Baaghi TV

Tag: پاکستان

  • دنیا بھرمیں کوویڈکیسز کی تعداد 40 کروڑ 84 لاکھ سے تجاوز کرگئی:بھارت اوربرطانیہ نئی مصیبت میں پھنس گئے

    دنیا بھرمیں کوویڈکیسز کی تعداد 40 کروڑ 84 لاکھ سے تجاوز کرگئی:بھارت اوربرطانیہ نئی مصیبت میں پھنس گئے

    لاہور: دنیا بھر میں کوویڈ کیسز کی تعداد 40 کروڑ 84 لاکھ سے تجاوز کر گئی:بھارت اوربرطانیہ نئی مصیبت میں پھنس گئے،اطلاعات کے مطابق دنیا بھر میں نوول کرونا وائرس کے مصدقہ کیسز کی تعداد 40 کروڑ 84 لاکھ 42 ہزار 142 ہو گئی ہے۔جانز ہوپکنز یونیورسٹی کے مرکز برائے سسٹمز سائنس و انجینئرنگ کی جانب سے ہفتہ کے روز صبح 10 بجے(پاکستانی وقت)پر جاری کردہ اعدادوشمار کے مطابق امریکہ 7 کروڑ 76 لاکھ 52 ہزار 197 مصدقہ کیسز کے ساتھ شدید متاثرہ ممالک میں سرفہرست ہے۔

    بھارت 4 کروڑ 25 لاکھ 86 ہزار 544 مصدقہ کیسز کے ساتھ دوسرا جبکہ برازیل 2 کروڑ 72 لاکھ 99 ہزار 336 مصدقہ کیسز کے ساتھ تیسرا شدید متاثرہ ملک ہے۔فرانس 2 کروڑ 16 لاکھ 46 ہزار 561 مصدقہ کیسز کے ساتھ چوتھے ، برطانیہ 1 کروڑ 83 لاکھ 46 ہزار 553 مصدقہ کیسز کے ساتھ پانچویں اور روس 1 کروڑ 35 لاکھ 26 ہزار 183 مصدقہ کیسز کے ساتھ چھٹے نمبر پر موجود ہے۔ترکی 1 کروڑ 27 لاکھ 48 ہزار 341 مصدقہ کیسز کے ساتھ ساتواں ، جرمنی 1 کروڑ 22 لاکھ 74 ہزار 653 مصدقہ کیسز کے ساتھ آٹھواں جبکہ اٹلی 1 کروڑ 19 لاکھ 91 ہزار 109 مصدقہ کیسز کے ساتھ نواں شدید متاثرہ ملک ہے۔

    بھارت میں گزشتہ 24 گھنٹوں کے دوران کوروناوائرس کے 50ہزار407 نئے کیسز سامنے آئے ہیں جس کے بعد متاثرہ افراد کی مجموعی تعداد بڑھ کر 42586544 ہوگئی ہے۔ بھارت میں گزشتہ 24 گھنٹوں کے دوران کوروناوائرس کی وبا سے804افراد ہلاک ہوئے جس کے بعد ملک بھرمیں کورونا سے مرنے والوں کی تعداد 507981 تک پہنچ گئی ہے۔ وزارت صحت کی جانب سے جاری کردہ تازہ ترین اعداد و شمار کے مطابق ملک میں کوویڈ کے فعال کیسز کی تعداد 610443 ہے۔ملک بھر میں اب تک کل 41468120افراد کورونا وائرس سے صحت یاب ہوچکے ہیں جنہیں ہسپتالوں سے فارغ کیا گیا ہے۔

    ادھر برطانیہ میں لاسا بخار کے 3کیسز اور 1شخص کے ہلاک ہونے کی تصدیق ہوگئی ہے۔چینی خبر رساں ادارے کے مطابق برطانیہ میں ہیلتھ سکیورٹی ایجنسی کی چیف میڈیکل ایڈوائزر ڈاکٹر سوزن ہاپکنز نے میڈ یا کو بتایا کہ لاسا بخار میں مبتلا تینوں مریض افریقا کا سفر کرکے برطانیہ پہنچے تھے۔انہوں نے بتایا کہ ایک دہائی سے زیادہ عرصے کے دوران برطانیہ میں لاسابیماری کا یہ پہلا کیس ہے اس سے پہلے 1980سے لے کر اب تک لاسا بخار کے 8 بیرون ملک سفر سے آئے ہوئے افراد کے کیسز سامنے آئے تھے، آخری دو کیسز 2009میں سامنے آئے تھے۔ انہوں نے بتایا کہ برطانیہ میں لاسا بخارکے کیسز بہت کم ہیں اور یہ لوگوں کے درمیان آسانی سے نہیں پھیلتا جس کی وجہ سے شہریوں کوخطرہ بہت کم ہے۔

  • بھارتی عدالت نے 8 کشمیریوں کے وارنٹ گرفتاری جاری کر دیے:ظلم کا سلسلہ جاری

    بھارتی عدالت نے 8 کشمیریوں کے وارنٹ گرفتاری جاری کر دیے:ظلم کا سلسلہ جاری

    نئی دہلی:بھارت کی ایک عدالت نے بھارت کے غیر قانونی طور پر مقبوضہ جموں و کشمیر میں منی لانڈرنگ کے جھوٹے الزامات میں 8 کشمیریوں کے خلاف گرفتاری کے وارنٹ جاری کیے ہیں
    ایڈیشنل سیشن جج پروین سنگھ نے بھارتی تحقیقاتی ادارے انفورسمنٹ ڈائریکٹوریٹ (ای ڈی) کی طرف سے پیش کردہ ایک درخواست پر غلام نبی خان، عمر فاروق شیرا، منظور احمد ڈار، ظفر حسین بٹ، نذیر احمد ڈار، عبدالمجید صوفی، مبارک شاہ اور محمد یوسف کے خلاف ناقابل ضمانت وارنٹ جاری کئے۔۔ عدالت اس معاملے کی مزید سماعت 30 مارچ کو کرے گی۔

    یاد رہے کہ صرف جنوری 2022 ء میں 22 کشمیری نوجوانوں کو جعلی مقابلوں میں شہید اور 17 کو بدترین تشدد کے ذریعے زخمی کر دیا گیا اور اگر 5 اگست 2019 ء سے لے کر 31 دسمبر 2021 ء تک کی تفصیلات پر نظر ڈالی جائے تو اس عرصہ میں شہید کیے گئے کشمیریوں کی تعداد 681 بنتی ہے۔ ان میں 13 کشمیری خواتین بھی شامل ہیں جبکہ119 کشمیری نوجوان ناجائز قابض بھارتی فوج کے عقوبت خانوں میں تشدد کی تاب نہ لاتے ہوئے جان کی بازی ہار گئے۔ گھروں میںآئے روز کی جانے والی تلاشیوں کے دوران خواتین سے دست درازی سے مشتعل ہو کر بھارتی فوجیوں سے اُلجھنے والے 55 کشمیری موقع پر اپنے ہی گھر میں ماں باپ و بہن بھائیوں کے سامنے گولیوں کا نشانہ بنائے گئے ۔

    اسی طرح کی تلاشیوں کے دوران 17 خواتین کو عصمت دری کا نشانہ بھی بنایا گیا۔ بھارتی فوج پر پتھر برسانے کے جرم میں کمسن بچوں کو گرفتار کیا گیا۔ لمینگی کی انتہا یہ ہے کہ گرفتار کیے گئے بچوں کی رہائی کیلئے کشمیریوں سے بھاری رشوتیں وصول کرنے کے علاوہ بچوں سے قریبی رشتہ رکھنے والی خواتین کی آبرو ریزی تک کی گئی۔ ان واقعات کو منظر عام پر لانے کے جرم میں 2 کشمیری صحافی شہید کردیئے گئے۔

    ظلم کی انتہا یہ ہے کہ ابھی بھی 8 ہزار کشمیری بغیر مقدمات کے جیلوں میں بند ہیں۔ بیشتر بڑے تعلیمی ادارے بھارتی فوج نے اپنے تصرف میں لے رکھے ہیں جس سے وہاں تعلیم حاصل کرنے والے طالب علموں کا مستقبل تاریک ہو چکاہے۔ کشمیریوں کو معاشی طور پر تباہ کرنے کیلئے ان کے کھیتوں و باغات میں فوج کے کیمپ لگا کر مالکان کا وہاں داخلہ ممنوع قرار دیا جا چکا ہے ۔ سیبوں کے درختوں کو کاٹا جا رہا ہے کشمیری خاندان ان کٹے ہوئے درختوں سے لپٹ کر کس طرح دھاڑیں مار کر رو رہے ہیں

  • مودی سرکارمقبوضہ جموں وکشمیر اور اترپردیش میں گرفتار صحافیوں کی رہا کرے:ششی تھرور

    مودی سرکارمقبوضہ جموں وکشمیر اور اترپردیش میں گرفتار صحافیوں کی رہا کرے:ششی تھرور

    نئی دہلی:مودی سرکارمقبوضہ جموں وکشمیر اور اترپردیش میں گرفتار صحافیوں کی رہا کرے:اطلاعات کے مطابق انڈین نیشنل کانگریس کے رہنما اور رکن پارلیمنٹ ششی تھرور نے بھارتی وزیر داخلہ پر زور دیا ہے کہ وہ کشمیری صحافیوں فہد شاہ، سجاد گل اور بھارتی مصنف صدیق کپن کی فوری اور غیر مشروط رہائی کے لیے کردار ادا کریں جنہیں مختلف الزامات کے تحت گرفتار کیا گیا ہے۔

    کشمیر میڈیا سروس کے مطابق تھرور نے بھارتی پارلیمنٹ کے ایوان زیریںلوک سبھا میں زیرو آور کے دوران مسئلہ اٹھاتے ہوئے کہا کہ فہد شاہ اور سجاد گل کو مقبوضہ جموں و کشمیر میں غداری کے الزام میں کالے قانون پبلک سیفٹی ایکٹ کے تحت گرفتار کیا گیا ہے جبکہ صدیق کپن اتر پردیش میں غیر قانونی سرگرمیوں کی روک تھام سے متعلق کالے قانون یو اے پی اے کے تحت طویل عرصے سے حراست میں ہیں۔

    انہوں نے کہا کہ کشمیر، اتر پردیش یا بھارت میں کہیں بھی صحافی محفوظ طریقے سے اور گرفتاری کے خوف کے بغیر اپنا کام کرنے کا حق رکھتے ہیں۔ انہوں نے بھارتی وزیر داخلہ پر زور دیا کہ وہ بھارت میں آزادی صحافت کے تحفظ کے مفاد میں فہد شاہ، سجاد گل اور صدیق کپن کی فوری اور غیر مشروط رہائی میں سہولت فراہم کریں۔

    یاد رہے کہ بھارت کے غیر قانونی زیر قبضہ جموں وکشمیر میں پیپلز ڈیموکریٹک پارٹی (پی ڈی پی) کی صدر محبوبہ مفتی نے کہا ہے کہ بھارت میں مجرم آزادانہ گھوم رہے ہیں جب کہ سچائی کیلئے کھڑے ہونے والے جیلوں میں بند ہیں۔

    کشمیر میڈیاسروس کے مطابق محبوبہ مفتی کا یہ تبصرہ بھارت میں بی جے پی کے مرکزی وزیر کے بیٹے کو عدالت سے ضمانت ملنے کے پس منظر میں آیا ہے۔ الہ آباد ہائیکورٹ نے مرکزی وزیر اجے مشرا ٹینی کے بیٹے آشیش مشرا کو ضمانت دے دی ہے جسے گزشتہ برس 3اکتوبر کو پیش آنے والے لکھیم پور کھیری واقعے کے سلسلے میں گرفتار کیا گیا تھا جس میں چار کسانوں سمیت آٹھ افراد مارے گئے تھے۔

    محبوبہ مفتی نے ایک ٹویٹ میں لکھا” عمر خالد ، فہد شاہ ، وحید پرہ اور صدیق کپن الزامات کے تحت جیل میں بند ہیں لیکن ایک وزیر کا بیٹا فری ہو گیا، بھارت میں مجرم آزادنہ گھومتے ہیں اور سچ بولنے والوںکو چیل بھیج دیا جاتا ہے۔“

  • مودی سرکارکشمیری مسلمانوں کی نسل کشی کی منصوبہ بندی کےخطرناک منصوبے پرکام کررہی ہے:عالمی ادارہ

    مودی سرکارکشمیری مسلمانوں کی نسل کشی کی منصوبہ بندی کےخطرناک منصوبے پرکام کررہی ہے:عالمی ادارہ

    سری نگر:مودی سرکارکشمیری مسلمانوں کی نسل کشی کی منصوبہ بندی کےخطرناک منصوبے پرکام کررہی ہے:اطلاعات کے مطابق نریندر مودی کی زیر قیادت فسطائی بھارتی حکومت مقبوضہ جموں و کشمیر میں مسلمانوں کی نسل کشی کی منصوبہ بندی کر رہی ہے اور اس کے 5 اگست 2019 کے غیر قانونی اقدام کے بعد اس قتل عام کے خدشات کئی گنا بڑھ گئے ہیں۔

    کشمیر میڈیا سروس کی طرف سے آج جاری کی گئی ایک رپورٹ میں کہا گیا ہے کہ بھارت نے مقبوضہ جموںوکشمیرکو دنیا کے سب سے بڑے فوجی جماﺅ والے خطے میں تبدیل کر دیا ہے جہاں بھارتی فوجی انسانیت کے خلاف جرائم میں ملوث ہیں۔ رپورٹ میں کہا گیا ہے کہ قابض بھارتی فوجی کالے قوانین کی آڑ میں روز بے گناہ کشمیریوں کو بے دردی سے قتل کر رہے ہیں۔

    رپورٹ میں کہا گیا ہے کہ مودی مسلمانوں کا قاتل ہے اور وہ بھارتی ریاست گجرات میں مسلمانوں کا قتل عام کر چکا ہے۔بین الاقوامی ماہرین نے بھی مقبوضہ علاقے میں نسل کشی کے آنے والے خطرے سے خبردار کیا ہے۔

    امریکہ میں قائم Watch Genocideنے بھارت کے غیر قانونی زیر قبضہ جموں وکشمیراور بھارتی ریاست آسام کے لیے الرٹ جاری کیا ہے۔ جینوسائیڈ واچ کے بانی Gregory Stanton نے کہا ہے کہ مقبوضہ جموںوکشمیر اور آسام میں مسلمانوں پر ظلم و ستم ان کے قتل عام کا پیش خیمہ ہے۔

    رپورٹ میں کہا گیا ہے کہ پاکستان نے بھی خبردار کیا ہے کہ مقبوضہ جموں و کشمیر میں نسل کشی کا خطرہ بڑھ رہا ہے۔ کے ایم ایس رپورٹ میں کہا گیا ہے کہ عالمی برادری بالخصوص اقوام متحدہ کو کشمیریوں کے بے رحمانہ قتل پر مجرمانہ خاموشی ترک کرنی چاہیے اور انہیں بھارتی مظالم سے بچانے کے لیے فوری کارروائی کرنی چاہیے۔

  • ٹیکنالوجی نہ صرف پاکستان بلکہ چین کے لیے بھی انتہائی اہم ہے،فواد چوہدری

    ٹیکنالوجی نہ صرف پاکستان بلکہ چین کے لیے بھی انتہائی اہم ہے،فواد چوہدری

    اسلام آباد: وفاقی وزیر اطلاعات فواد چودھری نے کہا ہے کہ ٹیکنالوجی نہ صرف پاکستان بلکہ چین کے لیے بھی انتہائی اہم ہے،ہم چاہتے ہیں چین کی ٹیکنالوجی کمپنیاں پاکستان آئیں-

    باغی ٹی وی : وفاقی وزیر اطلاعات فواد چودھری نے چائنہ اکنامک نیٹ کو دیئے گئے انٹرویو میں کہا کہ پاکستان چین کی مدد سے سیمی کنڈیکٹرز زون قائم کرنا چاہتا ہے اور دورہ چین پر سیمی کنڈیکٹرز انڈسٹری کی پاکستان منتقلی پر گفتگو ہوئی ٹیکنالوجی نہ صرف پاکستان بلکہ چین کے لیے بھی انتہائی اہم ہے۔

    بیجنگ اولمپکس:تقریب میں وزیراعظم عمران خان کی شرکت چین کےلیےاعزازہے:چین…

    وفاقی وزیر اطلاعات نے کہا کہ ہم چاہتے ہیں چین کی ٹیکنالوجی کمپنیاں پاکستان آئیں اور پاکستان کو سیمی کنڈیکٹرز مینوفیکچرنگ کا مرکز بنائیں۔ پاکستان میں سیمی کنڈیکٹر ڈیزائننگ کا آغاز کرنا چاہتے ہیں اور چینی سرمایہ کار پاکستان کے ساتھ کام کرنے میں بہت دلچسپی لے رہے ہیں۔

    انہوں نے کہا کہ ٹیکنالوجی زون کو سیمی کنڈیکٹرز زون میں بدل دیا جائے گا، سائنس و ٹیکنالوجی کا بڑا شعبہ ہے جس میں دونوں ممالک تعاون کر سکتے ہیں جبکہ موبائل فونز اب پاکستان میں بھی تیار ہو رہے ہیں تاہم پاکستان میں موبائل فونز کی مکمل مینوفیکچرنگ شروع کرنا چاہتے ہیں۔

    وفاقی وزیر اطلاعات نے کہا کہ شعبہ صحت میں آلات کے حوالے سے دوطرفہ تعاون میں اضافہ ہوا ہے اور کورونا کے ابتدائی چند ماہ میں شعبہ صحت سے متعلق ہر چیز درآمد کر رہے تھے لیکن اب پاکستان شعبہ صحت سے متعلق ایک بڑا برآمد کنندہ ملک ہے۔

    چین کےصدرسےملاقات بہت اچھی رہی:دفاعی اوراقتصادی حکمت عملی پربھرپوراتفاق بھی…

    فواد چودھری نے کہا کہ پاکستان کے پاس ہنر مند لیبر اور ایک بڑی مارکیٹ ہے، امید ہے کہ چینی ٹیک کمپنیاں ٹیکنالوجی زون میں ہماری مدد کریں گی اور وزیر اعظم کے دورہ چین کے بعد چینی ٹیکنالوجی کمپنیاں پاکستان آئیں گی۔

    قبل ازیں وفاقی وزیر اطلاعات و نشریات چوہدری فواد حسین نے کہا تھا کہ پاکستان اپنے خوبصورت شمالی علاقوں میں سرمائی کھیلوں کی ترقی اور فروغ کے لیے چینی تجربے سے سیکھنے کے لیے تیار ہے۔

    چائنہ اکنامک نیٹ کو خصوصی انٹرویو دیتے ہوئے انہوں نے کہا تھا کہ پاکستان اور چین کے درمیان اچھے اقتصادی اور سٹریٹجک تعلقات ہیں جو اب کھیلوں کے تعلقات میں تبدیل ہو رہے ہیں۔ چینی میڈیا اور ثقافت کو پاکستان میں مغربی میڈیا جتنا جانا جاتا ہے لیکن اب ہم ان شعبوں پر کام کر رہے ہیں وزیراعظم عمران خان نے چینیوں کو پاکستان میں موسم سرما کے کھیلوں کے مقامات اور سہولیات قائم کرنے کی دعوت دی۔ مجھے یقین ہے کہ اب پاکستان اور چین کے درمیان ثقافت، کھیل اور میڈیا سے بات چیت زیادہ ہوتی ہے۔

    ہندوستان میں اقلیتوں پر ظلم علاقائی امن و استحکام کے لیے خطرہ ہے ،وزیراعظم

    وزیر اطلاعات نے اظہار خیال کرتے ہوئے کہا کہ چینیوں نے جس طرح روشنیوں کے ساتھ کھیلا وہ دلفریب تھا، اور مزید کہا کہ اسٹیڈیم اور لائٹس سائنس اور آرٹ کا امتزاج ہیں اور چینیوں نے روشنیوں کے ساتھ خوبصورت اثرات مرتب کیے ہیں جن سے دنیا کو سیکھنا چاہیے پاکستان کا شمالی علاقہ جسامت کے لحاظ سے سوئٹزرلینڈ سے دوگنا ہے اور دنیا کی بلند ترین چوٹیاں ہیں جو موسم سرما کے کھیلوں کے لیے موزوں ہیں، لیکن ہمارے سرمائی کھیلوں کا کوئی خاص نام نہیں ہے۔ مجھے امید ہے کہ چین موسم سرما کے کھیلوں کے لیے ایک فریم ورک ترتیب دے کر ہماری مدد کرے گا۔ اس خطے میں اور ہم موسم سرما کے کھیلوں کے لیے ٹاپ ایتھلیٹس تیار کرنے کے قابل ہو جائیں گے-

    وزیرخارجہ کا بیجنگ میں پاکستانی طلباء اور پروفیشنلز کی سہولت کیلئے بنائے گئے پورٹل…

    واضح رہے کہ گلگت بلتستان کے ایک گاؤں نلتر سے تعلق رکھنے والے پاکستانی کھلاڑی محمد کریم بیجنگ سرمائی اولمپکس میں شرکت کرنے والے واحد سکئیر ہیں اور وہ واحد پاکستانی سکئیر بھی ہیں جنہوں نے سوچی، روس اور پیونگ چانگ، جنوبی کوریا میں ہونے والے دو سرمائی اولمپکس میں شرکت کی ہے وزیراعلیٰ گلگت بلتستان (جی بی) جی بی میں موسم سرما کے کھیلوں کی سہولیات کے قیام کے لیے بہت خواہشمند ہیں تاکہ شمالی علاقوں کو پاکستان میں سرمائی کھیلوں کا مرکز بنایا جا سکے اور چین ان سکی اور سرمائی کھیلوں کی سہولیات کے قیام میں ہماری مدد کر سکتا ہے”۔ وزیر اطلاعات نے ذکر کیا۔

    پاکستان کے کھلاڑیوں کا وفد 2 فروری کو بیجنگ پہنچا اور محمد کریم 16 فروری کو چائنا نیشنل الپائن سکینگ سینٹر میں ینگنگ ڈسٹرکٹ میں ڈھلوان پر جائیں گے۔

    وزیراعظم عمران خان اور چینی صدر شی جن پنگ کے درمیان کیا ہوئیں راز کی باتیں؟اعلامیہ…

  • کورونا وبا: مزید 44 افراد جاں بحق،3 ہزار 19 کیسز رپورٹ

    کورونا وبا: مزید 44 افراد جاں بحق،3 ہزار 19 کیسز رپورٹ

    پاکستان میں عالمی وبا کورونا وائرس سے مزید44 افراد جاں بحق ہو گئے-

    باغی ٹی وی : نیشنل کمانڈ اینڈ آپریشن سینٹر (این سی او سی) کے مطابق گزشتہ 24 گھنٹوں کے دوران ملک بھر میں 56 ہزار 260 کورونا ٹیسٹ کیے گئے مزید 3 ہزار 19کورونا کیسز رپورٹ ہوئے۔

    فرانس نے پاکستان کو ریڈ لسٹ والے ممالک سے نکال دیا

    این سی او سی کے مطابق گزشتہ چوبیس گھنٹوں میں ملک بھر میں کورونا کیسز کی مجموعی تعداد 14 لاکھ 80 ہزار 592 جبکہ اموات کی مجموعی تعداد 29 ہزار 731 ہو گئی ہے اور مثبت کیسز کی شرح 5.36 فیصد پر پہنچ گئی۔

    پاکستان میں کورونا سے مزید 47 افراد جاں بحق

    سندھ میں کورونا کے کیسز کی تعداد 5 لاکھ 56 ہزار 772، خیبر پختونخوا میں 2 لاکھ 8 ہزار817، پنجاب میں 4 لاکھ 94 ہزار 238، اسلام آباد میں ایک لاکھ 32 ہزار 892، بلوچستان میں 35 ہزار 17، آزاد کشمیر میں 41 ہزار 740 اور گلگت بلتستان میں 11 ہزار 116 ہو گئی ہے۔

    ایف آئی اے کا جعلی کرونا ٹیسٹ رپورٹ دینے والی لیبارٹریوں کے خلاف کریک ڈاؤن

    کورونا کے سبب سب سے زیادہ اموات پنجاب میں ہوئی ہیں جہاں 13 ہزار 335 افراد جان کی بازی ہار چکے ہیں جبکہ سندھ میں 7 ہزار 971، خیبر پختونخوا 6 ہزار 103، اسلام آباد 996، گلگت بلتستان 189، بلوچستان میں 371 اور آزاد کشمیر میں 766 افراد جان کی بازی ہار چکے ہیں۔

  • گورنر اسٹیٹ بینک رضا باقر کی تنخواہ کتنی ہے؟ کون کونسی مراعات لے رہے ہیں؟بڑے حیران کن انکشافات آگئے

    گورنر اسٹیٹ بینک رضا باقر کی تنخواہ کتنی ہے؟ کون کونسی مراعات لے رہے ہیں؟بڑے حیران کن انکشافات آگئے

    اسلام آباد :گورنر اسٹیٹ بینک رضا باقر کی تنخواہ کتنی ہے؟ کون کونسی مراعات لے رہے ہیں؟بڑے حیران کن انکشافات آگئے،اطلاعات کے مطابق گورنر اسٹیٹ بینک رضا باقر کی ماہانہ تنخواہ کتنی ہےاور انہیں کون کونسی سہولیات اور مراعات ملتی ہیں؟ تفصیلات سامنے آگئی ہیں۔

    مسلم لیگ (ن) کے سینٹرعرفان صدیقی نے ایوان بالا میں گورنر اسٹیٹ بینک کو ملنے والی تنخواہ کی تفصیلات پر سوال کیا تھا، اور پوچھا تھا کہ گورنر اسٹیٹ بینک رضا باقر آئی ایم ایف میں کتنے عرصہ کیلئے ملازم رہے، پاکستان میں بطور گورنر اسٹیٹ بینک ملنے والی تنخواہ اور مراعات کتنی ہیں۔

    جس پر وزارت خزانہ کی جانب سے دستاویزات فراہم کی گئیں جس کے مطابق گورنر اسٹیٹ بینک رضا باقر کی تنخواہ ماہانہ 25 لاکھ روپے تنخواہ ہے جس میں سالانہ 10 فیصد اضافہ ہوتا ہے۔

    تنخواہ کے علاوہ گورنر اسٹیٹ بنک کو ملنے والی مراعات کی تفصیلات بھی سامنے آگئیں جس کے مطابق حکومت پاکستان کی جانب سے گورنر اسٹیٹ بینک کو فرنشڈ گھر یا اس کے برابر کرایہ اور مینٹیننس کی سہولیات فراہم دی جاتی ہیں۔

     

     

     

     

    وزارت خزانہ کی دستاویزات کے مطابق گورنر اسٹیٹ بنک کو دو گاڑیاں فراہم کی گئی ہیں اور انہیں 600 لیٹر پیٹرول دیا جاتا ہے جبکہ گورنر اسٹیٹ بنک کو ڈرائیور کی بھی سہولت حاصل ہے۔

    علاوہ ازیں گورنر اسٹیٹ بینک کو بجلی، گیس، پانی اور جنریٹر کے اخراجات بھی حکومت بھی ذمہ داری ہے جبکہ گورنر اسٹیٹ بینک کو مفت لینڈ لائن، موبائل فونز اور انٹرنیٹ کی سہولت حاصل ہے۔

    دستاویزات کے مطابق ان کے بچوں کی 75 فیصد فیس ادا کی جاتی ہے جبکہ گورنر اوراسکی فیملی کو مکمل علاج معالجے کی بھی سہولیات حاصل ہیں۔

    دستاویزات کے مطابق گورنر اسٹیٹ بینک 4 ملازمین رکھ سکتے ہیں اور ہر ملازم کی تنخواہ 18 ہزار روپے ماہانہ ہے، انہیں 24 گھنٹے سکیورٹی اور سکیورٹی گارڈز کی سہولت حاصل ہے۔

    وزارت خزانہ کے مطابق گورنر اسٹیٹ بنک کی گریجویٹی ایک ماہ کی تنخواہ سالانہ ہے، گورنر اسٹیٹ بینک کو ہر ماہ تین دن چھٹی کی سہولت حاصل ہے۔گورنر اسٹیٹ بینک کو کلب کی ماہانہ چارجز سمیت سہولت حاصل ہے۔

  • لاکھوں بزرگوں کا سلام اورایک پیغام :وزیراعظم عمران خان کے نام

    لاکھوں بزرگوں کا سلام اورایک پیغام :وزیراعظم عمران خان کے نام

    جناب عمران خان صاحب
    وزیرِ اعظم
    اسلامی جمہوریہ پاکستان
    وزیر اعظم ہاوس اسلام آباد

    عنوان۔ بزرگ پنشنرز کی درد مندانہ فریاد
    ۔۔۔۔۔۔۔۔۔۔

    جناب محترم وزیر اعظم صاحب!

    ہم بزرگ پنشنرز کس کو اپنی درد بھری فریاد سنائیں۔ اب تو ہم روٹی کپڑے اور ادویات سے بھی محروم ہو چکے ہیں۔ آپ کے دورِ حکومت میں ہی حاضر سروس ملازمین نے دو مرتبہ احتجاج کر کے یکم مارچ 2021 سے 25 فیصد ڈسپرائٹی الاؤنس پھر بجٹ میں 10 فیصد اضافہ اب یکم مارچ 2022 سے پھر 15 فیصد تنخواہوں میں اضافہ حاصل کیا۔ جبکہ پنشنرز کو بجٹ میں صرف 10 فیصد کا پنشن میں اضافہ دیا گیا ۔جناب وزیر اعظم صاحب کیا بزرگ پنشنرز اِس ُملک کے شہری نہیں؟ کیا بزرگ پنشنرز نے اپنی زندگی اور جوانی کا قیمتی حصہ ُملک کی خدمات میں صرف نہیں کیا؟ اب جب اِن میں دم خم نہیں رہا۔ گھروں میں بیٹیاں رخصت کی امید لگائے بیٹھی ہیں۔بچوں کی تعلیم آخری مراحل اور مہنگے ترین حصے میں ہیں بال بچوں کی روزی روٹی کے کوئ ذرائع آمدن نہیں اور ادویات اِن کی پہنچ سے دور ہو گئی ہیں۔ مہنگائ آسمان سے باتیں کر رہی ہے۔ ایسے وقت میں صرف پنشنرز کو ہی پنشن میں اضافہ سے محروم رکھنا کیا زندہ درگور کرنے کے مترادف نہیں۔

    بزرگ پنشنرز تو ویسے بھی چلتی پھرتی لاشیں ہیں۔ جن کا پنشن کے علاوہ کوئ ذریعہ آمدن نہیں۔ کیا ہم بیٹیوں کو زندہ دفن کر دیں ؟ کیا ہم بیٹے بیٹیوں کو تعلیم حاصل کرنے سے روک دیں؟ اگر کسی کا بیٹا جوان ہے بھی تو اُسے نوکری نہیں ملتی تو ہم کیا کریں۔ کیا ہم اجتماعی خود کشی کے لیے اسلام آباد ڈی چوک آ جائیں؟ ہم بزرگ پنشنرز حاضر سروس ملازمین کی طرح نہ احتجاج کر سکتے ہیں نہ ڈنڈے کھا سکتے ہیں۔ اب اس عمر میں تو صرف کفن پہن کر ڈی چوک آ کر اجتماعی خود کشی کر سکتے ہیں یا آپ سے اللہ اور رسول ؐ کا واسطہ دیکر فریاد کر سکتے ہیں۔ آپ کا نعرہ ہے ریاستِ مدینہ کا اور دو نہیں ایک پاکستان کا ۔ تو پھرریاستِ مدینہ میں اور ایک ہی پاکستان میں بزرگ پنشنرز کے ساتھ یہ ظلم زیادتی اور ناانصافی کیوں؟ پاکستان کی تاریخ میں کبھی ایسا نہیں کہ حاضر سروس ملازمین کی تنخواہ میں اضافہ ہوا ہو اور پنشنرز کو وہ نہ ملا ہو۔ آپ سے اللہ اور رسولؐ کا واسطہ دیکر اپیل ہے کہ ہماری پنشن میں مہنگائ کے تناسب سے ممکن نہیں تو ملک بھر کے پنشنرز کی پنشن میں کم از کم 50 فیصد پنشن میں اضافہ کرکے بزرگ پنشنرز کی دعائیں لیں۔ ورنہ بزرگ پنشنرز بچوں کی شادیاں نہ کر سکنے روزی روٹی نہ ملنے اور ادویات خرید نہ سکنے کی وجہ مر جائیں گے اور بروز محشر اللہ کی بارگاہ میں جواب دہ حکومت وقت بلکہ آپ اور صرف آپ ہونگے۔ یہ بزرگ پنشنرز اب آپ کے رحم و کرم پر ہیں ان کی حالتِ ناگفتہ پر رحم کھائیں۔ داد رسی کی اپیل ہے۔ یہی وقت ان بزرگ پنشنرز کی دعائیں لینے کا۔ آپ کا بہت بہت شکریہ

  • دو غیرملکی صحافی افغانستان میں غائب کردیئے گئے

    دو غیرملکی صحافی افغانستان میں غائب کردیئے گئے

    کابل : دو غیرملکی صحافی افغانستان میں غائب کردیئے گئے،اطلاعات کے مطابق اقوام متحدہ کیلئے کام کرنے والے دو غیرملکی صحافیوں کو مبینہ طور پر کابل میں حراست میں لے لیا گیا تاہم طالبان نے اس معاملے سے لاعلمی کا اظہار کیا ہے۔

    اقوام متحدہ کی ایجنسی برائے پناہ گزین (یواین ایچ سی آر ) کے مطابق یو این کے اسائنمنٹ پرکابل میں موجود دو غیرملکی صحافیوں اوران کے ساتھ کام کرنے والے دیگر افغان افراد کو بھی حراست میں لیا گیا ہے۔

     

    یواین ایچ سی آر کا کہنا ہے کہ صورتحال کو حل کرنے کی پوری کوشش کر رہے ہیں۔

    صحافی کی اہلیہ کا بیان

    ایک صحافی اینڈریو کی اہلیہ کا کہنا ہے کہ وہ کابل میں یو این ایچ سی آر کیلئے کام کر رہے تھے، صحافی اینڈریو کی حفاظت کیلئے فکر مند ہیں، فوری رہائی چاہتے ہیں۔

     

     

    طالبان کا ردعمل
    دوسری جانب طالبان ترجمان ذبیح اللہ مجاہد نے کہا ہے کہ افغان حکام معاملے کا جائزہ لے رہے ہیں اوراس بات کی تصدیق کرنے کی کوشش کر رہے ہیں کہ ان صحافیوں کو حراست میں لیا گیا ہے یا نہیں۔

  • سی این جی استعمال کرنے والے گاڑی مالکان کیلیے اہم خبر آگئی

    سی این جی استعمال کرنے والے گاڑی مالکان کیلیے اہم خبر آگئی

    کراچی: سی این جی استعمال کرنے والے گاڑی مالکان کیلیے اہم خبر آگئی ،اطلاعات کے مطابق سی این جی استعمال کرنے والے گاڑی مالکان کے لیے اچھی خبر آگئی۔

    ذرائع کے مطابق آر ایل این جی والے سی این جی اسٹیشنز 14 فروری سے دوبارہ کھل جائیں گے، تمام سی این جی اسٹیشنوں کو گیس کی فراہمی دوبارہ شروع کرنے کا فیصلہ کرلیا گیا۔ ترجمان سوئی سدرن گیس کمپنی کا کہنا ہے کہ ان اسٹیشنز کو گیس کی فراہمی 14 فروری کو صبح 8 بجے دوبارہ شروع ہوجائے گی۔

    گزشتہ ماہ سی این جی پر سیلز ٹیکس کیلئے نئی قیمتوں کا نوٹیفیکیشن جاری کیا گیا تھا جس میں ریجن ون کے لیے قیمت 134 روپے 57 پیسے اور ریجن ٹو کیلیے قیمت128 روپے گیارہ 11 پیسے مقرر کی گئی تھی۔

    فیڈرل بورڈ آف ریوینو (ایف بی آر ) نے سی این جی پر سیلز ٹیکس کیلیے نئی قیمتوں کا نوٹیفیکیشن جاری کیا تھا، نئی قیمتوں کا اطلاق یکم جنوری 2022 سے ہوا تھا۔

    نوٹیفکیشن میں کہا گیا تھا کہ ریجن ون کے لیے سی این جی کی صارف قیمت 134 روپے 57 پیسے اور ریجن ٹو کیلیے سی این جی کےصارف نئی قیمت128 روپے گیارہ 11 پیسے مقرر کی گئی تھی۔ایف بی آر کا کہنا تھا کہ ریجن ون میں خیبر پختونخواہ، بلوچستان اور پوٹھوہار جبکہ ریجن ٹو میں سندھ اور پنجاب کے دیگرعلاقے شامل ہیں۔

    یاد رہے گذشتہ سال فیڈرل بیورو آف ریونیو نے سی این بی پر سیلز ٹیکس کی قیمت میں اضافہ کردیا جس کے بعد سی این جی کی قیمتوں میں بڑے اضافے کا خدشہ پیدا ہوگیا تھا۔