Tag: پاکستان

لاہور:اِنَّا لِلّٰہِ وَاِنَّآ اِلَیْہِ رَاجِعُوْنَ:وزیراعظم کو سخت صدمہ،اطلاعات کے مطابق وزیراعظم عمران خان نے پاکستان تحریک انصاف (پی ٹی آئی) کے بانی کارکنوں میں سے ایک ڈاکٹر ابوالحسن کے انتقال پر افسوس کا اظہار کیا ہے۔

ادھر اس حوالے سے سماجی رابطے کی ویب سائٹ ٹویٹر پر اپنے ایک بیان میں وزیراعظم عمران خان نے لکھا کہ پاکستان تحریک انصاف (پی ٹی آئی) بانی ممبران میں سے ایک ڈاکٹر ابو الحسن کے اتنقال کے بارے میں جان کر افسوس ہوا، انہوں نے ہماری پارٹی کی تنظیم کیلئے گراں قدر خدمات انجام دیں۔

Saddened to learn of the passing of Dr Abol Hassan, one of PTI's early mbrs who made valuable contributions towards our Party organisation. My condolences and prayers go to his family.

— Imran Khan (@ImranKhanPTI) December 8, 2021

اپنی بات کو جاری رکھتے ہوئے وزیراعظم نے لکھا کہ میری تعزیت اور دعائیں ان کے اہل خانہ کے ساتھ ہیں۔

دوسری طرف وزیراعظم عمران خان نے ایک اور ٹویٹ کرتے ہوئے لکھا کہ اولاف شولس کوجرمنی کا چانسلر بننے پر مبارک باد دیتے ہیں، پاکستان اور جرمنی کے تعلقات کو مزید مستحکم بنانے کیلئے جرمن چانسلر کے ساتھ کام کرنے کا منتظر ہوں۔

ٹویٹر پر وزیراعظم نے پاکستان اور جرمن کی کثیر الجہت، طویل المدتی شراکت داری کو مزیدمستحکم بنانے کے عزم کا اظہار کیا۔

یہ بھی معلوم ہوا ہے کہ پارٹی کے دیگرپرانے کارکنان بھی اپنے بانی رہنما کی وفات پرگہرے دُکھ کا اظہار کیا ہے اوراس کی مغفرت اور درجات کی بلندی کے لیے دعائیں کیں ہیں

اسلام آباد:مہنگائی کم ہونے لگی :اوگرا نے مسلسل دوسرے ماہ بھی درآمدی ایل این جی سستی کردی ،اطلاعات کے مطابق اوگرا نے مسلسل دوسرے ماہ بھی درآمدی ایل این جی سستی کردی ہے۔جس کے بعد مہنگائی میں بھی کمی ہونے کے اثارشروع ہوچکے ہیں

آئل اینڈ گیس ریگولیٹری اتھارٹی(اوگرا) کی جانب سے جاری کردہ نوٹیفکیشن کےمطابق دسمبر کیلئے سوئی ناردرن سسٹم پر ایل این جی 3.05 ڈالر فی ایم ایم بی ٹی یو ،سوئی سدرن سسٹم پر ایل این جی کی قیمت میں 3.04 ڈالر فی ایم ایم بی ٹو یو کمی ہوئی۔

سوئی ناردرن سسٹم پر ایل این جی کی نئی قیمت 12.62 ڈالر فی ایم ایم بی ٹو یو مقرر ہوئی جبکہ سوئی سدرن سسٹم پر ایل این جی کی نئی قیمت 12.37 ڈالر فی ایم ایم بی ٹی یو ہوئی،

یاد رہے کہ سوئی ناردرن سسٹم پر نومبر میں ایل این جی کی قیمت 15.67ڈالر فی ایم ایم بی ٹو یو تھی جبکہ سوئی سدرن سسٹم پر نومبر میں ایل این جی کی قیمت 15.42ڈالر فی ایم ایم بی ٹی یو تھی۔

یہ بھی یاد رہے کہ عالمی مارکیٹ میں پٹرولیم مصنوعات کی قیمتوں میں کمی کے اثرات دنیا بھرمیں محسوس کیے جانے لگے ہیں، ادھر پچھلے ہفتے اسی حوالے سے ترجمان وزارت خزانہ نے عوام کو پٹرولیم مصنوعات کی قیمتوں میں واضح کمی کی نوید سنائی تھی ۔

ترجمان وزارت خزانہ کا کہنا تھا کہ عوام کو اگلے ماہ بڑا ریلیف دینے جا رہے ہیں ،ٹوئٹر پر جاری اپنے پیغام میں کہا کہ عالمی مارکیٹ میں خام تیل کی قیمت کم ہو کر 72.91ڈالرفی بیرل کی سطح پر آگئی ہے۔

مزمل اسلم نے لکھا کہ اللہ پاکستان پر مہربان ہے، عالمی سطح پر تیل کی قیمتوں میں کمی کا اثر 15 دسمبر کو پیٹرولیم مصنوعات کی قیمتوں کےتعین میں نظر آئےگا۔

ترجمان وزارت خزانہ نے لکھا کہ یقینی طور تیل کی قیمتوں میں کمی درآمدات اور آئندہ قیمتوں پر اثر انداز ہوگی۔

نئی دہلی :بھارتی فوج کے ہیلی کاپٹر حادثے میں بچ جانے والے واحد زخمی شخص سے تفتیش کا فیصلہ ،اطلاعات کے مطابق بھارت کی مسلح افواج کے چیف آف ڈیفنس اسٹاف (سی ڈی ایس) جنرل بپن راوت کی ہیلی کاپٹر حادثے میں ہلاکت کی تصدیق ہوگئی ہے۔

بھارتی فضائیہ کی جانب سے جاری بیان میں تصدیق کی گئی ہے کہ چیف آف ڈیفنس اسٹاف جنرل بپن راوت کا ملٹری ہیلی کاپٹر نئی دہلی سے ریاست تامل ناڈو کے علاقے سولور جارہا تھا کہ تامل ناڈو کی ہی حدود میں کونور کے قریب گر کر تباہ ہوگیا۔

دوسری طرف بھارتی فوج نے اس بات کی تصدیق کردی ہےکہ ہیلی کاپٹر حادثے میں بھارتی چیف آف ڈیفنس اسٹاف جنرل بپن راوت ہلاک ہوگئے

حادثے کے وقت ہیلی کاپٹر میں چیف آف ڈیفنس اسٹاف، ان کی اہلیہ مدھولکا راوت اور عملے کے افراد سوار تھے۔

بھارتی فوجی حکام کا کہنا ہے کہ جنرل بپن راوت اور ان کی اہلیہ سمیت 13 افراد حادثے میں ہلاک ہوچکے ہیں جبکہ صرف ایک شخص کو زخمی حالت میں ریسکیو کیا گیا ہے۔

بھارتی فضائیہ کے مطابق زخمی ملنے والے شخص کی شناخت بھارتی فضائیہ کے گروپ کیپٹن ورون سنگھ کے نام سے ہوئی ہے جو ڈیفنس سروسز اسٹاف کالج (DSSC) کے ڈائریکٹنگ اسٹاف تھے۔

بھارتی فضائیہ کے مطابق ورون سنگھ کا علاج ملٹری اسپتال ویلنگٹن میں جاری ہے۔

بھارتی میڈیا کے مطابق گروپ کیپٹن ورون سنگھ رواں برس 15 اگست کو 2020 میں ایک فضائی ہنگامی صورتحال کے دوران تیجاس جنگی طیارے کو بچانے پر سوریا چکرا ایوارڈ سے نوازا گیا تھا۔

اسلام آباد :سانحہ سیالکوٹ:جمعہ 10 دسمبر کوشرپسندوں اور ان کی فتنہ پرورسوچ پریومِ مذمت منانے کا اعلان،اطلاعات کے مطابق وفاقی حکومت نے سیالکوٹ واقعے پر ملک بھر میں جمعہ کو یومِ مذمت منانے کا اعلان کر دیا۔
‏
معاون خصوصی علامہ طاہراشرفی نے کہا ہے کہ کسی شخص کوبھی قانون ہاتھ میں لینےکی اجازت نہیں دی ‏جاسکتی سیالکوٹ واقعے پر جمعہ کویوم مذمت منایا جائے گا اور عوام کو بتایا جائےگاکہ توہین ناموس رسالت ‏کیا ہے۔
‏
علامہ طاہر اشرفی نے کہا کہ 133 سے زائد توہین رسالت کیسز پر شکایات سنی ہیں اس مظلوم سری لنکن کی لاش ‏گھر پہنچی تو انتہائی درد ناک لمحہ تھا ناعاقبت اندیش افرادنےسری لنکن شہری کو جلایا یہ لمحہ فکریہ ہے۔

انہوں نے کہا کہ ملی یکجہتی کونسل اور پاکستان علما کونسل کے ضابطہ اخلاق میں واضح ہے عوام ،میڈیا، وکلا، ‏تاجران سمیت سب پر ذمہ داری عائدہوتی ہے دینی تشخص خراب کرنے والوں کے خلاف مل کر کھڑا ہونا ہو گا ‏مسیحی برادری بھی اتوار کو چرچز میں یوم مذمت منائے گی۔

معاون خصوصی کا کہنا تھا کہ ایک طبقہ ہے جسے اسلامی تشخص اور عقیدہ ختم نبوت سےتکلیف ہے تمام ‏علمائے کرام نے سانحہ سیالکوٹ کی مذمت کی ہے انتہاپسندی کا خاتمہ اسی طرح ہوگا جس طرح دہشتگردی ‏کیخلاف اکٹھے ہوئے ہم سب کو آگے آنا ہوگا اور اس انتہا پسند سوچ کے خلاف کھڑا ہونا ہوگا۔

لاہور:نان، روٹی مہنگی کے پنجاب اسمبلی میں تذکرے،اطلاعات کے مطابق مہنگائی رکنے کا نام ہی نہیں لے رہی اور اب تو لاہور میں لوگوں کے لیے زندہ رہنے کے لیے کھانا پینا ہی مشکل ہوگیا ہے ادھر نان اور روٹی کی قیمتوں میں اضافہ،روٹی کی قیمت 10سےبڑھا کر 12روپے کر دی گئی،نان کی قیمت 15سےبڑھا کر18روپے کر دی گئی۔

تفصیلات کے مطابق آٹے کی قیمت میں اضافہ پر روٹی اور نان کے نرخ بڑھان دیے گئے،⁦‪نان‬⁩ ⁦‪بائی‬⁩ ایسوسی ایشن نے آج لاہور میں ہنگامی اجلاس بلا لیاجس میں روٹی10 سے 12 ⁦‪نان‬⁩ 15 سے 18 روپے میں فروخت کرنے کا فیصلہ کرلیا گیا،نان روٹی ایسوسی ایشن نے نئی قیمتوں کا اعلان کردیا جبکہ اتوار سےنئی قیمتوں کا اطلاق کریں گے۔

نانبائی ایسوسی ایشن نے نان18روپے اور روٹی 12روپے کرنے کا فیصلہ پرمسلم لیگ(ن) کی رکن سمیرا کومل نے نان اور روٹی کی قیمت میں اضافے پر اظہار تشویش کی قرارداد پنجاب اسمبلی میں جمع کرا دی۔ قرار داد میں کہا گیا ہے کہ حکومت آٹے اور میدے پر ٹیکس کم کرے۔

پنجاب اسمبلی میں جمع کرائی قرارداد کے متن میں کہا گیا کہ یہ ایوان نان اور روٹی کی قیمت میں اضافے کے فیصلے پر تشویش کا اظہار کرتا ہے،نانبائی ایسوسی ایشن نے نان 18روپے اور روٹی 12روپے کی فروخت کا فیصلہ کیا ہے،دن بدن بڑھتی مہنگائی کی وجہ سے عوام کےلئے پہلے ہی دو وقت کی روٹی کھانا مشکل ہوگیا ہے۔

ایسے حالات میں نان اور روٹی کی قیمت اضافہ غریب عوام کے ساتھ زیادتی ہے،:قرارداد میں مطالبہ کیا گیا کہ حکومت آٹے اور میدے کی بوری پر ٹیکس میں کمی کرے،نانبائی ایسوسی ایشن اپنے فیصلے پر نظرثانی کرے۔