Baaghi TV

Tag: پیپلز پارٹی

  • بلاول وزیراعظم بن کر معاشی انقلاب لائینگے،آصفہ

    بلاول وزیراعظم بن کر معاشی انقلاب لائینگے،آصفہ

    مورو: بی بی آصفہ بھٹو زرداری نے دادو مورو بائی پاس چوک پر خطاب کرتے ہوئے کہا ہے کہ آپ نے ووٹ سے پیپلز پارٹی کے امیدواروں کو جتوانا ہے۔

    آصفہ بھٹو زرداری پیپلز پارٹی کے امیدواروں کی انتخابی مہم چلا رہی ہیں، آصفہ بھٹو نے انتخابی ریلی سے خطاب میں کرتے ہوئے کہا کہ بلاول بھٹو زرداری ملک کے وزیراعظم بن کر معاشی انقلاب لائینگے۔ ضلع سے تمام پی پی امیدواروں کو فتح نصیب ہونی چاہیئے۔ پیپلز پارٹی نے سندھ میں صحت کی سہولیات مہیا کیں،گمبٹ اسپتال اپنی مثال آپ ہے جسکا کوئی مقابلہ نہیں کرسکتا۔ پیپلز پارٹی عوام کی پارٹی ہے ۔لوگوں کو گھروں کے مالکانہ حقوق بھی دے رہے ہیں، پیپلزپارٹی صرف عوام کے لئے لڑ رہی ہے،حکومت ملی تو 30لاکھ گھر بنائیں گے،سندھ میں20 لاکھ گھر بن رہے ہیں،بلاول بھٹو زرداری آپ کامقدمہ لڑ رہے ہیں، دوسرے لوگ کرسی کی لالچ میں آپس میں لڑ رہے ہیں،ہم بینظیر کسان کارڈ، بینظیر مزدور کارڈ اور طلباء کارڈ دیں گے، آپ تیر پر ٹھپہ لگاکر بلاول بھٹو زرداری کو کامیاب بنائیں۔

    8 فروری ووٹ کی طاقت سے بلاول کو وزیر اعظم بنانا ہے،آصفہ بھٹو

     آصفہ بھٹو زرداری نے کراچی کے علاقے ابراہیم حیدری پہنچ کر خطاب کیا،

    ن لیگ کے محسن رانجھا نے پی ٹی آئی والوں پر پرچہ کٹوا دیا .

    نواز شریف پر مقدر کی دیوی مہربان،راستہ صاف،الیکشن،عمران خان اور مخبریاں

    عام انتخابات کے دن قریب آئے تو تحریک انصاف کی مشکلات میں اضافہ 

    آصفہ زرداری الیکشن 2024 میں خود الیکشن نہیں لڑ رہی تا ہم وہ امیدواروں کی انتخابی مہم چلائیں گی، آصف زرداری نے آصفہ کو سیاست میں لانے کا اعلان کیا تھا ،امید کی جا رہی تھی کہ آصفہ الیکشن لڑیں گی تاہم آصفہ کے کہیں سے بھی کاغذات نامزدگی جمع نہیں کروائے گئے.31 مارچ 2022کو سابق صدر آصف زرداری نے کہا تھا کہ آصفہ بھٹو کو اگلے انتخابات میں پارلیمانی سیاست میں لے کر آؤں گا،تاہم ایسا نہ ہو سکا

    آصفہ بھٹو زرداری سابق صدر آصف علی زرداری کے تین بچوں میں سب سے چھوٹی ہیں۔ ان کی پیدائش 3 فروری 1993 کو لندن میں ہوئی تھی تاہم اب وہ اپنی فیملی کے ساتھ پاکستان میں مقیم ہیں اور سیاسی سرگرمیوں میں حصہ لیتی رہتی ہیں۔آصفہ بھٹو زرداری گزشتہ کچھ سالوں سے خواتین کے حقوق کے حوالے سے کام کرتی آرہی ہیں تاہم ان کی سیاست میں باضابطہ انٹری پی ڈی ایم کے ملتان جلسے سے ہوئی تھی جس میں انہوں نے اپنے سیاسی کریئر کی پہلی تقریر کی تھی

    آصفہ نے لانگ مارچ کی قیادت بھی کی تھی اور کراچی سے اسلام آباد بلاول کے ہمراہ تھیں،راستے میں ڈرون سے زخمی بھی ہوئی تھیں.

  • اگر میاں صاحب نے پرانی سیاست کرنی ہے تو میں ان کا ساتھ نہیں دے سکتا،بلاول

    اگر میاں صاحب نے پرانی سیاست کرنی ہے تو میں ان کا ساتھ نہیں دے سکتا،بلاول

    اسلام آباد: پیپلزپارٹی کے چیئرمین بلاول بھٹو زرداری کا کہنا ہےکہ مخلوط حکومت بنی تو پی ٹی آئی یا ن لیگ میں سے کسی کا ساتھ نہیں دوں گا۔

    باغی ٹی وی: برطانوی نشریاتی ادارے کو انٹرویو میں پاکستان پیپلز پارٹی کے چیئرمین بلاول بھٹو زرداری کا کہنا تھا کہ پی ڈی ایم کے کردار سے پہلے سے مایوس تھا، میاں صاحب کے کردار سے سخت مایوس ہوں، اس لیے آج کل ہمارے فاصلے کافی واضح ہیں، اگر میاں صاحب نے پرانی سیاست کرنی ہے تو میں ان کا ساتھ نہیں دے سکتا، ہم انتخابات اور جمہوریت کو بہت سنجیدگی سے لیتے ہیں۔

    بلاول کا کہنا تھا کہ آزاد امیدواروں کی اکثریت پی ٹی آئی کے ٹکٹ ہولڈر نہیں ہیں، انتخابات کے بعد پیپلز پارٹی کو آزاد امیدواروں کا ساتھ مل سکتا ہے، ہم ایک نئی سوچ اور جذبےکے ساتھ ملکی نظام کو بہتری کی جانب لے جانا چاہتے ہیں، حکومت ملی تو میری حکومت میں ایک بھی سیاسی قیدی نہیں ہوگا۔

    بانی پی ٹی آئی کی سزاؤں کے بعد انتخابات کی شفافیت پر بلاول کا کہنا تھا کہ 2018 اور 2013 میں بھی بہت سے سیاستدان الیکشن نہیں لڑ سکے تھے اور اس وقت سب سے زیادہ خوش بانی پی ٹی آئی تھے، ان کی سزا مکافات عمل ہے، ہمارے معاشرے میں پھیلی نفرت اور تقسیم کی سیاست بانی پی ٹی آئی یا نواز شریف نہیں صرف پیپلز پارٹی ختم کرسکتی ہے۔

    غیر شرعی نکاح کیس: دوران سماعت عمران خان، بشریٰ اور خاور مانیکا کے درمیان …

    دوسری جانب نجی خبررساں ادارے کے پروگرام میں گفتگومیں چیئرمین پاکستان پیپلز پارٹی بلاول بھٹو زرداری نے کہا ہے کہ حکومت سازی کے لیے ن لیگ کو ووٹ دینا مشکل ہو گا، کسی کو اپنا ووٹ دینے کی بجائے ہم اپنی حکومت بنائیں گے،ایم کیو ایم پاکستان والے انتشار اور تشدد کے بغیر الیکشن لڑ نہیں سکتے ،عوام تشدد کی سیاست کو رد کرتی ہے، تشدد کی سیاست کو اب برداشت نہیں کیا جا سکتا۔

    ان کا کہنا تھا کہ پیپلز پارٹی بلا تفریق عوام کی خدمت کرنا چاہتی ہے ، میں کراچی کے چپے چپے میں خدمت کرنا چاہتا ہوں، میں کراچی میں پیدا ہوا ، کراچی میرا اپنا شہر ہے ،ان شاء اللہ ہم کراچی کی عوام کی قسمت تبدیل کریں گے ، بلدیاتی انتخابات میں کراچی سے تاریخی کامیابی ملی، اب عام انتخابات میں بھی کامیابی ملے گی اورعوام تیر کو ووٹ دے کر کامیاب کرائیں گے۔

    ڈی آئی خان میں سکیورٹی فورسز کا خفیہ آپریشن، 2 دہشتگرد ہلاک

    ایک سوال کے جواب میں بلاول بھٹو نے کہا کہ پی ڈی ایم اپنے مقصد سے پیچھے ہٹ گئی تھی ۔ معاشی، سفارتی بحران تھے اس لیے میں شہباز شریف کی زیر قیادت اتحادی حکومت میں شامل ہوا تھا ، پاکستان کو کھویا ہوا مقام واپس دلانے کے لیے حکومت میں شامل ہوا تھا ۔ ہماری اتحادی حکومت کو قومی معاملات میں دلچسپی نہیں تھی، یہ غلط فہمی ہے کہ تمام آزاد امیدوار پی ٹی آئی کے ٹکٹ ہولڈر ہیں ،چند پی ٹی آئی کے ٹکٹ ہولڈرآزاد امیدوار ہیں، ہم وزارت عظمی ، صدر سمیت تمام عہدوں کے لیے الیکشن میں حصہ لیں گے۔

    اوچ شریف:غوث الاعظم چوک پل عباسیہ لنک کینال تجاوزات کی لپیٹ میں,حادثات معمول بن گئے

    چیئرمین پیپلز پارٹی نے کہا کہ میں پرانی روایتی نفرت اور تقسیم کی سیاست سے مایوس ہوں، ن لیگ اور پی ٹی آئی نے یہی سیاست کرنی ہے تو میرے لیے مشکل ہو گا کہ ان کے ساتھ کام کروں اگر وہی 90 کی دہائی کی سیاست کرنی ہے تو میں اس میں شامل نہیں ہو سکتا ، انہوں نے سیاست کو ذاتی دشمنی میں تبدیل کر دیا ہے،بانی پی ٹی آئی کی سیاست کیا رہی ہے ؟ بانی پی ٹی آئی کی سیاست یہ رہی کہ مخالفین کے خلاف کیسز ڈالو ،انتقامی سیاست نہ میں نے ماضی میں کی نہ آگے جا کر کروں گا۔

    بلاول نے مزید کہا کہ بلے کے نشان سے متعلق اہم کیس کے فیصلے کے وقت پی ٹی آئی کے رہنماؤں نے آکر شدید تنقید کی، بلے کے نشان کا کیس چل رہا تھا کہ پی ٹی آئی قیادت نے تنقید کی ، پلانٹڈ قیادت نے کہا کہ میں ابھی بانی پی ٹی آئی سے مل کرآیا ہوں ،اگلے دن انہوں نے سخت زبان استعمال شروع کر دی، میری اطلاعات کے مطابق بانی پی ٹی آئی نے خود وکلا کی تیاری پر ناراضگی کا اظہار کیا ہے بانی پی ٹی آئی کے پاس درست ٹیم موجود نہیں ، عرصے سے سیاست کر رہے ہیں ، دال میں کچھ کالا ہو تو ہمیں نظر آ جاتا ہے ،پی ٹی آئی میں انٹرا پارٹی الیکشن پر کافی عرصے سے اختلافات چل رہے تھے۔

    پی ٹی آئی نے انٹرا پارٹی انتخابات کیلئے قواعد وضوابط جاری کردیئے

  • وزیر اعظم بن کر بلوچستان کے لاپتا افراد کا مسئلہ حل کروں گا۔بلاول

    وزیر اعظم بن کر بلوچستان کے لاپتا افراد کا مسئلہ حل کروں گا۔بلاول

    پیپلز پارٹی کے چیئرمین بلاول زرداری نے خضدار میں انتخابی جلسہ سے خطاب کرتے ہوئے کہا کہ آج ایک بار پھر بلوچستان کی سرزمین پر کھڑا ہوں،آج خضدار میں بلوچ بھائیوں اور بہنوں کے درمیان کھڑا ہوں

    بلاول زرداری کا کہنا تھا کہ کچھ قوتیں پاکستان پیپلزپارٹی کو نشانہ بنائے ہوئےہیں ،وہ قوتیں نہیں چاہتیں کہ پیپلزپارٹی بلوچستان میں حکومت بنائے،وہ قوتیں نہیں چاہتیں کہ پیپلزپارٹی وفاق میں حکومت بنائے،وزیراعظم، وزیراعلیٰ بلوچستان جیالہ بنتا ہے تو ان کی سازشیں ناکام ہوں گی،وہ جانتے ہیں کہ میری رگوں میں بلوچ کا خون دوڑتا ہے،جس طرح میں بلوچستان کا دکھ درد سمجھتا ہوں یہ احساس کسی اور سیاستدان میں نہیں،وہ جانتے ہیں میں بینظیر کا بیٹا ہوں اور بلوچستان کے شہدا کا دکھ سمجھتا ہوں،وہ جانتے ہیں میں بلوچستان کے عوام کے مسائل جانتا ہوںموہ جانتے ہیں دہشت گردوں کا مقابلہ اور لاپتہ افراد کے مسئلے کا حل بھی نکال سکتا ہوں،بلوچ عوام، وفاق میں دراڑیں ڈالنے کی سازش بھی بلاول ناکام کرے گا،وہ جانتے ہیں ہم نفرت کی سیاست نہیں کرتے، بلاتفریق خدمت کرتے ہیں،تمام قوتوں کا مقابلہ کرنے کو تیار ہیں مگر عوام کے حق پر سودا نہیں کرسکتے،وہ جانتے ہیں پیپلزپارٹی واحد جماعت ہے جو بلوچستان کو حق دلا سکتی ہے،وہ جانتے ہیں پیپلزپارٹی بلوچستان میں غربت، بیروزگاری کا خاتمہ کرسکتی ہے،نفرت، تقسیم، دہشت گردی کی وجہ سے وہ سمجھتے ہیں یہ بچہ ہے ڈر جائے گا.

    بلاول زرداری کا مزید کہنا تھا کہ دہشت گرد تنظیموں نے پیپلز پارٹی امیدواروں پر حملے کیے، مستونگ، بولان، تربت میں میرے امیدواروں پر حملے ہوئے،ہمارا کارکن شہید ہوا، کوئٹہ میں پی پی صوبائی صدر پر حملہ ہوا،خضدار میں بھی ہمارے امیدوار پر حملہ ہوا،ان کا خیال تھا پیپلزپارٹی کے جیالے اور ہم حملوں سے خوفزدہ ہوجائیں گے لیکن ہم ڈرنے والے نہیں،اگر صدر زرداری کی اٹھارویں ترمیم، این ایف سی ایوارڈ اور آغاز حقوق بلوچستان پر عمل ہوتا تو آج پکنے والی تمام سازشیں ختم ہو جاتیں،ہم عوام کی طاقت سے تمام قوتوں کا مقابلہ کرنے کے لئے تیار ہیں لیکن عوام کے حق پر سودا نہیں کریں گے۔ بندوق کے زور پر تمام مسئلے حل نہیں کر سکتے تمام مسائل کا حل خود نکال لوں گا،آپ اپنی سیاست کریں ،پر امن طریقے سے تحریکیں چلائیں ،وزیر اعظم بن کر بلوچستان کے لاپتا افراد کا مسئلہ حل کروں گا۔دہشت گردی کا سر اٹھ رہا ہے ،میں خود دہشت گردوں کا سر کاٹوں گا،ان کی حرکتوں کی وجہ سے سب کچھ مہنگا ہوچکا صرف عوام کا خون سستا ہے ،وزیر اعظم بنا تو بلوچستان کے عوام کو معلوم ہوگاکہ ان کا نمائندہ وزیر اعظم ہاؤس میں بیٹھا ہے ،8 فروری کو بلوچستان میں تیروں کی بارش ہو گی ،اگر میں لاہور سے الیکشن لڑ رہا ہوں تو آپ کا نمائندہ بن کر الیکشن لڑ رہا ہوں ،ہمارا سر کٹ تو سکتا ہے لیکن کسی دہشت گرد کے سامنے جھک نہیں سکتا ،

    عمران خان کیخلاف بات کرنے پر پی ٹی آئی رہنما نے امام مسجد کو منافق کہہ دیا

    میں وعدے کر کے یوٹرن نہیں لیتا تھا، نواز شریف

    خیبر پختونخوا والو، آپ بھی جھوٹے شخص کے جھانسے میں آگئے؟ نواز شریف کا سوال

    مریم نواز کے جلسے میں پارٹی پرچم پھاڑنے والے طالب علموں پر مقدمہ درج

     نواز شریف کے مخالف عبرت ناک انجام کو پہنچ رہے ہیں

    پاکستان کو نواز دو کے سلوگن سے مسلم لیگ ن نے انتخابی منشور جاری 

    ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

     پرانے سیاستدان عوامی خدمت کے بجائے ذات کیلئے سیاست کررہے ہیں

  • پیپلزپارٹی کی کشیدگی کم کرنے کے لئے ایم کیو ایم کو بات چیت کی دعوت

    پیپلزپارٹی کی کشیدگی کم کرنے کے لئے ایم کیو ایم کو بات چیت کی دعوت

    پیپلز پارٹی کے رہنماؤں، سابق صوبائی وزرا، سعید غنی اور سید ناصر حسین شاہ نے کراچی میں پریس کانفرنس کی ہے

    سید ناصر حسین شاہ کا کہنا تھا کہ پیپلزپارٹی نےکبھی لسانیت کی سیاست کو فروغ نہیں دیا،کراچی میں جو واقعہ ہوا اس کی جوڈیشل انکوائری ہونی چاہیے،ذمہ داران کا تعلق کسی بھی پارٹی سے ہوانہیں سزا ملنی چاہیے،ہم لاشوں اورجلاؤ گھیراؤ کی سیاست پر یقین نہیں رکھتے،کراچی میں امن کیلئےپاک فوج اور رینجرز نے قربانیاں دی ہیں،الیکشن کا ماحول پرامن ہونا چاہیے،سابق چیئرمین پی ٹی آئی کوسزا مکافات عمل ہے،سابق چیئرمین پی ٹی آئی اسی جج کی تعریف کرتےتھےجس نےسزا دی،سابق چیئرمین پی ٹی آئی کےوکیل تیاری کرکےعدالتوں میں نہیں جاتے،ہماری قیادت کےخلاف بھی ایسے فیصلے آتے رہےہیں،

    پیپلزپارٹی نے کشیدگی کو کم کرنے کے لئے ایم کیو ایم کو بات چیت کی دعوت دے دی، ناصر حسین شاہ کا کہنا تھا کہ ہم نے کبھی بھی لسانیت کی سیاست کو فروغ نہیں دیا،کراچی میں جو واقعہ ہوا اس کی جوڈیشل انکوائری ہونی چاہیے،کوئی بھی مجرم ہے اس کو سزا ضرور ملنے چاہیے۔پیپلز پارٹی ہمیشہ امن کی بات کرتی ہے،الیکشن آٹھ فروری کو ہو جائیں گے، اس طرح کی صورتحال نہیں ہونی چاہئے، ہمارے رہنماؤں سعید غنی،وقار مہدی سب نے کہا کہ تحقیقات ہوں‌تا کہ سب چیزیں سامنے آئیں، ایم کیو ایم رہنما بھی اس مسئلے کو سنجیدگی سے لیں، الجھانے کی بجائے افہام و تفہیم کی بات کی جائے الیکشن مہم پر فوکس کیا جائے، بجائے اسکے اس طرح کا تاثر جائے ،کہ اشتعال دلانے والی کوئی بات نہ ہو.

    ناظم آباد واقعہ، پیپلز پارٹی کے لوگ ملوث ہوئے تو سزا کیلئے تیار ہیں،سعید غنی

    این اے 127، بلاول کی حمایت کرنیوالوں کی گرفتاریاں، الیکشن کمیشن کو خط

    ہمارے آفس پر بیٹھے ساتھیوں پر گولیاں چلائی جارہی ہیں،مصطفیٰ کمال

    الیکشن خونی بننے لگے،کراچی میں گولیاں چل گئیں، ایک کی موت

    خالد مقبول صدیقی نے کہا ہے کہ ایم کیو ایم پاکستان نے کراچی میں امن قائم کیا

  • پیپلز پارٹی واحد جماعت ہے جس نے غریب دوست اور عوام دوست منشور پیش کیا،آصفہ بھٹو

    پیپلز پارٹی واحد جماعت ہے جس نے غریب دوست اور عوام دوست منشور پیش کیا،آصفہ بھٹو

    کراچی: پیپلز پارٹی کے چئیرمین بلاول بھٹو زرداری کی ہمشیرہ آصفہ بھٹو زرداری نے کہا ہے کہ پیپلز پارٹی واحد جماعت ہے جس نے غریب دوست اور عوام دوست منشور پیش کیا ہے-

    باغی ٹی وی: آصفہ بھٹو زرداری نے پیپلز پارٹی کی ملک گیر انتخابی مہم کے سلسلے میں کراچی کے علاقے لیاری کا دورہ کیا لیاری کے مختلف مقامات پر عوام سے خطاب کرتے ہوئے آصفہ بھٹو زرداری نے کہا کہ پیپلز پارٹی واحد جماعت ہے جس نے غریب دوست اور عوام دوست منشور پیش کیا ہے، 8 فروری کو ہونے والے عام انتخابات میں پیپلز پارٹی جیتے گی اور چیئرمین بلاول بھٹو زرداری ملک کے وزیر اعظم بنیں گے کیونکہ پیپلز پارٹی اور عوام مل کر پاکستان کی تقدیر بدل سکتے ہیں۔

    آصفہ بھٹو زرداری نے کہا کہ ہم غربت کےخاتمے،عوامی حکومت بنانے اور پاکستان کے عوام اور غریب محنت کشوں کو خوشحال بنانے کا وعدہ کرتے ہیں پیپلز پارٹی نے لوگوں کو معیاری صحت اور بچوں کو مفت تعلیم فراہم کی ہے سندھ میں ’’بینظیر مزدور کارڈ‘‘ کا اجرا شروع ہوگیا اور پھر دوسرے صوبوں تک بڑھایا جائے گا، ہم نے کراچی کے لوگوں کے لیے پیپلز بس سروس اور گرین بس لائن بس سروس شروع کی۔

    بھارتی وزیر کی تاریخی درگاہ کی جگہ مندر بنانے کی دھمکی

    انہوں نے کہا کہ سولر انرجی پارکس کے ذریعے عوام کو 300 یونٹ مفت بجلی فراہم کی جائے گی علاوہ ازیں انہوں نے عوام سے اپیل کی کہ وہ ووٹ دانشمندی سے استعمال کریں اور تیر کے نشان کو ووٹ دے کر چیئرمین بلاول بھٹو زرداری کو وزیراعظم بنائیں۔

    پنجاب کے چند میدانی علاقوں میں بھی ہلکی بارش متوقع

    نواز شریف کو چوتھی بار چننے سے انتخابی منشور پر عمل نہیں ہوگا،بلاول زرداری

  • ناظم آباد واقعہ، پیپلز پارٹی کے لوگ ملوث ہوئے تو سزا کیلئے تیار ہیں،سعید غنی

    ناظم آباد واقعہ، پیپلز پارٹی کے لوگ ملوث ہوئے تو سزا کیلئے تیار ہیں،سعید غنی

    سندھ کے سابق صوبائی وزیر، پیپلز پارٹی کے رہنما سعید غنی نے کہا ہے کہ ناظم آباد مین بہت افسوسناک واقعہ ہوا، جس میں ایک معصوم شہری کی جان چلی گئی

    سعید غنی کا کہنا تھا کہ ہمارے پارٹی کے کارکنان شدیدزخمی ہیں،کل ناظم آباد میں افسوسناک واقعہ ہوا ، گزشتہ کئی روز سے پیپلز پارٹی کے دفاتر پر حملے ہو رہے تھے، کارکنان پر تشدد ہورہا تھا،ہم نے ایک دفتر پر حملہ کی ایف آئی آر درج کرائی، اس کے بعد ایم کیو ایم نے ہمارے ورکرز پر ایف آئی آر کرائی، مختلف جگہوں پر ناظم آباد میں ہمارے بینرز اور جھنڈے جلائے گئے،ہمارے کارکن کے گھر کارتوس بھیج دیا گیا یہ تمہارے لیے ہیں، ہماری ایک میٹنگ میں ایم کیو ایم کے لوگ گھسے،جعفر طیار میں ہمارے بینرز پھاڑے گئے،ضلع وسطی کے بہت سے علاقوں میں ہمارے جھنڈے بینرز اتارے جارہے تھے، کل وسطی میں پیپلز پارٹی نے اچھا جلسہ کیا،اس کے بعد واقعہ ہوا،ایک ویڈیو ایم کیو ایم کی خاتون نے سوشل میڈیا پر ڈالی،اس پر فائرنگ کرنے والے پیپلز پارٹی کی گاڑیوں پر کررہے تھے،وہاں پولیس وہاں موجود تھی،سارا واقعہ پیپلز پارٹی کی موجودگی میں ہوا،ہمارے ضلعی صدر نے کہا رینجرز کو بلایا جائے،پولیس کی موجودگی میں ایم کیو ایم کے غنڈوں نے پیپلزپارٹی کارکنان پر سیدھے فائر کیئے، ہم پولیس کو کہتے رہے کہ نفری منگوائیں یا رینجرز کو بلائیں، مگر پولیس خاموش تماشائی بنی رہی۔

    سعید غنی کا کہنا تھا کہ پیپلز پارٹی کے لوگ ملوث ہوئے تو سزا کیلئے تیار ہیں،نگران حکومت کل کے واقعے کی مکمل تحقیقات کرائے،مصطفیٰ کمال کا رویہ اور انداز بہت خراب ہے، مصطفیٰ کمال کھلے عام دھمکیاں دے رہے ہیں،ایم کیو ایم شہر میں بدامنی کرواکر اور پھر اس دوران ٹھپے لگاکر ہی الیکشن جیت سکتی ہے، ورنہ ان کا حشر 2018 کے الیکشن سے بھی برا ہونے والا ہے۔ایم کیو ایم شہر میں وہی کام کرنا چاہتی ہے کہ جس کے بارے چند دن قبل تک مصطفی کمال کہتے رہے ہیں کہ ایم کیو ایم بھارتی ایجنٹ ہے، یہ لوگ گِدھ ہیں کہ جو شہر کو نوچ نوچ کر کھا رہے ہیں، ان کی روزی روٹی ہی شہر کی بدامنی پر چلتی ہے۔

    این اے 127، بلاول کی حمایت کرنیوالوں کی گرفتاریاں، الیکشن کمیشن کو خط

    ہمارے آفس پر بیٹھے ساتھیوں پر گولیاں چلائی جارہی ہیں،مصطفیٰ کمال

    الیکشن خونی بننے لگے،کراچی میں گولیاں چل گئیں، ایک کی موت

    عمران خان کیخلاف بات کرنے پر پی ٹی آئی رہنما نے امام مسجد کو منافق کہہ دیا

    میں وعدے کر کے یوٹرن نہیں لیتا تھا، نواز شریف

    خیبر پختونخوا والو، آپ بھی جھوٹے شخص کے جھانسے میں آگئے؟ نواز شریف کا سوال

    مریم نواز کے جلسے میں پارٹی پرچم پھاڑنے والے طالب علموں پر مقدمہ درج

     نواز شریف کے مخالف عبرت ناک انجام کو پہنچ رہے ہیں

    پاکستان کو نواز دو کے سلوگن سے مسلم لیگ ن نے انتخابی منشور جاری 

    ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

     پرانے سیاستدان عوامی خدمت کے بجائے ذات کیلئے سیاست کررہے ہیں

    شہر کے امن کو تباہ ہونے سے بچائیں,مسرور احسن
    پیپلز پارٹی ضلع وسطی کے صدر مسرور احسن کا کہنا ہے کہ ایم کیو ایم کے دہشت گردوں نے پیپلز پارٹی کے کارکنان پر تشدد اور جان لیوا حملہ کیا , ایک بار پھر کراچی کے امن کو تباہ کرنے کی سازش کی جا رہی ہے,پیپلز پارٹی کے کارکنان کی گاڑیاں بھی جلائی گئیں, ناظم آباد میں پیش آنے والے واقعے کی بھرپور مذمّت کرتے ہیں، درخواست کرتے ہیں کہ اس شہر کے امن کو تباہ ہونے سے بچائیں

    واضح رہے کہ انتخابات 2024 خونی بنتے جا رہے، شہر قائد کراچی میں دو سیاسی جماعتوں کے کارکنان کے مابین جھگڑے کے دوران گولیاں چل گئیں، ایک شخص کی موت ہو گئی جبکہ ایک زخمی ہو گیا،واقعہ ناظم آباد میں پیش آیا،ناظم آباد نمبردو میں الیکشن مہم کے دوران دو سیاسی جماعتوں کے کارکنان کے مابین جھگڑا ہوا، پہلے ایک دوسرے پر کرسیاں چلائی گئیں پھر گولیاں چل گئیں، فائرنگ سے سیاسی جماعت کا کارکن 48 سالہ فراز ہلاک جبکہ ایک کارکن زخمی ہو گیا

    کراچی میں دو سیاسی پارٹیوں کے درمیان جھنڈا لگانے پر تصادم و فائرنگ اور ضلع صوابی میں پوسٹل بیلٹ چھینے جانے کے واقعات کا سخت نوٹس لیتے ہوئے کمیشن نے متعلقہ چیف سیکرٹری اور آئی جی صاحبان سے رپورٹس طلب کی ہیں تاکہ ان واقعات میں ملوث افراد کے خلاف الیکشن قوانین کے تحت بھی کاروائی کی جا سکے

    ناظم آباد واقعہ، پیپلز پارٹی کے لوگ ملوث ہوئے تو سزا کیلئے تیار ہیں،سعید غنی

    این اے 127، بلاول کی حمایت کرنیوالوں کی گرفتاریاں، الیکشن کمیشن کو خط

    ہمارے آفس پر بیٹھے ساتھیوں پر گولیاں چلائی جارہی ہیں،مصطفیٰ کمال

    الیکشن خونی بننے لگے،کراچی میں گولیاں چل گئیں، ایک کی موت

    ناظم آباد میں ایم کیو ایم کارکن کا قتل قابل مذمت،تحقیقات کی جائیں، حافظ نعیم الرحمان

  • این اے 127، بلاول کی حمایت کرنیوالوں کی گرفتاریاں، الیکشن کمیشن کو خط

    این اے 127، بلاول کی حمایت کرنیوالوں کی گرفتاریاں، الیکشن کمیشن کو خط

    پاکستان پیپلز پارٹی نے چیف الیکشن کمشنر کو خط لکھا ہے،

    انچارج الیکشن سیل سینیٹر تاج حیدر نے الیکشن کمیشن کو این اے 127 کی صورتحال سے متعلق آگاہ کیا، خط کے متن میں کہا گیا کہ این اے 127 میں دوسری جماعتوں سے پی پی پی کی مہم میں شامل ہونے والوں کو پولیس گرفتار کر رہی ہے۔پنجاب پولیس نے اس طرح علاقے میں دہشت کا راج شروع کر دیا ہے تاکہ خواہشمند دوسروں کو منتشر کیا جا سکے۔پی پی پی کی حمایت گزشتہ روز شہزاد اور شہباز جو پہلے پی ٹی آئی کے کارکن تھے نے ہماری پارٹی میں شمولیت کا انتخاب کیا۔بہار کالونی سے پی ٹی آئی کے دیگر کارکنوں کے ایک گروپ کے ساتھ اور حمایت کے لیے شمولیت کا اعلان کیا۔بلاول کی حمایت کرنے والے کو علاقہ پولیس نے اٹھا لیا۔اسی طرح مسلم لیگ (ن) کی کونسلر محترمہ خالدہ پروین کو بھی اٹھا کر اندر رکھا گیا جنہوں نے بلاول کی حمایت کی ہے،ہمیں خدشہ ہے کہ اگر ان کو نہ روکا گیا تو اس طرح کے فاشسٹ ہتھکنڈوں میں مزید اضافہ ہوگا۔خالدہ پروین کو 4 ماہ پرانی ایف آئی آر کےتحت گرفتار کیا گیا ہے، ذوالفقار بدر نے کارکنوں کی رہائی کے لیے اعلیٰ افسران سے رابط کیا تاہم داد رسی نہیں ہو سکی

    امیدوار قومی اسمبلی این اے 39 بنوں فرزانہ شیرین کے انتخابی مہم کے دوران شہید بینظیر بھٹو کی تصاویر، پینافلیکس پھاڑنے، پارٹی جھنڈے اتارنے پر انچارج سنٹرل الیکشن سیل تاج حیدر نے الیکشن کمیشن اور فرزانہ شیرین نے ڈسٹرکٹ انتظامیہ کو خط لکھ دیئے اور فوری طور پر تحقیقات کا مطالبہ کر دیا

    ہم ووٹ مانگنے جاتے تو لوگ خواجہ سرا سمجھ کر 50 کا نوٹ دیتے، نایاب علی

    الیکشن کمیشن میں ڈیٹا سنٹر بارے بریفنگ،صحافیوں کا بائیکاٹ،احتجاج

    چیف الیکشن کمشنر کا سخت رویہ، الیکشن کمیشن کے افسران بیمار ہونے لگے

    ہم الیکشن کمیشن سے پنجاب میں پولیس گردی کا نوٹس لینے کا مطالبہ کرتے ہیں،شیری رحمان
    پیپلز پارٹی کی نائب صدر اور سینیٹر شیری رحمان کا کہنا ہے کہ پنجاب پولیس پیپلز پارٹی کو نشانہ بنا رہی ہے،این اے 127 لاہور میں پیپلزپارٹی کے نمائندوں کی گرفتاری قابل مذمت ہے، اس حلقے سے بلاول بھٹو زرداری الیکشن لڑ رہے ہیں، چند دن پہلے ہمارے الیکشن آفس پر پیٹرول بموں سے حملہ کیا گیا، پنجاب پولیس ہمارے نمائندے اور حمایتی گرفتار کر رہی ہے، پیپلز پارٹی میں شامل ہونے والے شہزاد اور شہباز کو پولیس نے گرفتار کیا،ن لیگ سے پیپلز پارٹی میں آنے والی خدیجہ پروین کو بھی کل پنجاب پولیس نے گرفتار کیا، پارٹی عہدیدار نے سی سی پی او سے رابطہ کیا تو انہوں نے غلط زبان استعمال کی،شہزاد، شہباز اور خدیجہ پروین کو فوری رہا کیا جائے، ہم الیکشن کمیشن سے پنجاب میں پولیس گردی کا نوٹس لینے کا مطالبہ کرتے ہیں

    گزشتہ روز بھی پیپلز پارٹی کے انچارج سینٹرل الیکشن سیل اور سینیٹر تاج حیدر نے چیف الیکشن کمشنر کو خط لکھ کر این اے 73 ڈسکہ میں زیرِ حراست 3 کارکنوں کی فوری رہائی کا مطالبہ کر دیا۔خط میں تاج حیدر نے لکھا ہے کہ ہمارے 3 کارکن رانا گلزار، رانا بہادر علی اور رانا احسان کو گزشتہ رات گرفتار کیا گیا۔انہوں نے خط میں کہا ہے کہ پولیس کی وردی میں ملبوس اہلکاروں نے ہمارے الیکشن آفس میں فرنیچر اور دیگر سامان کو نقصان پہنچایا، پولیس کھلے عام ن لیگ کے امیدوار کی حمایت کر رہی ہے، ہمارے کارکنوں اور ہمدردوں کو ہراساں کیا جا رہا ہے۔سینیٹر نے خط میں چیف الیکشن کمشنر سے استدعا ہے کہ فوری مداخلت کریں اور حکم دیں کہ بے گناہ کارکنوں کو فوری رہا کیا جائے۔

  • ملتان میں پیپلز پارٹی نے مسلم لیگ ن کی بڑی وکٹ گرا دی

    ملتان میں پیپلز پارٹی نے مسلم لیگ ن کی بڑی وکٹ گرا دی

    ملتان: ملتان میں پاکستان پیپلز پارٹی نے مسلم لیگ ن کی بڑی وکٹ گرا دی ہے۔

    باغی ٹی وی: ملتان کے صوبائی اسمبلی کے حلقے پی پی 213 سے مسلم لیگ ن کے سابق ٹکٹ ہولڈر ملک عامر بپی نے پاکستان پیپلز پارٹی میں شمولیت کا اعلان کردیا ،سابق وزیراعظم یوسف رضا گیلانی کے اعزاز میں شمولیتی تقریب کے انعقاد کے موقع پر اعلان کیا گیا ،تقریب میں سابق صوبائی وزیر سید علی حیدر گیلانی بھی شریک ہوئے۔

    دوسری جانب میرپورخاص سے پاکستان تحریک انصاف کے امیدوار ممتاز شاہ پیپلز پارٹی کےحق میں دستبردار ہوگئے ممتاز شاہ پی ٹی آئی سندھ کے سینئر نائب صدر بھی تھے، انہوں نے پاکستان پیپلز پارٹی کی رہنما فریال تالپور سے ملاقات کے بعد غیر مشروط حمایت کا اعلان کیا تحریک انصاف چھوڑ کر پیپلز پارٹی میں شمولیت اختیار کرلی ہےپیپلز پارٹی سے جو ہدایات ملیں گی اس کے تحت کام کروں گا۔

    ملک کا آئین پاکستان کے عوام اور خود کو تحفظ دینے میں ناکام ہوا،خالد مقبول …

    پی ٹی آئی رہنما کی پیپلز پارٹی میں شمولیت

    اینکر پرسن ارم چوہدری انتقال کر گئیں

  • اس ملک کو صرف پاکستان پیپلزپارٹی ہی بچا سکتی ہے،بلاول

    اس ملک کو صرف پاکستان پیپلزپارٹی ہی بچا سکتی ہے،بلاول

    راولپنڈی: چیئرمین پیپلزپارٹی بلاول بھٹو زرداری نے کہا ہے کہ جوسمجھتے ہیں کہ وہ چوتھی بار وزیراعظم بن رہے ہیں ، سابق چیئرمین پی ٹی آئی وزیراعظم نہیں بن سکتے۔

    باغی ٹی وی : راولپنڈی کے لیاقت باغ میں جلسے سے خطاب میں بلاول بھٹو زرداری نے کہا کہ ایک جماعت نے وہی پرانی سیاست اپنائی ہے، وہ سمجھتے ہیں کہ وہ شاید چوتھی بار وزیراعظم بن سکتے ہیں، یہ ان کی غلط فہمی ہے طاقت کا سر چشمہ عوام ہے، آپ نے 8 فروری کو ووٹ دینا ہے تیر کومہرلگانا ہے، وہ آپ کو تقسیم اور گمراہ کرنا چاہتے ہیں، ووٹ کے صحیح استعمال سےآپ چوتھی بار کی سازش ناکام بناسکتے ہیں۔

    ان کا کہنا تھا کہ میں اس شہر میں موجود ہوں جہاں ذوالفقاربھٹو کوشہید کیا گیا، میں اس جگہ کھڑا ہوں جہاں بےنظیر بھٹو نے اپنی آخر سانسیں لی تھیں، میں آج یہاں موجود ہوں کیونکہ پاکستان خطرے میں ہے، اس ملک کو صرف پاکستان پیپلزپارٹی ہی بچا سکتی ہے،قائد عوام نے ہمیں روٹی کپڑا کا نعرہ دیا، ہم نے عوامی معاشی معاہدہ پیش کیا ہےہمارا دس نکاتی عوامی معاشی معاہدہ بےروزگاری کو کم کرےگا۔

    جمہوریت پر چلنے سے مسائل حل ہوں گے اور بلوچستان کی بقا اسی میں ہے …

    بلاول نے کہا کہ ایک بار پھر یہ دھرتی مجھے اور آپ کو پکار رہی ہے، ہماری جماعت سب کو ساتھ لے کر چل سکتی ہے، پیپلزپارٹی نفرت اور تقسیم کی سیاست کو ہمیشہ کےلیےختم کرنا چاہتی ہے، پاکستان میں کوئی اچھے یا بُرے طالبان نہیں ہوں گے، اگرکوئی ملک کےخلاف ہتھیار اٹھائے گا تو منہ توڑ جواب دیں گے۔

    الیکشن کمیشن سے مطالبہ کرتے ہیں کہ ہمارے راستے میں رکاوٹیں نہ ڈالی جائیں،بیر سٹر …

    دوسری جانب آصفہ بھٹو کا کراچی میں انتخابی مہم کے دوران خطاب میں کہنا تھا کہ پیپلز پارٹی اقتدار میں آ کر غربت کا خاتمہ کرے گی، خواتین اور نوجوانوں کو روزگار اور کاروبار کے مواقع فراہم کریں گے،بے نظیر بھٹو مزدوروں اور طلبہ کی آواز تھیں، میں اور بلاول عوام کی آواز بنیں گے، 8 فروری کو عوام اور پیپلز پارٹی کی جیت ہو گی۔

    ہمارے راستے میں رکاوٹیں نہ ڈالی جائیں،بیر سٹر …

  • بلاول بھٹو نے نواز شریف کے ساتھ مناظرے کے چیلنج کی شرط قبول کر لی

    بلاول بھٹو نے نواز شریف کے ساتھ مناظرے کے چیلنج کی شرط قبول کر لی

    لاہور: چیئرمین پیپلز پارٹی بلاول بھٹو زرداری نے نواز شریف کو مناظرے کے چیلنج پر شہباز شریف کی شرط قبول کرلی ہے۔

    باغی ٹی وی :ایک بیان میں شہباز شریف نے بلاول کا نام لیے بغیر کہا تھا کہ کل ایک صاحب نے نواز شریف کو مناظرے کی دعوت دی، وہ نواز شریف کو مناظرے کے بجائے سندھ کے معائنےکی دعوت دیتے تو اچھا تھا، مناظرہ بھی ہو جاتا اور موازنہ بھی۔
    https://x.com/CMShehbaz/status/1751215224512975258?s=20
    تاہم سوشل میڈیا ویب سائٹ یکس پر ایک بیان میں بلاول نے بھی شہباز شریف مناظرے کے حوالے سے مشروط آمادگی پر ردعمل دیا بلاول کا کہناتھا کہ میں مناظرے اور معائنے کے لیے تیار ہوں، میاں نواز شریف مجھ سے خیر پور گمبٹ میں مناظرہ کر لیں جہاں کا اسپتال پنجاب کےکسی بھی اسپتال سے بہتر ہے اور یہاں علاج بالکل مفت ہے اور میاں صاحب نے تین بار وزیراعظم بننے کے باوجود بھی گمبٹ کادورہ نہیں کیایا وہ تھر پار کر آجائیں وہاں کے انفرااسٹرکچر کامعائنہ بھی ہوجائےگا اور چولستان سےتھرکا موازنہ بھی ہو جائے گا۔

    مرتضیٰ وہاب نے الیکشن کمیشن کے نوٹس کا جواب جمع کرادیا

    https://x.com/BBhuttoZardari/status/1751290129023725868?s=20
    بلاول کا مزید کہنا تھا کہ تھر میں کوئلےکا منصوبہ جس کے آپ اور آپ کے بھائی مخالفت کرتے تھے، کراچی نہیں بلکہ فیصل آباد کو سستی بجلی فراہم کر رہا ہے، میاں صاحب کراچی کے این آئی سی وی ڈی کے باہر مباحثہ کرلیں جہاں گزشتہ برس پنجاب کے84 ہزار سے زائد افراد کا علاج ہوا جو اس بات کا ثبوت ہےکہ پنجاب کے اسپتالوں میں ایسی سہولیات موجود نہیں ہیں، راہ فرار اختیار نہ کریں، براہ کرم بتائیں کہ کس شہر میں اور کس تاریخ کو آپ کے بھائی نے مباحثہ کرنا ہے-

    امریکا کی ترکیہ کو40 ایف-16 طیاروں کی فراہمی کی منظوری

    ملک میں پٹرول، ڈیزل کی قیمتوں میں اضافے کا امکان