Tag: پاکستان

نائب وزیراعظم و وزیر خارجہ اسحٰاق ڈار اسلامی تعاون تنظیم ( او آئی سی ) کی وزرائے خارجہ کونسل کے غیرمعمولی اجلاس میں شرکت کیلئے 25 اگست کو سعودی عرب روانہ ہوں گے۔

دفتر خارجہ کے مطابق نائب وزیراعظم و وزیرخارجہ اسحٰاق ڈار ، 25 تا 26 اگست 2025 کو سعودی عرب کا دو روزہ سرکاری دورہ کریں گے، وہ جدہ میں اسلامی تعاون تنظیم (او آئی سی ) کی وزرائے خارجہ کونسل کے غیر معمولی اجلاس میں شرکت کریں گے،وزیرِ خارجہ ڈھاکا میں اپنے دو روزہ دورے کے اختتام پر براہِ راست جدہ روانہ ہوں گے تاکہ اس اعلیٰ سطحی اجلاس میں شریک ہو سکیں۔

دفتر خارجہ کے مطابق وزرائے خارجہ کونسل کے غیر معمولی اجلاس میں رکن ممالک کے وزرائے خارجہ اور اعلیٰ حکام شرکت کریں گے، جس میں فلسطین کی سنگین صورتحال پر مشترکہ ردعمل پر غور کیا جائے گا، جو جاری اسرائیلی فوجی جارحیت، غزہ پر مکمل فوجی کنٹرول کے مجوزہ منصوبوں اور فلسطینی عوام کے حقوق کی مسلسل سنگین خلاف ورزیوں کے نتیجے میں پیدا ہوئی ہے۔

وی پی این پر مکمل پابندی تکنیکی لحاظ سے مشکل ہے، پی ٹی اے

دفتر خارجہ کے مطابق پاکستان ایک پُرعزم حامی کے طور پر فلسطینی مسئلے کو ہمیشہ بین الاقوامی فورمز پر اجاگر کرتا رہا ہے آئندہ غیر معمولی اجلاس میں نائب وزیرِاعظم و وزیرِ خارجہ فلسطین کے ساتھ پاکستان کی غیر متزلزل حمایت کو دہراتے ہوئے اپنے اصولی مؤقف کو پیش کریں گےوزیر خارجہ اسرائیل سے تمام مقبوضہ فلسطینی علاقوں سے مکمل انخلا کا مطالبہ کریں گے، غزہ پر مکمل فوجی کنٹرول کے اسرائیلی منصوبے اور فلسطینیوں کی مزید بے دخلی کو یکسر مسترد کریں گے۔

دفتر خارجہ کے مطابق وزیرخارجہ اسحٰاق ڈار اجلاس میں ہنگامی بنیادوں پر بلا روک ٹوک انسانی امداد کی فراہمی پر زور دیں گے، اور فلسطینی عوام کے جائز حقوق کی بحالی کی ضرورت، اور بالخصوص ایک آزاد اور خودمختار فلسطینی ریاست کے قیام کا مطالبہ کریں گے جو جون 1967 سے قبل کی سرحدوں پر مبنی ہو اور جس کا دارالحکومت القدس الشریف ہو۔

پنجاب : اسکولوں میں دورے پر آنیوالوں کو تحائف دینے پر پابندی عائد

وزرائے خارجہ کونسل کے اجلاس کے موقع پر نائب وزیرِاعظم و وزیرِ خارجہ کی رکن ممالک کے اہم وزرائے خارجہ کے ساتھ دوطرفہ ملاقاتیں بھی متوقع ہیں۔

پاکستان نے پاک- بنگلہ دیش نالج کوریڈور کے قیام کا اعلان کر دیا۔

ترجمان دفتر خارجہ کے مطابق منصوبے کے تحت اگلے 5 سالوں میں بنگلہ دیشی طلبہ کو 500 اسکالرشپس دی جائیں گی، مجموعی اسکالرشپس کا چوتھائی حصہ میڈیکل کے شعبے کے لیے مختص ہو گا، اگلے پانچ سال میں 100 بنگلہ دیشی سول سرونٹس کی ٹریننگ کا بھی انتظام کیا جائے گا جبکہ بنگلہ دیشی طلبہ کے لیے تکنیکی معاونت پروگرام کے تحت اسکالرشپس کی تعداد 5 سے بڑھا کر 25 کر دی گئی، یہ اعلان ڈھاکہ میں نائب وزیراعظم اسحاق ڈار کے دورہ بنگلہ دیش کے موقع پر کیا گیا-

واضح رہے کہ نائب وزیر اعظم اور وزیر خارجہ اسحٰق ڈار نے گزشتہ روز نور خان ایئربیس سے ڈھاکا روانہ ہوئے تھےدفتر خارجہ کے مطابق یہ دورہ پاکستان اور بنگلہ دیش کے تعلقات میں ایک اہم سنگِ میل ہے، کیونکہ کسی پاکستانی وزیرِ خارجہ نے تقریباً 13 برس بعد بنگلہ دیش کا دورہ کیا ہےآخری بار پاکستان کی وزیر خارجہ حنا ربانی کھر نے نومبر 2012 میں 6 گھنٹے کا مختصر دورہ کیا تھا، تاکہ اس وقت کی وزیرِاعظم شیخ حسینہ کو اسلام آباد میں ہونے والے ایک سربراہی اجلاس میں شرکت کی باضابطہ دعوت دی جا سکے۔

بھارتی بلے باز کا کرکٹ سے ریٹائرمنٹ کا اعلان

محکمہ موسمیات نے ایک اور طاقتور اسپیل کی پیشگوئی کردی

لاہور سے پیرس کے لیے پی آئی اے پروازیں بند

پاکستان اور بنگلہ دیش کے درمیان 6 مفاہمتی یادداشتوں اور معاہدوں پر دستخط کئے گئے۔

وزیر خارجہ اسحاق ڈار اور بنگلہ دیشی مشیر خارجہ امور کی نگرانی میں سفارتکاروں اور حکومتی اہلکاروں کیلیے ویزے سے متعلق معاہدے، دونوں ملکوں کی فارن سروس اکیڈمیوں اورایسوسی ایٹڈ پریس آف پاکستان اور بنگلہ دیش سنگباد سنگستھا کے درمیان مفاہمتی یادداشت پر دستخط کئے گئے،علاوہ ازیں انسٹیٹیوٹ اسٹریٹجک اسٹڈیز اسلام آباد اور بنگلہ دیشی انسٹیٹیوٹ انٹرنیشنل ایند اسٹریٹجک اسٹڈیز اور پاکستان بنگلہ دیش ٹریڈ جوائنٹ ورکنگ گروپ کی مفاہمتی یادداشت پر دستخط ہوئے۔

قبل ازیں دونوں ممالک کے وفود کی سطح پر مذاکرات ہوئے جس میں دو طرفہ تعلقات اور اقتصادی و تجارتی تعاون بڑھانے پر اتفاق کیا گیادفتر خارجہ کے مطابق ڈھاکہ میں پاکستان اور بنگلہ دیش کے وفود کی سطح پر مذاکرات ہوئے جن میں دوطرفہ تعلقات، اقتصادی و تجارتی تعاون اور علاقائی مسائل پر تفصیلی تبادلہ خیال کیا گیا۔

مذاکرات کے دوران اعلیٰ سطح و عوامی سطح پر روابط، ثقافتی تبادلے، تعلیم و استعداد کار میں اضافے کے منصوبے اور انسانی بنیادوں پر تعاون کے امور زیر بحث آئے اور سارک کی بحالی، مسئلہ فلسطین اور روہنگیا بحران کے حل پر زور دیا گیااس موقع پر بنگلہ دیش کے مشیر خارجہ امور محمد توحید حسین نے اسحاق ڈار کے اعزاز میں ظہرانے کا بھی اہتمام کیا-

کل کا مدعی آج کا ملزم،سیاست کب جمہوریت میں بدلے گی؟
اقتدار میں آیا تو مخالفین پر مقدمات،اپوزیشن میں انصاف،انصاف کی رٹ
سیاسی جماعتیں کب’’ باشعور‘‘ ہوجائیں گی،روئیے تبدیل ہوں ملکی تقدیر بدل جائیگی
عوام کے حصے میں 78 سالوں کے دوران صرف،مہنگائی،بےروزگاری اور لاقانونیت ہی آئی

تجزیہ، شہزاد قریشی

وطن عزیز میں جمہوریت مستحکم کیوں نہ ہوئی ، اسباب کیا ہیں؟ بلاشبہ وطن عزیز جمہوریت اور آمریت کے درمیان جھولتا رہا لیکن سیاسی جماعتوں نے جمہوریت کو مستحکم کرنے کے لئے کوئی کردار ادا کیا ؟یہ سوال مجھ سمیت ہر ذی شعور پاکستانی پوچھنے میں حق بجانب ہے ،لیکن وطن عزیز کی سیاست میں انتقامی رویہ ایک مستقل روایت بن چکا ہے، اقتدار سے باہر جماعتیں احتساب کے نام پر انصاف مانگتی ہیں، جیسے ہی خود اقتدار میں آتی ہیں تو انصاف کے بجائے انتقام کو ترجیح دیتی ہیں، جس کا نقصان جمہوریت ملک و قوم کو ہوتا ہے اور انتقامی سیاست کے اثرات ریاستی اداروں پر بھی پڑتے ہیں، ادارے غیر جانبدار نہیں رہ پاتے ،انہیں مخصوص جماعتوں یا قیادت کے خلاف استعمال کیا جاتا ہے، جس سے ان کی ساکھ مجروح ہوتی ہے، عوام کو ریلیف ،ترقی یا سہولت دینے کے بجائے ساری توانائی سیاسی مخالفین کے خلاف مقدمات بنانے اور گرفتاریاں کرنے پر صرف ہوتی ہے، اس دوران مہنگائی، بے روزگاری اور بد امنی جیسے مسائل بڑھتے رہتے ہیں،جمہوری عمل کا مقصد اقتدار کی پرامن منتقلی اور عوام کی حکمرانی ہے، لیکن جب ہر حکومت پچھلی حکومت کو غدار چور یا دشمن بنا کر پیش کرتی ہے تو وطن عزیز کی جمہوریت ایک انتقامی کھیل لگنے لگتی ہے، اصل مسئلہ یہ ہے، وطن عزیز میں سیاست کو خدمت نہیں بلکہ اقتدار کی جنگ سمجھا جاتا ہے، جب تک سیاستدان خود یہ طے نہیں کرتے کہ ہم سیاسی مخالف ہیں دشمن نہیں، تب تک یہ سلسلہ چلتا رہے گا، مضبوط عدلیہ آزاد میڈیا اور عوامی دباؤ ہی اس روایت کو بدل سکتے ہیں، وطن عزیز میں جمہوریت انتقام کی نہیں بلکہ برداشت مکالمے اور عوامی خدمت کی بنیاد پر ہونی چاہیے، وطن عزیز کی تاریخ میں کئی واضح مثالیں موجود ہیں جو یہ ظاہر کرتی ہیں کہ اقتدار کے بعد اکثر جماعتیں ایک دوسرے کے ساتھ انتقامی رویہ اپناتی رہیں، بھٹو کے اقتدار کے دوران بعض اپوزیشن رہنماؤں کو جیلوں میں ڈالا گیا،ولی خان مرحوم اور دیگر رہنماؤں کو غداری کے مقدمات میں گھسیٹا گیا، جنرل ضیاء الحق نے بھٹو کو پھانسی پر چڑھایا۔ پیپلز پارٹی کے ہزاروں کارکنان کو جیلوں اور کوڑوں کی سزا دی یہ بھی ایک طرح کی ریاستی انتقامی سیاست تھی،نواز شریف کے پہلے دور میں بینظیر بھٹو کی حکومت کو بد عنوان اور غدار ثابت کرنے کی مہم چلائی گئی، بینظیر کے دوسرے دور میں نواز شریف پر کرپشن منی لانڈرنگ کے کیسسز بنائے گئے، 1999 ءمیں خود نواز شریف کو جلا وطنی اور مقدمات کا سامنا کرنا پڑا، تحریک انصاف کے دور میں اپوزیشن لیڈروں نواز شریف شہباز شریف آصف زرداری کو جیلوں میں ڈالا گیا، پاکستان کی سیاسی تاریخ احتساب کے نام پر انتقام سے بھری ہوئی ہے، جب تک سیاسی جماعتیں مکالمہ رواداری اور جمہوری اقتدار کو فوقیت نہیں دیتی یہ سلسلہ ختم نہیں ہوگا، پاکستان کی سیاست کا تسلسل کچھ یوں رہا اقتدار میں مخالفین پر مقدمات، اقتدار سے باہر ہوتے ہی خود مقدمات کا سامنا یعنی کل کا مدعی آج کا ملزم بن جاتا ہے، اس تاریخی تسلسل سے صاف لگتا ہے جب تک ادارے ازاد اور غیر جانبدار نہیں ہوں گے اور سیاستدان ایک دوسرے کو دشمن کے بجائے سیاسی مخالف ماننا نہیں سیکھیں گے یہ سلسلہ چلتا رہے گا، یاد رکھیے وطن عزیز اور قوم مقدم ہے، اداروں کو بقاء اور شخصیات کو فنا حاصل ہے-

اسلام آباد:نائب وزیر اعظم و وزیر خارجہ سینیٹر محمد اسحاق ڈار 2 روزہ سرکاری دورے پر بنگلا دیش روانہ ہو گئے۔

اسحاق ڈار کا یہ دورہ بنگلا دیشی حکومت کی دعوت پر ہو رہا ہے دورے کے دوران ڈھاکا میں نائب وزیر اعظم و وزیر خارجہ کی بنگلا دیشی اعلیٰ قیادت سے اہم ملاقاتیں طے ہیں جن میں دونوں ممالک کے تعلقات کے تمام پہلوؤں پر تفصیلی بات چیت کی جائے گی،ان کا دورہ پاکستان بنگلہ دیش تعلقات میں ایک اہم سنگ میل ہے کیونکہ پاکستانی وزیر خارجہ تقریباً 13 سال کے وقفے کے بعد بنگلہ دیش کا دورہ کر رہے ہیں۔

https://x.com/ForeignOfficePk/status/1959095990692061393

اسحاق ڈار بنگلا دیش کے چیف ایڈوائزر پروفیسر محمد یونس سے بھی ملاقات کریں گے جب کہ خارجہ امور کے ایڈوائزر محمد توحید حسین سے بھی ان کی نشست ہوگی۔ ان ملاقاتوں میں دو طرفہ تعلقات کو مزید فروغ دینے کے اقدامات پر غور کے ساتھ ساتھ علاقائی اور عالمی امور پر بھی تبادلہ خیال کیا جائے گایہ دورہ پاکستان اور بنگلا دیش کے درمیان سیاسی و سفارتی روابط کو مزید مضبوط بنانے کی کوششوں کا حصہ ہے۔

اسحاق ڈار 2 روزہ سرکاری دورے پر بنگلا دیش روانہ

اس موقع پر پاکستان اور بنگلہ دیش کے درمیان مختلف شعبوں میں تعاون کے فروغ کے لیے 4-5 یادداشت ہائے مفاہمت (MoUs) پر دستخط کیے جانے کا امکان ہےسرکاری ذرائع کے مطابق اتوار کی صبح اسحاق ڈار کی ملاقات بنگلہ دیش کے مشیر خارجہ محمد توحید حسین سے ریاستی مہمان خانے ’پدما‘ میں ہوگی مذاکرات اور معاہدوں پر دستخط کے بعد میڈیا کو بریفنگ دی جائے گی۔

پینٹاگون کی خفیہ ایجنسی کے سربراہ سمیت سینئر فوجی کمانڈرز برطرف

یاد رہے کہ نومبر 2012 میں اس وقت کی وزیر خارجہ حنا ربانی کھر نے ڈھاکہ کا دورہ کیا تھا حالیہ برس میں بنگلہ دیش میں سیاسی تبدیلی کے بعد دونوں ممالک کے تعلقات میں نئی سفارتی سرگرمیاں تیزی سے فروغ پا رہی ہیں،دونوں ممالک نے براہ راست شپنگ کا آغاز کر دیا ہے، ویزا اور تجارتی قوانین میں نرمی کی ہے، جبکہ براہ راست پروازیں بھی شروع کرنے کی تیاری کی جا رہی ہےپاکستانی ایئرلائن ’فلائی جناح‘ کو ڈھاکہ-کراچی روٹ پر پرواز کی اجازت مل چکی ہے جبکہ ’ایئر سیال‘ نے بھی اجازت کے لیے درخواست دے دی ہے۔

ژوب اور گردونواح میں زلزلے کے جھٹکے

پاکستان اور بنگلہ دیش نے سفارتی و سرکاری پاسپورٹ ہولڈرز کیلئے ویزا فری انٹری کی منظوری دے دی ہے۔

بنگلہ دیش اور پاکستان کے سفارتی و سرکاری پاسپورٹ رکھنے والوں کو اب ویزا کے بغیر سفر کی اجازت ہوگی،معاہد ے کے تحت سرکاری اور سفارتی پاسپورٹ رکھنے والے اب بغیر ویزے کے پاکستان جا سکتے ہیں،اسی طرح پاکستان میں سرکاری یا سفارتی پاسپورٹ رکھنے والے بھی بنگلہ دیش کا دورہ کر سکتے ہیں، دونوں ممالک کے درمیان ویزافری انٹری سے متعلق معاہدہ 5 سال کیلئے نافذ العمل ہوگا۔

سفارتی ذرائع کے مطابق پاکستان کے نائب وزیراعظم اسحاق ڈار کل دو روزہ دورے پر ڈھاکہ پہنچیں گے،نائب وزیراعظم کی 24 اگست کو بنگلہ دیشی مشیر خارجہ توحید حسین سے ملاقات ہو گی،دورے میں سفارتی تعلقات کو مضبوط بنانے اور تعمیری ڈائیلاگ پر فوکس کیا جائے گا، نائب وزیراعظم اسحاق ڈار نے اپریل میں بنگلہ دیش کا دورہ کرنا تھا لیکن پاک بھارت کشیدگی کی وجہ سے دورہ ملتوی کر دیا گیا تھا۔

پاکستان اور بنگلہ دیش نے سفارتی و سرکاری پاسپورٹ ہولڈرز کیلئے ویزا فری انٹری کی منظوری دے دی

راولپنڈی میں کارروائی،ویڈیو بنا کر دھمکیاں دینے والے فتنہ الخوارج کے 4 دہشتگرد گرفتار

ملکی اصل مسائل توجہ کے مستحق، تجزیہ:شہزاد قریشی

اسلام آباد:حکومت نے رواں برس بھی عشرہ رحمۃ للعالمین قومی و صوبائی سطح پر شایان شان طریقے سے منانے کا اعلان کیا ہے۔

وفاقی وزیر مذہبی امور و بین المذاہب ہم آہنگی سردار محمد یوسف کی زیر صدارت بین الصوبائی اجلاس ہوا، جس میں وزیر اوقاف آزاد کشمیر حافظ محمد احمد رضا قادری، پارلیمانی سیکرٹری بلوچستان شہناز عمرانی ،وفاقی و ایڈیشنل سیکرٹری مذہبی امور، اوقاف سیکرٹریز پنجاب ، سندھ، بلوچستان، آزاد کشمیر، گلگگت بلتستان اجلاس میں شریک ہوئے ۔

وفاقی وزیر سردار محمد یوسف نے کہا کہ عشرہ رحمۃ للعالمین یکم تا 12 ربیع الاوّل قومی و صوبائی سطح پر شایان شان طریقے سے منایا جائے گا اس سلسلے میں قومی اسمبلی اور سینیٹ سے پاس شدہ قراردادوں کی روشنی میں ملک گیر سطح پر سیرت محافل کا انعقاد کیا جا رہا ہے۔

سیلاب متاثرین ہمارے اپنے ہیں ان کے لیے ہر حد تک جائیں گے، علی امین گنڈاپور

انہوں نے کہا کہ 1500 ویں سالِ ولادت کے تناظر میں صوبائی اور لوکل حکومتیں نوجوان نسل کو سیرت ِ نبوی سے آگاہی دیں وزارت ِ مذہبی امور اسلام آباد میں 50 ویں بین الاقوامی سیرت النبی کانفرنس کاانعقاد کر رہی ہے، جس کا موضوع ’’سوشل میڈیا کے مفید استعمال کی تعلیم و تربیت میں ریاستی ذمے داریاں سیرت النبی کی روشنی میں‘‘ رکھا گیا ہے۔

سردار محمد یوسف نے کہا کہ عشرہ منانے کا مقصد یہ ہے کہ سیرت طیبہ پر تفصیلی گفتگو ہو اور نوجوانوں کو آگہی میسر آئے سرکاری و نجی اسکولوں ، کالج اور یونیورسٹیوں میں عشرہ رحمۃ للعالمین کے تحت پروگرام منعقد کیے جائیں عصری تعلیمی اداروں اور دینی مدارس کے طلبہ مشترکہ پروگرام منعقد کریں جہاں نوجوان اپنے خیالات کا اظہار کریں ۔

بارشوں میں کراچی ڈوبنے کی وجہ چاند کی تاریخیں ہیں ،سعید غنی کاانوکھاجواز

وفاقی وزیر کا کہنا تھا کہ سیرت النبی کی روشنی میں دور حاضر کے مسائل کے حل کے لیے مل کر کوشش کرنا ہو گی ہمیں موجودہ دور میں اپنی تعلیم، معیشت ، سماجی اقدار اور خاندانی نظام کو متاثر ہونے سے بچانا ہے معاشرے میں بگاڑ اُسوۃ نبوی پر عمل نہ کرنے کی وجہ سے ہے۔ نبی اکرمﷺ کی بعثت کا مقصد انسانیت کو درست رہنمائی کے ذریعے ہدایت پر لانا ہے،امتی ہونے کے ناتے ہماری اجتماعی ذمہ داری ہے کہ سیرت کو عام کریں اور پیغام کو اجاگر کریں، آج کے سوشل میڈیا دور میں اسلام کے پیغام کو عام کرنا مزید آسان ہو چکا ہے۔

چینی وزیرخارجہ نے کہا کہ علاقائی امن واستحکام ہمارامشترکہ ہدف ہے، نائب وزیر اعظم کے ساتھ 6واں وزرا خارجہ ڈائیلاگ کے دوران بات چیت ہوئی، تمام پہلوؤں پر ہمارا موقف یکساں تھا، سی پیک کو ہائی کوالٹی تعاون میں لے کر جا رہے ہیں۔

نائب وزیر اعظم اور وزیر خارجہ اسحاق ڈار اور چین کے وزیر خارجہ وانگ ژ ی نے اسلام آباد میں مشترکہ نیوز کانفرنس کی،اسحاق ڈار نے کہا کہ چین کے وزیرخارجہ کی پاکستان آمدکاخیرمقدم کرتے ہیں، چین کے وزیرخارجہ سے ساتھ مفید بات چیت ہوئی، ملاقات میں باہمی دلچسپی کے امورپربات چیت کی گئی، سی پیک سمیت پاک چین تعلقات کی تمام پہلوؤں کاجائزہ لیاگیا، تمام اہم معاملات پراتفاق رائے موجود ہے، خطے کے امن ،استحکام اور خوشحالی کیلئے ملکرکام کرنے کیلئےپرعزم ہیں، سی پیک فیز2،عوامی سطح پر روابط سمیت دوطرفہ تعاون کو مزید وسعت دینے کیلئے پرعزم ہیں۔

اس موقع پر چینی وزیرخارجہ وانگ ژی نے کہا کہ شاندارمیزبانی پر شکرگزارہوں، پاکستان اور چین کے درمیان دوستانہ اور برادرانہ تعلقات ہیں، دونوں ملکوں کےدرمیان مختلف امورپر تفصیلی گفتگوہوئی، پاکستان اورچین کے درمیان تزویراتی شراکت داری مضبوط ہورہی ہے، دونوں ملکوں کے درمیان اعتماد اور محبت کارشتہ مزید مضبوط ہورہاہے، وزیراعظم شہبازشریف کے دورہ چین کے منتظرہیں۔

مشترکہ مفادات کے اہداف کیلئے پاک – چائنہ کاکثیرالجہتی فورمز پر قریبی روابط اور تعاون جاری رکھنے پر اتفاق

وانگ ژی نے کہا کہ سی پیک فیزٹوپر بھی ملاقات میں تفصیلی گفتگو ہوئی، پاکستان کے ساتھ تعلقات کو نئی بلندیوں تک لے جارہے ہیں، چین پاکستان کو اپناقابل اعتماد اتحادی تصورکرتاہے،انسداددہشتگردی کے شعبے میں تعاون مزید بڑھائیں گے، علاقائی امن واستحکام ہمارامشترکہ ہدف ہے، نائب وزیر اعظم کے ساتھ 6واں وزرا خارجہ ڈائیلاگ کے دوران بات چیت ہوئی، تمام پہلوؤں پر ہمارا موقف یکساں تھا، سی پیک کو ہائی کوالٹی تعاون میں لے کر جا رہے ہیں۔

قبل ازیں چینی وزیر خارجہ وانگ ژی وزارت خارجہ پہنچے جہاں نائب وزیر اعظم و وزیر خارجہ محمد اسحاق ڈار نے مرکزی دروازے پر معزز مہمان کا خیر مقدم کیا۔

ترجمان وزارت خارجہ کی جانب سے جاری بیان کے مطابق چینی وزیر خارجہ نائب وزیراعظم و زیر خارجہ محمد اسحاق ڈار سے ملاقات کریں گے، ملاقات میں دو طرفہ تعلقات اور باہمی دلچسپی کے اہم امور پر تبادلہ خیال کیا جائے گاچینی وزیر خارجہ کے دورے کے دوران چھٹا پاک -چین وزرائے خارجہ سٹریٹجک ڈائیلاگ بھی ہوگاپاک – چین سٹریٹجک ڈائیلاگ کی مشترکہ صدارت وانگ ژی اور اسحاق ڈار کریں گے، چینی وزیر خارجہ اسلام آباد میں ، پاک – چین سٹریٹجک ڈائیلاگ کے چھٹے دور میں اپنے ملک کی نمائندگی کریں گے۔
اسلام آباد میں پاکستان کے پہلے ون ونڈو کاروبار سہولت مرکز کا افتتاح