Tag: پاکستان

اسلام آباد:کشمیریوں پر مظالم کے خاتمے کے لئے عالمی برادری فوری اقدامات کرے:اطلاعات کے مطابق ترجمان دفترخارجہ نے کہا ہے کہ عالمی برادری غیر قانونی مقبوضہ علاقوں میں محاصرہ شدہ کشمیریوں کے قتل عام اور ان پرمظالم کے خاتمے کے لئے فوری اقدامات کرے۔

اپنے ایک بیان میں ترجمان دفترخارجہ عاصم افتخار احمد نے کہا کہ بھارتی قابض افواج کے ہاتھوں مقبوضہ کشمیر میں 5 مزید نہتے کشمیریوں کے ماورائے عدالت قتل عام کی سخت ترین مذمت کرتے ہیں۔

انہوں نے کہا کہ قابض افواج نے ان نہتے کشمیریوں کو پلوامہ اور بڈگام میں 29 اور 30 جنوری کو شہید کیا جبکہ جنوری کے مہینہ میں جعلی گھیراؤ اور تلاشی آپریشنوں اور جعلی مقابلوں میں کم از کم 23 کشمیریوں کو شہید کیا گیا۔

ترجمان دفترخارجہ کا کہنا تھا کہ انتہا پسندانہ ہندوتواء مسلم کش نظریات کے تحت بھارتی قابض افواج مقبوضہ علاقوں میں کشمیریوں بالخصوص نوجوانوں کو نشانہ بنا رہی ہیں، عالمی برادری غیر قانونی مقبوضہ علاقوں میں محاصرہ شدہ کشمیریوں کے قتل عام اور ان پرمظالم کے خاتمے کے لئے فوری اقدامات کرے۔

عاصم افتخار احمد نے کہا کہ ہم بھارتی حکام کے مبینہ پاکستانی مزاحمت کار کے قتل کے جھوٹے دعووں کو مسترد کرتے ہوئے ان کی مذمت کرتے ہیں، بھارتی قابض افواج نہتے کشمیریوں کو مبینہ عسکریت پسند قرار دے کر مالی انعامات اور بہادری کے تمغوں کے لیے شہید کرنے میں بدنام ہیں۔

ترجمان دفترخارجہ عاصم افتخار احمد کا مزید کہنا تھا کہ پاکستان کشمیری عوام کے جذبے کو سلام پیش کرتا ہے، یہ عوام اقوام متحدہ سلامتی کونسل قراردادوں کے تحت اپنے قانونی و جائز حق استصواب رائے کے حصول کے لیے منصفانہ و جائز جدوجہد کر رہے ہیں۔

مری:حکومت کرپشن روکنے اورکرپٹ لوگوں کوسزائے دینے میں ناکام رہی ،اطلاعات کے مطابق ن لیگ کے سینئر رہنما اور سابق وزیراعظم شاہد خاقان عباسی نے کہا ہے کہ حکومت کرپشن روکنے اور کرپٹ لوگوں کو سزائیں دینے میں ناکام رہی ، ان کا کہنا تھا کہ اسی وجہ سے کوئی بھی کام پیسوں کے بغیر نہیں ہوتا،

مری میں پریس کانفرنس کرتے ہوئے شاہد خاقان عباسی نے کہا کہ حکومتی ناہلی کا خمیازہ مری کے عوام بھگت رہے ہیں، 3 سال میں مری کے 6 افسران تبدیل ہوئے ، پنجاب میں بیوروکریسی کی تبدیلیاں پیسوں سے کی جاتیں ہیں ، حکومت پنجاب میں کرپشن کا طوفان ہے ، کوئی کام پیسوں کے بغیر نہیں ہوتا ، مری کو بند کرنا سرا سر زیادتی ہے اور مری میں کرفیو کا سماں جان بوجھ کر پیدا کیا گیا ہے۔

سابق وزیراعظم کا مزید کہنا تھا کہ مری میں پابندی لگا کر تشہر کی گئی اور سیاحوں میں خوف پیدا کیا گیا، چند افراد کی سزا اہلیان مری کو دی جا رہی ہے، مری کے لوگوں نے ہی برف باری میں ریسکیو آپریشن کیا، اصل حقائق اور چند افراد کی کرپشن چھپانے کے لیے تمام فیصلے جلد بازی میں کئے جا رہے ہیں ،حکومت پہلے مری کو تحصیل کی سہولیات تو ضلعی کی بات بعد میں کرے۔

شاہد خاقان عباسی نے کہا کہ 8 ہزار گاڑیوں کی گرہ لگانا حکومتی نا اہلی کا منہ بولتا ثبوت ہے، مری کو مکمل طور پر کھولا جائے ، حکومت خود اس کے کھلنے کی تشہیر کرے کیونکہ یہ بین الاقوامی سیاحتی ہل سٹیشن ہے ۔

کراچی: 23-مارچ یوم پاکستان کے دن ہم اسلام آباد میں احتجاج کرنے لیے جمع ہورہےہیں: پاکستان ڈیمو کریٹک موومنٹ (پی ڈی ایم ) اور جمعیت علمائے اسلام (ف) کے سربراہ مولانا فضل الرحمان نے کہا ہے کہ مہنگائی مارچ کی تیاریاں جاری ہیں ، 23 مارچ کو اسلام آباد پہنچیں گے، حکومت نے اسٹیٹ بینک سے متعلق بل پر مشاورت کی نہ ہی سینیٹ ارکان کو پہلے سے آگاہ کیا گیا، صدارتی نظام آمرانہ طرز حکومت ہے اس لئے قوم کو تجربات سے نہ گزارا جائے۔

کراچی میں نیوز کانفرنس کرتے ہوئے پی ڈی ایم کے سربراہ مولانا فضل الرحمان نے کہا کہ متنازع بل کو پہلے اسٹیئرنگ کمیٹی میں بھیجا جاتا ہے، اپوزیشن کو کبھی ٹارگٹ نہیں بنائیں گے، ہمارا ایک ہی ٹارگٹ ہے اور لانگ مارچ آگے پیچھے نہیں ہوگا، لانگ مارچ 23 کو ہی ہوگا، قوم اسلام آباد کی طرف روانہ ہوگی۔

مولانا فضل الرحمان نے مزید کہا کہ اجلاسوں میں حکومتی اراکین کو بلایا نہیں جاتا ہے، کسی بھی بل سے متعلق اراکین کو پہلے بتایا جاتا ہے، اسٹیٹ بینک بل پرمشاورت نہیں کی گئی۔

سربراہ پی ڈی ایم نے کہا کہ صدارتی طرز حکومت آمروں کا طرز حکومت ہے ، جب ملک میں آئین پاکستان ہے تو صدارتی طرز حکومت ٹھیک نہیں ، قوم کو تجربات سے نہ گزارا جائے ، ملک ٹوٹا بھی صدارتی طرز حکومت سے ہے۔

ان کا کہنا تھا کہ ہم نے خود کشمیر کو بھارت کے حوالے کیا ، عالمی دنیا اس معاملے پر کچھ کرے ، کشمیری حکومت پاکستان سے توقع نہ کرے ، جے یو آئی کی جانب سے 5 فروری کو کشمیریوں سے اظہار یک جہتی منایا جائے گا۔

لاہور:2 فروری کی شام:جی سی یونیورسٹی میں”کھرا سچ”کی سچائی پرشاندارپروگرام:آرہےہیں مبشرلقمان ,اطلاعات کے مطابق پاکستان کی بڑی اور ممتازیونیورسٹی جسے جی سی یونیورسٹی کےنام سے پاکستان سمیت دنیا بھر کے بڑے بڑے نام جانتے ہیں ، اس ہفتے یعنی فروری کی 2 تاریخ کو ایک بہت بڑے ایونٹ کا مرکز بننے جارہی ہے

اس حوالے سے جی سی یونیورسٹی کی طرف سے ایک بہت بڑی  تقریب کا اہتمام کیا گیا ہے جس میں بک کلب کی طرف سے "میٹ دی آتھر”کے سیشن کا اہتمام کیا گیا ہے جس کے مہمان خصوصی سینئرصحافی مبشرلقمان ہیں

باغی ٹی وی ذرائع کےمطابق جی سی یونیورسٹی کے بخاری آڈیٹوریم میں 2 فروری کی شام ساڑھے تین بجے سے لیکر شام ساڑھے پانچ بجے تک یہ سیش چلے گا جس میں پاکستان کی بڑی بڑی نامورشخصیات بھی شرکت فرما رہی ہیں

ذرائع کے مطابق اس سیشن میں جہاں مبشرلقمان کھرا سچ کےحوالے سے گفتگو فرمائیں گے وہاں وائس چانسلر جی سی یونیورسٹی ڈاکٹر اصغر زیدی بھی گفتگو فرمائی گے

2 فروری کی شام اس اہم پروگرام   ڈاکٹراحتشام علی جو کہ بک کلب جی سی یونیورسٹی لاہور کے ایڈوائزر ہیں وہ بھی حصہ لے رہے ہیں ، ان کے ساتھ ساتھ ڈاکٹرکنیتا شاہ بھی اس اہم تقریب سے خطاب فرمائیں گی جو کہ جی سی یونیورسٹی نمز کی ایڈوائرز ہیں

ادھر ذرائع کا کہنا ہے کہ اس تقریب کے انعقاد میں بک کلب اور نذیراحمد میوزک سوسائٹی کی کنٹری بیوشن ہے اور یہ بھی امکان ہے کہ اس موقع پرتقریب کو ذائقہ دار بنانے کےلیے میوزک کی پھلجھڑیاں بھی پیش کی جائیں

فیصل آباد:مُلک بچانے والوں اور ملک لوٹنے والوں میں فرق کریں:وزیراعظم عمران خان سفیراسلام ہیں،اطلاعات کے مطابق وفاقی وزیر مملکت برائے اطلاعات و نشریات فرخ حبیب نے کہا ہے کہ شریف خاندان چاہتا ہے لوٹ مار کریں اور کوئی پوچھنے والا نہ ہو، جب حساب مانگا جائے تو یہ اداروں پر حملہ آور ہوجاتے ہیں۔

فرخ حبیب کہتےہیں کہ قوم جان چکی ہے کہ ملک کو کن خاندانوں نے لوٹا اور مُلک کو بچا کون رہا ہے، ان کا کہنا تھا کہ بڑی حیرانی ہوتی ہے کہ سب ن لیگیوں کو نوازشریف اور شہبازشریف کی کرپشن بچانے پر لگا دیا گیا ہے اور ایسے ہی پی رہنماوں کی کیفیت ہےکہ پوری پارٹی آصف زرداری کے دفاع میں لگی ہوئی ہے ،یہ ہے جمہوریت

فیصل آباد میں میڈیا سے گفتگو کرتے ہوئے فرخ حبیب نے کہا کہ عدلیہ کو رانا ثنا اللہ کے بیان کا نوٹس لینا چاہیے، کیا ایسے ماحول میں عدالتیں آزادانہ کام کرسکتی ہیں۔

قبل ازیں انہوں نے کہا کہ وزیراعظم عمران خان کے اسلاموفوبیا کیخلاف آواز اٹھانے کے اثرات آنا شروع ہوگئے، کینیڈین وزیراعظم جسٹن ٹروڈو نے بھی اس کی مذمت کی ہے، روسی صدرپیوٹن بھی اسلاموفوبیا کو آزادی اظہار رائے کہنا غلط قرار دے چکے ہیں جبکہ کینیڈین وزیراعظم نے اسلاموفوبیا کے سدباب کیلئے خصوصی نمائندہ مقرر کرنے کا فیصلہ کیا ہے۔

اس سے قبل وزیراعظم عمران خان نے اسلامو فوبیا کے خلاف کینیڈین ہم منصب کے بیان کا خیرمقدم کیا ۔

وزیراعظم نے ٹویٹر پیغام میں کہا کہ جسٹن ٹروڈو کے اسلاموفوبیا پرمذمتی بیان کاخیرمقدم کرتا ہوں ، کینیڈین وزیراعظم کا اسلامو فوبیا سے نمٹنے کیلئے خصوصی نمائندہ مقرر کرنا خوش آئند ہے۔ انہوں نے کہا کہ اسلاموفوبیا کےخاتمے کیلئے مشترکہ کوششوں کو تیز کرنا ہو گا، جسٹن ٹروڈو کا بروقت اقدام اس مطالبے کی حمایت ہے جو میں دہراتا رہا ہوں۔

کوئٹہ :کوئٹہ گلیڈی ایٹرز: شاہد آفریدی آوٹ: متبادل کھلاڑی اسکواڈ میں شامل کرنےکی تیاریاں‌ ،اطلاعات کے مطابق پاکستان سپر لیگ (پی ایس ایل) کے7 ویں ایڈیشن کے لیےکوئٹہ گلیڈی ایٹرز نے شاہد آفریدی کے متبادل کے طور  پر حسان خان کو اسکواڈ میں شامل کرنے کی درخواست کردی ہے۔

ملاکنڈ:پی ٹی آئی سینیٹر فدا محمد خان کےصاحبزادے احتشام الحق پرمولانا فضل الرحمن کا جادوچل گیا،اطلاعات کے مطابق حکمران جماعت تحریک انصاف کو بڑادھچکہ، پی ٹی آئی کے سینیٹر فدا محمد خان کے فرزند مولانا فضل الرحمن کو پیارے ہوگئے، انجنیئر احتشام الحق نے جے یو آئی میں با ضابطہ شمولیت کااعلان کردیا ہے۔

ملاکنڈ سے تعلق رکھنے والے پی ٹی آئی کے سینیٹرفدامحمد خان کے فرزند انجنیئراحتشام الحق اپنے سینکڑوں ساتھیوں و خاندان سمیت حکمران جماعت سے مستعفی ہو کر جمیعت علما اسلام میں باضابطہ طور پر شامل ہوگئے ہیں۔

اس سلسلے میں ایک پروقار تقریب منعقد ہوئی جس میں جے یوآئی کے صوبائی امیر سینیٹرمولاناعطاالرحمٰن نے شمولیت اختیارکرنے والوں کو ٹوپیاں پہنائیں ۔

سینیٹرمولانا عطا الرحمن کا کہنا ہے کہ جے یو آئی حادثاتی طور پر بننے والی جماعت نہیں بلکہ ایک با اثرتحریک ہے ، بلدیاتی الیکشن میں عوام نے ثابت کیا کہ پی ٹی آئی عوامی مقبولیت کھوچکی ہے، عوام نے بلدیاتی الیکشن میں پی ٹی آئی کی جڑیں کاٹ دیں۔ 27 مارچ کو صوبہ بھر سے حکمران جماعت کاصفایا ہوگا۔

مولانا عطا الرحمٰن کا مزید کہنا تھا کہ پی ٹی آئی کو لانے والے آج شرمندہ ہیں، یہ لوگ نہ گھر چلاسکتے ہیں اور نہ ملک ، حکومت نے صرف ایک کام کرکے نوجوانوں کو بے راہ کیا۔

سینیٹرمولاناعطا الرحمٰن کا یہ بھی کہنا تھا کہ حکومت اقرار کرے کہ ہم ملک چلانے کے اہل نہیں ، جمیعت علما اسلام آج بھی اپنے بیانیہ پرکھڑی ہے۔