Baaghi TV

Tag: پنجاب

  • کم آمدن والوں کیلئے گھر ،20 سال کیلئے 6526 روپے ماہانہ قسط

    کم آمدن والوں کیلئے گھر ،20 سال کیلئے 6526 روپے ماہانہ قسط

    کم آمدن والوں کیلئے گھر ،20 سال کیلئے 6526 روپے ماہانہ قسط

    پرائم منسٹر پیری اربن ایفورڈایبل ہاؤسنگ پراجیکٹ کے حوالے سے خوشخبری ،کم آمدن والے لوگوں کیلئے گھر کے خواب کو تعبیر مل گئی

    ساڑھے 17 لاکھ روپے کا ساڑھے 3 مرلے کا گھر، 20 سال کیلئے 6526 روپے ماہانہ قسط ، کم آمدن والے افراد کیلئے پیری اربن ایریا میں پلاٹوں کی الاٹمنٹ کیلئے قرعہ اندازی کی تقریب ہوئی، وزیراعلیٰ پنجاب سردار عثمان بزدار نے3 تحصیلوں میں گھروں کی الاٹمنٹ کیلئے بٹن دبا کر قرعہ اندازی کی وزیراعلیٰ عثمان بزدار نے گھر حاصل کرنے والے خوش نصیبوں کو مبارکباد دی،

    وزیراعلیٰ پنجاب عثمان بزدار کا کہنا تھا کہ پرائم منسٹر پیری اربن ایفورڈایبل ہاؤسنگ پاکستان تحریک انصاف کی حکومت کا فلیگ شپ پراجیکٹ ہے۔ پہلی مرتبہ بے گھر لوگوں کیلئے اپنے گھر کا خواب پورا کرنے کی جانب عملی قدم اٹھایا گیا ہے۔
    پنجاب کی ہر تحصیل اور ہر ڈسٹرکٹ میں پیری اربن ایفورڈایبل ہاؤسنگ سکیم بنائیں گے۔وزیراعظم عمران خان کے ویژن کے مطابق پیری اربن ایریا میں ایفورڈایبل ہاؤسنگ پراجیکٹ کیلئے کوشاں ہیں۔ صوبہ بھر میں پیری اربن ہاؤسنگ کیلئے 133 مقامات کی نشاندہی کی گئی ہے۔ نیا پاکستان ہاؤسنگ ڈویلپمنٹ اتھارٹی (نیفڈا) نے 54 مقامات کا سروے مکمل کر لیا ہے۔نیفڈا نے پہلے فیز میں 32 سائٹس پر 10 ہزار سے زیادہ ہاؤسنگ یونٹ بنانے کی سفارشات پیش کی ہیں۔حکومت پنجاب کم آمدن والے افراد کو 10 ہزار روپے فی مرلہ کے امدادی نرخ پر سرکاری اراضی فراہم کر رہی ہے۔پیری اربن ہاؤسنگ پراجیکٹ کیلئے اربوں روپے کی قیمتی سرکاری اراضی امدادی نرخ پر فراہم کر رہے ہیں۔حکومت پنجاب پراجیکٹ پر انفراسٹرکچر ورک ڈویلپمنٹ کیلئے 3 ارب روپے کا ریوالونگ فنڈ قائم کر چکی ہے۔قرعہ اندازی میں کامیاب درخواست دہندگان/ الاٹی مورگیج فنانس / قرضہ حاصل کرنے کے اہل ہوں گے۔بینک آف پنجاب کی سربراہی میں بینکوں کا کنسورشیم گھروں کیلئے مورگیج فنانس فراہم کر رہا ہے۔

    وزیراعلیٰ پنجاب عثمان بزدار کا کہنا تھا کہ الاٹی 10 سے 20 سال کے عرصے میں ماہانہ اقساط کی صورت میں ادا کریں گے۔ایفورڈایبل ہاؤسنگ پراجیکٹ کو ایف ڈبلیو او اوراین ایل سی مکمل کریں گے۔ تعمیراتی معیار کو یقینی بنانے کیلئے ای سی ایس پی کو پراجیکٹ کنسلٹنٹ مقرر کیا گیا ہے۔ 3 مقامات پر ایفورڈایبل ہاؤسنگ پراجیکٹ کے تحت تعمیراتی کام تیزی سے تکمیل کے مراحل طے کر رہا ہے۔ پیری اربن ایفورڈایبل ہاؤسنگ میں گھر کی اوسط لاگت کا تخمینہ 17 لاکھ 50 ہزار روپے لگایا گیا ہے۔ع پیری اربن ایفورڈایبل ہاؤسنگ کے تحت رائے ونڈمیں 245، سرگودھا میں 324 اور چنیوٹ میں 270 گھر بنائے جاچکے ہیں۔پاکستان تحریک انصاف کی حکومت عوام سے کئے گئے تمام وعدے پورے کرنے کیلئے پرعزم ہے۔وعدوں کی تکمیل کیلئے میں اور میری ٹیم شب و روز کوشاں ہیں۔پیری اربن ایفورڈایبل ہاؤسنگ پراجیکٹ وزیراعظم عمران خان کے عام آدمی کیلئے گھر کے خواب کی تعبیر ہے۔ ہم عوام کی خدمت کے عہد کو ضرور نبھائیں گے۔

    وزیراعظم کی رہائشگاہ بنی گالہ کے قریب کسی بھی وقت بڑے خونی تصادم کا خطرہ

    ملک میں غیر قانونی ہاؤسنگ سکیموں کی رپورٹ سپریم کورٹ میں پیش

    نیب سے کون خوفزدہ تھا؟ ترمیمی آرڈیننس کیوں لائے؟ وزیراعظم نے بتا دیا

    نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

    نواز شریف سے جیل میں نیب نے کتنے گھنٹے تحقیقات کی؟

    تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا

    نیب ترمیمی آرڈیننس 2019 کی مدت ختم، نیب کو پھر مل گئے وسیع اختیارات

    علیم خان کی سوسائٹی کیخلاف عدالت میں روزدرخواستیں آرہی ہیں،اسلام آبادہائیکورٹ کے چیف جسٹس کے ریمارکس

    علیم خان اتنے بااثر ہیں کہ ریاست نے اپنی زمین استعمال کیلئے دے دی؟

    آئی بی افسران کا ہاؤسنگ سکیم کے نام پر بڑا دھوکہ، رقم لیکر ترقیاتی کام کروانے کی بجائے مزید زمین خرید لی

    ہاؤسنگ سوسائٹیز میں لوگوں کو لوٹا جا رہا ہے، سپریم کورٹ نے دی حکومت کو مہلت

    فلمسٹار لکی علی کا فراڈ ہاوسنگ سوسائٹیوں سے عوام کو چونا لگانے کا اعتراف،نیب نے کی ریکارڈ ریکوری

    وفاقی انٹیلی جنس بیورو آئی بی کے افسران کی جانب سے اسلام آباد میں پراپرٹی کا کام شروع کئے جانے کا انکشاف

    وفاقی انٹیلی جنس بیورو آئی بی کے افسران کی جانب سے ہاؤسنگ سوسائٹی کے نام پر اربوں کا فراڈ

    آئی بی کی ہاوسنگ اسکیم کے فراڈ پر پوسٹ لکھنے پر صحافی کا 15 سالہ پرانا فیس بک اکاؤنٹ ہیک

    آئی بی افسران کی ہاؤسنگ سکیم،دس سال پہلے پلاٹ خریدنے والوں کو قبضہ نہیں ملا، نیب کہاں ہے؟ عدنان عادل

    کم آمدن والے افراد کو صرف 2 فیصد سروس چارجز پر قرضے دیئے جائیں گے،وزیراعظم

  • بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان

    بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان

    لاہور:بغیر ویکسینیشن بچوں کو اسکول آنے کی اجازت نہیں ہوگی، وزیر تعلیم پنجاب مُراد راس کا اعلان ،اطلاعات کے مطابق صوبائی وزیرتعلیم پنجاب مراد راس کا کہنا ہے کہ بغیر ویکسینیشن بچوں کو اسکول آنے کی اجازت نہیں ہوگی۔ اس حوالے سے تمام تعلیمی اداروں‌ کو ہدایات جاری کردی گئی ہیں،

    لاہور میں پریس کانفرنس کرتے ہوئے وزیرتعلیم پنجاب مراد راس کا کہنا تھا کہ این سی او سی اجلاس میں اسکولز پر سب سے آخر میں بات ہوئی، دیگرچیزوں کے بند ہونے تک اسکولز کی بندش کا فیصلہ نہیں کر سکتے، 12 سال سے کم عمر کی بچوں کی کلاسز 50 فیصد حاضری کے ساتھ ہوں گی،12 سال سے کم عمر کے بچوں کی ویکسینیشن نہیں ہوئی، بغیر ویکسینیشن بچوں کو اسکول آنے کی اجازت نہیں ہوگی۔

    وزیرتعلیم نے کہا کہ اسکولز بند نہیں کرسکتے، پہلے ہی بچوں کا بہت نقصان ہوچکا ہے، اسکولوں کو بند نہیں کیا جا رہا صورتحال خراب ہوتی ہے تو مرحلہ وار اول تا ھشتم تک چلایا جائے گا، حکومت نے ویکسی نیشن کی استعداد بہت بڑھا دی ہے، اساتذ ہ کی 100 فیصد ویکسینیشن ہوچکی ہے، جب کہ میٹرک سے انٹر تک کے طلباء کی ویکسینیشن مکمل ہو چکی ہے، ان کے لیے اسکول مستقل کھلے رہیں گے، تاہم ماسک کی پابندی پر سختی سے عملدرآمد کروایا جائے گا۔

    مراد راس نے مزید بتایا کہ صوبے میں اساتذہ کی 16 ہزار اسامیوں کا اشتہار دو ماہ تک آجائے گا، پنجاب میں پہلی مرتبہ کمپلسری ایکٹ پاس کیا گیا، اب اس پر عملدرآمد ہونے جا رہا ہے۔ کلاس ون سے پانچویں تک قرآن پاک ناظرہ پڑھایا جائے گا، چھٹی سے بارہویں تک قرآن ترجمے کے ساتھ پڑھایا جائے گا۔

    دوسری جانب وفاقی وزیر اسد عمر کی زیر صدارت این سی او سی اجلاس میں بھی سکول کھلے رکھنے کا فیصلہ کیا گیا ہے۔ اسلام آباد میں منعقدہ اجلاس میں وفاقی وزیر تعلیم شفقت محمود سمیت دیگر وزرائے تعلیم نے شرکت کی۔ اجلاس میں اومی کرون کے بڑھتے پھیلائو پر مشاورت اور ویکسی نیشن کے عمل کو تیز کرنے پر اتفاق کیا گیا۔

    این سی او سی اجلاس کے دوران ملک میں مارکیٹیوں ، شادی ہالز اور رش والی جگہوں پر ایس او پیز کے عملدرآمد کا بھی جائزہ لیا گیا، تعلیمی اداروں کو کھلا رکھنے پر غور کیا گیا جس کیلئے تازہ ترین ڈیٹا کے ساتھ کل اجلاس دوبارہ طلب کیا گیا ہے۔

  • پاکستان میں کرونا سے مزید 7 اموات،مریضوں میں بھی اضافہ ہونے لگا

    پاکستان میں کرونا سے مزید 7 اموات،مریضوں میں بھی اضافہ ہونے لگا

    پاکستان میں کرونا سے مزید 7 اموات،مریضوں میں بھی اضافہ ہونے لگا

    باغی ٹی وی کی رپورٹ کے مطابق پاکستان میں کرونا کا پھیلاؤ جاری ہے

    این سی او سی نے کرونا کے حوالہ سے تازہ ترین اعدادوشمار جاری کئے ہیں، این سی او سی کے مطابق گزشتہ 24 گھنٹے میں کورونا کے باعث 7 اموات رپورٹ ہوئی ہیں گزشتہ 24 گھنٹے میں 3 ہزار 567 کورونا کیسز رپورٹ ہوئے ہیں گزشتہ 24 گھنٹے میں 48 ہزار 449 کورونا ٹیسٹ کیے گئے گزشتہ 24 گھنٹے میں کورونا مثبت کیسز کی شرح 7.36 فیصد رہی، ملک بھر میں کورونا کے باعث اموات کی تعداد28 ہزار 999 ہو گئی ملک بھر میں کورونا کے مجموعی کیسز کی تعداد13 لاکھ 15 ہزار 834 ہو گئی ہے

    خیبر پختونخوا میں24 گھنٹے میں کورونا کے 90 کیسسز، 4ہلاکتیں ہوئیں 24 گھنٹوں کے دوران پشاور سے 66 کیسسز اور 4 افراد جاں بحق ہوئے خیبر پختونخوا میں کورونا کے مجموعی کیسز کی تعداد 181996 ہوگئی ،خیبر پختونخوا میں کورونا سے صحت یاب افراد کی تعداد 175357ہوگئی خیبر پختونخوا میں کورونا سے اب تک 5943 افراد جاں بحق ہوئے خیبر پختونخوا میں 24 گھنٹوں میں کورونا سے 22افرادصحت یاب ہوئے خیبر پختونخوا میں 24 گھنٹوں کے دوران کورونا کے 9468ٹیسٹ کیے گئے

    وفاقی محکمہ صحت کا کہنا ہے کہ کراچی میں کورونا کی شرح 28.80 فیصد تک پہنچ گئی،کراچی میں گزشتہ روز 2081 مریضوں میں کرونا کی تشخیص ہوئی کراچی میں گزشتہ روز 7226 ٹیسٹ کیے گئے ،لاہور میں کورونا کی شرح 9.63 فیصد تک ہوگئی اسلام آباد میں کورونا کی شرح 5.53 فیصدہوگئی

    ڈاکٹر فیصل سلطان کا کہنا ہے کہ ہمیں بچوں کو بیماریوں سے بچانا ہے صحت کے تمام محکمہ مل کر کام کرتے ہیں،50فیصد سے زائدبچے فری ویکسینٹڈ ہیں خسرہ کے حوالے سے حفاظتی مہم چلائی حفاظتی ٹیکے پبلک گڈز سمجھے جاتے ہیں کورونا ویکسینیشن امیر غریب سب کے لیے ہیں، اپنے شہریوں کو بیماریوں سے بچانا حکومت کیلئے باعث فخر ہے،

    محکمہ پرائمری اینڈ سیکنڈری ہیلتھ کیئرپنجاب نے کوروناوائرس کے گزشتہ چوبیس گھنٹوں کے اعدادوشمارجاری کردیئے۔ سیکرٹری محکمہ پرائمری اینڈ سیکنڈری ہیلتھ کیئر عمران سکندر بلوچ کے مطابق کورونا کیسز میں مزید کمی لانے کیلئے مختلف سیکٹرز کے لئے اسپیشل ایس او پیز جاری کر دیئے گئے ہیں تمام شہری خاص طور پر کورونا کی مکمل احتیاط کو یقینی بنائیں۔ ہم صرف ویکسی نیشن اوراحتیاط کے ذریعے ہی کورونا وائرس کے پھیلاؤ کو روک سکتے ہیں- 12 سال سے زائد عمر کے تمام افراد کوویکسین لگانے کی پوری کوشش کررہے ہیں۔ گزشتہ 24 گھنٹوں کے دوران صوبہ بھر سے کورونا کے 843 نئے کیسز سامنے آئے ہیں۔ صوبہ بھر میں کورونا کے کیسز کی کل تعداد 450,787 ہو چکی ہے۔اب تک صوبہ بھر میں 429,997 مریض سرکاری ہسپتالوں سےعلاج کے بعد مکمل صحت یاب ہو کر اپنے گھروں کو واپس جاچکے ہیں۔صوبہ بھر میں کورونا کے ایکٹو کیسز کی کل تعداد 7,708 ہو گئی ہے۔ گزشتہ چوبیس گھنٹوں کے دوران صوبہ بھر میں کورونا کے باعث مظفرگڑھ سے 1 ہلاکت رپورٹ ہوئی ہے۔ صوبہ بھر میں کورونا کے باعث اموات کی کل 13,082 تعداد ہو چکی ہے۔ گزشتہ 24 گھنٹوں کے دوران کورونا کے 19,722 تشخیصی ٹیسٹ کئے گئے ہیں۔ صوبہ بھر میں کورونا کےاب تک مجموعی طور پر 9,178,484 تشخیصی ٹیسٹ کئے جاچکے ہیں۔گزشتہ 24 گھنٹوں کے دوران لاہورسے کورونا کے 659 جبکہ راولپنڈی سے 96 کیسز رپورٹ ہوئے ہیں۔ گزشتہ 24 گھنٹوں کے دوران فیصل آباد، شیخوپورہ اور گوجرانولہ سے کورونا کے12 بارہ جبکہ سیالکوٹ سے 11 کیسز رپورٹ ہوئے ہیں۔ ملتان سے کوروناکے 5،بہاولپور، جہلم اور ننکانہ صاحب سے کوروناکے 4 چار جبکہ پاکپتن سے 3 کیسز رپورٹ ہوئے ہیں۔ گزشتہ چوبیس گھنٹوں کے دوران صوبہ بھر کے تمام شہروں میں کورونا کے مثبت کیسز کی مجموعی شرح 4.3 فیصد ریکارڈ کی گئی ہےگزشتہ چوبیس گھنٹوں کے دوران لاہور میں کورونا وائرس کے مثبت کیسز کی شرح 9.6 فیصد، راولپنڈی میں 4.9 ریکارڈ کی گئی ہے۔فیصل آباد میں مثبت کیسز کی شرح 3.3 فیصد ملتان سے 1.9 فیصد جبکہ گوجرانولہ سے 1.6فیصد ریکارڈ کی گئی۔ *شہری کورونا کے خلاف خصوصی حفاظتی تدابیر اختیار کرکے خود کو محفوظ بنائیں۔ بلاضرورت گھر سے باہر نکلنے اور پر ہجوم اجتماعات میں جانے سے مکمل گریز کریں – سماجی فاصلے اور ماسک کے استعمال کوہرصورت یقینی بنائیں۔12 سال سے زائد عمر کے تمام شہری کورونا وائرس سے بچاؤ کی ویکسین لازمی اور فوری لگوائیں۔ تمام ویکسی نیشن مراکز پر ویکسین وافر مقدار میں موجود ہے۔ ریچ ایوری ڈورویکسی نیشن مہم کے پہلے مرحلے کے دوران پنجاب کی ایک کروڑچالیس لاکھ سے زائد آبادی کوویکسن لگائی گئی ہے۔ ریچ ایوری ڈورویکسی نیشن مہم کے دوسرے مرحلے کے دوران زیادہ سے زیادہ عوام کوکوروناکے ویکسین لگائی گئی۔ عوام کسی بھی قسم کی رہنمائی یا شکایات کے لئے1033 پر رابطہ کرسکتے ہیں۔

    دوسری جانب دنیا بھر میں کورونا کیسز کی تعداد 32 کروڑ سے تجاوز کرگئی امریکہ میں مجموعی کورونا کیسز کی تعداد ساڑھے 6 کروڑ سے زائد ہوگئی بھارت میں مجموعی کیسزکی تعداد3 کروڑ 60 لاکھ سے ہے برازیل میں مجموعی کیسز2 کروڑ 27 لاکھ سے زائد ہے برطانیہ میں مجموعی کیسز ایک کروڑ50 لاکھ ہو گئی فرانس میں مجموعی کورونا کیسز ایک کروڑ 32 لاکھ سے زائد ہوگئے روس اور ترکی میں بھی کورونا کیسز کی تعداد ایک ایک کروڑ سے زائد ہے

    وزیراعلیٰ پنجاب سردار عثمان بزدار نے کورونا ویکسی نیشن مہم کو مزید تیز کرنے کی ہدایت کر دی،وزیراعلیٰ پنجاب عثمان بزدار کا کہنا تھا کہ شہریوں کو بوسٹر ڈوز لگانے کے عمل کو ہر صورت یقینی بنایا جائے۔اومیکرون ویرینٹ کے باعث کورونا کیسوں میں اضافے پر تشویش ہے حکومت پنجاب شہریو ں کی زندگیوں کے تحفظ کے لئے ہر ممکن اقدامات کررہی ہے۔ کورونا سے نمٹنے کے لئے انتظامی مشینری،محکمہ صحت، پولیس اور متعلقہ محکمے پوری طرح چوکس ہیں۔ کورونا کی پانچویں لہر مزید احتیاط کی متقاضی ہے۔پبلک مقامات پر سماجی فاصلہ اختیار کرنا ضروری ہے۔موثر طریقے سے ایس او پیز پر عملدرآمد سے ہی بیماری کا پھیلاؤ کم سے کم ہوگا۔عوام سے اپیل ہے کہ وہ اپنی زندگیوں کے تحفظ او رصحت کے لئے حکومتی ہدایات پرعمل کریں۔

    اومیکرون….احتیاط کریں نہیں تو پابندیاں لگائی جا سکتی ہیں. اعلان ہو گیا

    گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

    وفاقی دارالحکومت میں بھی کرونا وائرس کا مشتبہ کیس سامنے آ گیا

    کرونا وائرس، بچاؤ کے لئے کیا کیا جائے؟ وفاقی کالجز کے پروفیسرزنے دی تجاویز

    کرونا وائرس سے کتنے پاکستانی چین میں متاثر ہوئے؟ ترجمان دفتر خارجہ نے بتا دیا

    کرونا وائرس ، معاون خصوصی برائے صحت نے ہسپتال سربراہان کو دیں اہم ہدایات

    اومیکرون،15 ممالک کے شہریوں پاکستان کا سفر نہیں کرسکیں گے

    پاکستان میں کرونا سے مزید 9 اموات

    برطانیہ میں اومیکرون کے پھیلاؤ میں تیزی

    پاکستان میں پہلےاومی کرون کیس کی تصدیق

    اومیکرون کا خدشہ ،برطانیہ سے پاکستان آنے والی پروازوں بارے نیا حکمنامہ

    کرونا کو معمولی قرار دینے والے کک باکسنگ کے سابق عالمی چیمپئین کی موت

    بھارتی کرکٹ ٹیم کے سابق کپتان سارو گنگولی بھی کرونا کا شکار

    جنرل ہسپتال میں اومیکرون کی تشخیصی سہولت فراہم، رپورٹ اسی روز ملے گی

    جوبائیڈن کا سفری پابندیاں ہٹانے کا اعلان، دہلی میں اومیکرون نے لاک ڈاؤن لگوا دیا

    سعودی عرب،کرونا کا پھیلاؤ، ایک بار پھر پابندیاں نافذ

    کرونا کی تیسری لہر، دہلی کے بعد ممبئی میں بھی پابندیاں نافذ

    کرونا کا ایک اور ریکارڈ،دنیا بھر میں ایک روز میں دس لاکھ مریض

    کرونا کے مزید 708 کیسز رپورٹ، اسلام آباد میں اومیکرون پھیل گیا

    اومیکرون ویرینٹ کے باعث کورونا کیسوں میں اضافے پر تشویش

  • پنجاب کی جیلوں میں سیکیورٹی کیمرے بند ہونے کا انکشاف

    پنجاب کی جیلوں میں سیکیورٹی کیمرے بند ہونے کا انکشاف

    پنجاب کی جیلوں میں سیکیورٹی کے نام پر لگائے گئے کیمرے بند ہونے کا انکشاف ہوا ہے۔

    باغی ٹی وی : تفصیلات کے مطابق ڈی آئی جی لاہورریجن نے جیلوں کے سپرنٹنڈنٹس کو مراسلہ بھجوا دیا ہے جس میں جیلوں میں خراب معاملات کی نشاندہی کی گئی ہے۔

    مراسلے میں بتایا گیا ہے کہ جیلوں میں سی سی ٹی وی کنٹرول روم موثر انداز میں کام نہیں کر رہے، جیلوں میں ہونے والی بےضابطگیوں کا جیل کنٹرول روم میں کام کرنے والے ملازمین مشاہدہ نہیں کر سکتے جیلوں کی انتظامیہ کو تنبیہ کی گئی ہے کنٹرول روم میں وارڈرزکی تعیناتی کو مستقل بنیادوں پریقینی بنایا جائے، جیلوں میں اکثر کیمرے بند پائے جاتے ہیں اور مختلف عذر پیش کیے جاتے ہیں۔

    اسلام آباد جرائم کا گڑھ بن گیا، روز پولیس مقابلے، ڈکیتیاں، وجہ کیا؟ تہلکہ خیز انکشاف

    ڈی آئی جی لاہورریجن نے ہدایت کی ہے کہ سیکیورٹی کیمروں کی تعداد کوروزانہ کی بنیاد پر چیک کیا جائےاور رپورٹ بھی پیش کی جائے۔

    جبکہ پنجاب کی 42 جیلوں میں مختلف جرائم میں ملوث 688 بچے اسیر ہیں 591 کم سن ملزمان کیخلاف عدالتوں میں مقدمات زیر سماعت ہیں .97 بچوں کو پنجاب کی عدالتوں سے سزائیں ہو چکی ہیں .سب سے زیادہ 93 کم عمر ملزمان بہاولپور جیل میں موجود ہیں، بہاولپور جیل میں سزا یافتہ بچوں کی تعداد 55 جبکہ 38 کے مقدمات زیر التوا ہیں لاہور کی ڈسٹرکٹ جیل میں 68 کم سن ملزمان موجود ہیں، سینٹرل جیل راولپنڈی میں 60 ملزمان اسیری کاٹ رہے ہیں ساہیوال، فیصل آباد، ملتان، خانیوال اور بہاولپور میں کوئی کم سن قید نہیں ہے،پنجاب کی جیلوں میں ایک بھی کمسن بچی قید نہیں ہے،محکمہ جیل خانہ جات کا کہنا ہے کہ کم سن ملزمان کو مکمل سہولیات فراہم کی جارہی ہیں-

    سیالکوٹ: زمین کے تنازع پر معمر خاتون پر بہیمانہ تشدد،وزیراعلیٰ کا نوٹس:مجرم گرفتار

    دوسری جانب اسلام آباد میں جرائم ڈکیتیوں اور پولیس مقابلوں میں کمی نہ آ سکی اس حوالے سے جاری کر دہ رپورٹ کے مطابق وفاقی دارالحکومت اسلام آباد میں پولیس افسران و اہلکاروں کے تبادلوں کے باوجود جرائم میں کمی نہ آ سکی اسلام آباد میں گزشتہ دو ہفتوں میں تقریبا چار پولیس مقابلے ہو چکے ہیں، ڈکیتی ،چوری کی وارداتوں میں مسلسل اضافہ ہو رہا ہے ، آئی جی کھلی کہچری لگاتے ہیں ،عوام کو انصاف کی یقین دہانی کرواتے ہیں اگلےہی روزپھرڈاکو دن دہاڑے پولیس کو للکارتے ہوئے ڈکیتی کی واردات کرتے ہیں اور پولیس ڈاکوؤں کے جانے کے بعد جائے وقوعہ پر پہنچتی ہے

    پنجاب کی 42 جیلوں میں کتنے کم عمر قیدی؟

    اسلام آباد میں ایک روز میں ڈکیتی ،،نقب زنی ،راہزنی ،چوری ،فراڈ اور خیانت مجرمانہ کی 47 وارداتوں میں لاکھوں روپے کی نقدی ،زیورات اور دیگر قیمتی سامان کے علا وہ 5 کاریں اور 10مو ٹرسائیکل اڑا لیے گئے،اسلام آباد پولیس نے گزشتہ 24 گھنٹوں کے دوران پرانے واقعات کے 73مقدمات بھی درج کیے ہیں-

    اسلام آباد پولیس میں سفارشی تعیناتیوں کی وجہ سے سارا نظام خراب ہوا پڑا ہے، سفارشی تعیناتیوں کی وجہ سے تفتیشی نظام بھی صحیح نہیں چل رہا، ایک افسر کی تعیناتی ہوتی تو اسکی جگہ دوسرے کو لگا دیا جاتا، ایک ایس ایچ او کا تبادلہ ہوتا اگلے چند روز میں اسے تھانے میں من پسند ایس ایچ او لگوا دیا جاتا جس کی وجہ سے اسلام آباد میں جرائم بے قابو ہو رہے ہیں اورمحکمہ پولیس صرف تبادلوں میں مصروف ہے

    بابا مجھے معاف کردینا:آپ کی بیٹی مجبورہے:خودکشی کرنے والی میڈیکل کی طالبہ کا…

    نااہل ایس ایچ اوز کی تعیناتی وفاقی پولیس کے لئے درد سر بن گئی ہے پولیس ایمرجنسی نمبر 15 اور ایگل سکاڈ بھی غیر فعال ہونے کا انکشاف سامنے آیا ہے، تھانہ کھنہ کے علاقے میں رات گئے ڈاکو آئے، حملہ کیا، ملزمان گھنٹوں فائرنگ کرتے رہے ریسکیو 15 پر اطلاع کے باوجود پولیس نہ پہنچی۔ ڈاکو نیو شکریال ضیاء مسجد کے علاقے میں فائرنگ بھی کرتے رہے۔۔فائرنگ سے نیو شکریال کے علاقے میں خوف ہراس پھیل گیا، ریسکیو 15 کا عملہ اور ایس ایچ او کھنہ ایگل سکاڈ کے پہنچنے کی تسلیاں دیتے رہے رات گئے تک ڈاکو بے لگام رہے لیکن پولیس موقع پر نہ پہنچی۔

    دوسری جانب ایس اہچ او کھنہ سہیل کی ناقص کارگردگی کی وجہ سے تھانہ جرائم کا گڑھ بن چکا ہے ناقص کارکردگی اور واردات کو کنٹرول کرنے میں ناکامی تفتیشی امور سے ناواقف ایس ایچ او انسپکٹر سہیل اعوان کو تھانہ کھنہ سے تبدیل کر کے ایس ایچ او نیلور تعینات کیا گیا جبکہ ایس ایچ او نیلور سب انسپکٹر حیدر علی کو ایس ایچ او کھنہ تعینات کیا گیا-

    جمرود: سیکیورٹی اہلکار نے ساتھیوں پر فائرنگ کرکے خود کشی کرلی

  • پوپ فرانسس کا سانحہ مری پر اظہار افسوس

    پوپ فرانسس کا سانحہ مری پر اظہار افسوس

    ویٹی کن:کیتھولک عیسائیوں کے مذہبی پیشوا پوپ فرانسس نے سانحہ مری پر اظہار افسوس کیا ہے۔ادھر یہ بھی اطلاعات ہیں‌ کہ ویٹی کن میں منعقد تقریب میں سانحہ مری میں جاں بحق افراد کے لیے دعائیں بھی کی گئیں۔

    پوپ فرانسس نے سانحہ مری پر اظہار افسوس کرتے ہوئےکہا ہےکہ وہ لواحقین کے غم میں برابر کے شریک ہیں۔

    ادھر یورپین یونین نے پاکستان کے سیاحتی مقام مری میں موسمی حالات کے باعث سیاحوں کی ہلاکتوں پر افسوس کا اظہار کیا ہے۔

    اس حوالے سے پاکستان میں یورپین یونین کے دفتر اور اس کی سفیر اندرولا کامینارا نے اپنے سوشل میڈیا اکاؤنٹ کے ذریعے اس حادثے پر اپنے جذبات کا اظہار کرتے ہوئے کہا کہ انہیں مری میں چھٹیاں منانے والوں کی جان جانے کے المناک نقصان کے بارے میں جان کر صدمہ ہوا ہے۔

    انہوں نے اس خوفناک حادثے میں اپنے پیاروں کو کھونے والے خاندانوں سے دلی تعزیت کا اظہار کرتے ہوئے ان کے لیے ابدی سکون اور زخمیوں کی جلد صحتیابی کے لیے دعا کی۔

    خیال رہے کہ مری میں 7 جنوری کی رات کو آنے والے برفانی طوفان نے 20 سے زائد زندگیاں نگل لیں، حکومت نے مری کو آفت زدہ قرار دے کر ایمرجنسی نافذ کردی ہے اور ریسکیو اہلکاروں کی جانب سے امدادی کاموں کا سلسلہ جاری ہے۔

    ادھر وزیراعلیٰ پنجاب سردار عثمان بزدار کو سانحہ مری کی ابتدائی رپورٹ پیش کردی گئی ہے جس میں بتایا گیا ہے کہ مری میں 4 روز میں 1 لاکھ 62 ہزار گاڑیاں داخل ہوئیں، اموات کاربن مونو آکسائیڈ کی زیادتی سے ہوئیں ۔

    وزیراعلیٰ پنجاب عثمان بزدار کو دورہ مری میں واقعے کے محرکات کی رپورٹ پیش کردی گئی ہے جس کے مطابق 7 جنوری کو 16 گھنٹے میں چار فٹ برف پڑی، 3 جنوری سے 7 جنوری تک 1 لاکھ 62 ہزار گاڑی مری داخل ہوئیں ۔

    وزیراعلیٰ پنجاب عثمان بزدار نے ٹریفک لوڈ مینجمنٹ نہ کرنے پر برہمی کا اظہا کرتے ہوئے کہا کہ ٹریفک کی روانی کو کنٹرول کرنا کس کا کام تھا؟۔

    رپورٹ میں بتایا گیا کہ 16 مقامات پر درخت گرنے سے ٹریفک بلاک ہوئی ، 21 ہزار گاڑیاں واپس بھجوائی گئیں ، 4 سے 5 گاڑیوں میں 22 افراد جاں بحق ہوئے ، یہ افراد کاربن مونو آکسائیڈ کی زیادتی سے جاں بحق ہوئے ، 70 فیصد علاقوں میں بجلی بحال کر دی گئی ہے ۔

  • اب ہو گا دما دم مست قلندر، پی ڈی ایم سے پہلے بلاول نے کیا لانگ مارچ کا اعلان

    اب ہو گا دما دم مست قلندر، پی ڈی ایم سے پہلے بلاول نے کیا لانگ مارچ کا اعلان

    اب ہو گا دما دم مست قلندر، پی ڈی ایم سے پہلے بلاول نے کیا لانگ مارچ کا اعلان
    پاکستان پیپلزپارٹی کے چیئرمین بلاول بھٹو زرداری نے پنجاب کے نو اضلاع سے 80 سے زائد مقامی حکومتوں کے بلدیاتی نمائندگان کی شمولیت کے بعد ہونے والی تقریب سے خطاب کرتے ہوئے کہا ہے کہ پیپلزپارٹی میں شامل ہونے والے ممبران کو خوش آمدید کہتا ہوں،

    بلاول زرداری کا کہنا تھا کہ زراعت ملک کیلئے ریڑھ کی ہڈی کی طرح ہے، کسان بھائیوں کے ساتھ کھڑے ہیں، پیپلزپارٹی کے جیالے ایک دن بھی مزید انتظار نہیں کرسکتے،پیپلزپارٹی نے 27 فروری کو لانگ مار چ کا اعلان کیا ہے ،27فروری کو اسلام آباد کیلئے مزار قائد سے لانگ مارچ کا آغاز ہوگا، اسلام آباد ہر صورت پہنچیں گے،اسپیکر قومی اسمبلی کیخلاف عدم اعتماد کے حوالے سے فیصلہ نہیں کیا گیا، معاشی بحران پر حکومت کیخلاف میدان میں نکلا ہوں،ہماری کوشش ہوگی منی بجٹ کو ناکام بنائیں،عمران خان نے سب پر چوری کا الزام لگایا اور اپنی سیاست چمکائی خان صاحب نے ملک کو کنگال اور اپنے خزانے میں اضافہ کرلیا ہے عوام غریب اور ملک کا وزیراعظم امیر ہوگیا ہے،عمران خان کو جواب دینا ہوگا کیا خفیہ کاروبار کررہے ہیں؟ عمران خان بتائیں ان کے پاس کون سی جادو کی چھڑی ہے،

    بلاول زرداری کا کہنا تھا کہ پاکستان کے عوام اس وقت تکلیف اور مشکل میں ہے،تاریخ میں پاکستان کے معاشی حالات ایسے خراب نہیں ہوئے، پیپلزپارٹی میں شامل ہونے والے لوگ عوام کے مسائل سے بخوبی آگاہ ہیں، پیپلز پارٹی نے ہمیشہ ملک کو مشکل صورتحال سے نکالا،پاکستان کے عوام مہنگائی سے پریشان ہیں، حکومت نے ایک کروڑ نوکریاں دینے کا وعدہ کرکے لوگوں سے روزگار چھین لیا،مجھے آپ کی مدد اور ساتھ کی ضرورت ہے، پاکستان کے عوام حکومت سے نجات چاہتے ہیں، تحریک انصاف کی حکومت میں ملکی معیشت تباہ ہوگئی ہے، پنجاب میں لوکل باڈیز کا نظام آرڈیننس کے ذریعے چل رہا ہے، پیپلز پارٹی نے ہمیشہ اختیارات دئیے ہیں ، چھینے نہیں

    بلاول زرداری کا کہنا تھا کہ چاہتے ہیں کہ تبدیلی آئے صوبوں کو حقوق ملیں،بلدیاتی نظام کو مضبوط کیا جائے ، چاہتے ہیں پنجاب میں بھی سندھ جیسے بلدیاتی نظام ہو،چاہتے ہیں پنجاب کے بلدیاتی نظام کو مزید مضبوط بنایا جائے،حکومت لوگوں سے ان کی چھت چھین رہی ہے،موجودہ حکومت نے لوگوں کو بے روزگار اور بے گھر کر دیا ہے، سینٹرل ایگزیکٹو کمیٹی اجلاس میں اپنے لائحہ عمل کا اعلان کریں گے،

    بلاول زرداری کا مزید کہنا تھا کہ پیپلزپارٹی سینٹرل ایگزیکٹو کمیٹی اجلاس میں کچھ اہم فیصلے ہوئے ہیں،جہاں پیپلزپارٹی کی بنیاد رکھی،اس شہر سے حکومت کا خاتمہ کریں گے،پاکستا ن میں اس وقت تاریخی مہنگائی ہے،پیپلزپارٹی ملک میں تاریخی مہنگائی کی شدید مذمت کرتی ہے،کسانوں و پیش آنے والے مسائل اور گیس بحران کی بھی مذمت کرتے ہیں ،پیپلزپارٹی نے حکومت سے طالبان سے خفیہ مذاکرات پر تشویش کا اظہار کیا ،بلاول زرداری کا کہنا تھا کہ حکومت نے کسی بھی مذاکرات پر پارلیمان کو اعتماد میں نہیں لیا،پیپلزپارٹی نے ہمیشہ ملک کو مشکل حالات سے نکالا،فاٹا کے عوام کے ساتھ ہونے والے وعدے پورے نہیں کیے گئے،عوام حکومت سے نجات چاہتے ہیں،شفاف انتخابات ہونے چاہئیں،سی ای سی نے منشور کمیٹی اور الیکشن کمیٹی بنانے کا فیصلہ کیا ہے،حکومت سے نجات کے لیے صاف اور شفاف انتخابات ضروری ہیں،

    بلاول زرداری کا مزید کہنا تھا کہ تحریک انصاف فارن فنڈنگ کو جمہوری طاقتوں کے خلاف استعمال کرتی رہی، الیکشن کمیشن پی ٹی آئی کی فارن فنڈنگ کے معاملے پر ایکشن لے،ہماری معاشی خود مختاری کا سودا کیا جا رہا ہے،ملک کے مسائل کا حل صرف جمہوریت میں ہے،،سی ای سی نے افغان مسئلے پر بھی تشویش کا اظہارکیا،پیٹرولیم مصنوعات کی قیمتوں میں اضافے پر پیپلزپارٹی نے ہر شہر میں احتجاج کیا،پیپلزپارٹی نے حکومت کے خلاف وائٹ پیپرجاری کیا ہے ،وائٹ پیپر جلد عوام کے سامنے لائیں گے

    قبل ازیں چیئرمین بلاول بھٹو زرداری سے قصور، اوکاڑہ، وہاڑی، ساہیوال، ملتان، جھنگ، لیہ، اوکاڑہ اور لودھراں سمیت پنجاب کے نو اضلاع کے 80 سے زائد سابق بلدیاتی نمائندگان کی ملاقات ہوئی ، پاکستان پیپلزپارٹی میں شمولیت کے بعد پنجاب کے مختلف اضلاع سے تعلق رکھنے والے سابق بلدیاتی نمائندگان کی بلاول ہاؤس میں ظہرانے کے موقع پر چیئرمین بلاول بھٹو زرداری سے ملاقات ہوئی پاکستان پیپلزپارٹی میں شمولیت اختیار کرنے والوں میونسپل کمیٹیوں اور یونین کونسل کے سابق چیئرمین، سابق جنرل کونسلروں سمیت کسان اتحاد، تاجر برادری کی اہم شخصیات شامل ہیں

    پاکستان پیپلزپارٹی میں قصور یونین کونسل کے سابق چیئرمین کرامت علی، جواد رشید ایڈووکیٹ، ملک طارق محمود اور غلام محی الدین بھٹی ، سابق چیئرمین سرفراز احمد ذکی، منشاء کندال، سرفراز احمد ڈوگر، امداد احمد بھٹی اور جمشید اسلم، قصور یونین کونسل کے سابق چیئرمین رانجھا بلوچ، چوہدری عبدالجبار، چوہدری محمد جمیل، حاجی عبدالستار اور چوہدری لیاقت علی ساندا ، قصور یونین کونسل کے سابق چیئرمین چوہدری مشتاق احمد، اسلم میو، نجیب اللہ خان اور شبیر احمد بھٹی، قصور کے جنرل کونسلر ڈاکٹر اشرف چوہان، رانا محمد علی، اشتیاق احمد، ارشد بھٹی، سرفراز احمد اور فواد رشید ، قصور کے جنرل کونسلر حافظ ایم ارشد ملک، احمد علی اولاکھ، محمد جہانگیر، چوہدری شہادت علی جٹ اور سردار رفیق ڈوگر، قصور کے جنرل کونسلر ذوالفقار علی ڈوگر، امتیاز احمد بھٹی، ذوالفقار مسیح اور ملک افضال احمد، قصور کے جنرل کونسلر ملک حیات احمد، خورشید احمد خان، مولا داد، آفتاب شہزاد گل اور قاسم گل، قصور ڈسٹرکٹ کونسل کی سابق رکن شبنم خان، زیب النساء، قصور یونین کونسل کی سابق رکن ثمیر رفیق اور نرگس ریاض کھرل ، قصور یونین کونسل کے سابق وائس چیئرمین رانا محمد یونس اور قصور کے سابق نائب چیئرمین فتح محمد نمبردار شامل ہوئے ہیں

    پاکستان پیپلزپارٹی میں برادری راہنما منظور احمد کھوکھر، عزیز خالد، شرافت علی، تاجر شاہد انجم اور قصور کی میونسپل کمیٹی کے سابق چیئرمین سردار فیصل عطا ڈوگر اور اوکاڑہ کے سابق جنرل کونسلر میاں ادریس بھٹی ،کسان اتحاد پنجاب کے صدر چوہدری اعجاز احمد گل، لاہور ڈویژن کے صدر ملک جہانزیب کالس اور مرکزی ترجمان سردار سعید احمد ڈوگر، بااثر شخصیت سردار داؤد احمد، ملک فہد حسین اعوان اور لاہور بار کونسل کے رکن رانا انتظار احمد ، وہاڑی یونین کونسل کے سابق وائس چیئرمین عیش محمد، زاہد محمود، وہاڑی کے جنرل کونسلرز فیصل حمید، محمد افضال، عبدالرشید، محمد یوسف، نسرین بی بی اور زاہد پرویز، قصور کے سابق یونین کونسل کے ناظم رانا محمد اقبال، رانا شرافت علی خان اور نوید اختر شیخ ،قصور یونین کونسل میں چیئرمین کے مقابلے میں دوسری پوزیشن پر آنے والے چوہدری شہزاد پرویز، راؤ محمد جاوید اور ملک محمد اشفاق ، قصور کے سابق نائب ناظم مہر محمد سرور، ساہیوال کی میونسپل کارپوریشن کی سابق رکن فرزانہ عباس اور ملتان کی میونسپل کارپوریشن کی سابق رکن حنا شاہد ، جھنگ کی میونسپل کارپوریشن کی سابق رکن زرینہ شیخ اور جھنگ کی سابق جنرل کونسلر ارم اعجاز. لیہ ڈسٹرکٹ کونسل کی سابق رکن شگفتہ حسین، اقبال بی بی اور اوکاڑہ ڈسٹرکٹ کونسل کی سابق رکن شبانہ عامر ، لودھراں کے سابق تحصیل ناظم اور سابق یوسی چیئرمین سید اصغر شاہ شامل ہوئے ہیں.

    بینظیر کے افتتاح کردہ سنٹر کو تبدیلی سرکار نے بیچنے کا اشتہار دے دیا

    مولانا فضل الرحمان کواب اپنے حلوے کا بھی حساب دینا ہو گا،فارن فنڈنگ کیس میں نئی پیشرفت

    ،نوازشریف بتائیں اسامہ سے کتنی ملاقاتیں ہوئیں اور کتنا چندہ کیوں لیا،

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    غیرملکی فنڈنگ کی دستاویزات کی فراہمی،الیکشن کمیشن میں فیصلہ محفوظ

    الیکشن کمیشن فارن فنڈنگ کیس کی انکوائری کر رہا ہے تو کیا وزیر اعظم مستعفی ہو جائیں؟ سپریم کورٹ

  • آئیں، میڈیا پرسن بنیں، فنڈ ہم دیں گے، وزیراعلیٰ پنجاب کا اعلان

    آئیں، میڈیا پرسن بنیں، فنڈ ہم دیں گے، وزیراعلیٰ پنجاب کا اعلان

    آئیں، میڈیا پرسن بنیں، فنڈ ہم دیں گے، وزیراعلیٰ پنجاب کا اعلان

    باغی ٹی وی کی رپورٹ کے مطابق وزیراعلیٰ پنجاب سردار عثمان بزدار سے صوبائی وزیر قانون راجہ بشارت اور صوبائی وزیر پبلک پراسیکیوشن چوہدری ظہیرالدین کی ملاقات ہوئی ہے

    صوبائی وزراء نے وزیراعلیٰ عثمان بزدار کو اپنے محکموں کی کارکردگی سے آگاہ کیا ،صوبائی وزراء نے محکموں میں اصلاحات کے جاری پروگرامز پر ہونے والی پیش رفت کے بارے میں بریفنگ دی ،وزیراعلیٰ پنجاب عثمان بزدار کا کہنا تھا کہ ہمارا ایجنڈا صرف عوام کی خدمت ہے۔محکموں میں اصلاحات کرکے عوام کیلئے آسانیاں پیدا کی ہیں۔پنجاب کے بے مثال ترقیاتی پروگرام کے تحت ہر ضلع میں ترقی کے ثمرات پہنچ رہے ہیں۔ترقیاتی فنڈز کی غیر منصفانہ تقسیم کے سابقہ کلچر کو ختم کیا ہے۔سابق دور میں ترقیاتی فنڈز کو ذاتی پسند و ناپسند کے تحت خرچ کیا گیا۔نئے پاکستان میں پائی پائی امانت سمجھ کر دیانت کے ساتھ عوام پر خر چ کررہے ہیں۔مخالفین ترقی کا سفر روکنا چاہتے ہیں۔تنقید برائے تنقید کرنے والے عناصر ہر موقع پر ناکام رہے ہیں۔ اپوزیشن کے پاؤں اکھڑ چکے ہیں۔ ہماری سمت درست اور نیت نیک ہے۔ عوام کے مسائل کے حل کے لئے دن رات ایک کئے ہوئے ہیں۔ قوم کو وزیراعظم عمران خان کی قیادت پر غیر متزلزل یقین اور مکمل اعتماد ہے۔عثمان بزدار

    قبل ازیں وزیراعلیٰ پنجاب سردار عثمان بزدار سے اراکین پنجاب اسمبلی کی ملاقاتیں ہوئی ہیں، ملاقات میں حلقو ں کے مسائل کے حل اور فلاح عامہ کے جاری منصوبوں پر تبادلہ خیال کیا گیا ،وزیراعلیٰ عثمان بزدار سے ملاقات کرنے والوں میں لالہ طاہر رندھاوا، سبین گل خان، لطاسب ستی، ندیم قریشی اور محمد سلیم شامل تھے ،وزیراعلیٰ پنجاب عثمان بزدار کا کہنا تھا کہ منفی سیاست کا جواب ہمیشہ عوامی خدمت سے دیا ہے۔ایک طرف ہماری خدمت کی سیاست ہے اور دوسری طرف اپوزیشن کی منفی سیاست۔ملک میں پی ڈی ایم کی انتشار پھیلانے کی سیاست نہیں چلے گی۔یہاں صرف خدمت کی سیاست کو پذیرائی ملے گی۔ اپوزیشن میں استعفے دینے اور لانگ مارچ کرنے کی ہمت ہے نہ حوصلہ۔ وزیراعظم عمران خان کی قیادت میں تحریک انصاف کی حکومت کو 5 برس کا مینڈیٹ ملا ہے۔ حکومت مدت پوری کرے گی، سازشی عناصر پہلے کی طرح روتے رہیں گے۔ہماری حکومت کو پنجاب کی تاریخ کا سب سے بڑا ڈویلپمنٹ بجٹ دینے کا اعزاز حاصل ہوا ہے۔پنجاب میں رواں مالی سال 740 ارب روپے کے ڈویلپمنٹ پروگرام پر کام جاری ہے۔ہر علاقے کی ترقی کیلئے خصوصی پیکیج دیا ہے۔ اب کوئی علاقہ ترقی کے ثمرات سے محروم نہیں رہے گا۔

    قبل ازیں محکمہ اطلاعات، ڈی جی پی آر کے زیر اہتمام چیف منسٹر انٹرن شپ پروگرام کے تحت میڈیا گریجوایٹس میں سرٹیفکیٹس وچیک تقسیم کرنے کی تقریب ہوئی، وزیراعلیٰ پنجاب سردار عثمان بزدارچیف منسٹر آفس میں منعقدہ تقریب کے مہمان خصوصی تھے وزیراعلیٰ عثمان بزدار نے چیف منسٹر انٹرن شپ پروگرام کے تحت میڈیا گریجوایٹس میں سرٹیفکیٹس وچیک تقسیم کئے

    وزیراعلیٰ عثمان بزدار نے چیف منسٹر انٹرن شپ پروگرام کی تقریب سے خطاب کرتے ہوئے کہا کہ نوجوانوں کے لئے ایک لاکھ ملازمتوں کو بڑھا کر ڈیڑھ لاکھ تک لے جارہے ہیں -با صلاحیت او رتعلیم یافتہ نوجوانوں کو میرٹ پر ملازمتیں دیں گے- پنجاب کے نوجوانو ں کو ملازمتوں کے لئے عمر کی حد میں 2 سال کی رعایت دی جائے گی-پی ایم ایس کے امتحان میں بھی امیدوارو ں کو عمر میں 2 سال کی رعایت دیں گے-پنجاب کی تاریخ میں 740 ارب روپے کا سب سے بڑا ترقیاتی بجٹ دینے کا اعزاز ہماری حکومت کو حاصل ہواہے-گراس روٹ لیول پر ترقی کے ثمرات پہنچانے کے لئے 360 ارب روپے کا ڈسٹرکٹ ڈویلپمنٹ پیکیج دیاہے -عوام کی بہتری کے لئے حکومت پوری طرح یکسو او رمتحرک ہے-چیف منسٹر انٹرن شپ پروگرام کادائرہ کار مزید بڑھائیں گے-کمیونیکیشن اور میڈیا سے متعلق جدید تکنیک،ابلاغی ماڈل اور ریسرچ سے آگاہی ضروری امر ہے – چیف منسٹر انٹرن شپ پروگرام کا مقصد میڈیا گریجوایٹس کو میڈیا اور کمیونیکیشن کے جدید تقاضوں سے روشناس کرانا ہے-پاکستان کے بالخصوص پنجاب کے نوجوانوں کی خدا داد صلاحیتوں کی پوری دنیا معترف ہے – ڈی جی پی آر کی ٹریننگ عملی زندگی میں نوجوانوں کے لئے مفید ثابت ہو گی -محکمہ اطلاعات و ثقافت پنجاب میں اطلاعاتی، صحافتی اور ثقافتی اقدار کی ترویج و ترقی میں اپنا بھرپور کردار ادا کر رہا ہے-ڈی جی پی آر سے تربیت یافتہ میڈیا گریجوایٹس صحافتی اور اخلاقی اقدار کو پیش نظر رکھتے ہوئے عملی زندگی میں قدم رکھیں گے – چیف منسٹر انٹرن شپ اپنی نوعیت کا پاکستان کی تاریخ کا پہلا انٹرن شپ پراجیکٹ ہے – ڈی جی پی آرکا ادارہ حکومت کی کارکردگی کو عوام تک پہنچانے میں قابل قدر کردار ادا کر رہا ہے – نوجوان میڈیا پرسنز کو فرائض کی انجام دہی میں معروضیت کو نظر انداز نہیں کرنا چاہیے- حقائق کو من وعن پیش کرنا میڈیا پرسن کی بنیادی ذمہ داری ہے-وزیراعلیٰ آفس کے دروازے عوام،طلبہ اور میڈیا کے لئے کھول دئیے گئے ہیں -ڈی جی پی آر کے زیر اہتمام انٹرن شپ پروگرام کامیابی سے مکمل کرنے والے گریجوایٹس مبارکباد کے مستحق ہیں –

    ترجمان حکومت پنجاب حسان خاور کا کہنا تھا کہ دو سالہ چیف منسٹر انٹرن شپ پروگرام کے لئے 6کروڑ 70لاکھ روپے مختص کئے گئے ہیں -وزیراعلیٰ عثمان بزدار کی ہدایت پرینگ میڈیا گریجوایٹس کو 20ہزار روپے ماہانہ اعزازیہ دیا جا رہا ہے- چیف منسٹر انٹرن شپ پروگرام نوجوانوں کیلئے پیشہ ورانہ تربیت اور ملازمت کے دروازے کھول دے گا-سیکرٹری انفارمیشن راجہ جہانگیر انور کا کہنا تھا کہ چیف منسٹر انٹرن شپ پروگرام میں 50فیصد کوٹہ طالبات اور 10فیصد ورکنگ جرنلسٹ کے بچوں کیلئے مختص ہے -چیف منسٹر انٹرن شپ پروگرام کے لئے 7ہزار امیدوار تھے،ہر ضلع سے میرٹ پر 2 طلبہ کو منتخب کیا گیا-تقریب میں صوبائی وزیر رائے تیمور بھٹی، پرنسپل سیکرٹری وزیراعلیٰ، ڈائریکٹر جنرل پبلک ریلیشنز،ڈائریکٹر کوآرڈینیشن ڈی جی پی آر، ڈائریکٹر پبلک ریلیشن ملتان ڈویژن او رمتعلقہ حکام نے شرکت کی

    ینگ میڈیا گریجوایٹس نے چیف منسٹر انٹرن شپ پروگرام شروع کرنے پر وزیراعلیٰ پنجاب سردار عثمان بزدار کو خراج تحسین پیش کیا، سماویہ ظفرکا کہنا تھا کہ وزیراعلیٰ عثمان بزدار نے انٹرن شپ پروگرام شروع کر کے ہمارے دل جیت لئے ہیں – ثناء علیم کا کہنا تھا کہ وزیراعلیٰ عثمان بزدار کی نوجوانوں کو بااختیار بنانے کے لئے کاوشیں قابل قدر ہیں –ماہ جبیں عابد کا کہنا تھا کہ دورافتادہ علاقے کے میڈیا گریجوایٹس کو ٹریننگ کے مواقع فراہم کرنا پی ٹی آئی حکومت کا اعزاز ہے ،جودت ندیم کا کہنا تھا کہ ینگ میڈیا گریجوایٹس کیلئے ڈی جی پی آر کی ٹریننگ سود مند ثابت ہوگی-اسامہ ہمایوں کا کہنا تھا کہ وزیراعلیٰ عثمان بزدار کا شکریہ جنہوں نے صوبہ بھر کے نوجوانوں کی آواز سنی-

    ینگ میڈیا گریجوایٹس کا مزید کہنا تھا کہ پی ٹی آئی حکومت طلبہ کی فلاح و بہبود اور ان کی ترقی پر خصوصی توجہ دے رہی ہیں -انٹرن شپ پروگرام سے ہماری پیشہ ورانہ صلاحیتوں میں مزید نکھار آئے گا-ڈی جی پی آر میں چیف منسٹر پنجاب انٹرن شپ پروگرام کے دوران بہت سیکھا۔پرنٹ و الیکٹرانک اور سوشل میڈیا کے بارے میں عملی تربیت حاصل ہوئی ہے وہ قابل فخر ہے۔پنجاب حکومت نے میرٹ کی بنیاد پر یونیورسٹیوں سے فارغ التحصیل میڈیا گریجویٹس کو پیڈ انٹرن شپ کا جو موقع فراہم کیا اس پر وہ وزیراعلیٰ سردار عثمان بزدار کے تہہ دل سے شکرگزار ہیں۔

    پولیس کی زیادتی، خواجہ سراؤں نے ملک گیر احتجاج کی دھمکی دے دی

    پلاسٹک بیگ پر پابندی لگی تو خواجہ سراؤں نے ایسا کام کیا کہ شہری داد دینے پر مجبور

    کرونا لاک ڈاؤن، شادی کی خواہش رہی ادھوری، پولیس نے دولہا کو جیل پہنچا دیا

    کرونا لاک ڈاؤن، گھر میں فاقے، ماں نے 5 بچوں کو تالاب میں پھینک دیا،سب کی ہوئی موت

    کرونا میں مرد کو ہمبستری سے روکنا گناہ یا ثواب

    لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

    لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

    کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

    دس برس تک سگی بیٹی سے مسلسل جنسی زیادتی کرنیوالے سفاک باپ کو عدالت نے سنائی سزا

    گھر میں گھس کر خاتون سے زیادتی کی کوشش کرنیوالا سابق پولیس ملازم گرفتار

    خواجہ سرا مشکلات کا شکار،ڈی چوک میں احتجاج،پشاورمیں "ریپ” کی ناکام کوشش

    خواجہ سرا کے روٹھنے پر خود کو آگ لگانے والا پریمی ہسپتال منتقل

    خواجہ سرا پر تشدد کرنے والے ملزمان گرفتار

    خواجہ سراؤں کو ملازمتوں میں کوٹہ مقرر کرنے کا مطالبہ سامنے آ گیا

    خواجہ سرا کا یہ کام دوسروں کیلئے مشعل راہ ہے،لاہور ہائیکورٹ

    سگی بیٹی کو فحش ویڈیو دکھا کر سفاک باپ سمیت 28 افراد نے کیا ریپ

    موبائل میں فحش مواد ڈال کر دینے والا دکاندار گرفتار

    فحش ویڈیوز کا دھندہ کرنیوالے 20 ملزمان گرفتار

    فیکٹر ی ایریا سے لاپتہ ہونے والی چاروں بہنیں بحفاظت بازیاب

  • سرد موسم میں پیپلز پارٹی نے لاہور میں سیاسی موسم گرما دیا

    سرد موسم میں پیپلز پارٹی نے لاہور میں سیاسی موسم گرما دیا

    سرد موسم میں پیپلز پارٹی نے لاہور میں سیاسی موسم گرما دیا

    پنجاب کے مختلف شہروں سے گزشتہ بلدیاتی انتخابات میں کامیاب ہونے والے رہنماؤں نے پیپلز پارٹی میں شمولیت اختیار کر لی-

    باغی ٹی وی : تفصیلات کے مطابق 80 سے زئد ناظمین اور نائب ناظمین،کونسلرز نے پیپیلز پارٹی میں شمولیت اختیار کی شامل ہونے والے تمام ارکان نے لاہور میں راجہ پرویز اشرف، ناصر حسین ،شاہ حسن مرتضٰی کی موجودگی میں شمولیت کا اعلان کیا-

    پیپلزپارٹی سندھ کو دیمک کی طرح چاٹ رہی ہے :پی ٹی آئی رہنما علی زیدی

    رپورٹ کے مطابق پی پی پی میں شمولیت اختیار کرنے والے تمام نئے ارکان آج دوپہر کو چئیرمین بلاول بھٹو کے ظہرانے میں شرکت کریں گے سکھر سے تعلق رکھنے والے پی پی پی کے ممتاز رہنما ناصر شاہ نے کہا بلاول بھٹو جمہوریت کو رواں دواں دیکھنا چاہتے ہیں-

    پیپلز پارٹی کے چیئرمین بلاول زرداری لاہور میں ہیں اور انہوں نے لاہور کے سرد موسم میں سیاٰسی محاذ گرم کرنے کا فیصلہ کیا ہے، پنجاب کے تمام اضلاع سے بڑی تعداد میں سیاسی عمائدین پی پی میں شمولیت اختیار کریں گے، بلاول پنجاب میں پی پی کو منظم و متحرک کرنا چاہتے ہیں اسی لئے انہوں نے پنجاب میں ڈیرے ڈال رکھے ہیں

    پنجاب میں پیپلز پارٹی کو متحرک کرنے کے لئے پی پی رہنما سید ناصر حسین شاہ کے بیٹے پیش پیش ہیں انہوں نے رہنماوں وعمائدئن سے ملاقاتیں کی ہیں،پیپلز پارٹی کے رہنما سید ناصر حسین شاہ کا کہنا تھا کہ پی پی پی نے بڑے پیمانے پر پنجاب کی تنظیم نو شروع کردی ہے اور آج مختلف چیئرمین اور دیگر بلدیاتی سیاست دانوں کی شمولیت ثابت کرتی ہے کہ وہ پارٹی اور اس کے منشور پر یقین رکھتے ہیں۔

    بلاول ہاوس لاہور میں گزشتہ روز پی پی کی سی ای سی میٹنگ چئیرمین بلاول زرداری کی سربراہی میں منعقد ہوئی
    جس میں سابق وزیراعظم سید یوسف رضا گیلانی ،سد نئیر حسین بخاری نوابزادہ افتخار احمد خان انفارمیشن سیکرٹری وسیب ،حسن مرتضی سید جنرل سیکرٹری وسطی پنجاب سمیت دیگر رہنماوں نے شرکت کی۔ حسن مرتضیٰ کا کہنا تھا کہ ہم چئیرمین بلاول بھٹو کے ویژن کے مطابق آگے بڑھیں گے٬ ہر اس گلی محلے میں جائیں گے جہاں کبھی شہید بی بی اور ذوالفقار علی بھٹو شہید گئے٬ ہر اس گھر میں جائیں گے جس کی چھت پر کبھی پیپلزپارٹی کا جھنڈا لگا ہو٬

    سینٹرل ایگزیکٹو کمیٹی اجلاس میں حکومت مخالف تحریک،مہنگائی سمیت ملکی سیاست سے متعلق اہم امور پر تبادلہ خیال کیا گیا ،سی ای سی کے اجلاس میں حکومت مخالف تحریک،مہنگائی سمیت ملکی سیاست سے متعلق اہم امور پر تبادلہ خیال کیا گیا۔ جبکہ تحریک کا آئندہ لائحہ عمل اور خیبر پختونخواہ میں بلدیاتی انتخابات کے دوسرے مرحلے میں عوامی نیشنل پارٹی سے اتحاد یا سیٹ ایڈجسٹمنٹ پر بھی غور ہوا۔ اجلاس میں ملکی معیشت اور تحریک انصاف کے فارن فنڈنگ کیس پر بھی تفصیلی گفتگو ہوئی۔اجلاس میں پیپلزپارٹی پارلیمنٹرینز کے صدر آصف علی زرداری اور پی پی پی شعبہ خواتین کی مرکزی صدر فریال تالپور بھی موجود تھیں ، اجلاس سے قبل پاکستان پیپلزپارٹی کے بانی شہید ذوالفقار علی بھٹو کا یوم پیدائش پر کیک کاٹا گیا

    قبل ازیں پاکستان پیپلزپارٹی کے چیئرمین بلاول بھٹو زرداری کی یونائیٹڈ بزنس گروپ کے وفد سے ملاقات ہوئی ہے، چیئرمین بلاول بھٹوزرداری نے فیڈریشن آف پاکستان چیمبرز آف کامرس اینڈ انڈسٹری کے انتخابات کےلئے یونائیٹڈ بزنس گروپ کے لئے نیک تمناؤں کا اظہار کیا

    واضح رہے کہ اس سے سابق وزیر اعظم راجہ پرویز اشرف کا کہنا تھا کہ پنجاب میں پیپلزپارٹی فعال ہوچکی ہے، تیار رہیں پنجاب میں اگلی حکومت پیپلزپارٹی کی ہوگی، حسن مرتضٰی نے تنبیہ کی تھی کہ ن لیگ زبان کا استعمال درست کرے ورنہ اصغر خان کیس سے جوابی وار کا آغاز ہو گا۔

    پیپلزپارٹی کے بانی چیئرمین ذوالفقار علی بھٹو کا یوم پیدائش، بلاول بھٹو سمیت معروف…

    لاہور میں پیپلز پارٹی سیکرٹریٹ میں پریس کانفرنس کرتے ہوئے سابق وزیر اعظم راجہ پرویز اشرف نے حلقہ این اے ایک سو تینتیس کی عوام کا شکریہ اداکرتے ہوئے کہا تھا کہ نتائج سے ثابت ہوگیا کہ پیپلزپارٹی کے جیالے اب بیدار ہوچکے ہیں آئندہ حکومت پیپلز پارٹی کی ہی ہوگی۔

    رہنما پیپلزپارٹی سید حسن مرتضٰی نے ن لیگ کو پیپلزپارٹی کیخلاف پروپیگنڈا کرنے پر تنبیہ کرتے ہوئے جوابی کارروائی کرنے کی دھمکی دی تھی،اس موقع پر پیپلزپارٹی کے ٹکٹ پر این اے 133 میں حصہ لینے والے اسلم گل نے کہا تھا کہ قیادت سے لے کر کارکن تک ہر جیالے نے پارٹی الیکشن نے حصہ لیا جلد ہی نچلے سطح پر پارٹی کو مضبوط کر لیا جائے گا-

    ماضی میں سڑکیں عوام کے فائدے کیلئے نہیں بلکہ پیسہ بنانے کیلئے بنائی جاتی تھیں،وزیر…

    جبکہ پاکستان پیپلز پارٹی کے شریک چیئر مین اور سابق صدر آصف علی زرداری نے کہا تھا کہ ہماری جماعت پنجاب میں اپنا کھویا ہوا مقام دوبارہ حاصل کر ے گی-

    پی ٹی آئی اسکروٹنی رپورٹ پر شہباز شریف اور بلاول بھٹو زرداری کا رد عمل

  • پنجاب سے اغوا کی گئی لڑکیوں کو ملزمان کراچی چھوڑ کر فرار

    پنجاب سے اغوا کی گئی لڑکیوں کو ملزمان کراچی چھوڑ کر فرار

    پنجاب کے شہر خیرپور ٹامیوالی سے اغواء کی گئیں 2 لڑکیاں کراچی سے مل گئیں-

    باغی ٹی وی : تفصیلات کے مطابق مغوی لڑکیوں کو پولس نےحفاظتی تحویل میں لے لیا ہے پولیس کا کہنا ہے کہ ملزمان مغوی لڑکیوں کو ملیرکورٹ کے باہر چھوڑ کر فرار ہوئے پولیس مددگار 15 نے دونوں لڑکیوں کو حفاظتی تحویل میں لے کر علاقہ پولیس کے حوالے کیا۔

    بھارت میں ایک بار پھرمسلم خواتین کی آن لائن نیلامی کا انکشاف

    پولیس حکام کے مطابق دونوں لڑکیوں نے اپنا نام عائشہ بی بی اور طاہرہ بی بی بتایا، لڑکیوں کو 27 دسمبر 2021 کو خیرپور ٹامیوالی میں گھر سے اغواء کیا گیا تھا دونوں لڑکیوں کے اغواء کا مقدمہ متعلقہ تھانا خیرپورٹامیوالی میں درج ہے، مقدمہ لڑکیوں کے والد سلمان احمد نے درج کرایا تھا۔

    پولیس حکام کے مطابق لڑکیوں کے والد نے مقدمے میں بیٹے بلال کے برادر نسبتی لیاقت اور اس کی بیوی کو نامزد کیا تھا دونوں لڑکیوں کے ملنے کی اطلاع خیرپورٹامیوالی پولیس کو دے دی ہے۔

    محض سات سال کی عمر میں جنسی ہراسانی کا سامنا کرنا پڑا،امریکی اداکارہ و مصنفہ

    دوسری جانب بھارت میں مسلمان خواتین کو آن لائن فروخت کے لئے پیش کرنے کے حوالہ سے پولیس اب حرکت میں آئی ہےممبئی پولیس کا کہنا ہے کہ آن لائن نیلامی میں مسلم خواتین کو نشانہ بنانے والی ایپ بلی بائی کے اکاؤنٹ چلانے والے ملزم کو گرفتار کیا ہے ،پولیس کا کہنا ہے کہ ملزم ایک خاتون ہےبنگلورو سے گرفتار کیا گیا ہے پولیس کے مطابق ایک ملزم کو اترا کھنڈ سے گرفتار کیا گیا تھا جس کی عمر 21 برس ہے اور وہ سول انجینئر ہے، اس سے جب تحقیقات کی گئیں تو اس نے انکشاف کیا تھا کہ ایک خاتون ملزم بھی اس سارے معاملے میں اس کے ساتھ ہے-

    مسلم خواتین کی آن لائن نیلامی کی ایپ،خاتون سمیت دو ملزمان گرفتار

    بنگلورو سے گرفتار کئے گئے ملزم کی شناخت وشال کمار کے طور پر ہوئی، ممبئی پولیس سائبر سیل کے ڈی سی رشمی کرندیکر نے تحقیقات کے بعد ملزم کو گرفتار کیا تھا، پولیس نے دعویٰ کیا ہے کہ ملزم ایپ کے تین اکاونٹس کو ہینڈل کر رہا تھا ممبئی پولیس کے حکام کا کہنا تھا کہ وشال کمار نے ایک سوشل میڈیا پر اکاؤنٹ بنایا بعد میں ملتے جلتے ناموں سے تین اور اکاؤنٹ بنایا، سکھ ناموں کے اکاؤنٹ بنائے گئے تھے اور خالصہ تحریک کی بھی ان اکاونٹ سے حمایت کی جا رہی تھی ، ان اکاؤنٹ کو بنانے کا مقصد یہ تھا کہ ایسا لگے کہ اس ایپ کے پیچھے سکھ ہیں ،تا ہم ایسا نہیں ہے، پولیس تحقیقات کر رہی ہے اور جلد مزید گرفتاریاں متوقع ہیں-

    ملک میں اقلیت اکثریت خواتین اور بچے سب غیر محفوظ ہیں،حکومتی سینیٹرز

    بھارت میں Bulli Bai نامی ایپ پر سینکڑوں مسلم خواتین کی نیلامی کیلئے ان کی تصاویر شیئر کی گئیں جس کی وجہ سے بھارتی خواتین میں غصے کی لہر دوڑ گئی۔ سوشل میڈیا پر ایک عورت کو ٹرول کرنا یعنی اس کا مذاق اڑانا بہت سے لوگوں کے لیے سب سے زیادہ آسان کام ہوتا ہے اور یہ ٹرولِنگ زیادہ تر ذاتی حملوں پر مبنی ہوتی ہے۔لیکن انڈیا میں مسلمان خواتین کی ہراسانی کے لیے کم ظرفی کی تمام حدیں پار ہوتی نظر آتی ہیں۔

    نیوایئرپارٹی سے واپس آنے والی دو لڑکیوں سے جنسی زیادتی

    بھارت میں Bulli Bai نامی ایپ پر سینکڑوں مسلم خواتین کی نیلامی کیلئے ان کی تصاویر شیئر کی گئیں تصاویر ان خواتین کی ہیں جو ٹویٹر صارف ہیں اور ان کے کافی تعداد میں فالوؤرز ہیں۔ ایپ کو آن لائن سافٹ ویئر ڈویلپمنٹ کی سہولت کار کمپنی Github پر ڈیزائن کیا گیا ہے ’گٹ ہب‘ پر بنائی گئی اس ایپ کا نام ’بُلی بائی‘ ہے-

    تھانہ بستی ملوک کے علاقے میں انسانیت سوز واقعہ،ویڈیو وائرل

  • وزیر اعلی پنجاب کا ڈاکٹرز کے لئے سال نو کا تحفہ

    وزیر اعلی پنجاب کا ڈاکٹرز کے لئے سال نو کا تحفہ

    وزیر اعلی پنجاب سردار عثمان بزدار نے ڈاکٹرز کے لئے سال نو کا تحفہ دیا ہے

    وزیراعلیٰ عثمان بزدارنے ایڈہاک ڈاکٹروں و دیگر سٹاف کے لئے بڑے ریلیف کا اعلان کیا، وزیراعلیٰ عثمان بزدار کی خصوصی ہدایت پر محکمہ پرائمری و سیکنڈری ہیلتھ کے ایڈہاک ڈاکٹرز و دیگر سٹاف کی ملازمتوں میں ایک برس کی توسیع کا فیصلہ کیا گیا ہے، وزیر اعلی عثمان بزدار نے ایڈہاک ڈاکٹرز و دیگر سٹاف کی ملازمتوں میں ایک برس توسیع کی منظوری دے دی وزیراعلیٰ عثمان بزدار کے اس اقدام سے ہزاروں ایڈہاک ڈاکٹرز و دیگر سٹاف کو حقیقی معنوں میں ریلیف ملے گا ،وزیراعلیٰ عثمان بزدار نے ایڈہاک ڈاکٹرز و دیگر سٹاف کو تنخواہوں کی ادائیگی بروقت یقینی بنانے کی ہدایت کی ہے،

    وزیراعلیٰ پنجاب عثمان بزدار کا کہنا تھا کہ محکمہ پرائمری و سیکنڈری ہیلتھ کے ایڈ ہاک ڈاکٹرز و دیگر سٹاف کی تنخواہوں کی ادائیگی میں حائل رکاوٹوں کودور کرنے کے لئے فوری اقدامات کئے جائیں – دکھی انسانیت کی خدمت میں مصروف ایڈہاک ڈاکٹرزکے مسائل کا پورا احساس ہے-تحریک انصاف کی حکومت آئندہ بھی ڈاکٹرز کے مسائل کے حل کے لئے کوئی کسر اٹھا نہ رکھے گی- شعبہ طب کی بہتری کیلئے تمام ضروری اقدامات اٹھائیں گے۔ایڈہاک ڈاکٹرزو دیگر سٹاف کیلئے آسانیاں پیدا کرنے کیلئے ہر ممکن اقدام کریں گے۔پنجاب حکومت ڈاکٹروں، نرسوں اور پیرامیڈیکل سٹاف کی خدمات کو سراہتی ہے-

    نئے سال کی آمد-محکمہ سپیشلائزڈ ہیلتھ کیئر پنجاب کی جانب سے ڈاکٹروں کو ترقیوں کا تحفہ ،محکمہ سپیشلائزڈ ہیلتھ کیئر نے 36 ایسوسی ایٹ پروفیسرز کو پروفیسر کے عہدوں پر ترقی دے کر مختلف میڈیکل اداروں میں تعینات کر دیا۔

    19 پروفیسرز آف سرجری کے عہدوں پر ترقی پانے والوں میں ڈاکٹر یاسمین رفیع کو سروسز انسٹیٹیوٹ آف میڈیکل سائنسز میں، ڈاکٹر عندلیب خانم کو فاطمہ جناح میڈیکل یونیورسٹی، ڈاکٹر وسیم حیات خان سمز ، ڈاکٹر عطاء اللطیف ساہیوال میڈیکل کالج، ڈاکٹر محمد شاکر علامہ اقبال میڈیکل کالج، ڈاکٹر منور جمیل قائد اعظم میڈیکل کالج بہاولپور، ڈاکٹر نوید اختر نشتر میڈیکل یونیورسٹی، ڈاکٹر آمنہ جاوید پی جی ایم آئی، ڈاکٹر نوید اختر ملک راولپنڈی میڈیکل یونیورسٹی، ڈاکٹر وقاص رضا گوجرانولہ میڈیکل کالج، ڈاکٹر محمد اکرم فیصل آباد میڈیکل یونیورسٹی، ڈاکٹر رحمان گلزار علامہ اقبال میڈیکل کالج، ڈاکٹر حریت افضل علامہ اقبال میڈیکل کالج، ڈاکٹر اجمل فاروق کو صفدر میڈیکل کالج سیالکوٹ، ڈاکٹر نذیر احمد کنگ ایڈورڈ میڈیکل یونیورسٹی، ڈاکٹر محمد کامران صفدر میڈیکل کالج، ڈاکٹر لیاقت علی بھٹی ڈی جی خان میڈیکل کالج، ڈاکٹر عمران اسلم قائد اعظم میڈیکل کالج اور ڈاکٹر نادر محمود کو پروفیسر آف سرجری ساہیوال میڈیکل کالج میں تعینات کردیا گیا ہے۔

    پروفیسرز آف گائنی کے عہدوں پر ترقی پانیوالے 10 پروفیسروں میں ڈاکٹر کرن خورشید ملک کو کنگ ایڈورڈ میڈیکل یونیورسٹی، ڈاکٹر ماہلیکہ مقصود سمز، ڈاکٹر سلمہ جبیں قائد اعظم میڈیکل کالج، ڈاکٹر نزہت رشید شیخ زید میڈیکل کالج رحیم یار خان، ڈاکٹر روبینہ کوثر کو سمز، ڈاکٹر روبینہ طارق گوجرانولہ میڈیکل کالج، ڈاکٹر جمشید فیروز قائد اعظم میڈیکل کالج، ڈاکٹر مہر النساء فاطمہ جناح میڈیکل یونیورسٹی، ڈاکٹر طلعت فرخندہ راولپنڈی میڈیکل یونیورسٹی اور ڈاکٹر تبسم طاہرہ کو فاطمہ جناح میڈیکل یونیورسٹی میں تعینات کر دیا گیا۔

    پروفیسرز آف پتھالوجی کے عہدوں پر ترقی پانیوالے 7 پروفیسروں میں شامل ڈاکٹر ایس ایم عباس نقوی کو نشتر میڈیکل یونیورسٹی، ڈاکٹر راحت سرفراز کنگ ایڈورڈ میڈیکل یونیورسٹی، ڈاکٹر ارم مریم رانا راولپنڈی انسٹیٹیوٹ آف کارڈیالوجی، ڈاکٹر شبنم بشیر فاطمہ جناح میڈیکل یونیورسٹی، ڈاکٹر سیما مظہر علامہ اقبال میڈیکل ، ڈاکٹر حمیرا رفیق وزیر آباد انسٹیٹیوٹ آف کارڈیالوجی اور ڈاکٹر شگفتہ ارم کو ساہیوال میڈیکل کالج میں تعینات کر دیا ہے۔

    سیکرٹری سپیشلائزڈ ہیلتھ کیئر ڈاکٹر احمد جاوید قاضی کی جانب سے ترقی پانیوالے پروفیسرز کو مبارکباد دی گئی، اس سلسلہ میں نوٹیفکیشنز جاری کردیے گئے ہیں۔

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

    ویڈیو کس نے وائرل کی تھی؟ عدالت کے استفسار پر سرکاری وکیل نے کیا دیا جواب

    نوجوان جوڑے کو برہنہ کرنے کا کیس،ملزم عثمان مرزا کو عدالت نے کہاں بھجوا دیا؟

    نوجوان جوڑے کو برہنہ کرنے کا کیس،عدالت نے لڑکے اور لڑکی کو کیا طلب

    خواتین کو ویڈیو بنا کر ہراساں کرنے کا کیس، درخواست ضمانت پر آیا فیصلہ

    ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

    ناکے پر کیوں نہیں رکے؟ پولیس اہلکار نے شہری پر گولیاں چلا دیں

    بارہ سالہ بچی کی نازیبا ویڈیو بنانے والا ملزم گرفتار