Tag: پاکستان

کراچی: مظاہرین پرلاٹھی چارج، ایک کارکن جاں بحق، متحدہ کا یوم سیاہ کا اعلان:شیخ رشید نے نوٹس لے لیا،اطلاعات کے مطابق وفاقی وزیر داخلہ شیخ رشید نے کراچی میں متحدہ قومی موومنٹ(ایم کیو ایم) پاکستان کے کارکنوں پر پولیس کے لاٹھی چارج کا نوٹس لے لیا۔

اب وزیر داخلہ شیخ رشید نے کراچی میں ایم کیو ایم پاکستان کے کارکنوں پر پولیس کے لاٹھی چارج کا نوٹس لتے ہوئے چیف سیکرٹری سندھ اور آئی جی سندھ سے رپورٹ طلب کرلی ہے۔

ادھرکراچی میں متحدہ قومی موومنٹ (ایم کیو ایم) کے دھرنے کے بعد پولیس نے کارکنوں پر لاٹھی چارج کیا جس کے بعد رکن صوبائی اسمبلی، خواتین سمیت متعدد زخمی ہو گئے۔ جبکہ ایک کارکن زندگی کی بازی ہار گیا۔

تفصیلات کے مطابق سندھ کے بلدیاتی قانون کے خلاف ایم کیو ایم نے وزیراعلیٰ ہاؤس کے سامنے احتجاج کیا اور اسی دوران دھرنا دیا۔ دھرنے کے باعث مرکزی شاہراہوں پر ٹریفک کا نظام درہم برہم ہوگیا اور شہریوں کو شدید مشکلات کا سامنا کرنا پڑا۔

ٹریفک پولیس کے مطابق وزیر اعلی ہاؤس کے سامنے ڈاکٹر ضیا الدین روڈ ٹریفک کے لیے بند کردیا۔ ایمپریس مارکیٹ سےمزارقائد جانےوالا کوریڈور3 بھی ٹریفک کے لیے بند کردیا گیا۔ احتجاجی دھرنے میں خواتین کی بڑی تعداد نے بھی شرکت کی۔

انا لله و انا الیه راجعون

ایم کیو ایم پاکستان، نارتھ کراچی یوسی 5 کے جوائنٹ آرگنائزر اسلم بھائی آج کے مظاہرے میں پولیس کی شیلنگ اور لاٹھی چارج سے زخمی ہوئے تھے جناح ہسپتال میں شہید ہوگئے۔ pic.twitter.com/BieU4ldh2k

— Faisal Subzwari (@faisalsubzwari) January 26, 2022

علاوہ ازیں وزیر اعلیٰ کے اطراف میں مرکزی شاہرواں پر آمد ورفت متاثر ہوئی تو گرو مندر، گولیمار اورلسبیلہ کی سڑکوں پر بھی ٹریفک کی روانی متاثر ہوئی۔

دھرنے کے باعث پولیس اہلکاروں نے ایم کیو ایم کے کارکنوں پر لاٹھی چارج کیا اور شیلنگ کی جس کے باعث متعدد کارکن زخمی ہو گئے۔

پولیس نے ایم کیو ایم کے کارکنوں کو وزیراعلیٰ ہاؤس کے باہر سے پیچھے دھکیل دیا اور پولیس مظاہرین کو جگہ سے ہٹانے میں کامیاب ہو گئی اور متعدد کارکنوں کو حراست میں لے لیا ہے۔

ترجمان ایم کیو ایم کے مطابق پولیس کے لاٹھی چارج سے متعدد خواتین اور رکن صوبائی اسمبلی صداقت حسین بھی زخمی ہوئے، انہیں زخمی حالت میں بھی حراست میں لے لیا گیا ہے۔

ترجمان ایم کیو ایم کی طرف سے جاری کردہ بیان کے مطابق پولیس کی لاٹھی چارج اور شیلنگ سے زخمی ہونے والے جوائنٹ آرگنائزر اسلم جاں بحق ہوگئے ہیں۔ اسلم کو زخمی حالت میں جناح ہسپتال منتقل کیا گیا تھا جہاں وہ دوران علاج انتقال کرگئے۔ جوائنٹ آرگنائزر اسلم بلدیاتی قانون کے خلاف احتجاج میں پولیس کی لاٹھی چارج اور شیلنگ سے زخمی ہوگئے تھے۔

ایم کیو ایم رہنما فیصل سبزواری نے سماجی رابطے کی ویب سائٹ ٹویٹر پر لکھا کہ اسلم بھائی آج کے مظاہرے میں پولیس کی شیلنگ اور لاٹھی چارج سے زخمی ہوئے تھے جناح ہسپتال میں وہ زندگی کی بازی ہار گئے ہیں۔

دوسری طرف ایم کیو ایم نے کارکن کی ہلاکت کے بعد دھرنا دینے کا فیصلہ کیا ہے، یہ دھرنا جوائنٹ آرگنائزر اسلم کی نماز جنازہ کے بعد دیا جائے گا۔

راولپنڈی :کورونا کیسز میں اضافہ : راولپنڈی میں 4 کالجوں سمیت مزید 15 تعلیمی ادارے بند،اطلاعات کے مطابق ملک بھر کی طرف راولپنڈی اور اسلام آباد میں کورونا کی لہر تیز ہوگئی ہے اور کورونا کے تابڑ توڑ حملوں اور کورونا کیسز میں اضافےکے بعد راولپنڈی میں چار کالجوں سمیت مزید 15 تعلیمی ادارے بند کر دیےگئے۔

ضلعی صحت کے حکام کے مطابق ان تعلیمی اداروں میں پانچ فروری تک تعلیمی سرگرمیاں معطل رہیں گی۔حکام کے مطابق ان تعلیمی اداروں میں طلبا ، اساتذہ اور عملے کے 83 افراد متاثر ہوئے تھے۔

کورونا وائرس کی وجہ سے راولپنڈی میں مزید 15 تعلیمی اداروں کو سیل کردیا گیا ہے۔

راولپنڈٰی میں کورونا وائرس کے باعث بند کئے گئے تعلیمی اداروں میں 11 سکولز اور گارڈن کالج سمیت چار کالجز شامل ہیں ، اداروں میں 83 سٹودنٹس، اساتذہ اور عملہ میں کورونا وائرس کی تشخیص ہوئی ہے جبکہ یہ تعلیمی ادارے 10 روز کیلئے سربمہر کئے گے ہیں ۔

راولپنڈی میں اس سے پہلے 24 تعلیمی اداروں کو کورونا وائرس کی وجہ سے سربمہر کیا گیا ہے، سیل کئے جانے والے سکولوں میں گورنمنٹ گرلز ہائی سکول کہوٹہ، گورنمنٹ گرلز ہائی سکول کلیال اڈیالہ ، گورنمنٹ گرلز ہائی سکول ویسٹریج، گورنمنٹ گرلز ہائی سکول صرافہ بازار ، گورنمنٹ گرلز ہائی سکول ایلیٹ مری، گورنمنٹ گرلز ہائی سکول کلرسیداں ، گورنمنٹ گرلز ہائی سکول مسلم ٹاؤن، گورنمنٹ گرلز ہائی سکول چوکی برحد کوٹلی ستیاں ، گورنمنٹ کوہ نور گرلز ہائی سکول، گورنمنٹ بوائز ہائی سکول چونگی22، گورنمنٹ ایلیٹ سکول مورگاہ شامل ہیں ۔

کالجز میں گورنمنٹ گارڈن کالج راولپنڈی، گورنمنٹ ایسوسی ایٹ کالج فار ویمن مری روڈ ، گورنمنٹ ایسوسی ایٹ کالج فار ویمن ڈھوک کالا خان اور گورنمنٹ ایسوسی ایٹ کالج فار ویمن گوالمنڈی شامل ہیں۔

محکمہ صحت کے حکام کا کہنا ہےکہ کورونا وائرس کے باعث راولپنڈی میں اب تک 39 تعلیمی اداروں کو سیل کیا جا چکا ہے۔

کراچی:پیپلز پارٹی کو آج کے عوامی ردعمل کے بعد احساس ہوچکا ہوگا کہ عوام کتنی ان سے کتنی نفرت کرتی ہے:،اطلاعات کے مطابق خرم شیر زمان کا کہنا ہے کہ مراد علی شاہ کا کام زرداری کیلئے مال اکھٹا کرنا ہے، آج کا واقعہ پیپلز پارٹی کی گھبراہٹ کا منہ بولتا ثبوت ہے۔

پی ٹی آئی رہنما خرم شیر زمان کا کراچی میں میڈیا سے گفتگو کرتے ہوئے کہنا تھا کہ وزیراعلیٰ ہاؤس کے باہر جو ہوا وہ پوری قیادت کیلئے شرمناک بات ہے ، پیپلزپارٹی اپنی ناکامیوں کو چھپانہ چاہتی ہے، پورے پاکستان نے دیکھا ہے کہ رکن اسمبلی اور خواتین پر لاٹھیاں ماری گئی۔

خرم شیر زمان کا کہنا تھا کہ رکن اسمبلی صداقت حسین کو خراج تحسین پیش کرتے ہیں، بلاول اگر زرا بھی شرم ہے تو صوبے کے لوگوں کو دیکھو، مراد علی شاہ کا کام زرداری کیلئے مال اکھٹا کرنا ہے، آج کا واقعہ پیپلز پارٹی کی گھبراہٹ کا منہ بولتا ثبوت ہے۔

ان کا کہنا تھا کہ عمران خان کی مقبولیت سے پی ڈی ایم کی تحریک ناکام ہوئی، سندھ کابینہ میں بیٹھے لوگ زرداری کیلئے تماشہ لگاتے ہیں، ہم ایم کیو ایم کے دوستوں کے ساتھ سڑکوں پر آئیں گے۔

لاہور:پاکستان زندہ باد:جمائمہ گولڈ سمتھ نے سب شکایات کے جوابات دے دیئے،اطلاعات کے مطابق وزیر اعظم عمران خان کی سابقہ اہلیہ جمائمہ گولڈ سمتھ نے ایک مرتبہ پھر’’پاکستان زندہ باد‘‘ کا نعرہ لگادیا ہے۔

سماجی رابطے کی ویب سائٹ ٹوئٹر پر عمران خان کی سابقہ اہلیہ نے ایک ویب بیسڈ ورڈ گیم ’’ورڈل‘‘ کے حوالے سے ٹوئٹ کی تھی جس پر ایک صارف نے رپلائی کرتے ہوئے جمائمہ گولڈ سمتھ کو واپس پاکستان آنے کی درخواست کی۔

Pakistan zindabad 🇵🇰❤️

— Jemima Goldsmith (@Jemima_Khan) January 25, 2022

ٹوئٹر صارف نے جمائمہ گولڈ سمتھ کی ٹوئٹ پر رپلائے کرتے ہوئے کہا کہ عمران خان آپ کے بغیر کچھ بھی نہیں اور انہیں ان کے دوستوں کی جانب سے بے وقوف بنایا جارہا ہے۔

پال نامی صارف نے وزیراعظم کی سابقہ اہلیہ اور پاکستانی صارف کے اس ٹوئٹ کا سکرین شاٹ شیئر کراتے ہوئے لکھا میں شرط لگاتا ہوں کہ ’’ورڈل‘‘کے بانی نے کبھی یہ نہیں سوچا ہوگا کہ ان کے گیم کے بارے میں کی گئی پوسٹ پر کوئی اس طرح کا ردعمل بھی دیا جاسکتا ہے۔

دوسری جانب جمائمہ گولڈ سمتھ نے ٹوئٹر پر ہونے والی اس دلچسپ بات چیت پر ردعمل دیتے ہوئے لکھا میری باقی زندگی کے لیے ہر ٹوئٹ اور پھر اپنے اسی ٹوئٹ کے جواب میں انہوں نے ’’پاکستان زندہ باد‘‘کا نعرہ لگایا اور پاکستان کے جھنڈے اور دل والے ایموجیز کا استعمال کیا۔

خیال رہے کہ 20 فروری 2021 کو بھی وزیراعظم عمران خان کی سابقہ اہلیہ نے پاکستنانی نژاد برطانوی کامیڈین عاصم چودھری کے ٹوئٹ پر ردعمل دیتے ہوئے پاکستان زندہ باد کا نعرہ لگایا تھا۔

Pakistan Zindabad 🇵🇰❤️ https://t.co/l1uimKJ0Ol

— Jemima Goldsmith (@Jemima_Khan) February 19, 2021

ادھر ن لیگی سوشل میڈیا کی طرف سے کئی بار وزیراعظم عمران خان کی سابق اہلیہ جمائمہ گولڈ سمتھ کی جہاں بار بار کردار کُشی کی گئی وہاں جمائمہ سے کچھ شکوے بھی کئے گئے، چند دن پہلے کسی ن لیگی کے پیج سے جمائمہ گولڈ سمتھ سے کہا گیا کہ عمران خان نے ہمیں پریشان کررکھاہے ،اسے لے جائیں

اس حوالےسےصارفین کا کہنا ہے کہ آج جمائمہ کا پاکستان زندہ باد کا نعرہ اس بات کی طرف اشارہ کرتا ہےکہ جمائمہ کو یہ یقین ہے کہ مشکلات کے باوجود عمران خان ہی اس قوم کی کشتی کو کنارے لگائے گا اور قوم کو ایک زندہ تابندہ قوم کی حیثیت سے کھڑا کرے گا،عمران خان کے علاوہ کسی میں مشکلات کے باوجود آگے بڑھنے کی سکت ننہیں‌

اسلام آباد: وزیرتعلیم شفقت محمود نے بڑا اعلان کردیامگرکن کےلیے؟تفصیلات جاریں ،اطلاعات کے مطابق وفاقی وزیر تعلیم شفقت محمود کی زیر صدارت کابینہ کمیٹی برائے ادارہ جاتی اصلاحات کے اجلاس کا انعقاد کیا گیا جس میں متروکہ وقف املاک بورڈ کی کمیٹی کو وزیر اعظم کی ٹاسک فورس کی سفارشات پر عمل درآمد کی صورتحال کے بارے میں بریفنگ دی گئی۔

اجلاس میں وزیر تعلیم شفقت محمود نے آئندہ میٹنگ میں ای ٹی پی بی کے زیر انتظام سکولوں کا جواز طلب کرلیا ہے۔

چیئرمین سی سی آئی آر نے ای ٹی پی بی کو ہدایت کی کہ آئندہ اجلاس میں تمام ضروری ریکارڈ اور تیاری کے ساتھ آئیں جبکہ سیکرٹری فیڈرل پبلک سروس کمیشن نے اہم کاموں، بھرتیوں کے طریقوں، شکایات کے ازالے اور خالی آسامیوں کے بارے میں تفصیلی بریفنگ دی۔

اجلاس کی صدارت کرتے ہوئے وزیرتعلیم شفقت محمود نے کہا کہ سی ایس ایس کے ذریعے بھرتی کے علاوہ مختلف وزارتوں اور ڈویژنوں کی خالی آسامیوں پر جنرل بھرتی کا عمل سالوں تک التوا کا شکار رہتا ہے ، اس عمل کو 6 ماہ میں مکمل کرنے کے لیے فوری اصلاحات کی ضرورت ہے۔

شفقت محمود نے کہا کہ ایف پی ایس سی پر 70 فیصد کام کا بوجھ 16 گریڈ کی بھرتیوں کی وجہ سے ہے، اس پر نظرثانی کی ضرورت ہے جبکہ سیکرٹری ایف پی ایس سی اسٹیبلشمنٹ ڈویژن اور سی سی آئی آر کو 16 گریڈ کی بھرتی متعلقہ وزارت، ڈویژن خود کرنے کے لیے تجویز بھیجیں۔

وزیرتعلیم شفقت محمود کا مزید کہنا تھا کہ ایف پی ایس سی 17 اور اس سے اوپر کے گریڈ کی بھرتی کا عمل کرے گی، اس مقصد کے لیے ایف پی ایس سی کے آرڈیننس میں ترمیم کی جائے گی۔

اسلام آباد:ٹیکس سال 2019 کا آڈٹ کرنے کے لیے ایف بی آر نے تھرڈ پارٹی کی خدمات حاصل کرلیں ،اطلاعات کے مطابق فیڈرل بورڈ آف ریونیو (FBR) ٹیکس سال 2019 کے لیے کمپنیوں، ایسوسی ایشن آف پرسنز (AoPs) اور افراد کا آڈٹ کرنے کے لیے انکم ٹیکس، سیلز ٹیکس، اور فیڈرل ایکسائز ڈیوٹی کے کیس تھرڈ پارٹی کے سپرد کرنے کافیصلہ کرلیا ہے

ذرائع کے مطابق ایف بی آر کو ٹیکس سال 2019 کے لیے کمپنیوں، اے او پیز اور افراد کے کیسز کا آڈٹ کرنے کے لیے تھرڈ پارٹی آڈیٹرز کے لیے فنڈنگ ​​کی منظوری درکار ہے۔

ایف بی آر رینڈم بیلٹنگ کے ذریعے آڈٹ کے لیے کیسز کا انتخاب کرے گا۔ کیسز کا انتخاب رسک بیسڈ آڈٹ مینجمنٹ سسٹم (RAMS) کے ذریعے آڈٹ کے لیے کیا جائے گا۔ فنڈنگ ​​کی منظوری کے بعد، پھر ایف بی آر تھرڈ پارٹی آڈیٹرز کا انتخاب کرے گا۔

ایف بی آر ٹیکس سال 2019 کے لیے کمپنیوں، اے او پیز اور افراد کے تھرڈ پارٹی آڈٹ کے لیے 50,000 سے زیادہ انکم ٹیکس کیسز کا احاطہ کرسکتا ہے

انکم ٹیکس آرڈیننس، 2001 کے تحت، بورڈ چارٹرڈ اکاؤنٹنٹس کی ایک فرم کا تقرر کر سکتا ہے جیسا کہ چارٹرڈ اکاؤنٹنٹس آرڈیننس، 1961 کے تحت بیان کیا گیا ہے یا لاگت اور مینجمنٹ اکاؤنٹنٹس کی ایک فرم جیسا کہ کاسٹ اینڈ مینجمنٹ اکاؤنٹنٹس ایکٹ 1966 کے تحت بیان کیا گیا ہے کسی بھی شخص یا افراد کے طبقے کے انکم ٹیکس کے معاملات، اور اس طرح کے آڈٹ کا دائرہ بورڈ یا کمشنر کیس ٹو کیس کی بنیاد پر طے کرے گا۔

یہ بھی فیصلہ کیا گیا ہے کہ تھرڈ پارٹی آڈیٹرز آڈٹ کے لیے منتخب کیے گئے ٹیکس دہندگان کے ڈیٹا کی رازداری کو یقینی بنانے کے لیے رازداری کے ضابطے کی پابندی کرنے کے پابند ہوں گے۔

انکم ٹیکس آرڈیننس، 2001 کے سیکشن 216(7) کے تحت رازداری کو چارٹرڈ اکاؤنٹنٹ فرموں کے ذریعے اسٹامپ پیپرز پر یقینی بنایا جائے گا جیسا کہ چارٹرڈ اکاؤنٹنٹ آرڈیننس، 1961 کے تحت بیان کیا گیا ہے

آڈٹ کے معیار کو بہتر،معیاری اور بروقت یقینی بنانے کے لیے، تھرڈ پارٹی آڈیٹرز کو ٹیکس دہندگان کے مالیاتی گوشواروں میں اعلان کردہ ٹرن اوور کے مطابق تین مختلف زمروں میں تقسیم کیا جائے گا۔

ایف بی آر کی فیلڈ فارمیشنز بشمول ان لینڈ ریونیو آڈٹ افسران اور افسران کی دیگر کیٹیگریز کو اس سال آڈٹ کیسز تفویض نہیں کیے جائیں گے۔ انہیں بے ترتیب رائے شماری کے ذریعے منتخب ہونے والے مقدمات کو نوٹس جاری کرنے کی بھی اجازت نہیں ہوگی۔

لاہور:سانحہ ماڈل ٹاؤن کے مرکزی ملزم کی ڈی پی او وہاڑی پوسٹنگ پر حیرت ہے:تحریک منہاج القرآن نےاپنے ردعمل کا اظہار کردیا، اطلاعات کے مطابق سانحہ ماڈل کیس کے مدعی منہاج القرآن انٹرنیشنل کے رہنما جواد احمد نے سانحہ ماڈل ٹاؤن کے مرکزی کردار اور نامزد پولیس افسر طارق عزیز کی ڈی پی او وہاڑی پوسٹنگ پر اپنے ردعمل میں کہا ہے کہ سابق قاتل حکومت کی طرح اس دور میں بھی سانحہ ماڈل ٹاؤن کے قاتلوں کو ترقیاں اور پسندیدہ پوسٹس مل رہی ہیں،

سانحہ ماڈل کیس کے مدعی منہاج القرآن انٹرنیشنل کے رہنما جواد احمد نے کہا ہے کہ طارق عزیز کو انسداد دہشتگردی عدالت لاہور نے بطور ملزم طلب کر رکھا ہے،ابھی انہیں کسی عدالت نے بری نہیں کیا،قتل عام کیس کے ملزم اہم عہدوں پر ہونگے تو لاء اینڈ آرڈر اور نظام انصاف کا اللہ حافظ ہے۔ہم اپنے بے گناہ کارکنوں کے قاتلوں اور ان کے محافظوں کو قانون کے کٹہرے میں ضرور لائیں گے،

سانحہ ماڈل کیس کے مدعی منہاج القرآن انٹرنیشنل کے رہنما جواد احمد نےکہا ہے کہ سانحہ ماڈل ٹاؤن میں ملوث تمام کرداروں کو کیفر کردار کو پہنچیں گے۔ تحریک انصاف کی حکومت بنانے میں عوامی تحریک کے کارکنان کا خون شامل ہے جب بھی کسی نامزد قاتل کو ترقی ملتی ہے تو ہمارا خون کھولتا ہے، عمران خان کو بشکل انصاف مظلوموں کا ساتھ دینا چاہیے۔

جواد حامد نے کہا کہ سانحہ ماڈل ٹاؤن میں 14 بے گناہوں کے قتل میں نامزد پولیس افسر طارق عزیز کی ڈی پی او وہاڑی پوسٹنگ پر حیرت اور افسوس ہے۔جواد حامد نے کہا کہ موجودہ دور حکومت میں سانحہ ماڈل ٹاؤن کے ملزمان اور اہم کرداروں کو پہلے سے بہتر عہدوں پر تعینات کیا جا رہا ہے۔انہوں نے کہاکہ 7سال گزر جانے کے بعد بھی سانحہ ماڈل ٹاؤن کے مظلوموں کو انصاف نہیں ملا۔

سری نگر:بھارت کا یوم جمہوریہ یوم سیاہ ہے:مسلمانوں کے قاتل مودی اور مودی نوازوں کی مذمت کرتی ہوں:اطلاعات کے مطابق حریت راہنما محمد یاسین ملک کی اہلیہ نے یوم سیاہ کے موقع پرکہا کہ اپنے کشمیری ماؤں، بہنوں، بزرگوں اور بھائیوں کوان کی قربانیوں اورناقابل تسخیر جذبے کو سلام پیش کرتی ہوں ۔

اسلام آباد چیر پرسن پیس اینڈ کلچرآرگنائزیشن وحریت راہنما محمد یاسین ملک کی اہلیہ نے 26جنوری کے حوالے سے اپنے پیغام میں کہا ہے کہ 26جنوری 1950ء کا دن بھارتی یوم جمہوریہ نہیں بلکہ یوم سیاہ ہے ۔

انکا کہنا تھا کہ آج کے دن 75 سال قبل بھارتی افواج بین الاقوامی قانون اور انسانی اصولوں کی صریح خلاف ورزی کرتے ہوئے سرینگرپر غیر قانونی طور پر قبضہ کرنے اور جموں و کشمیر کے لوگوں کو محکوم بنانے کے لیے اتری تھیں۔

مشعال حسین ملک نے کہا کہ جس کے بعد آج تک بھارتی افواج مقبوضہ جموں وکشمیر میں ظلم وبربریت کی انتہاکرچکی ہیں ،کئی ماؤں کی گودوں کو اُجاڑ دیا گیا،کئی نوجوان بھارتی افواج کے ظُلم سے شہادت پاچکے ،کئی نوجوان اور عورتیں بھارتی بیلٹ گنز کا شکار ہوکراپنی بینائی کھوچکے ہیں ۔

مشعال حسین ملک نے کہا کہ 5اگست2019ء کوبھارت نے ایک مقبوضہ وجموں کشمیر پر ایک اور ظُلم کیا اور وہ یہ کہ مقبوضہ جموں و کشمیر کی متنازعہ حیثیت کو تبدیل اور اس کے آبادیاتی ڈھانچے کو تبدیل کرنےکی ایک بڑی سازش رچی اوراس صورتحال میں عالمی برادری خاموش تماشائی کا کرداراداکررہی ہے۔

انہوں نے کہا کہ ہمیشہ کی طرح پاکستان نے بین الاقوامی قانون ، متعلقہ اقوام متحدہ کی سلامتی کونسل (یو این ایس سی) کی قراردادوں کے ذریعے مسترد کیا۔

مشعال حسین ملک نے بتایا کہ نو لاکھ سے زائد بھارتی قابض افواج نے 80 لاکھ کشمیریوں کو حراست میں لے کر مقبوضہ علاقے کو دنیا کی سب سے بڑی کھلی جیل میں تبدیل کر دیا ہے۔

انکا کہنا تھا کہ بھارت کے غیر انسانی فوجی محاصرے، مسلسل ناکہ بندی، مسلسل تشدد اور وحشیانہ جبر اور مقبوضہ علاقے کے آبادیاتی ڈھانچے کو تبدیل کرنے کی کوششوں نے ’ہندوتوا‘ سے چلنے والی بی جے پی اور آر ایس ایس کی حکومت اور اس کے انتہا پسندانہ عزائم کا اصل چہرہ دکھا دیا ہے ۔

مشعال حسین ملک نے بتایا کہ بھارتی مظالم کی ہولناک نوعیت اور پیمانے کے باوجود، اور بھارتی ریاستی دہشت گردی کی بدترین شکل کا سامنا کرنے کے باوجود،مقبوضہ جموں وکشمیر کی عوام نے ہمیشہ کی طرح غیر معمولی جرات، طاقت اور لچک کا مظاہرہ کیا ہے انہوں نے ثابت کر دیا ہے کہ بھارت وحشیانہ طاقت کے استعمال سے ان کی مرضی نہیں توڑ سکتا ۔

حریت راہنما محمد یاسین ملک کی اہلیہ نے مزید کہا کہ میں اپنے کشمیری ماؤں ،بہنوں ،بزرگوں اور بھائیوں کو یوم سیاہ کے موقع پر ان کی قربانیوں اور ان کے ناقابل تسخیر جذبے کو سلام پیش کرتی ہوں۔

انہوں نے مزید کہا کہ اوریہ عہد کرتی ہوں کہ جب تک کشمیری بین الاقوامی قانون، اقوام متحدہ کے چارٹر اور اقوام متحدہ کی سلامتی کونسل کی متعلقہ قراردادوں میں درج جائز حق خودارادیت حاصل نہیں کر لیتی انشا اللہ اپنی جدوجدجاری رکھوں گی ۔

یاد رہے کہ بھارت کا یوم جمہوریہ آج مقبوضہ کشمیر میں یوم سیاہ کے طور پر منایا جائے گا۔حریت کانفرنس کی اپیل پر وادی میں مکمل ہڑتال ہوگی، بھارت مخالف مظاہرے اور ریلیاں نکالی جائیں گی۔