Tag: پشاور

پشاورڈی ایس پی ریگی فدا حسین کی نگرانی میں ایس ایچ او تھانہ ریگی جاوید اختر خان کی اہم کاروائی، شہریوں کو فون کے زریعے بھتہ دینے کے لئے دھمکیاں دینے والا ملزم گرفتار کر لیا گیا،اسکے ساتھ منشیات فروشوں کو بھی گرفت میں لے لیا گیا ہے ، گرفتار ملزمان نے ابتدائی تفتیش کے دوران اپنے جرایم میں ملوث ہو نے کا اعتراف کر لیا ہے کاروائیوں کے دوران بھتہ خور کے قبضے سے موٹر سائیکل، موبائل فون جبکہ منشیات فروشوں کے قبضے سے ہزاروں روپے مالیت کی آئس برآمد کرلی گئی ہےجن کے خلاف مقدمات درج کر کے مزید تفتیش شروع کر دی گئ چند دن پہلے ایک شہری کی جانب سے تھانہ ریگی پولیس کو نامعلوم ملزمان کے خلاف کال موصول ہو کر بھتہ وصولی کیلیے فون پر ڈرانے دھمکانے اور سنگین نتائج کی دھمکیاں دینے کی رپورٹ موصول ہوئیں تھی جس پر مقدمہ درج کر کے تفتیش شروع کر دی گئی ہے
ڈی ایس پی ریگی فدا حسین کی نگرانی میں ایس ایچ او تھانہ ریگی جاوید اختر اور تفتیشی ٹیم نے جدید سائنسی خطوط پر تفتیش کا آغاز کرتے ہوئے سی ڈی آر اور موبائل ڈیٹا کے زریعے ملوث ملزم کا سراغ لگا کر گزشتہ روز اہم کاروائی کے دوران بھتہ خور وقاص خان ولد پرویز کو گرفتار کر لیا، گرفتار ملزم نے ابتدائی تفتیش کے دوران جرم میں ملوث ہونے کا اعترا ف کر لیا ،جس کے قبضے سے موٹر سائیکل اور موبائل فون بھی برآمد کرلی گئی ہے جس سے دوران تفتیش مزید اہم انکشافات کی توقع کی جارہی ہے
ادھر ایس ایچ او تھانہ ریگی جاوید اختر نے دیگر کاروائیوں کے دوران آئس فروشی میں ملوث تین ملزمان کو گر فتار کرلیا ،جن کا تعلق سفید سنگ،ملازئی اور ریگی سے ہے، ملزمان کے قبضے سے ہزاروں روپے مالیت کی آئس برآمد کر لی گئی ہے ،گرفتار ملزمان نے ابتدا ئی تفتیش کے دوران منشیا ت کے مکروہ دھندے میں ملوث ہو نے کا اعتراف کرلیا ہے،جن کے خلاف مقدمات درج کر کے مزید تفتیش شروع کر دی گئی ہے

پشاور ًٰ دو محرم الحرام کے ماتمی جلوس اپنے روایتی راستوں سے ہوتے ہوئے فول پروف سکیورٹی انتظامات میں خیر و عافیت سے اختتام پذیر ہوئے،
اس موقع پر ایس ایس پی آپریشنز ہارون الرشید خان نے شہر کے تمام تر سکیورٹی انتظامات کی خود نگرانی کی،

پشاور کے ایس پی سکیورٹی عتیق شاہ، ایس پی سٹی عبدالسلام خالد، ایس ڈی پی اوز، پولیس افسران اور اہلکاروں نے سکیورٹی پلان کے مطابق اپنی ڈیوٹی کے فرائض سرانجام دییے ماتمی جلوس کے تمام روٹس کی نگرانی جدید ٹیکنالوجی کے زریعے کی گئی، جس میں ڈرون کیمرہ، سرویلنس کیمرہ موبائل کو استعمال کیا گیا،
پشاور اندرون شہر ماتمی جلوس والے تمام روٹس پر روف ٹاپ، گن پوائنٹ ، اونچی عمارتوں پر ماہر نشانہ بازوں کو تعینات کرنے کے ساتھ ساتھ غیر ضروری انٹری پوانٹس کو سیل کیا گیا تھا،

ایس پی اپریشن ہارون الرشید کے مطابق دو محرم الحرام کے ماتمی جلوس کے تمام روٹس کی بی ڈی یو اور سنیفر ڈاگز کے زریعے سویپنگ کی گئی جبکہ ماتمی جلوسوں کے عزدارداروں کو کےلیے تھری لئیر سکیورٹی انتظامات کئے گئے تھے،

ضلع مہمند کے تحصیل صافی میں نو سالہ بچے کو نا معلوم ملزمان نے بے دردی سے قتل کر دیا ہے،جس کے بعد لاش کو ویران گھر میں پھینک دیا گیا تھا،اطلاع ملنے مقامی پولیس نے لاش اپنے قبضے میں لے کر ہیڈ کوارٹر ہسپتال منتقل کر کے پوسٹ مارٹم تحقیقات شروع کر دی ہے،نو سالہ بچے کی بے دردی سے قتل کے خلاف علاقے کے لوگوں نے احتجاج کر کے پشاور اور باجوڑ روڈ کو ہر قسم کے ٹریفک کے لئے بند کر دیا تھا،مظاہرین کا مطالبہ ہے پولیس نے بچے کا کوئی پوسٹ مارٹم نہیں کیا اور نہ واقعے میں کوئی مدد کر رہے ہےعوام کا مطالبہ تھا کہ واقعے میں ملوث ملزمان کے خلاف بھر پور کاروائی عمل میں لائی جائے،اور ملزمان کی گرفتاری جلد عمل میں لائی جائے،

اداروں کی مربوط حکمت عملی اور بروقت اطلاع نے خیبر کو بڑی تباہی سے بچا لیا ، آئی ایس آئی نے 13جولائی کوباڑہ پولیس کو ممکنہ دہشتگرد حملے کی بروقت اطلاع دی تھی۔ آئی ایس آئی کی بروقت اطلاع سے باڑہ مارکیٹ میں دہشت گردوں کا حملہ ناکام بنا دیا گیا۔یہ کہنا تھا آئی جی خیبرپختونخوا اختر حیات کا انہوں نے مزید کہا کہ آئی ایس آئی نے 13جولائی کو باڑہ پولیس کو ممکنہ دہشتگرد حملے کی بروقت اطلاع دی تھی، آئی ایس آئی نے ممکنہ دہشتگردی کی اطلاع دی تو پولیس ہائی الرٹ تھی۔
اختر حیات کا کہنا تھا کہ دو دہشت گردوں نے تحصیل کمپاؤنڈ میں پولیس اسٹیشن پر حملے کی کوشش کی ، ایک دہشت گرد نے مرکزی اور دوسرے نے عقبی دروازے سے گھسنے کی کوشش کی، جس پر پولیس اسٹیشن کے باہر اہلکاروں نے ایک دہشت گرد کو پہلے ہی مار دیا گیا جبکہ تھانے میں گھسنے سے روکنے پر زخمی دہشتگرد نے خود کو دھماکےسے اڑالیا۔انھوں نے بتایا کہ 7سے 8منٹ میں دونوں دہشتگردوں کو پسپا کردیا گیا تھا ، صوبے بھر میں پولیس ہائی الرٹ ہے ، کےپی پولیس کا حوصلہ ہمیشہ بلند رہا ہے اورہمیشہ بہادری سے مقابلہ کیا۔
آئی جی خیبرپختونخوا نے کہا کہ انٹیلی جنس ایجنسیوں سے مربوط رابطے سے اور پولیس کی بروقت حکمت عملی سے دہشتگرد حملہ ناکام ہوا ، دہشتگردوں کے حملے میں ایک سپاہی شہید ہوئے ہیں، دونوں دہشتگرد ہلاک ہوچکے،ڈی این اے اور فنگر پرنٹ فرانزک کیلئے بھجوادیئے۔
اختر حیات کا مزید کہنا تھا کہ سیفٹی اقدامات اور سیکیورٹی انتظامات بہت ضروری ہوتے ہیں ، کوشش یہی ہوتی ہے کہ پولیس کے جوانوں کو تمام سہولتیں میسر ہوں۔

پشاور کے علاقے ریگی ماڈل ٹاؤن میں دہشت گردوں نے عارضی چیک پوسٹ پر کھڑی پولیس موبائل کو فائرنگ کا نشانہ بنایا جس کے نتیجے میں 2 اہلکار جاں بحق ہو گئے،پولیس کے مطابق فائرنگ ہونے کے فوری بعد زخمیوں کو کو فوری طور پر قریبی ہسپتال منتقل کیا گیا جن میں سے دو اہلکار زخموں کی تاب نہ لاتے ہوئے راستے میں دم توڑ گئے۔جبکہ دو شدید زخمی ہو گئے،
پولیس حکام کے مطابق دہشت گردوں کے حملے میں شہید ہونے والوں میں ہیڈ کانسٹیبل واجد اور ڈرائیور فرمان شامل ہیں۔
حکام نے بتایا کہ حملے کے بعد دہشت گرد فرار ہونے میں کامیاب ہوگئے ہیں جن کی گرفتاری کے لئے ناکہ بندی کر کے سرچ آپریش کا آغاز کر دیا گیا ہے۔

پشاور حیات آباد میں ایف سی کی گاڑی پر ہونے والے خود کش حملے کا مقدمہ ایس ایچ او تاتارہ کی مدعیت میں سی ٹی ڈی تھانے میں درج کیا گیا، جس میں نامعلوم ملزمان کو نامزد کیا گیا ہے۔ایف آئی ار میں 7 اے ٹی اے،5 ای ایس اے اور 324 سمیت دیگر دفعات شامل کی گئیں ہیں۔
ایف آئی آر کے متن کے مطابق ایف سی اہلکار سرکاری گاڑی میں ڈیوٹی سر انجام دے رہے تھے کہ حیات آباد فیز 6 میں حملہ آور نے اپنی گاڑی ایف سی کی گاڑی سےٹکرائی، جس کے بعد خودکش حملہ آور کی گاڑی میں زوردار دھماکا ہوا۔
ایف آئی آر کے مطابق دھماکے سے ایف سی گاڑی میں بیٹھے اہلکار شدید زخمی ہوئے، دھماکے سے اطراف کی عمارتوں کو بھی نقصان پہنچا اور ساتھ ہی ایف سی گاڑی کو بھی نقصان پہنچا، جبکہ حملہ آور موقع پر ہلاک اور اُس کے زیر استعمال گاڑی مکمل تباہ ہوگئی۔
مدعی مقدمہ کے مطابق خودکش حملہ آور کا چہرہ کافی حد تک محفوظ رہا اور اُس کے دونوں ہاتھوں کی انگلیوں کے نشانات بھی سلامت ہیں۔ایف آئی آر میں لکھا گیا ہے کہ واقعہ مختلف سی سی ٹی کیمروں میں محفوظ ہوچکا ہے، ہلاک دہشت گرد کے ڈی این اے ٹیسٹ کیلئے حملہ آور کے جسم کے نمونےحاصل کرلئے ہیں۔
واضح رہے کہ گزشتہ روز حیات آباد میں ایف سی کی گاڑی پر خودکش دھماکا ہوا تھا جس میں 8 ایف سی اہلکار زخمی ہوئے تھے۔

گورنر خیبرپختونخوا نے صوبائی کابینہ میں ردوبدل کی سمری کی منظوری دے دی اے این پی کی سفارش پر وزیر صنعت عدنان جلیل کو کابینہ سے ہٹاکر وزارت مشیر کھیل مطیع اللہ کو دے دی گئی زرائع کے مطابق سمری کی منظوری کے بعد وزیرصعنت عدنان جلیل کو کابینہ سے ہٹا دیا گیا ذرائع کے مطابق مشیر کھیل مطیع اللہ کو وزیر بنا کر صنعت کی وزارت دیدی گئی جبکہ اشرف داوڑکو معاون خصوصی برائے وزیراعلی بنا دیا گیا ذرائع کے مطابق کابینہ میں ردوبدل کا نوٹی فیکیشن جلد جاری ہونے کا امکان ہے واضح رہے کہ اے این پی نے نگراں وزیراعلی کو عدنان جلیل پر عدم اعتماد کا اظہار کر کے عہدے سے ہٹانے کا کہا تھا،

صوبائی دارالحکومت پشاور میں پرامن محرم الحرام یقینی بنانے کے لیے تشکیل شدہ سکیورٹی پلان کا جائزہ لینے اور حساس و انتہائی حساس مقامات کی سکیورٹی آڈٹ کے لئےسی سی پی او پشاور سید اشفاق انور کی زیر صدارت پولیس لائن میں ضلع بھر کے پولیس افسران کے ساتھ میٹنگ کا انعقاد کیا گیا، خصوصی میٹنگ میں ایس ایس پی آپریشنز ہارون الرشید خان، چیف ٹریفک آفیسر قمر حیات خان، ایس ایس پی کوارڈی نیشن میر فراز خان، ڈویژنل ایس پیز، ایس ڈی پی اوز اور تمام ایس ایچ اوز نے شرکت کی،
سی سی پی او پشاور سید اشفاق انور کی زیر صدارت ہونے والی میٹنگ میں محرم الحرام کے پر امن انعقاد کیلئے کئے گئے اقدامات اور تمام تر سکیورٹی انتظامات پر تبادلہ خیال کیا گیا ، میٹنگ کے دوران سی سی پی او نے پولیس افسران کو فل پروف سکیورٹی کی خاطر تمام تر توانائیاں بروےکار لا نے کی ہدایت کی، انہوں نے کہا کہ کسی بھی ناخوشگوار واقعہ سے بروقت نمٹنے کی خاطر دیگر اداروں کے ساتھ مربوط کوارڈینیشن قائم کیا جائے، انہوں نے کہا کہ ماتمی جلوس، مجالس اور دیگر تقریبات کیلئے تھری لئیر سکیورٹی فراہم کی جائے گی جبکہ بی ڈی یو اور سنیفر ڈاگز کے ذریعے سویپنگ کے ساتھ ساتھ اونچے عمارتوں پر ماہر نشانہ باز تعینات کئے جائیں ،سی سی پی او نے محرم الحرام کے پر امن انعقاد کے لئے تمام مکاتب فکر، تاجر برادری ، رضا کاروں اور تمام مسالک سے تعلق رکھنے والے علماء کرام اور راہنماوں کیساتھ قریبی رابطہ رکھنے پر زوردیا سکیورٹی ڈیوٹی کیلئے دیگر اضلاع سے آنے والے پولیس اہلکاروں کو سہولیات فراہم کرنے کیساتھ ساتھ خوراک کے معیار کا متعلقہ ایس پیز خود جائزہ لے اور نگرانی کریں ، انہوں نے مزید کہا کہ سکیورٹی پلان پر من و عن عمل کرکے تمام امام بارگاہوں اور دیگر عبادت گاہوں کو فول پروف سیکیورٹی انتظامات مکمل کی جائیں
سی سی پی او سید اشفاق انور نے ٹارگٹڈ سرچ اینڈ سٹرائیک آپریشنز میں مزید تیزی لانے پر زور دیا ، انہوں نے سٹی پٹرولنگ ، ابابیل سکواڈ اور لوکل پولیس گشت میں اضافہ کیساتھ ساتھ سنیپ چیکنگ اور ناکہ بندیوں پر چیکنگ بہترکرنے کی ہدایت کی، سماج دشمن عناصر، جرائم پیشہ افراد اسلحہ نمائش اور ڈبل سواری کرنے والوں کے خلاف بلا تعطل کارروائیاں جاری رہے گی، اندرون شہر سمیت تمام حساس مقامات اور امام بارگاہوں کی سیکیورٹی انتظامات کی ڈویژنل ایس پیز خود نگرانی کریں ،میٹنگ کے دوران سی سی پی او نے کہا کہ شہر میں داخل ہونے والے تمام افراد اورگاڑیوں کی کڑی نگرانی کی جائے، محرم الحرام کے پر امن انعقاد کے لئے تمام مکاتب فکر، تاجر برادری اور تمام مسالک سے تعلق رکھنے والے علماء کرام اور راہنماوں قریبی رابطہ میں رہیں ،انہوں نے کہا کہ محرم الحرام کے دوران ٹریفک کی روانی کیلئے خصوصی ٹریفک پلان تشکیل دیا گیا جس کے تحت تمام روٹس کی چیف ٹریفک آفیسر خود نگرانی کریں گے،

سوات کے سابق ایم این اے مظفر ملک کاکی خان نے اپنے خاندان سمیت عوامی نیشنل پارٹی سے اپنا رابطہ توڑ کر استعفی دے دیا،ضلع سوات میں عوامی نیشنل پارٹی میں اختلافات شدت اختیار کر گئے ہے اور کارکنان کی جانب سے استعفوں کا سلسلہ بتدریج جاری ہے،ایم این اے مظفر ملک نے پارٹی کے عہدے سے استعفی دے کر صوبائی وزیر واجد علی خان کی حمایت کر دی ہے،زرائع کے مطابق پارٹی سینئر نثار خان بھی پارٹی سے استعفی دینے والے ہے جس کا اعلان جلد کیا جائے گا ،واضح رہے کہ عوامی نیشنل پارٹی میں اختلافات کی وجہ صوبائی وزیر واجد علی خان ہے ،جس نے سب سے پہلے نیشنل پارٹی سے الگ ہو کر استعفی دے دیا تھا ،جس کے بعد متعدد کارکنان اور اے این پی رہنماؤں نے واجد علی کے حمایت میں مستعفی ہوئے،زرائع کا یہ بھی کہنا ہے کہ اے این پی میں اختلافات مزید شدت اختیار کرنے والی ہے اور بہت جلد مزید استعفے سامنے ائے گے،

پشاور پیسکو چیف عارف محمود سدوزئی نے حیات آباد میڈیکل کمپلیکس کا دورہ کیا ہے، ترجمان پیسکو کے مطابق پیسکو چیف عارف محمود سدوزئی نے زخمی پولیس اہلکار کی عیادت کی۔ ترجمان پیسکو نے کہا کہ گزشتہ روز ہوئے پیسکو ٹیم اور پولیس اہلکار پر حملے کی شدید مذمت کی،واضح رہے کہ گزشتہ روز پیسکو ٹیم اور پولیس اہلکار پر فائرنگ کی گئی تھی جس کے نتیجہ میں ایک پولیس اہلکار زخمی ہوا تھا،پیسکو چیف نےحملہ آور کے خلاف سخت سے سخت قانونی کارروائی کرانے کی یقین دہانی کرائی ہے،