Tag: پشاور

پروونشل ڈیزاسٹر مینیجمنٹ اتھارٹی (پی ڈی ایم اے) خیبر پختونخوا نے چترال، کوہستان اپر، دیر بالا اور سوات کے بالائی علاقوں میں گلیشئرپگھلنے کا خدشہ ظاہر کردیا۔

باغی ٹی وی: پی ڈی ایم اے نے متعلقہ ضلعی انتظامیہ اور متعلقہ اداروں کو مراسلہ جاری کردیا ہے۔جاری مراسلے میں کہا گیا ہے کہ اپر اور لوئر چترال، کوہستان اپر، دیر اپر اور سوات کے بالائی علاقوں میں گرمی کی لہر سے گلیشئر پگھلنےسے گلاف/ فلیش فلڈ کا خدشہ ہے۔

اپراور لوئر چترال,کوہستان اپر،دیر اپر اور سوات کے بالائی علاقوں میں گرمی کی لہر سے گلیشیر پگھلنےسے( گلاف)/ فلیش فلڈ کا خدشہ۔محکمہ موسمیات

پی ڈی ایم اےنے متعلقہ ضلعی انتظامیہ اور متعلقہ اداروں کو مراسلہ جاری کردیا۔پی ڈی ایم اے

حساس علاقوں کی مقامی کمیونٹی کو پیشگی اطلاع دی جائے pic.twitter.com/TPYrxYrzYh

— PDMAKP OFFICIAL (@PDMAKP) June 20, 2023

مراسلے میں پی ڈی ایم اے نے ایمرجنسی اور ریسکیو سروسز کے اہلکاروں کی دستیابی کو یقینی بنا نے اور سیاحوں اور مسافروں کو پیشگی خبردار کرنے کی بھی ہدایت جاری کی ہے۔

ٹائی ٹینک کی سیاحت کیلئےگئی لاپتہ آبدوز کی تلاش تاحال جاری

پی ڈی ایم اے کی جانب سے جاری بیان میں کہا گیا ہے کہ حساس علاقوں میں سیاحوں کی پیشگی کو خبردار کیا جائے سیاح کسی بھی غیر ضروری سفر سے گریز کریں اورحساس علاقوں کی مقامی کمیونٹی کو پیشگی اطلاع دی جائے۔

ماہرین کا کہنا ہے کہ عالمی سطح پر درجۂ حرارت میں اضافے کی وجہ سے بہت سے گلیشیئر یا تو سُکڑ گئے ہیں یا ان کی تہہ پتلی ہو گئی ہےگلیشیئرز کے پگھلنے سے کئی مقامات پر جھیلیں بن رہی ہیں، جن میں سے کچھ میں گرمی کے موسم میں پانی کی سطح خطرناک حد تک بلند ہو جاتی ہے جس سے ان کے بند ٹوٹ جاتے ہیں اور نشیبی علاقوں میں اچانک سیلاب آ جاتے ہیں۔

ملائشیا نے بھی بھارتی تیجا طیارے خریدنے سے انکار کر دیا

حکام کے مطابق شاید پاکستان کے شمالی علاقے جات میں بھی گذشتہ ہفتے اسی قسم کی صورت حال پیدا ہو گئی تھی اور لوگوں کو سیلاب کا سامنا کرنا پڑا،ضروری نہیں کہ پگھلنے والا گلیشیئر جھیلوں کے بہت قریب ہو، تاہم ہوتا یہ کہ دوسرے گلیشیئرز کے پگھلنے سے بڑے بڑے پتھر اور چٹانیں لڑھک کر نیچے آجاتے ہیں اور یوں پانی کے ریلے راستے میں آنے والے تودوں کو بھی ساتھ بہا کر لے جاتے ہیں۔

بورس جانسن پر پارلیمنٹ میں داخلے پرپابندی

رواں ہفتے ملک کے بیشتر حصوں میں شدید گرمی سے ہیٹ ویو کا امکان
پنجاب کے صوبائی دارالحکومت لاہور میں گرمی کی شدت برقرار ہے ،لاہور میں ہیٹ ویوز چلنے کا دوسرا روز ہے، محکمہ موسمیات کا کہنا ہے کہ لاہور میں 20جون سے 24جون تک ہیٹ ویوز چلے گی،ہیٹ ویوز پورے پاکستان میں چلے گی ،ہیٹ ویوز میں نارمل درجہ حرارت میں قریبا چھ فیصد اضافہ ہوتا، لاہور کا کم سے کم درجہ حرارت 29سینٹی گریڈ جبکہ زیادہ سے زیادہ 40 سینٹی گریڈ رہنے کا امکان ہے،ہوا میں نمی کا تناسب 50فیصد جبکہ ہوا18 کلومیٹر فی گھنٹے کی رفتار سے چل رہی ہے لاہور کا موجودہ درجہ حرارت37 سینٹی گریڈ ہے شہر لاہور میں آئندہ چوبیس گھنٹوں میں بارش کا کوئی امکان نہیں ،محکمہ موسیات ملک کے بیشتر علاقوں میں دن کے اوقات میں موسم خشک اور شدید گرم رہے گا۔،تاہم بالائی خیبر پختونحوا ، شمال مشرقی پنجاب اورکشمیر میں آندھی اور گرج چمک کے ساتھ بارش کا امکان ہے

خیبر پختونخوا میں شوگر کے مریضوں کے علاج کیلئے انسولین اور بعض ادویات کی قیمتوں میں حالیہ مہینوں کے دوران کئی گنا تک اضافہ کردیا گیا ہے۔ جس کی وجہ سے صوبے میں لاکھوں افراد پر اضافی مالی بوجھ پڑا ہے۔ واضح رہے کہ ملکی اور غیر ملکی ادویہ ساز کمپنیوں کی جانب سے ادویات کی قیمتوں میں اضافہ کی وجہ سے شوگر کے مریضوں کیلئے انسولین اور دوسری ضروری ادویات کی قیمتیں بھی بڑھ گئی ہیں۔ میڈیسن ڈیلرز کے مطابق صوبہ میں لاکھوں کی تعداد میں لوگ شوگر میں مبتلا اور ان میں سے بیشتر ہر روز دو سے تین مرتبہ انسولین لے رہے ہیں۔
نمک منڈی سے صوبہ بھر کی ادویہ مارکیٹ کو ادویات بھیجی جاتی ہیں۔ حالیہ مہینوں کے دوران قیمتیں بڑھ جانے کی وجہ سے انسولین اور شوگر کے ادویات کی رسد میں کمی اور اس کے استعمال کرنیوالے مریضوں کیلئے مشکلات میں اضافہ ہوا ہے۔ مارکیٹ سروے کے مطابق انسولین اور شوگر کے علاج سے جڑی دوسری ادویات کی قیمتوں میں سابق نرخ کے مقابلے کئی گنا کا اضافہ حالیہ دنوں کے دوران ہوا ہے۔
صوبائی ڈرگ اینڈ فارمیسی ڈائریکٹوریٹ کے ذرائع نے اس حوالے سے بتایا کہ ڈریپ یعنی ڈرگ ریگولیٹری اتھارٹی کے احکامات پرمختلف اقسام کی ادویات میں اضافہ ہوا ہے جس میں شوگر کی ادویات اور انسولین بھی شامل ہیں۔ اس لئے مارکیٹ میں شوگر کی ادویات کے نرخ بڑھے ہیں تاہم صوبے میں کہیں پر بھی ذخیرہ اندوزی وغیرہ کی شکایات نہیں اور تمام اضلاع کی میڈیسن مارکیٹ میں کمپنی نرخ پر ادویات بیچی اور فروخت ہورہی ہیں۔

خیبر پختو نخواہ پشاور اینٹی کارلفٹنگ سیل نے کارروائی کے دوران حیات آباد اور اطراف کے علاقوں میں سرگرم موٹرکارلفٹر گروہ کا سراغ لگا کر ملزم کو گرفتار کرلیا گیا ہے ، ملزم ریگی کا رہائشی ہے جس کا تعلق منظم کار چوری کرنے والےکینگ سے ہے ۔خطرناک گینگ نے تھانہ حیات آباد کی حدود میں لیڈی ڈاکٹر سے اسلحہ کی نوک پر گاڑی چھینی تھی،جسکا مقد مہ قریبی تھانے میں درج کر لیا گیا تھا جس پر پولیس نے کاروائی کرکے مسروقہ گاڑی برآمد کی تھی ۔
حیات آباد اور کینٹ جیسے پوش علاقوں میں وارداتوں کی روک تھام کیلئے انچارج انٹی کارلفٹنگ سیل شہر یار خان کو ملوث ملزمان کو ٹریس کرکے گرفتار کرنے کا ٹاسک حوالہ کیا گیا جنہوں نے کار سنیچنگ میں ملوث گروہ کا ملزم ماجد آمین کو گرفتار کرلیا ۔ ملزم سے مسروقہ گاڑیوں کے انجن، چیسز نمبرز تبدیل کرکے فروخت کرنے میں ملوث ہے ۔جس نے حیات آباد میں لیڈی ڈاکٹر سے گاڑی چھینے سمیت دیگر متعدد وارداتوں کا انکشاف کیا جس کے قبضے سے دومسروقہ گاڑیاں برآمد کر لی گئی ہیں۔

پشاور کے علاقے پشتہ خرہ پایاں میں رشتہ سے انکار پر باپ نے اپنی بیٹی کو گولی مار کے قتل کردیا ۔ مقتولہ کی شادی کی تاریخ طے کرنے کی بات چیت چل رہی تھی جب یہ واقعہ پیش آیا۔40سالہ شازیہ زوجہ مبارک شاہ نے رپورٹ درج کراتے ہوئے پشتخرہ پولیس کو بتایا کہ وہ پشتہ خرہ پایاں کی رہائشی ہے ۔اس کی 17سالہ بیٹی کی منگنی ناصر ولد اسلام گل سکنہ لنڈی اخون احمد کیساتھ ہوئی تھی جن کی شادی کی تاریخ طے کرنے کی بات چیت چل رہی تھی تاہم اس کی بیٹی اس رشتہ سے خوش نہیں تھی اس نے رشتہ سے انکار کردیا جس پر اس کے شوہر مبارک شاہ ولد پائیوخان نے پستول نکال کر بیٹی کوسر میں گولی ماردی جس سے وہ موقع پر جاں بحق ہوگئی۔ ملزم واردات کے بعد فرارہوگیا ۔پولیس نے واقعہ کا مقدمہ درج کرکے جائے وقوعہ سے اہم شواہد اکٹھی کرلئے اور مزید تفتیش شروع کردی گئی ۔پولیس کے مطابق بہت جلد ملزم تک پہنچ جائے گے،

ضلع خیبر کی تحصیل لنڈی کوتل کے علاقےمیری خیل میں قتل ہونے والی خاتون اسسٹنٹ ایجوکیشن آفیسر کا قاتل اس کا شوہرنکلا،گرفتار ملزم نے اعتراف جرم کرلیا۔خیبر پولیس کے مطابق بنوں سے تعلق رکھنے والی لنڈی کوتل کی ایس ڈی ای او راضوانہ شاہین کو گزشتہ رات میری خیل میں ان کے کوارٹر میں چاقو کے وار سے قتل کیا گیا ۔مذکورہ آفیسر سکول کے ہاسٹل میں گزشتہ دو مہینوں سے بچوں اور خاوند سمیت رہائش پذیر تھی جبکہ واقعہ کے بعد خاتون کا شوہر اور چار بچے پر اسرار طور پر غائب تھے۔دوسری جانب ضلع بنوں کے تھانہ ڈومیل پولیس نے ایک کاروائی کے دوران مقتولہ کے شوہر کو کوٹکہ محمد کے علاقے سے گرفتار کرلیاہے ،ایس ایچ او تھانہ ڈومیل گل محمد خان کے مطابق ملزم نجیب اللہ نےابتدائی تفتیش میں اپنی زوجہ راضوانہ شاہین کو قتل کرنے کا اعتراف کرلیاہے جبکہ ملزم سے مذید تفتیش کی جارہی ہے. ضلع خیبر پولیس کے ایس پی انوسٹیگیشن ضیا ء حسن لنڈی کوتل نے کہا کہ ابتدائی تحقیقات کے واقعہ مطابق گھریلو ناچاقی کا سبب ہوسکتا ہے تاہم واقعہ کی تحقیقات جدید سائنسی خطوط پر کی جائے گی جس کے لئے پولیس انوسٹیگیشن کی سپیشل ٹیم جائے وقوعہ پر پہنچ گئی ہیں اور تحقیقات شروع کردی گئی ہے۔