Baaghi TV

Tag: پاکستان

  • جنت مرزا کا کارتک آریان کے ساتھ مرکزی کردار کی پیشکش کا انکشاف

    جنت مرزا کا کارتک آریان کے ساتھ مرکزی کردار کی پیشکش کا انکشاف

    پاکستان کی مشہور ٹک ٹاکر اور ماڈل جنت مرزا نےبھارتی اداکار کارتک آریان کے ساتھ مرکزی کردار کی پیشکش کا انکشاف کیا ہے جسے انہوں نے ریجیکٹ کردیا-

    ایک انٹرویو میں جنت مرزا نے بتایا کہ مجھے ایک بھارتی فلم کے لیے سائن کیا جا رہا تھا جس میں میرے مدمقابل کارتک آریان کو کاسٹ کیا گیا تھا لیکن والدین کی طرف سے اجازت نہ ملنے پر انہوں نے شہرت حاصل کرنے کے اس سنہری موقع سے فائدہ اٹھانے کی بجائےاسے مسترد کرنے کا فیصلہ کیا۔

    ٹک ٹاکر نے کہا کہ میں بھارت جا کر کام نہیں کرسکتی اور ایسا میں کبھی بھی نہیں کرنا چاہوں گی والدین بھی نہیں مانتے اور مزید یہ کہ میرا اپنا دل بھی وہاں جاکر کام کرنے پر آمادہ نہیں تھا میں فلم کے بجائے ٹک ٹاک جیسے پلیٹ فارمز کو ترجیح دیتی ہوں آج کے نوجوان سنیما جانے کے بجائے اپنے گھروں میں بیٹھ کر سکرولنگ کو ترجیح دیتے ہیں، آج کل کے نوجوان ٹک ٹاک پر مجھے جب چاہیں، جہاں چاہیں، دیکھ سکتے ہیں، سینما کے ٹکٹ بہت مہنگے ہیں اور ہر کوئی اپنے پور ے خاندان کے لیے افورڈ نہیں کر سکتا۔

    صدر مملکت سے چینی سفیر کی ملاقات

    واضح رہے کہ جنت مرزا نے فلمی کیریئر کا آغاز فلم تیرے باجرے دی راکھی سے کیا تھاجو کامیابی حاصل نہ کر سکی اس کے بعد انہوں نے اپنی تمام ترتوجہ ماڈلنگ اور سوشل میڈیا پر رکھ دی۔

    پنجاب میں 10 نئی واسا قائم کرنے کا فیصلہ

  • پاکستان اور سعودی عرب کا اقتصادی روابط کو مزید وسعت دینے کے عزم کا اعادہ

    پاکستان اور سعودی عرب کا اقتصادی روابط کو مزید وسعت دینے کے عزم کا اعادہ

    پاکستان اور سعودی عرب نے دونوں ممالک کے باہمی مفاد کے لیے سرمایہ کاری اور تکنیکی تعاون کو فروغ دینے پر اتفاق کیا ہے۔

    ترجمان دفتر خارجہ کے مطابق اقوام متحدہ کی سلامتی کونسل کی صدارت کے دوران پاکستان کی جانب سے منعقدہ اعلیٰ سطحی تقریبات کے موقع پر نائب وزیراعظم اسحٰق ڈار اور سعودی وزیر برائے معیشت و منصوبہ بندی فیصل فاضل الابراہیم کی ملاقات ہوئی، ملاقات میں پاکستان اور سعودی عرب کے برادرانہ تعلقات مزید مضبوط بنانے پر اتفاق کیا گیا اور پائیدار امن، مشترکہ خوشحالی اور علاقائی ہم آہنگی کے وژن کی توثیق کی گئی۔

    https://x.com/ForeignOfficePk/status/1947985914942427460

    ترجمان دفتر خارجہ کے مطابق ملاقات میں دونوں رہنماؤں کے درمیان خوراک، صنعت، معدنیات کے شعبوں میں تعاون بڑھانے پر گفتگو ہوئی اور پاکستان اور سعودی عرب کے درمیان سرمایہ کاری بڑھانے پر اتفاق کیا گیا، دونوں رہنماؤں نے تکنیکی اشتراک اور اقتصادی روابط کو مزید وسعت دینے کے عزم کا اعادہ کیا۔

    پاکستان اور افغانستان کے درمیان تجارتی معاہدہ طے پاگیا

    سندھ میں بھی بڑے اسپیل آئے تو سندھ حکومت مکمل تیار ہے،شرجیل میمن

    بلوچستان میں قتل ہونیوالی خاتون کی والدہ کا بیان سامنے آ گیا،ملزمان کی رہائی کا مطالبہ

  • پاکستان اور افغانستان کے درمیان تجارتی معاہدہ طے پاگیا

    پاکستان اور افغانستان کے درمیان تجارتی معاہدہ طے پاگیا

    پاکستان اور افغانستان کے درمیان ترجیحی بنیادوں پر تجارتی معاہدہ طے پا گیا ہے-

    معاہدے کے تحت دونوں ممالک ایک دوسرے کی درآمدی اشیاء پر ٹیرف میں نمایاں کمی کریں گے، اس معاہدے پر اسلام آباد میں دستخط کی تقریب منعقد ہوئی جہاں افغان ڈپٹی وزیر تجارت ملا احمد اللہ زاہد اور پاکستان کے سیکریٹری تجارت جواد پال نے معاہدے پر دستخط کیے۔

    معاہدے کے تحت دونوں ممالک نے ٹیرف کی شرح 60 فیصد سے کم کر کے 27 فیصد تک لانے پر اتفاق کیا ہے یہ اقدام دوطرفہ تجارت کو فروغ دینے اور خطے میں اقتصادی تعاون بڑھانے کے لیے اٹھایا گیا ہے معاہدہ یکم اگست 2025 سے نافذ العمل ہوگا اور ابتدائی طور پر ایک سال کے لیے مؤثر رہے گا۔

    سندھ میں بھی بڑے اسپیل آئے تو سندھ حکومت مکمل تیار ہے،شرجیل میمن

    معاہدے کے تحت پاکستان افغانستان سے درآمد کیے جانے والے انگور، انار، سیب اور ٹماٹر پر ڈیوٹی کم کرے گا، جبکہ افغانستان پاکستان سے آنے والے آم، کینو، کیلے اور آلو پر ٹیرف میں کمی کرے گا۔

    بلوچستان میں قتل ہونیوالی خاتون کی والدہ کا بیان سامنے آ گیا،ملزمان کی رہائی کا مطالبہ

  • معاشی سطح پر حکومت پاکستان کی مکمل معاونت کریں گے،عالمی بینک

    معاشی سطح پر حکومت پاکستان کی مکمل معاونت کریں گے،عالمی بینک

    اسلام آباد:عالمی بینک کا کہنا ہے کہ معاشی سطح پر حکومت پاکستان کی مکمل معاونت کریں گے-

    عالمی بینک کے نائب صدر برائے مشرقِ وسطیٰ، شمالی افریقا، افغانستان اور پاکستان (ایم ای این اے اے پی) ریجن عثمان ڈیون نے وزارت اقتصادی امور میں وفاقی وزیر اقتصادی امور احد چیمہ سے ملاقات کی، ملاقات میں احد چیمہ اور عثمان ڈیون کے درمیان کنٹری شراکت داری فریم ورک کے حوالے سے اہم گفتگو ہوئی۔

    وفاقی وزیر احد چیمہ نے کہا کہ عالمی بینک کی جانب سے پاکستان کو مشرق وسطیٰ، شمالی افریقا اور افغانستان ریجن کے ساتھ شامل کرنا اچھا فیصلہ ہے، کنٹری شراکت داری فریم پر عمل درآمد کے لئے جامع حکمت عملی کے تحت چلیں گے۔

    دنیا کے طاقتور اور کمزور پاسپورٹس کی نئی فہرست جاری

    احد چیمہ نے کہا کہ عالمی بینک کا کنٹری آفس حکومت پاکستان کے ساتھ مکمل تعاون کررہا ہے معاشی اصلاحات میں عالمی بینک کا تعاون قابل تحسین ہے غیرمتزلزل سپورٹ پر عالمی بینک کی لیڈرشپ کے مشکور ہیں وفاقی حکومت صوبائی حکومتوں کے تعاون سے سی پی ایف کو موثر طور پر ایمپلیمنٹ کرنے کے لئے پُرعزم ہے۔

    عالمی بینک کے نائب صدر برائے مشرقِ وسطیٰ، شمالی افریقا، افغانستان اور پاکستان (ایم ای این اے اے پی) ریجن عثمان ڈیون کا کہنا تھا کہ معاشی سطح پر حکومت پاکستان کی مکمل معاونت کریں گے، سی پی ایف اور اقتصادی اصلاحات میں ابھی تک حکومت پاکستان کی جانب سے قابل ستائش اقدامات کیے گئے۔

    بین اسٹوکس کی آئی سی سی پر تنقید

  • دنیا کے طاقتور اور کمزور پاسپورٹس کی نئی فہرست جاری

    دنیا کے طاقتور اور کمزور پاسپورٹس کی نئی فہرست جاری

    دنیا بھر میں مختلف ملکوں کے پاسپورٹس کی نئی درجہ بندی جاری کی گئی ہے-

    جولائی سے دسمبر 2025 کے لیے جاری کی گئی ہینلے اینڈ پارٹنرز کی اس فہرست میں ایشیائی ملک سنگاپور دنیا کا سب سے طاقتور پاسپورٹ قرار پایا ہے، جس کے شہری 193 ممالک میں بغیر ویزا سفر کر سکتے ہیں،جاپان اور جنوبی کوریا دونوں دوسرے نمبر پر ہیں، جن کے شہری 190 ممالک تک ویزا فری رسائی رکھتے ہیں۔

    جرمنی، فرانس، اٹلی، آئرلینڈ اور دیگر یورپی ممالک بھی ٹاپ 5 میں شامل ہیں جن کے پاسپورٹس پر 189 ممالک میں ویزا فری کی سہولت ہے چوتھے نمبر پر بیلجیئم، آسٹریا، لگسمبرگ، ناروے، پرتگال اور سویڈن رہے ٓ ان ممالک کے پاسپورٹس سے 188 ممالک میں ویزا فری رسائی مل سکتی ہےدنیا کا طاقتور ترین سمجھا جانے والاامریکی پاسپورٹ 10 ویں نمبر پر پہنچ گیا ہے۔

    نجکاری کمیشن میں جاری کام کی پیشرفت کی خود نگرانی کروں گا،وزیراعظم

    متحدہ عرب امارات کے پاسپورٹ میں پچھلے 10 سالوں میں سب سے تیزی آئی ہے اور اب یہ 34 درجے کے نمایاں اضافہ کے ساتھ عالمی فہرست میں 8ویں نمبر پر پہنچ چکا ہے،چین اپنی رینکنگ میں 34 درجے بہتری کے ساتھ اس وقت 60ویں پوزیشن پر پہنچ چکا ہےدنیا کے کمزور ترین پاسپورٹ رکھنے والوں کی فہرست میں پاکستان چوتھا ملک ہے اور بحیثیت مجموعی صومالیہ اور یمن کے ساتھ مشترکہ طور پر 96 واں نمبر ہے جہاں صرف 32 مملک میں ویزا فری داخلے کی سہولیات مہیا ہیں۔

    پاکستان سے نچلے نمبر پر عراق 97 نمبر پر، جبکہ شام کو98 اور افغانستان کو99 نمبر ملاپاکستان سے اوپر کی پوزیشن حاصل کرنے والے ممالک کاجائزہ لیا جائے تو نیپال اور لیبیا 95 ویں، فلسطین، اریٹیریا اور بنگلا دیش 94 ویں، شمالی کوریا 93 ویں، سوڈان 92 ویں، سری لنکا اور ایران کا91 واں نمبر ہے۔

    کراچی: شوہر کے مبینہ بدترین جنسی تشدد سےکوما میں جانیوالی نوبیاہتا لڑکی انتقال کر گئی

  • پاکستان میں غیر ملکی سرمایہ کاری میں تاریخی اضافہ ریکارڈ

    پاکستان میں غیر ملکی سرمایہ کاری میں تاریخی اضافہ ریکارڈ

    پاکستان میں غیر ملکی سرمایہ کاری میں تاریخی اضافہ ریکارڈ کیا گیا ہے،جس میں سب سے نمایاں حصہ چین کا رہا۔

    اسٹیٹ بینک آف پاکستان کے مطابق مالی سال 2024-25 کے دوران پاکستان کو مجموعی طور پر 2.45 ارب ڈالر کی براہ راست غیر ملکی سرمایہ کاری موصول ہوئی، جس میں سب سے نمایاں حصہ چین کا رہا چین کی جانب سے اس عرصے میں پاکستان کو 1.22 ارب ڈالر کی سرمایہ کاری موصول ہوئی، جو گزشتہ مالی سال کے مقابلے میں 90 فیصد زیادہ ہے،چین اس وقت پاکستان کی کل غیر ملکی سرمایہ کاری میں 49.9 فیصد حصے کے ساتھ سب سے بڑا شراکت دار بن چکا ہے، متحدہ عرب امارات اور ہانگ کانگ نے بھی اپنی سرمایہ کاری میں اضافہ کیا،

    امریکی سرمایہ کاری مالی سال 2024 کے 110 ملین ڈالر سے گر کر صرف 30 ملین ڈالر رہ گئی، جو خطے کی سرمایہ کاری کے رجحانات کے ساتھ ہم آہنگی کو تو ظاہر کرتی ہے لیکن مغربی سرمایہ کاروں کی جاری ہچکچاہٹ کو بھی نمایاں کرتی ہے۔

    مدرسے میں زہریلا کھانا کھانے سے 9 بچوں کی حالت غیر،ایک جاں بحق

    توانائی کا شعبہ غیر ملکی سرمایہ کاری کے اعتبار سے سب سے زیادہ پرکشش رہا، جس میں 1.17 ارب ڈالر کی سرمایہ کاری آئی، جو مجموعی سرمایہ کاری کا نمایاں حصہ ہےمالیاتی شعبہ بھی ترقی یافتہ رہا، جہاں ایف ڈی آئی 642 ملین ڈالر سے بڑھ کر 703 ملین ڈالر تک پہنچ گئی، جو پاکستان کے بینکاری اور فِن ٹیک شعبے میں بڑھتی ہوئی دلچسپی کو اجاگر کرتا ہے۔ اسی طرح، برقی مشینری اور کان کنی میں سرمایہ کاری نے ملک کی صنعتی اور معدنی صلاحیتوں میں بڑھتی توجہ کو ظاہر کیا تاہم، یہ رفتار غیر متوازن رہی ٹیلی کمیونیکیشنز کے شعبے میں مالی سال 2025 میں 131 ملین ڈالر کا خالص انخلا ہوا، جو پچھلے سال کے 44 ملین ڈالر کے مقابلے میں زیادہ تھا-

    تعمیراتی شعبہ بھی زوال کا شکار رہا، جو رئیل اسٹیٹ اور انفراسٹرکچر ڈویلپمنٹ میں سرمایہ کاروں کے اعتماد میں کمی کی نشاندہی کرتا ہے، یہ انخلاء ممکنہ طور پر غیر ملکی کمپنیوں کے سرمایہ نکالنے اور مارکیٹ سے باہر نکلنے کو ظاہر کرتے ہیں، جو ملٹی نیشنل اداروں کی نظر میں موجود خطرات کو اجاگر کرتے ہیں۔

    اسٹاک مارکیٹ میں زبردست تیزی

    اسپیشل انویسٹمنٹ فیسلیٹیشن کونسل (ایس آئی ایف سی) کی معاونت سے عالمی سرمایہ کاروں کا پاکستان پر اعتماد بحال ہوا ہے، مؤثر پالیسیوں اور حکمت عملیوں کے نتیجے میں رواں مالی سال کے دوران پاکستان میں غیر ملکی سرمایہ کاری کے نئے دروازے کھلے ہیں جس کے نتیجے میں اقتصادی سرگرمیوں میں تیزی دیکھی جا رہی ہےسرمایہ کاری کے اس رجحان کو پاکستان کی معیشت کے لیے ایک مثبت اشارہ قرار دیا جا رہا ہے، جو مستقبل میں روزگار کے مواقع اور صنعتی ترقی کی راہ ہموار کرے گا-

  • آئرلینڈ سیریز کیلئے پاکستان ویمن ٹیم کا 15 رکنی اسکواڈ کا اعلان

    آئرلینڈ سیریز کیلئے پاکستان ویمن ٹیم کا 15 رکنی اسکواڈ کا اعلان

    آئرلینڈ سیریز کیلئے پاکستان ویمن ٹیم نے 15 رکنی اسکواڈ کا اعلان کر دیا گیا ہے۔

    آئرلینڈ کے خلاف سیریز 6 سے 10 اگست تک ڈبلن میں کھیلی جائے گی، فاطمہ ثنا آئرلینڈ کے خلاف 3 ٹی ٹوئنٹی میچز میں کپتانی کریں گی، قومی ٹیم آئرلینڈ روانگی سے قبل کراچی میں پری سیریز کیمپ میں شرکت کرے گی۔

    15 رکنی اسکواڈ میں عالیہ ریاض، ڈیانا بیگ، ایمان فاطمہ، گل فیروزا، مونیبہ علی، نجیحہ علوی، نشرہ سندھو، ناتالیہ پرویز، رمین شمیم صدف شمس، سعدیہ اقبال اورسدرہ امین طوبیٰ حسن اور وحیدہ اختر شامل ہیں۔

    ویمنز نیشنل سلیکشن کمیٹی نے سکواڈ کا انتخاب ویمنز سکلز کیمپ میں شریک 24 کھلاڑیوں میں سے کیا۔

    افغانستان میں مقامی طور پر تیار کردہ بس نمائش کیلئے پیش

    امریکا کا مسئلہ کشمیر پر ثالثی کا عندیہ، پاکستان سے بات چیت کا اعلان

    اسرائیل کے خلاف تعصب کاالزام، امریکا کا ایک بار پھر یونیسکو چھوڑنے کا اعلان

  • امریکا کا مسئلہ کشمیر پر ثالثی کا عندیہ، پاکستان سے بات چیت کا اعلان

    امریکا کا مسئلہ کشمیر پر ثالثی کا عندیہ، پاکستان سے بات چیت کا اعلان

    امریکی محکمہ خارجہ کی ترجمان ٹیمی بروس نے تصدیق کی ہے کہ پاکستان اور امریکا کے رہنماؤں کے درمیان ایک اہم ملاقات طے پا چکی ہے، جس میں وہ خود بھی شریک ہوں گی۔

    پریس بریفنگ کے دوران صحافی نے سوال کیا کہ صدر ٹرمپ کشمیر پر ثالثی کی پیشکش کرچکے ہیں، آئندہ کیا ہونے جا رہا ہے؟ ترجمان نے جواب دیا کہ جمعہ کو ایک پاکستانی رہنما سے ملاقات متوقع ہے، جس میں ان تمام امور پر بات کی جائے گی امریکا جانتا ہے کہ آگے کیسے بڑھنا ہے اور ملاقات میں خطے کی سلامتی، دو طرفہ تعلقات، اور بین الاقوامی معاملات پر کھل کر تبادلہ خیال کیا جائے گا۔

    داعش، کالعدم تحریک طالبان پاکستان (ٹی ٹی پی) اور القاعدہ سے متعلق سوال پر انہوں نے کہا کہ صدر ٹرمپ کی پہلی مدت میں داعش کو شکست دی جا چکی ہے، اور اب وہ دہشتگردی کے خلاف مزید اقدامات کریں گےوینزویلا میں اب کوئی بھی امریکی شہری قید نہیں رہا، اور یہ امریکی سفارتی کوششوں کی بڑی کامیابی ہےشام میں تمام فریقین کشیدگی کے خاتمے پر رضا مند ہو چکے ہیں، جبکہ امریکا کے نمائندہ خصوصی وٹکوف غزہ میں جنگ بندی کے لیے روانہ ہو رہے ہیں۔

    اسرائیل کے خلاف تعصب کاالزام، امریکا کا ایک بار پھر یونیسکو چھوڑنے کا اعلان

    غزہ کی صورتحال پر بات کرتے ہوئے ٹیمی بروس نے دعویٰ کیا کہ ”حماس کا زور توڑ دیا گیا ہے“ اور تنظیم پر امدادی سامان لوٹنے اور فروخت کرنے کے الزامات عائد کیے۔ ان کا کہنا تھا کہ وہ دن دور نہیں جب ہم غزہ کی تعمیر نو کی بات کریں گے۔ انہوں نے تصدیق کی کہ امریکی خصوصی نمائندہ وٹکوف جنگ بندی کی کوششوں کے لیے غزہ جا رہے ہیں امریکا خطے میں قیام امن کے لیے سنجیدہ کوششیں کر رہا ہے اور آنے والی ملاقاتوں میں اس کا عملی ثبوت سامنے آئے گا۔

    ترجمان نے عالمی ادارہ صحت (ڈبلیو ایچ او) سے متعلق پالیسی واضح کرتے ہوئے کہا کہ امریکا عالمی ہیلتھ قوانین کے معاہدے میں شامل نہیں ہوگا امریکی صحت سے متعلق پالیسیاں صرف امریکی عوام کے لیے اور امریکا خود تشکیل دے گا اسی تناظر میں انہوں نے یونیسکو کے ساتھ شراکت داری ختم کرنے کا بھی اعلان کیا، اور کہا کہ یونیسکو کا فلسطین کو ریاست کے طور پر تسلیم کرنا امریکا کے لیے ناقابل قبول ہے۔

    دیو ہیکل سائن بورڈ کے گرنے کا خظرہ،عید قربان کی آلائشوں سے تعفن،لوگ سخت پریشان

  • وزیرداخلہ محسن نقوی سے ایرانی ہم منصب کا ٹیلی فونک رابطہ

    وزیرداخلہ محسن نقوی سے ایرانی ہم منصب کا ٹیلی فونک رابطہ

    وزیرداخلہ محسن نقوی سے ایرانی ہم منصب سکندر مومنی نے ٹیلیفونک رابطہ کیا ہے-

    ایرانی وزیر داخلہ نے پاکستان میں سیلاب سے ہونے والے جانی و مالی نقصان پر اظہار افسوس کرتے ہوئے جاں بحق افراد کے لواحقین سے دلی ہمدردی و تعزیت کا اظہار کیا کہا کہ مشکل کی گھڑی میں پاکستانی حکومت اور عوام کے ساتھ کھڑے ہیں، ایران سیلاب متاثرین کی ہر طرح کی مدد کے لیے حاضر ہے۔

    ایرانی وزیر داخلہ نے ایرانی صدر مسعود پزشکیان کے 26 جولائی کو دورہ پاکستان کے حوالے سے بھی بات چیت کی ایرانی وزیر داخلہ سکندر مومنی نے حالیہ دورہ ایران پر وزیر داخلہ محسن نقوی کا شکریہ ادا کیا، اس موقع پر محسن نقوی نے کہاکہ ایران کے صدر مسعود پزشکیان کے دورہ اسلام آباد کے منتظر ہیں۔

    https://x.com/MOIofficialGoP/status/1947191690365714538

    لاہور سے کراچی آنے والی پرواز میں بال بال محفوظ رہے، قیصر نظامانی

    یونانی امیگریشن وزیر کا غیرقانونی تارکین وطن کیلئے سخت انتباہ جاری

    بہاولپور میں چلڈرن ہسپتال کے قیام فیصلہ

  • اسحاق ڈار کی رواں ہفتے امریکی وزیرخارجہ سے ملاقات متوقع

    اسحاق ڈار کی رواں ہفتے امریکی وزیرخارجہ سے ملاقات متوقع

    وزیر خارجہ اسحاق ڈار 8 روزہ امریکا کے سرکاری دورے پر نیویارک پہنچ گئے۔

    اسحاق ڈار اقوام متحدہ کی سلامتی کونسل کے اجلاس کی صدارت کریں گے، وہ 22 جولائی کو اقوام متحدہ میں کی سلامتی کونسل سے بطور صدر خطاب کریں گے اور 23 جولائی کو مسئلے پر کونسل کے سہ ماہی کھلے مباحثے کی میزبانی کریں گے،وزیر خارجہ نیویارک اور واشنگتن میں ملاقاتوں کے دوران عالمی سطح پر پاکستان کی خارجہ پالیسی کے اہم نکات اجاگر کریں گے، اس کے علاوہ اقوام متحدہ اور اسلامی تعاون کی تنظیم (او آئی سی) کے مابین تعاون پر بھی بات ہو گی،وزیر خارجہ فلسطین کے دو ریاستی حل سے متعلق بین الاقوامی کانفرنس میں بھی پاکستان کی نمائندگی کریں گے، جس کی میزبانی سعودی عرب اور فرانس مشترکہ طور پر کر رہے ہیں۔

    اسحاق ڈار کی رواں ہفتے امریکی وزیرخارجہ سے ملاقات متوقع

    نیویارک کے دورے کے بعد 25 جولائی کو واشنگٹن میں امریکی وزیر خارجہ مارکو روبیو سے ملاقات کریں گے،یہ 2016 کے بعد پہلا موقع ہوگا کہ دونوں ممالک کی کابینہ سطح پر ملاقات ہو رہی ہے، اس سے قبل صدر ڈونلڈ ٹرمپ نے پاکستان کے آرمی چیف فیلڈ مارشل عاصم منیر کے ساتھ وائٹ ہاؤس میں ایک غیر معمولی ظہرانہ کیا تھا، اس طرح کی اعلیٰ سطح کی ملاقاتیں کئی برسوں سے معطل تھیں اور اب یہ پیش رفت دونوں ممالک کے تعلقات میں ایک اہم سفارتی تبدیلی کا اشارہ ہے۔

    تاہم ان کے دورے کا سب سے اہم مرحلہ امریکی وزیر خارجہ مارکو روبیو سے ہونے والی ملاقات ہے،اس دورے سے پہلے وزیر خزانہ محمد اورنگزیب نے واشنگٹن میں امریکی وزیر تجارت ہاورڈ لٹ نک اور امریکی تجارتی نمائندے جیمیسن گریر سے ملاقات کی، جہاں دونوں ممالک کے درمیان طویل عرصے سے زیر غور تجارتی اور ٹیرف معاہدے پر بات چیت ہوئی۔

    بلوچستان میں غیرت کے نام پر قتل ، مزید دو ملزمان گرفتار،مقدمہ درج

    محمد اورنگزیب نے ان مذاکرات کو ’انتہائی تعمیری‘ قرار دیا اور اس بات پر زور دیا کہ دوطرفہ تعلقات کو صرف تجارت سے آگے بڑھنا چاہی ’امریکا-پاکستان تعلقات کو اگلی سطح تک لے جانے کے لیے سرمایہ کاری بنیادی حیثیت رکھتی ہے اور ہم سمجھتے ہیں کہ معدنیات، مصنوعی ذہانت (اے آئی) اور کرپٹو جیسے شعبے حقیقی تبدیلی لا سکتے ہیں