Tag: پولیس

ڈھاکا: عثمان ہادی کے قاتل کو بھارت فرار کرانے والا ملزم گرفتار ہو گیا ہے-

ڈھاکا پولیس نے انکشاف کیا ہے کہ نوجوان سیاسی کارکن اور انقلابی منچہ پارٹی کے رہنما عثمان ہادی کے قتل میں ملوث مرکزی ملزمان کو بھارت فرار کرانے میں 2 افراد نے مبینہ طور پر مدد کی ان میں سے ایک، امین الاسلام، کو گرفتار کر لیا گیا ہے۔

تفتیشی حکام کا کہنا ہے کہ قانون نافذ کرنے والے ادارے اس کیس کو ترجیحی بنیادوں پر دیکھ رہے ہیں اور قتل کے واقعے میں براہِ راست اور بالواسطہ طور پر ملوث تمام افراد کی نشاندہی کی جا رہی ہے، جن میں ملزمان کے فرار کا انتظام کرنے والے افراد بھی شامل ہیں۔

پولیس کے مطابق مرکزی حملہ آور فیصل کریم مسعود اور اس کا ساتھی عالمگیر شیخ واقعے والی رات ہی ڈھاکا سے نکل گئے اور میمن سنگھ کے علاقے ہالواگھاٹ کے راستے سرحد عبور کر کے بھارت فرار ہو گئے بتایا گیا ہے کہ ان کے فرار میں مقامی عناصر نے سہولت کاری کی، جو غیر قانونی سرحدی نقل و حرکت کے لیے مشہور ہیں۔

افریقا میں ریسکیو ہیلی کاپٹر گر کر تباہ،2 غیرملکی سیاح سمیت 5 ہلاک

حکام کا الزام ہے کہ ڈھاکا نارتھ میں حکمران جماعت کی یوتھ ونگ کے تنظیمی سیکریٹری اور سابق وارڈ کونسلر تجل الاسلام چودھری نے ان انتظامات میں مرکزی کردار ادا کیا، جبکہ ان کے بہنوئی امین الاسلام نے معاونت کی تجل الاسلام چودھری گزشتہ سال سے بھارت میں موجود ہیں۔

موبائل فون ڈیٹا کی مدد سے پولیس نے سرحدی علاقوں کے قریب مشتبہ نقل و حرکت کا سراغ لگایا، 2 مقامی سہولت کاروں کو حراست میں لیا اور بعد ازاں امین الاسلام کو ڈھاکا کے علاقے میرپور سے گرفتار کیا عدالت نے امین الاسلام کا پانچ روزہ ریمانڈ منظور کر لیا ہےابتدائی شواہد سے واقعے کے دن امین الاسلام، تجل الاسلام اور ایک سرحدی ایجنٹ کے درمیان رابطوں کی تصدیق ہوتی ہے۔

ترکیہ میں کرسمس کے موقع پردہشتگردی کی منصوبہ بندی ناکام بنادی گئی

امین الاسلام کے اہلِ خانہ کا دعویٰ ہے کہ انہوں نے حال ہی میں نجی ملازمت چھوڑ کر موبائل فون کی تجارت شروع کی تھی اور انہیں معلوم نہیں کہ امین الاسلام کو کیوں گرفتار کیا گیا ہے۔

پولیس اور ریپڈ ایکشن بٹالین کے مطابق اب تک قتل کے سلسلے میں 11 افراد گرفتار کیے جا چکے ہیں، جبکہ دیگر مشتبہ افراد کی گرفتاری کے لیے کارروائیاں جاری ہیں۔

سڈنی کے بونڈائی بیچ پر دہشت گردانہ حملے کے بعد، بھاری ہتھیاروں سے لیس پولیس نے ایک کار اور اس میں سوار 5 افراد کو حراست میں لیا ،انٹیلی جنس رپورٹس کے مطابق یہ افراد مسلح تھے۔

سڈنی کے بونڈائی بیچ پر دہشت گردانہ حملے کے بعد، بھاری ہتھیاروں سے لیس پولیس نے ایک کار اور اس میں سوار 5 افراد کو حراست میں لیا جنہیں حملہ آوروں سے ممکنہ تعلق کی وجہ سے گرفتار کیا گیا، جس کے نتیجے میں 15 افراد ہلاک اور متعدد زخمی ہوئے تھے اور یہ واقعہ ISIS سے متاثرہ لگتا ہے جس کے بعد پولیس نے مزید تحقیقات کا آغاز کر دیا اور حملہ آوروں سے متعلق معلومات کے لیے دیگر ممالک سے بھی رابطہ کیا گیا.

واقعہ کی تفصیل:

اتوار کو بونڈائی بیچ پر باپ-بیٹے (ساجد اکرم اور نوید) نے اندھا دھند فائرنگ کی، جس میں 15 افراد ہلاک ہوئے، یہ واقعہ ISIS سے متاثرہ تھاپولیس نے ایک بیان میں کہا کہ ایک شخص پر اس طرح کے طرز عمل میں ملوث ہونے کا الزام ہے جس سے خوف و ہراس پھیلا اور مذہبی مقصد کو فروغ دیا گیا فائرنگ کے تبادلے میں حملہ آور ساجد اکرم مارا گیا جبکہ اس کا بیٹا نوید زخمی حالت میں گرفتار ہوا، اور مزید 5 افراد کو حراست میں لیا گیا.

بھارتی پولیس نے تصدیق کی کہ حملہ آور کا تعلق حیدر آباد سے تھا اور اس کے بھارت میں کوئی مشتبہ ریکارڈ نہیں تھا، لیکن آسٹریلوی میڈیا کے مطابق حملہ آوروں نے فلپائن میں فوجی تربیت بھی حاصل کی تھی، جس کے بعد آسٹریلوی انٹیلی جنس نے بھارت سے مزید تعاون مانگ لیا ہے.

امریکی ریاست کیلیفورنیا میں دہشت گردی کا منصوبہ ناکام بنا دیا گیا ہے،جبکہ 4 مشتبہ افراد کو گرفتار کرلیا گیا ہے-

عالمی خبر رساں ایجنسی کے مطابق امریکی فیڈرل بیورو آف انویسٹی گیشن (ایف بی آئی) نے لاس اینجلس اور اورنج کاؤنٹی میں امیگریشن ایجنٹس اور گاڑیوں سمیت متعدد اہداف کو بم سے نشانہ بنانے کی سازش ناکام بنا دی ایف بی آئی کا کہنا ہے کہ 4 مشتبہ افراد کو گرفتار کرلیا گیا ہے۔

ایف بی آئی کے مطابق مشتبہ افراد نے لاس اینجلس میں سال نو کی تقریبات میں دہشت گردی کا منصوبہ بنایا تھا،مشتبہ افراد کا لاس اینجلس میں سال نو کے موقع پر 2 امریکی کمپنیوں کو نشانہ بنانے سمیت 5 مختلف مقامات پر دھماکا خیز مواد نصب کرنے کا ارادہ تھا-

قبل ازیں گزشتہ ماہ امریکی ریاست مشی گن میں دہشت گردی کی کوشش کو ناکام بنادیا گیا تھا جبکہ اس دوران 5 ملزمان کو گرفتار کیا گیا امریکی خفیہ ادارے ایف بی آئی کے سربراہ کاش پٹیل کا کہنا تھا کہ ریاست مشی گن میں داعش سے متاثر گروہ کی جانب سے دہشت گردی کی سازش ناکام بنادی گئی ہےہالووین ویک اینڈ پر ممکنہ حملے کا منصوبہ بنایا گیا تھا جسے ناکام بنا دیا گیا اس معاملے میں مشتبہ افراد نے ”پمپکن ڈے” کے نام سے منصوبے پر آن لائن بات چیت کی تھی، اس حوالے سے کارروائی میں 5 افراد کو گرفتار کیا گیا ، گرفتار افراد میں 16 بر س کا ایک نوجوان بھی شامل ہے۔