Tag: پاکستان

حکومت نے مالی سال 26- 2025 کیلئے دیت کی رقم کا اعلان کر دیا ہے۔

وزارت خزانہ نے سال 26-2025 کیلئے دیت کے تعین کا نوٹیفکیشن بھی جاری کردیا،وزارت خزانہ کے مطابق موجودہ مالی سال دیت کی رقم 98 لاکھ 28 ہزار 670 روپے مقرر کی گئی ہے، دیت کی رقم 30 ہزار 630 گرام چاندی کی مالیت کے مساوی ہے۔

حکومت پاکستان کی جانب سے ہر مالی سال کے آغاز پر وفاقی کابینہ کی منظوری سے دیت کی رقم کا نوٹیفکیشن جاری کیا جاتا ہے،چاندی کی موجودہ قیمت کے حساب سے 30 ہزار 630 گرام چاندی کی قیمت 98 لاکھ 28 ہزار 670 روپے بنتی ہے

دیت کیا ہے؟

پاکستان کا شمار دنیا کے ان 50 سے زائد ممالک میں ہوتا ہے جہاں آج بھی سزائے موت کا قانون موجود ہےپاکستان میں جن جرائم پر مجرم کو سزائے موت سنائی جاسکتی ہے ان میں سے ایک قتل کا جرم بھی ہے تاہم کچھ مخصوص حالت میں مقتول کے لواحقین مجرم کی جانب سے دیت کی ادائیگی پر بھی راضی ہوسکتے ہیں۔

تعزیرات پاکستان (پاکستان پینل کوڈ) کی دفعہ 299 کے مطابق دیت وہ رقم ہے جو مجرم کی جانب سے مقتول کے لواحقین کو زرِ تلافی کے طور پر ادا کی جائے،تعزیرات پاکستان کی دفعہ 323 میں دیت کے رقم کے تعین کے حوالے سے بتایا گیا ہے کہ عدالت قرآن و سنت کی روشنی میں اور قاتل اور مقتول کے لواحقین کی مالی حالت کو پیش نظر رکھتے ہوئے دیت کی رقم کا تعین کرے گی جس کی کم از کم مالیت 30 ہزار 630 گرام چاندی کی قیمت کے برابر ہوگی۔

وزیر اعلیٰ پنجاب مریم نواز نے کہا ہے کہ انسانیت عظیم نسبت ہے جو ہر سرحد سے بے نیاز ہے۔

مریم نواز نے انسانی ہمدردی کے عالمی دن پر اپنے پیغام میں کہا کہ دوسروں کیلئے راحت، آسودگی اور آسانیوں کا وسیلہ بننا انسانیت کی خدمت ہے، انسانیت کی خدمت کا جذبہ رنگ، مذہب اور ہر تعصب سے بالاتر ہے،انسانیت کی خدمت کا جذبہ پہلے سے کہیں زیادہ ضروری ہے، غزہ کے معصوم شہید انسانیت کے ضمیر کو جھنجھوڑ رہے ہیں، غزہ کے بچوں اور کشمیریوں کی آہیں دنیا کے ہر حساس دل کو پکار رہی ہیں،انسان سے ہمدردی عبادت کے مترادف ہے، ایسی دنیا بنائیں جہاں امن، محبت اور انسانیت ہو۔

وزیراعظم شہبازشریف نے انسانیت کےعالمی دن کے موقع پر اپنے پیغام میں کہا ہے کہ آج کا دن خدمتِ انسانیت کے جذبے کی تجدید کا دن ہے۔

شمالی کوریا کا امریکہ اورجنوبی کوریا کی فوجی مشقوں پرسخت ردعمل

وزیراعظم شہبازشریف نے قدرتی آفات اورایمرجنسی حالات میں رضاکاروں کے مثالی کردارکوسراہتے ہوئے کہا کہ وہ ہمت، بہادری اورعزم کی علامت ہیں، خدمتِ انسانیت پاکستان کی سماجی اورمعاشرتی اقدارکا قیمتی اثاثہ ہے اورخواتین، بزرگوں اور بچوں کی حفاظت معاشرے کی اولین ترجیح ہونی چاہیے۔

اُن کا کہنا تھا کہ پاکستان دنیا کے ان چند ممالک میں شامل ہے جوعطیات دینے میں نمایاں حیثیت رکھتے ہیں جوعوام کے جذبہ ایثاروقربانی کا عکاس ہے شہریوں کے حقوق اورمعیارِزندگی کو بہتر بنانے کیلئے مسلسل اقدامات کیے جا رہے ہیں اور حکومت رضاکاروں کی حوصلہ افزائی کو اپنی ترجیحات میں شامل رکھے گی۔

اسلام آباد، راولپنڈی، پشاور اور دیگر شہروں میں زلزلے کے جھٹکے

وفاقی دارالحکومت اسلام آباد اور راولپنڈی سمیت پشاور، ایبٹ آباد اور خیبرپختونخوا کے مختلف شہروں میں زلزلے کے جھٹکے محسوس کیے گئے ہیں۔

زلزلے کے جھٹکے اسلام آباد، راولپنڈی، ایبٹ آباد، سوات، پشاور، چترال، چارسدہ، خان پور، ہری پور، بٹگرام اور دیگر شہروں میں بھی محسوس کیے گئےزلزلہ پیما مرکز کے مطابق زلزلےکی شدت 5.2 ریکارڈ کی گئی جبکہ اس کا مرکز ہندوکش ریجن افغانستان میں تھا۔

زلزلے کے باعث شہری،خوفزدہ،ہوگئےاور کلمہ طیبہ کا ورد کرتے ہوئے دفاتر اور گھروں سے باہر نکل آئے، فوری طور پر کسی جانی نقصان کی اطلاع موصول نہیں ہوئی۔

بھوپال،خاتون سول جج امیدوار دوران سفر لاپتہ،تلاش جاری

ادھراسلام آباد راولپنڈی سمیت ملک کے بیشتر علاقوں میں آج بارش کا امکان ہے چاروں صوبوں سمیت آزاد کشمیر اور گلگت بلتستان کے ندی نالوں میں طغیانی، لینڈ سلائیڈنگ اور نشیبی علاقے زیر آب آنے کا خدشہ ہےاین ڈی ایم اے نے متعلقہ اداروں کو الرٹ رہنے کی ہدایت کی ہے۔

اس کے علاوہ سندھ کے کئی شہروں میں بھی گرج چمک کے ساتھ بارش کی توقع ہے، بلوچستان کے کچھ اضلاع میں بھی موسلادھار بارش کا امکان ظاہر کیا گیا ہے،پشاور سمیت خیبرپختونخوا کے بیشتر اضلاع میں وقفے وقفے سے بارشوں کا سلسلہ جاری جاری ہے،بارش سے کئی علاقے زیرآب رہے جس کے باعث ٹریفک کی روانی بھی متاثر ہوئی ہے،پشاور اس وقت بھی بادلوں کی لپیٹ میں ہے اور مزید بارشوں کا امکان ہے۔

گلگت،18 میگا واٹ کے پاور کمپلیکس کا عارضی ہیڈ ورکس بہہ گیا،بجلی معطل

وفاقی وزیر اطلاعات و نشریات عطاء اللہ تارڑ نے کہا ہے کہ سیلاب متاثرین کی مدد ہمارا قومی فریضہ ہے، وفاقی حکومت قومی ذمہ داری کے تحت اپنا کردار نبھا رہی ہے۔

وزیر اعظم کی زیر صدارت سیلاب اور امدادی سرگرمیوں سے متعلق اجلاس کے بعد وفاقی وزیر موسمیاتی تبدیلی مصدق ملک اور چیئرمین این ڈی ایم اے لیفٹیننٹ جنرل انعام حیدر کے ہمراہ میڈیا کو بریفنگ دیتے ہوئے وفاقی وزیر اطلاعات و نشریات عطا اللہ تارڑ نے کہا کہ وزیراعظم کی زیر صدارت منعقدہ اجلاس میں مون سون کی حالیہ بارشوں اور سیلابی صورتحال سمیت خیبر پختونخوا اور گلگت بلتستان میں امدادی سرگرمیوں کا جائزہ لیا گیا ملک کے مختلف حصوں میں سیلابی صورتحال سے نمٹنے کے لیے قومی سطح پر کوششیں کی جا رہی ہیں۔

انہوں نے بتایا کہ وزیر اعظم کی زیر صدارت اجلاس میں جاری امدادی اور ریسکیو آپریشنز کا بھی جائزہ لیا گیا، صوبائی حکومتوں کے ساتھ مؤثر انداز میں رابطہ کاری کی جا رہی ہے، این ڈی ایم اے کے ذریعے ابتدائی وارننگ سسٹم کے تحت متعلقہ حکام کو باقاعدگی سے ڈیٹا فراہم کیا جا رہا ہے، وزیر اعظم کی ہدایت پر این ڈی ایم اے صوبائی حکومتوں سے رابطے میں ہے، متاثرہ علاقوں میں امدادی سرگرمیاں جاری ہیں۔

وفاقی کابینہ کی ایک ماہ کی تنخواہ سیلاب متاثرین کو عطیہ کرنیکا اعلان

وزیر برائے ماحولیاتی تبدیلی، مصدق ملک،نے کہا کہ متاثرین کے نقصانات کا ازالہ کرنے کے لیے ہر ممکن کوششیں کی جائیں گی، انہوں نے صوبائی حکومتوں سے اپیل کی کہ وہ مہم چلا کر دریاؤں اور پہاڑی نالوں کے کنارے رہنے والے لوگوں کو مستقل طور پر محفوظ مقامات پر منتقل کریں۔

این ڈی ایم اے کے چیئرمین لیفٹیننت جنرل انعام حیدر نے کہا کہ اتھارٹی متاثرہ علاقوں میں بروقت امداد اور مؤثر ردعمل کو یقینی بنانے کے لیے صوبائی حکومتوں کے ساتھ مسلسل رابطے میں ہے، بارشوں، سیلاب اور لینڈ سلائیڈنگ کے باعث اب تک 670 افراد جاں بحق جبکہ ایک ہزار زخمی ہوئے ہیں۔

نائیجیریا میں کشتی حادثہ، 40 افر ادلاپتہ

انہوں نے مزید کہا کہ 420 سے زائد ریلیف کیمپس متاثرہ علاقوں میں فعال کر دیے گئے ہیں، مون سون کے مزید 2 سے 3 اسپیل متوقع ہیں اور موجودہ اسپیل جمعے تک جاری رہے گا، صورتحال ستمبر کے آخر تک معمول پر آ جائے گی، حکومت کی اولین ترجیح لوگوں کو ریسکیو کرنا اور انہیں محفوظ مقامات پر منتقل کرنا ہے،سیلاب سے ہونے والے نقصانات کا تخمینہ لگانے کا عمل مون سون سیزن ختم ہونے کے بعد شروع کیا جائے گا۔

پیپلز پارٹی کے چیئرمین بلاول بھٹو زرداری کو سب سے بڑا سویلین اعزاز نشانِ پاکستان دینے کا فیصلہ کیا گیا ہے۔

ذرائع کا کہنا ہے کہ عالمی فورمز پر پاکستان کا زبردست انداز میں مؤقف اجاگر کرنے پر بلاول بھٹو کو آج اعلیٰ ترین سول اعزاز دیاجا ئے گا ، اُن کے ساتھ وفد میں شامل ارکان کوبھی اعزاز دیا جائے گا۔

واضح،رہے کہ بلاول نے بھارتی جارحیت پر عالمی برادری کو پاکستان کے مؤقف سے آگاہ کرکے یورپی پارلیمنٹ میں پاکستان کا امن کا بیانیہ پیش کیا تھا،بھارت کے خلاف جنگ کے بعد وزیراعظم شہباز شریف نے بلاول بھٹو زرداری کی قیادت میں ایک پارلیمانی کمیٹی تشکیل دی تھی جس کا مقصد عالمی سطح پر پاکستان کے مؤقف کو بھرپور انداز میں پیش کرنا تھا۔

بلاول بھٹو زرداری نے بھارتی جارحیت پر عالمی برادری کو پاکستان کے بھرپور مؤقف سے آگاہ کیا۔ بلاول بھٹو زرداری نے یورپی پارلیمنٹ میں پاکستان کا امن بیانیہ پیش کیا،بھارت نے پہلگام واقعے کو جواز بنا کر پاکستان پر جارحیت کی جس کا پاکستان نے بھرپور جواب دیتے ہوئے ناصرف 6 بھارتی جنگی طیارے گرائے بلکہ کئی ائیر فیلڈز کو بھی تباہ کیا، 4 روزہ جنگ میں بھارت نے امریکا سے مدد طلب کی جس کے بعد دونوں ممالک کے درمیان جنگ بندی ممکن ہوئی۔

دریں اثنا بلاول بھٹو نے قوم کو یوم آزادی اور معرکہ حق کی مبارکباد دیتے ہوئے بیروزگاری، مہنگائی، غربت اور امتیاز کے خاتمے کی جدوجہد کو مزید تیز کرنے کا اعادہ کیا،جمہوری استحکام، 1973ء کے آئین اور پاکستان کے ناقابلِ تسخیر دفاع و خودمختاری پر کبھی سمجھوتا نہیں کریں گے۔