Tag: پاکستان

اسلام آباد :پی آئی اے کی آسٹریلیا کی پہلی پرواز ہی تاخیر کا شکارہوگئی ،اطلاعات کے مطابق پی آئی اے کی پہلی ڈاریکٹ پرواز آسٹریلوی سول ایوایشن کی اجازت سے 22 اپریل کو لاہور سے سڈنی روانہ ہونی تھی جو کہ وقت پر نہ ہوسکی

یہ بھی معلوم ہوا ہے کہ تاہم آخری وقت میں آسٹریلوی وزارت داخلہ کی جانب سے لاہور اور کراچی ائیرپورٹ کی سیکیورٹی صورتحال کا ازسرنو جائزہ لینے کا فیصلہ کیا گیا ہے اور یہ بھی کہا جارہا ہے کہ وزارت داخلہ اس صورت حال پرحرکت میں آگئی ہے

یہ بھی معلوم ہوا ہے کہ آسٹریلیا وزارت داخلہ کی جانب سے پی آئی اے کو پرواز موخر کرنے کی ہدایات جاری کردی گئی ہیں ، ادھر ترجمان پی آئی اے کا کہنا ہے کہ پی آئی اے جائزہ مکمل ہونے تک اپنی پہلی دو پروازیں موخر کررہا ہے

ترجمان کی طرف سے یہ بھی کہا جارہا ہے کہ فیصلہ پاکستانی سیکیورٹی صورتحال اور ائیرپورٹس کے نظام کا ازسرنو جائزہ لینے کے تناظر میں کیا گیا ہے

ترجمان پی آئی اے نے یہ بھی کہا ہے کہ پی آئی اے انتظامیہ اور پاکستانی سفارت خانہ آسٹریلوی حکام سے مکمل رابطہ میں ہے اور مکمل تعاون فراہم کررہا ہے،پہلی دو پروازوں کے مسافروں کو کال سینٹر کے ذریعے سے مطلع کیا جارہا ہے

اسلام آباد: وزارت عظمیٰ کا منصب سنبھالنے کے بعد شہباز شریف وزیرستان کے پہلے دورے کے لیے روانہ ہو گئے۔

باغی ٹی وی : ذرائع کے مطابق وزیراعظم شہباز شریف شمالی وزیرستان میں قبائلی عمائدین سے ملاقات کریں گے اور اس دوران وزیراعظم شہباز شریف کو وزیرستان میں امن و امان کی صورتحال پر بریفنگ دی جائےگی۔

وزیراعظم کا عمران خان فول پروف سیکیورٹی فراہم کرنے کا حکم،وزیر داخلہ نے متعلقہ…

ذرائع کا بتانا ہے کہ وزیراعظم وزیرستان میں آپریشن کے بعد پیدا ہونے والی صورت حال کا جائزہ بھی لیں گے اور دورے کے دوران عوام کے مسائل پر بھی بات ہو گی۔

دوسری جانب وزیر اعظم سے بی این پی کے سر براہ اختر مینگل کی ملاقات ہوئی وزیراعظم شہباز شریف نے بلوچستان نیشنل پارٹی مینگل کے سربراہ اختر مینگل کے تحفظات جلد دور کرنے کی یقین دہانی کرائی-

پشاور :پولیس چیک پوسٹوں پر حملے،2 پولیس اہلکاروں سمیت 4 افراد جانبحق،1 دہشتگرد ہلاک

دونوں رہنماوں نے ملکی مفاد میں حکومتی اتحاد کو مضبوط بنانے کے عزم کا اعادہ کیا۔ ذرائع کے مطابق بی این پی نے آج کی ملاقات کے بعد بھی کابینہ میں شمولیت کے حوالے سے حتمی فیصلہ نہیں کیا۔

وزیر اعظم شہباز شریف نے کہا کہ بلوچستان قدرتی وسائل سے مالامال ہےبلوچ افرادی قوت ملک کا قیمتی اثاثہ ہے، بلوچ نوجوانوں کی قومی دھارے میں شمولیت یقینی بنائیں گے-

علاوہ ازیں فضل الرحمان سے ملاقات میں ملکی سیاسی صورتحال پر تفصیلی تبادلہ خیال اور قومی امور سے متعلق بھی مشاورت کی گئی-

پاکستان کا واحد ہسپتال تعمیراتی مراحل میں لینٹر تک

پاکستان نے بی بی سی اردو کی جانب سے من گھڑت اور جھوٹی سٹوری شائع کرنے پر برطانوی نشریاتی ادارے (بی بی سی) کے ہیڈ کوارٹرز سے جواب طلب کر لیا۔

باغی ٹی وی : پاکستان کی تحریری شکایت ڈائریکٹر جنرل بی بی سی کو موصول ہو گئی ہے جس کی تصدیق کر دی گئی ہے بی بی سی نے پاکستان کی شکایت پر معاملے کا جائزہ لینا شروع کر دیا ہے۔

برطانوی نشریاتی ادارے کی شائع ہونے والی خبر بے بنیاد اور جھوٹ کا پلندہ ہے، آئی اس…

خیال رہے کہ رواں سال 10اپریل کو بی بی سی اُردو نے ایک انتہائی لغو اور بے بُنیاد سٹوری شائع کی تھی،اس سٹوری کہانی میں تمام باتیں حقائق اور صحافتی اُصولوں کے منافی تھیں آئی ایس پی آر سمیت تمام شراکت دار اس سٹوری کو مسترد کر چکے ہیں-

آئی ایس پی آر کا کہنا تھا کہ برطانوی نشریاتی ادارے بی بی سی اردو کی آج شائع ہونے والی خبر سراسر بے بنیاد اور جھوٹ کا پلندہ ہے۔ عام پروپیگنڈہ کہانی میں کوئی معتبر، مستند اور متعلقہ ذریعہ نہیں ہے اور یہ بنیادی صحافتی اخلاقیات کی خلاف ورزی ہے بی بی سی کی 9، 10 اپریل کی درمیانی شب کے واقعات پر گمراہ کن جعلی کہانی میں کوئی حقیقت نہیں ہے اور جو بھی واضح طور پر ایک منظم ڈس انفارمیشن مہم کا حصہ لگتا ہے۔

ہفتہ کی شب وزیراعظم ہاؤس میں آخر ہوا کیا؟ بی بی سی کا بڑا دعویٰ

آئی ایس پی آر کا کہنا تھا کہ یہ معاملہ بی بی سی حکام کے ساتھ اٹھایا جا رہا ہے۔

خیال رہے کہ یہ پہلی بار نہیں ہے کہ بی بی سی نے جھوٹی اور بے بنیاد سٹوری بنائی ہے اس سے قبل بی بی سی اُردو ماضی میں بھی ایسی ہی بے بُنیاد اور جھوٹی سٹوریاں شائع کرتا رہا ہے۔

عمران خان کو ملنے والے تحائف کی تفصیل عام کرنے کا حکم

آئی ایم ایف سے پاکستان کے مذاکرات آج سے شروع ہوں گے۔

باغی ٹی وی : تفصیلات کے مطابق آئی ایم ایف سے مذاکرات کے لیے گورنر اسٹیٹ بینک رضا باقر واشنگٹن پہنچ گئے جہاں وہ عالمی بینک کی اسٹیئرنگ کمیٹی کے اجلاس میں شرکت کریں گے جب کہ آج عہدے کا حلف اٹھانے والے وفاقی وزیر خزانہ مفتاح اسماعیل میٹنگ میں آن لائن شریک ہوں گے۔

عمران خان کی آئین شکنی ، آئی ایم ایف نے قرض پروگرام معطل کر دیا

آئی ایم ایف سے پاکستان کے مذاکرات آئندہ بجٹ پر ہوں گے جس میں آئی ایم ایف کو 7 ہزار ارب ٹیکس وصولی سے آگاہ کیا جائے گا اور اخراجات سے متعلق معاملات پر بات ہوگی۔

آئی ایم ایف سے پاکستان کے مذاکرات ساتویں قسط کے لیے ہو رہے ہیں جس میں پاکستان کی جانب سے پیٹرول اور بجلی کی قیمتیں بڑھانےکی شرط پر رعایت مانگی جائےگی۔

آئی ایم ایف کے ساتھ مذاکرات 24 اپریل تک جاری رہیں گے اور اجلاس کی کامیابی پر پاکستان آئی ایم ایف سےایک ارب ڈالرحاصل کرسکےگا۔

منحرف ہونا اتنا بڑا جرم ہےتو وزیراعظم کے خلاف ووٹ دینے پر پابندی کیوں نہیں لگائی گئی؟،سپریم کورٹ

قبل ازیں نئی حکومت بننے پر عالمی مالیاتی فنڈ (آئی ایم ایف) کا بیان سامنے آیا تھا جس میں ادارے کا کہنا تھا کہ مجوزہ نئی پاکستانی حکومت کے ساتھ دوبارہ بات چیت کے لیے پرعزم ہیں نئی حکومت بننےکے بعد قرض پروگرام میں شمولیت پر بات ہوگی، نئی حکومت سے معاشی پالیسیوں پر بات چیت کی جائے گی۔

آئی ایم ایف کا کہنا تھا کہ اس کا پاکستان کے لیے اپنا قرض پروگرام معطل کرنےکا کوئی ارادہ نہیں، مجوزہ نئی حکومت کےساتھ دوبارہ بات چیت کے لیے پرعزم ہیں۔

وزیر اعظم شہباز شریف نے وفاقی کابینہ کا اجلاس کل طلب کرلیا

جمعیت علمائے اسلام ف نے اپنی جماعت کے وزرا کے محکموں کا بتا دیا-

باغی ٹی وی : جمعیت علمائے اسلام ف کے فیس بک آفیشل پیج کے مطابق سینیٹر طلحہ محمود کو وفاقی وزیر سیفران کا عہدہ ملا اور مفتی عبدالشکور کو وفاقی وزیر مذہبی اموراور اسعد محمد کو وفاقی وزیر مواصلات کا عہدہ ملا جبکہ جے یو آئی ف کے مولانا عبدالواسیع کو وزیرہاؤسنگ کا عہدہ ملنے پر مبارکباد دی گئی-

پیپلز پارٹی کو کون کونسی وزارتیں ملیں ؟ نام آ گئے

دریں اثنا پاکستان پیپلز پارٹی کو ملنے والی وزارتوں کے نام سامنے آئے تھے جن میں چئیرمین پیپلز پارٹی بلاول بھٹوزرداری بطور وزیرخارجہ حلف اٹھائیں گے بلاول بھٹو برطانیہ جارہے ہیں واپسی پر وہ بطور وزیرخارجہ حلف اٹھائیں گے-

سید خورشید وفاقی وزیر آبی وسائل ہوں گے سید نوید قمروزیر تجارت منتخب ہوئے ہیں جبکہ شیری رحمان موسمیاتی تبدیلی کی وزیرہوں گی عبدالقادروزیر قومی صحت جبکہ شازیہ مری بینظیر انکم سپورٹ ( بی آئی ایس پی) اور مرتضیٰ محمود وزیر انڈسٹریز منتخب ہو ئے ہیں قمر زمان کائرہ مشیر کشمیر آفیئرز اور حنا ربانی کھر وزیر مملکت برائے خارجہ امور کا عہدہ سنبھالا-

ساجد طوری اوورسیز ،احسان مزاری آئی پی سی اور عابد بھایو نجکاری کے وزیر ہوں گے جبکہ سینیٹر مصطفی نواز کھوکھر وزیرمملکت برائے قانون وانصاف کا عہدہ سنبھالا-

وزیراعظم شہباز شریف کی 34 رکنی وفاقی کابینہ نے حلف اٹھا لیا

واضح رہے کہ وزیراعظم شہباز شریف کی کابینہ نے حلف اٹھالیا ہے وفاقی کابینہ کی تقریب حلف برداری ایوان صدر میں ہوئی تھی جہاں چیئرمین سینیٹ و قائم مقام صدر صادق سنجرانی نے پہلے وفاقی وزرا سے حلف لیا جس کے بعد انہوں نے وزرائے مملکت سے حلف لیا وزیراعظم شہبا ز شریف بھی تقریب میں موجود تھے-

کابینہ میں 31 وفاقی وزرا اور 3 وزرائے مملکت ہیں جب کہ تین مشیر بھی کابینہ کا حصہ ہیں وفاقی کابینہ میں (ن) لیگ کے 14 اور پیپلزپارٹی کے 9 ارکان شامل ہیں۔

وفاقی وزرا میں مسلم لیگ ن سے خواجہ محمد آصف احسن اقبال رانا ثناء اللہ سردار ایازصادق رانا تنویرحسین خرم دستگیر مریم اورنگزیب خواجہ سعد رفیق میاں جاوید لطیف ریاض حسین پیرزادہ مرتضی جاوید عباسی اعظم نزیر تارڑ نے حلف لیا-

ترین گروپ کے عون چوہدری کو وزیراعظم ہاؤس میں اہم ذمہ داریاں سونپ دی گئیں

پیپلز پارٹی سے سید خورشید شاہ نوید قمر شیری رحمان عبدالقادر پٹیل شازیہ مری سید مرتضی محمود ساجد توری احسان الرحمان عابد حسین بھائیو نے جبکہ جے یو آئی سے اسد محمود عبدالواسیع عبدلشکور محمد طلحہ محمود جبکہ ایم کیو ایم سے سید امین الحق اور فیصل سبزواری ،اسرار ترین شاہزین بگٹی اور طارق بشیر چیمہ نے بھی عہدوں حلف اٹھایا-

وزرائے مملکت میں عائشہ غوث پاشا ،حنا ربانی کھر، عبدالرحمن خان کانجو اور مصطفے نواز کھوکھر حلف لیا اور قمر زمان کائرہ ، انجینئیر امیر مقام اور مفتاح اسماعیل نے مشیر کا عہدہ سنبھالا-

علاوہ ازیں ترین گروپ کے عون چوہدری وزیر اعظم کے مشیر کی حیثیت سے اپنی ذمہ داریاں سرانجام دیں گے، جس کی سمری کابینہ ڈویژن نے تیار کرلی ہے کابینہ ڈویژن کی جانب سے جاری سمری کے مطابق وزیراعظم آئین کے آرٹیکل 93 (1) کے تحت 5 مشیر تعینات کرنے کے مجاز ہیں عون چوہدری کو بحیثیت مشیر تعینات کی سمری منظوری کیلئے صدرِ مملکت ڈاکٹر عارف علوی کو بھیجی جائے گی۔