Tag: پاکستان

پاکستان اور ویتنام کے وزرائے تجارت کے درمیان ملاقات ہوئی ،جس میں تجارتی تعاون بڑھانے پر اتفاق طے پاگیا۔

دونوں ملکوں کے وزرائے تجارت کے درمیان اعلیٰ سطح کی ملاقات ہوئی میں ہوئی، جس میں دونوں ممالک کے درمیان اقتصادی تعاون کو وسعت دینے کے عزم کا اظہار کیا گیا وزیر تجارت جام کمال خان نے اپنے ویتنامی ہم منصب سے دو طرفہ تجارتی شراکت داری کے فروغ پر تفصیلی گفتگو کی، جس میں مختلف شعبہ جات میں تعاون کے نئے امکانات کا جائزہ لیا گیا۔

ملاقات کے دوران فریقین نے ٹیکسٹائل، زراعت، انفارمیشن ٹیکنالوجی، توانائی اور دواسازی کے شعبوں میں باہمی تعاون پر اتفاق کیا، اس کے علاوہ ترجیحی تجار تی معاہدے (PTA) کی جانب پیش رفت پر بھی تفصیل سے تبادلہ خیال کیا گیا تاکہ تجارتی رکاوٹوں کو کم کر کے باہمی درآمدات و برآمدات کو فروغ دیا جا سکے۔

ویتنام نے پاکستانی چاول، ٹیکسٹائل مصنوعات اور چمڑے کے سامان میں گہری دلچسپی ظاہر کی جب کہ پاکستان نے ویتنام کو وسطی ایشیا اور مشرق وسطیٰ کی منڈیو ں تک رسائی کی پیشکش کی، جس سے ویتنامی برآمدات کو نئی جہت مل سکتی ہے، دونوں وزرائے تجارت نے مشترکہ منصوبوں، نجی شعبوں کے درمیان روابط اور کاروباری روابط کو فروغ دینے کی اہمیت پر زور دیا، تاکہ طویل المدتی معاشی شراکت داری کو عملی شکل دی جا سکے۔

فریقین نے اس بات پر اتفاق کیا کہ پاکستان اور ویتنام کے درمیان موجودہ تجارتی حجم کو نمایاں طور پر بڑھایا جا سکتا ہے اور اس مقصد کے لیے سرکاری و نجی سطح پر مسلسل رابطے جاری رکھے جائیں گے، ملاقات ایک خوشگوار اور تعمیری ماحول میں اختتام پذیر ہوئی، جس میں دونوں ممالک نے مستقبل میں بھی اقتصادی ا شتراک کے فروغ کے لیے مضبوط عزم کا اظہار کیا۔

سعودی ولی عہد و وزیراعظم شہزادہ محمد بن سلمان کا دورہ پاکستان جلد متوقع ہے-

خبررساں ادارے اردو نیوز کے ساتھ انٹرویو میں سعودی عرب میں پاکستان کے سفیر احمد فاروق نے کہا ہے کہ ’آپ دیکھیں گے سعودی ولی عہد کا دورہ پاکستان ہو گا، میری رائے میں یہ دورہ اسی سال ہو سکتا ہے، میں تو اسے مثبت دیکھ رہا ہوں،دونوں ممالک کے درمیان تعلقات مزید مضبوط ہوں گے۔

انہوں نے کہا کہ کوئی بھی بڑا دورہ اس وقت ہوتا ہے جب اس میں آؤٹ کم نکلے، کچھ معاہدوں پر دستخط ہوں اور کوئی بڑی پیش رفت ہو، اس حوالے سے کام جاری ہے، دونوں طرف سے تیاریاں کی جائیں گی کہ اس دورے کے نتائج کیا ہوں گے، باقی جو لاجسٹک چیزیں ہیں وہ تو 10 دن کے نوٹس پر بھی ہو جاتی ہیں۔

پاکستانی سفیر نے بتایا کہ 34 میں سے 12 معاہدے جن کی مالیت 800 ملین ڈالر ہے، ان پر مکمل عملدرآمد ہوا ہے جبکہ باقی پر کام جاری ہے آئندہ چند ماہ میں مزید پیشرفت دیکھیں گے اس میں کچھ معاہدے، آئی ٹی، تجارت، مین پاور ایکسپورٹ اور زراعت سے متعلق ہیں سعودی عرب سے ہونے والے معاہدوں کی مجموعی مالیت 2.8 ارب ڈالر تھی اور یہ نجی سیکٹر میں ہیں اس کے علاوہ حکومتی سطح پر کچھ معاملات زیرِ غور ہیں جن کے حوالے سے جلد مثبت خبر ملے گی۔

احمد فاروق نے کہا ہے کہ انڈیا کے ساتھ کشیدگی کے دوران مملکت نے مثبت کردار ادا کیا اور کشیدگی میں کمی کی کوششوں کی حمایت کی،سعودی وزیر مملکت برائے خارجہ عادل الجبیر نے پاکستان اور انڈیا کے دورے کیے، وزیرخارجہ شہزادہ فیصل بن فرحان دونوں ملکوں سے رابطے میں رہے،انڈیا کے خلاف جنگ میں ہم نے جس طاقت کا مظاہرہ کیا، سفارتی حلقوں کو اس کا اندازہ تو تھا تاہم اس کا حقیقی مظاہرہ اور فعالیت دیکھنے کے بعد پاکستان کی اہمیت بڑھی ہے۔

پاکستانی سفیر کے مطابق سعودی عرب میں مقیم پاکستانی کمیونٹی کا پاکستان کی ترقی میں اہم کردار ہے اس سال سعودی عرب سے پاکستانیوں کی ترسیلات زر میں 30 فیصد اضافہ ہوا ہے جبکہ سعودی عرب کے لیے برآمدات بھی ایک سال میں 10 فیصد بڑھی ہیں،اوورسیز پاکستانیوں کا ملکی معاشی استحکام میں انتہائی اہم کردار ہے، ترسیلات زر کے ذریعے وہ پاکستان کی معیشت کے استحکام میں مسلسل کردار ادا کر رہے ہیں-

اسلام آباد: وفاقی وزیر دخالہ محسن نقوی نے کہا ہے کہ صدر مملکت کا افواج پاکستان کی قیادت سے انتہائی مضبوط اور باعزت تعلق ہے-

محسن نقوی نے سوشل میڈیا پلیٹ فارم ”ایکس“ پر جاری پیغام میں کہا ہے کہ ہمیں بخوبی علم ہے کہ صدر مملکت آصف علی زرداری، وزیراعظم شہباز شریف اور چیف آف آرمی اسٹاف جنرل سید عاصم منیر کے خلاف گمراہ کن پروپیگنڈہ مہم کے پیچھے کون عناصر ہیں،اس مہم کا مقصد ریاستی اداروں کے درمیان بداعتما د ی پیدا کرنا اور ملک کو عدم استحکام کی طرف دھکیلنا ہے،صدر مملکت سے استعفیٰ لینے یا آرمی چیف کے صدر بننے کے کسی بھی قسم کے خیال یا تجویز پر نہ تو کوئی بات ہوئی ہے اور نہ ہی ایسا کوئی منصوبہ موجود ہے۔

وزیر داخلہ نے کہا کہ صدر مملکت کا افواج پاکستان کی قیادت سے انتہائی مضبوط اور باعزت تعلق ہے، اور خود صدر زرداری نے واضح الفاظ میں کہا ہے کہ ’مجھے بخوبی معلوم ہے یہ جھوٹ کون پھیلا رہا ہے، کیوں پھیلا رہا ہے اور کس کو اس مہم سے فائدہ پہنچ رہا ہے۔‘

جنوبی کوریا کے سابق صدر دوسری بار گرفتار

محسن نقوی نے کہا کہ کہ آرمی چیف جنرل عاصم منیر کی تمام تر توجہ پاکستان کی طاقت، سلامتی اور استحکام پر مرکوز ہے، اور وہ صرف ملکی مفاد میں سوچتے اور عمل کرتے ہیں۔

انہوں نے کہا کہ جو لوگ غیر ملکی ایجنسیوں کے ساتھ مل کر اس بیانیے کو پروان چڑھا رہے ہیں، وہ جو چاہیں کرلیں، ہم اپنا فرض نبھائیں گے، اور انشاءاللہ پاکستان کو ایک بار پھر مضبوط بنائیں گے۔

ڈھاکا میں شیڈول اے سی سی میٹنگ پر بھارت کا اعتراض

نائب وزیراعظم اور وزیر خارجہ اسحٰاق ڈار سے ترکیہ کے وزیر خارجہ حاقان فیدان نے ملاقات کی-

دوران ملاقات وزیر خارجہ اسحٰاق ڈار نے کہا ہے کہ خطے میں امن اور سلامتی کے لیے دو طرفہ تعاون کو فروغ دینا چاہتے ہیں، سیکیورٹی، دفاع اور انٹیلی جنس کی نئی کمیٹی کا اجلاس 24 جولائی کو ہوگا، دفاعی صنعت کی میٹنگ ستمبر میں ہوگی،اس دوران پاکستان نے ترکیہ کے دفاعی تجربات سے فائدہ اٹھانے میں دلچسپی ظاہر کردی۔

نائب وزیراعظم اور وزیر خارجہ اسحٰاق ڈار نے کہا کہ پاکستان اور ترکیہ کی دوستی وقت کےساتھ مضبوط ہورہی ہے، دونوں ممالک کئی علاقائی و عالمی معاملات پر یکساں مؤقف رکھتے ہیں، ترکیہ کی جانب سے آزادکشمیرمیں اسکول کھولنے پر بات ہوئی ہے، ترکیہ اور پاکستان کے درمیان مضبوط اور برادرانہ تعلقات ہیں، جن کو مزید فروغ دینے کے لیے مختلف شعبوں میں تعاون کے نئے مواقع تلاش کیے جارہے ہیں۔

ترک وزیر خارجہ نے اسحٰاق ڈار کی باتوں کو مشترکہ اعلامیہ قرار دے دیا۔

واضح رہے کہ آج ترکیہ کے وزیر خارجہ حاقان فیدان اور ترکیہ کے وزیر دفاع یشار گُلر سرکاری دورے پر اسلام آباد پہنچے ہیں، اسلام آباد انٹرنیشنل ایئرپورٹ پر دفتر خارجہ کے ایڈیشنل سیکرٹری سید علی اسد گیلانی نے ان کا پُرتپاک استقبال کیا تھااس اہم دورے کے دوران دونوں ممالک کے درمیان باہمی دلچسپی کے تمام اہم امور پر تبادلہ خیال کیا جارہا ہے،ترکیہ کے وزراء کا دورہ دونوں ملکوں کے درمیان مشترکہ تاریخ، ثقافت اور باہمی اعتماد پر مبنی قریبی برادرانہ تعلقات کی عکاسی کرتا ہے۔

پاک فضائیہ کے سربراہ ایئر چیف مارشل ظہیر احمد بابر سدھو سے ترکیہ کے وزیر دفاع یشار گُلر نے اہم ملاقات کی جس میں علاقائی سلامتی، دفاعی تعاون اور باہمی اشتراک پر تفصیلی تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق ایئر چیف مارشل نے پاکستان اور ترکیہ کے درمیان دیرینہ، برادرانہ تعلقات کو اجاگر کیا اور جدید تربیت و ایرو اسپیس ٹیکنالوجی میں تعاون کو مزید بڑھانے کے عزم کا اعادہ کیا،فریقین نے باہمی دلچسپی کے مختلف شعبہ جات میں پیشرفت کو تیز اور مؤثر بنانے کے لیے مشترکہ ورکنگ گروپس کے قیام پر بھی اتفاق کیا۔

آئی ایس پی آر کے مطابق ملاقات میں ترک وزیر دفاع نے پاکستان آمد پر پاک فضائیہ کی مہمان نوازی کا شکریہ ادا کیا، ترک وزیر دفاع نے پاک-بھارت کشیدگی کے دوران ایئر چیف کی قیادت میں پاک فضائیہ کی شاندار کارکردگی، بھرپور تیاری اور قومی خودمختاری کے مؤثر دفاع کو سراہا،ترک وزیر دفاع نے دونوں ممالک کے درمیان مضبوط اور تاریخی برادرانہ تعلقات پر بھی روشنی ڈالی۔

واضح رہے کہ ترکیہ کے وزیر خارجہ حکان فدان اور وزیر دفاع یشار گُلر بدھ کی صبح سرکاری دورے پر اسلام آباد پہنچے تھے۔

وزیراعظم شہبازشریف نے محترمہ شیخہ اسماء الثانی کو پاکستان کے پہاڑوں اور سیاحت کے لیے برانڈ ایمبیسیڈر مقرر کردیا-

ایکس پر اپنے پیغام میں وزیراعظم میاں محمد شہبازشریف نے لکھا کہ مجھے محترمہ شیخہ اسماء الثانی کو پاکستان کے پہاڑوں اور سیاحت کے لیے برانڈ ایمبیسیڈر مقرر کرتے ہوئے خوشی ہو رہی ہے نانگا پربت کو ہ پیمائی کرنے کے حالیہ کارنامے پر محترمہ کو دلی مبارکباد پیش کرتا ہوں اور یہ واقعی متاثر کن ہے اس کی کامیابی ہمت اور عزم کا ایک طاقتور پیغام دیتی ہے، اور پاکستان اور قطر کے درمیان پائیدار دوستی کا ثبوت ہے۔

https://x.com/CMShehbaz/status/1942528314779869606

واضح ہے کہ قطر کی شہزادی شیخہ اسماء آل ثانی نے پاکستان کی خطرناک ترین اور 8,126 میٹر بلند نانگا پربت کی چوٹی سر کر کے تاریخ رقم کر دی شدید برفباری، موسمی طوفان اور خطرناک راستوں کو عبور کرتے ہوئے شیخہ اسماء نے قومی پرچم لہرا کر اپنی ہمت اور حوصلے کا مظاہرہ کیانانگا پربت کو "قاتل پہاڑ” کہا جاتا ہے، لیکن شیخہ اسماء کی یہ کامیابی دنیا بھر کی خواتین کے لیے ایک امید اور حوصلے کی کرن ثابت ہو رہی ہے یہ ان کی چوٹیوں کو سر کرنے کی مہم کا نواں سنگ میل بھی ہے،شیخہ اسماء الثانی یہ کارنامہ انجام دینے والی پہلی قطری خاتون ہیں، انہوں نے شدید موسمی حالات اور خطرناک راستوں کا مقابلہ کرتے ہوئے یہ کامیابی حاصل کی، ان کی اس کامیابی کو پاکستان اور قطر دونوں کے لیے باعث فخر سمجھا جا رہا ہے.

ایف بی آر پاکستان کے مالیاتی نظام میں ریڑھ کی ہڈی کی حیثیت رکھتا ہے،محمد اورنگزیب

ماہ رنگ بلوچ سمیت دیگر رہنماؤں کا مزید 10 روزہ جسمانی ریمانڈ

یوٹیوبرز آفتاب اقبال اور فلک جاوید کے خلاف مقدمات درج

محمد اورنگزیب نے کہا کہ فیڈرل بورڈ آف ریونیو پاکستان کے مالیاتی نظام میں ریڑھ کی ہڈی کی حیثیت رکھتا ہے۔

وزارت خزانہ میں وفاقی حکومت کے ڈھانچے کی تنظیم نو سے متعلق کابینہ کمیٹی کااجلاس ہوا، اجلاس کی صدارت وفاقی وزیر برائے خزانہ محمد اورنگزیب نے کی، وزارت خزانہ کے مطابق اجلاس میں وفاقی وزیر برائے توانائی سردار اویس احمد خان لغاری اور متعلقہ وزارتوں و ڈویژنز کے سینئر حکام شریک ہوئے اجلاس میں پاور ڈویژن نے پاور پلاننگ اینڈ مانیٹرنگ کمپنی سے متعلق تفصیلی بریفنگ دی، جس میں ادارے کی ساخت، اہم ذمے داریاں، نمایاں کامیابیاں اور مستقبل کے منصوبے پیش کیے گئے۔

اس موقع پر دی گئی پریزنٹیشن میں بجلی کے شعبے میں منصوبہ بندی اور کارکردگی کی مانیٹرنگ کے ایک مضبوط تکنیکی ادارے کے طور پر مستحکم بنانے بالخصوص سائنسی انداز میں پیشگوئی، نظام کی بہتری اور بین الشعبہ جاتی ہم آہنگی پر توجہ دینے پر زور دیا گیا۔

لیاری سانحہ: چہرے بدلنے سے نظام نہیں بدلا جا سکتا،گورنر سندھ

کابینہ کمیٹی کو لا ڈویژن نے بھی اپنی ذمے داریوں، کارکردگی کے معیارات، جاری تنظیمِ نو کی سرگرمیوں اور ان کے عوامی پالیسی اور سروس ڈیلیوری پر اثرات کے حوالے سے ابتدائی بریفنگ دی، جس میں ماتحت اداروں کا جائزہ اور ادارہ جاتی استعداد بہتر بنانے، اختیارات کا دہرا پن ختم کرنے اور بہتر نتائج کے لیے سادہ اور مؤثر انتظامی ڈھانچے کی تجاویز شامل تھیں۔

علاوہ ازیں کمیٹی نے سلمان احمد، ایمبیسیڈر ایٹ لارج کی سربراہی میں قائم سب کمیٹی کی جانب سے ریونیو ڈویژن سے متعلق ادارہ جاتی اصلاحات پر مشتمل سفارشات پر بھی بحث کی سفارشات میں انتظامی ڈھانچے کو زیادہ موثر بنانے، انسانی وسائل کے بہتر استعمال اور قومی ترجیحات سے ہم آہنگی کو مضبوط بنانے پر زور دیا گیا۔

یوٹیوبرز آفتاب اقبال اور فلک جاوید کے خلاف مقدمات درج

اجلاس میں کارکردگی پر مبنی نظامِ حکومت اور احتساب کے موٴثر نظام کی مدد سے عوامی خدمات کی بہتری کی راہ ہموار کرنے پر بھی خاص زور دیا گیا وزیر خزانہ نے اس بات پر بھی زور دیا کہ ایف بی آر کے نظام میں کارکردگی پر مبنی انسانی وسائل کی پالیسیوں کو اپنایا جائے تاکہ سرکاری اخراجات کا ہر روپیہ ٹیکس وصولی، قانون پر عملدرآمد اور عوامی سہولت کی شکل میں واضح بہتری کا باعث بنے-

محمد اورنگزیب نے کہا کہ فیڈرل بورڈ آف ریونیو پاکستان کے مالیاتی نظام میں ریڑھ کی ہڈی کی حیثیت رکھتا ہے حکومت وزیرِاعظم کی زیر نگرانی ایف بی آر میں اصلاحات کے منصوبے پر مکمل عزم کے ساتھ عملدرآمد کر رہی ہے تاکہ ٹیکس وصولی کو بڑھا کر مالیاتی خودکفالت حاصل کی جا سکے اور ایف بی آر کو ایک جدید، موثر اور جواب دہ ادارہ بنایا جا سکے۔

محسن نقوی کا حوالہ ہنڈی اور بھکاری مافیا کے خلاف مؤثر کریک ڈاؤن کا حکم