکستان میں مداخلت کرتا ہے

عمران خان کے لیے پاکستان مقدم ہے:زبیر خان نیازی #kharasuch @SeharKamran @zubairniazi@mubasherlucman #SULMANAWAN pic.twitter.com/KLd4ualxPv

— PNN News (@pnnnewspk) April 27, 2022

اس پر مبشرلقمان نے کہا کہ اس لیٹر کے حوالے سے یہ بات کہی جارہی ہے کہ پاکستان میں سازش نہیں ہوئی ،جس پر زبیرخان نیازی نے کہا کہ بہرکیف کچھ تو ضرور ہوا ہے

اس کے بعد مزید بات کرتے ہوئے زبیر خان نیازی نے کہا کہ ہرکسی کو یہ یقین کرلینا چاہیے کہ عمران خان کواپنا ملک اپنی قوم سے سے زیادہ عزیز ہے اور وہ اس ملک کوایک ذرہ بھر بھی نقصان پہنچانے کانہیں سوچ سکتا، زبیرخان نیازی کا کہنا تھا کہ عمران خان ضرور اوربھرپوراندازسے واپس حکومت میں آئیں گے اور اس ملک کو ترقی اور خوشحالی کے راستے پرچلائیں‌گے

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

حمزہ شہباز شریف نے کہا ہے کہ عمران نیازی تم کھلاڑی تھے ہی نہیں اناڑی تھے،اطلاعات کے مطابق مسلم لیگ (ن) کے رہنما حمزہ شہباز شریف نے اپنے ایک بیان میں کہا کہ تم نے کسانوں سے کھاد چھین لی، عمران نیازی کو مگر مچھ کے آنسو کے پیچھے چھپنے نہیں دیا جائےگا۔

حمزہ شہباز شریف نے کہا کہ نااہلوں کی حکومت کوختم کردیا جبکہ نااہل سابق حکومت نے زراعت کوتباہ کردیا ہے۔

ان کا کہنا تھا کہ ن لیگ کی قیادت کو گرفتار کرکے جیلوں میں ڈالا گیا،4سال تک حساب لیا لیکن ہمارے خلاف کرپشن ثابت نہیں کرسکے۔

مسلم لیگ (ن) کے رہنما نے کہا کہ عمران خان نے غریبوں سےروٹی چھینی، پنجاب میں حکمرانی کو کھیل تماشا بنادیا گیا اور آج ایوان اقبال میں ہارا ہوا عمران نیازی رو رہا تھا۔

انہوں نے یہ بھی کہا کہ عمران نیازی تم کھلاڑی تھے ہی نہیں اناڑی تھے، عمران نیازی تم بازی شروع ہونے سےپہلے ہی ہارچکے ہو۔

حمزہ شہباز شریف کا کہنا تھا کہ آئین سے جب کھلواڑ ہوتا ہے تو عدالت 12بجے لگتی ہے، عوام کہتے ہیں ہم تمہارے غلام نہیں، عوام تمہاری سیاست اٹھا کر سمندر میں پھینک دیں گے

ان کا یہ بھی کہنا تھا کہ ابھی توتوشہ خانہ سے کام شروع ہوا ہے، ن لیگ نے تلاشی دیدی تم نے گھڑی توشہ خانے سے چوری کرکے بیچ دی۔

حمزہ شہباز شریف نے کہا کہ عمران خان نے4 سال عوام کوجھوٹے خواب دکھائے، عمران نیازی کوعوامی عدالت میں حساب دینا ہوگا۔

مسلم لیگ (ن) کے رہنما حمزہ شہباز شریف نے مزید کہا کہ میں پنجاب کا وزیراعلیٰ نہیں ہوں ان کا خادم ہوں، ہم انتقام پر یقین نہیں رکھتے مگرجیل کے دروازےکھلیں گے۔

لاہور: تمہارے لیے بارہ بجے عدالتیں اس لیے کھولیں کیونکہ تم نے آئین پر خودکش حملہ کیا تھا:اطلاعات کے مطابق پاکستان مسلم لیگ (ن) کی نائب صدر مریم نواز نے عمران خان پر تنقید کے نشتر برساتے ہوئے کہا کہ عمران خان کے لیے رات بارہ بجے عدالتیں اس لیے کھلیں کہ عمران خان نے آئین پرخودکُش حملہ کیا تھا

لاہور میں پاکستان مسلم لیگ (ن) کے ورکرز کنونشن کا انعقاد کیا گیا، جس میں کارکنوں کی بڑی تعداد نے شرکت کی۔

ورکرز کنونشن سے خطاب کرتے ہوئے مریم نواز نے کہا کہ کارکنوں کے جذبے اور ہمت کو سلام، کھوکھر برادران کی وفاداری کو سلام، مجھے یاد ہے کھوکھر ہاؤس کی دیواروں کو توڑا گیا تھا، کھوکھر برادران نے انتقام کے باوجود نواز شریف کا ساتھ نہ چھوڑا، عمران جیسے نا اہل سے پاکستان کے عوام کی جان چھوٹ گئی۔

انہوں نے کہا کہ اللہ جسے چاہے عزت اور ذلت دے، کہتے تھے نواز شریف کی سیاست ختم ہوگئی، اللہ نے نواز شریف کوعزت دی اور کوئی وزیراعظم ہاؤس میں بیٹھا ذلیل ہوگیا، عوام نے پہلی دفعہ ووٹ کے ذریعے اٹھا کر باہر پھینکا، نواز شریف نے لندن سے تمہاری حکومت ختم کی، آگے، آگے دیکھنا نواز شریف تمہاری سیاست کو بھی دفن کر دے گا،

مریم نواز نے سابق وزیراعظم پر مزید تنقید کرتے ہوئے کہا کہ ہمیں کہتا تھا گھبرانا نہیں ہے، جب سے اقتدار گیا خود دھاڑیں مار مار کر روتا ہے، پچاس لاکھ گھر مکمل نہیں ہوئے، صرف زمان پارک کا گھرمکمل ہوا، جب آخری اوور کا موقع آیا تو یہ پویلین سے باہر ہی نہیں نکلا، میدان چھوڑ کر الٹے پاؤں بھاگ گیا،

ان کا کہنا تھا کہ آخری دنوں میں اس نے آئین کی دھجیاں اڑائیں، تمہارے لیے بارہ بجے عدالتیں اس لیے کھلیں کیونکہ تم نے آئین پر خودکش حملہ کیا تھا، تمہارے ذاتی ملازم صدر، اسد قیصر، قاسم سوری، گورنر پنجاب نے حلف سے غداری کی، اس لیے بارہ بجے عدالتیں کھلی تھیں،

ن لیگ کے ورکرز کنونشن سے خطاب کرتے ہوئے انہوں نے کہا کہ تمام حربے ناکام ہوگئے تو جعلی خط اٹھا کر لے آیا، قومی سلامتی کمیٹی سے منہ توڑ جواب ملا، اس کی سازشی خط کی ٹیں، ٹیں سن کر دماغ پک گیا ہے، سازش تو نواز شریف کے خلاف ہوتی ہیں، کیا عمران خان جیسے ناکام شخص کے خلاف کسی کو سازش کی ضرورت ہے،

پاکستان مسلم لیگ (ن) کی نائب صدر نے کہا کہ یہ بول رہا ہو تو آواز بند کر دیتی ہوں، آج اس کے ورکرز کنونشن میں پچاس میڈیا والے بیٹھے تھے، یہ اسلام آباد میں 20 لاکھ لوگوں کو لانے کی بات کر رہا ہے، آج پتا نہیں اول، فول بک رہا تھا،

مولانا طارق جمیل سے ادب سے کہتی ہوں عمران کو سمجھائیں مذہب کے بارے ایسی باتیں نہ کرے، کوئی ہے جو اس نفسیاتی مریض کو لگام اور پاگل خانے کی بس پر بٹھا کر آئے، یہ اتنا بڑا پاگل ہے کہ پاگلوں کو بھی پاگل کر دے گا، کہتا ہے عید پر گلے ملنا تو حقیقی آزادی کے لیے باہر نکلنا، وزیراعظم کی کرسی کو مال بنانے کے لیے استعمال کرتا رہا، شرم کرو۔

انہوں نے کہا کہ الیکشن ہونگے، ہم الیکشن سے نہیں ڈرتے، ضمنی الیکشن سے ہارنے والے ڈر رہے ہیں، جلدی، جلدی الیکشن کرانے کا مطلب عمران تقرریوں میں مداخلت کر کے اگلا الیکشن فکس کرنا چاہتا ہے، اگلی تقرریوں کا فیصلہ میرٹ پر ہوگا،

راولپنڈی :سابق خاتون اول بشریٰ بی بی کی دیرینہ دوست فرح گوگی کا ایک اور بڑا سکینڈل منظر عام پر آ گیا ہے۔ سماء ٹی وی کی رپورٹ کے مطابق انہوں نے راولپنڈی رنگ روڈ کے سنگم پر کروڑوں روپے کی جائیدادیں خریدیں۔

رپورٹ میں انکشاف کیا گیا ہے کہ فرح گوگی نے یہ قیمتی جائیدادیں راولپنڈی رنگ روڈ منصوبے کے اعلان سے محض ایک ہفتے قبل خریدی تھیں۔ دستاویزات کے مطابق 200 کنال کا یہ رقبہ چکری اور روات انٹرچینج پر خریدا گیا۔

زاہد گشکوری کی رپورٹ کے مطابق یہ زمین اسلام آباد کے رہائشی شاہد محمود سے محض دو کروڑ ساٹھ لاکھ روپے میں خریدی گئی تھیں۔ تاہم رنگ روڈ سکینڈل آنے کے بعد فرح گوگی نے اس زمین کو فروخت کر دیا تھا۔ انہوں نے زمین فروخت کرتے وقت ایک ارب روپے سے زائد کی ڈیل کی تھی۔

بتایا گیا کہ سابق خاتون اول بشریٰ بی بی کی قریبی دوست فرح شہزادی (فرح خان) اور اس کے شوہر احسن اقبال جمیل نےمذکورہ تحائف اور قرضوں کا آپس میں تبادلہ کیا ان کے خاندان کے اثاثوں میں دستاویزات سے معلوم ہوتاہے کہ غیر معمولی اضافہ ہوا۔

فرح خان کی راولپنڈی رنگ روڈ میں بھی ایک ارب روپے کی ڈیل

فرح خان نے راولپنڈی رنگ روڈ سنگم پرکروڑوں روپے کی جائیداد خریدی

جائیدادیں رنگ روڈ اعلان سے ایک ہفتے قبل خریدی گئیں تھیں pic.twitter.com/r1iyyRaDO9

— Zahid Gishkori (@ZahidGishkori) April 27, 2022

ان کی یہ دولت اور جائیدادیں اعلانیہ ذرائع آمدن سے مطابقت نہیں رکھتے فرح اور اس کے شوہر نےکالے دھن کو سفید کرنے کی اسکیم سے استفادہ کیا۔

بتایا گیا کہ عمران خان کی حکومت کے دوران سابق خاتون اول کی دوست فرح خان کی دولت 23 کروڑ سے بڑھ کر 97 کروڑ روپے ہوگئی، اس کے علاوہ پورے خاندان کی دولت بھی بڑھتی رہی، ان کے خاندان کے تمام افراد کی دولت ان کے ذرائع آمدنی سے بہت زیادہ ہے۔

فرح خان کی بہن مسرت خان نے 5؍ مرلہ پر مشتمل 15؍ رہائشی پلاٹس لاہور میں اور دوکنال کے تین رہائشی پلاٹس ڈی ایچ اے کے مختلف فیز میںحاصل کئے۔
بیرون ممالک کاروباری اثاثے نہ ہونے کے باوجود مسرت خان نے 8؍ کروڑ 40؍ لاکھ ر وپے زرمبادلہ حاصل کیا۔

کراچی :جامعہ کراچی میں خود کش دھماکا کرنے والی خاتون خود کش بمبار سے متعلق سنسنی خیز انکشافات سامنے آگئے۔جامعہ کراچی میں دھماکا کرنے والی خاتون خودکش بمبار کینٹ اسٹیشن کے قریب فلیٹس میں رہائش پزیر تھی اور خاتون خودکش بمبار کا شوہر جناح اسپتال کے قریب ہوٹل میں رہائش پزیر تھا جب کہ خاتون بھی اس ہوٹل میں فیملی کے ہمراہ رہتی رہی ہیں۔

ذرائع کے مطابق دھماکا کرنے سے قبل خاتون اور اس کے شوہر نے شادی کی سالگرہ بھی منائی جب کہ خاتون کا شوہر بلوچستان حکومت میں ڈاکٹر ہے اور جناح اسپتال میں ایک ٹریننگ پروگرام میں شریک تھا۔

تحقیقاتی ذرائع کا کہنا ہے کہ خاتون حملہ آور کا شوہر بھی حملے میں ملوث ہے اور وہ اس حملے کا ماسٹر مائنڈ بھی ہوسکتا ہے جب کہ خاتون حملہ آور کے شوہر نے سوشل میڈیا پر خودکش دھماکے کے بعد اپنی اہلیہ کی تعریف بھی کی تھی۔

ذرائع نے بتایا کہ خاتون خود کش حملہ آور کے جامعہ کراچی میں خود کو اڑانے سے پہلے ہی اس کا شوہر بچوں سمیت غائب ہوگیا اور اب یہ اطلاعات سامنے آرہی ہیں کہ وہ پاکستان سے فرار ہونے میں کامیاب ہوگیا ہے۔

ذرائع کا کہنا ہے کہ خاتون دھماکا خیز مواد بیگ پیک میں لے کر سلور جوبلی گیٹ سے داخل ہوئی جہاں اسے ایک اور عورت ملی جو اس کی ’لاسٹ منٹ ہینڈلر‘ تھی اور اس نے دھماکے سے کچھ دیر پہلے ہی خودکش بمبار خاتون کو بریفنگ دی اور وہاں سے چلی گئی۔

دوسری جانب کراچی پولیس نے دعویٰ کیا ہے کہ خاتون خودکش بمبار شاری بلوچ کا شوہر ہی مبینہ سہولتکار ہے اور اس حوالے سے پولیس کو تفتیش کے دوران انتہائی اہم شواہد مل گئے ہیں۔

پولیس ذرائع کا کہنا ہے کہ ڈاکٹر ہیبتان بشیر بلوچ کئی ماہ سے کراچی کے نجی ہوٹل میں مقیم تھا ، شاہراہ فیصل پر نجی ہوٹل سے پولیس کو مکمل تفصیلات مل گئی ہیں جب کہ شاری بلوچ گلستان جوہر میں اپنے دیور کے گھر کئی ماہ سے مقیم تھی ، شاری بلوچ عرف برمش کے 2 بچے بھی ساتھ تھے۔

ایس ایس پی ایسٹ کی جانب سے کل گلستان جوہر گھر پر چھاپہ مارا گیا ، روزانہ رات شاری بلوچ کا شوہر اپنے بھائی کے گھر گلستان جوہر چلا جاتا تھا ، ڈاکٹر ہیبتان بشیر بلوچ نے حملے سے ایک روز قبل ہوٹل چھوڑ دیا جب کہ حملے میں لوکل سہولتکاروں کو بھی استعمال کیا گیا۔

واضح رہے کہ گزشتہ روز کراچی یونیورسٹی میں ہونے والے بم دھماکے میں 3 چینی شہریوں سمیت 4 افراد ہلاک اور دو چینی باشندوں سمیت 4 افراد زخمی ہوئے تھے جب کہ دھماکے کی ذمہ داری کالعدم بلوچ لبریشن آرمی نے قبول کی تھی

اسلام آباد: امریکی ناظم الامور کی نئی حکومت کو مکمل حمایت کی یقین دہانی ,اطلاعات کے مطابق وزیر خزانہ مفتاح اسماعیل سے امریکی ناظم الامور انجیلا ایگلر نے ملاقات کی ہے جس میں امریکی ناظم الامور نے نئی حکومت کو مکمل حمایت کی یقین دہانی کروائی۔

وزیر خزانہ مفتاح اسماعیل سے امریکی ناظم الامور انجیلا ایگلر نے ملاقات کی ہے جس میں نے نئی حکومت کے معاشی ایجنڈے سمیت دیگر امور تبادلہ خیال کیا گیا۔ ملاقات میں سیکرٹری خزانہ اور سینئر افسران نے بھی شرکت کی، امریکی ناظم الامور انجیلا ایگلر نے وزیر خزانہ کو عہدہ سنبھالنے پر مبارکباد دی۔

مفتاح اسماعیل کا کہنا تھا کہ پاک امریکا طویل المدتی، وسیع البنیاد اور کثیرالجہتی تعلقات ہیں۔

ملاقات کے دوران وزیر خزانہ نے نئی حکومت کے معاشی ایجنڈے اور پالیسیوں پر روشنی ڈالی انہوں نے کہا کہ ان پالیسیوں کا مقصد معاشی، مالیاتی استحکام لانا ہے، مختلف شعبوں میں غیرملکی سرمایہ کاری کا فروغ اولین ترجیح ہے۔

انہوں نے کہا کہ حکومت سرمایہ کاروں کیلئے کاروبار دوست ماحول پر توجہ دے رہی ہے۔

امریکی ناظم الامور انجیلا ایگلر نے نئی حکومت کو امریکی حکومت اور اس کے عوام کی مکمل حمایت کی یقین دہانی کروائی، انہوں نے کہا کہ دونوں ممالک کے درمیان اچھے تعلقات ہیں، دوطرفہ اقتصادی تعلقات کو مزید فروغ دینے کیلئے حمایت کرتے ہیں۔

وزیر خزانہ نے امریکی ناظم الامور انجیلا پی ایگلر سے تعاون پر اظہار تشکر کیا۔

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

اسلام آباد: پاکستان پیپلزپارٹی کے چیئرمین و وزیر خارجہ بلاول بھٹو زرداری نے چینی سفارت خانے کا دورہ کیا ، وزیر خارجہ بلاول بھٹو زرداری نے چینی سفارت خانے میں مہمانوں کی کتاب میں اپنے تاثرات بھی قلمبند کئے۔

اس موقع پر بلاول بھٹو نے کراچی میں چینی باشندوں پر دہشت گردی کے حملے میں جانی نقصان پر چینی حکام سے افسوس کا اظہار کیا۔

پاکستان پیپلزپارٹی کے چیئرمین و وزیر خارجہ بلاول بھٹو زرداری کی چینی سفارت خانہ آمد@BBhuttoZardari pic.twitter.com/rzBzZ3BVTm

— PPP (@MediaCellPPP) April 27, 2022

چینی سفارت خانہ آمد کے موقع پر وزیر خارجہ بلاول بھٹو نے جانی نقصان پر چینی حکام سے افسوس کا اظہار کرتے ہوئے کہا کہ پاکستان اور چین کا رشتہ نسل در نسل وفاؤں کا ایک سلسلہ ہے، دہشت گردوں نے پاک چین دوستی کی اساس پر ضرب لگانے کی ایک ناکام کوشش کی، دہشت گردوں کے مذموم ارادے، پاک چین دوستی کو سبوتاژنہیں کرسکتے۔

وزیر خارجہ بلاول بھٹو زرداری اور حنا ربانی کھر نے چینی سفارت خانے میں مہمانوں کی کتاب میں اپنے تاثرات بھی قلمبند کئے۔

شہباز حکومت کی کابینہ میں مزید توسیع ہوگئی۔ پیپلز پارٹی کے چیئرمین بلاول بھٹو زرداری نے وفاقی وزیر کے عہدے کا حلف اٹھالیا۔ بلاول بھٹو وزیر خارجہ کا قلمدان سنبھالیں گے۔

پیپلزپارٹی کے چیئرمین بلاول بھٹو زرداری کی حلف برداری کی تقریب ایوان صدر میں ہوئی جہاں صدر مملکت عارف علوی نے بلاول بھٹو سے حلف لیا۔

تقریب میں وزیراعظم شہباز شریف، سابق صدر آصف زرداری، راجہ پرویز اشرف اور پی پی قیادت سمیت دیگر حکومتی اراکین نے بھی شرکت کی جب کہ اس موقع پر بلاول بھٹو کی بہن آصفہ بھٹو زرداری بھی موجود تھیں۔

تقریب حلف برداری کے بعد صدر مملکت عارف علوی نے بلاول بھٹو سے مصافحہ کیا اور انہیں مبارکباد دی جب کہ وزیراعظم شہباز شریف نے بلاول بھٹو سے گلے مل کر انہیں مبارکباد دی۔

واضح رہےکہ وزیراعظم شہباز شریف کی کابینہ میں حنا ربانی کھر وزیر مملکت برائے خارجہ امور ہیں۔

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

لاہور:سابق وزیر اعظم سے عثمان بزدار اور مونس الہٰی کی ملاقات ،اطلاعات کے مطابق سابق وزیر اعظم عمران خان سے عثمان بزدار اور مونس الہٰی کی ملاقات ہوئی ہے۔ملاقات میں صوبے کی سیاسی، انتظامی اور اتحادی امور پر گفتگو کی گئی۔

ملاقات میں سابق وزیر اعظم عمران خان سے لاہور ہائیکورٹ کے فیصلے کے بعد پیدا شدہ صورتحال پر بھی بات چیت کی گئی۔

دوسری جانب چیئرمین تحریک انصاف عمران خان کی زیر صدارت اجلاس ہوا جس میں وزیر اعلیٰ عثمان بزدار، گورنر پنجاب عمر چیمہ ، محمود الرشید اور دیگر نے شرکت کی۔

اجلاس میں پنجاب کے سیاسی بحران پر مشاورت کی گئی، لاہور ہائی کورٹ کے فیصلے کے خلاف انٹراکورٹ اپیل پر عمران خان کو بریفنگ بھی دی گئی۔اس کے علاوہ اجلاس میں قانونی اور سیاسی آپشنز کا جائزہ بھی لیا گیا۔

اس سے قبل چیئر مین پاکستان تحریک انصاف عمران خان نے ورکرز کنونشن سے خطاب کرتے ہوئے کہا تھا کہ آج آپ کی تیاری کروانے کے لیے آیا ہوں، پاکستان کے لیے فیصلہ کن وقت ہے، مینار پاکستان جلسے کی کامیابی پر سب کومبارکباد دیتا ہوں۔

انہوں نے کہا تھا کہ 27 رمضان کو پاکستان آزاد ہوا، ہم 27 رمضان کو حقیقی آزادی کے لیے دعا کریں گے، مولانا طارق جمیل دعا کرائیں گے، رات 10بجے اپنے ملک کے لیے دعا کریں گے۔

عمران خان نے کہا تھا کہ صرف پی ٹی آئی کارکن نہیں سب پاکستانی ملک کے لیے دعا کریں، گلی ،محلوں ،کوچوں میں پیغام دینا ہے کہ مسلمان اللہ کے سوا کسی کے سامنے نہیں جھکتا۔

چیئرمین پاکستان تحریک انصاف نے کہا تھا کہ کارکنوں نے لوگوں کو بتانا ہے کہ ملک میں سازش کے تحت امپورٹڈ حکومت مسلط کی گئی، امپورٹڈ حکومت کے لوگوں کا پیسہ، جائیداد اور محلات سب باہر ہیں۔

انہوں نے کہا تھا کہ خارجہ پالیسی صرف اپنےعوام کے مفاد کے لیے بنائی اور سازش ہوئی، جب احتجاج کی کال دوں تو کم از کم 20 لاکھ لوگ اسلام آباد پہنچیں، امریکہ کی جنگ میں ہمارے 80 ہزارافراد مارے گئے۔

عمران خان نے کہا تھا کہ یہ اپنی چوری بچانے کیلئے پورے ملک کوغلام بنا دیں گے، ملک پرسازش کے تحت امپورٹڈ حکومت مسلط کی گئی، امپورٹڈ حکومت سے امریکہ ہمیں فتح کیے بغیرکنٹرول کرے گا۔

چیئرمین پاکستان تحریک انصاف نے کہا تھا کہ امریکہ بوٹ پالش اورچیری بلاسم کے ذریعے ہمیں کنٹرول کرے گا۔

فارن فنڈنگ کیس،باہر سے پیسہ آیا ہے لیکن وہ ممنوعہ ذرائع سے نہیں آیا،پی ٹی آئی وکیل

فارن فنڈنگ کیس کا فیصلہ 30 روزمیں کرنے کا حکم اسلام آباد ہائیکورٹ میں چیلنج

فارن فنڈنگ کیس، فیصلہ 30 روز میں کرنے کے فیصلے کیخلاف اپیل سماعت کیلئے مقرر

راولپنڈی: ”میرے پاس بڑی خبر ہے:بڑی عید کے قریب الیکشن ہو جائیں گے“اطلاعات کے مطابق سابق وزیر داخلہ شیخ رشید کا کہنا ہے کہ میرے پاس خبر ہے،31 مئی سے پہلے پہلے الیکشن کی اچھی خبریں ملیں گی، بڑی عید کے قریب قریب الیکشن ہو جائیں گے۔

ذرائع کے پروگرام ”آف دی ریکارڈ“ میں گفتگو کرتے ہوئے شیخ ریشد نے کہا کہ یہ ہمیں کہتے تھے، ہم انہیں کہتے ہیں کہ آپ سلیکٹڈ بھی ہو اور امپورٹڈ بھی ہو، یہ ہمیں کہتے تھے الیکشن کرائیں، ہم کہتے تھے الیکشن وقت پر ہوں گے، آج ہم انہیں کہتے ہیں کہ الیکشن کرائیں یہ کہتے ہیں وقت پر کرائیں گے۔

شیخ رشید نے کہا کہ میرے پاس خبر ہے جس بنیاد پر کہہ رہا ہوں کہ الیکشن ہو جائیں گے، 15 سے 20 دن میں الیکشن کا راستہ نکلے گا چاہے یہ جتنی کابینہ بنالیں، الیکشن ملکی مفاد میں ہیں، اگر ہم نہیں تو یہ بھی نہیں ہیں، کچھ لوگ راستے میں رکاوٹ ہیں جنہیں سمجھانے میں تھوڑا وقت لگ جائے گا، عمران خان کو یہ ہی کہا کہ حکومت سے اس لیے نہیں اتارا گیا کہ دوبارہ لایا جائے۔

سابق وزیر داخلہ نے کہا کہ عمران خان نے جس دن اسلام آباد کی کال دی اندازہ لگالیں کیا ہوسکتا ہے، آج بھی دوستوں سے کہا ہے کہ کال سے پہلے معاملہ سیٹ کرلیں، موجودہ امپورٹڈ حکمران بھاگ جائیں گے ملک میں نہیں رکیں گے، آدھی سے زیادہ کابینہ ضمانت پر ہے۔

انہوں نے کہا کہ بڑی بات کہہ رہا ہوں کہ اگر ہم نہیں رہے تو یہ بھی نہیں رہیں گے، لندن سے بیٹھ کر 14 مرتبہ گالیاں دی گئیں، گالیاں دینے والے آ سکتے ہیں تو عمران خان بھی آسکتا ہے، عمران خان کی کال سے پہلے معاملات حل کرنے میں فائدہ ہے، عمران خان نے کال دے دی تو پھر دما دم مست قلندر ہوگا۔