Tag: پشاور

خیبرپختونخوا کے خواجہ سراوں کو بینظیر انکم سپورٹ پروگرام میں شامل کیا گیا ہے اور پہلی بار کسی وفاقی وزیر نےبے نظیر انکم سپورٹ پروگرام میں خواجہ سراء کو نقد امداد دی ہے۔ خیبرپختونخوا میں دو خواجہ سراؤں کا بے نظیر انکم سپورٹ پروگرام میں اندراج کیا گیا ہے۔
وفاقی وزیر مملکت برائے تخفیف غربت و سماجی تحفظ فیصل کریم کنڈی نے خیبرپختونخوا کی غریب خواتین کے ساتھ اب خواجہ سرا کو بھی بینظیر انکم اسپورٹس پروگرام میں شامل کرلیا گیا ہے۔ خواجہ سرا تین ماہ میں آٹھ ہزار نو سو روپے حاصل کر سکیں گے۔
فیصل کریم کنڈی نے خیبرپختونخوا کے علاقے ڈیرہ اسماعیل خان میں جہانزیب عرف الماس عرف خواجہ سرا کو نقد رقم ادا کی۔

پشاور کے علاقے پشتخرہ میں 8 سالہ بچے سےمبینہ زیادتی کا واقعہ سامنے آیا ہے۔ایف آئی آر کے مطابق امام مسجد نے بچے کو تہہ خانے میں لے جا کر زیادتی کا نشانہ بنایا۔پولیس کے مطابق ملزم امام مسجد کو گرفتار کرلیا گیا ہے جب کہ تحقیقات کی جارہی ہیں۔تاہم متاثرہ بچے نے اس سے پہلے بھی کئی دفعہ زیادتی کا نشانہ بننے کی کوشش کی ہے،

گورنر خیبر پختونخوا حاجی غلام علی نے یونیورسٹی آف پشاور کے چوتھے بی ایس کانووکیشن میں بحیثیت مہمان خصوصی شرکت کی، گورنر کے پی کے نے سوشل سائنسز، لائف اینڈ انوائرنمنٹل سائینسز،فزیکل سائینسز، منیجمنٹ ایند انفارمیشن سائینسز،اسلامک اسٹڈیز, کمپیوٹر سائینز، ڈیزاسٹر منیجمنٹ میں بیچلر آف سائینسز کی تعلیم مکمل کرنیوالے 500 طلباء وطالبات میں ڈگریاں تقسیم کیں۔ گورنر نے نمایاں پوزیشن حاصل کرنیوالے 34 طلباء و طالبات کو گولڈ میڈلز پہنائے۔ گورنر نے تعلیمی کامیابی حاصل کرنیوالے طلباء و طالبات، والدین، فیکلٹی اراکین کو مبارکباد دی تقریب میں قائمقام وائس چانسلر پروفیسر ڈاکٹر جہان بخت، فیکلٹی اراکین، والدین اور طلباء کی شرکت کی، کانوکیشن سے خطاب کرتے وقت گورنر کے پی کے نے تقریب میں شریک والدین بچوں کو ساہتے ہوئے کہا کہ تعلیم کے حصول میں کافی مشکلات کو برداشت کرتے ہے، اسلئے تمام والدین کو مبارکباد پیش کرتا ہوں، انہوں نے مزید کہا کہ 10 سال میں کسی نے اتنی ڈگریاں طلبہ کو نہیں دی جنتی میں نے گزشتہ 8 ماہ میں دی ہے، غلام علی نے کہا ہم زمین پر بیٹھ کر تعلیم حاصل کرتے تھے لیکن اب طلبہ کو کافی سہولیات دی جا رہی ہے ، 21 ویں صدی علم اور تحقیق کی صدی ہے جس سیکٹرز میں طلبہ نے ڈگریاں حاصل کر دی ہے وہ اسی سیکٹر کا مقروض ہے، اب طلبہ کو چاہیے کہ وہ متعلقہ سیکٹرز میں کام کرے، گورنر کے پی کے غلام علی نے کہا کہ قومیں وہی کامیاب ہوتی ہے جو مشکلات سے دوچار ہوتے ہوئے محنت کرتیں ہیں، گورنر کے پی کے کا مزید کہنا تھا کہ جامعات کو درپیش مشکلات سے متعلق جون میں حکومت کو آگاہ کردیا ہے،

بنوں میں فائرنگ کے نتیجے میں خاتون سمیت تین افراد جاں بحق جبکہ چار زخمی ہو گئے، پولیس زرائع کے مطابق بنوں,تھانہ میراخیل کی حدود میں دو فریقین کے مابین فائرنگ ہوئی ہے پولیس کے مطابق فائرنگ کے نتیجے میں ایک ہی خاندان کے تین افراد جاں بحق جبکہ چار افراد زخمی, ہو گئے، جاں بحق افراد میں ایک خاتون بھی ہے پولیس کے مطابق جاں بحق اور زخمیوں کو مقامی ہسپتال منتقل کردیا گیا,جبکہ فائرنگ کی وجہ معلوم کی جارہی ہے ،پولیس نے مقدمہ درج کر کے تفتیش کا آغاز کر دیا ہے

امیر جماعت اسلامی پاکستان سراج الحق نے پشاور کی تحصیل متھراکے عوام کو ضمنی الیکشن میں جماعت اسلامی کو ووٹ دینے کی اپیل کردی۔ انہوں نے عوام سے کہا ہے 6اگست کو تحصیل متھرا کے عوام ترازو کو ووٹ دیکر عملی خدمت سے سرشار چیئرمین کو منتخب کریں۔ جماعت اسلامی نے حاجی افتخاراحمد کو نامزدکرکے اہلیان علاقہ کو حقیقی عوامی نمائندے کے انتخاب کا سنہری موقع فراہم کیا ھے۔سراج الحق نے کہا کہ حاجی افتخار نے الخدمت کے پلیٹ فارم سے علاقے میں سیلاب متاثرین کی دن رات خدمت کی ہے، امیر جماعت اسلامی نے کہا کہ ہم سیلاب سے متاثرہ چھوٹے کاشتکاروں کو مفت بیج کھاد اور زرعی ادویات فراہم کرکے ہزاروں گھرانوں کے روزگار کا سلسلہ بحال کیا ہے۔جماعت اسلامی کے نامزدامیدوار افتخار احمد کی امانت اور دیانت کی گواہی ہمارے علاوہ حلقے کےعوام بھی دے رہے ہیں۔ انہوں نے کہا کہ افتخار احمد ایک ویژنری لیڈر ھے جس نے سینکڑوں بے روزگار نوجوانوں کو آن لائن کاروبار کے زریعے روزگار کے مواقعے فراہم کئیے ہیں۔

پشاور میں آئندہ ہفتہ سے شروع ہونے والی پولیو مہم کے پیش نظر دفعہ 144 نافذ کی گیا ہے، پشاور میں دفعہ 144 ممکنہ بدامنی روکنے کیلئے نافذ کیا گیا ،ضلعی انتظامیہ کے مطابق دہشتگردی کے حالیہ لہر کے باعث دفعہ 144 نافذ کی گئی ، اسکے علاوہ پشاور اسلحہ کی نمائش اور لے جانے پر پابندی عائد کردی گئی،ضلعی انتظامیہ نے پشاور میں کالے شیشے والی گاڑیوں پر پابندی عائد کر دی ہے اور بغیر نمبر پلیٹ اور جعلی نمبر پلیٹ والی موٹر سائیکلوں پر بھی مکمل پابندی ہے،اسکے علاوہ
پشاور شہر میں ون ویلنگ کرنے پر بھی پابندی عائد کردی گئی،ضلعی انتظامیے کے مطابق افغان مہاجرین کو کیمپوں تک محدود ان کے پشاور شہر میں داخلے پر پابندی عائد کر دی گئی ہے،

عوامی نیشنل پارٹی خیبر پختونخوا کے صدر ایمل ولی خان نے کہا ہے کہ پارلیمنٹ کی بے توقیری کرنے اور مذاق اڑانے والے کسی بھی صورت عوامی نمائندے نہیں ہوسکتے۔ آخری ایام میں دو دن کےاندر قومی اسمبلی سے 53 بل منظور کرنے کا جواز کیا ہے؟ان بلز کی آڑ میں صوبائی خودمختاری پر حملہ کسی بھی صورت قابل قبول نہیں۔ قومی اسمبلی سے دو دن میں 53 بلوں کی منظوری پر ردعمل دکھاتے ہوئے اے این پی کے صوبائی صدر ایمل ولی خان کا کہنا تھا کہ پارلیمان اور آئین کو روند کربل پاس کرنے کی فیکٹری لگانا آئین شکنی ہے ۔ آئین شکنی مشرف کرے،نیازی کرے یا شہباز شریف،سب کیلئے ہمارا مطالبہ پھر ایک ہی ہوتا ہے۔یاد رکھیں آج بغیر وضاحت دیئے قانون سازی کرنےکے نتائج کل آپکو بھی بھگتنے ہوں گے۔ لاہور میں پاک چائنا گوادر یونیورسٹی قائم کرنے کے بل پر ان کا کہنا تھا کہ جب ہم کہتے ہیں کہ پنجاب پاکستان اور پاکستان پنجاب ہے تو ہمیں ملک دشمنی کا طعنہ دیا جاتا ہے۔ پاک چائنا گوادر یونیورسٹی کی ضرورت بلوچستان سے زیادہ لاہور میں کیسے ہے؟بلوچستان اور پختونخوا دونوں وہ بدقسمت صوبے ہیں جہاں صرف بارود، انسانی خون، خودکش حملوں اور وسائل ہڑپنے کا کاروبار چل سکتا ہے لیکن تعلیم، صحت اور دیگر سہولیات کیلئے صاحبان اقتدار لاہور کا رخ کرلیتے ہیں۔ قومی اسمبلی جیسے مقدس ادارے کیلئے یہ شرم کا مقام ہے کہ اسی ادارے کے ذریعے بلوچ عوام کا حق بھی لاہور منتقل کیا گیا۔

نگران معاون خصوصی سلمیٰ بیگم کی ہدایت پر انسداد گداگری ایکٹ کے تحت پیشہ ور گداگروں کے خلاف آپریشن جاری ہے ، پشاور اور گردونواح میں محکمہ سماجی بہبود دارلکفالہ کی انسداد گداگری سکواڈنے پیشہ ور گداگروں کے خلاف گرینڈ آپریشن کرتے ہوئے مذید 9 پیشہ ور گداگروں کو گرفتار کرلیا ہے نگران وزیر اعلیٰ خیبر پختونخوا کی معاون خصوصی برائے زکوٰۃ،عشر، سماجی بہبود وترقی خواتین سلمیٰ بیگم کی ہدایت پر دارلکفالہ کی ٹیم نے پشاور کے مختلف مقامات پر چھاپے مارے اور پیشہ ور گداگری میں ملوث مرد و خواتین کوانسداد گداگری ایکٹ کے تحت گرفتار کرکے اپنی تحویل میں لے کر دارالکفالہ منتقل کر دیا گرفتار پیشہ ور گداگروں میں 4 مرد اور 5 خواتین شامل تھیں جنکو کوہاٹ روڈ، رینگ روڈ، نشتر آباد، گلبہار، انم صنم چوک اور صدر روڈ سے گرفتار کیا اور انکے خلاف انسداد گداگری ایکٹ کے تحت مقدمات درج کرکے دارالکفالہ منتقل کیا مینیجر دارالکفالہ حناء کا پیشہ ور گداگروں کے خلاف کریک ڈاؤن کے حوالے سے کہنا تھا کہ پشاور اور گردونواح میں گداگری کے خلاف انسداد گداگری ٹیم کاآپریشن جاری رہے گا اور پشاور کو پیشہ ور گداگروں سے پاک کرکے دم لیں گے۔

ایس ایس پی آپریشنز پشاور ہارون الرشید خان کی سربراہی میں ورسک ڈویژن کے تحصیل متھرا کے ضمنی انتخابات کے سلسلے میں سیاسی جماعت کے نمائندوں کیساتھ خصو صی میٹنگ کی ، اس موقع پر ایس پی ورسک ڈویژن ارشد خان بھی موجود تھے ، میٹنگ میں ایس ایس پی آپریشن نے کہا کہ آنے والے تحصیل متھرا کے ضمنی بلدیاتی انتخابات کے موقع پرپولنگ اسٹیشنوں پر ان کی حساسیت کے مطابق سکیورٹی انتظامات کی جائینگے اورعوام کو پرامن ماحول میں الیکشن کی فراہمی کیلئے ہر ممکن اقدامات کیے جائینگے، میٹنگ کے دوران کہا گیا کہ الیکشن کمیشن کے ضابطہ اخلاق پر عملدرآمد کرتے ہوئے خواتین پولینگ سٹیشنوں میں کسی بھی امیدوار اورکارکن کے داخلہ پر مکمل پابندی ہوگی، تمام جماعتوں کے امیدواران اورورکروں کو بھی چاہیے کہ وہ پولیس اورانتظامیہ کے ساتھ سیکیورٹی انتظامات میں تعاون اورہرممکن مدد کریں،