انٹرنیشنل لیگ T20 (ILT20) کے منتظمین نے ٹورنامنٹ کے آئندہ دوسرے سیزن پر جوش و خروش کا اظہار کیا ہے، کیونکہ پاکستان کرکٹ بورڈ کی منظوری سے پاکستانی کھلاڑی شرکت کے لیے تیار ہیں۔ILT20 کے چیف آپریٹنگ آفیسر سبحان احمد نے ٹورنامنٹ میں اعلیٰ معیار کے پاکستانی کھلاڑیوں کو شامل کرنے کے بارے میں پر امید ہے،ILT20 کے چیف آپریٹنگ آفیسر سبحان احمد نے دی نیشنل کو بتایا، "یہ ILT20 کے لیے بڑی خبر ہے کہ پی سی بی اپنے کھلاڑیوں کو سرٹیفکیٹ جاری کرے گا۔ہم سیزن ٹو میں ILT20 میں اعلیٰ معیار کے پاکستانی کھلاڑیوں کو دیکھنے کے لیے پر امید ہیں۔ جو کھیل کو فروغ دے گا، اور ہم اس کے منتظر ہیں۔
تاہم، ٹورنامنٹ میں شرکت کرنے والے پاکستان کے مخصوص کھلاڑی کی تصدیق ہونا باقی ہے۔ ذرائع کے مطابق شاہین آفریدی کو پی سی بی نے ایک ہفتے کے لیے آئی ایل ٹی 20 میں شرکت کی اجازت دے دی ہے۔ پاکستان کے دیگر کھلاڑی بھی اپنی دستیابی کے لحاظ سے اس کی پیروی کرنے کا امکان رکھتے ہیں۔اس سے پہلے کرکٹ بورڈ پاکستان نے اطلاع دی ہے، ILT20 کے منتظمین نے شاہین آفریدی، بابر اعظم اور محمد رضوان سمیت سرفہرست کھلاڑیوں کو ٹیم کی کپتانی کرنے اور تین سال کے معاہدے پر دستخط کرنے کے موقع کے ساتھ کافی معاہدوں کی پیشکش کی تھی۔ تاہم پی سی بی نے اپنے کھلاڑیوں کو لیگ میں شرکت کی اجازت نہیں دی۔ پی سی بی کے اس وقت کے چیئرمین رمیز راجہ نے کھلاڑیوں کو آئی ایل ٹی20 میں شرکت کرنے کے بدلے امارات کرکٹ بورڈ سے معاوضے کی درخواست بھی کی تھی۔
Tag: پی سی بی
آئی ایل ٹی 20 نے دوسرے سیزن کے لیے پاکستانی کھلاڑیوں کی شرکت کی تصدیق کردی
پی سی بی کے اعلی سطح ٹیکنکل کمیٹی میں انضمام اور حفیظ شامل
پاکستان کرکٹ بورڈ نے سابق کپتان مصباح الحق کی زیر سربراہی اعلیٰ سطح کی کرکٹ ٹیکنیکل کمیٹی قائم کردی ہے جس میں انضمام الحق اور محمد حفیظ بھی شامل ہیں۔
کرکٹ ٹیکنیکل کمیٹی مجموعی ڈومیسٹک ڈھانچے، شیڈول، پلیئنگ کنڈیشنز، نیشنل سلیکشن کمیٹی کی تقرری، نیشنل ٹیم کے کوچز کی تقرری، سینٹرل اور ڈومیسٹک معاہدوں اور امپائرز، ریفریز اور کیوریٹرز کی بہتری کے منصوبوں سمیت کرکٹ کے امور پر سفارشات پیش کرے گی۔
کرکٹ کمیٹی کو اضافی ماہرین کمیٹی میں شامل کرنے کے اختیارات ہوں گے اور یہ روزانہ کی بنیاد پر پی سی بی کی مینجمنٹ کمیٹی کے سربراہ کو اپنی رپورٹ پیش کرے گی۔پی سی بی کی مینجمنٹ کمیٹی کے سربراہ ذکا اشرف نے کہا کہ میں ملک میں کرکٹ کی بہتری کے لیے مصباالحق، انضمام الحق اور محمد حفیظ کو خوش آمدید کہتے ہوئے بہت خوشی محسوس کررہا ہوں، یہ تین سابق کپتان کرکٹ کی شاندار معلومات رکھتے ہیں اور جدید دور کی کرکٹ کی بہت معلومات رکھتے ہیں،امید ہے ان کے سربراہی میں کر کٹ کو خوب فروغ ملے گا،
ورلڈ کپ میں پاکستان کی شرکت کا فیصلہ کرنے کے لیے کمیٹی کا اجلاس جمعرات کو ہوگا
پاکستان کے وزیر اعظم شہباز شریف کی طرف سے تشکیل دی گئی ایک 14 رکنی ہائی پروفائل کمیٹی کا اجلاس جمعرات کو ہونے والا ہے تاکہ ہمسایہ ملک بھارت میں ہونے والے ورلڈ کپ میں پاکستان کی شرکت کے اہم معاملے کو حل کیا جا سکے۔وزیر خارجہ بلاول بھٹو زرداری اہم اجلاس کی صدارت کریں گے، اور یہ اس بات کا تعین کرنے میں اہم کردار ادا کرے گا کہ آیا پاکستان کرکٹ ٹیم کو ہائی اسٹیک ٹورنامنٹ کے لیے بھارت کا سفر کرنا چاہیے۔ پاکستان کرکٹ بورڈ (پی سی بی) مینجمنٹ کمیٹی کے چیئرمین ذکا اشرف کمیٹی ممبران میں شامل ہوں گے۔14 رکنی کمیٹی میں پاکستان کے وزیر خارجہ بلاول بھٹو، وزیر داخلہ رانا ثناء اللہ، وزیر قانون اعظم نذیر تارڑ، وزیر اطلاعات مریم اورنگزیب، احسان الرحمان، بین الصوبائی رابطہ کے وزیر، قومی سلامتی کے سربراہان جیسی اہم شخصیات شامل ہیں۔
کرکٹ ورلڈ کپ میں پاکستان کی شرکت اعلیٰ اختیاراتی پینل اپنی سفارشات وزیر اعظم شہباز شریف کو فراہم کرے گا، جو بطور سرپرست اعلیٰ، کمیٹی کے ان پٹ کی بنیاد پر میگا کرکٹ ایونٹ میں پاکستان کی شرکت کے حوالے سے حتمی فیصلہ کریں گے۔
بھارت کی جانب سے سرحد پار کرنے اور ایشیا کپ میں شرکت سے انکار سے صورتحال مزید پیچیدہ ہو گئی ہے، جس کے نتیجے میں پاکستان کو تمام میچوں کی میزبانی کا موقع نہیں دیا گیا۔ نتیجتاً، پاکستان اب صرف چار میچوں کی میزبانی کرنے والا ہے، جبکہ ایشیا کپ کے بقیہ میچز سری لنکا میں کھیلے جائیں گے۔
پاکستان کر کٹ بورڈ کی جانب سے ورلڈ کپ شیڈول میں تبدیلی کی درخواست قبول
پاکستان کرکٹ بورڈ (پی سی بی) نے ورلڈ کپ شیڈول میں تبدیلی کی بھارتی درخواست قبول کرلی۔بھارت میں ہونے والے آئی سی سی کرکٹ ورلڈ کپ کے لیے پاکستان نئے شیڈول کے مطابق میچز کھیلنے پر تیار ہوگیا۔
ذرائع کے مطابق روایتی حریف پاکستان اور بھارت کا ہائی وولٹیج میچ جو 15 اکتوبر کو شیڈول کیا گیا تھا وہ اب 14 اکتوبر کو احمد آباد میں ہی کھیلا جائے گا۔
پاکستان اور ہالینڈ کا میچ 6 اکتوبر کو ہوگا تاہم میچ کا مقام تبدیل نہیں کیا گیا، میچ حیدر آباد میں ہی ہوگا۔قومی ٹیم کو ورلڈ کپ میں اپنا دوسرا میچ سری لنکا کے ساتھ جو پہلے 12 اکتوبر کو کھیلنا تھا اس کو 2 دن پہلے کردیا گیا ہے جبکہ یہ میچ اب 10 اکتوبر کو حیدرآباد میں ہوگا۔پی سی بی نے ورلڈ کپ میچز کے شیڈول میں ردوبدل پر بھارتی کرکٹ بورڈ حکام کو کوئی اعتراض نہ ہونے کا جواب بھجوا دیا ہے۔خیال رہے کہ بھارت میں نوراتری تہوار اور چند بورڈز کی درخواست کی وجہ سے میچز کی ری شیڈولنگ کا فیصلہ کیا گیا، ری شیڈولنگ میں وینیوز نہیں صرف تاریخیں تبدیل ہوں گی، ورلڈکپ میں پاکستان کے دو میچز ری شیڈول کیے جانے کا امکان ہے۔
ذرائع کے مطابق پاکستان اور ہالینڈ کا میچ 6 کے بجائے 5 اکتوبر کو یا بعد میں کرائے جانے کی تجویز ہے، پاکستان اور بھارت کا میچ 15 کے بجائے 14 اکتوبر کو ہوگا۔
ایشیا کپ : شیڈول کےاعلان میں شاید ملکوں میں وقت کا فرق ہونے کی وجہ سے غلط فہمی ہوگئی،ذکا اشرف
پاکستان کرکٹ بورڈ (پی سی بی) کی مینجمنٹ کمیٹی کے سربراہ ذکا اشرف کا کہنا ہے کہ ایشیاکپ شیڈول کے اعلان میں شاید ملکوں میں وقت کا فرق ہونے کی وجہ سے غلط فہمی ہوگئی
باغی ٹی وی :نجی ٹی وی کو دیئے گئے خصوصی انٹرویو میں چیئرمین پی سی بی ذکا اشرف نے کہا کہ ایشین کرکٹ کونسل (اے سی سی) کے صدر جے شاہ کی جانب سے پہلے شیڈول کا اعلان کیا گیا جس پر ہم نے ایشو نہیں بنایا،پاکستان نے بڑے پن کا مظاہرہ کیا، چاہتے تو بہت کچھ کہہ سکتے تھے تاہم تعلقات کو بہتر کرنے کے لیے ایسی باتوں کو نظر انداز کرنا ہوگا،ایشیاکپ شیڈول کے اعلان میں شاید ملکوں میں وقت کا فرق ہونے کی وجہ سے غلط فہمی ہوگئی، بہرحال ہم نے اس کو مسئلہ نہیں بنایا ہمیں کوئی فرق بھی نہیں پڑا البتہ ٹرافی کی رونمائی کی اچھی تقریب ہوئی، جس میں سابق کرکٹرز بھی شریک ہوئے اور قومی ٹیم کیلئے نیک خواہشات کا اظہار کیا۔
پاک بھارت ورلڈ کپ میچ ری شیڈول،نئی تاریخ سامنے آگئی
واضح رہے کہ ایشیاکپ کے شیڈول کا اعلان جے شاہ نے تقریب کے آغاز سے کچھ دیر قبل ٹوئٹ کردیا تھا جس پر انہیں شائقین کی جانب سے شدید تنقید کا نشانہ بنایا گیا تھا تاہم بورڈ نے کوئی جواب باضابطہ نہیں دیا تھا ایشیاکپ کا آغاز رواں ماہ 30 اگست سے ہوگا، افتتاحی میچ میں پاکستان اور نیپال کی ٹیمیں ملتان میں ایک دوسرے کے مدمقابل آئیں گی 31 اگست کو کینڈی میں بنگلا دیش اور سری لنکا کی ٹیمیں مد مقابل ہوں گی، روایتی حریف پاکستان اور بھارت کے درمیان میچ دو ستمبر کو کینڈی میں کھیلا جائے گا جبکہ ایشیاکپ کا فائنل 17 ستمبر کو کولمبو میں ہوگا۔
تین ون ڈے انٹرنیشنل میچ سیریز؛ سری لنکا میں کھیلی جائے گی، افغانستان بورڈ کی …
ایشین کرکٹ کونسل اور پاکستان کرکٹ بورڈ کی جانب سے جاری کردہ شیڈول کے مطابق 50 اوورز فارمیٹ کا یہ ٹورنامنٹ 30 اگست سے 17 ستمبر تک کھیلا جائے گا،ایشیا کپ کے 13 میچوں کے لیے چار وینیوز کا انتخاب کیا گیا ہے۔ جن میں سے پاکستان چار میچوں کی میزبانی کرے گا۔ ملتان میں ایک جبکہ لاہور میں تین میچ کھیلے جائیں گے۔
سری لنکا میں نو میچز ہوں گے جن میں سے کینڈی میں تین اور کولمبو میں چھ میچز کھیلے جائیں گےسری لنکا میں کینڈی پہلے راؤنڈ کے تین میچوں کی میزبانی کرے گا جس کے بعد کولمبو میں سپر فور مرحلے کے پانچ میچوں کے علاوہ 17ستمبر کو ہونے والا فائنل بھی کھیلا جائے گا۔
ورلڈ کپ 2023،ٹکٹوں کی آن لائن فروخت کب سے شروع ہو گی؟
ایشیا کپ 2023ء کا شیڈول
گروپ اے ۔ پاکستان ( اے ون ) انڈیا ( اے ٹو ) اور نیپال۔
نیپال اس ٹیم کی سیڈنگ میں جگہ لے گی جو سپر فور مرحلے کے لیے کوالیفائی نہیں کرپائے گی۔
گروپ بی ۔ سری لنکا ( بی ون ) بنگلہ دیش ( بی ٹو ) اور افغانستان۔
افغانستان اس ٹیم کی سیڈنگ میں جگہ لے گی جو سپر فور مرحلے میں جگہ نہیں بناسکے گی۔
30 اگست۔ پاکستان بمقابلہ نیپال ۔ ملتان کرکٹ اسٹیڈیم ۔ملتان
31 اگست۔ بنگلہ دیش بمقابلہ سری لنکا ۔ پالیکلے انٹرنیشنل کرکٹ اسٹیڈیم کینڈی
2 ستمبر ۔ پاکستان بمقابلہ انڈیا۔ پالیکلے انٹرنیشنل کرکٹ اسٹیڈیم۔کینڈی۔
3 ستمبر۔بنگلہ دیش بمقابلہ افغانستان ۔ قذافی اسٹیڈیم لاہور۔
4 ستمبر۔انڈیا بمقابلہ نیپال ۔ پالیکلے انٹرنیشنل کرکٹ اسٹیڈیم۔ کینڈی ۔
5 ستمبر۔ افغانستان بمقابلہ سری لنکا ۔ قذافی اسٹیڈیم ۔ لاہور۔
6 ستمبر۔ اے ون بمقابلہ بی ٹو ( سپر فور مرحلہ ) قذافی اسٹیڈیم لاہور
9 ستمبر۔ بی ون بمقابلہ بی ٹو ( سپر فور مرحلہ ) آر پریماداسا انٹرنیشنل کرکٹ اسٹیڈیم کولمبو ۔
10 ستمبر۔ اے ون بمقابلہ اے ٹو ( سپر فور مرحلہ ) آر پریماداسا انٹرنیشنل کرکٹ اسٹیڈیم کولمبو
12 ستمبر۔ اے ٹو بمقابلہ بی ون ( سپر فور مرحلہ ) آر پریماداسا انٹرنیشنل کرکٹ اسٹیڈیم کولمبو ۔
14 ستمبر ۔اے ون بمقابلہ بی ون ( سپر فور مرحلہ ) آر پریماداسا انٹرنیشنل کرکٹ اسٹیڈیم کولمبو
15 ستمبر۔اے ٹو بمقابلہ بی ٹو ( سپر فور مرحلہ ) آر پریماداسا انٹرنیشنل کرکٹ اسٹیڈیم کولمبو۔
17ستمبر۔ ون بمقابلہ ٹو ( فائنل) آر پریماداسا انٹرنیشنل کرکٹ اسٹیڈیم کولمبو
18 ستمبر ۔ فائنل کے لیے ریزرو ڈے رکھا گیا ہے۔
ایشین گیمز کرکٹ ایونٹ کیلئے پاکستان مینز ٹیم کا اسکواڈ تیار
ایشین گیمز ہینگزو ایشین گیمز مینز کرکٹ ایونٹ میں پاکستان کی قیادت قاسم اکرم کریں گے، ایشین گیمز میں شرکت کرنے والی پاکستان کرکٹ ٹیم میں قومی کرکٹ ٹیم کی نمائندگی کرنے والے پلیئرز بھی شامل ہیں۔ذرائع کا کہنا ہے کہ پاکستان کرکٹ بورڈ نے کھلاڑیوں کی فہرست پاکستان اولمپک ایسوسی ایشن (پی او اے) کو بھجوا دی ہے ذرائع کے مطابق ٹیم میں عامر جمال، آصف علی، ارشد اقبال، عرفات منہاس اور عثمان قادر شامل ہیں۔ایشین گیمز کیلئے پاکستان ویمن ٹیم کا اعلان، بسمہ معروف اسکواڈ سے باہراس کے علاوہ حیدر علی، خوشدل شاہ، مرزا طاہر بیگ، محمد حسنین، محمد اخلاق، عمیر بن یوسف، قاسم اکرم، روحیل نذیر ، شاہنواز دھانی اور صفیان مقیم بھی شامل ہیں۔یاد رہے کہ ایشین گیمز 23 ستمبر سے 8 اکتوبر تک چین میں ہوں گے۔ ایشین گیمز میں کرکٹ کے مقابلے ٹی ٹوئنٹی فارمیٹ میں ہوں گے۔
سابق کپتان مصباح الحق کو پی سی بی میں اہم عہدہ مل گیا
سابق کپتان مصباح الحق کو پی سی بی مینجمنٹ کمیٹی کے سربراہ ذکا اشرف کے مشیر کا عہدہ مل گیا ہے ۔ نجی ٹی وی سے گفتگو کرتے ہوئے مصباح الحق کا کہنا تھا کہ ذکا اشرف سے پی سی بی ہیڈ کوارٹر میں ملاقات ہوئی ہے جس میں انہوں نے مجھے بورڈ میں پرکشش تنخواہ پر کام کرنے کی آفر کی مگر میں نے پہلے سے طے شدہ مصروفیات کی وجہ سے فل ٹائم کام سے معذرت کرلی ہے، ذکا اشرف نے بطور مشیر کرکٹ کی بہتری کے لیے کام کرنے کو کہا جو میں نے قبول کرلیا ہے۔ انہوں نے کہاکہ وہ یہ ذمہ داریاں بلا معاوضہ انجام دیں گے اور اپنے تجربے کی روشنی میں پی سی بی کے ڈومیسٹک اور دوسرے کرکٹ معاملات ٹھیک کرنے کے لیے تجاویز دیں گے۔
ایمرجنگ ایشاء کپ کا ٹائٹل جیتنے پر شاہد آفریدی کا رد عمل
بوم بوم آفریدی نے پاکستان شاہینز کے ہاتھوں ایمرجنگ ایشیا کپ فائنل میں بھارت کی شکست پر زبردست ردعمل دیا ہے ۔ سماجی رابطوں کی سائیٹ ٹویٹر پر پاکستان کرکٹ بورڈ کی جانب سے جاری فاتح ٹیم کی تصویر کو ری ٹویٹ کرتے ہوئے شاہد آفریدی عرف ’’لالہ ‘‘نے لکھا کہ ’’کام ایسے کیا جاتا ہے‘‘ ساتھ ہی انہوں نے ایمرجنگ ایشیا کپ کا ٹائٹل جیتنے پر ٹیم کی تعریف کی، شاہد آفریدی کے مطابق ایمرجنگ ایشیا کپ کا ٹائٹل جیت کر مزہ آ گیا،پورے میچ میں کھلاڑیوں کے اندر زبردست جذبہ دیکھا،طیب طاہر کی سنچری کسی ٹریٹ سے کم نہ تھی ،صائم ایوب اور صاحبزادہ فرحان کا شاندار آغاز نے پاکستان کی جیت میں کلیدی کردار ادا کیا ، نامور کرکٹر نے امید ظاہر کی کہ نوجوان آئندہ بھی اسی طرح کھیل پیش کرتے ہوئے جیت اپنے نام کریں گے ۔
سابق فاسٹ بولر سرفراز نواز کی نوجوان کرکٹرز کو ٹپس دینے کی پیشکش
لیجنڈری سرفراز نواز کی نوجوان فاسٹ بولرزکو ٹِپس دینے کی پیشکش کے لئے چئیر مین پی سی بی زکاء اشرف کو خط لکھ دیا، رواں ہفتے لندن سے لاہور آنے کا پلان بھی بتا دیا، بغیر کسی معاوضے کے ٹِپس دینے کے لیے تیار ہے،سرفراز نواز نے پی ایس ایل اور انٹرنیشنل کرکٹ میں کھیلنے والے نوجوان فاسٹ بولرز کی رہنمائی کرنے کی پیشکش کر دی ہے،
لیجنڈری سرفراز نواز نوجوان فاسٹ بولرز کی ویڈیو دیکھ کر انہیں قیمتی مشورے دیں گے سرفراز نواز کرکٹ میں ریورس سوئنگ کے موجد ہیں، پاکستان کے لیے خدمات دے چکے ہیں سرفراز نواز نے 55 ٹیسٹ اور 45 ون ڈے میچز میں پاکستان کی نمائندگی کی
پاکستان شاہینز نے ثابت کردیا کہ یہ دنیا کی کسی بھی ٹیم سے مقابلہ کر سکتی ہے،زکاء اشرف
پاکستان کرکٹ بورڈ (پی سی بی) مینجمنٹ کمیٹی کے چیئرمین ذکا اشرف نے پاکستان شاہینز کو ایمرجنگ ایشیا کپ 2023 جیتنے پر مبارکباد دی ہے۔ذکا اشرف نے کہا کہ پاکستان شاہینز نے فائنل میں بھارت اے کو کھیل کے ہر شعبے میں آؤٹ کلاس کردیا، تمام کھلاڑیوں نے اپنی صلاحیتوں کا بھرپور مظاہرہ کیا، نوجوان کھلاڑی پاکستان کرکٹ کا مستقبل ہیں۔
چیئرمین مینجمنٹ بورڈ نےکہا کہ پاکستان شاہینز نے ثابت کردیا کہ یہ دنیا کی کسی بھی ٹیم سے مقابلہ کرسکتی ہے، امید ہے یہ جیت مستقبل کے لیے ٹیم کو مزید حوصلہ فراہم کرے گی۔انہوں نے کہا کہ پاکستان شاہینز کا مقصد نوجوان کھلاڑیوں کو مستقبل کے لیے تیار کرنا ہے، نوجوان کرکٹرز کو آگے بڑھنے کے مسلسل مواقع فراہم کرتے رہیں گے، ایمرجنگ ایشیا کپ کی جیت سے ایشیا کپ، ورلڈ کپ میں کھلاڑیوں کو حوصلہ ملے گا۔ذکا اشرف کا کہنا تھا کہ ایشیا کپ بھی سری لنکا میں ہے ہم سب کی نیک تمنائیں ٹیم کے ساتھ ہیں، خوشی ہے سری لنکا میں پاکستانی ٹیم نے پاکستان شاہینز کے ساتھ وقت گزارا، تجربات شیئر کیے، اس وقت پاکستانی ٹیم میں زبردست ہم آہنگی ہے ٹیم ایک ہوکر میدان میں اترتی ہے۔
واضح رہے کہ اتوار کو پاکستان شاہینز نے بھارت اے کو بڑے مارجن سے شکست دے کر ایمرجنگ ایشیا کپ کا کامیابی سے دفاع کیا اور بھارت کو 128 رنز کے بڑے مارجن سے عبرتناک شکست دی۔
