Baaghi TV

Tag: پولیس

  • ناروے کی ملکہ کا بیٹا مبینہ طور پر ریپ کیس میں گرفتار

    ناروے کی ملکہ کا بیٹا مبینہ طور پر ریپ کیس میں گرفتار

    اوسلو: ناروے کی ملکہ میٹی میریٹ کے بیٹے میرئیس بورج ہوئیبے کو مبینہ طور پر ریپ کیس میں گرفتار کرلیا گیا۔

    باغی ٹی وی: دی گارڈین کی رپورٹ کے مطابق ناروے کے دارالحکومت اوسلو کی پولیس نے تصدیق کرتے ہوئے کہا کہ ناروے کی ملکہ میٹی میریٹ کے بیٹے میرئیس بورج ہوئیبے کو حراست میں لیا گیا ہے، 27 سالہ میرئیس بورج کو پیر کو گرفتار کیا گیا ہے اور ان پر الزام ہے کہ انہوں نے ایک ایسی خاتون کا ریپ کیا جو بے ہوشی کی حالت میں اور مزاحمت کرنے کی قابل نہیں تھیں تاہم حکام نے وضاحتی بیان جاری کردیا ہے۔

    متاثرہ 20 سالہ خاتون ان سے اگست میں پہلی دفعہ ملی تھیں اور اسی دن واقعہ پیش آیا اور خاتون کے وکیل ہیگ سیلومون نے بتایا کہ ملکہ کے بیٹے سے ان کے رومانوی تعلقات نہیں تھے اور خاتون سے مشکل وقت سے گزر رہی ہے،وکیل صفائی اووند بریٹلین کے مطابق ہوئیبے نے مؤقف اپنایا ہے کہ وہ مجرم نہیں ہیں اور تفتیشی حکام کے ساتھ مکمل تعاون کر رہے ہیں۔

    میرئیس بورج ہوئبے ان کی والدہ میٹی میریٹ کی 2001 میں ولی عہد ہاکون کے ساتھ شادی سے قبل دونوں کے رومانوی تعلقات کے دوران 1997 میں پیدا ہوئے تھے میرئیس بورج ہوئبے کے دو سوتیلے بہن بھائی ہیں، پرنسز انگریڈ الیگزینڈرا اور پرنس سویر ماگنوس کے برعکس میرئیس بورج ہوئبے نے ناروے کی شاہی خاندان کی کوئی ذمہ داری یا عہدہ نہیں لیا ہوا ہے جبکہ ان کی بہن اور بھائی نے شاہی حیثیت حاصل کررکھی ہے، میرئیس بورج ہوئبے اپنے والد ولی عہد ہاکون اور والدہ میٹی میریٹ کی رہائش گاہ کے قریب ہی مقیم ہیں

    سی این این کی رپورٹ کے مطابق میرئیس بورج ہوئبے کو اب 5 خواتین کے ریپ کے الزامات کا سامنا ہے، ان پر قریبی تعلقات میں رہنے والی خاتون کو اپنے ساتھیوں کے ساتھ ریپ کا نشانہ بنانے کا الزام ہے، ان پر عائد فرد جرم میں 20 سالہ لڑے کو قتل کی دھمکی دینے اور ان کی ایک سابقہ منگیتر پر تشدد شامل ہے۔

  • پی ٹی آئی احتجاج ، رینجرز اور ایف سی کو خصوصی اختیارات مل گئے

    پی ٹی آئی احتجاج ، رینجرز اور ایف سی کو خصوصی اختیارات مل گئے

    اسلام آباد ، پی ٹی آئی احتجاجی دھرنا ، رینجرز اور ایف سی کو خصوصی اختیارات دے دیئے گئے
    وزارت داخلہ نے پنجاب رینجرز اور ایف سی کو انسداد دھشت گردی ایکٹ 1997 کے تحت خصوصی اختیارات دینے کی منظوری دے دی ،وزارت داخلہ نے چیف کمشنر اسلام آباد کی سمری پر منظوری دی ،رینجرز اور ایف سی شہر میں امن وعامہ برقرار رکھنے کےلئے پولیس کی معاونت کرے گی ،وزارت داخلہ نے تحریری حکم نامہ جاری کردیا

    دوسری جانب احتجاج کے پیش نظر اسلام آباد پولیس نے پنجاب اور سندھ پولیس سے مدد مانگ لی۔ پنجاب پولیس سے دو ڈی آئی جیز ، اور دس ڈی پی اوز اسلام آباد میں ڈیوٹی کریں گے پنجاب کے دس ڈی پی اوز پانچ پانچ سو اہلکاروں کے ہمراہ طلب کیے گئے ہیں ، سندھ اور پنجاب کانسٹیبلری کے بھی دو دو ہزار اہلکار مانگے گئے ہیں، ایف سی اور پنجاب پولیس کے جوان اینٹی رائٹس کیٹ کے ہمراہ ڈیوٹی کریں گے۔

    احتجاج کے موقع پر وفاقی دارالحکومت میں چار ہزار رینجرز اہلکاروں کے ہمراہ پانچ ہزار ایف سی کے اہلکار بھی ڈیوٹی سر انجام دیں گے، رینجرز اینٹی رائیٹس کٹس کے ہمراہ ڈیوٹی دیں گے۔

    دوسری جانب پنجاب پولیس نے امن و امان کی صورتحال خراب کرنے والوں کے ساتھ سختی سے نمٹنے کا فیصلہ کیا ہے 24 نومبر کا احتجاج روکنے کیلئے صوبے بھر سے 10ہزار 700کی نفری اسٹینڈ بائی کردی ہے پی ایچ پی سے 3500 جبکہ 500پہلے سے ،پی سی سے 1000جبکہ 3000 کی نفری پہلے سے ہے، ایس پی یو سے 1000، ٹریننگ ڈائریکٹریٹ سے 1200،گوجرانوالہ ریجن سے 1300جبکہ 600 نفری پہلے سے موجود ہے، اسی طرح سرگودھا ریجن سے 500 جب کہ 400نفری پہلے سے ہے، شیخوپورہ سے 200، ننکانہ صاحب سے100، ضلع سرگودھا سے 200، خوشاب سے 200،فیصل آباد سے 500جبکہ 800نفری پہلے سے، بہاولنگر سے 200،بہاولپور سے 300،مظفرگڑھ سے 300اوراوکاڑہ سے 200اہلکار اسٹینڈ بائی رکھے گئے۔

    مراسلے میں کہا گیا ہے کہ فورس اینٹی رائٹ سامان سے لیس، متعلقہ ضلع و یونٹ کا آرپی او ، سی پی او اور ڈی پی او فورس کے ٹرانسپور ٹ کا ذمہ دار ہو گا آئی جی پنجاب کے حکم پر اے آئی جی آپریشنز پنجاب نے متعلقہ افسران کو مراسلہ ارسال کردیا۔

    واضح رہے کہ پاکستان تحریک انصاف کے بانی عمران خان نے 24 نومبر کو احتجاج کی فائنل کال دے رکھی ہے-

  • کراچی : ڈکیتی کی منصوبہ بندی، خفیہ اطلاع پر 3 ملزمان گرفتار

    کراچی : ڈکیتی کی منصوبہ بندی، خفیہ اطلاع پر 3 ملزمان گرفتار

    ڈکیتی کی منصوبہ بندی کرنے والے 3 ملزمان کو گرفتار کر لیا گیا ، ملزمان سے 2 پستول ایک موٹر سائیکل، 5 موبائل فونز برآمد ہوئے.

    باغی ٹی وی کے مطابق کراچی کے علاقے شاہ لطیف سیکٹر 22 میں پولیس نے خفیہ اطلاع پر کارروائی کرتے ہوئے تین ملزمان کو اسلحے سمیت گرفتار کرلیا۔پولیس نے بتایا کہ پولیس ٹیم اطلاع پر شاہ لطیف میں واقع ہوٹل پہنچی تو ملزمان کھانا کھا رہے تھے، پولیس دیکھ کرملزمان نے فرارکی کوشش کی۔،ایس ایس پی ملیر کاشف عباسی کا کہنا تھا کہ ملزمان ڈکیتی کی منصوبہ بندی کررہے تھے، ملزمان میں فضل،قاسم،عظمت شامل ہیں۔کاشف عباسی نے کہا کہ ملزمان سی2پستول ایک موٹرسائیکل،5موبائل فونزبرآمدہوئے تاہم ملزمان کامجرمانہ ریکارڈچیک کیاجارہاہے اور تفتیش کاعمل جاری ہے۔یاد رہے رواں ماہ کے آغاز میں کراچی میں ناظم آباد پولیس اور شاہین فورس نے بروقت کارروائی کرتے ہوئے نجی اسپتال کی لیبارٹری میں ڈکیتی کی کوشش ناکام بناتے ہوئے دو ملزمان کو گرفتار کر لیا تھا.

    ڈی جی آڈٹ سندھ نے ماسٹر پلان اتھارٹی کو غیر قانونی قرار دے دیا

    کراچی سے حوالہ ہنڈی کا بڑا نیٹ ورک پکڑا گیا

    طیارہ حادثہ کیس، کور ٹ کا مختلف اداروں کو جواب داخل کرنے کا حکم

  • نوکری کا جھانسہ دےکر پیسوں کا الزام،زرتاج گل کی ضمانت منظور

    نوکری کا جھانسہ دےکر پیسوں کا الزام،زرتاج گل کی ضمانت منظور

    ڈیرہ غازی خان،پی ٹی آئی رہنما زرتاج گل کو خوشخبری مل گئی، انسدادِ دہشت گردی عدالت نے زرتاج گل کی درخواستِ ضمانت منظور کر لی۔

    راجن پور کے ایڈیشنل سیشن جج ملک محمد لطیف کی عدالت نے زرتاج گل کے خلاف پیسے لے کر نوکری کا جھانسہ دینے اور زمین پر قبضے کے مقدمے کی سماعت کی، عدالت نے فریقین کے دلائل سننے کے بعد زرتاج گل کی درخواست ضمانت منظور کر لی،زرتاج گل پر ڈیرہ غازی خان میں 7 اے ٹی اے کے تحت مقدمہ درج ہے۔مقدمہ ڈی جی خان کےتھانہ بی ایم پی سخی سرور میں ایک شہری ظفر حسین کی درخواست پردرج کیا گیا ہے،مدعی مقدمہ نے الزام عائد کیا کہ زرتاج گل نے سول ہسپتال سخی سرور میں نوکری دلوانے کے عوض پانچ لاکھ روپے لیے،ڈھائی سال کا عرصہ گزر جانے کے باوجود تو نوکری دلائی اور نہ ہی رقم واپس کی

    قبل ازیں گزشتہ روز زرتاج گل کو راجن پور کی مقامی عدالت نے ایک مقدمے میں بری کر دیا تھا،مقامی عدالت کے جج نے 4 ماہ قبل تھانہ بی ایم پی کوٹ سبزل میں درج ہونے والے مقدمے میں زرتاج گل کو بری کیا ہے۔

    عمران خان زندہ باد نعرہ لگانے پر مقدمہ بنا دیا جاتا ہے،زرتاج گل
    عدالتی فیصلے کے بعد زرتاج گل کا کہنا تھا کہ میں عدالتوں کا دروازہ کھٹکھٹاتی رہوں گی مجھے بھی اور میرے لیڈر عمران خان کو بھی انصاف یہاں سے ملے گا۔ہمارے اوپر پنجاب پولیس نے مقدمے کئے، ہم پولیس کی وردی کی عزت کرتے ہیں،دہشت گرد دندناتے پھر رہے ہیں لیکن زرتاج گل پرعمران خان زندہ باد نعرہ لگانے پر مقدمہ بنا دیا جاتا ہے، کیا یہ دہشت گردی ہے، عدالت نے آج پولیس سے پوچھا کہ اس پر جواب دیں لیکن پولیس کے پاس کوئی جواب نہیں تھا،ڈیرہ غازیخان ڈویژن جہاں پر ہمیں بلوچستان کا بارڈر لگتا ہے ہمیں سندھ کا بارڈر لگتا ہے کے پی کے کا بارڈر لگتا ہے سمگلنگ یہاں عروج پہ ہے ڈاکوؤں کے یہاں پر ڈاکو راج ہے دہشت گرد دندناتے پھر رہے ہیں اب اس پورے ڈیرہ غازی خان ڈویژن میں انکو ایک ہی خاتون ملی ہے زرتاج گل جس کو دہشت گرد بناکر یہاں پیش کیا، اور جو جرم مجھ پر لگایا گیا کہ زرتاج گل وزیر نے رہا کرو عمران خان کے نعرے لگائیں، سب سے تکلیف اس بات کی ہوئی ہے کہ وہ ساتھ مجرمہ نام لگاکر عدالت میں پکا رہے تھے، میں ایک ایم این اے ہوں ڈیڑھ لاکھ ووٹ لیکر ائی ہوں، جج صاحب نے میری اس کیس میں کنفرم ضمانت منظور کرلی اور کہا کہ یہ بالکل سیاسی اور جھوٹا ایف آئی آر ہے اور پولیس کے خلاف فوری انکوائری کا حکم جاری کردیا، میری سیاست میرا جینا مرنا اس ملک میں ہے اور انصاف کے لئے عدالتوں کا دروازہ کھٹکھٹا رہوں گی انصاف کی امید صرف اور صرف عدالتوں اور معزز میرٹ پسند ججز سے ہے

    غیر رجسٹرڈ اور غیر قانونی وی پی اینز کی رجسٹریشن کیلئے ایک محفوظ عمل متعارف

    سوشل میڈیا،فحش مواد دیکھنے کیلئے پاکستانی وی پی این استعمال کرنے لگے

    پاکستان میں سوشل میڈیا پر فحش مواد دیکھنےکا رجحان بڑھنے لگا

    گن پوائنٹ پر خواجہ سرا ڈولفن ایان سے برہنہ رقص کروا کر ویڈیو کر دی گئی وائرل

    اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

    ٹک ٹاکر امشا رحمان کی بھی انتہائی نازیبا،برہنہ،جنسی تعلق کی ویڈیو لیک

    نازیبا ویڈیو لیک ہونے کے بعد مناہل ملک نے دیا مداحوں کو پیغام

    سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

    سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

    انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی

  • پنجاب میں کم عمر بچوں کے ساتھ زیادتی کے واقعات میں اضافہ

    پنجاب میں کم عمر بچوں کے ساتھ زیادتی کے واقعات میں اضافہ

    پنجاب میں پانچ برسوں میں کم عمر بچوں کے ساتھ جنسی زیادتی و بدفعلی کے 5ہزار 6 سو 23 واقعات ہوئے ہیں

    میڈیا رپورٹس کے مطابق 2020 میں کم عمر بچوں کے ساتھ زیادتی کے 1ہزار 82 واقعات رپورٹ ہوئے، 2021میں پنجاب میں کم عمر بچوں کے ساتھ زیادتی کے 11سو 48 کیسسز درج ہوئے،2022 میں 1ہزار 1 سو 11 کیسسز سامنے آئے، 2023 میں کم عمر بچوں کے ساتھ زیادتی کے واقعات میں اضافے کے بعد کیسسز کی سالانہ تعداد 12 سو 5 ہوگئی،2024 کے صرف دس ماہ میں 1ہزار 77 کم عمر بچوں کو زیادتی کا نشانہ بنایا گیا،5 ہزار 6 سو 23 کیسسز میں سے 4ہزار 6سو کیسسز چالان ہوئے،9سو 62 کیسسز مختلف وجوہات کی بنا پر کینسل ہوگئے

    پنجاب میں بدفعلی کے واقعات میں مسلسل اضافہ، نہ صرف ایک سماجی مسئلہ بن چکا ہے بلکہ یہ پورے معاشرے کے لیے ایک لمحہ فکریہ بھی ہے۔ حالیہ دنوں میں بدفعلی کے متعدد واقعات سامنے آئے ہیں جنہوں نے نہ صرف متاثرہ افراد کی زندگیوں کو اجیرن کر دیا ہے بلکہ پورے معاشرتی نظام کو ہلا کر رکھ دیا ہے۔پنجاب کے مختلف علاقوں میں بدفعلی کے واقعات کی تعداد میں واضح اضافہ دیکھنے کو مل رہا ہے۔ ان واقعات میں سب سے زیادہ تشویش کی بات یہ ہے کہ بیشتر کیسز میں متاثرہ افراد کے اہل خانہ یا قریبی رشتہ دار بھی ملوث ہیں، جو کہ معاشرتی اعتبار سے انتہائی سنگین مسئلہ ہے۔

    پنجاب پولیس نے بدفعلی کے بڑھتے ہوئے واقعات کو روکنے کے لیے کئی اقدامات اٹھائے ہیں۔ جدید تفتیشی ٹیکنالوجی کا استعمال، متعین پولیس فورس اور عوامی آگاہی مہمات جیسے اقدامات شروع کیے گئے ہیں۔ تاہم، کئی افراد کا یہ ماننا ہے کہ اگر پولیس اور حکومت وقت پر سخت اور فوری کارروائی کرتی، تو ان واقعات کی روک تھام ممکن تھی۔ماہرین کا کہنا ہے کہ بدفعلی کے واقعات صرف قانونی یا انتظامی مسئلہ نہیں ہیں بلکہ یہ ایک سماجی بیماری بن چکی ہے۔ ان واقعات کی سب سے بڑی وجہ معاشرتی بے راہ روی، غربت، تعلیم کی کمی اور ذہنی صحت کے مسائل ہیں۔ خاندانوں میں بڑھتی ہوئی کشیدگی، بچوں کو مناسب تربیت نہ دینا، اور اسکولوں میں اخلاقی تعلیم کی کمی بھی ان مسائل کی جڑ ہے۔

    یہ واقعات نہ صرف متاثرہ افراد کے لیے تکلیف دہ ہیں بلکہ یہ ان کے پورے خاندانوں پر اثر انداز ہوتے ہیں۔ بدفعلی کا شکار ہونے والے افراد کی بحالی اور انہیں انصاف دلانے کے لیے قانونی اور سماجی اقدامات کی ضرورت ہے۔ حکومت کو چاہیے کہ وہ متاثرہ افراد کے حقوق کے تحفظ کے لیے فوری طور پر قوانین میں ترامیم کرے اور انہیں پناہ گاہ فراہم کرنے کے لیے اقدامات کرے۔

    گن پوائنٹ پر خواجہ سرا ڈولفن ایان سے برہنہ رقص کروا کر ویڈیو کر دی گئی وائرل

    لاہور بیورو کیخلاف بغاوت کی خبر کیسےباہر آئی؟ اکرم چوہدری سیخ پا،ذاتی کیفے میں اجلاس میں تلخی

    اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

    ٹک ٹاکر امشا رحمان کی بھی انتہائی نازیبا،برہنہ،جنسی تعلق کی ویڈیو لیک

    نازیبا ویڈیو لیک ہونے کے بعد مناہل ملک نے دیا مداحوں کو پیغام

    سماٹی وی میں گروپ بندی،سما کے نام پر اکرم چوہدری اپنا بزنس چلانے لگے

    سما ٹی وی بحران کا شکار،نجم سیٹھی” پریشان”،اکرم چودھری کی پالیسیاں لے ڈوبیں

    انتہائی نازیبا ویڈیو لیک ہونے کے بعد ٹک ٹاکرمناہل نے مانگی معافی

  • شاہ رخ خان کو دھمکی دینے والا گرفتار

    شاہ رخ خان کو دھمکی دینے والا گرفتار

    بالی ووڈ کے سپر اسٹار شاہ رخ خان کو دھمکی دینے والے شخص کو گرفتار کر لیا گیا

    چھتیس گڑھ کے شہر رائے پور سے تعلق رکھنے والے ایک شخص کو اداکار شاہ رخ خان کو دھمکی آمیز کال کرنے اور 50 لاکھ روپے کا مطالبہ کرنے پر گرفتار کیا گیا۔ اس سے پہلے ملزم نے کہا تھا کہ اس کا موبائل فون چوری ہو گیا ہے، جس کے ذریعے دھمکی آمیز کال کی گئی تھی۔ اس نے یہ بھی دعویٰ کیا تھا کہ اس سلسلے میں 2 نومبر کو پولیس میں شکایت درج کرائی تھی۔ممبئی پولیس نے شاہ رخ خان کو دھمکی دینے والے فیضان خان کی گرفتاری کے لیے رائے پور پہنچ کر ٹرانزٹ ریمانڈ حاصل کیا۔

    ممبئی پولیس کا کہنا ہے کہ باندرہ تھانے میں ایک مقدمہ درج کیا گیا تھا جس میں شاہ رخ خان کو پیسے وصول کرنے کی دھمکی دی گئی تھی۔ پولیس نے اس معاملے میں تحقیقات کرتے ہوئے یہ معلوم کیا کہ جس نمبر سے کال کی گئی، وہ فیضان خان کا تھا، فیضان خان، جو پیشے کے لحاظ سے وکیل ہیں، رائے پور کے علاقے پنڈیاری کے رہائشی ہیں، ان کا موبائل فون چند روز قبل گم ہو گیا تھا، اور اس کی اطلاع بھی انہوں نے پولیس کو دی تھی،شاہ رخ خا کو دھمکی ملنے کے بعد ممبئی پولیس نے شاہ رخ خان کی سیکیورٹی مزید بڑھا دی تھی۔

    اس سال شاہ رخ خان نے اپنی 59ویں سالگرہ سیکیورٹی وجوہات کی بنا پر مداحوں کے بغیر منائی۔ اس بار انہوں نے مداحوں کو اپنی سالگرہ کے موقع پر ملنے کی اجازت نہیں دی تھی، اور شائقین بھی باہر نہیں آ سکے تھے۔ ممکنہ طور پر یہی دھمکی چند دن پہلے ہی ملی تھی۔

    روزانہ 100 سگریٹ پینے والے شاہ رخ خان کاسگریٹ نوشی چھوڑنے کا انکشاف

    کنگ خان، شاہ رخ خان کتنے اثاثوں کے مالک؟

    شاہ رخ خان کی سالگرہ،مداحوں کے پیغام،زندگی بارے دلچسپ واقعات

  • لاہور ہائیکورٹ،فون کالز کی ریکارڈنگ کیخلاف درخواست نمٹا دی گئی

    لاہور ہائیکورٹ،فون کالز کی ریکارڈنگ کیخلاف درخواست نمٹا دی گئی

    لاہور ہائیکورٹ ،سیکورٹی اداروں کو شہریوں کے فون کالز کی ریکارڈنگ کی اجازت دینے کے خلاف متفرق درخواست پر سماعت ہوئی

    عدالت نے متفرق درخواست ابتدائی دلائل سننے کے بعد نمٹا دی ،لاہور ہائیکورٹ کی چیف جسٹس عالیہ نیلم نے کہا کہ اگر کوئی ایسا معاملہ آتا ہے تو جسٹس فاروق حیدر ایسے کیسز کی سماعت کریں گے۔ وفاقی حکومت کی طرف سے اسسٹنٹ اٹارنی جنرل رفاقت ڈوگر پیش ہوئے ،چیف جسٹس عالیہ نیلم نے جوڈیشل ایکٹوزم پینل کی متفرق درخواست پر سماعت کی،درخواستوں میں 8 جولائی کے حکومتی نوٹیفکیشن کو چیلنج کیا گیا ہے ،درخواست میں استدعا کی گئی کہ شہریوں کی کالز ریکارڈ کرنا آئین کے منافی ہے،عدالت نوٹیفکیشن کو کالعدم قرار دے۔

    لاہور ہائیکورٹ میں پنجاب میں درج مقدمات کے چالان عدالتوں کو بھیجوانے کے کیس کی سماعت ہوئی
    لاہور ہائیکورٹ کی چیف جسٹس عالیہ نیلم نے کہا کہ پراسکیوشن کی جانب سے بھیجوائے گے کیسز اور سیشن ججز کی رپورٹس میں تضاد ہے،عدالت نے پراسکیوشن کو سیشن ججز کی رپورٹس کا جائزہ لیکر آئندہ اعدادوشمار سے متعلق رپورٹ پیش کرنے کی ہدایت کردی ،عدالت نے کہا کہ رپورٹس میرے آفس میں بھیج دیں تاکہ پھر اس کیس کو نمٹایا جائے،پراسیکیوٹر نے کہا کہ 31 جولائی 2024 تک کے تمام مقدمات کے چالان عدالتوں میں بھیجوا دیے ہیں،عدالت نے کہا کہ اٹک ،ملتان ،قصور ،چکوال ،ٹوبہ ٹیک سنگھ میں پراسکیوشن اور سیشن ججز کی رپورٹ درست ہے،باقی اضلاع میں اعداد شمار میں فرق آرہا ہے،چیف جسٹس لاہور ہائی کورٹ عالیہ نیلم نے درخواست پر سماعت کی

    اپووا کی تربیتی ورکشاپ،لکھاریوں کی تحسین

    یوم اقبال پر اپووا کی تقریب،تحریر:عینی ملک

    اپووا تربیتی ورکشاپ کی یادیں،تحریر: فیصل رمضان اعوان

    اپووا کی سنگ رنگی تقریب،تحریر:ریاض احمد احسان

    اپووا تربیتی ورکشاپ کے یادگار لمحات،تحریر:اورنگزیب وٹو

  • سندھ پولیس میں تاریخ کی سب سے بڑی بھرتیاں ہونے جا رہی ہیں،آئی جی سندھ

    سندھ پولیس میں تاریخ کی سب سے بڑی بھرتیاں ہونے جا رہی ہیں،آئی جی سندھ

    کراچی: انسپکٹر جنرل (آئی جی) سندھ غلام نبی میمن نے اعلان کیا ہے کہ سندھ کی تاریخ کی سب سے بڑی بھرتیاں ہونے جارہی ہیں، منصوبے کے تحت 25 سے 27 ہزار اہلکار بھرتی ہوں گے۔

    باغی ٹی وی: آئی جی سندھ نے ہفتہ کو پریس کانفرنس کرتے ہوئے کہا کہ قانون میں کوئی تفریق نہیں ہونی چاہیئے، بغیر کسی وجہ کے کسی کو ہٹایا جانا نامناسب ہے جن ایس ایچ اوز کو ہٹایا گیا تھا انہیں واپس لگایا گیا ہے، کوشش ہے کہ قانون پر عمل درآمد کرائیں، میری سندھ پولیس کے افسران سے میٹنگ ہوئی تھی، جتنی سزا پولیس میں ہے کسی اور محکمے میں نہیں ہے۔

    انہوں نے اعلان کیا کہ سندھ میں مزید 50 پولیس اسٹیشنز کی تو سیع ہوگی، سندھ کی تاریخ کی سب سے بڑی بھرتیاں ہونے جارہی ہیں، منصوبے کے تحت 25 سے 27 ہزار اہلکار بھرتی ہوں گے، کراؤڈ مینجمنٹ کے لیے 3000 اہلکار بھرتی ہوں گے، کراؤڈ مینجمنٹ یو نٹ کو مظاہرین کو کنٹرول کرنے کی تربیت دی جائےگی۔

    ٹرمپ کے غیر قانونی احکامات پر کس طرح ردعمل دینا ہے،پینٹاگون حکام نے سر جوڑ …

    وزیراعظم جلد 5 سال کا معاشی روڈ میپ دینے جا رہے ہیں، احسن اقبال

    آئندہ کی تحریک چلانے میں تمام اپوزیشن کو ساتھ لے کر چلیں گے،اسد قیصر

  • 1 کروڑ روپے سے زائد کی منشیات برآمد،میاں بیوی سمیت 3 منشیات فروش گرفتار

    1 کروڑ روپے سے زائد کی منشیات برآمد،میاں بیوی سمیت 3 منشیات فروش گرفتار

    کراچی: سچل پولیس نے ایک کروڑ روپے سے زائد مالیت کی آئس اور ہیروئن برآمد کر کے میاں اور بیوی سمیت 3 منشیات فروشوں کو گرفتار کرلیا،جبکہ جناح انٹریشنل ائرپورٹ پر اماراتی اور سعودی کرنسی اسمگل کرنے کی کوشش ناکام بنا دی گئی۔

    باغی ٹی وی: ایس ایچ او سچل اورنگزیب خٹک کے مطابق گرفتار ملزمان کی شناخت میر ہزار ، اس کی بیوی کزبانو اور سفر کے نام سے کی گئی ہے،ان کے قبضے سے 1140 گرام آئس اور 510 گرام ہیروئن برآمد ہوئی ہے جس کی بین الاقوامی مارکیٹ میں قیمت ایک کروڑ سے زائد بتائی جاتی ہے،ملزمان کو خفیہ اطلاع پر مین روڈ گوالیار سوسائٹی سپر ہائی وے سے گرفتار کیا گیا ہے ملزمان برآمد کی جانے والی منشیات شہر کے مختلف علاقوں میں سپلائی کرنا چاہتے تھے ۔

    دوسری جانب جناح انٹریشنل ائیرپورٹ پر اماراتی اور سعودی کرنسی اسمگل کرنے کی کوشش ناکام بنا دی گئی، ترجمان اے ایس ایف کے مطابق ائرپورٹ سکیورٹی فورس نے کراچی ائرپورٹ پر ایک کارروائی کی، جس میں عملے نے دبئی جانے والی پرواز پر ایک مسافر سے بھاری مقدار میں غیر ملکی کرنسی برآمد کر لی۔

    ترجمان کے مطابق دبئی کی پرواز کے ایک مسافر محمد احمد الیاس کے سامان میں غیر ملکی کرنسی کی موجودگی کی نشاندہی ہوئی ، جس پر تلاشی لی گئی تو بیگ میں سے 17 ملین روپے مالیت کی غیر ملکی کرنسی برآمد کرکے اسمگلنگ کی کوشش ناکام بنادی گئی، غیر ملکی کرنسی میں 2 لاکھ 25 ہزار سے زیادہ یو اے ای درہم اور سعودی ریال شامل تھے ، ملزم کو ابتدائی تفتیش کے بعد مزید قانونی کارروائی کے لیے برآمد شدہ غیر ملکی کرنسی کے ساتھ کسٹمز حکام کے حوالے کردیا گیا۔

  • کراچی میں پی ٹی آئی رہنماؤں کے خلاف سنگین دفعات کے تحت مقدمہ درج

    کراچی میں پی ٹی آئی رہنماؤں کے خلاف سنگین دفعات کے تحت مقدمہ درج

    کوئٹہ : ہاکی گراؤنڈ میں جلسے کی اجازت نہ ملنے کے باوجود پی ٹی آئی کارکنان کی جلسہ گاہ جانے کی کوشش، پولیس سے جھڑپوں، پتھراؤ اور تصادم میں ڈی ایس پی سمیت 5 پولیس اہلکار زخمی ہوگئے۔

    باغی ٹی وی : تحریک انصاف نے آج کوئٹہ کے ہاکی گراؤنڈ میں جلسے کا اعلان کررکھا تھا مگر ضلعی انتظامیہ کی جانب سے آج جلسے کی اجازت نہیں دی گئی ضلعی انتظامیہ نے ہاکی گراؤنڈ جانے والے تمام راستوں کو سیل کردیا، ایدھی چوک، انسکمب روڈ، ریلوے اسٹیشن ایریا سمیت دیگر شاہراہوں کو کنٹینر لگا کر بند کردیا گیا، ضلعی انتظامیہ نے جلسہ گاہ کو بھی سیل کردیا اور پولیس کی بھاری نفری تعینات کردی۔

    پولیس کے مطابق جلسے کے وقت پر پی ٹی آئی کے درجنوں کارکن رکاوٹیں توڑ کر جلسہ گاہ کی جانب روانہ ہوئے جس پر پولیس کی جانب سے کارکنوں پر آنسو گیس کی شیلنگ کی گئی جس کے بعد کوئٹہ میں پی ٹی آئی کے کارکنوں اور پولیس میں جھڑپیں ہوئیں، جھڑپوں کے دوران کارکنوں نے پولیس پر گاڑی چڑھانے کی کوشش کی جس کی ٹکر سے ڈی ایس پی سمیت پانچ پولیس اہلکار زخمی ہوگئے دو طرفہ پتھراؤ اور آنسو گیس کی شیلنگ کا سلسلہ تین گھنٹے تک جاری رہا تاہم جلسہ نہ ہوسکا۔

    دوسری جانب تحریک انصاف کی جانب سے ریلی نکالنے پر کار سرکار میں مداخلت کے تحت پی ٹی آئی رہنماؤں کے خلاف مقدمہ سہراب گوٹھ تھانے میں درج کرلیا گیا ہےپی ٹی آئی کراچی ریجن کی جانب سے صوابی جلسے میں شرکت کیلئے جانے والے قافلے کے خلاف پولیس نے کریک ڈاؤن کرتے ہوئے تحریک انصاف کراچی کے صدر راجہ اظہر اور جنرل سیکریٹری ارسلان خالد سمیت دیگر کارکنوں کو گرفتار کرلیا جس کے بعد تحریک انصاف کراچی کے صدر سمیت 12 سے زائد عہدیداروں کے خلاف سرکار کی مدعیت میں کار سرکار میں مداخلت سمیت دیگر سنگین دفعات کے تحت مقدمہ درج کرلیا گیا۔

    جیل سے رہا ہو نیوالے کارکن وزیراعلیٰ کے پی سے ایک ہزار روپے …

    اسرائیلی وزیراعظم کے دفتر کا سابق وزیر دفاع اور فوجی اہلکاروں کی …

    لاہور میں مصنوعی بارش کی تیاریاں شروع