نگران وزیر اعلی اعظم خان خیبر پختونخوا نے عید کے موقعے پر پورے پاکستانی قوم خصوصا خیبر پختونخوا کے عوام کو عیدالاضحی کی مبارک باد دی ہے،انہوں نے کہا کہ عید الاضحی عالم اسلام کے لئے خوشی کا سب سے بڑا تہوار ہے، عید الاضحی ہمیں ایثار ، قربانی، اتفاق اور ایک دوسرے کے لئے جینے کا احساس دلاتا ہے، وزیر اعلی خیبر پختونخوا نے کہا کہ اس دن سنت ابراہیمی کی ادائیگی ہمیں اللہ تعالی کی رضا اور دوسروں کے دکھ درد کو بانٹنے کے لئے اپنا سب کچھ قربان کرنے کا درس دیتی ہے، ًمعاشرے کے صاحب ثروت لوگ عیدکے اس پر مسرت موقع پر اپنے ارد گرد نادار اور مستحق لوگوں کو اپنی خوشیوں میں شریک کریں، محمد اعظم خان نے کہا کہ دوسروں کو اپنی خوشیوں میں شریک کرنا اس عظیم اسلامی تہوار کی اصل روح ہے، اور عیدالاضحی کا یہ اہم دن ہمیں اللہ تعالی کی رضا اور خوشنودی حاصل کرنے کے ساتھ ساتھ اتحاد، اتفاق ، یگانگت، امن اور بھائی چارے کا درس دیتا ہے، وزیر اعلی خیبر پختونخوا نے عوام سے اپیل کرتے ہوئے کہا کہ سنت ابراہیمی کی ادائیگی کے بعد صفائی ستھرائی کا خاص خیال رکھیں اور اس سلسلے میں صفائی عملے کے ساتھ بھر پور تعاون کریں،انہوں نے ملکی سرحدوں کی حفاظت پر مامور سیکیورٹی فورسز کے جوانوں کوبھی عید کی خصوصی مبارکباد دی،
Tag: پولیس
-
عدالت نے تحریک انصاف کے رہنما علی محمد خان کو 14 روزہ جو ڈیشل ریمانڈ پر جیل بھیج دیا
ترقیاتی اسکیموں میں غبن کے الزام میں گرفتار سابق وزیر مملکت علی محمد خان کو پولیس نے عدالت میں پیش کیا، ڈیوٹی مجسڑیٹ مردان ذیشان گل نے کیس کی سماعت کی۔تفتیشی افسر نے عدالت کو بتایا علی محمد خان نے اپنے حلقے میں ترقیاتی اسکیموں کے من پسند ٹھیکیداروں کو زیادہ قیمت پر ٹھیکے الاٹ کیے تھے، مقدمے میں سابق صوبائی وزراء عاطف خان، طفیل انجم اور لوگل گورنمنٹ کے افسران سمیت 15 ملزمان نامزد ہیں۔
تفتیشی افسر نے مؤقف پیش کرتے ہوئے استدعا کی کہ ملزمان نے ٹھیکوں کی غیر قانونی الاٹمنٹ سے سرکاری خزانے کو ایک کروڑ 78لاکھ روپے نقصان پہنچایا ہے، عدالت سے درخواست ہے کہ ملزم کو مزید تفتیش کے لئے جسمانی ریمانڈ پر پولیس کے حوالہ کیا جائے ،سماعت کے دوران وکیل صفائی ندیم شاہ ایڈوکیٹ نے عدالت کو بتایا کہ ملزم کو سیاسی انتقام کا نشانہ بنایا جا رہا ہے، حکومت نے ہائیکورٹ میں تفصیل جمع کی ہے کہ علی محمد خان کے خلاف کوئی کیس نہیں ہے، لیکن گزشتہ روز اُنہیں رہا ہوتے ہی دوبارہ گرفتار کرلیا گیا۔عدالت نے دلائل مکمل ہونے کے بعد ملزم کو 14 روزہ جوڈیشل ریمانڈ پر جیل بھیج دیا -
پشاور عیدالاضحی اور نماز عید اجتماعات کیلئے سکیورٹی پلان تشکیل
پشاور پولیس نے عیدالاضحی اور نماز عید کے بڑے اجتماعات کیلئے سکیورٹی پلان تشکیل دیدیا ہے جس کے تحت 4000 سے زائد پولیس اہلکار و افسران تعینات کیے جائیں گے، پولیس اہلکاروں کی چھٹیاں پہلے ہی منسوخ کی جاچکی ہیں۔ سی سی پی او پشاور اشفاق انور کے مطابق سکیورٹی پلان کے تحت شہر میں ابابیل سکواڈ، سٹی پٹرولنگ اور پولیس موبائل گشت میں اضافہ کیساتھ ساتھ شہر کے تمام داخلی و خارجی راستوں کی نگرانی مزید سخت کردی گئی ہے۔ تمام اہم بازاروں اور شاہراہوں پر اضافی پولیس نفری تعینات کرنے سمیت مویشی منڈیوں اور شہر میں مشتبہ و مشکوک افراد پر کڑی نظر رکھنے کیلئے سادہ کپڑوں میں ملبوس پولیس اہلکاروں کو تعینات کیا گیا ہے۔ گنجان آباد بازاروں میں پولیس کی بکتربند گاڑیاں بھی موجود رہیں گی ۔ نماز عید کے بڑے اجتماع سمیت گاؤں و شہر کی تمام حساس مساجد کو بھی فول پروف سکیورٹی فراہم کی جائیگی۔
-
ضلع چارسدہ نئے ڈی ایس پی سٹی تعینات
خیبر پختونخوا ضلع چارسدہ میں تعینات ڈی ایس پی سٹی عدنان اعظم خان نے اپنے عہدے کا چارج سنبھال لیا ہے۔ اس موقع پر ڈی ایس پی سٹی عدنان اعظم خان نے سٹی سرکل کے ایس ایچ اوز، محرران، اور بیٹ افسران سمیت انچارج چوکیات کے ساتھ میٹنگ کی۔ میٹنگ کے دوران انہوں نے عیدالاضحی کے موقع پر سیکیورٹی اور علاقہ میں کرائم کے خلاف کاروائی سے آگاہی حاصل کی۔
ڈی ایس پی سٹی عدنان اعظم خان نے کہا کہ عوام کی جان و مال کی حفاظت پولیس کی اولین ترجیح ہے، عیدالاضحی کے موقع پر سیکیورٹی کے مکمل انتظامات یقینی بنائے جائینگے۔ بازار میں پولیس کی گشت بڑھائی جائے جبکہ شہر کے داخلی و خارجی راستوں پر ناکہ بندیاں مزید سخت کرکے باہر سے آنے والے مشکوک لوگوں پر کھڑی نگرانی رکھیں۔
ڈی ایس پی سٹی نے مزید کہا کہ چارسدہ پولیس نے ہمیشہ ہنگامی حالات میں کسی قسم کی قربانی سے دریغ نہیں کیا اور انشاءاللہ آئندہ بھی ہر قسم کے حالات کا ڈٹ کر مقابلہ کرینگے۔ -
شمالی وزیرستان کے تاریخ میں کم عمر ترین بچی کے قتل کا پہلا واقع
شمالی وزیرستان میں دو دن پہلے لاپتہ ہونے والی سمیرا نامی بچی کی مسخ شدہ لاش ایک مقامی مدرسے کے قریب ملی ہے،واقع شمالی وزیرستان کے علاقے زکر خیل میں پیش آیا ہے ،تحصیل میر علی گاؤں زکر خیل سے تعلق رکھنے والی بچی سمیرا دو دن پہلے پر اسرار طور پر لاپتہ ہو گئی تھی،جس کے بعد گھر والوں نے اسے ڈھونڈنے کی بہت کوشیش کی لیکن سمیرا لا پتہ رہی،سمیرا کے گھر والوں کا دعوی ہے کہ قانون نافذ کرنے والے اداروں کی جانب سے انکے ساتھ کوئی مدد نہیں کی گئی،گھر والوں کا یہ بھی دعوی ہے کہ بچی پر بے دردی سے وار کر کے قتل کیا گیا ہے، اور اسکے ساتھ خنجر اور اسکے کپڑے بھی برآمد کئے گئے ہے،کہا جاتا ہے کہ شمالی وزیرستان کے تاریخ میں اس قدر کم عمر بچی کے ساتھ زیادتی یا قتل کا یہ پہلا واقع ہے،پولیس نے جائے وقوعہ سے ثبوت اکھٹے کر کے ملزمان تک پہنچنے کے لئے کاروائی شروع کر دی گئی ہے،
-
بدنام زمانہ منشیات فروش منہاز بی بی گرفتار
باغی ٹی وی کی رپورٹ کے مطابق پنجاب کے صوبائی دارالحکومت لاہو رمیں جرائم پیشہ عناصر کیخلاف پولیس کاروائیاں جاری ہیں
ایس پی کینٹ اویس شفیق ،ایس ڈی پی او مناواں سرکل حسن عزیز کی خصوصی ہدایت پر ایس ایچ او مناواں عاطف ذوالفقار خان کی منشیات فروشوں کے خلاف کاروائیاں زور و شور سے جاری ہیں، تھانہ مناواں پولیس نے مشہور بدنام زمانہ منشیات فروش منہاز بی بی کو دبنگ کاروائی کرتے ہوئے گرفتار کرلیا دوران گرفتاری منہاز بی بی سے 1540 گرام چرس الیکٹرانک کنڈا سمیت 2650 روپے وٹک بھی برآمد کی گئی،
پولیس کے مطابق مشہور بدنام زمانہ منشیات فروش بامطابق سیریل نمبر 115 لسٹڈ منہاز بی بی زوجہ اصغر علی عرف جانی قصائی سکنہ باغ والی پلی مناواں مختلف کالجز اور یونیورسٹیز کے باہر منشیات جیسا گھناؤنا دھندہ کرتی تھی بد نام زمانہ بی بی کے خلاف ایف آئی آر کے اندراج کے بعد مناواں پولیس کی طرف سے مزید تفتیش جاری ہے،
مردہ حالت میں لائی جانے والی لڑکی ٹک ٹاکر نکلی
ایاز امیر کی بہو کا پوسٹمارٹم مکمل،سارہ کے قتل کی وجہ کا تعین نہ ہوسکا
پہلے مارا، گھسیٹ کر واش روم لے گیا،ایاز امیر کے بیٹے نے سفاکیت کی انتہا کر دی
سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج
سارہ انعام کے والد انعام الرحمان نے اسلام آباد میں پریس کانفرنس کی ہے
سارہ انعام قتل کیس،مرکزی ملزم شاہنواز امیر پر فرد جرم عائد
دوسری جانب ایس ایس پی انوسٹی گیشن ڈاکٹر انوش مسعود کی زیر صدارت اجلاس، تمام ڈویژنل ایس پیز نے شرکت کی،ڈاکٹر انوش مسعود نے قتل، اقدام قتل، بلائنڈ مرڈر کے مقدمات کی ڈسپوزل کا جائزہ لیا ،زیر التوا مقدمات میں درپیش مسائل بارے دریافت کیا،جلد چالان جمع کروانے کا حکم بھی دیا، خاموش ملزمان اور روڈ سرٹیفکیٹس کی پینڈینسی فوری طور پر کلیئر کرنے کی ہدایت کی،ایس ایس پی انوسٹی گیشن ڈاکٹر انوش مسعود نے کہا کہ چالانی تناسب میں بہتری کےلیے دستیاب تمام وسائل بروئے کار لائیں، تفتیشی افسران کے ساتھ مقدمات کی جلد یکسوئی کےلیے روزانہ میٹنگ یقینی بنائیں، تکمیل چالان اور کیسز یکسو کرنے کےلیے پراسیکیوٹرز سے کوارڈینیشن کریں،متحرک گینگز سمیت اشتہاریوں کی گرفتاری یقینی بنائیں،محنتی تفتیشی افسران کی حوصلہ افزائی کے لیے تعریفی اسناد دیں، ایس ایس پی انوسٹی گیشن
-
بین الاضلاعی موٹرسائیکل و کار چور گینگ سرغنہ سمیت گرفتار
اینٹی وہیکل لفٹنگ سٹاف سٹی ڈویژن کی کارروائی ،بین الاضلاعی موٹرسائیکل و کار چور گینگ سرغنہ سمیت گرفتار کر لیا گیا، ڈی آئی جی انوسٹی گیشن کامران عادل کی ہدایت پر وہیکل چوروں کے خلاف کریک ڈاؤن جاری ہے، ایس ایس پی انوسٹی گیشن ڈاکٹر انوش مسعود نے وہیکل چوری کےتدارک و ملزمان کی گرفتاری کیلئے ٹاسک سونپا ،ملزمان نصراللہ عرف ناصر اور وقاص کو گرفتارکیا گیا، ابتدائی تفتیش میں ملزمان نے حالیہ 29 وارداتوں کا انکشاف کیا،ملزمان سے چوری شدہ 25 موٹرسائیکلیں۔02 رکشہ۔01 مزدہ ٹرک۔01 کار برآمد کی گئی، ایس ایس پی ڈاکٹر انوش مسعود کا کہنا ہے کہ ملزمان لاہور سمیت مختلف اضلاع میں وہیکل چوری کی وارداتیں کرتے تھے۔
دوسری جانب راولپنڈی پولیس کی اہم کامیابی، 15 ماہ قبل اغواء ہونے والی 3 سالہ بچی بازیاب، اغوا کار گرفتار کر لئے گئے سی پی اوسید خالد ہمدانی نے بچی کو والدین کے حوالے کر دیا، 3سالہ بچی مارچ 2022میں رتہ امرال کے علاقہ سے اغواء ہوئی تھی،جسے رتہ امرال پولیس نے بازیاب کروایا، رتہ امرال پولیس نے اغواء کار میاں بیوی کو بھی گرفتار کرلیا، رتہ امرال پولیس نے اغواء کاروں کو لاہور سے گرفتار کر کے بچی کو بازیاب کروایا، بچی اور والدین کا ڈی این اے ٹیسٹ کروانے کے بعد بچی کو والدین کے حوالے کیا گیا، سی پی او سید خالد ہمدانی نے ایس پی راول، ایس ڈی پی او سٹی، ایس ایچ او رتہ امرال اور ٹیم کو شاباش دی،بچی کے والدین نے سی پی او سید خالد ہمدانی اور راولپنڈی پولیس کا شکریہ ادا کیا، سی پی او سید خالد ہمدانی کا کہنا ہے کہ بچی کی بحفاظت بازیابی ایک چیلنج تھا، جسے رتہ امرال پولیس نے بخوبی سرانجام دیا، 15 ماہ سے اغواء بچی کو والدین کے حوالے کرنا باعث مسرت واطمینان ہے،
مردہ حالت میں لائی جانے والی لڑکی ٹک ٹاکر نکلی
ایاز امیر کی بہو کا پوسٹمارٹم مکمل،سارہ کے قتل کی وجہ کا تعین نہ ہوسکا
پہلے مارا، گھسیٹ کر واش روم لے گیا،ایاز امیر کے بیٹے نے سفاکیت کی انتہا کر دی
سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج
سارہ انعام کے والد انعام الرحمان نے اسلام آباد میں پریس کانفرنس کی ہے
-
مردان: تھانہ سٹی پولیس کی بڑی کارروائی مقدمات میں ملوث ڈکیت گروہ کے 04 ملزمان گرفتار
رواں ماہ کے13جون کو شہزاد نامی شخص کو لو ٹنے والے موٹرسائیکل سوار پانچ رکنی ڈکیت گروہ نے اسلحے کی نوک پر 24لاکھ روپے لوٹ کر فرار ہوئے، واردات کی رپورٹ موصول ہوتے ہی ڈی پی او نجیب الرحمن نے سختی سے نوٹس لیتے ہوئے واردات میں ملوث عناصر کی گرفتاری کیلئے ایس پی انوسٹی گیشن محمد سلیمان، ایس پی آپریشن روخانزیب کی نگرانی میں سرکل ڈی ایس پی انعام جان خان، ڈی ایس پی تخت بھائی سرکل خالد خان، ایس ایچ او سٹی مقدم خان، ایس ایچ او تخت بھائی خائستہ خان اور تفتیشی پولیس افسران پر مشتمل خصوصی ٹیم تشکیل دے دی تھی،، جس پر پولیس ٹیموں نے جدید سائنسی خطوط اور پیشہ ورانہ تفتیش کی بدولت کامیاب کارروائی عمل میں لاتے ہوئے واردات میں ملوث ڈکیت گروہ کے 04ملزمان فیصل ولد مراد، نادر ولد گل محمد، وحید گل ولد نورگل ساکنان پشاور اور حمزہ ولد عزیز سکنہ کاروان روڈ مردان تک رسائی حاصل کرکے گرفتار کرلیا۔
سٹی پولیس کی اس اہم کارروائی کے حوالے سے ایس پی آپریشن روخانزیب نے دیگر پولیس افسران کے ہمراہ میڈیا پریس کانفرنس کو مزید تفصیلات دیتے ہوئے کہا کہ گرفتار ملزمان نے دوران انٹاروگیشن اعتراف جرم کیا ہے جن کے قبضے سے مال مسروقہ میں سے مبلغ 19لاکھ روپے جبکہ واردات میں استعمال ہونے والا موٹرسائیکل125اور 03عدد پستول اور کارتوس بھی بر آمد کر لئے ہے،
اس کے علاوہ ڈکیت گروہ کے تین ملزمان فیصل، نادر اور وحید سے 06 جون اسلحے کی نوک پر راہزنی کے دوران عباس سکنہ شریف آباد مردان سے لوٹی گئی 30ہزار روپے، 01موبائل فون اور موٹرسائیکل بھی ریکور کر لیا گیا ہے۔
گرفتار ملزمان نے اپنے پانچویں شریک واردات ساتھی کا نام بھی اُگل دیا ہے جس کی گرفتار کیلئے سٹی پولیس ٹیمیں سرگرم عمل ہیں،
یاد رہے گرفتار ملزمان راہزنی و ڈکیتی کے 05 مختلف مقدمات میں تھانہ پارہوتی،تھانہ تخت بھائی، تھانہ ساڑوشاہ اور تھانہ صدر پولیس کو بھی مطلوب ہیں، ملزمان سے تفتیش جاری ہے جن سے مزید اہم انکشافات بھی متوقع ہیں۔ -
مالاکنڈ فائرنگ، ایک ہی خاندان کے 9 افراد جاں بحق
خیبر پختونخوا سوات ضلع مالاکنڈ میں فائرنگ کے نتیجے میں ایک ہی خاندان کے 9 افراد جاں بحق جبکہ 2 زخمی ہو گئے۔مالاکنڈ کی تحصیل بٹ خیلہ کے نواحی علاقے بگردرہ میں رشتے کے تنازع پر مخالفین نے گھر میں گھس کر فائرنگ کی۔ جاں بحق ہونے والوں میں 3 خواتین بھی شامل ہیں۔
لاشوں اور زخمیوں کو اسپتال منتقل کر دیا گیا جہاں زخمیوں کو طبی امداد دی جا رہی ہے۔
پولیس کے مطابق جاں بحق ہونے والے تمام افراد گھر میں سوئے ہوئے تھے کہ رات گئے ملزمان نے گھر میں گھس کر فائرنگ کر دی۔ ملزمان کی گرفتاری کے لیے علاقے میں ناکہ بندی کر کے مرکزی ملزم کوساتھیوں سمیت بریکوٹ سوات سے گرفتار کر لیا گیا ہے، جس کو آج میڈیا کے سامنے پیش کیا جائے گا ۔ اسسٹنٹ کمشنربٹ خیلہ کے مطابق ملزمان مقتولین کے رشتہ دار ہیں اور واقعہ گھریلو تنازع پر پیش آیا۔ واقعے کی ابتدائی رپورٹ درج کر لی گئی ،دوسری جانب مقتولین کے ورثاء نے ملاکنڈ چوک پر احتجاج کر کے تمام ٹریفک کے لئے روڈ بند کر دیا ہے،جس پر ڈی سی بٹ خیلہ نے ورثاء سے درخواست کی ہے کہ واقعے میں ملوث ملزمان کو گرفتار کر لیا گیا ہے،لہذا ورثاء احتجاج ختم کر کے روڈ کو ٹریفک کے لئے کھول دے، -
بین الصوبائی بینک کیش ڈکیت گینگ کے 3 ارکان گرفتار،6 ملین برآمد
حیدرآباد پولیس کی کامیاب کارروائی، بین الصوبائی بینک کیش ڈکیت گینگ کے 3 ارکان گرفتار، 6 ملین سے زائد لوٹی گئی رقم برآمد
گزشتہ ماہ کے دوران حیدرآباد کے مختلف علاقوں تھانہ ہٹڑی، تھانہ مارکیٹ اور تھانہ A-سیکشن کی حدود میں بینک کیش ڈکیتی، رہزنی کی وارداتیں پیش آئی جس پر ایس ایس پی حیدرآباد ساجد امیر سدوزئی نے تشویش کا اظہار کرتے ہوئے اے ایس پی علینہ راجپر کی سرکوبی میں ایس ایچ او نیک محمد کھوسو اور ایس ایچ او کاشف حسین گاڈھی پر مشتمل ایک ٹیم تشکیل دی ،پولیس ٹیم نے دن رات کی انتھک محنت کے بعد انتہائی کامیابی سے بین الصوبائی 2 ڈکیت گینگ کو ٹریس کیا انکے سرغنہ و دیگر کو پکڑا اور انکے قبضے سے 6 ملین سے زائد لوٹی گئی رقم برآمد کرلی
حیدرآباد پولیس نے بین الصوبائی ڈکیت گینگ کے 4 ارکان کامران عرف کامی گینگ کا سرغنہ، وقاص، عمر فاروق عرف مشکی اور ساجد کو گرفتار کرلیا، جن کے قبضے سے 50 لاکھ لوٹی گئی رقم برآمد ہوئی، اس گینگ کے تمام ارکان پر درجنوں مقدمات حیدرآباد سمیت سندھ کے دیگر اضلاع میں درج ہیں، مذکورہ ڈکیت گینگ نے کراچی میں متعدد ڈکیتی کی وارداتیں کی جس کے بعد اس ڈکیت گینگ نے اپنا رخ اندرون سندھ کی جانب کیا جس کے بعد میرپور خاص، ٹنڈوالہیار، ٹنڈو محمد خان اور حیدرآباد کو اپنی وارداتوں کیلئے چنا جہاں ملزمان نے ایک ماہ میں ایک درجن سے زائد بینک کیش ڈکیتی کی وارداتیں کی
حیدرآباد میں اس ڈکیت گینگ نے تھانہ مارکیٹ کی حدود میں شبیر ٹریڈرس کے مالک سے رقم لوٹی، تھانہ فورٹ، تھانہ A- سیکشن میں بینک سے کیش رقم نکالنے والے شہریوں کو لوٹا ،دوسرا ڈکیت گینگ جو تھانہ ہٹڑی میں اپنی وارداتیں کر رہا تھا پولیس نے انتہائی کامیابی سے اس گینگ کے سرغنہ مینھل کو گرفتار کرلیا جبکہ ملزم کے قبضے سے 10 لاکھ سے زائد لوٹی گئی رقم بھی برآمد کرلی گئی، ملزم منھل کے خلاف حیدرآباد، میرپور خاص، لاڑکانہ سمیت دیگر اضلاع میں 10 سے زائد مقدمات درج ہیں
مردہ حالت میں لائی جانے والی لڑکی ٹک ٹاکر نکلی
ایاز امیر کی بہو کا پوسٹمارٹم مکمل،سارہ کے قتل کی وجہ کا تعین نہ ہوسکا
پہلے مارا، گھسیٹ کر واش روم لے گیا،ایاز امیر کے بیٹے نے سفاکیت کی انتہا کر دی
سر پر ڈمبل مارا،آلہ قتل بھی خود برآمد کروایا،ایاز امیر کے بیٹے کیخلاف مقدمہ درج
سارہ انعام کے والد انعام الرحمان نے اسلام آباد میں پریس کانفرنس کی ہے