بی آر ٹی پشاور کی گاڑیوں اور سٹیشنوں میں بلااجازت تصاویر لینے اور ٹک ٹاک ویڈیوز بنانے پر پابندی عائد کردی گئی۔اس سے پہلے ایسی کوئی پابندی نہیں تھی ، شہر بلا جھجک بی آر ٹی میں تصاویر اور ویڈیوز بناتے تھے ۔ سوشل میڈیا پر ٹک ٹاک ویڈیوز کی بھی بھر مار تھی،
ہم نیوز کے مطابق پابندی کے حوالے سے بی آر ٹی انتظامیہ کا کہنا ہے کہ سکیورٹی صورتحال اور سواریوں کی پرائیویسی کے پیش نظر یہ پابندی عائد کی گئی ہے جس کے تحت بسوں ، سٹیشنوں اور بی آر ٹی کے دوسرے مختلف مقامات پر ویڈیوز بنانے یا تصویر لینے کیلئے اجازت لینا لازمی ہوگی،
Tag: پشاور
بی ار ٹی میں کسی قسم کے تصاویر اور ویڈیوز بنانے پر پابندی
پشاور ہائیکورٹ میں شہر یار آفرید ی کے مقدمات کی سماعت
پشاور ہائیکورٹ میں سابق وفاقی وزیر شہریار آفریدی کی جانب سے مقدمات کی تفصیل فراہمی کے لئے دائر درخواست پر سماعت ہوئی ہے، سماعت جسٹس اشتیاق ابراہیم اور جسٹس اعجاز انور پر مشتمل دو رکنی بنچ نے کی ،سماعت کے دوران وکیل درخواست گزار شاہ فیصل اتمانخیل ایڈوکیٹ نے عدالت سے استدعا کی کہ
شہریار آفریدی کو 3 ایم پی او کے تحت گرفتار کیا گیا اور وہ 46 دن سے جیل میں ہے۔جس پر جسٹس اعجاز انور کی جانب سے سوال کیا گیا کہ شہریار آفریدی کو
3 ایم پی او میں کیو ں نامزد کیا گیا ہے۔ وکیل درخواست گزار شاہ فیصل اتمانخیل نے جواب دیا کہ شہریار آفریدی جیل میں تھے اور 3 ایم پی او میں نامزد کیا گیا ہے اس پر عدالت نے صوبائی حکومت سے شہریار آفریدی کے خلاف مقدمات کی تفصیل بھی طلب کرلی۔اور ڈپٹی کمشنر کوہاٹ کو آئندہ سماعت پر طلب کرلیا۔
پشاور حیات آباد میں خودکش دھماکے کی ابتدائی رپورٹ
پشاور کے علاقے حیات آباد میں خود کش دھماکے کی تحقیقات میں پیش رفت ہوئی ہے۔ذرائع کے مطابق خود کش حملہ آور کا چہرہ صاف ہے جس سے اسکی نشاندہی آسانی سے ہوسکتی ہے، حملہ آور کے چہرے کی تصاویر شناخت کیلئے نادرا بھیج دی گئی ہے۔ دوسری جانب بم ڈسپوزل یونٹ نے بھی تحقیقات مکمل کرلی ہیں۔ بم ڈسپوزل یونٹ کے مطابق دھماکے میں 20 سے 25 کلو بارودی مواد استعمال کیا گیا، باروی مواد گاڑی کی سی این جی ٹینکی میں رکھا گیا تھا۔حیات آباد دھماکہ. خود کش حملہ آور کالے رنگ کے پاسو گاڑی میں سوار تھا جس نے پہلے سے فرنٹیئر کور کی گاڑی کو اپنا ہدف بنایا،
زرائع کے مطابق پشاور حیات آباد بم دھماکہ میں ملوث خود کش حملہ آور کے بدن کے اعضاء مل گئے جو جوان العمر لڑکا تھا گاڑی کا نمبر پلیٹ اور چیسزز نمبرز حاصل کرلے گئے ہے، دھماکے کے باعث دو گاڑیاں مکمل تباہ جبکہ دو گاڑیوں کو جزوی نقصان. اور آٹھ افراد شدید زخمی ہوئے.ابتدائی تحقیقات میں بی ڈی یو حکام کے مطابق دھماکے میں دھماکے میں ہائی ایکسپلسیو بارود استعمال کیا گیا، اسکے علاوہ دھماکے میں خود کش جیکٹ استعمال نہیں ہوا،
ہسپتالوں میں مر یضوں اور تیمارداروں سے موبائل فون چوری کرنے والا ملزم گرفتار
پشاور کے ہسپتالوں میں تیمار داروں اور مریضوں سے موبائل فونز چوری کرنے والے گینگ کا سراغ لگا کر گروہ کے سرغنہ اور مرکزی ملزم کو گرفتار کر لیا، گرفتار ملزم کا تعلق ضلع کوہاٹ سے ہے جو ہسپتالوں میں مریضوں سے موقع ملتے ہی موبائل چوری کرنے میں ملوث ہے ،جس نے ابتدائی تفتیش کے دوران متعدد وارداتوں کا اعتراف کیا ہے، ملزم کے قبضہ سے 7 عدد قیمتی موبائل فونز برآمد کر لئے گئے ہیں جن کے اصل مالکان کا سراغ لگایا جا رہا ہے، ملزم سے دوران تفتیش مزید اہم انکشافات کی توقع کی جا رہی ہے
پشاور ڈی ایس پی ٹاون سجاد حسین کی نگرانی میں ایس ایچ او تھانہ ٹاون ابراہیم خان نے دوران تفتیش متعدد جرائم پیشہ اور مشکوک افراد کو شامل تفتیش کرنے کیساتھ ساتھ ہسپتال میں لگے کیمروں کی فوٹیج کا بھی جائزہ لیا جس کے دوران واردات میں ملوث گروہ کا سراغ لگا کر مرکزی ملزم منظور احمد ولد تاج علی کو گرفتار کر لیا گیا جس کا تعلق ضلع کوہاٹ سے ہے، ملزم نے ابتدائی تفتیش کے دوران ہسپتالوں میں مریضوں اور تیمارداروں سے موبائل فونز چوری کرنے کے بعد سستے داموں فروخت کرنے کا انکشاف کیا ہے جس کے قبضہ سے ابتدائی طور پر 7 عدد قیمتی موبائل فونز برآمد کر لئے گئے ہیں جن کے اصل مالکان کا سراغ لگا کر حوالہ کیا جائے گا، ملزم سے دوران تفتیش مزید اہم انکشافات کی توقع کی جا رہی ہے،
کے پی کے نگران وزیر اعلی کا سی ایم ایچ پشاور کا دورہ
نگران وزیر اعلیٰ خیبر پختونخوا محمد اعظم خان نے سی ایم ایچ پشاور کا دورہ کیا جہاں انہوں نے حیات آباد میں سیکیورٹی فورسز کی گاڑی پر دھماکے کے نتیجے میں فرنٹیئر کور کے زخمی ہونے والے اہلکاروں کی عیادت کی۔نگران صوبائی وزیر بیرسٹر فیروز جمال شاہ کاکا خیل اور وزیراعلیٰ کے پرنسپل سیکرٹری امجد علی خان بھی وزیر اعلیٰ کے ہمراہ تھے۔وزیر اعلیٰ نے زخمی اہلکاروں سے فرداً فرداً ملاقات کر کے ان کی خیریت دریافت کی۔ انہوں نے زخمی اہلکاروں کی جلد صحتیابی کے لیے دعا بھی کی اور کہا کہ ملک و قوم کے تحفظ کے لیے سیکیورٹی فورسز کی قربانیاں ہمیشہ یاد رکھی جائیں گی اس موقع پر میڈیا سے گفتگو کرتے ہوئے کہا ہے کہ حیات آباد دھماکے کی شدید الفاظ میں مذمت کی ، وزیر اعلیٰ نے کہا کہ سکیورٹی فورسز کو نشانہ بنانابزدلانہ فعل ہے، انہوں نے کہا پوری قوم سکیورٹی فورسز کے شانہ بشانہ کھڑی ہے ، محمد اعظم خان صوبائی حکومت کو تاکید کرتے ہوئے کہا کہ زخمیوں کی ہر ممکن مدد فراہم کر کے مکمل طبی امداد دی جائے،نگران وزیر اعلی کا مزید کہنا تھا کہ دہشتگردوں کے یہ بزدلانہ کاروایاں کبھی ہمارے حوصلے پست نہیں کر سکتی،پوری قوم کو یکجا ہو کر اس طرح کے کاروائیوں کو ناکام بنایا جائے گا،
صوابی ،دھمکی آمیز خطوط بھیجنے والا گروہ گرفتار
صوابی کے گاؤں میں گھروں میں خط بھیج کر بھتہ مانگنے والا گروہ پولیس کے شکنجے میں آگیا، ڈسٹرکٹ پولیس آفیسر نجم الحسن کے مطابق خطوط بھیجنے والے گینگ کو گرفتار کرلیا گیا ہے۔انہوں نے بتایاکہ پولیس نے گرفتار 6 رکنی گینگ سے 30 لاکھ روپے برآمد کیے ہیں۔ حکام کے مطابق متعلقہ خاندانوں کی رپورٹ پر کالوخان پولیس نے مقدمہ درج کرلیا ہے۔یاد رہے صوابی میں 18 خاندانوں کو پیسے منتقل نہ کرنے پر دھمکی آمیرخطوط موصول ہوئے تھے جس کے بعد گاؤں ڈاگئی میں 18 خاندانوں نے دھمکی آمیز خطوط ملنے پر جرگہ طلب کیا تھا۔جرگے میں پولیس حکام کو کاروائی تیز کرنے کی ہدایت کی گئی تھی اور ساتھ ہی جرگے نے یہ فیصلہ کیا تھا کہ اگر خطوط بھیجنے والے افراد میں کوئی سخص گاؤں ڈاگئی سے تعلق رکھے گا تو اسے گاؤں بدر کیا جائے گا ،
خط کے متن کے مطابق بینک اکاؤنٹس سے پیسے نکلوا کر تیار رکھ لیں، ہم وصولی کیلئے آئیں گے، تمام خاندان پیسے اور سونا اپنے گھروں پر رکھیں۔ بینکوں سے پیسے نہ نکلوانے اور سونا گھر پر نہ رکھنے پر قتل کی دھمکیاں دی گئیں۔
ڈاگئی کے رہائشیوں کو خطوط ملنے کے بعد کالو خان پولیس نے نوٹس لیتے ہوئے ان کی رپورٹ پر مقدمہ درج کر لیا تھا اور اس کے بعد گروہ کو گرفتار کر لیا گیا۔
پشاور یو نیورسٹی کے شعبہ صحافت میں پوڈ کاسٹ سٹوڈیو کا افتتاح
خیبر پختونخوا کے نگران وزیر اطلاعات بیرسٹر میاں فیروز کاکا خیل نے جامعہ پشاور کے شعبہ صحافت میں پوڈ کاسٹ سٹوڈیو کا افتتاح کر دیا۔ ٹرائبل نیوز کے مطابق اس موقع پر جرنلزم اینڈ ماس کمیونکیشن ڈپارٹمنٹ میں منقعدہ تقریب سے خطاب کرتے ہوئے میاں فیروز جمال کاکا خیل نے کہا کہ صحافت اب کسی بھی سٹیٹ کا ایک اہم ستون بن چکا ہے اور یہ ایک بہت بڑی ذمہ داری ہے، اس کو اچھے طریقے سے سر انجام دینا احسن اقدام ہوگا۔
نگران وزیر اطلاعات کا کہنا تھا کہ کسی بھی صحافی کی ذمہ داری بنتی ہے کہ معاشرتی اقدار کو مدنظر رکھتے ہوئے رپورٹنگ کریں جبکہ سوشل میڈیا ہماری معاشرتی اقدار کو بھول گئی ہے اور اس کے غلط استعمال نے ایک پوری نسل کو تباہی کے دہانے پر پہنچا دیا ہے۔
ان کے بقول ہماری سیاسی لیڈر شپ نے بچوں کی ایسی ذہن سازی کی ہے کہ وہ گمراہ ہوگئے ہیں، سوشل میڈیا کے غلط استعمال کی وجہ سے 9 مئی جسیے واقعات رونما ہوئے، نئی نسل کو درست سمیت لیکر جانا صحافی اور اساتذہ کی ذمہ داری ہے۔
ادھر تقریب سے خطاب کرتے ہوئے شعبہ صحافت کے چیئرمین ڈاکٹر فیض اللہ جان نے کہا کہ پوڈ کاسٹ سٹوڈیو میں صحافیوں اور جرنلزم کے طلبہ کو صحافتی پروفیشنل ویڈیوز بنانے کا پلیٹ فراہم ہوگا کیونکہ کل یہی طلبہ ملک چلانے کے لیے میدان میں ہوں گے، صحافت ایک مقدس پیشہ ہے اور اس کا غیر ذمہ دارانہ استعمال معاشرے کے لیے تباہی کا ذریعہ بن سکتا ہے۔
ان کے بقول جرنلزم اینڈ ماس کمیونکیشن خیبر پختونخوا کا پہلا ڈپارٹمنٹ ہے جس نے ملک بھر اور بیرون ملک میں پشو اور اردو کے نامور صحافی پیدا کیے جبکہ اب ڈیپارٹمنٹ میں صحافت کے ساتھ ساتھ سٹریٹجک کمیونکیشن پر بھی بھر پور توجہ دی جا رہی ہ
عمران خان ملک میں انتشار چاہتا ہے،صدر پی ٹی ائی پارلیمنٹیرینز پرویز خٹک
پاکستان تحریک انصاف پارلیمنٹیرینز کے صدر پرویز خٹک نے کہا ہے کہ عمران خان کو جو غلط فہمی ہے کہ کسی کے جانے سے انہیں فرق نہیں پڑتا یہ غلط فہمی ہم دور کر دیں گے اور انہیں جلد پتہ چل جائے گا۔ان خیالات کا اظہار پرویز خٹک نے نجی ٹی وی کے پروگرام میں گفتگو کرتے ہوئے کیا،پرویز خٹک نے کہا کہ عمران خان کا مقصد کوئی نیا پاکستان بنانا نہیں، یہ شخص ملک میں صرف انتشار چاہتا ہے تاکہ پاکستان آگے نہ بڑھ سکے، میرے سینے میں بہت سے راز دفن ہیں۔
انہوں نے کہا کہ پی ٹی آئی کے دور میں حکومت کو صرف ایک شخص اعظم خان چلا رہا تھا، 2013 کے انتخابات کے بعد مجھے وزیراعلیٰ خیبر پختونخوا صرف اس لیے بنایا گیا کہ میرے بغیر تحریک انصاف حکومت بنانے کی پوزیشن میں ہی نہیں تھی۔ پرویز خٹک نے نجی ٹی وی شو میں کہا کہ میں نے چیئرمین پی ٹی آئی کے ساتھ نہ چلنے کا فیصلہ بہت پہلے کر لیا تھا۔ یہ بات درست ہے کہ یکم جون کو پی ٹی آئی چھوڑنے سے قبل میں مذاکراتی کمیٹی کا حصہ تھا مگر جب مجھے معلوم ہوا کہ ملک میں اصل ہو کیا رہا ہے تو فوراً پارٹی چھوڑنے کا اعلان کر دیا۔ مجھ پر کسی نے کوئی دباؤ نہیں ڈالا۔
صدر پی ٹی آئی پارلیمنٹیرینز نے کہا کہ 2010 میں جب پی ٹی آئی کی ہوا چلی تو یہ پارٹی صوبے میں کچھ بھی نہیں تھی، جو لوگ آج میرے ساتھ کھڑے ہیں یہی تحریک انصاف کو اوپر لے کر گئے تھے۔سابق وزیراعلیٰ نے کہا کہ عمران خان پارٹی میں کسی کو کچھ سمجھتا ہی نہیں، کسی کو آگے آنے کا موقع نہیں دیا جاتا، پی ٹی آئی میں صرف ’میں‘ ہی ’میں‘ ہے۔انہوں نے کہا کہ پی ٹی آئی پارلیمنٹیرینز میں شمولیت کے حوالے سے لوگوں کی جو لسٹیں سوشل میڈیا پر جاری کی جا رہی ہیں وہ غلط ہیں، اصل لسٹ تو میرے پاس ہے جو کسی کو جاری ہی نہیں کی۔ بہت جلد لوگوں کی لائن لگے گی جو ہماری پارٹی کا حصہ بنیں گے۔
پی ڈی ایم اے نے خیبر پختونخوا میں طوفانی بارشوں کا الرٹ جاری کر دیا
محکمہ موسمیات کے مطابق خیبرپختونخوا میں 19جولائی سے مون سون بارشوں کا نیاسلسلہ شروع ہونے کاامکان ہے،اس حوالے سے پی ڈی ایم اے نے الرٹ جاری کر دی ہے جس کے مطابق گرج چمک کے ساتھ بارشوں اور تیز ہواؤں کےپیش نظر ضلعی انتظامیہ کو پیشگی اقدامات اٹھانے کی ہدایات جاری ہوئے ہے،پی ڈی ایم اے مراسلہ میں ڈی جی پی ڈی یم اے نے بالائی اضلاع میں لینڈ سلائیڈنگ کا خدشہ طاہر کیا ہے ،اسلئے ضلعی انتظامیہ کو چھوٹی بھاری مشینری کی دستیابی یقینی بنانے کے ہدایات جاری کئے گئے ہے،
ڈی جی پی ڈی ایم اے کے مطابق بارشوں سے پشاور،چارسدہ، نوشہرہ، مردان اور کے بعض علاقوں میں اربن فلڈنگ کا خدشہ ہے لہذا برساتی نالوں کی نگرانی کی جائے۔پی ڈی ایم اےمراسلہ کے مطابق طوفان کی صورت عوام بجلی کی تاروں، کمزور تعمیرات، سایئن بورڈز اور بل بورڈز سے دور رہے۔حساس بالائی علاقوں میں سیاحوں اور مقامی کمیونٹیز کو ایڈوائزری کی ترسیل یقینی بنائیں۔
پی ڈی ایم اے مراسلہ میں اس بات پر زور دیا گیا ہے کہ پیغامات مقامی زبانوں میں پہنچائے جائیں ۔تمام متعلقہ لائن ڈیپارٹمنٹس روڈ لنکس کی بحالی میں چوکس رہیں۔ مراسلہ میں سڑک کی بندش سے بچنے کے لیے ٹریفک کے لئے متبادل راستے فراہم کر کئے جائیں۔ جس کے لئے انتظامیہ اسپیل کے لیے خصوصی منصوبہ بندی کریں۔پی ڈی ایم اے مراسلہ میں بتایا گیا ہے کہ حساس علاقوں میں صوبائی اور قومی شاہراہوں پرمسافروں کو پیشگی خبردار کیا جائے۔اور متعلقہ حکام بوقت ضرورت لوگوں کومحفوظ انتظار گاہوں میں منتقل کریں۔
اسکے علاوہ سیاحوں کو موسمی صورت حال سے آگاہ کیاجائے ۔ سیاح دوران سفر خصوصی احتیاطی تدابیر اختیار کریں۔ پی ڈی ایم اے مراسلہ کے مطابق پی ڈی ایم اے ،پی ای او سی کو صورتحال کے بارے میں بروقت آگاہ کیا جائے۔مراسلے میں بتایا گیا ہے بارشوں کا سلسلہ وقفے وقفے سے 23 جولائی تک جاری رہنے کا امکان جس کے لئےپی ڈی ایم اے کا ایمرجنسی آپریشن سنٹر مکمل طور پر فعال ہے، عوام معلومات اور رہنمائی کے لیے ہماری ہیلپ لائن 1700 پر رابطہ کریں.
پشاور، ایس ایس پی کا محرم الحرام کے لیے سکیورٹی انتظامات کا جائزہ لینے کیلئے اندرون شہر دورہ
ایس ایس پی آپریشنز ہارون رشید خان کا محرم الحرام کے لیے کیے گئے اقدامات اور سکیورٹی انتظامات کا جائزہ لینے کیلئے اندرون شہر دورہ کیا، ماتمی جلوس مجالس اور امام بارگاہوں کے تمام روٹس، سی سی ٹی وی کیمروں اور سٹریٹ لایٹس کا تفصیلی جائزہ لیا گیا،اس موقع پر ایس پی سٹی عبدالسلام خالد ، ایس پی سکیو رٹی عتیق شاہ، ڈی پی اوز اور ایس ایچ اوز بھی ان کے ہمراہ تھے
ایس ایس پی آپریشنز ہارون رشید خان دورہ کے دوران امام بارگاہوں دیگر مذہبی عبادت گاہوں اور اہم حساس مقامات کا بھی معائنہ کیا گیا اور پولیس اہلکاروں کو الرٹ رہنے کی ہدایت کی گئی شہر کے تما م داخلی و خارجی راستوں پر خصوصی ناکہ بندیاں قائم کرکے چیکنگ کا سلسلہ مزید سخت کردیا گیا ہے
دورے کے دوران اہل تشیع رہنماوں اور منتظمین کیساتھ ملاقات، سکیورٹی اقدامات اور اہم امور پر تبادلہ خیال کیا گیا محرم الحرام کے پر امن انعقاد اولین ترجیح ہے جس کیلئے تمام تر دستیاب وسائل بروئے کا ر لا رہی ہےاسکے علاوہ ایس ایس پی آپریشنز نے کنٹرول روم میں سی سی ٹی کیمروں کے ذریعے بھی سکیورٹی کا جائزہ لیا۔
