Tag: پشاور

پشاور: پاکستان تحریک انصاف پارلیمنٹیرین کے چیئرمین پرویز خٹک نے کہا ہے کہ عمران خان فوج کے خلاف انقلاب لانا چاہتے تھے-

باغی ٹی وی: تفصیلات کے مطابق سابق وزیراعلی خیبر پختونخواہ پرویز خٹک نےپشاور میں صحافیوں سے گفتگو میں کہا ہے کہ بلین ٹری سونامی اور بی آر ٹی جیسے منصوبوں کو تنقید کے بعد بھی پورا کیا، نیب نے بلایا اور ٹیکنیکل چیزوں پر بات کی، میرے خیال میں عام انتخابات اگلے سال فروری میں ہو ں گے، لوگ انتخابات سے متعلق عدالتوں میں چلے گئے تو مزید تاخیر ہوسکتی ہے۔

پرویز خٹک نے کا کہ چیئرمین پی ٹی آئی کے خلاف 4 کیسز بہت زیادہ تشویشناک ہیں، توشہ خانہ سے خریدی گئی گھڑی کو کلیئر نہ کرنا چیئر مین پی ٹی آئی کیخلاف بڑا کیس ہے، سائفر کو جلسوں میں دکھانا چیئرمین پی ٹی آئی کی دوسری بڑی غلطی تھی، 190ملین پاؤنڈ کا کیس چیئرمین پی ٹی آئی کیخلاف تیسرا بڑا کیس ہے، 9مئی کے واقعات پی ٹی آئی کے خلاف چوتھا بڑا کیس ہے، ہمیں کابینہ کے اجلاس میں بند لفافہ دیکھا کر دستخط لیے گئے-

لائیو نشریات کے دوران بی بی سی اینکر کی زبان پھسل گئی

سابق وزیر دفاع پرویز خٹک نے کہا کہ چئیرمین پی ٹی آئی فوج کے خلاف انقلاب لانا چاہتا تھے، عمران خان 18 ویں ترمیم کے خلاف تھے، وہ صدراتی نظام لانا چاہتے تھے، نگراں وزیراعلیٰ خیبرپختونخوا وزیر اعلیٰ بنے سیکرٹری نہ بنے، گورنر خیبرپختونخوا پہلے سیاسی مداخت کرتا تھا اب کچھ ٹھیک ہے پی ٹی آئی کا ایک سوشل میڈیا نیٹ ورک ہے، سوشل میڈیا نیٹ ورک کے ذریعے لوگوں کے خلاف ٹارگٹ دیا جاتا ہے، پی ٹی آئی پختونخوا کے اہم رہنما جلد پارلیمنٹرین کا حصہ ہوں گے، 2 ماہ میں پارٹی ایک طاقت بن کر ابھرے گی۔

مڈغاسکراسٹیڈیم میں بھگڈر مچنے سے12 افراد ہلاک جبکہ 80 زخمی

پرویز خٹک نے کہا کہ اپریل 2022 کے بعد الیکشن کیلئے جنرل فیض اور باجوہ نے تین مرتبہ مواقع فراہم کیے اور ماحول بنایا لیکن چیئرمین پی ٹی آئی نے نہیں مانے، جنرل باجوہ نے کہا کہ شہباز شریف لکھ کر دیں گے کہ اسمبلی تحلیل ہو جائے گی انہوں نے عمران خان کو کہا کہ دھرنا ختم کردو لیکن وہ نہیں مانے جنرل باجوہ نے ہمارا بہت ساتھ دیا، آخر میں باجوہ نے بھی ہاتھ کھڑے کر دیئے چیئرمین پی ٹی آئی کو پنجاب میں الیکشن میں دلچسپی نہیں تھی۔

سربراہ بی این پی عوامی اور سابق صوبائی وزیر اسد بلوچ کے گھر پر …

انہوں نے کہا کہ میرا اور میری جماعت کامقصد خیبرپختونخوا میں حکومت بنانا ہے۔ ہر حلقے میں دو بہترین امیدوار لائیں گے خیبرپختونخوا میں معاشی بحران کی ذمہ داری پی ٹی آئی حکومت تھی پارٹی میں 90 فیصد الیکٹ ایبلز میں میں لے کر آیا تھا-

پشاور:خیبرپختونخوا کی نگران کابینہ کے 9 وزراء کو محکمے الاٹ کردیئے گئے ہیں-

باغی ٹی وی : محکمہ ایڈمنسٹریشن کے اعلامیہ کے مطابق جسٹس ریٹائر ارشاد قیصر جیل خانہ جات ، ریلیف اور سوشل ویلفئیر کی وزیر ہوں گی جبکہ احمد رسول بنگش کو خزانہ، ریونیو اور ایکسائز و ٹیکشن کا محکمہ دیا گیا ہے ۔

محکمہ ایڈمنسٹریشن کے اعلامیہ کے مطابق آصف رفیق خوراک ، جنگلات اور زراعت کے وزیر، ڈاکٹر نجیب اللہ کو سائنس، انفارمیشن ٹیکنالوجی اور اسپورٹس کا محکمہ الاٹ کیا گیا ہے،ڈاکٹر محمد قاسم جان کو ایلمنٹری ، سکینڈری اور ہائر ایجوکیشن کا محکمہ دے دیا گیا ہے جبکہ جسٹس ریٹائر ارشد حسین شاہ قانون وپارلیمانی امور ، اوقاف و مذہبی امور کے وزیر ہوں گے سید عامر عبداللہ کو نئے ضم اضلاع کے امور کا محکمہ الاٹ کر دیا گیا ہے-

پاکستان معاشی طور پر دیوالیہ ہوچکا. مبشر لقمان

محکمہ ایڈمنسٹریشن کے اعلامیہ کے مطابق نگران وزیراعلیٰ کے مشیروں اور معاون خصوصی کو بھی محکمے تفویض کیے گئے ہیں مشیر ڈاکٹر ریاض انور کو صحت، لیبر اور بہبود آبادی کے محکمہ دیئے گئے ہیں جبکہ مشیر سرفرازعلی شاہ کو سی اینڈ ڈبلیو،پلاننگ اینڈ ڈویلوپمنٹ اور پبلک ہیلتھ کا محکمہ تفویض کیا گیا ہے معاون خصوصی ظفر اللّٰہ خان کو اریگیشن اور ہاؤسنگ کے محکمے الاٹ کیے گئے ہیں۔

تنگوانی: ڈاکو دن دیہاڑے سکول ٹیچر سے بائیک اور سامان چھین کر فرار،ڈکیتی کیخلاف گاؤں …

خیبر پختونخوا پولیس میں افسران کے تقرر و تبادلے کر دیئے گئے-

باغی ٹی وی : اعلامیے کے مطابق ایس پی عالمزیب ڈائریکٹر اسکول آف ایکسپلوسیو ہینڈلنگ سے ایس پی انویسٹی گیشن نوشہرہ تعینات کیے گئے جبکہ ایس پی عقیق حسین اپر کرم سے ایس پی انوسٹی گیشن بنوں تعینات ہوں گے،اسی طرح افتخار علی شاہ ایس ایس یو سی پیک خیبر پختونخوا سے ایڈیشنل آئی جی پی ایلیٹ فورس تعینات کیے گئے جبکہ ایڈیشنل ایس پی آپریشن مردان روخان زیب ایس پی سٹی کوہاٹ مقرر کردیئے گئے۔

حمیرا احمد نے صدر پاکستان کی پرنسپل سیکرٹری کی خدمات انجام دینے سے انکار کر …

اعلامیے کے مطابق ایڈیشنل ایس پی کوہاٹ زاہد خان کو ایس پی صدر کوہاٹ تعینات کردیا گیا ہے محمد انعام جان ڈی ایس پی سٹی مردان کو ایس پی سٹی مردان کی ذمہ داری سونپی گئی ہے جبکہ کمال حسین ایس پی انوسٹی گیشن نوشہرہ سے ڈائریکٹر پولیس اسکول آف ایکسپلوسیو ہینڈلنگ مقرر کردیئے گئے وصال احمد ڈی ایس پی لیگل مردان ریجن سے ایس پی ہیڈ کوارٹرز مردان تعینات ہوگئے۔

امریکی ریاست کیلیفورنیا میں سمندری طوفان نے تباہی مچا دی

موٹروے پولیس نے بڑی کاروائی کرتے ہوئے کروڑوں روپے مالیت کی ائس سمگل کرنے کی کوشش ناکام بنا دی ،موٹر وے پولیس کے مطابق رشکئی سروس ایریا کے قریب, دوران پیٹرولنگ سیکٹر کمانڈر ایم ون شفیق الرحمن نے ایک مشکوک گاڑی کو روکنے کا اشارہ کیا ۔جس پر ڈرائیور نے گاڑی کو دوڑانے کی کوشش کی، سیکٹر کمانڈر ایم ون نے مشکوک گاڑی کو روکنے کی ہدایت جاری کی اور خود اس کا پیچھا کیا ۔موٹروے پولیس کو پیچھے اتے دیکھ کر ملزم نے گاڑی سڑک سے اتار دی اور گاڑی چھوڑ کر موقع سے فرار ہو گیا ۔ مشکوک گاڑی کی تلاشی لینے پر گاڑی سے 15 پیکٹ ائس برامد کر دیا ،موٹروے پولیس کی جانب سے مشکوک گاڑی قبضے میں لے کر ملزم کی تلاش شروع کر دی گئی ۔ ائس کا وزن 15 کلو 600 گرام تھا عالمی مارکیٹ میں ائس کی قیمت کروڑوں میں بتائی جاتی ہے ۔
متوقع طور پر ائس پنجاب کی جانب سمگل کرنے کی کوشش کی جا رہی تھی ۔ابتدائی قانونی کاروائی مکمل کر کے گاڑی اور منشیات، تھانہ تور ضلع مردان پولیس کے حوالے ۔واضح رہے، ڈی ائی جی موٹروے نارتھ زون محمد یوسف ملک کی جانب سے مشکوک گاڑیوں پر کڑی نظر رکھنے کی ہدایت جاری تھی ۔

اے این پی رہنما ایمل ولی خان نے نگراں وزیراعظم کو منتخب کرنے کے عمل مذاق قرار دیا ہے ، اور کہا کہ اگر غیر سیاسی آدمی آتا تو عوام کو اس سسٹم پر اعتماد ہوتا۔عوامی نیشنل پارٹی کے مرکزی رہنما ایمل ولی خان نے ایک مقامی ٹی وی سے گفتگو کرتے ہوئے کہا کہ انوار الحق کاکڑ سے مسئلہ نہیں لیکن وہ ایک سیاسی شخصیت ہیں، نگراں وزیراعظم بنانے کا سارا عمل مذاق بنا دیا گیا، اگر اس عہدے پر کوئی غیر سیاسی آدمی آتا تو عوام کا سارے سسٹم پر اعتماد ہوتا۔
ایمل ولی خان نے کہا کہ اتحادی جماعتوں کے اجلاس میں شہباز شریف کو فیصلے کا اختیار دیا گیا، اتحادی ہونے کا مطلب یہ نہیں کہ ہم ہر بات مانیں۔ صوبائی مختاری کو رول بیک کرنے والے کسی بھی قانون کی مخالفت کرونگا، الیکشن مقررہ وقت پر ہونے چاہئیں ورنہ بہت تنازعات کھڑے ہوں گے۔

خیبرپختونخوا کے ضلع چارسدہ اور شمالی وزیرستان میں فائرنگ کے چار مختلف واقعات میں 7 افراد جاں بحق اور متعدد زخمی ہوگئے۔ میڈیا رپورٹ کے مطابق شمالی وزیرستان کی تحصیل سین ​​کے ضلع کھوٹہ میں فائرنگ سے تین افراد جاں بحق ہوگئے۔ جس میں دو بچے بھی زخمی ہوئے جنہیں علاج کے لیے ہنگو دوآبہ ہسپتال لے جایا گیا۔پولیس کے مطابق فائرنگ کے واقعے کا ملزم حمید اللہ ذہنی توازن ٹھیک نہیں ہے تاہم اسکے گرفتاری کے لئے چھاپے مارے جارہے ہے،
دوسری جانب خیبرپختونخوا کے علاقےضلع چارسدہ میں مسلح افراد نے چلتی گاڑی پر فائرنگ کی ہے جس کے نتیجے میں خاتون اور اس کا شوہر جاں بحق ہوگئے۔
چارسدہ کا رہائشی اپنی دو بیویوں، بیٹے اور ڈرائیور کے ساتھ کار میں جا رہے تھے کہ مسلح افراد نے ان پر فائرنگ کر دی جس سے سلیمان اس کی بیوی جاں بحق جبکہ دوسری بیوی بیٹا اور ڈرائیور زخمی ہو گئے جسے علاج کے لیے ہسپتال لے جایا گیا۔ پولیس نے مقدمہ درج کر کے تفتیش شروع کر دی ہے۔
دوسری جانب خیبرپختونخوا کے دارالحکومت پشاور کے علاقے یکتوت مہمند آباد میں جرگے کے دوران دو گروپوں کے درمیان فائرنگ ہوئی جس کے نتیجے میں 22 سالہ نوجوان دانیال زیب جاں بحق اور زخمی ہوگیا۔ اس کا چچا جہانگیر شدید زخمی ہو گیا جسے علاج کے لیے ہسپتال لے جایا گیا۔
میڈیا رپورٹ کے مطابق نوجوان بی ایس کاطالب علم اور مقامی صحافی کے بیٹے تھے ، فائرنگ کے بعد ملزمان فرار ہونے میں کامیاب ہو گئے۔
ایک اور واقع میں خیبرپختونخوا کے علاقے لکی مروت میں احتجاجی مظاہرین اور پولیس کے درمیان تصادم میں ایک شخص جاں بحق اور 4 زخمی ہوگئے۔
سیمنٹ فیکٹری سے اپنے حقوق کے لئے احتجاج کر رہے تھے،واقع کے بعد فیکٹری مزدوروں نے سڑک ہر قسم ٹریفک کے لئے بند کر دیا،

پشاور میں نا معلوم ملزمان کی جانب سے فائرنگ کے نتیجے میں پولیس اہلکار شہید ہوگیا ہے، جس کی نماز جنازہ پولیس لائن میں ادا کی گئی۔
نماز جنازہ میں وزیراعلیٰ خیبرپختونخوا، سی سی پی او، ڈی آئی جی ظفر، ایس ایس پی آپریشن ہارون رشید، چیف ٹریفک آفیسر قمر حیات خان اور دیگر نے شرکت کی۔
ملزمان کا پیچھا کرتے ہوئے نامعلوم مسلح افراد کی فائرنگ سے جاں بحق ہونے والے پولیس کانسٹیبل سرور شاہ کی نماز جنازہ پورے سرکاری اعزاز کے ساتھ پشاور کی ملک سعد شہید پولیس لائن میں ادا کر دی گئی۔
وزیراعلیٰ اور پولیس افسران نے شہید کے تابوت پر پھول چڑھائے اور پولیس کے چاق و چوبند دستے نے شہید کو سلامی دی۔
نگران وزیر اعلیٰ نے اس سلسلے میں ایک بیان میں کہا ہے کہ پولیس اہلکاروں پر فائرنگ کا واقعہ قابل مذمت ہے۔
انہوں نے شہداء کے درجات کی بلندی اور پسماندگان کے لیے صبر جمیل کی دعا کی ہے۔ نگران وزیراعلیٰ نے کہا ہے کہ خیبرپختونخوا پولیس نے اپنی جان ومال کی حفاظت کے لیے لامتناہی قربانیاں دی ہیں۔
انہوں نے کہا کہ صوبے کے عوام کو پولیس کی قربانیوں پر فخر ہے۔ انہوں نے کہا کہ صوبائی حکومت شہید کے خاندان کو تنہا نہیں چھوڑے گی اور ان کی ہر ممکن مدد کرے گی۔