Tag: پاکستان

لاہور:عمران خان کی سوتیلےرشتے دارکے ساتھ ویڈیو آچکی ہے بس وہ منظر عام پرآنے والی ہے:اطلاعات کے مطابق معروف صحافی حامد میر نے انکشاف کیا ہے کہ آئندہ چند دنوں تک عمران خان کی سوتیلےرشتے دارکے ساتھ ویڈیو آچکی ہے بس وہ منظر عام پرآنے والی ہے

کھرا سچ ود مبشر لقمان میں گفتگو کرتے ہوئے حامد میر کا کہنا تھا کہ عمران خان نے جس طرح اپنے دورحکومت میں اپنے مخالفین کو کرپشن کیسز میں جیلوں میں بند رکھا اسی طرح ہی اب عمران خان کی باری بھی آسکتی ہے،ان کا کہنا تھا کہ کرپشن کیسز کو بنیاد بناکراپنے مخالفین سے انتقام لیا اب عمران خان کی باری ہے

عمران خان کی سوتیلے رشتے دار کے ساتھ ویڈیو آچکی ہے بس وہ منظر عام پر آنے والی ہے۔۔ فواد چوہدری نے ایسے ہی بیان نہیں دیا۔ اس ویڈیو میں کیا ہے؟ حامد میر نے تفصیل بتادی۔https://t.co/MjrkgAlTJs

— UNewsTv.Com (@UNewsTv) May 2, 2022

حامد میر نے سنیئر صحافی مبشرلقمان سے بات کرتے ہوئے کہا کہ آپ بھی اس شخص کو جانتے ہوں گے جوعمران خان کا قریبی رشتہ دار ہے اور جس نے اس دوران مالی فائدہ حاصل کرنے کی کوشش کی

ان کا یہ بھی کہنا تھا کہ ممکن ہے کہ اس آنے والی ویڈیو میں عمران خان کا وہ رشتہ دار کسی سے لے دے کررہا ہوں اور یہ بھی ممکن ہےکہ وہ پیسے وصول کررہا ہو ، جس آنے والے دنوں میں عمران خان کے لیے سیاسی طور پر نقصان دہ ثابت ہوئے

حامد میر نے بتایا کہ یہی وجہ ہے کہ پی ٹی آئی قیادت نے ابھی سے یہ کہنا شروع کردیا ہے کہ عمران خان کے خلاف ایک سازش رچائی جارہی ہے ، ان کا یہ بھی کہنا تھا کہ فواد چودھری بھی اس حوالے سے خبردار کرچکے ہیں کہ کچھ بھی ہوسکتا ہے

اسلام آباد:حکومت نے گورنر اسٹیٹ بینک رضا باقر کو مزید توسیع نہ دینے کا فیصلہ کیا ہے۔اس حوالے سے ذرائع کی جانب سے بتایا گیا کہ ڈاکٹر رضا باقر کو اسٹیٹ بینک کے گورنر کی حیثیت سے مدت ملازمت میں مزید توسیع نہیں دی جائے گی اور وہ آج عہدہ چھوڑ دیں گے۔

سماجی رابطے کی ویب سائٹ ٹوئٹر پر پیغام جاری کرتے ہوئے مفتاح اسماعیل نے لکھا کہ بدھ سے گورنر اسٹیٹ بینک ڈاکٹر رضا باقر کی تین سالہ معیاد ختم ہو رہی ہے ، ان کی پاکستان کے لیے خدمات کا شکریہ ادا کرنا چاہتے ہیں، میں نے ان سے بات کی ہے اور انہیں حکومت کے فیصلے کے بارے میں بتایا ہے۔

Tomorrow Governor SBP Dr Reza Baquir’s 3-year expires. I have spoken to him and told him of the government’s decision. I want to thank Reza for his service to Pakistan. He is an exceptionally qualified man & we worked well during our brief time together. I wish him the very best.

— Miftah Ismail (@MiftahIsmail) May 3, 2022

وزیر خزانہ نے رضا باقر کے بارے لکھا کہ وہ ایک غیر معمولی قابل آدمی ہے اور ہم نے اپنے مختصر وقت میں ساتھ کام کیا، ان کے لیے نیک خواہشات کا اظہار کرتے ہیں۔

خیال رہے کہ مئی 2019ء میں عالمی مالیاتی ادارے (آئی ایم ایف) کے سابق عہدیدار رضا باقر نے بطور گورنر اسٹیٹ بینک ذمہ داریاں سنبھالی تھیں۔

صدر پاکستان ڈاکٹر عارف علوی نے گزشتہ روز رضا باقر کو تین سال کی مدت کے لیے گورنر اسٹیٹ بینک تعینات کرنے کی منظوری دی تھی۔

اس سے قبل ہارورڈ اور بیکرلے یونیورسٹیوں سے تعلیم یافتہ ڈاکٹر رضا باقر 2000ء سے آئی ایم ایف کے ساتھ منسلک تھے اور ابھی بطور سینیئر ریزیڈنٹ ریپریسینٹیٹو مصر میں خدمات انجام دے رہے تھے۔

اس کے علاوہ ڈاکٹر رضا باقر آئی ایم ایف مشن رومانیہ اور عالمی مالیاتی ادارے کے ڈیپٹ پالیسی ڈویژن کے سربراہ کے طور پر بھی فرائض انجام دے چکے ہیں۔

لاہور: وزیر اعلیٰ پنجاب حمزہ شہباز نے عید پر بھی مصروف دن گزارا، لاہور میں بے سہارا بچوں کی کفالت کے ادارے دارالشفقت اور چلڈرن ہسپتال کا دورہ کیا اور عید بچوں کے ساتھ منائی۔

وزیر اعلیٰ پنجاب حمزہ شہباز جاتی امرا میں نماز عید کی ادائیگی کے بعد دارالشفقت پہنچے اور بے سہارا بچوں کے ساتھ عید کی خوشیاں بانٹیں، بچوں میں تحائف بھی تقسیم کئے۔ انہوں نے ادارے میں فراہم کی جانیوالی سہولتوں کا بھی جائزہ لیا اور اس میں بہتری کی ہدایت کی۔ وزیر اعلیٰ پنجاب نے چلڈرن ہسپتال کے دورے پرمریض بچوں سے ملاقات کی اور انہیں عید کی مبارکباد دی۔

میڈیا سے گفتگو کرتے ہوئے حمزہ شہباز نے کہا کہ ریاست مدنیہ کے دعوے داروں نے ملک کو تباہ کیا۔ وزیر اعلیٰ پنجاب نے کہا کہ صوبے بھر میں ہیلتھ کیئر کی معیاری سہولتوں کی فراہمی یقینی بنائیں گے۔

وزیراعظم شہباز شریف نے کہا ہے کہ پاکستان اس وقت معاشی بحران کا شکار ہے مگر جلد ہی قابو پا لیں گے، مسلسل محنت اور ثابت قدمی سے ہی مشکلات ختم ہوں گی۔

وزیراعظم شہبازشریف نے جاتی امرا میں کارکنوں سے خطاب کرتے ہوئے کہا کہ مسائل کے حل کیلئے کوئی کسر نہیں اٹھا رکھیں گے، جلد قوم سے خطاب میں حقائق سامنے رکھوں گا۔ کارکنان نےکوئی دن ایسانہیں چھوڑاجب ہماراساتھ چھوڑا ہو، پارٹی قیادت اور پوری جماعت کارکنان کی محبت کوبھول نہیں پائیں گے، ہمارے ساتھیوں کےخلاف ایک دھیلے کی کرپش ثابت نہیں ہوئی۔ نوازشریف نے ملک کوجہاں چھوڑا، وہیں سےترقی کےسفرکاآغازکریں گے۔

لاہور:پی ٹی آئی کی طرف سے ویڈیو کا الزام۔ مریم نواز نے جواب دے دیا،اطلاعات کے مطابق ن لیگ کی نائب صدر مریم نواز نے کہا ہے کہ پی ٹی آئی کی طرف سے جوحقائق پیش کیے جارہے ہیں وہ ان کے بارے میں نہیں جانتیں

سماجی رابطے کی ویب سائٹ ٹویٹر پر ن لیگ کی نائب صدر مریم نواز نے کہا ہے کہ مجھے علم نہیں یہ ڈرامہ آپ کیوں کر رہے ہیں مگر باوجود اسکے کہ عمران خان نے مجھے دو بار جیل میں ڈالا،سزائے موت کی چکی میں رکھا،میں نا کردار کُشی پر یقین رکھتی ہوں نا ذاتی انتقام پر۔انسان کی ذاتی ونجی زندگی اسکا اور اللّہ ربّ العزت کا معاملہ ہے۔برائے مہربانی مجھے اس گند سے دور رکھیے

مجھے علم نہیں یہ ڈرامہ آپ کیوں کر رہے ہیں مگر باوجود اسکے کہ عمران خان نے مجھے دو بار جیل میں ڈالا،سزائے موت کی چکی میں رکھا،میں نا کردار کُشی پر یقین رکھتی ہوں نا ذاتی انتقام پر۔انسان کی ذاتی ونجی زندگی اسکا اور اللّہ ربّ العزت کا معاملہ ہے۔برائے مہربانی مجھے اس گند سے دور رکھیے https://t.co/MzJhLrt4NO

— Maryam Nawaz Sharif (@MaryamNSharif) May 3, 2022

دوسری طرف اس پری پلاننگ کا انکشاف کرتے ہوئے پاکستان تحریک انصاف کی رہنما شیریں مزاری نے کہا ہے کہ ن لیگ عمران خان کے خلاف جعلی ویڈیو اسکینڈل لانا چاہتی ہے۔

So PMLN upto it's old dirty tricks again this time using foreign tech cos to create fake scandalous videos against IK protected by Dark Shadows Invisible cloak.This is integral part of their policy. Remember photoshopped pics of BB air-dropped as pamphlets? Now at it again.

— Shireen Mazari (@ShireenMazari1) May 3, 2022

تفصیلات کے مطابق شیریں مزاری نے سماجی رابطے کی ویب سائٹ ٹوئٹر پر اپنے جاری کردہ ایک بیان میں کہا کہ ن لیگ جعلی ویڈیوز کیلئے اب غیر ملکی فرمز کو استعمال کر رہی ہے، ن لیگ عمران خان کے خلاف جعلی ویڈیو اسکینڈل لانا چاہتی ہے۔

انہوں نے کہا کہ یہ ن لیگ کی پالیسی کا لازمی حصہ ہے، یاد رکھیں بی بی کی فوٹو شاپ تصاویر کے پمفلٹ گرائے گئے تھے، ن لیگ پھر سے یہ گندی چال عمران خان کے خلاف دہرانا چاہتی ہے۔

So PMLN upto it's old dirty tricks again this time using foreign tech cos to create fake scandalous videos against IK protected by Dark Shadows Invisible cloak.This is integral part of their policy. Remember photoshopped pics of BB air-dropped as pamphlets? Now at it again.

— Shireen Mazari (@ShireenMazari1) May 3, 2022

ان کا کہنا تھا کہ ن لیگ پھر سے اپنی پرانی گندی چالوں پر اتر آئی ہے، کرائم منسٹر کو احساس ہونا چاہیے کہ کچھ بھی کرلیں لوگ ان کے خلاف ہیں، لوگ امپورٹڈ حکومت کے خلاف کھڑے ہوچکے ہیں۔

پی ٹی آئی کی رہنما شیریں مزاری نے مزید کہا کہ کرائم منسٹر امریکا کی حکومت تبدیلی کی سازش کا تحفہ ہیں۔

لاہور:وزیراعظم کے زیرصدارت اجلاس کا انعقاد کیا گیا جس میں ریٹائرڈ اور حاضر سروس افسران نے شرکت کی، شہباز شریف نے کہا کہ احتساب کی آڑ میں ہراساں کرنے سے بیوروکریسی کی کارکردگی متاثر ہوئی۔

ملاقات میں شریک افسران نے وزیرِاعظم کو گورننس، انتظامی امور اور پالیسیوں کے نفاذ کے حوالے سے اپنے تجربات سے آگاہ کیا۔

اجلاس میں چیف سیکرٹری پنجاب، مختلف محکموں کے سیکریٹریز، سابقہ چیف سیکرٹریز اور مختلف محکموں کے سربراہوں نے مستقبل کے منصوبوں، موثر بیوروکریسی کے کردار اور عوام کو مختلف شعبوں میں ریلیف کے حوالے سے تجاویز بھی دیں۔

اس موقع پر گفتگو کرتے ہوئے وزیراعظم شہباز شریف نے کہا کہ دل کی گہرائیوں سے آپ کو عید کی مبارکباد پیش کرتا ہوں، پاکستان کی خوشی قسمتی ہے کہ یہاں آپ جیسے قابل افسران موجود ہیں، بلاشبہ آپ ملک کا قیمتی اثاثہ ہیں اور ملکی ترقی و خوشحالی میں سیاسی حکومت کی رہنمائی کرتے ہیں۔

انہوں نے مزید کہا کہ قابلِ افسران سیاسی حکومت کی ملکی ترقی و خوشحالی میں رہنمائی اور معاونت کرتے ہیں، جو میگا پراجیکٹس پایہ تکمیل کو پہنچے چاہے وہ میٹرو ہو یا اورنج لائن افسران و دیگر حکومتی اہلکاروں کی شبانہ روز محنت کا نتیجہ ہیں، کپتان اپنی ٹیم کے بغیر کچھ نہیں کر سکتا، احتساب اور شفافیت کی آڑ میں افسران کی کو بلاوجہ ہراساں کرکے ان کی کارکردگی کو متاثر کرنے کی کوشش کی گئی، قومی خدمت ہمارا نصب العین ہے۔

ان کا کہنا تھا کہ اس امر میں کسی بھی قسم کی کوتاہی یا غفلت قبول نہیں، اللہ نے مجھے ایک بار پھر قوم کی خدمت کا موقع دیا ہے، میرا یہ عزم ہے کہ قابل افسران کے ساتھ یہ سفر شروع کروں، احتساب اور شفافیت لانے کیلئے قوانین کے حوالے سے تمام اسٹیک ہولڈرز سے مشاورت کی جائے گی، سول سرونٹس حکومتی ٹیم کا حصہ ہوتے ہے ان کے خدشات کا تدارک بھی ضروری ہے۔

اسلام آباد:مجھے کچھ کہنے کی ضرورت نہیں عزت دینے والا اللّٰہ ہے:اطلاعات کے مطابق عمران خان کی زیر صدارت پارٹی رہنماؤں کا اجلاس ہوا جس میں اسلام آباد مارچ پر مشاورت کی گئی۔

پی ٹی آئی میڈیا سیل کے مطابق چیئر مین پاکستان تحریک انصاف عمران خان کی زیر صدارت بنی گالہ میں پارٹی رہنماؤں کا اجلاس ہوا جس میں اسلام آباد مارچ پر مشاورت کی گئی۔

اس سے قبل سابق وزیراعظم عمران خان نے پاکستانی قوم کو عیدالفطر کی مبارکباد دیتے ہوئے کہا تھا کہ قوم کو ماہِ رمضان کی تکمیل اور عید کی مبارکباد پیش کرتا ہوں، دعاگو ہوں کہ اللّٰہ رب العزت آپ کے قیام و صیام کو شرفِ قبولیت عطا فرمائیں۔

عیدالفطر پر اپنے جاری کردہ بیان میں عمران خان نے کہا تھا کہ 1947 میں رمضان کی 27ویں بابرکت شب میں قوم کو آزادی ملی، مجھے سامراج کی سازشوں کو عملاً دیکھنے کا موقع ملا اور 7 مارچ کو امریکا میں متعین پاکستانی سفیر نے دفتر خارجہ کو خفیہ مراسلہ بھیجا۔

انہوں نے کہا تھا کہ بطور وزیراعظم اس خفیہ مراسلے کے مندرجات دیکھ کر مجھے شدید حیرت ہوئی، امریکی حکام نے سفارتی آداب بھلا کر پاکستان کی اندرونی سیاست میں مداخلت کی۔

سابق وزیراعظم کا کہنا تھا کہ امریکیوں نے تحریک عدمِ اعتماد کے ذریعے وزیراعظم کو ہٹانے کا حکم دیا، وزیراعظم کو نہ ہٹائے جانے کی صورت میں سنگین نتائج کی دھمکیاں دیں۔

چیئرمین پی ٹی آئی نے کہا تھا کہ ڈپٹی اسپیکر کی واضح رولنگ کے باوجود نہایت تیزی سے حکومت کا تختہ الٹا گیا، منتخب جمہوری وزیراعظم کو ہٹا کر مجرموں کو اقتدار سونپ دیا گیا۔

عمران خان نے مزید کہا تھا کہ پاکستان کا وقار آزادی و خود مختاری ہی سے وابستہ ہے، وقت آن پہنچا ہے کہ آپ آگے بڑھیں اور پاکستان کی حقیقی آزادی کیلئے ہمارا ساتھ دیں۔