کراچی:پی آئی اے کی یورپ کیلئے پروازوں پر پابندیاں ختم نہ کرنے فیصلہ:یورپین ادارے کا اعلان ،اطلاعات کے مطابق یورپین یونین ایوی ایشن سیفٹی ایجنسی (ایاسا) نے انٹرنیشنل سول ایوی ایشن آرگنائزیشن (ایکاو ) آڈٹ کی بنیاد پر یورپی روٹ کی پابندیاں ختم نہ کرنے کا فیصلہ کرلیا۔

پی آئی اے پر پابندیاں نہ ختم کرنے کے حوالے سے معلوم ہوا ہے کہ یورپی ایوی ایشن سیفٹی ایجنسی نے پی آئی اے کے خط کا جواب دے دیا۔ خط ایاسا کے ایگزیکٹیو ڈائریکٹر نے سی ای او پی آئی اے کو لکھا، جس میں کہا گیا کہ پاکستانی ائیرلائنز سے پابندیاں ہٹانے کیلئے ایاسا سول ایوی ایشن کا آڈٹ کروائے گی،

یورپین ہوابازی کے ادارے کی طرف سے یہ وضاحت کی گئی ہےکہ ایاسا آڈٹ کے بعد یورپی روٹ کی پابندیاں ختم کرنے کا حتمی فیصلہ کیا جائے گا، عالمی ہوا بازی کی تنظیم اکاو آڈٹ کا یورپی روٹ پر پابندی سے کوئی تعلق نہیں، ایاسا اکاو آڈٹ کے بعد بھی سول ایوی ایشن کی کارکردگی کا جائزہ لے گی۔

خط کے متن میں مزید کہا گیا کہ ایاسا تیسرے ملک کے ذریعے پابندی اٹھانے کے لئے آڈٹ کروا سکتا ہے، پابندیاں ہٹانے کے لیے ایاسا متعلقہ حکام سے مشاورت کرے گا، پیشہ وارنہ لائسنس سے متعلق ایاسا حکام کی تحقیقات اب بھی جاری ہیں، کورونا کے باعث ایاسا عملے کی سفری سرگرمیاں محدود ہیں، کورونا صورتحال بہتر ہوتے ہی آڈٹ کروایا جائے گا۔ ایاسا نے پی آئی اے کے سیفٹی مینجمنٹ سسٹم سے متعلق اقدامات پر اعتماد کا اظہار کر دیا۔

یاد رہے کہ چند ہفتے پہلے پی آئی اے کے غیرملکی ادارے کی طرف سے آڈٹ کی رپورٹ آنے کے بعد یہ خوش فہمی تھی کہ اب پاکستان کی قومی ایئرلائنز پریورپ کے دروازے کھول دیئے جائیں گے لیکن ایاسا کے بیان کےبعد مایوسی ہوئی ہے اور اب یہ بھی احساس ہوا ہے کہ بین الاقوامی طور پربھی مختلف ریجنز کی اجارہ داری ہے جو وہ ہر صورت قائم رکھنا چاہتے ہیں‌

اسلام آباد: ایک بار پھر سول ایوی ایشن اتھارٹی کی پروازوں کیلئے نئی ٹریول ایڈوائزری جاری ،اطلاعات کے مطابق سول ایوی ایشن اتھارٹی نے اندرون ملک پروازوں کیلئے نئی ٹریول ایڈوائزری جاری کردی، جس کے تحت مسافروں کے ٹکٹوں پر شناختی کارڈ نمبر درج کرنا لازمی ہوگا، نئے احکامات فوری طور پر نافذالعمل ہوں گے۔

میڈیا رپورٹس کے مطابق سول ایوی ایشن اتھارٹی نے اندرون ملک سفر کرنے والے مسافروں کیلئے نئی ٹریول ایڈوائزری جاری کی ہے جس کے تحت اندرون ملک سفر کیلئے ٹکٹوں پر شناختی کارڈ نمبر درج کرنا لازم ہوگا، آن لائن ٹکٹ بکنگ یا براہ راست ٹکٹ فروخت کے وقت شناختی کارڈ نمبر کا اندراج یقینی بنانا ہوگا۔

ٹریول ایجنسیاں بھی ٹکٹ بک یا فروخت کرتے وقت ٹکٹوں پر شناختی کارڈ نمبر درج کرنے کی پابند ہوں گی۔ سول ایوی ایشن اتھارٹی کے نئے احکامات فوری طور پر نافذالعمل ہوں گے۔

دوسری جانب نیشنل کمانڈ اینڈ آپریشن سینٹر نے نئی پابندیوں کا اعلان کردیا ہے، وزیر منصوبہ بندی اسد عمر کی صدارت میں این سی اوسی کا اجلاس ہوا، جس میں ملک بھر میں کورونا کی موجودہ صورتحال اور احتیاطی تدابیر پر عملدرآمد کا جائزہ لیا گیا، اجلاس میں احتیاطی تدابیر پر 31 جنوری تک عمل جاری رکھنے اور شادی ہالز کے حوالے سے احتیاطی تدابیر پر 15 فرروی تک برقرار رکھنے کا فیصلہ کیا گیا۔

لاہور: پرواز کا روٹ تبدیل کیوں کیا؟نارووال کےرہائشی خالد محمودکاپی آئی اے کولیگل نوٹس ،اطلاعات کے مطابق نارووال کے ایک مسافر جہنون نے چند دن پہلے پی آئی اے پر سفرکیا تھااب اپنے ساتھ ہونے والی زیادتی پر پی آئی اے کو لیگل نوٹس بھیج دیا ہے

اس حوالے سے باغی ٹی وی کو ملنے والی اطلاعات میں بتایا گیا ہے کہ مسافرخالدمحمود نےپی آئی اے انتظامیہ کو 5 کروڑ روپےہرجانہ اداکرنے مطالبہ کیا ہے ، کیا پی آئی اے اتنی بڑی رقم ہرجانےکے طور دے دے گی یا پھرحسب روایت یہ لیگل نوٹس بھی ردی کی ٹوکری میں پھینک دیا جائے گا، فی الحال اس کے بارے میں کچھ نہیں کہا جاسکتا

ذرائع کے مطابق پی آئی اے کو بھیجے جانے والے لیگل نوٹس میں کہا گیا ہے کہ لاہور پہنچنے والی پرواز کو اسلام آباد اتارا گیا۔ جس کی وجہ سے اسے اور اس کے گھروالوں کو پرواز کا روٹ تبدیل کرنے پرپریشانی کا سامنا کرنا پڑا

شہری نے پی آئی اے انتظامیہ ،ایم ڈی پی آئی اے اور سول ایوی ایشن اتھارٹی کونوٹس میں فریق بناتے ہوئے کہاہے کہ چونکہ پی آئی اے نے اپنے وعدے کی خلاف ورزی کی ہے اوراس کے ساتھ ساتھ میرے ساتھ زیادتی کی ہے جس کا ازالہ صرف اسی صورت میں ہوسکتا ہےکہ پی آئی اے اپنے غلط رویے اورعہد کی خلاف ورزی اور اس کے ساتھ ساتھ میرے ساتھ زیادتی کے ہرجانے کے طور پر 5 کروڑ روپے ہرجانہ ادا کرے ورنہ یہ معاملہ بہت آگے جاسکتاہے جس کا نقصان بلا شبہ پی آئی اے کو ہی ہوگا

اسلام آباد:ایک اور این آر او آگیا :جعلی ڈگری پر بھرتی کرنیوالے (ر) افسران کیخلاف کارروائی نہیں ہو سکتی ،اطلاعات کے مطابق سول ایوی ایشن ڈویژن نے ایوان بالا (سینیٹ) کو آگاہ کیا ہے کہ جعلی ڈگری پہ ملازمین کو بھرتی کرنے والے ریٹائرڈ افسران کے خلاف کارروائی نہیں ہو سکتی ہے۔ یہ بات سول ایوی ایشن ڈویژن کی جانب سے سینیٹ کے وقفہ سوالات میں تحریری جواب کے ذریعے بتائی گئی ہے۔

سینیٹ کے وقفہ سواالات میں سول ایوی ایشن ڈویژن کی جانب سے جمع کرائے جانے والے تحریری جواب میں ایوان بالا کو بتایا گیا کہ اب تک جعلی تعلیمی ڈگریوں پر 819 ملازمین کو ملازمتوں سے نکالا جا چکا ہے اور یہ کیسز ایف آئی اے کے سپرد کیے گئے ہیں۔ تحریری جواب میں کہا گیا ہے کہ جعلی ڈگری پر پی آئی اے کے 21 ملازمن کے کیسز پر کارروائی تاحال چل رہی ہے۔

سول ایوی ایشن ڈویژن نے جمع کرائے گئے تحریری جواب میں کہا ہے کہ جعلی ڈگری والے ملازمین کو بھرتی کرنے والے افسران ملازمتوں سے ریٹائر ہو چکے ہیں۔

اس ضمن میں سول ایوی ایشن ڈویژن نے وضاحت کی ہے کہ پی آئی اے قوانین کے تحت ان افسران کے خلاف کارروائی نہیں کی جا سکتی ہے۔ اس موقع پر جماعت اسلامی سے تعلق رکھنے والے سینیٹر مشتاق احمد نے مؤقف اختیار کیا کہ جن افسران نے پی آئی اےمیں جعلی ڈگریوں پر ملازمین بھرتی کیے ان کے خلاف تو کرمنل کارروائی بنتی ہے۔ ان کا کہنا تھا کہ ہمیں پہلے بتایا گیا تھا کہ جعلی ڈگری پر 1500 ملازمین کو نکالا گیا ہے۔

لاہور:موسم کی سختی نے زندگی کے معاملات ہی بدل دیئے:پاکستان آنا اورپاکستان سے جانا ہی مشکل ہوگیا ،اطلاعات کے مطابق ائیرپورٹ پر موسم کی صورتحال کے باعث بیشتر بین الاقوامی ائیرلائنز کے اوقات کارتبدیل کردیئے گئے اور پروازیں کئی کئی گھنٹے تاخیر کا شکار ہے۔

تفصیلات کے مطابق لاہور ائیرپورٹ پر موسم کی صورتحال کے باعث متعدد پروازیں متاثر ہوئی اور دھند کے خدشات کے پیش نظر بیشتر بین الاقوامی ائیرلائنز کے اوقات کارتبدیل کردیئے گئے۔

دوحہ سےآنے والی پرواز کیوآر620بارہ گھنٹے ، استنبول سےآنےوالی پروازٹی کے714نوگھنٹے اور استنبول جانےوالی پروازٹی کے715بھی نوگھنٹے تاخیر کا شکار ہے۔

انتظامیہ نے بتایا کہ لندن جانےوالی پرواز بی اے258 چار گھنٹے ، لندن سےآنےوالی برٹش ائیرکی پرواز4گھنٹے50منٹ ، مشہدسےآنےوالی ایرانی ائیرلائن کی پرواز2گھنٹے اور مشہد جانے والی پروازآئی آر817 دو گھنٹے تاخیر کا شکار ہے۔

اسی طرح کراچی سے آنے والی پرواز پی اے 402 چارگھنٹے ، جدہ جانے والی پرواز پی کے 9759 چار گھنٹے ، جدہ سےآنےوالی پرواز پی کے9760 تین گھنٹے ، جدہ سے آنےوالی پروازایس وی734پانچ گھنٹے اور ریاض سے آنے والی پرواز ایس وی 736 تین گھنٹے 15منٹ تاخیر کا شکار ہے۔دھند کے خدشات کے پیش نظر کراچی سے آنےوالی پروازای آر524منسوخ کردی گئی ہے۔

یاد رہے کہ کل بھی لاہورآنے والی پروازوں کواسلام آبادایئرپورٹ پراترنے کا حکم دے دیا گیا تھا کیونکہ موسم کی خرابی کی وجہ سے طیاروں کا لاہورایئرپورٹ پراترنا مشکل اورخطرناک تھا

لاہور:برٹش ایئرویز کا لاہور کے لیے اپنا فلائٹ آپریشن بند کرنے کا اعلان ،اطلاعات کے مطابق برٹش ایئرویزلاہور کے لیے اپنے شروع ہونے کے صرف 16 ماہ بعد 27 فروری 2022 سے لاہور، پاکستان سے لندن، ہیتھرو کے لیے اپنا فلائٹ آپریشن بند کرنے کا اعلان کیا ہے،

تفصیلات کے مطابق برٹش ایئرویز نے لاہور سے ہیتھرو روٹ کی بکنگ بند کر دی ہے اور اس کی ویب سائٹ میں فروری 2022 کے بعد کی کوئی بکنگ نہیں دکھائی دے رہی ۔ ایوی ایشن رپورٹر طاہر عمران میاں نے بھی اس حوالے سے ٹویٹ کرتے ہوئے تصدیق کی ہے

British Airways to stop Lahore flights.
Just after 16 months.

Key factors.
A recent visit by British officials seems to be the cause. No secret that Lahore airport is a mess lately.
PIA TCO decision coming.
Uncertain future of its Key supporters at PM office.

— Tahir Imran Mian ✈ (@TahirImran) January 2, 2022

طاہر عمران نے اتوار کو ٹویٹ کرتے ہوئے کہا ہے کہ "برٹش ایئرویز 16 ماہ بعد لاہور کی پروازیں بند کر دے گی۔” انہوں نے مزید کہا کہ برطانوی فلیگ کیرئیر کے حکام کی جانب سے ہوائی اڈے کا حالیہ دورہ اس فیصلے کے پیچھے ایک اہم عنصر ہو سکتا ہے۔

واضح رہے کہ لاہور کا علامہ اقبال انٹرنیشنل ایئرپورٹ اپنے مرکزی رن وے کی تعمیر کے باعث دیر سے تعطل کا شکار ہے۔ مزید یہ کہ صوبائی دارالحکومت میں موسم کی خرابی کے باعث پروازیں باقاعدگی سے تاخیر کا شکار اور منسوخ ہو رہی ہیں۔شاید یہی وجہ ہے کہ برٹش ایئرویزنے اپنی سروسز لاہور کے لیے معطل کردی ہیں

The reverse of "Tabdeeli" widely celeberated by Youthias mean that Virgin Atlantic might also pull out of Lahore.
This is also doesn't bid well for other aspirants who every other day we hear about.
But this will help Pakistani airlines who this govt tried their best to destroy. https://t.co/TlxJZi0dIU

— Tahir Imran Mian ✈ (@TahirImran) January 2, 2022

طاہر عمران کہتے ہیں کہ یہ چیز پاکستان میں تبدیلی کے خواہاں لوگوں کے لیے ایک پریشان کن چیز ہے ،ان کا کہنا تھا کہ اگریہ حال رہا تو کل کو اور بھی انٹرنیشنل فضائی کمپنی ایسا فیصلہ کرسکتی ہے

یاد رہے کہ لاہور کےلیے برٹش ایئرویز نے 14 اکتوبر 2020 کو ہفتے میں چار دن کی پرواز کا شیڈول شروع کیا،

ہیتھرو سے لاہور بدھ، جمعہ اور اتوار کو آؤٹ باؤنڈ اور پیر، جمعرات اور ہفتہ کو ان باؤنڈ چلتی ہے۔ یہ 214 سیٹ والے B787-8s کا استعمال کرتا ہے، خاص طور پر کم پریمیم روٹس کے لیے اچھا ہے

اس حوالے سے معلوم ہوا ہے کہ برٹش ایئر ویز نے لاہور کےلیے پروازوں کی منسوخی کا فیصلہ اس وقت کیا جب کیریئر 27 مارچ کو اسلام آباد کو ہیتھرو سے گیٹوک کے لیے پرواز کرے گا،

کہا جاتا ہے کہ پاکستان میں برٹش ایئرویز اور ورجن کی دلچسپی مختلف وجوہات کی بنا پر ہے،جن میں سب سے پہلے تو مضبوط پوائنٹ ٹو پوائنٹ ڈیمانڈ، عام طور پر مضبوط فریٹ ڈیمانڈ ہے ،پھر ہی بین الاقوامی فضائی کمپنیاں اپنی سروسز کی فراہمی پر سوچتی ہیں